رواية حب الاعشى الفصل الثالث والعشرون 23 - بقلم xv

مرت الشهور قرابة السنه، وتقدم لعطوه كثير من الخطاب، لكنها كانت ترفض بحجه العده، اما مسعود فقد انقطع عن المجي اليها بعد ان رفضته،
واما ضاري، فحاول ان يتجاوز الامر، لكنه لم يستطع، وحاول ان يظهر القوه، غير انه عجز عن ذلك، ومع ذلك، بدا يعمل على نفسه، فاكتسب بعض العضلات، وازداد وزنه قليلا، وتغيرت هيئته

عطوه كانت قاعده تسوي اكل سمعت دق باب

عطوه من ورا الباب
"مين ؟"

"انا افتحي "

فتحت عطوه الباب
" اوه مسعود ؟"

مسعود
" تبين تحرين ضاري ؟"

عطوه
" وش هالطاري؟"

مسعود
" ضاري يبي يعرس تبين تحرينه ؟"

عطوه
" هات وش عندك؟"

مسعود
" نتزوج بس مارح المستس حتى نوم مارح انام عندتس "

عطوه
" وش ؟"

مسعود
" واذا ودتس تنامين ببيتس نامي"

عطوه
" طيب بفكر"

مسعود
" كم تبين المهر؟"

عطوه
"ماابي مهر"

مسعود
" ما يجوز "

عطوه
" المهر جب لي شماغ و ثوب"

مسعود
"منجدتس ؟"

عطوه
" اي "

مسعود
" بخلي امي تخطبتس بس وقت المهر قولي اي شي و بقول اني جبته و وديته لتس"

عطوه
"طيب ... مارح تلمسني صح ؟"

مسعود
" اي "

عطوه
" بس احــ"

مسعود
"شوفي ضاري تغيرت حياته وانتي للحين عالقه"

عطوه
" طيب تراني اثق فيك"

مسعود
" ثقتس عند محلها "

سكرت عطوه الباب لكنها خايفه تحس الفكره مرعبه بس هي تصدق مسعود ، مسعود مستحيل يكذب عليها و تحس هالحركات تجي من ضاري

راحت عطوه لتلفون و دقت على وضحى

عطوه
" خالتي وضحى تجيني البيت انتي و الجازي زهقانه حيل"

"عطوه؟"

سكرت عطوه الخط و قعدت على الارض
"يمه ذا ضاري "

دق التلفون مره ثانيه و ردت

"هلا بنيتي اعذريني ما كنت عند الجوال ، الجازي مب هنا بجيتس لحالي"

عطوه
"حياتس حياتس"

قفلت الخط

ضاري
"اوصلتس على طريقي ؟"

وضحى
" لا لا رح بروح مع السواق"

ضاري
" يلا انا طالع اجل"

وضحى
"فمان الله" * يا رااحل فمان الي يوصييناا جت بخاطري للمره الثانيه*

قامت وضحى بدلت لبسها و البست برقعها و طلعت

وصلت لعطوه و فتحت عطوه الباب

"خالتي اشتقت لتس"

وضحى
" يا بعدي انتي وانا اكثر"

عطوه
"حياتس حياتس"

دخلت عطوه تجيب القهوه و الشاي و دق التلفون

وضحى
"عطوه التلفون يدق "

عطوه
"اذا ما فيه كلافه ردي"

وضحى
"ابشري"
"مين"

" هلا عطوه انا ام مسعود "

وضحى
"عطوه ام مسعود الي داقه"

حطت عطوه القهوه و خذت التلفون
"هلا خالتي "

ام مسعود
"فاضيه اجيتس ؟"

حطت عطوه يدها على السماعه و لفت لوضحى
"خالتي تبي تجي اقولها تجي ؟"

وضحى
"خلها تجي حياها"

عطوه
"حياتس خالتي ام متعب هنيا"

ام مسعود
"دقيقتين و اجيتس افتحي الباب"

طفت عطوه و لفت لوضحى
" اول مره تدق علي تبي تجي غريبه"

وضحى
" يمكن تبي تشوفتس و وش ناقصتس "

قعدو ما مدى عطوه تصب الفنجال و دقت الباب قامت عطوه و فتحت

" حياتس خالتي مامن غريب"

دخلت و فكت عباتها

" شلونتس وضحى عساتس بخير كم ما شفتس اخر علمي بتس ببيت ام ابراهيم قبل اسبوعين"

وضحى
" اي والله صادزه ما اطلع واجد من البسطه للبيت من البيت للبسطه "

ام مسعود
"والله شوفي يا وضحى انا اعبرتس ام عطوه"

وضحى
"هالله هالله انا امها"

ام مسعود
" عطوه جيبي لي سكر بالله"

قامت عطوه

ام مسعود
" انا طالبه القرب منكم و ودي بعطوه لولدي مسعود"

وضحى
"الشرف لنا و مسعود و نعم الرجل كله زين بس الشور يرجع لعطوه "

" خل عطوه تجي و بسالها"

جت عطوه و معها السكر

وضحى
" عطوه ام مسعود ودها تقولتس شي"

ام مسعود
" انا جايه اخطبتس لمسعود"

عطوه
" بفكر"

ام مسعود
"المهر الي تبينه بجيتس و ولتس شهور طالعةٍ من العده"

عطوه
"بفكر"

وضحى
"عطوه يا بنيتي اعطي الحرمه كلمه"

عطوه
" موافقه"

زغرطو

وضحى
" بالمبارك بالمبارك يا بنيتي"

عطوه
" الله يبارتس بعمرتس"

قامت عطوه و دخلت للغرفه و هي منهااره شلون سوت كذا و قدام وضحى !

مرّت الأيّام، وهي خمسة ايّام، فأحضروا الشيخ وأتمّوا الخطبه

وضحى
"مبروك يا بنيتي مبروك "

عطوه
"الله يبارتس بعمرتس"

وضحى
"ترا مزنه جت عشان تحضر العرس باتسر"

عطوه
"جد!"

وضحى
"ايه"

عطوه
"الحمدلله "

رجعت وضحى لبيتهم و قام مسعود و راح لمحل ضاري

فتح الباب و لقى ضاري قاعد

ضاري
" مسعود"

مسعود
"هلا ضاري شلونك "

ضاري
"الحمدلله بخير انت شلونك وش لفابك علينا"

مسعود
" بخير ، ابد جيت اعزمك على عرسي"

ضاري
"مبروك مبروك منك المال و منها العيال ما بغيت تعرس"
"بنت من ؟"

مسعود
" بنت جيرنا"

ضاري
" من ؟"

مسعود
"  عطوه  "

سكت ضاري و قعد يناظر فيه

مسعود
" بكرا العرس لازم اشوفك "

طلع مسعود من محله و رجع لبيته

رجع ضاري لبيت امه و دخل

مزنه
" ما بغت تعرس عطوه اخييرا بحضر عرس"

ضاري
" مافي روحه لهالعرس !"

مزنه
" و من انت ؟"

ضاري
" انا اخوتس و لي كلمةٍ عليتس!"

وضحى
" دامني حيه مافيه كلمه تمشي على بنياتي الا كلمتي فاهم! يلا اذلف هالحين"

ضاري
"عطوه تعرس وانا اعرف من مسعود! جاي يحرني! يمه دامتس تدرين ليش ما قلتي لي!"

وضحى
" اقولك شي بعد ام مسعود اخطبتها مني "

ضاري
" بتجننوني يا هالعيله!!"
طلع ضاري من البيت و توجه لعطوه

قعد يدق الباب باقصى ما عنده

عطوه من ورا الباب
"مين مين!"

ضاري
" افتحي يا عطوه !"

"شتبي !"

"افتحي ابي اكلمتس"

فتحت عطوه الباب

ضاري
" اذبحيني "

" ها؟"

"قلت اذبحيني مو فاهمه!"

"وش الي اذبحك انت بعد"

"دامتس بتعرسين اذبحيني"

"شارب شي ؟"

" عطوه قلت اذبحيني اخنقيني اطعنيني ابي اموت على يدتس"

"وش الي مجننك رح رح"

" وش الي مجنني؟ تتزوجين وانا بقعد اطالع بتس عطوه انا سويت كل شي عشان انعدل و تشوفيني تغيرت وقفت دخان صرت اكل كويس سوت كل شي بنهايه تتزوجين ؟"

" على اساس اننا نقدر نرجع بعد ما طلقتني بالثلاث"

"انتي الي طلبتيه يا عطوه انتي !"

" كان يمديك ترفض ! بعدين مو كنت بتتزوج وينك ما تزوجت ! يلا رح لا يشوفك مسعود واقف عندي انا مره متزوجه و بكرا عرسي "

سكرت عطوه الباب و ضاري كان مقهور صحيح ما تقدر ترجع له الا اذا تزوجت و تطلقت او توفى زوجها لكنه بقى مقهور ضاري ما تخطى رغم انه مرت اشهر كثييره

جاء يوم العرس كان العرس صغير و ببيت ام مسعود كانت عطوه فوق تتجهز و معها عزيزه و عواطف و مزنه و الجازي

عزيزه
" بنات عادي تطلعون بقول شي لعطوه"

عواطف
" و من متى بينا اسرار؟"

عزيزه
" اطلعو بالله صدق "

طلعو البنات

عطوه
" وشبتس خوفتيني"

عزيزه
" ليش تزوجتيه وانتي ما تبينه ؟ عشان تحرين ضاري ؟"

عطوه
" هاه"

عزيزه
" قولي الصدق "

عطوه
" الصدق ايه"

عزيزه
" كنت حاسه ، خل اعدل شعرتس بس"

بعد خمس دقايق

دقت مزنه الباب
" حشى وش هالسر "

عزيزه
" يووه نسيتكن ادخلو ادخلو"

عواطف
" نسيتي اختس "

عزيزه و هي تحضن عطوه من ورا
" و عطوه اختي "

طلعت ام مسعود لفوق
" عطوه يلا انزلي"

عطوه
" سمي"

نزلت ام مسعود

مزنه
" نزل قبلتس عقبها انزلي "

عطوه
" يلا"

نزلو البنات و نزلت عطوه و زفوها

بعد ساعه

جاء مسعود و اخذ عطوه طلعها و ركبها السياره و كان ضاري واقف بعيد يناظر

و عيونه ما تمالكت نفسها و بدت تنثر الدموع و تنسكب بخده

راح مسعود لبيته لكن الطريق مألوف على عطوه !

ذا مو طريق بيت ضاري ؟ وش صاير! وصلو و طلع مسعود شاري بيت قبال بيت ضاري !

دخلت عطوه للبيت  وهي مصدومه

بعدها بشوي راح ضاري لبيته ولا انتبه لسياره الجديده و ولا شي بس انه دخل لبيته

عطوه
" مسعود ! ليش ذا البيت بذات "

مسعود
" اول مره اشوف بنيه تكلم زوجها بذي الطريقه بليلة دخلتها "

عطوه
" وش دخلته بعد خل ابدل و ارجع للبيت"

طلعت عطوه و غيرت جت تنزل

مسكها مسعود
"على وين ؟"

عطوه
"بقعد تحت"

مسعود
" وش وش ؟ تعالي فوق "

عطوه
" وش الي تعالي فوق"

مسعود
"وانتي مصدقه اني مارح المسك ؟ انا متزوجتس على سنه الله و رسوله "

عطوه
"مسعود ابعد "

مسعود
" و ليش ابعد"

عطوه
" مسعود بسوي شي ما يعجبك ابد!"

مسعود
" سوي"

ضربته عطوه بركبتها بمنطقه حساسه و فتحت باب البيت و طلعت

كان ضاري واقف و عطوه طالعه بدون عبايه و طرحه!

فك ضاري شماغه و غطى عطوه

عطوه
"ضاري تكفى ساعدني "

بس والله غريب مره ما جاز لي  و ولا الاسم لايق ما لقيت عنوان احطه 🙏🏻

-بدون مراجعه

ارائكم تهمني مره