رواية حب جنوني الفصل الثاني والعشرون 22 - بقلم سوزان ليث

ساعه 2ونص تقريبا ندكت الباب مثل كل مره من نسوي دولمه لازم ايمان ونبأ يشرفون يمنا ياكلن

راحت رونق تفتح الباب مو اني هذا اليوم ماسوي شي الكلاص ماشيله كل ميحاجوني اكلهم عيد ميلادي اخبلهم بس وراها يطلعون هذا اليوم من خشمي

طلعت رونق تفتح الباب جنت منداره على امي اسولف وياها سمعت صوت كال سلام عليكم لتافيت عليه عاااا تفاجئت بــ اسد
ظليت جالكه حلكي ممصدكه اجه علمودي

ام غرام ... وعليكم السلام هلا وغلا حمدلله على سلامتك
اسد... اباع على غرام شون فرحت  ناوي اصلا اجي اليوم علمود عيد ميلادها
سلمت

غرام .... اباع عليه يربي اريد اروح احضنه بس امي واكفه عاد سلمت سلام محترم رحت بسته من خده واني ابوس همس باذني

اسد... اجيت اشلعها
غرام ... وخرت منه واني طماطه صايره رجعت لمكاني وكفت
رونق واكفه بصفي ضربتني بعكسها عود يعني رجع علمودج

ام غرام ... تعال اكعد
اسد... لا والله اريد اروح اسبح وابدل ميت حار
غرام ... يمه حبيبي حتى هو ميت حر عطره يخبل ظليت انطي نظرات بحيث جان يحجي ديكول لامي انتظروني عالغده كال انتظريني عالغده
ضحكنا اني ورونق عليه من سحك

كال حروح ابدل واسبح واجي المهم هو راح منا اني صعدت منا فتت سبحت لابست  تراك اسود وبي خطوط وردي سويت شعري ضفيره صفح وكحله وماسكاره وحمره خفيفات ومليت نفسي عطر شكد مااخلي عطر من اكعد بصف اسد اشم بس عطره
نزلت جانت امي ورونق ديحضرون الغده دزيتله مسج
حتى ليتاخر

شويه وندت الباب رحت فتحتها فاتن نبأ وايمان
كتلهن اجني العظامات
كامن يضحكن وراها دخل اسد جان يكلي
اسد....واني هم عظام
غرام.... ههههه انت عظام كلبي
اسد... لا ترى والكعبه هسه اخذج كدام امج اعرس عليج ستري على نفسج
غرام .... ههههه يله فوت دينتظروك حتى نتغده

فتنا جوه طبعا هو تبرع يكلب الدولمه جدر دولمه هالكبره هو شاله حسيته هالصغره صار بيده
وامي مسويه مقبلات وشغلات وكعدنا ناكل جانت اطيب دولمه اكلها
اي لان اسد جان كبالي 🙈

وره الغده راحو كعدو بالهول اني صبيت الجاي ورحت اوزع صدمت بس امي وايمان بالهول كتلهم وين اسد كالو طلع كال عندي شغل
ظليت بكلبي اكول شو مكلي من طلع ولا كلف نفسه
وزعت الجاي ورجعت للمطبخ يم رونق ونبأ

رونق .... بعد ما بدلت رقمي خلصت من انمار صح جنت احن اله ومشتاقتله بس كلبي مجروح منه الي عرفته هو خطب بت صديق ابوه او شريكه بشغل يكلون عليها حلوه ومرتبه بس اني لو ملكه جمال الكون اشوفها ابشع بنيه
محمد يدري برقمي نطيته بس الي واثقه بيهم 
ثاني يوم غرام ظلت دكلي لازم تشكرين جلال جابلج خط ورصيد بس اني ماقبل بعدين كالت عالاقل كليله بيش حتى توديله فلوسهن
قنعتني
اخذت رقمه من غرام ودزيتله مسج عالفايبر 💬 هلو جلال شونك
دزيتها وجنت اكتب الرساله الثانيه جان بسرعه جاوبني كال

هلو رونق الحمدلله زين انتي شونج💬
رجعت اكول هذا شعرفه برقمي الجديد كلت اكيد هو جابه شون ميعرفه
دزيتله 💬 بس حبيت اشكرك عالشريحه ورصيد واريد اعرف احسابهن شكد
دزلي 💬 اول شي ماكو داعي شكريني ثاني شي عيب تحجين بشغله فلوس
دزيتله💬 لا ترى ارجعهن اذا متقبل تاخذ فلوسهن
دزلي 💬 انتي بيج شي باباتي يافلوس والله اذا جبتي فلوس احركهن كدامج
دزيتله💬 زين انت منين عرفت اريد ابدل رقمي
دزلي 💬مو مهم المهم تبدل ومحد يضوجج واني موجود

سديت التليفون ومجاوبته ماعرف ليش ظليت بس صافنه يربي جلال شبي معقوله اتوهم ودتخيل
بس هو اول مره يحجي ويايه هيج
للعصر جنت اكلب بالفيس جلال ناشراغنيه راشد الماجد ( اكثر شخص بالدنيا )
انا اكثر شخص بالدنيا ......يحبك
وانتي ماتدرين ......فيكي اموت وانا واحياااااا
من اول يوم .....لين الحين
يااجمل......اجمل الاشياء
ويااغلىٰ ......من نظير العين
متى قلبك. .....متى ممكن يصافح
بالوله .......قلبي
متى هل بال......يتطمن
على احساسي..... وعلى حبي
ابي هذا الغلا. .....معلن
تعبت احب....... واخبـــــــــــــــــــي

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

ظليت اسمع الاغنيه كلت معقوله عليه. بعدين طلعت من الفيس بسرعه كلت اوي شون تفكير 
عفته ومهتميت اصلا

بيوم الجمعه رحت اودي امي مسويه كليجه كالت ودي لبيت عمج فرحت جانت الباب مفتوحه فدخلت توجهت لباب المطبخ وفتت لكيت نبأ وفهد بالمطبخ كتلهم هاي امي دزتها

فهد .... اي والله تعال جيبيها مشتهيها
رونق... لا هسه تقضي عليها وخر خل اوديها لعمه

اجه فهد عود يسد عليه الطريق حتى ياخذ الصحن مني اني نطيته ظهري 
فهد ... نبأ سدي عليها طريق مناك
رونق... نحصرت بين نبأ وفهد والضحك مالتنا واصل لراس الشارع
محسينه الا صوت اجه من الباب المطبخ
كال شنو هالصوت وضحك
لتافينا عليه لكينا جلال وصاير عصبي
اني مدرتله بال رجعت لتافيت على فهد كتله خليني افوت عاد

فهد ... والله ماخليج اذا ماتنطيني
رونق... شلت كليجه وحده قربتها من حلك فهد كتله ها بس اسكت
فتحه حلكه اخذها
وخلاني افوت
لكيت مرت عمي كاعده بالهول نطيتها الماعون وداطلع سمعت جلال ديصعد الدرج ويفشر هذا اكلان خ..... وهذا مدري شنوسيت فشار
رحت للمطبخ لكينا فهد ونبأ يضحكون كتلهم شبي هذا
رفعتلي كتفها نبأ بمعنى ماعرف

وراها رجعت لبيتنا

لكيت جلال داز مسج 💬 بطلي شقه ترى كبرتي

ظليت صافنه عالمسج كلت لا هذا زودها قابل اول مره اشاقه صدك جذب بس يرجع اسد الا اراويه الرساله

غرام .... ظلينا كاعدين للعصر وراها البنات كالو تعالو نصعد فوك
صعدنا رونق ونبأ بس يصنفون وايمان فقير ساكته بس تضحك
وراها نك الجرس كالت رونق اني انزل نزلت هي
ظلينا اني نبأ نسولف وره نص ساعه هيج اجتي رونق تنهد كالت تعال ننزل جوه
كتلها خبلتينه لو صاعدين لو نازلين
كالت ديله امشي نزلنا واني انزل رونق تعدل بشعري اكلها شبيج بنتي وخري
دكلي فوك مداعدل كفشتج

نزلنا شفت باب الخطار مفتوح كالو تعالو نفوت جوه كتلهم هسه امي تحجي لان متقبل نكعد بغرفه الخطار طبيت الضوايات كلها مشعله اباع عالميز كيكه وكيك قطع وحلويات وعصاير امي واسد واكفين على صفحه اسد بيده تليفون يصورني اني اول مادخلت من صدك تفاجئت ظليت خاله ايدي على حلكي واضحك
كتلهم عزه شوكت سويتو هذا كله

رونق... كله اني سويته
غرام ... باوعت على رونق كتلها امداج كليلي ابدل اكشخ جايه بالتراك

اسد... تعال حلوه حلوه حتى وانتي كفشه

غرام ... مشيت وكفت بنص والضحكه شاكه حلكي 😁
اسد واكف بصفي  شعلو شموع وطفو الضوه والبنات كامو يغنون
سنه حلوه ياجميل ......
والله ماكذب اذا كلت جنت طايره من الفرحه  كلش فرحانه الابتسامه مفاركت وجهي
همه يغنون واسد مستغل الظلام ويكرصني من خصري بالاخير لزمت ايده
داطفي الشمع رونق وفيكاتها كالت اتمنى قبل متنفخين اني ظليت مغمضه عيوني واتمنى  تقرب اسد همس باذني

اسد... عاد ذكريني باامنيه

غرام .. فتحت عيوني ونفخت وبوسوني وعايدوني
رحت يم اسد مديتله ايدي حتى يعايدني سحبني اله باس راسي
كلي
اسد... هديتج بوحدنا انطيها الج
غرام ... ابتسمت اله كتله انت هديتي ماكو داعي
اسد.... كافي تحجين هيج حجي كدامي ترى على شعره واهجم
غرام .... ضحكت وعفته رحت يم امي الي جانت دتقسم الكيكه 

رحت كعدت ونطوني اكبر قطعه عود عيد ميلادي 😂

ظلينا ناكل ونسولف وعرفت اسد الي جايب ذني كلهن
وراها راحو بالليل خابرني اسد كال تعالي اريد انطيج هديتج

فكلت لامي كالت اني هم اريد اروحلهم فرحنا كلنا اني اول مافتت عيوني دور اسد صعدنا اني والبنات فوك ورحت مناك لغرفه اسد
دكيت الباب كال فوتي
دخلت لكيته كاعد عالجربايه وبيده تليفون رفع راسه كال
اسد... هلا بحبيبي
غرام ... هلو  شونك
اسد... الحمدلله  تعالي
غرام ... شكو خله ايده على عيوني كال
اسد... غمضي لتفتحين من اكلج يله
غرام ... ظليت مغمضه عيوني سمعت جقجقه وطكطكه وماعرف شكو
سمعت كال فتحي عيونج
فتحتهن شفته شايل كيكه صغيره كلش وبنصها شمعه واكف كباليً
ظليت خاله ايدي على حلكي من الفرحه

اسد... يله اتمني قبل لطفين الشمعه على كولت رونق
غرام... باوعت علىيه كتله امنيتي الوحيده  الله يحفظك الي
ودنجت نفخت الشمعه
خله الكيكه عالميز واجه لزم  ايدي بكل هدوء
كال احبج
غرام ... ظليت اباع بعيونه كتله واني اموت عليك
تقرب عليه وكام يبوسني بكل هدوء من شفتي شويه شويه تعمق واخذ شفتي جنت مو بالكاع طايره صح ماعرف شون ابادله بس خليت ايدي حول ركبته وهو مثل ماصدك جرني من خصري ووظل يبوس بيه وخر مني اني وياه يمكن فاقدين ومو بدنيا
ظل لازمني من خصري واني محاوطه رقبته كلي
اسد...بس يمج ارجع مراهق وتضيع كل علومي
غرام ... احبك وبسته من خده بكل هدوء
اسد... تمنيت هسه انتي مرتي
غرام ... ليش
اسد... اطلعج بنقاله والكعبه وخري عني وخري لاتهور وخري
غرام... ظليت اضحك شفته راح  اكو علبه عالكومدي جابها ونطاني اها
فتحتها لكيتها كلاده زنجيل ناعم وكلاده نجمه كلش نازكه وحلوه
كتله الله شكد حلوه
اسد... انتي مثل هاي النجمه انتي نجمه حياتي
غرام .... 😁
اسد... باعي ترى اليوم صرت رومانسي كومه مو بعدين دكليلي رمانسيات ترى هذني مال خمس سنوات ليكدام
غرام ... لا بله بس تعرف هذا احلى عيد ميلاد صار لان انت يمي
اسد... مو جنت يمج بذيج اعياد ميلادج
غرام ... خليت ايدي العب بدكم مال القميص وكتله لا مو هسه تختلف قبل جنت بس ابن عمي هسه صرت حبيبي
اسد... وعيد ميلادج الجاي زوجج 😉
غرام ....🙈
يله حروح صالي كومه هنا
اسد ... اوكفي شو حتى شكرا ماكلتي جايبلج كيكه وشاعلج شمعه
ولابستج كلاده وداكلج انتي نجمتي حتى بوسه ماكو
غرام ... شكد طماع انت
اسد... دتعالي
غرام ... سحبني اله و باسني بس جانت بوسه انتقام ايده وره راسي ميخليني اتحرك
وخر مني كلي
اسد... اذا محطلعين هسه ورب الكعبه اعرس عليج
غرام ... خلاني افتح الباب وافلت واني خربانه ضحك
رجعت لغرفه البنات شوفتهم كلادتي وكل وحده طبعا شمعناه انتي الهدايه  الزينه واحنا لا
واني اضحك عليهن

رونق... جنا كاعدين اذكرت جلال ورساله ماته كلت خل اروح اراويها لاسد كتلهم اني هسه اجي اريد احجي ويه اسد
رحت عليه بالغرفه ماكو نزلت جوه لكيته كاعد ويسولف ويه ابوه اني ظليت واكفه هو شال راسه اشرتله
ورحت للمطبخ جان ماكو احد هو شويه واجه عليه

اسد... ها دبدوب رايده شي
رونق... والله اذا كلتلي دبدوب بعد  ماحجي وياك
اسد... ههههه لا يابه كله الا زعلج كولي شبيج
رونق... عمو اسد البارحه جيت هنا وجبت كليجه ويايه امي دزتها وكعدنا نشاقه اني وفهد ونبأ بعدين فات جلال حجه علينا لان صوتنا طالع رجعت للبيت شفته دازلي مسج  بطلي شقه ترى كبرتي
زين اني شمسويه حتى يحجي ويايه هيج

اسد... والله يادبدوب اقصد يارونق خاف نوب تزعلين من هالكلمه
هسه احجي وياه لضوجين ترى هو غير حاسبكم خواته انتي وغرام وعادي اذا نصحج

رونق... ماريد ينصحني اني ممسويه شي غلط
دنحجي وفات جلال من بره اني صرت صفره كلت وكتك
جان اسد يكله

اسد... جيت والله جابك تعال ليش مضوج رونق
جلال ... اني مضوجها بشنو ضوجج عيني ست رونق
رونق... ظليت اباع على اسد حتى ملتافيت على جلال
اسد... ليش دكلها بطلي شقه وكبرتي
جلال... اذا جان صوتها وضحكها واصل للشارع وحجيت عالكل اني بس هي راحت فدزيت الحجي بمسج
اسد... يابه طلع حاجي عالكل باعي رجال عادل
رونق... اي كله ليدخل بيه
جلال... ومنو مدخل بيج انتي
اسد... شبيكم زعاطيط حتتعاركون صدك جذب عالعموم جلال بعد معليك بدبدوب اقصد رونق وانتي رونق ترى جلال خوش وليد شوفي حتى يلعب حديد عليمن يطلعهن ذني العضلات لعد

رونق.... هههههههههههه ذني بس نفخ
جلال... مو اجي اراويج النفخ
رونق... باوعت عليه بنظره تكبر ونداريت على اسد كتله يله عمو اسد حروح صار الجو ثكيل هنا
عفتهم وطلعت بعد ما شفت اسد يضحك وصوت ضحكته شعلاتها وجلال يدردم.

صعدت فوك نبأ كالتلي
ادري وحده تجي وحده تروح شكو شبيجن كتلها  يله يله بعد منكوم
شويه واجاني مسج من جلال 💬 تشكيني لاسد اني اعلمج

ظليت اباع عالمسج وخربانه ضحك وبنفس الوقت خايفه منه
ماعرف ليش احب اضوجه

نزلنا جوه الكل كاعد واباع عليه خال ايده على حنجه من جتي عيني بعينه سوالي اوكفيلي بحركه بسرعه
اني بسرعه نطيته نظره عود ممهتمه ونداريت
اسولف ويه فهد واشاقه ويه بالقصد حتى اكله مو انت تمشي كلامك
عليه
فجاءه اجه ........ بتبع ❤️