رواية حب جنوني الفصل التاسع 9 - بقلم سوزان ليث

ل جدي يسولف ويايه وشونج بالدراسه ومن هالحجي بعدين جاني مسج من اسد 💬 كومي كعدي بغير مكان
ظليت مستغربه ليش يريدني اكوم نوب جدي بعده يسولف ويايه مو مال اعوفه واكوم فجنت داباع على جدي من يحجي واسد بصف جدي اني تركيزي على اسد وشويه على جديد
باوعت اسد يمسح وجهه وشو عبالك ضايج شويه واسد كلي غرام جيبيلي ماي
عاد كمت رحت للمطبخ جبتله بطل ماي واجيت نطيتيها الكل يسولف ممنتبهين لاحد دياخذه

اسد... دايما متنتبه لكعداتها اعرف هي تاخذ الامور على نياتها بس من كعدت يم جدي وبصفها ابن عمي لا هاي ماكدر اسكت عليها واعرف هو ابو بنات دزيتلها مسج دكوم بس ماسمعت كلام ونوب جدي بس يسولف وياها تحججت بالماي من جتي جابتلي كتلها
تعالي كعدي هنا وسويتلها مكان بصفي وبصف جدي

غرام... كعدت يمه نداريت على بنات عمي الكل يباعن علينا متعجبات شون اسد ديحاجيني بس اني جنت كلش فرحانه

اسد.... مو دزيتلج مسج ليش مكمتي
غرام.... مو جدي جان يسولف جنت انتظره يكمل واكوم
اسد.... خرب عشيرتج على هالصوت الشايلته يخدر الواحد ... نداريت عليها شون صرتي
غرام... الحمدلله بس اريد ارجع للبيت باجر عندي امتحان
اسد.... اخذلج اجازه اذا متكدرين
غرام... لا ماريد اكدر اصلا قاريتها للماده بس اراجع وعندي جم شغله فهد حيقريني
غرام مجنت مصدك ديسولف ويايه اباع على رونق تهز براسها وتعضلي شفتها نوب اني اريد اضحك بس شيكولون عليه مخبله

فكمنا اني وبنات عمي ورونق كلنا رحنا بطرمه نص بالمرجوحه نص واكفه المهم نبا سئلتني  انتي واسد صالحتو فاني كتلها اي هو اجه حجه ويايه
زهراء بت عمي كاعده وهاي وحده خبيثه وتغار وعينها على كل ولد عمي بس للاسف مجنت ادري كلتلي اي همزين واخيرا سمع كلامي وحجه وياج
كتلها شنو يسمع كلامج كلتلي مو اني دايما اكله حتى يحاجيج البارحه بالليل من داحجي وياه كتلها باجر صالحها لغرام خطيه
اني هي حجت هيج احس واحد كفخني اباع على رونق ونبا مصدومه شنو اسد يحاجيها شنو بيناتهم بحيث علمودها صالحني
وكلش كرهت نفسي يعني اني كظيتها بس اتوسل بي حتى نصالح تالي هي بس كلتله حجه ويايه عفتهم وكمت رحت لامي كتلها

اريد ارجع للبيت تعبت وعندي امتحان
امي كلتلي دكولي لاسد يودينه كتلها لا انمار يودينا مريد شي من اسد رحت لانمار كتله يرجعنا طبعا كيف
فامي كامت سلمت عالكل وطلعنا طبعا اسد يباع علينا لان هو كلي شويه وارجعكم قبل ماكوم منا
&&&&&
هاله.... طول فتره الراحت محمد لا يخابر ولا يدز مسج كلش اشتاقيتله وتندمت لان عاملته هيج معامله اخر مره مصدكت ننجمع كلت بالكي اشوفه رحت لبيت جدي واني متانقه وكلت لازم اصالحه جنت كاعده هو دخل يمه كلبي بس عطر يدوخ ونوب لابس دشداشه نيلي وبيده سبحه صغيره سلم هالكل وكعد اني ظليت اباع عليه بس هو ولا كانما موجوده حاولت اكثر من مره الفت انتباه وهو ولا يمه

طلعت يم البنات بطرمه رجعت فتت لكيته بالمطبخ واكف ويسولف ويه سماح بت عمي هاي بكدي بس هي اول كليه اني عدت السادس وديسولف وياها عالكليه وفوكاها يكلها امرلج فديوم عزميني عود
اني فتت عبالك دخلت عليهم بغرفه النوم مو بالمطبخ رحت صعدت فوك بغرفه عماتي ماكو احد دزيتله مسج 💬 تعال اني فوك

محمد... صح جنت ضايج منها وحاول اجاهلها كد ماكدر لان ماريدها بعد اكثر مره من يوم صرنا سوه هيج  سوي لان تعرفني احبها  ادري غارت من شافتني احجي ويه سماح وتقصدت احجي وياها هيج كدامها بس حتى اكللها انتي انتهيتي عندي
دزتلي مسج اصعدلها فوك ظليت اكوم ماصعد بعدين رجعت كلت خل اشوفها شتريد بله
صعدت فتت للغرفه شفتها كاعده اول مشافتني كامت
نعم شرايده
هاله... محمد شبيك ويايه ليش هالمعامله
محمد...شرايده ترى ماعندي وكت
هاله... تقربت عليه كتله بطلت تحبني
محمد.... بالكوه لازم نفسي عليها كتلها مابيناتنا شي احبج انتي بت عمي وبس
هاله... لازمت ايده محمد اسفه والله ماعرف شون هيج عاملتك
محمد.... وخرت ايدها مني كتلها لاتتاسفين ولاتحجين بيناتنا انتهى
          ماله لزوم هالكلام عفتها ونزلت
هاله... ظليت صافنه على محمد هذا محمد من جنت اوكف يمه احس بحبه الي هيج يعاملني بس استاهل اني الضيعته مني
ظليت اسمع حجي صديقاتي وخسرته
&&&&&&&
غرام ....  بطريق نرجع اني احس دموع حتنزل مداكدر بالكوه لازمه نفسي اجاني مسج من اسد 💬 ليش مكتيلي اني اوصلكم
.. عفته مجاوبته لان هو شافني من حجيت ويه انمار وكتله وصلنا لازمت كلت خل اجاوبه كتبت روح وصل زهراء رجعت مسحته كتبت خاف زهراء تزعل عليك تالي مسحته كلشي مدزيت
رجعنا للبيت فتت صعدت لغرفتي اجتي رونق ورايه
شافتني عصبيه
رونق... غرام ليكون صدكتي حجي هاي الحيوانه
غرام... وليش ماصدكه ها ليش شعرفها اني دايما روح عليه واعتذر كليلي اكيد هو حاجيلها
رونق... اكلج يعني انتي متعرفيها هي الخباثه بدمها مو اسد جان يكلج لتحاجيها
غرام.... اي طبعا ميريدني احاجيها مو حبيبت كلبه هي
رونق.... غرام هي قابل اول مره تحاجيج هيج على اسد شكو هالمره ضجتي ليكون غرتي
غرام... لا ماغرت على منو اغار على واحد اصيحله عمو بكد ابويه
رونق.... خرب بيج ليسمع يكول صدك يعني كلنا هو رباج بس مو بكد ابوج
غرام.... باعي والله العظيم يارونق اذا كتيلي الخريط مال اسد يحبج وهاي سوالف من صدك بعد ماحجي وياج
رونق.... يمه حبيبتي كله ولا زعلج اختي الجبيره العاقله
غرام....🙄
.....
اسد.... هاي شبيها مو كتلها اني اوصلج شبيها راحت لانمار رجعت دزيتلها مسج بس مجاوبت هاي شبيها رجعت وراهم للبيت فتت بدلت وطلعت متواعد ويه محمد نطلع دانزل لكيت فهد ديطلع كتله ها وين
فهد... لبيت عمي جمال
اسد..... شعدك
فهد .... غرام عدها امتحان داروح اقريها
اسد.... شعجب مجتي هي
فهد ..... مادري هسه خابرتني يله حروح
اسد.... خل اجي وياك

رحت لبيت عمي اجتي غرام جايبه كتبها وكعدت بصف فهد واني ولا عبالك موجود هاي شبيها صدك جذب
ظليت كاعد اسولف ويه عمتي وكلسع اباع عليها وهي كاعده ومركزه ويه فهد وكلسع تمسح خشمها صاير احمر من الفلاونزا ونشله
تالي سلمت وطلعت رحت لمحمد للكهوه
ظليت كاعد وياه وسوالف وحجي صار بثمانيه رحنا تعشينا ورجعت للبيت غسلت وبدلت اجيت مددت ظليت العب بتليفون دزيتلها مسج 💬 شون صرتي
ظليت انتظر جاوبني ماكو رد هاي شبيها

غرام .... خابرت فهد يجيني للبيت حتى يقريني مردت اروح حتى لاشوف وجهه من صدك حاقده عليه وضايجه منه تفاجئت اجه هو وفهد بس اني ولا درتله بال ظليت اسوي نفسي مركزه بالامتحان هو شويه وطلع بالليل دز مسج شون صرتي باوعت عالمسج جان بودي اكتبله انت معليك بس عفته مجاوبته شويه ودك عليه هم مجاوبته قفلت تليفون ونمت

اسد... دكيت عليها ومجاوبتني رديت دكيت مغلق هاي شبيها المخبله اظاهر نطيتها عين زايده عفتها ونمت ثاني يوم صبح كعدت دكيت عليها بعد مغلق شفتها ساعه بعدها مرايحه للمدرسه كمت بدلت ونزلت صباح الخير
امي ... صباح النور حبيبي يله تعال اكل
اسد... وين ابويه
امي.... طلع من السته هو وفهد
اسد... اي كال يروح لبغداد علمود سالفه البيت البنات راحن للمدرسه لو بعدهن
امي .... بعدهن وين صارن خل اشوفهن هسه يجي خطهم وميلحكن يتريكن
اسد.... عوفيهم اني اوصلهم
امي... ها شعجب ماعدك شغل
اسد.... لا اوصلهم واروح لمحمد مدري شيريد مني

نزلن البنات تريكن وكتلهم اني اوصلكم طلعنا لكيت الخط واكف كتله روح اني اوصلهم شفت غرام طلعت وفتحت الباب ذتصعد كتلها ابقي اني حوصلكم

غرام.... لا ماريد اروح بالخط عفته وصعدت والخط حرك

اسد.... هاي شبيها نداريت على رونق هاي شبيها اختج
رونق.... ضايجه 🙄
اسد... طلعت السياره وصعدن كتلها اي ست رونق شبيها غرام ضايجه
رونق... مادري اسئلها
اسد.... باوعت عليها بالمرايه وخزرتها
رونق.... مو من اكلك تزعل مني
نبأ...... اني اكلك بارحه من جنا بيت جدو زهراء ضوجتها
اسد.... وبشنو ضوجتها
نبأ.... كلتلها همزين حجه وياج اسد بارحه اني كلتله خطيه حاجيها
اسد..... لتافيت على نبأ من الحجت ويايه زهراء
تبأ..... اي
اسد... هاي مخبله واني وين شايف وجهه حتى دكلي اني اعلمها وصلتهم للمدرسه وطلعت لمحمد شافني ضايج
محمد .... شبيك تتعارك ويه نفسك
اسد.... باع واصله لهنا عوفني بحالي
محمد.... يابه شبيك خل نفتهم
اسد.... عدك رقم زهراء الجديد
محمد.... لا ماعندي شسوي بي
اسد.... بت السكط كايله لغرام اني احجي وياها وهي كايلتلي وعلمودها صالحتها
محمد.... ولا جوز من سوالفها خرب يومها
اسد.... دكيت على رقمها الي جانت دك عليه منه ماكو طلعلي رجال اظاهر هو ماخذ رقم
محمد.... هي كل اسبوع تبدل رقم
اسد.... دكول لهاله عدها رقمها
محمد.... ماحجي وياها
اسد.... خرب يومك هسه وكتك بس بسيطه اني اشوفها وين تولي الا اطيح حظها

غرام.... لتهيت جان عندي امتحان وراها كله دروس حتى الفرصه المدرسات اخذوهن لان احنا سادس وملحك خبلونا بحيث حتى البنات ماشفتهم
خلص الداوم وطلعت فجنت دامشي ويه صديقاتي وصلنا للباب الخروج صديقتي داليا كلتلي ولج باعي منو هنا
رفعت راسي شفت اسد واكف منتجي على سيارته ويدخن
نور .. هلا هلا وينك ياحلو  صارله شكد مشايفي ولج هذا كل مديكبر يصير ااحلا
داليا ... شون شخصيه خرب بس وكفته تخبل
غرام... فاجئني شعده هنا
داليا ... دروحيله غير لو عندي ابن عم مثله
نور ... جان سويتي
داليا.... جان اني نهيت عليه
غرام.... اخذيه مني الج هديه ... وين خطي شنو بعد مجاي
باوعت على اسد ياشرلي كتلهم خل اروح اشوفه شبي
رحتله
اسد.... هلا بست غرام بعد وكت كل مدرسه طلعت لازم قفلتي الصفوف يله طلعتي
غرام... لا مدرسه مقبلت تطلع الا تكمل الموضوع

اسد... يله صعدي
غرام.... لا ارجع بالخط
اسد .... داكلج صعدي
غرام.... لعد وين البنات
اسد..... رجعن بالخط صعدي عاد حكتلج
غرام..... نداريت على صديقاتي سلمت عليهن وصعدت
اسد.... اي ست غرام شبيج زعلانه
غرام.... ظليت اباع عالشارع كتله مابيه
اسد.... احجي
غرام.... جانت واكفه الحجايه بزردومي لتافيت عليه كتله شعدك ويه زهراء
اسد.... ظليت منتبه عالطريق كتلها بت عمي شعندي وياها
غرام.... انت كل مشوفها يمنا دكلنا لتحجون ولتخطلطون وياها وتالي انت كاظيها كله وياها
اسد.... نداريت عليها كتلها منو هذا الي كاظيها وياها
غرام... ابويه عفته ونداريت على الجامه
اسد..... خلتني ابتسم خرب والله شكلها تغار عليه
غرام.... شفت هذا مو طريق البيت كتله وين موديني
اسد.... نتغده
غرام.... ماريد رجعني للبيت
اسد.... غرام لتختبرين صبري ترى صبري حيخلص
غرام.... عفته ونداريت وصلنا للمطعم فتت واني مستحيه لابسه صدريه خرب هسه عبالهم فالته من المدرسه كعدنا كتله امي تدري
اسد... اي كتلها شتاكلين
غرام.... ماريد شي  طبعا هو طلب الي واله بس اني جنت ميته جوع اجه الاكل وكمت اكل
اسد....  مبينه جوعانه ظلت تاكل بس اجه الاكل
غرام... رفعت راسي شفته يباع عليه كتله حرامات بعد طلبت
اسد..... هههههههه بالعافيه ابويه انتي
غرام.... خجلت منه بس رجعت اكل  كملت طلبنا جايات
اسد.... غرام
غرام... نعم
اسد.... اشتاقيتلج
غرام.... يمه كلبي ابتسمتله كتله اني هم
اسد.... ابتسمت على حركاتها الطفوليه صح كبرانه بس سوالفها مال جهال  من تستحي تبتسم وعيونها تغمضهن وظل تعصر باصا بيعها
ماعندي شي ويه زهراء
غرام.... شعليه اني بس كللها لتدخل بيه
اسد.... سحبت نفس من الجكاره اووووف كتلها لعد ليش ضجتي
غرام.... عادي لان كالت اني الكتله يصالج
اسد.... بس
غرام.... اي  اوف شبي اليوم
اسد.... انتي واثقه بيه لو لا
غرام.... هزيت راسي اي
اسد.... خلص  من اكلج ماعندي شي ويه زهراء صدكيني واصلا ممحاجيها هاي وحده جذابه
غرام... يعني متخابرها انت
اسد.... لا ممخابرها  الحب ميقبل اخابرها .... كلت هيج داشوف شسوي صدك تغار عليه لو اتوهم
غرام... ظليت ابلع بريكي كتله اريد ارجع تاخرت
اسد.... باوعت عليها تغيرت ملامحها من حجيت كتلها يله امشي
بطريق دك عليه محمد جاوبته كتله ها حبيبتي اي شويه واجيج
محمد... ولك ياحبيبتي اني محمد
اي عمري لا ماتاخر اوصل غروم  واجي ماشي كلبي باي
غرام.... من دك تليفونه وكال ها حبيبتي يمه احس بردت واحس حتخربط خرب طلع عده حبيبه هو يحجي واني احس اذني لازكه يمه ونوب هو يحجي ناصي
وفوكاها تعرف بيه اكيد كايللها طفله واني مربيها خرب حظج غرام اوكفيلي رونق هذا الي دكولين عليه يحبج ويغار طلع عده وحده

وصلت للبيت كتله شكرا عالغده عمو يله باي عفته ونزلت

اسد.... هههههههه ضحكت على تصرفها يعني البارحه واليوم مجابت طاري عمو من سمعتني احجي بسرعه كالت عمو

غرام... عدت ايام واني التهيت بقرايتي واسد لو اشوفه لو لا بس دايما يتصل يسئل عليه حتى لو بدوام هو ومن يرجع يجينا للبيت اجتي امتحانات اخير السنه واني جنت عباره عن عوده من الضعف والوجهه عالطوله صايره ومصوفره لان ماكو اكل بس اقرايه اريد اطلع معدل طبيه دمرت لليل مانامه بس ساعتين واكعد اراجع هواي تعبت واقره واحس نفسي مقاريه شي الحمدلله كملت الامتحانات على خير اخر يوم رجعت للبيت كتلها لامي شكو اكل بثلاجه طلعي اريد اعوض كضيت اول اسبوع بس اكل بحيث رونق دكلي كل ماشوفج الكه حلكج يتحرك تاكلين
وره جم يوم جان مهر صديقتي نور فسوت حفله بيتهم فقبله اني رحت اشتريت فستان جلد النمر طويل ومجسم كلش حلو طبعا رونق مقبلت تروح ويايه دكول انمارميقبل عشتو امي كلتلي كولي لاسد يوديج
فقبلها بيوم خابرته همزين جان نازل بالبيت
خبلني يله قبل اروح ويوديني وكلسع يكلي ليش عمتي مو وياج ثاني يوم سويت شعري وخليت مكياج شويه قوي ولبست الفستان والكعب العالي ولفيت الحجاب بس هناك من اروح انزعه
فدكلي اسد كلي اني بره

اسد... طلعتلي ياصغيره ياطركاعه غير تموت طول وجسم اويلي ظليت صافن عليها وهي تجي تركب سياره صعدت عطرها ترس السياره

غرام... هلو شونك
اسد... بخير شطالعه يابه انتي العروسه
غرام.... هههه خجلتني ممم تندل بيت نور
اسد.... هذا ذيج المره رحتي يمها
غرام.... اي هو ... ماعرف ليش من كعدت يمه بصدر واني بهذا شكلي حسيت نفسي مرته 😂
اسد... شوكت تخلص الحفله
غرام.... مادري عود اخابرك حتى تجيني
اسد.... مو كليلي لان داطلع ويه جماعتي حتى اعرف اضبط وقتي
غرام.... عادي اخابرك اذا مموجود اخلي انمار يجيني
اسد.... ياانمار يابطيخ اني اجيج هسه 4 بالسبعه اجيج
غرام... ماشي .... وصلني لبيت صديقتي وطبعا نور جانت طالعه تخبل ظلينا بس نركص اني وداليا لان احنا من الابتدائيه سوه كلش جنا فرحانين بسبعه ونص صارت جنت ناسيه الوقت رحت لتليفوني لكيت اسد 7 مكالمات داكلي ماعده المسجات وينج وينج
دكيت عليه بسرعه جاوب
ادري وين خاله تليفونج لخاطر الله
والله مادري ممنتبه
كملت حفلتج
اي كملت بس كاعدين دنسولف
ديله طلعيلي اني بره
اوكي هسه اجي

رحت لفيت حجابي وعدلت نفسي وسلمت عليهن وطلعتله ركبت وياه
هلو صالك هواي واكف
بسبعه اجيت شكد دكيتلج
اي تليفوني بجنطه ومادري بيه
اي وين تردين تروحين هسه
وين غير للبيت
لا يابيت اني ميت جوع خل روح نتعشه
ولو اني تعشيت بيت صديقتي بس عادي اكل وياك ههههه
اي شحدج متاكلين
وصلنا للمطعم دانزل كلي اوكفي اوكفي يابه  نطاني كلينكس كلي خففي حمرتج
المهم خففتها ونزلت كعدنا بره الهوى جان حلو طلب اكل فكعدنا ناكل فنتبهت لوحده كاعده عالميز الي بصفنا بس تباع الاسد نداريت على اسد ممنتبه
كتله شبيها هاي .......يتبع ❤️
££££££££
تعليقاتكم ودعمكم للقصه حتى استمر ❤️