رواية حب جنوني الفصل الحادي والعشرون 21 - بقلم سوزان ليث

مرحبااااااا
حبايبي التنزيل يوميا عدا الجمعه
اما خصوص شوكت تنتهي القصه فالاحداث بعدها مابدت والجاي احلى
لاتنسون دعمكم للبارت والايام جايه حنسوي مسابقه والي يفوز
انطيه حساب غرام  بعدين تعرفون تفاصيل المسابقه
خلينا هسه نقرا البارت
&&&&&&&&&&&&&&&

غرام ... ظلينا نسولف وبالليل فرشنا جنا دنام فظليت احجي ويه اسد برسايل اما رونق فجانت مستغربه من الرساله الي جتها وخاصه من الشخص الي رسلها جانت مــن جلال ظلت صافنه بتليفون فهي نايمه بصفي كتلها شكو بصوت هادئ حتى امي وبيبي ميسمعن لان نايمات نفس الغرفه. هي انطتني التليفون حتى اشوفه

رونق... ماكدر اكول رجعت حياتي عاديه مثل قبل ماكدر اجذب على نفسي مهما حاول بس مصره ارجعها مثل قبل واصير اقوى وماكو احد يستاهل من صدك عيشي النفسج وبس ماكو واحد يحب وينحب كله جذب مرات ماحجي كدام غرام لان ماريدها تتاثر بكلامي
وصلت رساله من جلال بالليل واني اكلب بتليفون كاتب
  شونج💬
ظليت صافنه اول مره جلال يدزلي مسج شبي هذا حلمان بيه

غرام... جلال شعجب
رونق... مادري يجوز غلطان
غرام... لا ماعتقد غلطان حجاوبيه
رونق... لا ماريد
غرام... ليش
رونق.... وشكو حتى اجاوبه
غرام... اكلج تعرفين من اخذناج للمستشفى جان حالته غريبه
رونق... شون
غرام... ماعرف تصرفاته حتى شفته يدخن بربج يايوم شايفه جلال يدخن
رونق... عادي همه الولد كلهم يدخنون
غرام... لا يولي جلال ميدخن مادري جانت تصرفاته كلش غريبه شكله خايف عليج جان كلش
رونق... عادي غير ابن عمي
غرام.... شون اركعج بهذا على وجهج
رونق... غرام اعرف شدتلمحين بس اني داستعبط لان ماريد
غرام... اي ليش والله جلال حباب
رونق... شكو حباب لنفسه ولااهله
غرام... دفكري بربج بعدين نزوج اني وياج بنفس اليوم هههههههه
رونق.... لا ايع شنو ازوج وياج نفس اليوم واني اريد ابدل واكشخ بعرسج واذب لحم واسوي حنه بيدي اخت العروسه
غرام... ههههههه اي ذكرت اني هم اريد اسوي بعرسج هيج
رونق... انتي اسد فاتحج بسالفه زواج
غرام.... اول ماعرف اني احبه كلي بس اني مقبلت
رونق... ليش
غرام ... مادري خفت شو بس اليوم اني كتله خل نزوج
رونق.... عزه بعينج وشكال
غرام... مادري لازم انطي فرصه يفكر
رونق.... هههههههههههه  ضحكتيني
غرام.... هسه دجاوبي جلال الله عليج عيب ترى
رونق... ماريد شنو سالفه
غرام ..... بس كتبيله الحمدلله وهاهيه
رونق... حنام تصبحين على خير

غرام.... اووف شكد عنوديه يربي عفتها ونمت اني هم
ثاني يوم صبح رحنا للسوك اني وامي ورونق العصر اجه علينا اسد ورجعنا للبيت طريق كله يغمز ويسوي حركات ورونق كلسع كارصتني لان انتبهت عليه

رونق.... وصلنا للبيت وطبيت سبحت وطلعت مشطت وكعدت اقره لان جان عندي امتحان رياضيات الاحد كملت جزء وبقيت الباقي على باجر ثاني يوم كعدت نظفت البيت لان جان دوري بالتنظيف
وكملت العصر خابرتني نبأ كالت تعالي فهد حيقرينا صراحه اني مو كلش برياضيات ومن اكول لغرام تعالي قريني ظل كل شويه لازمه تليفونها تراسل اسد بحيث ضيع الوقت عليه فهد بالنسبه النا كلنا استاذ العائله ياهو ميفتهم شي يروح عليه كلش شاطر لابست العبايه الاسلاميه واخذت كتبي ورحت فدكيت الباب فتحلي
جلال فاني كتله هلو ودافوت جان يكلي

جلال... شونج
رونق.. لتافيت عليه زينه الحمدلله
جلال ... معرفتي جاوبيني البارحه
رونق... ظليت اباع عليه كتله جنت نايمه من داز المسج وعالعموم اني الحمدلله ... جنت احجي وياه بغرور وتكبر لان جان يذكرني باانمار لان هو صديقه وشكد حذرني من انمار بس اني جنت ماصدكه مثل الفشلت منه واحسه شمتان بيه لان سوه هيج ومسمعت كلامه
عفته ودخلت سلمت على عمتي وطبيت بالهول عمتي راحت من يم الدرج صيح نبأ
جنت كاعده وحدي داكلب برياضيات اجه جلال كعد بالهول بس محجى ويايه شي واني ظليت اكلب بالكتاب حتى لا يحجي ويايه

شويه واجتي نبأ كالت هسه يجي فهد جان نايم انتظرنا شويه وظلينا نسولف اني وياها اجه فهد وكعد بنص منا اني ومناك نبأ وجر الطبله الجبيره كعد يقرينا فيعني  اني لازكه عليه فعادي اني ولد عمي وخاصه عمي ابو اسد كلش علاقتي بيهم واخوتي  اعتبرهم وهمه نفس الشي فمخاله شي بالي حت من غرام بدت تلمح على جلال اني مستحيل افكر بي ولا افكر لان شايفته اخويه
وجنت اعتقد هو هم
حتكولون شمعنا انمار ممعتبرته اخوج مثلهم مو هم ابن عمج
شوفوا بيت عمي ابو انمار علاقتنا مو كلش قويه حتى همه بعيد بيتهم علينا يعني بالمناسبات نشوفهم وحتى هاله اخته من تخرجت من المدرسه بعد ماشفناها همه يميلون لبيت خالتهم خوالهم اكثر من عدنا

جنا مركزين ويه فهد وهو يشرح قاطعنا جلال

جلال... ادري شكو هيج حاصرين نفسكم روحو اقرو عالميز بغرفه الخطار
فهد... لا هنا مرتاحين
رونق... باوعت على جلال شفته خازر فهد بحيث فهد وراها كال يله امشو هناك احسن اني استغربت شنو هيج فهد يخاف من جلال مع العلم فهد اكبر المهم كمنا شلنا غراضنا فطلعت نبأ وفهد قبلي اني جنت الم الاوراق الي طشرهن فهد بالكاع بعدين عرفت جان متقصد حتى ابقى المهن

فلميتهن داطلع جلال كاعد بصف الباب داطلع لازم طرف ردان العبايه باوعت عليه شبي هذا
فاجئني من حجه وهو يصك سنونه

جلال .... انتبهي لكعدتج
رونق... اني ظليت اباع عليه اول مره يحاجيني جلال هيج عفته وطلعت رحت كملنا قرايه فخلص فهد وطلع من غرفه بقينا بس اني ونبأ كتلها
اكلج شبي اخوج
نبأ... ياخ منهم
رونق... جلال
نبأ.. شبي
رونق... تصرفاته ويايه ماعرف شونها وهسه من داطلع يكلي انتبهي لكعدتج ليش شبيها كعدتي
نبأ... هو هيج يمعوده حتى ويايه ويه ايمان بس يحذر ويتوعد عوفج منه نسخه اسد
اكلج شخبار انمار هم ديخابرج
رونق... تنهدت اي ويدز مسجات بس ماجاوبه ودافكر ابدل السيم كارت بس شكول لامي
نبأ... اي والله احسن حل تبدليه حتى ترتاحين منه ولتنطيه لاحد
رونق... حتى الج مانطي
نبأ... 😒

رونق... كمت اخذت كتبي وسلمت ورجعت للبيت ثاني يوم دوام فرحنا داومنا وكملنا دوام من دنرجع شفت اسد ومحمد واكفين بالباب
هنا شفت نبأ صارت مو طبيعيه ظلت تباع بهيام وحب على الشخص المقابيلها ضحكت بيني وبين نفسي كلت يمكن نبأ معجبه بمحمد
او تقريبا متاكده شكد اني وياها علاقه وصديقات واسرارنا سوه بس مدكول لان مره جنا نلعب لعبه الصراحه سئلتها انتي معجبه بااحد كالت اي كتلها منو مقبلت دكول بس كالت من العائله ظليت ماعرف منو وماشاءالله احنا جيش كل عم عده 3 ولد و4 يعني صعبه اخمن منو بس من شفتها شون بس تريد تنزل من الخط وضحت الصوره عندي يجوز متقبل تحجي لان نعرف هو يحب هاله
نزلنا سلمت عليهم ودخلت جوه 
عادي تغديت وكملت كلت انام شويه فجتني رساله 💬 طلعيلي بره بسرعه

كمت كلت هذا تخبل شبي ويايه غرام يمي جانت دتغفي
كتلها كومي ويايه

غرام... ولي وين اجي
رونق... كومي جلال بره ماعرف شيريد دزلي رساله اطلع كومي
غرام... كمت بسرعه جلال شيريد
رونق ... مادري كومي خل نطلعله اني وياج استحي وحدي
غرام ... يله كومي اوكفي خل البس يلك فوك بجامتي
رونق... نزلنا وطلعنا بره فتحت الباب لكيت جلال كبالي اجه فات سلم ومد ايده
جلال... هاج هذا
رونق... باوعت عليه ظرف ومكتوب عليه اسياسيل
كتله شنو هذا
جلال ... شريحه جديده خليها بدال العندج
رونق... وشسوي بيها
جلال ... ادري باانمار ديلح كسري ذيج وخلي هاي واذا على امج هي اكيد محافظه رقمج
بس بدلي الرقم بتليفونها 
رونق... لا والله وشنو هي هيج سهله ابدل رقمي وامي متدري
غرام... باوعت عليهم اثنينهم معصبين لازم تدخل سريع مني كتلها رونق اي انتي مو تردين تبدلين رقمج دخذي هذا وامي نمسح رقمج من جهازه ونبدله بهذا

رونق... باوعت على غرام صراحه جنت محتاجه رقم جديد حتى اخلص من انمار وسوالفه كتله ماشي حاخذا بس لدكول لاحد

جلال... لزمي وذاك كسريه مفهوم واذا على انمار ترى اني كاطع علاقتي وياه من وره ذيج السالفه ماشي يله مع السلامه

رونق... عافنا وراح اني وغرام وحده تباع على اللخ طبينا ركض قبل لامي تحس لان جانت نايمه بغرفتها
صعدت فوك خليت الشريحه بتليفون  وجان خال ويه ظرف  كارت ابو10 اسيا
عبيته ودكيت على غرام وحفظت رقمي
كتلها بقى تليفون امي نغيره كالت عادي العصر هسه خاف ادخل عليها وتحس
للعصر تغير رقمي بتليفون امي ونبأ غيرت رقمي بتليفون امها
اصلا مجنت ناطيه رقمي كل العائله يعني بس بيت عمي ابو اسد بحكم همه قريبين علينا

بعدين ظليت افكر شمدريه جلال اني اريد ابدل رقمي اكيد نبأ كلتله سئلت نبأ كالت لا مكتله هيج شفتيني هيج عائله سبورت اكله رونق تريد تبدل رقمها لان انمار ضوجها
ظليت احوص اريد اعرف

غرام.... اكلج رونق
رونق... ها
غرام....جان دزيتي رساله لانمار من تليفونج الجديد كليله بدلته الرقمي لو تموت متعرفه ههههههههههه

رونق... ترى مضحك

غرام... هههههههه والله ضحك بس انتي بومه
رونق... ههههههه امداج

غرام ... الاحد داومت جان عادي الاثنين التحق اسد داومت عادي وراها جنت اول مافوت للجامعه بوجهي للقسم ماتي ومن اخلص بوجهي للخط بس حتى لاشوف اللزكه
بيوم السبت صادف عيد ميلادي جان اسد بعده بدوام بيومها ضجت كلش اول عيد ميلاد واني وياه سوه تمنيت يجي حتى مخليت امي جيبلي كيكه مثل كل مره
فقبلها جمعه بالليل جنت كاعده اتفرج تلفزيون بالعطله نسهر اني ورونق فدك تليفوني جانت ساعه ب 12 الا خمسه
شلته اسد فتحت خط جان شالعلي اغنيه عبد المجيد عبدلله ( غنوا الحبيبي وقدموله التهاني في عيد ميلاده عسىاها ميئه عام )

غرام... ظليت اسمع الاغنيه واني يمكن لو مسويلي عيد ميلادي بقاعه مجان فرحت هيج شغله بسيطه من الي تحبيه تشوفيها كلش جبيره
خاصه اسد مو رومانسي ابد وميحب هالسوالف

خلصت الاغنيه اجاني صوته
اسد... كل عام وانت بخير حبيبتي وروحي وام بيتي وام جهالي ان شاءالله
غرام ....☺️☺️☺️ وانت بخير حبيبي
اسد... تمنيت موجود هسه وعايدتج بطريقتي
غرام ..... ههههههه شون يعني
اسد.... جان شلعت شفتج شلع وعلي
غرام.... ههههه لعد همزين مموجود
اسد.... لتخافين من اجي اعوضج واشلعها
غرام....  ههههههه شحجيبلي هديه
اسد.... انت عاجبج شي كولي لو على ذوقي
غرام ... اي عاجبني
اسد... شنو
غرام ... اريد بوسه مثل الكلت عليها 🙈🙈🙈
اسد.... يابويه ولج وين انطي وجهي هسه والي يمي كلهم جنهم عريف شلتاغ
غرام .... هههههههه
اسد... باجر اني يمج وخل اشوف وحده دكلي لا والله احرك عشيرتج
غرام... عزه داشاقه شبسرعه صدكت
اسد... تشاقين متشاقين مالي دخل اخذها اخذها واذا مقبلتي ترى اضاعفها
غرام... هههههههه لا جديات شوكت تجي
اسد... والله اني جدي مستلك هنا وانتي حجيتي هيج يمكن هسه حطلع واجيج
غرام... ههههههه اسد كافي تورطت واشاقيت وياك
اسد.... اي تشاقين واني هنا اوووف خليها سكته همزين اكو جكاره طلع قهري بيها

غرام ... حجينا شويه وراها رحت نمت
كعدت صبح على صوت رونق تغنيلي سنه حلوه ياجميل كعدت واني عباره عن كفشه ومفتحه عين وساده عين وبس مبتسمه الها

رونق... يمه سلاما قولا من رب رحيم شصاير بيج ماماتي ليش هيج مكفوشه
غرام... كمت انزل بكفشتي وراها كمت غسلت ونزلت جوه امي عدها فقره كلش نحبها بيوم عيد ميلادي او ميلاد رونق سوي كل الاكل الي نحبه يعني دلع
فبيومها جانت  دتلف دولمه
صبحت عليها وكعدت
كتلها هاي شنو اليوم دولمه اليوم احتفال

ام غرام ... اي لعد شون غير نحتفل هسه العصر حيجون المطربين عود تحضري
غرام 😒
رونق... هههههه كومي غرام يادوب تلحكين تروحين للصالون
غرام... ولي لج تغارين لان عيد ميلادي
رونق ... اكلج ماما من جبتي غرام منو راح وياج للمستشفى
ام غرام ... والله مرت عمج وعمج واسد
رونق... عفيه اسد من جان صغير مدخل نفسه
ام غرام ... ولج جان فد فقير وشاغول وبس تردين منه شي يسويلجياه
رونق... وصدك انتي كتيله غرام الك
ام  غرام ... اي بوكتها شفته يباع عليه وشكله خايف لان داتاذه وهو يحبني لان اني جنت صديقه امه الله يرحمها ويحبني على حبها
واني هم احبه ليش جذب ابني الماخلفته
كتله هاي البطني الك انت تاخذها ودير بالك عليها
هو بوكتها كيف وكلسع يكله لابوه يله بابا شوكت نوصل
ابوه بوكتها زهك منه  كله ولك قابل حتنزل الطفله منا ينطوها الك منا
شبيك انثبرت
رونق . غرام .... هههههههه

غرام ... وظلت امي تحجيلناه على مغامراتي من جنت صغيره وانتبهت بكل سالفه لازم اسد ويايه وبكل مشكله لازم هو ويايه اول مره احس نفسي محظوظه بي لان حبيته
كلشي جان حلو بس الدنيا متمشي مثل منحب
لازم تجي ايام تغير كلش جنتي تحلمين بي  بس اكيد لكلشي اكو خير الج حتى لو يتاخر يله تعرفيه 
محبيت ولا احب مثل محبيت اسد روحي وكلبي ماعرف شون جنت اكول عليه اكره سبحان مغير الاحوال

ساعه 2ونص تقريبا ندكت الباب مثل كل مره من نسوي دولمه لازم ايمان ونبأ يشرفون يمنا  ياكلن

راحت رونق تفتح الباب مو اني هذا اليوم ماسوي شي الكلاص ماشيله كل ميحاجوني اكلهم عيد ميلادي اخبلهم بس وراها يطلعون هذا اليوم من خشمي

طلعت رونق تفتح الباب جنت منداره على امي اسولف وياها سمعت صوت كال سلام عليكم لتافيت عليه عاااا تفاجئت بـــ.......... ❤️

يتبع .........❤️🙈🙈🙈🙈