رواية حب جنوني الفصل الثاني عشر 12 - بقلم سوزان ليث

غرام..... رونق اريد اكلج فشي
رونق .... شنو
غرام....  شفت نبا دتصعد الدرج كتلها لرونق بعدين اكلج ونزلنا جوه كعدنا لليل رجعنا بيت جدي وكلنا باجر نرجع لبيتنا

اسد...... اساذنت منهم اصعد ارتاح صعدت فوك جتي ورايه نبأ كلتلي تريد اجيبلك شي كتلها لا ماريد اريد انام وصلت للباب اندارت عليه كلتلي تعرف غرام جابت معدل 97 كتلها صدك فرحتني كتلها روحي صيحيها
شويه وجتي دكت الباب شافتني كتلها تعالي هنا كعدت بصفي جنت تعبان لدرجه بس واحد يطخني اوكع جنت محتاج انام على رجليها بس غمضت عيوني نمت كعدت شفتها دنيا صبح كمت احس جسمي متكسر باوعت ساعه ب6 صبح نايم من البارحه المغرب كمت رحت غسلت البيت هدوء نزلت جوه الكل نايم فتحت الباب وطلعت بره كعدت بالحديقه ظليت بس مصعد راسي للسمه وصافن اذكر كل الصار بيه اذكر صديقي الي مات وصديقي الي بعده عدهم ماعرف شنو مصيره وماعندي رقم اهله حتى اخابرهم حسيت ايد لزمت جتفي نداريت لكيته محمد

محمد... صباح الخير
اسد.... صباح النور
محمد .... شعدك كاعد من صبح
اسد..... مادري من البارحه المغرب نايم ولا حسيت
محمد ..... احسن حتى ترتاح
اسد.... شنو بايت هنا
محمد..... غير صار بيتي هذا من يوم العرفنا بيك ماكو اني بايت هنا الحمدلله رجعتنا
اسد..... سيارتي جابها هنا ؟
محمد... وره يومين  على خطفك ولان الكل كام يدور عليك جماعتك لكو سيارتك وبيها كل غراضك
اسد.... مسدسي
محمد.... موجود كلشي موجود حتى تليفونك
اسد..... اريد اروح لبيت احمد صديقي
محمد.... الي بقى عدهم
اسد.... اي اريد اروح اشوف اهله وماعندي رقم اي احد من اهله
محمد..... ارتاح هسه وبعدين روح
اسد..... لا شرتاح هسه بس صير بثمانيه اروحلهم
محمد.... اخو مثنى كلسع يدك عليه من انخطفتوا اجه لهنا يسئل 
اسد.... ماعرف شون اكللهم كتلوا
محمد... لازم تبلغه لاخو ترى همه هم ديحضرون فلوس علموده
اسد.... تعرف مثنى شكد جان عصبي بس كلبه طيب طول فتره الخطف جان بس يدعي ويستغفر
محمد... الله يرحمه اني مره شفته من كعدنا بالكهوه
اسد.... خايف على احمد هذا وراه عائله عده جهال لك من داطلع يكلي اسد لاتنسى جهالي باامانتك
مجنت اعرف حيطلعوني لو اعرف جان كتلهم طلعوا اله وعوفوني بداله

محمد.... ناس متخاف الله معرفت منو ذوله نفسهم الي جانو يهددوك
اسد.... اكيد همه مره جابو واحد كالو هذا اخو ارهابي مسوي جم عمليه تفجير ويكلون هو هم ارهابي بوكتها شفته من دخلت التحقيق شاب مرتب وطالب جامعي يكلي والله اني معليه بااخويه ابويه متبري منه قبل ميموت كلت ماستعجل يجوز صدك مو كل اصابيعنا سوه بس احمد ومثنى جانو عكسي كل حجايه وثانيه يضربوه اني جنت اذا موجود امنعهم بعدين وره جم شهر طلع وراها فتره داهمنا مجموعه جان هو وياهم حاول يهرب بس صديقي مثنى كتله وكتنا جم واحد وياه هذا طالب جامعي هو الي يسوي القنابل
جماعتي ظلو يكلولي هذا الجنت متقبل احد يضربه هذا

دارت الايام اخو رجع للعراق جتنا اخباريه عنه راجع جان بسوريا وراها صار الصار

محمد.... لا عود رجال ويريد ينتقم لان كتلتوا اخو

اسد..... ميروح من بالي شون كتله والله وهذا شاربي ازينه والبس لبس نسوان اذا ماكتله لو اخر يوم بعمري
كتلو لك جان خاطب يريد يزوج بعد جم يوم وجان فرحان لان ابوها جان مقابل ينطيها

محمد..... الله يرحمه برحمته

اجه جلال الهم
جلال.... ها صباح الخير شو مغبشين من صبح يله تعالو امي سوتلكم ريوك خاص

محمد..... اي والله صالي جم يوم ماحس بطعم الاكل

اسد.... كمت طبيت جوه خطيه امي وخواتي كومه مسويات اكل كعدنا ناكل بس اني مالي نفس جنت طول الكعده ساكت شربت جاي وكمت

ام اسد.... وين يمه ماكلت شي المن سويت هذا كله

اسد.... حجيه وداعتج مااشتهي
صعدت فوك بدلت ونزلت
ام اسد.... يمه وين طالع ماصدكنا ترجعنا

اسد... يمه شنو سالفه ابقى كاعد مثل النسوان

محمد.... اوكف اجي وياك رحت بدلت وطلعنا اني واسد

اسد.... وصلنا بيت مثنى جان هوسه ومقتوحه الباب عرفت عرفوا بالخبر نزلت شافني اخوه ركض عليه يحضني ويبجي يكلي اخوي كتلوا
وراها كعدنا نحجي كتله شون عرفتوا كلي صديقي يشتغل بطب العدلي هو خابرني لاكين جثته بجوله
هو يعرفه لان اني موصيه من انخطف اذا يجبون جثه ممعروفه يشوفها اخوي

اسد.... اخوك بطل وروح امي ماشفت اشجع منه يعرف نفسه حيموت اشاهد ورفع راسه الهم مخاف من الموت ابد

اخو مثنى.... الله ينتقم منهم الله ينتقم منهم جنا نحضر لعرسه هسه كمنا نحضر لعزاه

اسد.... ظليت كاعد بيت مثنى وراها طلعنا رحت لبيت احمد ابوه من شافني خطيه كام يحلفني يكلي عايش لو كتلوه
ظليت احلفله عايش كتله بس هو بقى ان شاءالله يطلعوا مثل مطلعوني
اجه ابن احمد باوعت عليه اذكرت كلامه من يكلي جهالي باامانتك
شي مات بداخلي ماعرف شنو وراها طلعنا ظل محمد يسوق واني بس صافن عالطريق

محمد.... اسد شبيك يابه ترى كلنا على هذا الطريق ماشفتك متاثر قبل هيج وانت شغلك مليان مخاطر

اسد.... كتله صح مليان بس مجنا حاسبين للغدر منظر مثنى وحتى محمد مديروح من بالي

محمد.... الله يرحمه والله يفك اسر احمد ويرجع لجهاله

اسد... ظل يفر بيه بس يريد يطلعني من الي بي بس اني جنت صافن بالي مو هنا اصلا
رجعنا للبيت لكيت ذابحين وبيتنا عمامي وعماتي هوسه فتت كعدت يمهم ابويه مسوي عزيمه بسلامه رجعتي جنت كاعد يمهم ساكت مالي اي خلك احجي

غرام.... ثاني يوم صبح كعدت امي كلتنا عمي مسوي عزيمه علمود اسد وحتى روح ومناك نرجع لبيتنا طبعا بعد ماخذت الموافقه من جدي برجعتنا
رحت اني ورونق حضرنا ملابسنا وغراضنا 

رونق.... شحتلبسين
غرام... مادري وانتي
رونق.... تعرفين ماكو داعي استاذ انمار يخليني اللبس شي
غرام... لا تخسريه مبين عليه كلش يحبج ويخاف عليج
رونق.... اول مره دكليلي هيج
غرام... مادري اوووف عوفيني اشوف شلبس
كتلها مجايبه شي حلو من ارجع لبيتنا ابدل فرجعنا لبيتنا اني كبل صعدت لغرفتي اريد ابدل لابست بنطرون وقميص طويل فوكاه وكفيت ردانه عدلت شعري ولفيته كبايه ونزلت جم خصله منا ومنا ولابس اكسسورارتي وخليت مكياج خفيف ونزلت كالعاده رونق الا شويه تلبس جادر الصلاه وتروح
خليت شال على راسي ورحنا اني ورونق لبيت عمي لان امي من وصلنا راحتلهم
طبينا هوسه وخالين جدوره بطرمه ويطبخون
فتنا سلمنا كعدنا عرفت اسد طالع هو ومحمد
ظليت العب بتليفون شويه وسمعت صوته بطرمه ودخل علينا سلم واجه كعد بس ليش هيج متغيركلامه قليل كلش كظاها بس صافن
كمت اني ورونق نساعدهم ونشتغل وياهم كمل الغده نصبنا بس لان ميكفي المكان كلنا نكعد مثل بيت جدي فا النسوان كعدو بالهول وزلم بالخطار
كعدت اكل شفت اسد طلع من الخطار صعد فوك
ظليت احوص اريد اصعد وراه بس استحي منه كملنا غده فكلولي صبي الجاي صبيته ونطيت الصينيه لانمار هو يوزع للزلم واني وزعت للنسوان فااستغليت الوضع صبيت جاي لاسد
وصعدتلهيا

دكيت الباب عليه كال فوت يمه اشتاقيت لهالصوت
دخلت كتله جبتلك جاي

اسد... اي والله اجه بوكته اخذت الجاي منها ظلت واكفه يم الباب تباع عليه صعدت راسي كتلها ليش تباعين عليه
غرام.... اااااا ليش كمت بسرعه من الغده

اسد..... مااشتهي
غرام.... تعبان
اسد..... شويه
غرام.... شفته بالكوه يطلع الكلمه كتله تريد شي حنزل صعد راسه عليه كلي
اسد..... انتي صدك خفتي عليه
غرام.... دنجت راسي كتله بس الله يعرف شكد جنت خايفه عليك رحت كعدت بصفه كتله احسك متغير

اسد... باوعت عليها كتلها لا بس تعبان
غرام... كتله صير زين ماحب اشوفك هيج
اسد.... الله كريم
غرام... كمت كتله حنزل ارتاح انت عفته ونزلت عبالك مواسد هذا الجان اذا اكعد يمه يظل يسولف نظراته تاكلني
وره ايام اسد رجع لدوامه وعدت ايام واسد على حاله تغير جذري صار بس عصبي ميتحجه ابد اذا احد مسوه الي يريده يظل يفشر ويرزل على اتفه الاسباب يعصب تحكماته بينا زادت ماكو طلعه ماكو روحه ماكو وماكو وماكو وصلت مرحله وياه اذا عصب يضرب  اكثر من مره ضارب خواته على شغلات تافه جلال اخوه ظل اسبوع بيت جدي طالع زعلان من وره اسد
اني على رغم كل الي ديسويه بس ماكدرت اكره تصرفاته فديوم امي جانت بيت عمي رجعت كالت بنات ام محمد حتروح عمره واقترحت عليه اروح وياها بس اني ماقبلت
كنالها ليش انتي من زمان عاجبج روحي
كالت انتو وشون وين تبقون كنالها هسه نبقى بيت جدي بيت عمو قابل جم يوم حضلين
كالت مادري والله ورراها امي قتنعت وخاصه جانت عطله امي سافرت للسعوديه اني ورونق رحنا بيت جدو نبقى

اسد.... جنت بدوام خابرتني مرت عمي سلم عليه لان حتروح عمره كتلها ادعيلي هناك بيت الله الله يريح كلبي
سافرو هي وام محمد وراها صارت نزلتي نزلت ارتاحيت العصر دكيت على غرام  بس مجاوب

غرام... فتت سبحت وطلعت مشطت وكملت جبت تليفون شفت اسد داكلي 3 مرات رجعت دكيتله بسرعه جاوب ورزلني رزاله غسل ولبس لان مجاوبته كتله بالحمام مفاد الحجي الحجاه عبالك مسويه فد جريمه مجاوبته لان اعرف هالايام ديمر بحاله نفسيه من وره الصاله 
سد التليفون بوجهي بعد مااخذت نصيبي من الرزاله والفشار حتى ماعرف ليش خابرني
لليل جنا كاعدين يم جده حكمه دخل اسد علينا سلم وكعد اني بس اجه كعد كمت طلعت بطرمه لان جنت زعلانه من حجيه خالين كراسي فكعدت بالحديق ظليت العب بتليفون اصفح فيس ماشوف الا تليفون انسحب مني بطريقه فززتني ونرفزتني

اسد.... يمكن من اصعب الايام الي مرت عليه هاي الفتره صرت بس شغل بس اريد معلومه عن النذل الي خطفنا احمد ورايه بسبوعين يله عايفي بس انواع التعذيب معذبيه ظليت اي واحد يريد يطلع اقتحام اطلع وياه ماكو المجرم مثل الي ختفاة
ادري تغيرت بسبب الي شفته صرت اعصب على اتفه شي اكثر من مره ابويه يحاجيني من وره تصرفاتي بس مجان بيدي
خابرت غرام بمره من امها سافرت داشوفها محتاجه شي بس مجاوبت جم مره ماكو واني اضوج من مجاوب وره شويه خابرت ماظل فشار ماحجيته ماظلت رزاله ماكلتها بس هي ابد مجاوبتني لليل نقهرت عليها خاصه لان هي جانت تسبح ممتقصده مجاوب رحت لبيت جدي شفتها كاعده بس دخلت هي كامت طلعت طلعت وراها شفتها كاعده بالحديقه ومدنجه بتليفون وتبتسم بيه رحت مشيت على كيفي جريت تليفونها منها هي فزت بس محجت شي

غرام.... شفته اسد راح كعد كبالي وظل يكلب بتليفوني كلت والله ولا احجي هو يستفزني حتى احجي ويرزلني بعدين ظليت ساكته واباع على شجره مال رمان جانت محمله رمانات صغار كلش شمر تليفوني على الطبله هو بلا شي خربان ويصفن نوب شمره هيج كلش ضجت منه

اسد.... اي ست غرام دتخابرين امج
غرام.... جنت اباع على شجره مالي خلك اباع بوجهه كتله اي
اسد.... من احجي وياج باعي عليه وجاوبيني
غرام .... الله يجيبج ياطوله البال نداريت عليه كتله اي
اسد.... مطلع قبولج
غرام... لا هذا الاسبوع عساس يطلع
ظلينا فتره ساكتين تليفوني دك هو بسرعه شاله لان قريب عليه اني ظليت كاعده لان من اكوم يظل شعدج وليش خايفه واعرف سوالفه
ظليت اباع عليه

اسد.... منيه داليا
غرام.... صديقتي
اسد...... شعدها تخابرج هسه تعالي حاجيه فتحت سبيكر واشرتلها تحجي
غرام.... باوعت عليه كلت والله هذا بي شي صايره اكو واحد هيج يسوي
حجيت ويه داليا وكتلها اكمل شغل واحاجيج
باوعت على اسد كتله ها ارتاحيت هسه عفته وداطب جوه اجه لزمني من زندي قوي باوعت عليه ظليت مركزه بعيونه احس بيهن بركان ويريد يطلعه ظل هو هم يباع بعيوني حسيته توتر وكام يبلع بريكه

اسد.... بس شفت عيونها بسرعه ضعفت كدامها عفت ايدها وهي كملت مشيها كتلها هاج تليفونج

غرام..... نداريت عليه كتله ماريده خلي يمك خاف اكو شي مفتشت عليه عفته ورحت طبعا امشي بس سريع كلش نرفزني تصرفه هذا فتت كبل صعدت فوك طبيت شفت رونق تحجي بتليفون
قفلت الباب وجيت كعدت هي سدته بسرعه

رونق... شبيج يولي جنتي تركضين
غرام.... هذا اسد حيخبلني والله مستفز لاقصى درجه صاير
رونق.... سوه ليش
غرام.... حجيتلها السواه
رونق .... هذا مدري شبي حتى نبأ تشكي منه
غرام.... كتلها مشكله كل هاي تصرفاته داضوج منه بس ماكدر اكره لو قبل جان يسوي هيج يجوز جان ظليت ابجي وادعي عليه
بس هسه اكو شي ميخليني اكره

رونق.... تعرفيه كلبه طيب بس الصار اثر عليه هسه تليفونج يمه
غرام .... اي
رونق... هلا نوب انت مخالتله رمز هسه يقرا كل الرسايل ويشوف صورنا وخبالاتنا
غرام.... لا ميسويها كمت وكفت على حيلي كتلها عزه بعيني
رونق ... شبيج
غرام....  كتلها بسلا يقرا مسجاتي ويه داليا والله فضيحه نص حجينا عليه
رونق.... عزه بعينج دروحي اخذي منه بسرعه
غرام.... نزلت ركض ادور عليه ماكو سئلت عليه كالو راح
دورت تليفوني ماكو اكيد اخذه ياربي ميدور بي
صعدت ركض كتلها رونق جيبي تليفونج ادك على داليا حتى مدك ولادز مسجات لتليفوني
خابرتها وكتلها

اسد.... اخذت تليفونها وطلعت فكرت اشتريلها تليفون بداله لان هذا تعب صاله جم سنه فرجعت للبيت ذبيته عالكومدي ونزلت تعشيت وصعدت سبحت وجيت مددت مجان بالي ابد العب بتليفون بس ماعرف شون اخذته فتت على صوره اباع عليه شون طاكه صور وكله صورها بوز مسويه بشفتها نقلتلي جم صوره لجهازي ماعرف ليش وراها طلعت فتت على الفايبر كليتها اول محادثه اسم دلو واخر رساله كاتبه بعد ابو الاسود هذا
استغربت كلت شنو قصدها عليه فتحت المحادثه وكمت اصعد بالحجي
ونصدمت من الي قريت وكمت اقره الكلمه اكثر من مره حتى اتاكد
الحجي اغلبه عليه نصدمت بكلام غرام عليه حتى صديقتها كاتبتلها اي عيني هذا الحب
فدواتك ربي غرام تحبني ظليت ممصدك الكلام المكتوب
شكد فرحت ظليت اضحك بصوت عالي مثل الواحد ممصدك

غرام .... ثاني يوم وره الغده صعدت نمت حسيت رونق تهز بيه كومي وكومي
كتلها شكو كالت اسد جوه يريدج كمزت كتلها جايب تليفوني كالت مادري روحي صار ساعه اكعدج كمت بسرعه رحت غسلت وعدلت كفشتي ونزلتله البيت جان هدوء وره الغده بيبي وجدو ينامون وعمي ومرته فوك بغرفتهم طبيت للهول لكيته كاعد يدخن فتت عليه كتله هلو وكعدت

اسد... جنتي نايمه
غرام... اي
اسد.... هاج
غرام ..... شنو هذا ... اخذتها علاكه فتحتها عااا لكيت باكيت ايفون ظليت اباع على اسد وانزل اباع عالايفون بسرعه فتحته جايبلي ايفون لونه وردي فاتح عزه موديل الجديد وهذا اصلا يعني مره سمعت بي كلش غالي اني عيوني حتطلع عالايفون سويت نفسي عود ماريد كتله شنو المناسبه

اسد..... مو نجحتي
غرام.... دنجت عالتليفون شفته مفتوح كتله هذا مفتوح جايبلياه مستعمل
اسد..... كفختها على راسها كتلها شون لعد اسويلج الحساب ونزلتلج البرامج كلها تعرفين تستخدميه لو اعلمج هذا يختلف عن تليفونج الاول

غرام... اي اي اعرف استعمل طبعا اني ماعرف بس شيكول عليه ثوله

اسد.... والله شكلج كلشي مدتفهمين تعالي جريت منها تليفون وجتي كعدت بصفي هي ممنتبه كلش طابكه عليه وخاله ايدها على رجلي
كعدت اعلمها عليه وهي زين هذا شنو هذا شنو بالاخير كتلها تعالي نجرب صورته فتحت الكام واريد اخذ سلفي

غرام.... خليت ايدي على وجهي لا ماريد شون خلقه هسه حتى تاخذلي
اسد..... باوعت عليها عطت بيها حتى تنزل ايدها نزلته واخذنا اوياها سيلفي

غرام... اخذت تليفون منه كعدت افتح حساباتي مال برامج وممنتبه اصلا لاسد ونطاني تليفون القديم هم كلي نقلي صورج والارقام وراها تردين تفرمتيه ذبي بكيفج كتله لا اعوفه اسمع بي اغاني اتفرج بي يوتيوب

اسد... زين شنو هسه ماريد شكرا عالاقل جيبيلي شي اشربه

غرام... كتله اي هسه كمت رحت للمطبخ لكيت رونق كاعده هناك وتراسل انمار اول مادخلت كمت اشرلها بتليفوني الجديد هي كمزت عليه واخذته تشوف

رونق.... تعرفين هذا غالي كلش

غرام..... اي لج عيوني رادت تطلع عليه بس سويت نفسي ثكيله

اخذت قوطيه بيبسي وخليت كلاص بصينيه واخذته اله جان كاعد يدخن شكد يشرب جكاير صاير خرب رحت فدنجت اقدمله من دياخذ شمو النفس مال الجاره بوجهي كمت اكح كح خرب خباثه

اسد..... ماجتي تقدملي دنجت عيني عالدلعه مال بجامتها  شكبرها ومن دنجت طلعت شغلات خرب بالخظ عيون كبل راحت عليهن
كعدت بصفي وظلت مدنجه بتليفون
فاخذت تليفونها خليته بصفي كتلها حظلين تلعبين بي عالاقل من اروح

غرام.... ابتسمتله وكعدت بعدين ذكرت عزه حتى شكرا ماكلت كتله شكرا عالهديه كلش عجبتني

اسد.... شو هذا الشكر ناشف
غرام ... كتله شنو ناشف
اسد... خل اعلمج شون تشكريني قربت راسي على وجههه هي تفاجئت  بحركتي

غرام.... يمه كلبي من تقرب على وجهي كلت حيبوسني من حلكي اكيد نوب كلبي دك دك دك دك دك الا شويه اغمض عيوني جان يبوسني من خدي فشلني بوسه جانت كلش هادئه  قرب انفاسه وعطره حسيت نفسي حتخربط

اسد.... رجعت لكعدتي كتلها عرفتي شون تشكريني اباع عليها خدودها حمر هزت راسها حتى محجت
كتلها هسه شنو شكوت تشكريني ترى حروح

غرام... مو شكرتك
اسد.... مو كلنا شكرج جاف
غرام.... افتهمت يقصد ابوسه بوكتها بكلبي فكرت خل ابوسه قابل شكوفتقربت يمه جاي ابوسه من خده جان يدير وجهه شويه فالبوسه صارت بين خده وشفته مكان قريب اني متت خجل مادري متقصد ممتقصد  ماعرف رجعت لمكاني سويت نفسي عادي

اسد... كرصتها من خذها كتلها يله حروح اني وكمت
غرام....  فكمت وياه دامشي وراه فاني دالعب بتليفون ماشوف اله اصطدمت  بظهره دكولين اصطدمت  بجدار صلب

اسد.... اعرفها تمشي ورايه وراسها بالتليفون وكفت فجأه هي اصطدمت بظهري  نداريت .........❤️
&&&&&&
دعموا القصه تفاعل قليل سوه تاك لاصدقائكم وصديقاتكم خل يقرون القصه 🤳🏻
البارتات الجايه مفاجئات كوووومه بيها 😍

سوزان ليث