رواية حب جنوني الفصل العشرون 20 - بقلم سوزان ليث

خابرت عمتي كتله العصر حطلع لبغداد تجون ويايه لان صديقي جايب بضاعه جديده وضملي شغلات للبنات واني عندي شغل بغداد تجون ويايه كلتلي لا شيودينا كتلها دمشي هي روح اليوم وباجر نرجع حتى البنات غيرن جو يله قبلت

خابرتني غرام تسئلني منين اجتي سالفه روح للبغداد كتلها نفس الحجي هي جانت مكيفه بس اني جنت بس اريد اوصل لبغداد واطلع قهر الدنيا كله بيها
واعلمها ويه منو دتلعب

العصر خابرتهم كتلهم اني حنتظركم بره طلعت شغلت السياره وكعدت بيها طلعت رونق صعدت كتلها وينهم

رونق... غرام تلبس الحجاب وامي يمها حتى تقفل هسه يجون
اسد... اكول رونق اني مسوي مفاجئه لغرام
رونق... صدك شمسوي
اسد... مفاجئه اريد احتفل بعيد ميلادها لان اسبوع جاي اني مو بدوام
رونق... اي غرام حتفرح كلش شحسويلها
اسد... بعدين تعرفيها بس كل الي اريده منج شغله
رونق.. اي شنيه
اسد... من اوصلكم لبيت جدتج حكول لامي حاخذ البنات حتى يشوفن شيريدن وانتي تحججي ولاتجين
رونق... خل اجي حباب داشوف شنيه المفاجئه
اسد... بعدين تعرفيها كتلج هسه سوين مثل مكتلج ماشي
رونق... اي ماشي

غرام..... طلعت من البيت بعدما جهزت تفسي واخذت جم شغله ويايه وركبنا وتحركنا لبغداد جان سكوت الكل ساكت ظليت طريق كله اباع على اسد بالمرايه بس جان مو على بعضه مرات يباع عليه نضرات عضب بس مثل الينتبه النفسه ويرجع طبيعي
وصلنا لبغداد جان وبوجهنا لبيت بيبي

اسد... اكلج عمه اني حاخذ البنات حتى يشوفن شيريدن
ام غرام... اي عيني اخذهم جان جيت وياكم بس راسي شو يوجعني يمكن من طريق

نزلت ام غرام ورونق كال
رونق... اني ماريد شي ومابيه حيل اجي
غرام... ولج ليش تعالي قابل اروح وحدي
رونق... اي مو اسد وياج شوفي شمحتاجه يله باي
ام غرام... اسد امانه الله متدفع شي الها هي عدها فلوس وتدفع حلفتك امانه عليك
اسد.... توكلي بالله عمه يله مع السلامه ... حركت السياره بعد ما اجت كعدت يمي غرام
غرام... اسد
اسد.. نعم
غرام... بيك شي شو مو على بعضك
اسد... مابيه شي
غرام... عفته بعد محاجيته ولا هو حاجاني  هو وصلنا لنفس المكان الي اخذني بي ذيج الجيه
كتله ... اسد جابنه هنا مو هنا شقتك
اسد... اي عندي غراض بيها اريد اجيبها
غرام... لعد انتظرك بسياره
اسد... شتنتظرين تعالي ويايه يله نزلي
غرام... نزلت عادي هالمره مخايفه عكس ذيج المره الجانت كل خطوه سؤال متوجه لاسد احنا وين وليش هنا وشكو
صعدنا للشقه فتحلي الباب كلي فوتي فتت ظليت امشي اريد اتوجه للصاله كتله اسد الشقه يرادله تنظيف  لتافيت عليه لان مجاوبني لكيته واكف ويباع عليه وعيونه تجدح نار مثل الي شايل غضب الدنيا كلها
وايده جانت ديفتح احزام البنطرون ظليت اباع عليه واني مستغربه ليش ديفتح احزامه
صوتي طلع مني بس خوف  واستغراب ... اسد ليش دتنزع حزامك

اسد... جريت الحزام من خصري .... هسه تعرفين ليش وكمت اتقدم عليها وهي  الخوف سيطر عليها

غرام.. شكو اسد خوفتني ترى ... هو يتقدم واني ارجع خطراتي للخلف مداعرف الي ديصير
وصل يمي وضربني بالحزام على رجلي كمزت منه واني اصرخ عليه ... شبيك اسد تخبلت

اسد.... اي تخبلت هسه حشوفج المخبل شيسوي
غرام... رجع ضربني وهالمره اقوه من قبل ردت اركض اريد اطلع من هاي شقه جرني من حجابي من وره بحيث للحظه حسيت حموت مخنوكه وظل يجرجر بيه واني اصرخ عليه بس كانما مو اسد الي حبيته انسان ثاني وحش دنبوس مال الشال لان انسحب الشال قوي كام يجرحني من ركبتي بحيث حسيت دخل بركبتي بس اريد اوخره

اسد... وحق الله لاربيج من اول وجديد ولاعرفج منو الي دتلعبين عليه

غرام.. سلحني للغرفه ودفعني عالجربايه قوي كمت اصرخ عليه ... فهمني سويت ليش هيج دسوي ويايه

اسد... قربت عليها حيل حجابه نزل من راسها لزمتها من شعرها كتلها لج جم مره حذرتج مجذبين عليه 

غرام... فدوه والله اذيتني كافي شنو جذبت عليك
اسد... دكليلي ماشفته ولا اجى عليه مره ثانيه ووانتي واكفه وياه وتسولفين ولج تقشمرين عليه شنو بينج وبينه احجي لاطلع روحج بيدي
غرام... ابجي واحجي اسد والله العظيم ماعندي شي وياه اي ضميت عليك بس روح بابا جنت ناويه اكلك بس خفت والله خفت منك

اسد... لج حقيره انتي حقيره وجذابه جم مره سئلتج وكتلج شفتيه اجاج وانتي تنكرين جنت اسئلج بس اريدج تعترفين حتى لتخليني اتعامل وياج هيج

غرام... ظليت ابجي واحس شعري تملخ هلكد ما لازمني منه
اسد اني مو حبيبتك ليش هيج دسوي ويايه

اسد... لا مو حبيبتي انتي من اليوم مو حبيبتي لج حبيبتي مجذب عليه ولا تقشمر عبالج مادري شسوين مسوين ولج ادري كلش زين ولج حقيره وكفت يم سيارته بس ردتج تنطقين دكليلي هذا الي يضوجني بس انتي كلشي محجيتي ليش لان اكيد عندج وياه شي

غرام... والله العظيم ماعندي شي وياه اسد ماكو احد بكلبي غيرك ليش هيج تحجي اعترف غلطت  من ضميت عليك بس اقسم بالله جنت خايفه من ردت فعلك
دك تليفونه جان خاله بره عافني وراح عليه اني استغليت الفرصه وكمت قفل الباب عليه كمت اشهك وابجي  ماعرف شسوي ظليت خايفه منه
اسمعه حجه باليفون وسده واجه عليه اني كمت ارجف فتح الباب مقفوله كام يضرب بيها ويصيح

اسد... فتحي الباب لاحرك عشيرتج فتحي
غرام... اسد الله يخليك والله ممسويه شي والله حجيت وياه لان رزلته وداعت امي رزلته حتى لايجي بعد ليش مدصدك
اسد.... ولج شصدك من البدايه كتله غرام لاتخلين ثقتي تروح منج لان اذا راحت معناها انتي رحتي وياها

غرام... ظل يدك بالباب ويدفر بيها مثل الوحش وراها اسمع صوت خطواته ابتعدت عن الباب ظليت واكفه وره الباب اريد اسمعه شديسوي بس ماكو صوت وره ربع ساعه كلت خل اكوم اشوفه اظل قابل هنا اليوم رحت عالمرايه اباع شعري مكفش وشالي واكع عدلت شعري ومسحت دموع الي امسحن ويردن ينزلن اني جسمي ميوجعني كد ما كلبي يوجعني صعبه الانسان الي تحبه ميصدك بيك ويتهمك بشغلات عمرك ممسويها طلعت واني جنت ناويه اكله اذا شك بيه عوفني ماتحمل كل هاي الاهانه على شغله تافه والي المفرض انت يكون عدك ثقه بيه اكثر من اي شخص
فتحت الباب وطلعت ظليت امشي بخطوات بطيئه خايفه من الي حيسوي بيه وصلت للصاله شفته كاعده ومرجع راسه عالتخم ظليت واكفه بمكاني واني اشوفه يتنفس سريع واعصاب صاير خفت اي خفت منه بس خوفي عليه جان اكبر من خوفي منه بس شفته نسيت السواه بيه  تقدمت عليه وكعدت بصفه ظل راسه مرجعه ليوره
خليت ايدي على رجله كتله ..... اسد اسفه والله اخر مره بعد ماعيدها بس لتعوفني تعرفني اني احبك وماعندي غيرك شون شك بيه

اسد... كمت عدلت نفسي وخرت ايدها من رجلي ..... تعرفيني اكره ماكره بحياتي الجذب روحي لحال سبيلج انه مافيدج بعد

غرام... والله بعد ماجذب بس لسوي هيج اسد غلطت وعاقبتني على غلطتي والله اذيتني اسد يايوم تمد ايدك عليه هاي اول مره انت الي جنت متخلي احد ياذيني اذيتني

اسد.... بس انتي اذيتيني اكثر شفتج بعيوني واكفه وياه غرام ادك عليج مجاوبين وشفين جهازج يدك ومجاوبين

غرام... خليت ايدي على لحيته الخفيفه  والله جنت ارزله وداعت حبنا شون تفكر اصلا عندي شي وياه اني ماشوف رجال غيرك

اسد... تعبتيني غرام والايام الراحت متغيره عليه كلش
غرام... اي صح والله ثم والله جنت امر بظرف صعب وماكدرت احجيلك عليه

اسد... ليش غرام انا غريب جا المن مسميتني سندج وانتي ماتحجيلي كلشي
غرام... لان شغله متخصني تخص رونق
اسد... شبيها رونق
غرام .... رونق ذيج الفتره جانت تمر بوقت صعب بسبب خطبه انمار
اسد... وشعليها بانمار
غرام.... هي وياه واحد يحب الثاني بس ماعرف شنو صار خلاه يخطب
اسد.... وانتي شون ماتحجيلي ولج اطيح حظه لهذا السكط
غرام... شحجي اسد نسد الموضوع وراح صح هي بعده متاذايه بس تكابر واني جنت اشوفها شون تذبل كدامي وماكدر اسوي شي صح قلت مكالماتي الك بس والله ماقل حبك مثل مافكرت تفاجئت بي عدل نفسه وومدد وخله راسه بحضني ولا كانما الشخص الي قبل شويه جنت ارجف منه

اسد.... نقطه ضعفي انتي غرام واني اكره الضعف بس انتي الضعف الوحيد الي حبيته ومستعد ابقى ضعيف بس انتي تبقين يمي

غرام.... ظليت مصدومه بكلامه لاول مره يحجي هيج

اسد... انتي مالتي ومحد يكدر ياخذج مني
غرام... ياعمري وانت مالتي ومحد ياخذك مني بس ترى انت كبرت السالفه كله لان شفتني واكفه وياه يعني اي واحد اوكف وياه عندي شي وياه
اسد.... متعرفين شحسيت بوقتها شي اكثر من النار اي شي الي ماحب احد ياخذه ولايروح مني
غرام... هذا تملك اعتبره
اسد... لا يمكن خوف افقدج غرام امي الشخص الوحيد الي اذاني موتها جنت صغير اسوي نفسي جبير مابجي واني ادخل لغرفتي اظل ابجي وادعي الله يرجعها الي جنت من ضايج اروح انام على رجلها وظل تلعب بشعري واحس حظنها راحه الي
بيوم الي رجعت من خطفوني جنت محتاج لحظنها شكد ماتصورين
بس من شفتج نمت بحضنج بدون ماحس ولاول مره اسويها وره وفاه امي بوكتها غمضت عيوني وتخيلت اني نايم على رجل امي

غرام.... اباع عليه من يحجي وصوته الي حزن واشياقه لامه كانما طفل اذاني حيل بكلامه حسيته نحرم من اعز انسان اله واول مره يحجي بهذا الموضع اصلا اول مره يحجي باامه ظليت العب بشعره واني اسمع كلامه الي جان طالع من كلبه
ندار نام على ظهره وبعده نايم على رجلي اخذ ايدي وخلاها فوك عيونه  همست باذنه خل نزوج

اسد... رفعت ايدها وباوعتها بااستغراب

غرام... لتباوعليه هيج بس اريد اصير يمك اريد اعوضك عن كلشي اريد اصيرلك ام واخت واخ واب كلشي دنجت بسته من كصته

اسد.... جريت ايدها بسته ادري بيج تاذيتي اليوم ماكدرت اسيطر على عصابي بس مال اكلج اسف تحلمين لان انتي غلطانه

غرام.... عالاقل كولها بجذب والله الحزام اذاني وباع ركبتي شون انجرحت .... بسرعه كام وظل يتلمس ركبتي الي نجرحت من وره الدنبوس

اسد... هاي بيش
غرام... بالدنبوس من جريتتي من حجاب
اسد... انكسرت ايدي ان شاءالله
غرام... اسم الله عليك متاذيني شوف وظليت اتلمسها حتى اثبتله متاذي برغم هي جانت بيها وجع
اسد.... تقربت على ركبتها بستها من مكان الجرح
غرام.... اسد غرت عليه
اسد.... لا
غرام... جبتني مناك لهنا سويتلك سالفه حتى تعاقبني تالي دكلي لا مغارلعد هذا شيسموه
اسد.... ميسموه
غرام... هههههه وصلت الفكره وصلت لتستحي كول غرت عليج
اسد... مخبله انتي
غرام ... هههههه بيك

اسد... باعي اخر مره ضمين عليه اقسم بالله ياغرام اذا ضميتي عليه شي وجذبتي لايكون اخر يوم بيني وبينج

غرام... هيج اهون عليك
اسد... كلشي الا جذب حتى لو سالفه صغيره ماقبل مثل ماني واضح وياج واي شي تسئليني اجاوب عليه بكل صراحه
غرام... لا قبل شويه كتلك غرت عليه مجابتني
اسد... لا جاوبتج كتلج لا
غرام .... يعني مدجذب مو وخر زعلت
اسد.... لازم تردديني اصالحج
غرام.... طفرت من مكاني لا والله اشاقه مزعلانه
اسد.... هههههه مو اكلج جبانه فديوم تعالي انتي وسويها من كيفج
غرام... اسد كافي عود من زوج
اسد.... نشوف ترى حبل الجذب كصير
غرام .... ههههه يله كوم تاخرنا هسه نرجع كلشي مماخذين شكول لامي
اسد... كليلها اسد جان يعاقبني
غرام ... لا والله يله كوم

طلعنا من الشقه مالته وراح لمحل مال ملابس كال انتظري هسه اجي بقيت بسياره شويه ورجع جايب وياه علاليك خلاهن وره
واجه صعد
شنو ذني

اسد... صديقي دزلي صور واني اختاريتلج
غرام ... وليش مو اني اختار
اسد... اعرف اختياراتج كلهن الله يستر عليهن
غرام... عفته ونداريت عالجامه رجعت انداريت عليه كتله شكد صار حسابهن وفتحت الجنطه داطلع فلوس
اسد... سدي الجنطه لاكسر ايدج وعلي
غرام... شكو امي مو كلتلك باع عليه بنظره خلتني اسد السحاب مال الجنطه بسرعه

وصلنا لبيت بيبي نزل نزل العلاليك كلي اكو بيهن لرونق
كل وحده حسب القياس
فبقت جم علاكه كتله وذني المن

اسد... لحبيباتي الباقيات
غرام... لا والله وخنزرت عليهً😠
اسد... طبي جوه يله
غرام ... ما كلي ذني المن
اسد... ولج لنبأ وايمان شبيج تخبلتي
غرام... مممم عبالي انت حترجع للشقه
اسد... لا اروح على صاحبي وبعدين ارجع
غرام ... اوكي لتتاخر
اسد... فوتي جوه عاد ححرك عشيرتج
غرام... اوكي يله باي

طبيت جوه سلمت على بيبي جانت كاعده يمها امي ومرت خالي ورونق فبيبي كلتلها لامي شون تروح وحدها وياه ترى صارت مره مو صغيره مثل قبل

ام غرام... يوم قابل غريب ابن عمها ويعتبرها مثل اخته

غرام... اني ظليت اباع على امي يربي شنو اخته رونق بسرعه نطتني نظره
كتلها تعالي شوفي جبتلج
طبينا اني وياها لغرفه بيبي اول مفتت
كلتلي
رونق... ولج احجيلي شنيه المفاجئه
غرام... يامفاجئه
رونق... اسد مو سوالج مفاجئه
غرام ... وانتي شمدريج
رونق...هو كلي حتى لاجي وياكم
غرام... حرامات لو جايه جان تشاركنا بيها
رونق... دكولي عاد شنيه
غرام... رفعتلها تنورتي على مكان الضرب بس شافته شهكت وضربت صدرها
رونق... عزه بعيني هاي شنو
غرام... المفاجئه
رونق...هذا اسد سوه هيج
غرام... اكو غيره
رونق... ليش عزه هذا مخبل
غرام... اي فدوه القلبه مخبل 😁😊 جانت اكو مشكله حليناها بس تعاقبت قبلها بعدين اسولفلج
رونق...  لا غرام والله هذا موصاحي عزه شمسوي برجلج
غرام... عادي ضرب الحبيب مثل اكل الزبيب
رونق.... دطيري يازبيب يابطيخ ولج غير لو احد يسوي بيه هيج جان شبعته دفرات
غرام... يمه شدفر منه شايفته شكبره
رونق... يرادلج عوجيه جده حكمه وين مايوجعه
غرام... لا انجبي خطيه

غرام ... ظلينا نسولف وبالليل فرشنا جنا دنام فظليت احجي ويه اسد برسايل اما رونق فجانت مستغربه من الرساله الي جتها وخاصه من الشخص الي رسلها جانت مـــــــ. ............يتبع ......❤️

&&&&&&&&&
رجاءاً الي ديقرا القصه بدون لايعلق ولا يسوي اعجاب مثلا شحتخسر اذا علقت او سويت اعجاب 😠😠
يله علقلي 😡داشوفكم ترى 👊🏻👀
اما الناس الي تعلق فديتكم حبايب تعليقاتكم سبب استمراري ❤️❤️❤️