رواية حب الاعشى الفصل الرابع والعشرون 24 - بقلم xv

كان ضاري واقف و عطوه طالعه بدون عبايه و طرحه!

فك ضاري شماغه و غطى عطوه

عطوه
"ضاري تكفى فكني منه "

ضاري
" وش مسوي "
"و وراتس طالعه فاتشه !"

عطوه
" ضاري الله يعافيك فكني منه ماابيه يرقب لمي!"

طلع مسعود
" عطوه تعالي!"

مسكها ضاري وخلها خلف ضهره
" مهي بجايه"

مسعود
" شلون تملس زوجتي انت !"

ضاري
" بتطلقها "

مسعود
" وش الي بطلقها توها ليلة دخلتي "

ضاري
" شف يا مسعود ان ما طلقتها مارح يصير لك خير"

مسعود
" يرجال ارحم نفسك تزوجت و نستك و انت للحين تباها؟ شف وجهك مفقع من الصياح اول مره اشوف رجال يصيح على حرمه"

ضاري
" الحرمه جابتك لولا الحريم منت بدنيا ، مستقوي يا سربوت ؟ "

مسعود
" برفع بلاغ ! تتحرش بزوجتي !"

ضاري
" بلغ ولا اشوفك شي ..."

قالها ضاري و عقبها طاح

عطوه
" ضاري !!"

مسعود
" انا مالي دخل "
" و هالحين ادخلي"

عطوه
"ماعندك قلب انت !"
" مارح اجي ما تفهم انت اتفاقنا كان واضح لكنك مب رجال "

قامت عطوه و دخلت بيت ضاري و راحت لتلفون و بحنبه دفتر الارقام و دقت على بيت متعب

"متعب الحق اخوك"

" عطوه ؟ وشبه و وينه هو"

" عند بيته طاح فجاه مدري وش صار متعب الله يعافيك اسرع"

كان متعب في حالة من الدهشة والارتباك، اذ لم يجد تفسيرًا لوجود عطوه برفقة ضاري لا سيما أن الأخيرة في ليلة زفافها، الأمر الذي أثار تساؤلاته الملحّة حول مكان زوجها وغيابه في هذا الظرف الحاسم

وصل متعب و معه السياره ضاري للحين فاقد الوعي

متعب
" وش صار له "

عطوه
" ماادري ماادري"

ركب ضاري متعب السياره و راح للمستشفى

طلع مسعود من البيت
" عطوه ادخلي"

"مني داخله"

"مسعود كيفتس اقعدي بشارع يحسبونتس طراره"

" شف مسعود انا قبل لا اكون عطوه كنت شخص ثاني تماما يعني لا انت ولا عشر من امثالك يمشي كلمته علي فاهم "

"ادخلي ادخلي ولا يكثر بس"

"انا لو بدخل بدخل عشان نفسي ولا انت ... الله يخلف بس"

دخلت عطوه البيت دخلت المطبخ

"وين الكاسات"

"دوري عليها شدخلني انا"

"مسعود اخلص وينهم!"

"شوفيهم بدرج الثاني فوق"

فتحت الدرج و اخذت الكاس و شربت

"فكي شماغه عنتس"

لفت له و تناظره بستحقار
" اي اي ان شاء الله يصير خير"

راح لها و سحب الشماغ و طيحه بالارض

" تبينه انزلي و جيبيه"

"انت شتبي مني ؟ شتبي ماابيك مااحبك شتبي مجنون انت"

"شوفي طلاق مني مطلق بخليتس على ذمتي "

"سهله افتدي و اروح مب قاصرني شي و مهرك ترا كله ثوب و شماغ"

"انا بروح لم البيت و نتقابل باكر بالمحكمه عيشه معك مارح اعييش"

البست عطوه عبايتها و طلعت

المستشفى

متعب
" وش به ضاري عسى بخير"

الدكتور
"جته ازمه قلبيه لكن تدخلنا لو انك متأخر شوي كان ما قدرنا نسيطر حطينه بغرفة الافاقه "

وضحى تمشي بسرعه اتجاه متعب
"وشبه ضاري وشبه نظر عيني !"

الدكتور
"عن اذنكم"

متعب
" جته ازمه قلبيه"

وضحى
" يويلي ولدي !!"

متعب
"الحين هو بغرفة الافاقه ما صار شي الحمدلله جت خفيفه"

وضحى
"وش الي جاه وين كان من حكاك!"

"جته ازمه قلبيه كلمتني عطوه كانت معه كان طايح بشارع قدام بيته"

"عطوه عطوه ؟"

"اي يمه ، يمه صوتها كان غريب متغير و مدري وش جابها لضاري و بيته ، دقت علي من بيت ضاري"

"وشنهو!"

"يمه انا ما اقصد شي بالحكي بس مستغرب "

"اي اقصد وش جايبها "

"يمه انا مدري ، ارجعي ريحي ضاري يومين و يرجع لنا"

" لا بقعد الين ما ولدي يطلع"

"يمه ضاري بيقعد يومين "

" بقعد"

"يمه ان كان لي خاطر عندتس ارجعي"

"بروح بس الصبح برجع هذاني قلت"

"يمه مارح ندخل عليه الا بعد بكره"

"يمه الحين انتي روحي و ريحي"

راحت وضحى بعد ما تأكدت ان ضاري اشوى

رجعت شافت بنت واقفه عن باب بيتها

وضحى
"هلا يابنيتي وش بغيتي"

"خالتي انا عطوه"

"عطوه ؟ حياتس حياتس"

دخلت عطوه البيت و رفعت غطوتها

"عطوه! وشبه وجهتس"

عطوه بنبرة انكسار ملحوظة
"خالتي انا تعبت تعبت"

وضحى بداخلها كانت مستغربه هذي مو عطوه الي تعرفها عطوه الي أوجعتها الدنيا رغم ذالك وقفت مستحيل عطوه تشتكي عطوه الحين صدق موجوعه

"تكلمي يا بنيتي تكلمي"

"خالتي انا آسفه "

"عطوه؟ وش أسفه ؟ وشوله تعتذرين ؟"

"خالتي انا سويت كذا عشان اقهر ضاري"

"ضاري؟"

"خالتي انا تزوجت مسعود عشان احر ضاري، مسعود قالي انه يبي تزوج وانا انقهرت و رميت نفسي عشان احر ضاري بس ما ظنيت كذا يصير "

وضحى
"انتي ما خطيتي عطوه انتي و ضاري تحبون بعضكم للحين و تبون بعضكم لكنكم اخطيتو بحق بعض ضاري ما يعرف يتصرف و انتي ما تحملتي ، ما الومتس يا عطوه بالعكس انا ابيتس تعرفين و ضاري حدثت عليه ضاري ما تدرين وش صار به ضاري بالبيت مو زي برا ضاري برا قوي لكن من جوا ضاري ضعيف ضعيف حيل بعد ترا ضاري دخل المستشفى بعدتس مرتين ضاري يوم درا انتس انجن تقل مجنون ليلى قيس"

"منتي زعلانه مني ؟"

" وفيه احد يزعل من بنته؟"

"خالتي مسعود مو راضي يطلقنــ"

" افتديه افتديه وانا اجي معتس المحكمه و بشهد انه مطلعتس بتالي الليل"

"الله يخليتس لي"

"امرحي هالحين و بالصباح رباح ، و مهرتس لا تحاتينه انا برده"

" المهر موجود معي هالحين اقوم الصبح و برده له"

" كم قرام ؟"

"مب ذهب "

"امرحي هالحين و باتسر يحلها الف حلال"

جت عطوه تطلع فوق
لفت عطوه على وضحى

"خالتي ممكن اسالتس"

"اسالي يا بعدي"

"رحتي لضاري؟"

"ايه يقولون يمكن يطلعونه عقب ثلاث ايام"

"وش الي جاه؟"

"ما ودتس تعرفين"

"قولي خالتي"

"ازمه قلبيه"

"وش!"

"الي سمعتيه بس لا تظنين انه منتس قدر و مكتوب "

طاحت عطوه

"يويلي بنيتي"

راحت لها وضحى و شالتها

بعد ربع ساعه

نهضت عطوه بعد ان اغمى عليها، غير مدركه لما جرى، تحاول جاهده ان تفتح عينيها المثقلتين، وكأن كل جهدها يوشك ان يخبو
كانت البطانيه تغطي نصفها السفلي، فيما ارتفع ثوبها حتى منتصف بطنها، ويد حانيه تلامسها، تدهن شيئا دافئا سائلا يتحرك على بطنها برفق

" عطوه فتحتي "

"خالتي ؟ وش صار "

" ما صار شي لكنتس تعبتي شوي"

رجعت عطوه نامت

الساعه ثمنيه الصبح

صوت قاعد يصحي عطوه
" عطوه قومي ورانا شغل"

"هاه؟"

"يلا يا بنيتي قومي قومي"

" بقوم بس دقايق"

" عطوه لتس ساعه تقولين شوي شوي"

" يلا قمت"

" لا ما قمتي قومي على حيلتس"

قامت عطوه و غسلت و صلت و عطتها وضحى ملابس من مزنه

وضحى
"البسي عباتس و نروح لبيتتس و ناخذ المهر و نروح لمسعود نعطيه المهر و نروح المحكمه عقبها و من هناك يسون له استدعاء "

" بقوم البس عباتي و نطلع"

وضحى
" امزح معتس مب الحين خل ناكل عقبها نروح لضاري يبي يشوفتس"

عطوه
" انا ؟"

وضحى
" ايه طلعوه من الافاقه و حطوه بغرفةٍ ثانيه و كلمني متعب انه يبي يشوفتس"

عطوه
" لا خل نروح المحكمه قبل"

وضحى
" راح تدخلين بعدتس"

عطوه
" طيب "

قعدو ياكلون لكن عطوه ما كلت ما كان ودها تاكل

وضحى و هي تاكل
" تراتس ما كليتي شي اشوفتس"

عطوه
" مب جوعانه والله"

وضحى
"شلون مب جوعانه ما كليتي شي من البارح"

"والله مب جوعانه"

"مارح اكمل الا يوم تاكلين "

"خالتي!"

" كلي عشان اكل"

كلت عطوه معها و خلصو اكل

وضحى
" يلا البسي عباتس خل نروح نجيب المهر عقبها نروح لضاري و عقبها للمحكمه"

عطوه
" طيب"

راحت عطوه و لبست عباتها و راحو لبيتها دخلت جابت شنطه حطت فيها المهر و طلعت

وضحى
" يلا الحين نروح لصحيه"

عطوه
" خالتي الله يعافيتس ما قال لتس متعب ليش يبي يشوفني؟"

وضحى
"لا والله "

عطوه
" كله بسبتي"

وضحى
" وش الي بسبتس! قلت لتس ذا القدر "

سكتت عطوه ولا ردت

وصلو للمستشفى و نزلو

وضحى
" بندخل عليه انا و انتي "

عطوه
" لا لا ادخلي لحالتس"

وضحى
"لا ندخل مع بعض"

دخلت وضحى و بجنبها عطوه و كانت الجازي طالعه من الغرفه

الجازي
" هلا يمه شلونتس"

وضحى
"بخير يا نظر عيني بخير"

الجازي
"عطططوه تو ما نور المكان "

فز ضاري لكن ما قدر يتحرك بسبب الاجهزه الي بصدره كان شكله يحزن مره

ضاري
"عطوه؟"

كان صوته مترفع شوي و مخنوق

وضحى
"ادخلي"

عطوه
"لا ماابي ادخلي معي"

وضحى
"امشي امشي"

دخلو

وضحى
"شلونك يا ضاري"

ضاري
"حالي ما يسر يمه"

وضحى
"وش هالكلام ولا تسوي نفسك بس"

ضاري
"كلي اجهزه ما بكون بخير بس افضل من الفجر "

وضحى
"كلها يومين و تطيب"

عطوه
"الحمدلله على السلامه"

ضاري
"الله يسلمتس ... ما هقيتس تجين"

وضحى
"شفها جت"

وضحى
" انا بطلع بجيب لي ماء عطوه خلتس مع ضاري "

قامت وضحى و طلعت

ضاري
"وين نمتي ؟"

عطوه
" عند مسعود"

ضاري
" منجدتس ؟"

عطوه
"ليلة دخلتي و الناس ما تسكت"

ضاري
" حتى لو !"

عطوه
" بعد شوي بنروح المحكمه بافتديه"

ضاري
" رقدتي جنبه؟"

عطوه
" اطريت"

ضاري
" اطريتي ؟"

عطوه
"معليش على الي صار البارح ما كنت اقصد اني اتزوج بعدك بس جاني كلام انك خطبت"

ضاري
" اخطب ؟ انا اتزوج من بعدتس ؟ حاولت لكني ما قدرت ابد ماابي اظلم احد معي وانا قلبي معتس"

عطوه
" كنت ناوي ؟"

ضاري
" ان نويت على اثم اخذ اثم ؟ لا "

عطوه
" ماله علاقه كنت تبي "

ضاري
" ما قدرت عطوه ما قدرت !"
"عطوه انتي قدرتي تنسيني بمجرد ما مسعود خطبتس"

عطوه
"خطبني واجد لكني رفضـــ"

ضاري
"لكنتس تزوجتيه عطوه ، قدرتي تنسيني"

عطوه
"شفني قدامك شفني قدامك ، لو اني نسيتك كان الي صار امس ما صار ضاري"

ضاري
" اهدي و خل نسكر الموضوع"

سكتت عطوه و خذت نفس عميق

"يوم تخلصين عدتس برجع و اخذتس ، موافقه؟"

عطوه
"هاه ؟"

زودتها مره ادري لكني اليوم مره كنت مشغوله صدق صدق اسف و بحاول بحااااول انزل اليوم بارت ثاني

-بدون مراجعه

ارائكم تهمني