رواية حب جنوني الفصل العاشر 10 - بقلم سوزان ليث

اسد... منيه رفعت راسي شفت وحده جنت قبل مصادقها
غرام... تعرفها
اسد..... معرفه قديمه
غرام..... نوب لزكت عيونها عليه وهو كلسع رافع راسه عليها زهكني كتله اسد كافي تباع عليها
اسد... باوعت على غرام كتلها اول مره صيحيلي اسد
غرام.... مدري شون طلعت مني نوب خجلني خرب كتله عادي ظليت الزك بيها
اسد... ماريد صيحيلي بعد عمو ماشي
غرام.... هزيت راسي اي
كمل اكل كلي هسه اجي اروح اغسل كام مني اني طلعت تليفون داتفرج صور صعدت راسي على البنيه لكيتها ماكو وره شويه شفت اسد كعد والبنيه هم انتبهت عليها رجعت كعدت ظليت اباع عليهم اثنينهم شنو جانو سوه معقوله اباع على اسد كاعد عادي ردت اسئله بس كلت شعليه اني بس ظليت اللوب اريد احجي  كمنا قبل مدروح فكتله تعال ناخذ صور هنا حلو المنظر نطيت تليفون لاسد وجان ياخذنا تقصدت اللزم ايده ً وراها طكينا بتليفونه هم كامرته اوضح مدري ليش حتى اضوج الي تباع علينا بعدين طلعنا بطريق كتله

بعدك تعرفها
اسد.... منيه
غرام.... هاي الي جانت تباع عليك
اسد.... شلج بهاي سوالف
غرام.... طبعا كلشي ماكدر اخذ منه ولا اكدر اسحب كلام من عده تركيبه غريبه
وطريق كله اكول لنفسي اكيد راح حجه وياها مو كال معرفه قديمه اكيد جان مصادقها افكر واباع عليه قاطع تفكيري صوته
اسد.... هيج اني حلو صافنه عليه
غرام.... مجاي اباع عليك اباع على ذني المحلات عفته ونداريت خرب
دك تليفوني شفته رونق كلت خل امثل عليه عود حبيبي
الو هلو زينه وانتي ممممم اي مشتاقتلج هههههه من ارجع عود اي ماشي واني هم سديته وباوعت على اسد شفته يباع عليه شويه ويندار عالطريق

اسد.... منو خابرج
غزل .... صديقتي ونداريت
اسد.... شسمها
غزل ..... منيه
اسد.....صديقتج
غزل.... ااااا رونق
اسد.... مو كلتي صديقتج
غزل ..... ها اي مو رونق صديقتي واختي ونداريت على عالجامه حاصره ضحكه خرب خليته يشك بيه
اسد..... متاكده
غزل .... بشنو متاكده
اسد.... رونق خابرتج
غزل..... ابتسمت بوجهه ونداريت

وصلنا للبيت سلمت عليه ونزلت فطبيت كعدت اسولف لامي ورونق على الحفله وراويتهم صور وراها صعدت ابدل جتي رونق تضحك دكلي اي عيني اخذج عشاج
باوعت عليها كتلها اي
اي مكلج شي اعترفلج
كتلها اي كلي احبج واموت عليج
كولي والله
شلت  جنطه ركعتها برونق كتلها امشي لااجيج
بدلت وغسلت كعدت اسولف لرونق على البنيه الي تباع على اسد وشون اثنينهم كامو ورجعو سوه لمكانهم
طبعا ضلت توز براسي وكلتلي جان اخذتي تليفونه دورتي على رقمها كتلها وشون اعرف كالت باجر روحي اخذي تليفونه دوري بسجلات شوفي اكيد هسه يدكلها كتلها وشون اخذ تليفونه واني حتى رمز ماعرف كالت جربي مواليده شوفي يفتح
المهم دخلت الفكره براسي نمت واني افكر باجر اروح واخذ تليفونه

...
اسد... اخذتها ورحنا تعشينا فجانت اكو بنيه قبل اعرفها وصالي فتره كاطع وياها اشرتلي فكتلها لغرام هسه اجي رحت وجتي ورايه سلمت وسولف وكلتلي متخابر متسئل من هاي سوالف فكلتلي منيه هاي وياك كتلها خطيبتي كالت ها اسد يخطب والله زين اكو بنيه قنعتك ضحكتني كالت اليوم اخابرك مشتاقتلك فشويه ورجعت كعدت
غرام انتبهت الها وظلت كلسع اتباع عليها واحسها شويه ودكوم تكتلها برجعه ظلت تسئل وتلح عليها بس خليتها بحسرتها منطيتها جواب بي حظ
لما دك تليفون حجت بس جانت تحجي باللغاز وشكيت بيها من بالاخير كالت اني هم كلت هاي تحجي ويه ولد واكيد كلها احبج وهي كلتله اني هم ظليت اسئلها بس هيج جان مبين عليها والله ردت اوكف سياره وانزل املخها بس بالكوه سيطرت على عصابي ظليت اكول ممعقوله سوي هيج ممعقوله وصلت للبيت سلمت ونزلت واني نزلت للبيتنا  طبيت اهلي كلهم كاعدين كعدت يمهم ظليتا نسولف لل 11 عاد صعدت فوك بدلت وغسلت وجيت ممدت ونمت

غرام... صبح كعدت بالكوه جنت تعبانه يمكن من الركص مال البارحه كمت نزلت شفت بس رونق

لعد امي وين
راحت للسوك
جسمي يوجعني
طبعا يكلج البارحه صايره دينا الرقاصه
انجبي
سويلي ريوك
ولي مابيه حيل هسه كملت تنظيف
حبابه انطيج الف
نطيني 2 واكوم اسوي
اي ميخالف كومي

فكملت ريوك كعدنا نسولف اني ورنق فكلتلي روحي لاسد حتى شوفين تليفونه
فكتلها اوكف خل اشوف سيارته موجوده فصعدت فوك باوعت من غرفه امي طل عليهم ماكو سيارته
نزلت كتلها ماكو العصر اروح
اني وياج انتي تلهين البنات واني افوت لغرفته

رونق.... يمه شو خفت عبالك نبوك
غرام.... معليج انتي خليها عليه

اسد ... كعدت من صبح بدلت ونزلت تريكت وطلعت وديت السياره للفيتر كملها وراها رحت لجماعتي تغديت يمهم ورجعت كتلهم حنام لحد يكعدني
كعدت بالسته كمت فتت للحمام اسبح

غرام... العصر رحنا اني ورونق لبيت عمي فصعدنا فوك بغرفه البنات سئلتهم على اسد كالو نايم وظليت انتظر فجان نبا جوه من تصعد سمعتها تحجي ويه اسد
من فاتت كتلها اسد كعد كالت اي بس فات للحمام كتلها ها دقايق وكمت كلولي ها وين كتلهم حنزل جوه نحصرت

غمزت لرونق وطلعت باوعت ماكو احد ركض لغرفه اسد بس فتت يم كلبي يدك يدك يدك من الخوف دورت تليفونه ماكو خرب بعدين شفته عالشحن خاله رحت يمه جان بي رمز كتبت مواليد ماكو ظليت اجرب جم رمز هم ماكو فعفته وداطلع كلت خل اجرب مواليدي رجعت كتبت   يمه جان ينفتح اني نوب ماعرف شسوي حسيت مغاره علي بابا نفتحت الي رحت للسجل ظليت اقره
حازم كش
محمود فيتر
حمودي
ذني اتصالات اليوم كلت معقوله واتصالات البارحه اني اخير اتصال عده كلت يجوز اليوم خابرها ومسجلها باسم ولد فكلت هو يخاف عيني عينك يصادق  رحت دوره جهات الاتصال عزه كميه اسماء لكيت كومه قاموس مال اسماء عده نوب اسامي البنات كومه كومه جنت مركزه واني داقره
ماحس الا صوت يكلي شدسوين بتليفوني يمه اني هنا اذا ذبحوني ماكو قطره دم عندي باوعت اسد لاف المنشفه على خصره وبدا يجي باتجاهي نوب اني احس لساني ثكل وجسمي هم حسيت نفسي انشليت نوب اريد اكله ماسوي مدتطلع الكلمه مني خرب شون محسيت من دخل كل الي سويته هو جان عده ايفون دست الدكمه البنص ظليت صافنه عليه اريد فد حجه اكله

اسد... كملت سبح وطلعت فتت لغرفتي فاجئت غرام واكفه ولازمه تليفون وتكلب بي فتت سديت الباب بكل هدوء ظليت اباع عليها نوب جاي تقرا فدشي شفتها تتحرك كتلها شدسوين بتليفوني هي فزت فزه وجهه صار اصفر وحسيتها حتتخربط نزلت ايدها وظلت تباع عليه بخوف ظليت اتقرب منها وهي بس تبلع بريكها

غرام... يمكن صار عندي سكر من الخوف والله احس جسم كله يرجف يربي شكله كومه افكار جتي بالي بهاللحظه
اجه يمي اخذ تليفون جان يفتح التطبيقات المفتوحه لكه جهات اتصال
صعد راسه عليه

اسد.... جنتي دورين
غرام... ظليت ماعرف شحجي نوب عاقد حواجبه واعرفه هو ميقبل احد يلعب بتليفونه بالكوه طلع صوتي كتله ماسوي
اسد.... شون عرفت الرمز
غرام.... ااااا جربت ابلع بريكي جربت طلع صح
اسد... كلش ضجت من تصوفها شون تتجرأ وتلعب بتليفون لزمت ايديها وعصرت اصابيعها حيل كتلها احجي جنتي تلعبين بتليفوني

غرام... كتله جنت اريد صور الي اخذناها بارحه مدزيتلياها
اسد.... والي يريد صور يفوت عالجهات الاتصال
غرام... ظليت ساكته وهو يزيد بعصر ايدي وصابيعي نمردن
نوب قريب عليه صار وملصخ بطرك المنشفه اباع عليه يربي كلبي حيوكف من الخوف
كتلها والله ماسوي بي شي ردت اشوف شكاتب على اسمي
ودموعي نزلن
اسد.... بس شفتها عيونها دمعت وكامت تبجي رخيت من ايدها بس ظليت لازمها كتلها ليش تبجين
غرام.... ظليت امدنجه وامسح بدموعي
اسد.... كافي لتبجين صعدت راسها كتلها كافي كلت
غرام.... هزيت راسي اي
اسد..... باوع على عيونها بسرعه صارن حمر ونوب شفتها من الخوف كلسع تعض بيها دوختني ردت افترسها بالكوه لازم نفسي كتلها يله طلعي وبعد لتعيديها

غرام... هزيت راسي وركض لبره يمه احس كلبي حينشلع من مكانه  رحت للحمام غسلت وجهي ورجعت لغرفه البنات شويه ورجعنا للبيت طبعا غرام ورايه لازكه تريد تعرف صار فسولفتلها
الصار
رونق.... خوما عرف اني وياج متفقه
غرام ... ولج قابل دنفجر حتى متفقه ويايه صدك جذب
كتلها بس ماكو اسم بنيه لا البارحه ولا اليوم يجوز مدكتله
رونق.... هسه اليوم دكله
غرام..... ماكدر اخذ تليفونه بعد والله اليوم راد يكتلني غير دموعي ستراً عليه
رونق.... دموع تماسيح
غرام..... هاي الدموع بهيج اوقات تفيد 😂

غرام ..... بهايه الفتره جانت كلش جو متوتر حتى اسد دايما انذار عده بيوم النتائج انمار كلي اني اطلعها من النت ظليت بيومها بس ادعي وامي تدعي وكلسع اخابر انمار يكلي موقع ثكيل مديحمل نوب محافظتنا بالكوه نزلو نتائجنا خابرني انمار اني ماكدر اجاوبه لان احس نفسي حموت نطيته التليفون لامي كتلها جاوبي انتي

ام غرام ... ها بشر صدك الله يبشرك بالخير الله يبشرك بالخير

غرام.... اني ظليت اباع على امي ندارت عليه كلتلي ولج 97 معدلج وكامت تهلهل اني كمت اكمز وابجي وامي حضنتني وتبجي ورونق تبجي امي ظلت كلي رفعتي راسي رفعتي راسي واني ظليت بس ابجي
طبعا امي مظل احد مخابرته الكل بيت جدي الي كلش فرح من سمع معدلي عالي عمامي ونصهم همه خابرو يسئلون
ظليت ادك على اسد ماكو تليفونه مغلق لان بدوام هو يغلق
لليل البيت مالتنا كلهم اجوي يمنا يباركون طبعا ولد عمي ويايه هم سادس اني اعلى معدل واحد من ولد عمي معدله جان 90 طبعا هاله نجحت بس معدلها 77 جان لليل ادك على اسد اريد ابشره ماكوكله مغلق

جدي كال عزيمه الكم خاصه للناجحين وصدك سونا عزيمه جدي نطاني كلاده ذهب هديه خطيه جان كلش فرحان بيه لان ماكو احد من عائلتنا مطلع هيج معدل فجنت اني اول وحده
عده اليوم واسد هم ماكو الكل عادي ممهتم لان اسد هاي عوايده مرات 3 ايام جهازه مغلق بس اني جنت بس اريد ابشره
وخاصه هو كلي بيوم نتائج انزل عدت 4 ايام واسد ماكو كله مغلق عمي بدا يقلق لان حتى لو يتاخر هيج بس يطمنهم بمسج بمكالمه
عمي بدا يخابر اصدقائه الي وياه بدوام كلوله منعرف وينه احنا بغير مكان مو وياه
عدا اسبوع وكلشي ماكو اي خبر من اسد بوكتها عمي نزل حتى لبغداد يسئل عليه رجع عمي للبيت ومنشوف الا كل عمامي بيت عمي وسيارات ترسن المنطقه كل ماسئل واحد شكو يكلي مندري
عمي عرف شي عن اسد مندري
امي راحت لبيت عمي وجم ساعه جتي امي عيونها حمر مبينه باجيه
اني شفتها كلت اسد بي شي اكيد نوب اخاف اسئل
رونق كلتلها شكو كالتلها اسد من قبل 6 ايام نازل ومحد يدري وينه

اني امي حجت هيج جنت واكفه بسرعه كعدت ظليت اكله وين راح

ام غرام.....محد يدري عمج راح لدوامه محد يدري بي وياه 3 ضباط هم ماكو
غرام.... يعني شنو كتلوهم
ام غرام.... لا اسم على شبابه يمه اسم الله
غرام... رجعت لزمت تليفون ظليت ادك عليه على امل يفتح خطه ويجاوبني ظليت ادزله مسجات اني ورونق وامي بس نبجي عليه  عدت ايام وماكو اي خبر عن اسد عمي مابقى مكان ماسئل عليه
حتى بيوم جدي كلهم روح دورا بطب العدل
اني بيومها ظليت ابجي وادعي مابي شي ومموجود بهذا المكان راح عمامي ومحمد وياهم الي كلب الدنيا كلب مبقى مكان مادور على اسد بي بيومها راح كالو مبقى بس طب العدلي نشوفه
راح  ومرت عمي خطيه هالكدوتها صح هي مرت ابوه بس تموت عليه كامت تتخربط وصيح جيبولي اسد بيبتي جم مره تخربطت الكل جان حاله الظيم حاله متنا اني جنت احس فاقده شي من جسمي جزء مني كعدت احجي ويه رونق اكلها والله بس يرجع بعد ماضوجه ولا ازعله ليش من بديت احبه ربي اخذه مني ربي تعرف هو كلبه طيب ومماذي احد والكل يحبه ربي لاتاذي لخاطري مو دكول دعوه اليتم مستجابه ربي احميه وين مجان ربي رجعه سالم النا

جنا كلنا مجمعين والكل فاقد الضحكه والكل ماله نفس كلشي يسوي لما خابر عمي وكال مموجود بطب العدل البيت عبالك صار بي عرس الكل كامت مدري يضحكون مدري يبجون الحمدلله مموجود عالاقل عدنا امل عايش ثاني يوم رجع عمامي وخطيه ابو اسد تحسين جبال على ظهره شايل

محمد... قبل يوم حجيت ويه اسد كلي باجر انزل اذا كدرت وجان يحجيلي على الاوضاع تعبانه كلش عدت ايام واسد ماكو وراها عرفنا اسد مختفي رحنا للمقر مالته كالو نازل صاله كذا يوم والمفروض يلتحق وماكو وعرفنا اكوضباط 2 ماكو نفس وضع اسد بوكتها ماكو مكان مارحت سئلت عليه بي نوم مكمت انام شكو واحد اعرفه بالحكومه خابرته الكل كام يدور على اسد اسد فص ملح وذاب ماكو اي شي عنه اخر واحد شافه من ديطلع من المقر جندي كال سلم عليه وطلع بسيارته وراها اختفى
بيوم الي كالو روح نشوفه بطب العدلي اني ماقبلت ظليت اصرخ عليهم اكلهم اسد مايموت لتخبلوني مابي شي اسد مو بس ابن عمي لا صديقي واخويه لو يريد روحي انطيها
دمرت بيوم رحنا عمي بس وصنا  للطب العدلي تخربط كال ماكدر افوت بقى بسياره نزلت اني وعمامي 2 شوفونا الاسماء جان ماكو اسمه بس كالو جابو جثتين مجهوله الهويه البارحه كالو شوفها يجوز واحد منه اني لزمت ركبه الولد الي ديحجي كتله تتفاول على الرجال بالكوه خلصومني فات عمي عمي شافهم طلع كال مو هو الحمدلله مو هو طلعنا وعمي بسياره جان خال ايده على راسه ومنتجي عالجامه بس شافنا عيونه كامت تحجي اشرتله من بعيد سويتله ماكو الحمدلله ماكو رجعنا للبيت ظلينا على امل اذا صاير بي شي احد يبلغنا اذا مخطوف يخابرونه الخاطفيه
بيوم ظلينا مجمعين بيت جدي كلنا لان جده حكمه كلنه حتودع صارت فدنوب
شفت هاله كبالي عيونه وارمات من البجي ماتحملت طلعت بره حديقه جدي جبيره كلش رحت للنهايه مكان ظلمه ظليت ابجي ابجي لان فقدت الامل بعد عايش

هاله.... كلش نقهرنا على اسد خاصه اني نقهرت على اسد وعلى محمد لان اعرف شكد متعلق بااسد وخاصه من شفته بيت جدي شضعفه ولحيته شكبرها وبس يدخن شفته طلع بره لحكته دورت عليه ماكو شفته واكف بنهايه الحديقه مكان اظلم بالبدايه كلت موهو بس بعدين تاكدت هو رحت يمه بس كتله محمد

محمد... باوعتها هاله ماصدك جريتها وحضنتها كل قوتي ظليت ابجي بحضنها
هاله.... ياعمري لاتبجي والله مابي شي اسد قوي هسه يرجعنا
محمد.... ولج ماظل مكان ماسئلت ماظلت مستشفى مادورت على بغير محافظات سئلت اختفى
هاله..... حبيبي لاسوي هيج احنا محتاجيك ياكلبي لاتاذيني عليك
محمد ... شلت راسي من على جتفها ظليت امسح بدموعي
هاله.... حبيبي ظليت ابوس بيده والله عايش والله مو مالكيتو شي عنه يعني بعده عايش لاتخاف ياعمري
محمد.... ظليت اهز راسي كتلها فوتي جوه يله لحد يطلع يشوفج
هاله.... محمد لتخوفني عليك الله يخليك بعدين شنو هذا المسدس الي شايله صدك جذب
محمد .... هاله لخاطر الله عوفيني دخلي جيبيلي مسكن شي راسي حينفجر
هاله... هسه اجيبلك رحت سويتله لفه وصبيتله جاي واخذتله حبايه ورحت وديتها اله طبعا مقبل ياكل بتوسل يله اكل وشرب جاي واخذ الحبايه كتله اصعد نام فوك شويه صالك جم يوم منايم بالكوه وافق وصعد نام
رجعت كعدت يم البنات غرام جانت متحجي شي بس تبجي حتى اكل متاكل كلنا نعرف تعلقها بااسد ونعرف اذا راح اسد هي اول وحده تتاذة ظليت احجي وياها واسولف بس هي متحجي
البيت جان الكل متوتر وجو حزين جدا كل ميدك تليفون الكل تفز على امل اسد داك الكل جان يدعي وخايف جدي الي جنت اشوفه شخص قوي شفته شون جان ضعيف من عرف اسد ماكو حسيته حيله راح ويه اسد لان كلش يحبه الاسد والكل معتمد عليه ايام جانت بطيئه والوقت ميمشي جان

غرام .... اكثر وقت جنت محتاجه بي اسد هي هاي الفتره اول مره احس اني فقدت ابويه للمره ثانيه جنت احاول اتصنع القوه بس مجنت اكدر خاص جان قبل يوم اختفائه دازلي مسج  جان بوكتها يسئلني عالنتيجه كاتبلي غروم ماكو اخبار عالنتيجه بوكتها كتله لا ماكو دانتظر كلي لتخافين ناجحه وبمعدل عالي هسه شوفين كتبتله الله يسمع منك جانت اخر رسايل بيناه
كلسع اطلع تليفوني اباع صورنا اني وياه وارجع على محادثاتنا ربي رجعه النا سالم والله من دونه كلنا نضيع ادري جنت دايما ادعي عليه اكلك ربي خلصني منه بس والله مجان قصدي ربي 🙏🏻........ يتبع❤️
&&&&&&&&
مرحبااااااااا شنو رئيكم بالبارت وكلولي شنو توقعاتكم اسد وين ؟وشنو سبب اختفائه ؟. كلولي توقعاتكم .......

دعمكم للقصه حتى استمررررر ❤️