رواية حب جنوني الفصل الحادي عشر 11 - بقلم سوزان ليث

غرام.... مرت اسبوعين وماكو اي خبر عن اسد نفسيه الكل تعبت ام اسد ( خالته) تمرضت كلش اخوته الي تحسيهم جهال وابوهم ضايع
ماعرف ليش جنت اشوف عمي فاقد الامل كلش بحيث مجان يدور على اسد جان يدور على جثته ظليت مستغربه من هذا الشي لحد ماعرفت جانت تجي الاسد تهديدات بالفتره الاخير بس اسد مجان يهتم الها طبعا محمد كال هو كايله حتى كالو كل ميطلع جان سلاحه وياه بوكتها كلت يجوز خطفوه زين غير احد يخابر يريد فلوس نوب جانت فتره الي ينخطف ميرجعوا ابد وره فتره لكوه سيارته بمكان وكلشي بيها حتى تليفونه

محمد.... بعد مرور اسبوعين بالضبط ساعه ب 7 المغرب تليفون عمي ابو اسد دك  عمي جاوب ومنعرف منو بس سمعته يكله خليني اسمع صوته وراها تليفون انسد
ركضنا على عمي كال ناس خابر كلولي تريد ابنك لو لا
وساديه بوجهه بوكتها اني ماكول ارتاحيت بس اتنفست لان احتمال عايش
وره 3 ايام دك تليفون عمي بس بغير رقم هم كلوله اذا تريد ابنك حضرنا هلكد مبلغ جان مبلغ كلش هواي عمي ظل يكللهم كلشي انطيكم بس خلوني اسمع صوته اعرفه عايش
عمي بس سمعته يكله اسد اسد وتليفونه انسد عمي كعد وكلنا سمعت صوته عايش عايش
بوكتها عبالك شفته كبالي الحمدلله عايش
عمي كنال سمعت كال ماسمعت بس سمعت اسد يعيط كال البنات ديرو بال ونكطع الخط كنال يعني ماكمل كال لا نكطع الخط بس اكيد ديرو بالكم

غرام..... لماعرفنا عرفنا اكو ناس مخابره عمي ورايده فلوس علمود يعوفون اسد بس جدي بوكتها كال لكل عمامي ممنوع اي بنيه تطلع من البيت لحد متخلص هاي السالفه حتى اني ورونق وامي رحنا بيت جدي لان خاف علينا لان ماعدنا رجال عبالك شتغلت حاله الطوارئ عدنا اصدقاء اسد خبصو الدنيا خبص علموده

________نرجع قبل الحادثه———-

اسد ..... طلبو اللتحق لان وضع مو زين بهاي الفتره كثرت التهديدات يوميا رقم يدكلي يوميا رساله تجيني بس مااهتميت الها بس جنت حذر كلش حتى جم واحد من جماعتي هم مثلي تجي هيج سوالف رجعت اللتحقت بوكتها جنت انتظر نتيجه غرام بفارغ الصبر لان كلت بس تنجح اخطبها واخليها يمي تكمل الكليه خاصه بهاي الفتره حسيتها كامت تهتم بيه اكثر ظل تخابرني وسولف ويايه رسايلها الي من اللتحق كلها اشتياق الي حسيت شالت من خجلها 50‎%   جم مره احاول اتعمق بسوالف بس هي ثوله ماتفهم او نكدر نكول بريئه لدرجه متعرف بسوالف الحبيات ماكدر اكول تحبني او لا بس حاس وبسبب تغيرها  حتى من ارجع للبيت بسرعه
تجي شوفني اما اني فخاف اني احبها صرت اعشقها كلشي بيها احبها حتى مرات جفص بالحجي احبها لان ترتبك وتحاول تصلح الحجته

ققرت انزل قبل موعد النتائج حتى من تستلمها اني يمها فبيومها اخذت اجازه ونزلت طلعت من المقر وعادي اسوق فجان اكو فرع مختصر افوت بي حتى اطلع عالشارع بدون مالوف من يم الزدحام المهم فتت بي ماشوف الا سياره كسرت عليه حيل بحيث جنت احاول بس اتخلص منها لان حنكلب ظليت اصيح عليهم جانت سياره عاليه ومضلله حاولت اوكف شفت سياره نفس نوع الي كسرت عليه بوكتها عرفت اكو شي حيصير وكفت والسياره هم وكفت نزلو منها 3 ملثمين اني بين ماداطلع المسدس من الجكمجه اضربت حيل براسي فقدت حسيت بس جان راسي يوجعني كلش وجسمي كله مشدود حتى رجلي جان مكان ظلمه كلش ظليت اعيط وافشر وينكم كوا.... حسيت ضوه نفتح فات واحد ملثم
كلي واخير صحيت سيد اسد كتله انت منو ولك وين تروح من ايدي والله لامردك بسطالي كام يضحك ضحكه استهزائيه كلي دطلع منا اول مره وره يومين نقلوني بغير غرفه جان غرفه اكبر وبيها شباك يعني حتى من يطفون ضوه يبقى اكو ضوه من شباك فتت جان مغمضين عيني فتت للغرفه وكعدوني بيها على رغم جانو شاديني بس جنت اقاومهم حتى اكو واحد ركعته كله من ديكومني

بهاي الغرفه جنت مغمض بس اسمع احد يون بيها وراها فتحو عيوني لكيت اثنين اصدقائي هم مجتفين بس ماباقي شي بوجهم من ضرب ظليت اصيح عليهم بس اريدهم يحاجوني ماكو فاقدين جانو اجه ولد جان ملثم بوكتها كمت افشر واعيط عليه اكله لو رياجيل انتو مو جتفونه جبناء بوكتها كلي احمد الله وشكره مسوينا بيك مثلهم تعرف شنو الشفعلك معاملتك الحلوه
بوكتها كتله انت منو احجي جبان اذا دكلي بعد ماطلع منا شكو خايف وملثم نفسك بوكتها نزع الغطه من وجهه كلي عرفتني
بوكتها عرفته ارهابي ومنظم لخليه ارهابيه بوكتها لزمنا اخوه هم جان ارهابي بس بوكتها جماعتي شبعوا كتل اني جنت مادري لما عرفت ماقبلت هيج يسون خاصه جان ماعدنا دليل هو هم منظم الهم جنا بس نعرف اخوه الارهابي فجنت اكول مو لان اخوه ارهابي هو هم ارهابي

كلي ها ذكرتني كتله انت واحد جبان وحق الله لو يرجع بيه زمن لاول ماقبض على اخوك اضربه طلقه
كلي لا لا مو اني احبك لضوجني منك عافني وطلع واحد جماعتي صحو كمت احجي وياهم  بوكتها صديقي كام يبجي بوكتها كتله لاتبجي ولك انت شفت اكثر من هيج كالي جهالي اسد اذا صار بيه شي وانت طلعت دير بالك عليهم
ظليت احجي عليه وافشر واكله ولك كافي انت رجال لاتخبلني  مر ايام علينا واحنا نفس حالنا ماتغير شي اسمع اصوات بره عياط حتى صوت جهال يبجون واكو جامع قريب عالبيت لان من ياذن صوته كلش قريب بكل صلاه جنت ادعي الله يخلصني من الي بي افكر ب اهلي فكر باامي وابويه واخوتي وخواتي وبغرام بوكتها ظليت احمد الله ماكتلها شي ماكتلها احبج كلت لان اذا صار شي بيه لا تحزن لان اول حبيب الها يروح  خليها حزينه على ابن عمها وبس

ظليت فتره بكل مره يفوتون عليه اظل افشر عليهم حتى على امهاتهم فشرت  لان خلفت هيج ناس مجرمين بوكتها فات عليه واحد كلتله الى متى نظل هيج لو تكتلونا لو تعوفونا كلي لازم ضجت استاذ اسد تحب نحيبلك وحده تونسك ثاني كله لا لا شنو رئيك نجيبله خواته ثاني يرد احنا نتونس بيهن وهو نجيبله خطيبته بوكتها ظليت فشر واحاول افك نفسي بس جنت مشدود قوي كتلهم الي يوصل يمهن وحق الله احسب الله ماخلقه وروح امي لا اخليكم تبجون دم على الي سويتوا
وره ايام ظلو يهددوني بخواتي وبخطيبتي اعتقد جان عبالهم خاطب غرام لان جنت اطلعها وافرها يعني جانو مراقبيني من زمان ماخفت على خواتي لان عرفت  اذا هسه همه يدرون بيه مختفي اكيد خواتي بالبيت ومديطلعن بس خفت على غرام وعلى رونق كلت ذني يطلعن ويجن لبيتنا كلش خفت عليهن
بيوم كلي حنخليك تحجي ويه ابوك بس حتى يسمع صوتك يعرف بيك عايش
هزيت راسي اي بوكتها جنت بس اريد اكللهم عالبنات لايطلعن
دك على ابويه وحجه وياه وفتح سبكر وكلي احجي بوكتها كتله البنات ديروبالكم عليهن بس مالحكت اكمل سد التليفون وضربني براسي بالمسدس خلاني افقد

حسيت على صوت اصدقائي يصيحون عليه حسيت راسي يوجعني كلش صديقي كلي دتنزف عبالنا صار بيك شي لان بعد متحركت
هزيت راسي كتله مابيه شي بس وجع براسي قوي
كلي اي ضربه جانت قويه

محمد... وره جم يوم ردو خابروا كالو ها حضرتو الفلوس كنالهم اي كالو انتظرو مخابره نحدد مكان بس ياويلكم اذا مبلغين اقروا على ابنكم الفاتحه احنا حضرنا الفلوس صح جانت هواي بس الكل شارك بيها عمامي وحتى اني عدي مبلغ بالبنك سحبته وجنت قبل الحادثه بايع سيارتي هم كل شارك بس حتى يرجع سالم النا

اسد.... دخل علينا واحد كلي والله اهلك شكد يحبوك بحيث حيدفعولك هالكد حتى تطلع وكتها صديقي ظل يفشر عليه ويسب بي وبكل سهوله طلع سلاحه وخله على راسه كله هسه اطير مخك ظلينا اني وصديقي نصيح عليه ونكله عوفه مو حتاخذون الفلوس ليش دتكتله باع عليه بنظره كلي هذا الكتل اخويه نداريت عليه شفت صديقي ديشاهد ورفع راسه ضربه طلقه براسه بدون مارمشت عينه  كدامنا اني اتخبل ظليت ارفس وافشر عليه انهاريت كلش فقدت ماعرف شكمت احجي دمرت واني اشوف صديقي صار عباره عن جثه بوكته كتله كتلتك على ايدي لو يبقى اخر يوم بعمري كتلتك على ايدي اجوي ولد شالو صديقي ظليت منهار صافن على مكان صديقي الي صار كله دم

غرام..... مكمت احسب شكد صاله اسد غايب حتى لافقد الامل برجعته اجه موعد يسلمون الفلوس وراح واحد من عمامي سلمها الهم بطريقه محد تخطر على باله بوكتها عمي كال محد يكول لاصدقاء اسد حتى لا يسون شي وبعدين نندم عليه فخلو هالموضوع سر بينهم عمي وره ساعتين رجع كال كلولي ارجع هسه هو يجيك
ظلينا ننتظر وماكو اي احد

اسد..... اجوي جروني وشدو عيوني ظليت اكلهم وين موديني واعيط وماكو صعدوني بسياره جانت عاليه لان بالكوه صعدتها واني ايدي مشدوده فحسيت من صعدت عاليه جانت مشت سياره  وراها نزلوني ودفعوني حيل بحيث وكعت وكعه على جتفي وشحطت السياره وراحت ظليت نايم بالكاع احاول اكوم بالكوه عدلت نفسي ظليت اصرخ على امل احد يسمعني يجي يفكني ظليت ماعرف شكد وقت اني هيج حاول كذا مره افك نفسي بس ماكدرت شاديني شده كافره سمعت صوت جهال يمكن جانو ديلعبو طوبه لان اسمعهم يكله صد عدل ظليت اصيح عليهم حتى يشوفون بس همه صوتهم شويه بعيد وراها حسيت كامو يركضون عليه ويخافون يتقربون عليه ظليت اكلهم بس فتحوني ماسويلكم اجه واحد شال من عيوني بالكوه فتحت ضوه بعيني بين ماباوعت اني بمنطقه زراعيه وحتى بيوت مابيها مثل الجوله باوعت شله مال ولد ظليت اكلهم فتحوني اني جنت مخطوف لتخافون ماسويلكم شي واحد من الولد اجه يحاول يفتح ايدي كلي قوي ماكدر افتح اروح اجيب سجينه واجي ثاني كله اني بيتنا اقرب اني حروح والله راح ركض شويه جايب سجينه بدوه يفكون وره مفكوني بالكوه عدلت ايدي لان صار فتره اني على هالوضع ظلي افرك بيدي وهمه صافنين عليه كتلهم احنا بيا منطقه كلولي ابو غريب ارتاحيت شويه وكمت واحد من الولد راح جابلي ماي غسلت وجهي كتلهم اريد اخذ تاكسي منين اخذ كلولي لازم تطلع على الشارع العام ومناك تاخذ خطيه واحد من الولد كال خل اكول لاخويه يذبك عالشارع هو عده ماطور راح وره شويه اجه اخوه جان اكبر منه يعني يطلع 20 سنه هيج كلي تفضل بيتنا ارتاح  بعدين روح كتله لا ماكدر اريد ارجع صالي شهر مخطوف واهلي ظال بالهم عليه هسه صعدت وياه وصلني للشارع وخطيه ظل واكف ويايه لحد مااجرت تاكسي بالكوه قبل ابو تاكسي يكلي بعيد المكان وماكدر كتله بس وصلني شتريد انطيك خطيه طريقه كله يكلي ليش هيج انت وين جنت سولفتله خطيه نقهر عليه بطريق كلي جوعان اجيبلك شي تاكل كتله بس وصلني وماريد شي وصلني للمنطقه مالتي وكفني يم البيت جان محمد ديخابر بتليفون وعمامي اثنين واكفين هم بس وكف تاكسي وشافوني ركضوه عليه مثل الي ممصدكين برجعتي يحضنون بيه ويبوسون عمي طب على بيتنا يكللهم اسد رجع اسد رجع محمد ظل حاضني وراها كتله حاسب الرجال جابني من مكان بعيد

محمد.... ولك شحاسبه نداريت على السايق كله شتريد اخذ انت رجعت الغالي
اسد ......عفتهم وفتت ابويه طلع حافي للطرمه ركضت عليه حضنته وابوس بي امي خلصانه بالكوه تمشي كمت ابوس بيها اخوتي وخواتي الكل يبجي  عمامي الكل ممصدك بيه رجعت طببوني جوه وامي معافتني كاعده وتمسح بوجهي ودكلي انكسرت ايدهم ان شاءالله كل واحد مد ايده عليك

غرام.... جنت كاعده بصف بيبي لان جانت كلش مريضه بس خطيه ابد مافقدت الامل برجعته وكل مشوفني ابجي دكلي ولج يرجع لاتخافين عليه بس هي جان سكر وضغط يصعد عدها جنت كاعده وهي دسولفلي على ابويه من جان صغير وجان كاعد جدي يقرا قران وامي ورونق بالمطبخ ويه مرت عمي  نزل عمي ركض من فوك يصيح رجع اسد رجع اسد فزيت ركض كمت جدي كام حتى بيبي الي مريضه ونايمه شفتها كامت جدي كله وين رجع كله هسه خابروني راجع لبيتهم
طبعا امي كامت تهلهل اني ورونق بس نبجي بيبي صل عالنبي وتكبر
بيبي كالت اروح اشوفه عاد بسرعه لابسنا العبي ودانا لبيت عمي طبعا الكل طب يركض والبيت هوسه كلش كلش هوسه فتت جنت واكفه يم الباب بس اريد اشوف اسد باوعته جان مدنج على بيبي ديبوسه بس صاير بي شضعفه ولحيته وهدومه كلها تراب وصخه وبراسه يم كصته شك ظلو يبوسون بي ويحضنون واني ورونق واكفين بعدين لان ازدحام منكدر نفوت
ظلت عيوني ممصدكه موجود شويه واجوي اصدقاء اسد كلهم ضباط اجوي فطلعو نسوان بره بقت بس بيبي جوه وراها طلع اسد كالو حيصعد يسبح طبعا مرت عمي صعدت وياه خواته وياه
اني ظليت بالمطبخ البيت هوسه هوسه يعني حالنا من الحزن صار فرح نوب كلسع مريه فايته تهلهل جوارين الكرايب الكل اجه وره ساعه هيج نزل اسد جان نظيف ولابس تراك باوعت عليه يربي شكد مشتاقتله فدوه العينه
طب للخطار ظلو ناس جايه ناس طالعه
وراها جنت دنحضر التقديم اني ورونق وخوات اسد فجنت ناطيه ظهري سمعت رونق كالت عمو اسد وركضت اني نداريت شفتها تبوس بي

اسد.... ولج الكل ضعفان بس انتي سمنانه دبدوب
رونق.... عمو اسد لدكلي دبدوب
اسد.... صعدت راسي شفت غرام تباع عليه فتحت ايدي الها جتي ركض اول مره تحضني هيج
غرام.... بس شفته فتح ايده الي اني بدون وعي رحت حضنته نوب حاضنته وابجي حاضني بس مو قوي عادي
اسد..... جتي حضنتني نوب تبجي اباع على بنات عمي وعماتي وزوجات عمامي يباعون علينا اني بالبدايه حضنتها حيل بعدين بعدتها عني ظليت امسح بدموعها اكلها هياني يمج مابيه شي ابويه انتي ليش تبجين
غرام..... مسح دموع صعدت راسي عليه اباع على وجهه شكد تعبان والجرح الي بكصته كلش عميق وراها حجه ويايه شويه وراح

بس بي شي متغير ماعرف حتى كلامه جوه قليل جان لليل قل الخطار بقو الاهل هو كللهم اني استاذن اريد انام طبعا الكل كله روح نام وارتاح وفعلا صعد اسد فوك
ظلو يسولفون ويحجون اكو نص عمامي رجعو لبيوتهم اني ظليت اسولف ويه رونق اكلها شون تعبان وتحسيه كبران ورونق هم لاحظت هذا الشي
اجتي نبأ عليه كلتلي اسد يريدج فوك
طبعا اني باوعت عليها واحس كلبي كام يدك سريع بسرعه صعدت سويت الدرج خطوتين دكيت الباب عليه سمعته كلي ادخل
دخلت شفته كاعد عالجربايه اول مشافني كلي تعالي كعدي واشر بصفه رحت كعدت
كلي
اسد....صدك معدلج 97
غرام... هزيت راسي اي
اسد.... باوعت عليها يمكن هذا الخبر نساني كل تعبي والي شفته تقربت عليها كتلها حصيرين دكتوره غرام
غرام.... ضحكت كتله مادري يمكن وطبعا مو هو اللزم ايدي اني الي لازمتها كتله خفت عليك هواي ظليت بس ادعي ترجعنا

اسد... بتسمتلها كتلها ورجعت
غرام.... اعوفك ترتاح مبين عليك تعبان
اسد...... كتلها ميت تعب بس ابقي هنا عدلت نفسي ومددت نمت على رجليها
غرام..... لما نام على رجلي اني احس شنجت حتى كمت ماكدر اخذ النفس احس بطني شنجت هلكد ممقلصتها
اسد... غرام تعبان كلش
غرام.... خليت ايدي على شعره كتلها نام ارتاح اني يمك ظليت امسح بشعره اباع على جرحه متت قهر عليه شمسوي بي بحيث واصل لهيج مرحله تحسيه طفل ونايم بحضن امه
ظليت اللعب بشعره مطول بسرعه نام وره تقريبا ساعه ندكت الباب فاتت رونق شافته نايم بحضني نصدمت اشرتلي امي تريدج هزيت راسي اي كمت على كيف خليت مخده جوه راسه وغطيته وطفيت ضوه وطلعت لكيت رونق دتنتظرني

رونق.... عزه غرام هذا وين نايم
غرام..... تعبان كلش نقهرت عليه اول مره اشوفه هيج
رونق..... اي خطيه الله لاينطيهم الي سوو بي هيج
غرام.... بس غمض عيونه نام
رونق.... الله يعلم تلكي مجانو يخلوا ينام
غرام .... رونق اريد اكلج شي ......... يتبع ❤️
&&&&&&&&
شكرا لكل شخص يدعم القصه  شنو رئيكم بالبارت احجولي شنو اكثر شخصيه حبيتوها  حتى ازيد المشاهد بيها ❤️❤️❤️❤️