رواية حب أناني ( روايات ليبية ) الفصل الثامن 8 - بقلم MBC LIBYA

#حب_أناني 8 ..❤

عبادي:دخل لدار جود...😮😮..شن ديري ي حماره
جود:خليني ملييت من كل شي!
عبادي:ي حماره الانتحار حرام لو مش حرام راهز خليتك تموتي عادي😅
جود:تمسح في دموعها...مم متحكيش لحد الي صار
عبادي:بشرط!
جود:شنو؟
عبادي:تقوليلي شنو السبب الي خلاك تنتحري اكيد شي كبير
جود:بلعت ريقها بخوف...اءءء هكي
عبادي:عادي عادي احكي اكيد فاتك حبيبك
جود:تضحك ع برائة عبادي...لالا!
عبادي:حضن جود ...ردي بالك ع روحك محدش يستاهل!

ريناد:تقرا في الرساله مصدومه ...حدفتها ...ومقدرتش تشد دموعها ..💔
مياسين:خيرك ريناد تبكي؟
ريناد:لالا حبيبتي منبكيش عيني توجع فيا!
يوسف:يشوف فها في لمرايا...وعرفها انها كانت تبكي!
كريمه:اتصلي بي عبادي شوفيه تعشا وله لا
سهام:اكيد يستنو فيا الزوز وقعدين بلا عشاء
يوسف:اي لما بتتزوجي توقعي تسمعي بيهم ماتو من الجوع
سهام :😂😂
كريمه:لا امهم حية علاش يموتو اللطف!
يوسف:متقوليليش علاش بويا يطلع معاش يروح
كريمه:مش عارفه كل مانسأله يقولي ماشي لي صاحبي
يوسف:اني نبي نحكي معاه في موضوع ضروري محصلتاش!
سهام:مرات توا نلقوه مروح !
ريناد:تمسسح في دموعها!💔

جود:ناضت دخلت للحمام وهيا قرفانه من جسمها تخلت ع اغلا شي عندها بسهوله لانه لو يسمعو اهلها بي الي داراته حايقتلاها....وتفكر كيف بتحل الورطه الي وصلتلها وله حسين الي في بدل مايوقف معاها استغلها وطلع تافه!💔🔥

ريناد:نلت من السياره...هيا ميسو طول لنوم فاهمه
مياسين:اففف ..مازال نبي نلعب مع عمي عبادي
ريناد:لا انتي من الصبح معاه خلاص
سهام:بترقدي من توا ريناد
ريناد:لا برقد ميسو وننزل نعاونك!
سهام:سلمها يارب..❤
ريناد:بنسألك سهام
سهام:تفضلي!
ريناد:بو ميار علاش استقال من الشركه
سهام:علمي علمك منعرفش..وبيني وبينك بوها يحب لفلوس هلبا يعني متعارك مع يوسف بس مخلاش بنته تتزوج غيره لانه عارف يوسف صاحب مصحه وشركه
ريناد:اي اي واذكرت كيف ميار طلعت من دار يوسف!
سهام:مالا نا نركب نغير ونتلاقو لوطا
ريناد:تمام حتى نا نفس الشي نغير وننزل!
سهام:تماااام!!

كريمه:بتنزل يوسف
يوسف:اي ناازل ماهو قتلك نبي بويا ضروري
كريمه:باهي غير تعشا مع بوك وخوتك وبعدها احكو
يوسف:هوا هد..ونزلو من السياره!

جود:طلعت من الحمام ...وحالتها متتفسرش..قعمزت قدام لمرايا تمشط في شعرها وتبكي😭
سهام:جود جود
جود:مسحت دموعها...خيرك 😅
سهام:قعمزت ع سرير...خلاص جهزي روحك عرسنا بعد أسبوعين نا وميار 😍
جود:الف مبروك والله فرحتيني
سهام:باهي فوتك مني توا المهم احكيلي علاش متغيره ي بنت
جود:لا شي زي ماقتلك انا جوي مش حلو ومعنديش نية لطلوع
سهام:متأكده جود؟
جود:اي والله سهام مافي شي!
سهام:تمام حبيبتي نبيش نضايقك ...ناضت طلعت لغرفتها!!

ريناد:هيا ميسو متعاندينيش
مياسين:غمضت عيونها بزعل
ريناد:غطتها ..وكيف جايه بتطلع
يوسف:دخل وسكر الباب!
ريناد:شافت لي مياسين...ورجعت شافت لي يوسف ...خيرك؟
يوسف:انتي في شي صاير بينك وبين بويا
ريناد:غمضت عيونها بغل...لهني وصلت بيك ي تافه...خلي نقولك كلمتين انا نعرف حاجات وكنت نبي نحكي معاك بس لانك تافه مش راح تسمع مني حرف
يوسف:اسمعي!
ريناد:خليني نكمل كلامي الي انا نبي نقوله وبس ...اطلع من الدار هادي وغير كل شي عطهولي بوك بأسم وله بأسم ميار اريح لينا الكل
يوسف:ع شنو تلمحي انتي لشنو ناويه توصلي تكلمي؟
ريناد:اني من غدوه بنطلع ندور ع خدمه لأنه خلاص الي تبوه بدا يتحقق!
يوسف:شن تقولي ي كلبه
ريناد:حول من قدامي بالله لفلوس بدت تشري حتى في شرف
يوسف:المره هادي زاد تأكد انه ريناد عارفه شي وكبير بس ساكته ؟

ترن ترن ترن:-
يوسف:الو ...اي قعد في الحوش..مني انتي؟ ...كيف ..لحضه بس وطالع ...تمام تمام!!

سهام:ترتب في صحون
ريناد:شنو ناويه اطيبيلهم
سهام:جود متبيش قتلي بنرقد وعبادي يبي نديرله بيض
ريناد:حولي توا نا نديرله
سهام:لا قلبي اركبي ارقدي انتي
ريناد:نا عندي نيه نطيب حولي سهام
سهام:تمام براحتك هيا ورينا😂

يوسف:شكرا ي عمي تعبناك
خلدون:لا عيب عاد بوك خويا راهو
يوسف:سلمك عمي تفضل انزل
خلدون:لالا ولدي انشاءالله في الخير!
يوسف:بسلامه...وهوا شاد بوه من يده...خيرك ي بوي علاش مقلتش انك مريض راهو رفعتك
علي:لالا كويس صحتي تمام غير متقولش لحد مافيش داعي حد يعلم
يوسف:علاش ي بويا في شي احكيلي
علي:غير دخلني لدار ونحكو
يوسف:حتى انا نبيك في موضوع ونبي نفهم منك كل شي!
علي:انشاءالله !💔

____________

عبادي:فمه معبي خبزه...ريناد عندك مستقبل
ريناد:شنو هازي عليا ؟
عبادي:لا كيف عاد بس انتي جمالك حرام يخش للمطبخ فهمتي🙂
ريناد:😌..اي اكيد!
عبادي:شني اي اكيد لكن طلعتي يمشي معاك دور الخادمه 😂...وربي اول مره نذوق دحي هكي!
سهام:😂
ريناد:انتا قوللي من بيرضا بيك؟
عبادي:تي هلبا يحبوني مندورش فيهم
سهام:تحشم حتى من اختك تكدب قدامي
ريناد:😂😂
عبادي::اولهم غفران بنت جيرانه مسماها الجزيره انا!
ريناد:تخبط ع رجلاها من الضحك..علاش؟
عبادي:اخباركم كلكم عندي كأنه مسافرتش خززي😏
سهام وريناد:ووووه😂

__________________

يوسف:يقرا في تقرير...لا حول الله خبيث في الدم
علي:اي ياولدي مقدرتش نقول لحد وخاصة لما الدكتوره قالت انه مليشي علاش غير ادويه وربي يشوف فيك
يوسف:بكسرة خاطر ...ي بويا مهما كان مفروض قلتلي اقل شي سافرنا وشفنا علاج
علي:لا ولدي لما يكون في الدم معنداش علاش
يوسف:هدا لاش كتبت نص الشركه بأسم ريناد ومياسين
علي:اي ياولدي البنت معندهمش سند بعدي يعني امانه لن نموت
يوسف:واني لو قلتلي مش راح نخليهم في الشارع
علي:مهما كان انا منعرفش شن يصير بعدي وكلت عليهم في المحكمه لانه ريناد مسكينه معندها حد غيري
يوسف:تفكر كلام ريناد...وفهم شن قصدها بيه ..بويا ريناد تعرف بي مرضك؟
علي:مكنتش نبي نقولها ..لكن هيا سألتني وخدت رقم الدكتوره واكيد توا عرفت!
يوسف:نااض جاي بيطلع
علي:رد بالك تكلمها ولا تزعلها مش مسامحك  راهو!!
يوسف:ضغط ع يده بقوه...بويا خليني لانه البنت هادي بتهبلني
علي:لالا ريناد بنت متربيه وطلبت مني نحول كل شي بأسم ميار
يوسف:بصدمه...كيف؟
علي:انا واثق منها متخافش منها ريناد بنت عالم وناس!
يوسف:اذكر لما خنبت الشنطه ولما لقاها في داره...يااارب معاش فهمت شي!
علي:زي ماقتلك ي ولدي رد بالك ع عيله بعدي!
يوسف:اشش ي بوي بإذن الله ترجع صحتك انا من غدوه حانشوف احسن دكتور!
علي:انشاءالله!💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

يوم جديد:-

طق طق طق:-
ريناد:لابسه توتة النوم كانت قصيره ولاصقه ع جسمها!..مني؟
يوسف:دخل وسكر الباب بالمفتاح...اعطيني تلفونك!
ريناد:تشوف فيه في لمرايا...علاش؟
يوسف:اعطيني تلفونك بدون ماتسأليني
ريناد:انتا مني باش نعطيك تلفوني مثالا
يوسف:مكانش يبي يقرب منها بسبب لبستها...بتعطيني تلفونك وله نقلب الدنيا فوق راسك
ريناد:اذكرت عمها علي...اءءء خدت تلفونها وفتحت الرمز مش ع خاطر اني خايفه منك بس عمي علي موجود بس
يوسف:خدا تلفونها وفتشه كله....شدها بقوه وهوا ضاغط ع وجها بيده...وربي ع حركة دسان مرض بويا عليا حاتتعاقبي عليه
ريناد:سيبني تووجع فيا
يوسف:طلقها....تعودتي ع خنبه وتبي بويا يموت باش تسرحي وتمرحي في الورثه!
ريناد:فتحت الدولاب....بصزت مليان برود...طلعت بلوزه...اطلع بنغير حوايجي
يوسف:الي اديري فيه كله حاتندمي عليه!
ريناد:او ماي قاد ...تعرف انك انسان عنده نقص حاااد
يوسف:كيف جاي بيضربها....رن تلفونه..تنفس براحه لن طلع وهوا يشوف لي ريناد!
ريناد:حيوااان مازال تشوف مني😏

ترن ترن ترن:-
جود:ردت ...بصوت تاعب!..الوو
حسين:اهلين بي مرتي..كيف حالك بعد ليلة دخولنا ..وهههههه
جود:دموع في عيونها...انتا دمرتني وربي حاياخدلي حقي منك
حسين:دايره فها جو ضمير وانك شريفه اسسس !
جود:ي تافه في بدل ماتساعدني استغليتني ي حقير
حسين:السيد علي وابنه يوسف الدكتور يكتشفا انه اختهم الصغيره المراهقه انه تخرج مع شباب لتلبية طلباتهم او بمعنى اخر لتشبيع شهوتهم😂😂
جود :واحد حقير اني ي تافه نحبه اياد وهوا يحبني وكان يبي يخطبني لو انتا مهددتاش
حسين:وتوا صار الي صار ومتصلتش باش نسمع مغامراتك
جود:شن تبي ي حقير!
حسين:عجبتيني امس متوقعتش انه عندك جسم حلو وناعم
جود:😭
حسين:جهزي نفسك اني الليله عندي فيك نيه
جود:سسكرت الخط ...😭😭

في الشركه:-
يوسف:مقعمز في مكتب بوه وكأنه بدا رئيس بلاد وهوا يدخن لأنه الملف الي قراه اليوم عباره ع اكبر مشروع يعني لو ربحوه حايملكو شركه تانيه غير الشركه متعهم بس طبعا المشروع مش ساهل لانه لو خسروه حايدفعو الي فوقهم وتحتهم ...بس يوسف قعد يفكرر يرفض او يوافق
سكرتيره:فتحت الباب وخشت...اهلين سيد يوسف !
يوسف:نفخ دخانه...اهلا اهلا
سكرتيره:كنت بنقولك لو تبي شي قبل ماروح!
يوسف:اي اتصلي بي المحامي وباقي الموضفين وخبريهم انه غدوه في اجتماع ع ساعه 8 مهم!
سكرتيره:اوكى ..انشاءالله..تبي شي تاني!
يوسف:لااا ...ناض خداه معاه الاوراق ....وطلع!!!

كريمه:سهاام خيرها اختك مسكره ع روحها الدار وقتلي معنديش نيه نشوف حد
سهام:خلاها ترتاح توا نركبلها بعدين!
ريناد:مرات جتها الدوره لأنه انا لما تجيني معاش نتحمل حتى نشوف بني أدم!
سهام:لالا اول مره يصير معاها هكي!
كريمه:انشاءالله خير نا مش مطمنه من امس لكا مطلعتش معانا!
سهام:ياااارب 💔

عبادي:تي ادوي ي ولد جيرانا ضروري يوسف مثالا!
ايمن:تي فوتني ي عبادي الموضوع خطير وضروري يوسف يعرف
عبادي:متبيش تقول يعني؟
ايمن:خلي نشوف يوسف لو مجاش نحكيلك
عبادي:تي ميه ميه وربي ماني متصل بيه دير رايك...وخش!
يوسف:كيف وصل..وقف سيارته..ونزل
ايمن:واخيرا...نزل من السياره...يوووسف يووسف!
يوسف:انعمم
ايمن:تي كيف الحال وينك
يوسف:اهو حال الخدمه ي قنين وانتا كيف حالك؟
ايمن:كويس..بنقولك موضوع ونبيك تكون هادي بس
يوسف:كيف؟..احكي
ايمن:شفت في ليل سياره رصاصيه واقفه قدام حوشكم
يوسف:قام حاجبه وشد ايمن من سوريته ...وربي لو تطلع تكدب
ايمن:ارخي روحك...قتلك شفتها ونازل منها ولد دخل ومافيش حد منكم موجود
يوسف:كيف عرفت انتا؟
ايمن:نا حبيت انحي الشك ..استنيت قدام الحوش وشفتك انتا وخوك وبوك جيتو بعده!
يوسف:طللق ايمن بغل...ودخل للحوش مغلووول!!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

_______________
ريناد:نا وربي خلاص راهو فديت من الحوش
سهام:وربي احرف منك
ريناد:باهي شن رايك نطلعو اليوم اقل شي تزيدي تكملي الي ناقصك
سهام:امم تماام لكن خلي يرجع يوسف ونكلموه
ريناد:مصيبه خووك
سهام:😂...عبادي خويا ناديه خلي يهون علينا شوويه!
ريناد:😂...اي ترا وين خش هوا ومياسين!
يوسف:خش مغلوول....جووود جووود
كريمه:طلعت من المطبخ...شن في؟
ريناد:ترعش من صوت يوسف واضح انه في شي كبير
سهام:بصوت يرعش ...خخ خيرك؟
يوسف:ركبب فوووق ...جووود ي تافهاااا!!
ريناد وسهام وكريمه:ركبو يجااارو!
يوسف:افتحي الباب خير مانخش نقتلك!
جود:تبكي مش قادره توقف ...ي حقيرر علاش فضحتني يحليلي بنموت😭
ريناد:شن في شن دارت جود؟
يوسف:اي وحده منكم بتدخل بتتعاقب
كريمه:يهديك ربي قول شن في؟
سهام:كنت حاسه في شي !
يوسف:كسسر الباب ودخل...هجم علاها وبدا فها ضرب...انبحي من الي امس جاك في ليل
جود:شادتها بكاء بس😭
يوسف:هادي اخرتها يجيني ايمن الصايع يقولي اختك امس وحده نقزلها بعد ماطلعتو كلكم تكلمي
جود:عرفت انه مش حسين مقايل تراجعت ومقالتش لانه لو يحكيلهم حسين ع اياد احتمال يقتلها ....منعرفش
يوسف:شادها من شعرها ...قولي منهوا لانه والله والله حانقتله
ريناد:مقدرتش تتحمل....تحاول تباعد يوسف من ع جود...خلاص اطلقها توا تحكي بطريقه هادي مش راح تستفيد شي
كريمه:اطلقها يهديك ربي اختك بتقتلها
سهام: اني حانخليها تحكي غير سيبها بس
ريناد:قدرت ادف يوسف
جود:ناضت تجرري وراء امها وهيا تررجف مع بعضها!
يوسف:بصوت يخوف...سهام اقسم بالله لو متحكيش ع الكلب الي جايباته منهوا مش راح تفوت اليله الا وانتي في القبر!
ريناد:اطلع باهي خلينا نفهمو الناس تسمع فيك اطلع
يوسف:طلع..وهوا يتكلم وربي اليووم لو متعترفش حانقتلها نرتكب فها جريمه!
كريمه:تضرب في جود...شن درتي ي كلبه شن درتي ؟
سهام:منهوا الي جاااك تكلمي قوولي
ريناد:احكي جود وعد نساعدك بدون مانسألك ع شي متبيش تحكيه
جود:بعيون يدمعو...نبي ريناد بس
سهام:هيا ماما خلاها تحكي بلكي نوصلو لي حل
كريمه:هزت براسها وطلعت هيا وسهام
جود: 💔

ريناد:جود انا منعرفش عليك شي صح
جود:تمسح في دموعها...اي 💔😭
ريناد:من الشخص الي كان معاك امس
جود:اءءء...اعتدا عليا
ريناد:تنهدت بصدمه ..كك كيف وعلاش؟
جود:😭
ريناد:انتي تعرفيه مني؟
جود:اي كان يهدد فيا!
ريناد:علاش؟
جود:لأنه عنده علم بعلاقتي
ريناد:بصدمه...مني جود احكي نا نوعدك ناخدلك حقك!
جود:حسسن
ريناد:كك كيف ...حسن خطيب سهام
جود:اي هوا نا متأكده!....يتببع!!