رواية حب الاعشى الفصل الثالث 3 - بقلم xv

صدم مما قالته عطوه فرجع شريط حياته قدامه وحس بجرح بصدره لان السـكر كان جزء مؤلم من ماضيه عطوه ما كانت تقصد توجعه لكنها كانت تريده بالاحساس بالذي مرت به

- عوده الى الماضي

- فجر يوم الخميس

صعدت عطوة إلى سطح المنزل لتستنشق بعض الهواء، جلست على الأرض بهدوء، لكنّها سمعت صوت حركة الأشجار أمام بيتهم، فاقتربت لتتطلّع من فوق السطح. رأت سيارة تقف هناك، وعلى صدامها كان هناك شابٌ ممدّد، فاقد الوعي و جنابه فتات قزازٌ مكسور و علبه بداخلها مشروب كريه ... وما إن دقّقت النظر، حتى أدركت أنه ضاري ، هبطت تركض مسرعة لا تشعر بنفسها وقد نسيت خلافهما خلف ظهرها، أخذت عباءتها وخمارها وخرجت ماضيةً إليه

عطوه انحنت و تدق بكتفه
"ضاري ضاري ، ضاري قوم"

لكن ما استجاب ضاري
دخلت البيت و جابت صحن فيه مويه و بدت ترش عليه

استجاب ضاري و رد بانين
"هاه مين "

عطوه
"ضاري انا عطوه "

ضاري يفرك يعينه و يعدل جلسته
"هاه ؟ عطوه ههههه هلا عطوه"

عطوه تمد يدها
"تعال تعال منت بوعيك اسند علي "

ضاري يضحك و يقوم و هو يسند
"اسند عليتس الساعه المباركه "

فقد وعيه مره ثانيه و قعدت تسحبه عطوه الى المجلس
سدحته على الطراح و سندت راسه على مخده

جابت عطوه خِرقه مبلوله و قعدت تمسح على وجهه و جبهته الين ما فاق مسك يد عطوه

ضاري
"عطوه ؟ ويني انا و وش جايبتس في ذا"

عطوه
"دخلتك للمجلس الين ما فقت "

ضاري يناظرها بكسره بفرح
"عطوه سامحتيني ؟"

غيرت عطوه الموضوع وهي قايمه
"به جرح بيَدك خلني اجيب لك شاش "

لكن مسكها ضاري
" عطوه ما جاوبتيني ، لا تهمتس يَدي "

عطوه
"ضاري فك يَّدي "

ضاري بنص وعي
"ماني بفاكتس الا يوم تجاوبني "

عطوه بعصبيه وهي تسحب يدها
"ما عندي جواب ، اضمد يدك عقبها اطلع"

راحت عطوه تجيب الشاش و رجعت وشافت ضاري يحاول يقوم
، راحت له عطوه و جلسه مره ثانيه

عطوه وهي تحط يده على يدها
" قلت اضمد يدك و بتطلع"

ضاري و هو يتالم و هي تطلع القزاز من يده
" وانا ابي اطلـ..."
سكت ضاري عند الكلام لكنه نطق بانيين الالم

خلصت عطوه ضماد يده قام ضاري على حيله عشان يطلع

عطوه بهدوء
"اقعد"

ضاري لف وجهه عليها
" مو توتس تقو— "

عطوه باصرار
"قلت اقعد"

ضاري يبتسم بتعب
"اقعد ؟ بقعد"

طلعت عطوه من المجلس و سكرت الباب راحت للمطبخ و سندت نفسها على المغسله و هي تحاول تهدي نفسها و تاخذ انفاسها
، راحت سوت شوربه و جنبها رز لضاري كانت نقعه الرز من الاساس و بدت تقطع جزر و بطاطس و تسلقهم و هي تسوي الرز بعد نص ساعه دخلت على ضاري و هي ماسكه طوفريه و حاطه فيها الاكل و جنبها لبن لكن ضاري كان نايم ما كانت تبي تقعده فا حطت الاكل جنبه

"عطوه"
قالها ضاري بصوت ناعس و متعب

لفت عطوه عليه و تمشي
"بغيت شي ؟"

ضاري
" ما اقدر اكل اكليني "

عطوه
"ما يحل لي ان امسك منت بمحرم علي "

ضاري
"نسينا قعدة البسطه "

عطوه
" ان بغيت شي نادني"

ضاري ناداها قبل لا تطلع
"عطوه اصبري"

عطوه
" وش بغيت بعد"

ضاري و هي يطلع شي من جيبه
"خذي هالشريط "

عطوه
"مابيه شكرا"

ضاري
"والله ما ادخل شي بفمي ان ما خذيتيه يا عطوه "

خذت منه بسرعه الكاسيدت عشان ما تتلامس اياديهم ببعض وهي كلها فضول وش الاغنيه الي داخل

٣:٢١-

قام ضاري يبي يطلع لكنه تنحنح حتى عطوه تتغطى طلع ضاري لقاها نايمه بجوار باب المجلس و هي محتضنه الشريط بيدها ، نزل على الارض عشان يقومها لكنها حست باحد قامت وهي خايفه و مغمضه عينها بقوه

"انا ضاري وش بتس"
قالها و هو يمسك بيدها عشان يطمنها

" قلت لك لا تمسني روح "
قالتها عطوه و هي تسحب يدها منه

ضاري
"سمي راح اروح ، جعلتس ما تشوفني الا بين ترابي كانتس ما تبيني "

"فال الله ولا فالك"
قالتها عطوه و هي تمشي و تفتح الباب عشان يطلع ضاري ولا يركز بالي قالته

كنت بنزلها و اخلصها من بدري لكني نمت اعذروني

ارائكم تهمني