رواية حب جنوني الفصل التاسع عشر 19 - بقلم سوزان ليث

اصعد شعور بالدنيا من انسان عدك بي ثقه عمياء وجنت اشوفه اخر الناس الي ممكن يعوفك او هذه الفكره اصلا مو بالك يخونك ويعوفك بنص الطريق يكسر كلبك ويحطمك مهما كانت ظروف الي  ممكن تخليك تتخلى عن الشخص الي يحبك الحب ميعرف ظروف اذا فعلا جان اكو حب جان كدر يتغلب على هاي الظروف

غرام ... عدت ايام على رونق بدت تتحسن رجعت داوم وتدرس مثل كانما جانت مضيعه شي ولكته بدراسه
بيوم جنت مخلصه محاضرات فدانزل اروح للخط اجتي بنيه وكفتني
صراحه اني ماعرفها بس هي تعرف اسمي تعرف اني بيا مرحله حتى بيتنا تندله وكلتلي اكو شخص يريد يتقدملج واذا تقدم توافقين
اني بوكتها جان اول مره اصادف هيج موقف
كتلها لا ماوافق لايجي ولا يوصل عفتها ورحت بوكتها حتى ماعرفت منو الولد اصلا رجعت للبيت كالعاده نفس الروتين
جان اسد موجود بس طالع ويه جماعته فمكدر يرجعني للعصر خابرته جان بعده طالع
ضجت منه كلت خل اخبث شويه دزيتله رساله 💬 اليوم جوني خطابه ..

انتظرت انتظرت انتظرت ماكو جواب ولا حتى خابر يبيييي انضربت بوري معدل

عاد التهيت اقره وجان تليفوني يدك اسد عاااا اكيد قره المسج
فتحته جان يجيني صوته العالي باذني
تعاليلي اني بالبيت

وسد التليفون طبعا اني التليفون باذني وصافنه ورونق تباع عليه تهز براسها شكو شكو

كتلها امشي روح لبيت عمو اسد يريدني واستحي اروح وحدي

رونق... لا ماريد اخاف اشوف جلال
غرام ... ياجلال هو يلفي بالبيت كله طالع دكومي حبابه
رونق... اوووو غرام امشي

غرام... رحنا لبيت عمي كعدنا جوه بعدين  اجتني نبأ كلتلي تعالي غرام اراويج فشي صعدت فوك فجنت متوجهه لغرفه نبأ وكفتني كالت مو هنا هنا وتاشر على غرفه اسد
كالت روحيله دينتظرج انتي حبقى هنا لحد مطلعين وننزل سوه

دكيت الباب وفتت شفته كاعد يتفرج تلفزيون ندار عليه جان يكلي تعالي شو هذا عصبي رحت يمه كتله ها حبيبي ردتني

اسد... باعي سوالف المسكنه عوفيها  شنو سالفه الخطابه
غرام... ردت شويه اشعل نار الغيره كتله مادري اليوم بنيه جتي عليه  وكلتلي حتى تندل بيتنا ولد دازها

اسد... اي ماشي خل يجي حتى شون اكسر رجله وشكتيلها
غرام.... كتلها افكر  .... هنا لحظه التحول الصارت عد اسد وكف واجه عليه اني طبعا كمت ارجف كتله اسد والله كذب اصلا حتى مخليتها تكمل حجي بسرعه رفضته
اسد.... تفكرين

غرام.... لا والله اشاقه وياك كتلها لايجي ولا يوصل
اسد.... تفكرين غرام
غرام ... عزه والله اشاقه ... طبعا يجي وعيونه تجدح اني ردت اروح يم الباب حتى افلت
بس هجم عليه مثل الاسد ولزمني من زنودي حيل بحيث للحظه حسيت نفسي مرفوعه من الارض

اسد.... اراويج شون تفكرين ست غرام
غرام... لا والله اسد داشاقه
اسد... تحركين دمي ودكولين اشاقه 
غرام...  اسد لحد يدخل شدسوي
اسد... اخليلج ختم ملكيه بس الي
غرام... شنو ختم ملكيه .... ماشوف اله هجم على شفتي مثل الوحش بحيث كمت اتلاوه وياه اريده يوخر اذاني بس سرعان ما استسلمت اله صح ماعرف ابادله بس هو جان يصرف بخبره واحد يعرف كلشي يسويه
ابتعد عني واني جنت بغير مكان

اسد... هذا حتى كل متردين تشاقين ويايه تذكرين هاي
غرام ... دفعته حيل. وكمت اعدل بشالي  ويمه وجهي حار صار عكس ايدي الي ثلجت وكلبي الي حيطلع من صدري

اسد... شبيج
غرام.... مابيه لسوي هيج بعد والله بعد ماحجي وياك
اسد.... ويه منو جاي تحجي هيج
غرام... اسد والله مو ويه احد ويه نفسي بس عوفني يبو عليه
اسد... ههههه جبانه
غرام ... رحت عدلت نفسي عالمرايه عزه بعيني شفتي مضروبه بوتكس نوب ماكدر احجي لان اي حجايه يسوي شي وصلت يم الباب وخليت ايدي عاليده مال الباب حتى اضمن سلامتي
كتله بعد توبه اذا اجي هنا والا اوافق عالخطابه وفتحت الباب وركض شفت نبأ عالدرج عفتها ونزلت اركض قبل ميلزمني يموتني

اسد... نزلت جوه جانت كاعده هي والبنات بالهول رحت كعدت كبالها هي مدنجه مرفعت راسها

غرام .... يمه نزل كعد يمنا اني ظليت مدنجه ماكدر اباع على وجهه
بس متحملت رفعت راسي اشوفه شديسوي لكيته صافن عليه ويشرب جكاره بس باوعت عليه عض شفته يبو اني بسرعه درت وجهي وحاصره ضحكه

اجه جلال سلم وكعد يحجي ويه اسد وانشغلت ويه جلال الي كلسع اشوفه يباع على رونق ورونق ممنتبه يربي هذا شبي تصرفاته غريبه هالفتره
انتبهت على على نفسي صافنه على جلال باوعت على اسد سوالي بحركه براسه بمعنى شكو عزه هذا منتبه عليه صافنه على اخوه

ثاني يوم داومت عادي اسد وصلني بعد مخله شي محجه وتهديدات الي قبل مانزلت كرصني من ايدي كرصه والله ردت ابجي عزه متوحش
كتله ... ها ليش هيج والله اذيتني
اسد.... حتى متنسين الحجيته

غرام ... سلمت ونزلت بس مهما يسوي احبه دخلت جانت اكو حفلات تخرج فرحنا اني وصديقتي نتفرج عليهم  فرحنا وكفنا بعيد وجانو ياخذون الصور ومتونسين
كتلها لساره هنيالهم خلصو شوكت ناخذ مثلهم صور

ساره ... اوي ياالله بعدنا اول مفكره بتخرج دخل نمتع نظرنا
غرام ... ظلينا نتفرج وراه رجعنا لان محاضرتنا حتبدي وصلت لقسمي جان اكو طلاب كومه  كملت محاضرات ونزلت جوه رحنا اشترينا اكل ورحنا بالحديقه ناكل فكاعدين اني و4 بنات صديقاتي ودنسولف ساره ضربتني بعكسها بخاصرتي

ساره ... باعي منو اجه علينا
غرام ... بين مارفعت راسي حتى اباع منو جان واصل واكف يمنا
بس شفته كلت هذا شبي لزك بيه صدك جذب

فراس ... السلام عليكم

غرام... طبعا البنات جابو اني ظليت اباع صفح
فراس ... اريد احجي وياج خمس دقايق ورجعي
غرام ... ساره دغتني لان الكلام موجهه الي .. كتله تريد تحجي احجي هنا متريد لتحجي ويكون احسن
فراس ... زين شون يعني بس اني هيج مشلوع كلبي
ساره ... كومي غرامي شوفي شبي
غرام... باوعت على ساره وخنزرت عليها  بكلبي كلت خل اكوم حتى ارزله وبعد ليجي
ماشي كمت مشيت خطوتين من البنات يعني من نحجي يسمعونا اصلا
كتله تفضل اخي شرايد
فراس ... سالفه الاخي بعدين نحجي بيها سالفه المهمه عندي هسه شكو متقبلين اجي اخطبج
غرام ... باوعت عليه هذا شديحجي كتله مدافتهم
فراس ... دزيتلج زينب ويايه بالقسم زميلتي حتى تحاجيج وانتي رفضتي زين كليلي اني شبيه حتى ترفضين شعرفتي عليه احجيلي
غرام... اخي مابيك شي بس اني مرتبطه
فراس ... وشون مرتبطه وانتي حلقه ملابسه
غرام ... اي قارين فاتحتي
فراس ... ترى سئلت عليج بشعبتج ويم بيتكم ومحد كال مخطوبه
غرام .... شون لزكه هذا ... اخي انت ردت جواب اي لو لا واني كلت لا وخلص وكل واحد اله اسبابه وانت روح شوف غيري
عفته ورجعت للبنات
كعدت هو ظل صافن عليه وراها اجه تقدم علينا اهوو هذا شبي شلون لعبان نفس
فراس... لو اخر يوم بعمري اخذج اخذج
غرام ... ضليت فاتحه حلكي على كلامه حجه وعافنا وراح
ساره ... عزه هذا شبي سواها شغله تحدي
غرام ... والله مو صاحي
نور ... هذا يداوم ويانه بس مرحله ثالثه ولج هذا الحلو مال شعبته
ساره ... صدك الثالث هيج حلوين يرادنا نمر عليهم
غرام... ايع هذا الحلو مالتهم دشوفي شونه نافخ نفسه ويمشي
ساره ... طبعا عيني اذا عدج اسد اكيد دكولين على هذا ايع
غرام... اي فديته بس هو رجال بعيني
اشتاقيتله خل ادزله مسج
ساره ... رحمينا ترى صار عدنا جفاف من وراج

غرام ... انتهى الدوام وطلعت وصلت يم السياره مال اسد وصعدت هلو
اسد.. هلا ولج شو هذا القميص ضيك
غرام... شضيكه صبح مكلت عليه شي
اسد... بعد ميلبس هذا
غرام .... 😒

اجاه اتصال لاسد والتهى يحجي  فاني اباع عالطريق فاتت من يمي سياره هذا فراس بيها ونوب بكل عين يباع عليه اني انداريت بسرعه اشوف اسد خاف انتبهى الحمدلله جان يحجي
عفته
خلص مكالمه بسرعه جان يمشي سريع
كتله اسد شبيك على كيف امشي طبعا محجى ظل نفس سرعته
فليكدام اكو ازدحام فوكف سياره وكام يراوغ بين السيارات ليش مو يوكف بصف سياره فراس اني هنا كلبي صار بين رجليه من الخوف حسيت نفسي صار بيه شلل شايفين من كلبكم يكوم دكته صير قويه كلش من الخوف هيج جانت احس بحيث بس ادعي الله يفك الزدحام 

الحمدلله مشى السير ورجعت للبيت بعد ما اكلت هبطه من هاي التمام
فتت للبيت

اسد.... اخذت غرام مثل كل مره من نفس المكان بطريق الرجعه اجاني اتصال من الدوام باوعت غرام جانت صافنه عالطريق اجتي سياره من يم سيارتي خففت انتبهت الها بيها ولد وباوع على غرام اني سويت نفسي ممنتبه اريد اشوف شحسوي التافت عليه بسرعه كانما تريد تتطمن اني مشفته رجعت سديته ولحكته وتقصدت اوكف بصفه حتى اشوفه مركز وياها لو صدفه جان يباع عليها رجع هم كلسع يباع عليه وهي اعرف حركتها من تفرك بيدها يعني خايفه
منو هذا معقوله وياه بالكليه عفتها وصلتها للبيت وراها خابرت على صديق عندي بالمرور نطيته  رقم السياره داشوف صاحبها شسمه

ثاني يوم وصلتها لغرام بس مرجعت خليتها تدخل ودخلت وراها اريد اشوفها شدسوي

غرام ... وصلت للكليه بعد ما سلمت على اسد لان هو وصلني رحت على صديقاتي كعدنا جان باقي شويه على محاظرتي ظلينا نسولف ونحجي لحد مابدت محاضرتي ودخلنا  جان عدنا بس محاظره وحده كملنا ونزلنا جوه جبنا اكل وكعدنا نسولف فكمنا البنات رادو ياخذون صوره فرحنا نتمشى لمكان مابي احد حتى ياخذون لان نستحي نطك هنا كومه طلاب
فتمشينا وكفن البنات ياخذن صور اني دك عليه اسد
الو ها حبيبي
ها الله يساعدج كملتي لا
اي حبي كملت اني والبنات دناخذ صور
يعني اجيج
اي حبي تعال
ماشي من ادكلج طلعيلي
اوكي حبي

رجعت للبنات كملنا صور 
وطلعنا للباب الرئيسيه شفت فراس واكف يم مجموعه مال ولد بس شافني عافهم واجاني اني جنت واكفه وحدي لان البنات راحن واني جنت انتظر اسد يدكلي حتى اطلع
اجه وكف يمي كلي واخير صرتي وحدج
انت شتريد مني  ترى زودتها
انتي الي زودتيها داكلج اريدج بالحلال
واني داكلك ماريدك شنو هي بالكوه

اسد.... ظليت واكف انتظرها اليوم كله داشوف شدسوي ماكو اي شي كتلها من ادكلج طلعيلي ردتها تبقى وحدها داشوف اكو احد يجيها وصدك بس راحن صديقاتها اجه عليها ولد نفسه الي شفته البارحه حجه وياها وهي هم ظلت تحجي وياه اني ماتحملت مشيت عليها اريد اشوف منو هذا بس بعدين وكفت كلت خل ادك عليها
اريد اعرف شسوي
دكيتلها وهي كبالي جانت باعت عالجهاز ورجعت كملت حجي ويه هذا وظل يدك ومجاوب بوكتها نار صرت اتمنيت اني بالبيت جان طلعت هذا كله منها بس كلت خل اشوف ليوين توصل وياها
راح منها الولد وهي ردت جاوبتني كتلها طلعيلي
رحت قبلها للسياره وهي اجتني طبيعيه

غرام... دكلي اسد واني جنت دارزل بهذا الي لازكلي كل شويه طالعلي رجعت دكيت على اسد كلي وصلت طلعتله
وصعدت وياه
هلو
هلو شونج
زينه
شكو ماكو
ماكو شي
سويتي مسويتي اليوم
مسويت جانت عدنا محاظره وحده كملتها ونزلت ويه البنات اكلنا واخذنا صور وراحو وظليت انتظرك لحد مجيت

-اكلج صدك كل مره اريد اسئلج وانسى هذا جان اسمه الي يفتح لوكرج
- ها شبي  فراس
- ها زين تذكريه
- لا مو هو كاتب جان عالملزمه ماتي فحفظت اسمه
- اي دشوفيه هم ديجي يحاجيج
- طبعا اني قطره دم مظل بيه من الخوف .... لا مشفته بعد
- اكيد مشفتيه
- ههه اي اكيد قابل اكذب عليك

اسد... ماشي غرام تجذبين عليه والله لا خليج تتندمين على كل كلمه حجيتيها ويايه

وصلتها للبيت ومبينتلها شي
طبيت للبيت صعدت بغرفتي ونزلت تغديت وصعدت خابرت صديقي ابو المرور اريد اشوف ابو السياره
كلي دقايق وادزلك اسمه برساله
سديته شويه اجتني رساله اسم صاحب السياره فراس علي رسول
قريت الاسم وجنت اعرف هو نفسه جذبين عليه غرام دكليلي مشفته بعد كتلج لا جذبين عليه لان اكشفج بس اني اعلمج  اذا ماربيتج من اول وجديد مااسمى اسد
خابرت عمتي كتله العصر حطلع لبغداد تجون ويايه لان صديقي جايب بضاعه جديده وضملي شغلات للبنات واني عندي شغل بغداد تجون ويايه كلتلي لا شيودينا كتلها دمشي هي روح اليوم وباجر نرجع حتى البنات غيرن جو يله قبلت

خابرتني غرام تسئلني منين اجتي سالفه روح للغداد كتلها نفس الحجي هي جانت مكيفه بس اني جنت بس اريد اوصل لبغداد واطلع قهر الدنيا كله بيها
واعلمها ويه منو دتلعب ........
...... يتبع ❤️