رواية حب جنوني الفصل الحادي وثلاثون 31 - بقلم سوزان ليث

مرحبااااا
بمناسبه الامتحانات خلصت حبيت انزل بارت وبارت ثاني هديه
طبعا هوايه طلبو مني هديه بعد شتردون 😁
والهديه هاي لفطومه وصديقاتها وكل الي خلصو امتحانات ❤️
وان شاءالله الكل ناجح بتفوق 🌺
ووووو بمناسبه ان قصه (حب جنوني) صارت  نمبر 1  ☝🏻☝🏻☝🏻☝🏻☝🏻☝🏻 💃🏻💃🏻💃🏻

قرررررررراءه ممتعه حبايبي ❤️🌺
&&&&&&&&&&&&&&&&&&&&&&&&&&&&&
......... البارت 31........
-هو جلال يشتغل بشركه فجان جايب اوراق شغله  وفاتح الابتوب عالميز وكاعد يشتغل فطبيت كتله هذا الجاي فخليته عالميز ونداريت اطلع جان يكلي

جلال ... حتى متعرفين تخلي مثل الاوادم
رونق... اني استغربت هذا عليه نداريت عليه شفته يباع عليه
كتله ... شنو
جلال... متعرفين تخلين الصينيه مثل الاوادم
رونق... شنو مثل الاوادم قابل اني حيوان
جلال .... والله شمدريني
رونق... احترم نفسك ترى والله اكول لعمي
جلال ... ذيج الباب وابويه كاعد بالهول بصف البوفيه لابس دشداشه نيلي روحيله
رونق... ااني صرت اعصاب شنو هالاسلوب الديحجي بي ويايه كتله انت انسان ممحترم وماعندك تربيه يمه اني حجيت هيج ماشفته غير كام ودفر الكرسي وكعه ليوره اني شفته هيج جان نداريت اريد افلت شفت الباب الطلعه شبعدها من الخوف قبل ماوصل  للباب شفته خله ايده عالباب بسرعه يمنعني اطلع
اني كلبي من الخوف راد يوكف الله يكص لساني يمه انشليت

نداريت عليه بحركه عود ممهتمه اله ولا كانما خايفه منه كتله شكو

جلال... منو الماعنده تربيه
رونق... بلعت ريكي ماعرف شجاوب وماريد اتراجع بكلامي
كتله انت لان متحترمني
جلال.... رونق تعرفين واصله لهنا وحق الله اعدمج العافيه تكفي شري
رونق... هو منو وياك انت البديت دكول عليه مو ادميه
جلال... منو الركعت الصينيه
رونق... والله ماركعتها ... ظليت اباع على عيونه اول مره اشوفها حلوه هيج جوزيه لحيته الي مرتبه دايما شفته بعدت انظاري من وجهه مثل الي اريد اطرد هاي الافكار

جلال... زين مو كلتلج اني اوصلج للمستشفى افوت اسبح واطلع ماشوف احد بالبيت واسئل ابويه يكلي فهد اخذهم

رونق... والله رحت ابدل بس اجتي امي كالت تعالي ويايه واصلا مادري انت متدري عبالي عمه والبنات كلولك

جلال... زين ليش متعشيتي زين
رونق... لا منظرنا اني وياه مدري شونه اني محصوره بين الباب وبينه ونوب يتكلم بهدوء وعيني تجي على شفته من يحجي خرب شبيه
كتله ... ماشتهي

جلال... ماشي

رونق... عافني ورجع اني ظليت امسح كصتي حسيت صخنت بسرعه فتحت الباب وطلعت رحت للمطبخ يم البنات ظليت واكفه يمهم شويه واجه جلال للمطبخ وطلع بره اني ظليت افكر هذا وين طلع كملو البنات وصعدنا فوك خابرت امي طمنت على غرام وظلينا اني والبنات نسولف شويه وندكت الباب كامت نبأ فتحتها جلال كلها هاي الكم كلتله هلا هلا اليوم مدارينا كلها خل تاكل رونق متعشت زين طبت نبأ خلت علاكه مليانه شغلات وكعدت تهزلي جتف دكلي عيني جلال يكول خل تاكل متعشت زين

خربت ضحك على حركتها اجتي ايمان فرغت العلاكه كبالي والله جايب شغلات طيبه نساتل وجباسه وحب وعصاير ومن كل نوع جايب على عددنا فاني كتلها بعد شتردون كولوا جلال ميجيبنا

نبأ.... والله هاي اول مره هيج جيب كل مره يفضها بجبس ونستله

رونق.. والله ظلينا ناكل ونكرز حب جان يجيني مسج 📱 اكلتي
كتبتله📱 اي شكرا تعبت نفسك
ردلي📱اكو شي عالكاونتر جوه نزلي اخذيه

طبعا اني قتلني الفضول كتلهم حروح للحمام وطلعت اتلفت منا ومنا نزلت جوه جان البيت هدوء الكل فايت لغرفته رحت للمطبخ باوعت
خال عالكاونتر نستله شكل قلب حجمها نص الكف تقريبا
وجان شكلها كلش كيوت اني اخذتها وصعدت ماكلتها

دزيتله مسج 📱حلوه شكرا
دزلي📱عندي واحد مثله بس انت بداخله

اني طبعا قريت المسج شمرت التليفون وحتى النستله شمرتها
عزه هذا شيقصد
عفته ونمت بالكوه ماعرف افكر بجلال مدري لان فراشي متغير بالكوه غفيت
صبح كعدت شفت نبأ وايمان بعدهم نايمات كمت رحت للحمام غسلت ونزلت جوه ماكو احد بالمطبخ شويه وجتي مرت عمي صبحت وجانت مبدله كالت حروح للمستشفى مقبلت اروح وياها كالت اليوم حيطلعوها روحي حضريلها شي تنام عليه
طلعت هي وعمي اني ظليت كاعده اجه فهد كفخني كلي

فهد..  هاولج شمكعدج من وكت جنج ديج
رونق... فهد لتخليني اكوملك وتعرف من اكوم شسوي
فهد ... شسوين
رونق... اسويلك ريوك ههههه
فهد .... جبانه يله كومي سويلي ريوك
رونق... باع هذا صدك
فهد ... دكومي بداعت الاخوه اريد اطلع عند شغل
رونق... كمت كتله شتاكل
فهد... باعي ثرمي بصل ناعم وبتيته ناعمه وطماطه حمسيهن زين خليها تكسب بعدين طكي فد 3 بيضات وياها
رونق... ظليت اباع عليه رحت طلعت بيض وطلعت طاوكه كليتله بيضتين عيون وسويت جاي وخليته كباله كلي
فهد..... يعني ماعرف شكلج مثل ماردتها والبصل مكسب

رونق... هههههههه مو كلت موزين عليك تاكل هيج من صبح

شويه واجه جلال صبح وكعد اني طبعا ماباع عليه فهد كله طلعت رونق تعرف طك بيض
رونق... باوعت عليه كتله مو صوجك صوجي اني سويتلك ريوك
كمت داطلع كلت خل اكول لجلال تتريك عيب امه راحت للمستشفى علمود اختي كتله جلال تاكل

جلال... اي والله
رونق... تريد طرك لو عيون
جلال... بكيفج
رونق... كمت طلعت بيضتين سويتها طرك وصبيت جاي وخليته كباله هو كلي شكرا تعبتج
اني هزيت راسي عفتهم وطلعت صعدت فوك شفت نبأ هسه طالعه من الحمام

عاد ردينا نزلنا تريكنا اني وياها ورحنا لبيتنا داجهز النومه لغرام
وبعد جلال ماشفته ومرتين وره مرجعت غرام اجه شافها بس اني جنت اظل بالمطبخ ماطلع عساس اشتغل

وره مسوت عمليه غرام اني ماداومت للمدرسه 3 ايام رابع يوم داومت المديره جوارينا تعرف ظروف فداومت فديوم طلعنا من المدرسه اني ونبأ ندور الخط بين الخطوط
شفت انمار واكف هو مشافني لان اني واكفه بين سيارات نبأ كالت

نبأ .... هذا جابه
رونق.... ماعرف
نبأ....  اوكف خل راقبه
رونق... شعلينا بيه امشي ذاك خطنا
نبأ ... يمكن جاي عليج
رونق... شسويله خل يروح

فوصلنا للبيت نزلنا جان سياره انمار تفوت وظل يباع عليه اني بكلبي كلت شو صاير محلو هذا طبيت كلت هذا يمكن حن هسه

دخلت سلمت وصعدت ابدل ونزلت صبينا غده وكعدنا ناكل وراها لملمت البيت وكعدت اسولف لغرام على انمار وصعدت انام شويه كعدت العصر نبأ كاعده على جربايه غرام كبالي
كتلها جابج

نبأ.... كومي جلال يريدج
رونق... شيريد
نبأ... مو اني كتله على انمار اجه للمدرسه واجه ورانا
رونق... امداج على شنو كتيله
نبأ... يروح يسويلج شي
رونق... شيسوي هو اني وين موليه وحدي
نبأ... مو اتخيل يخطفج من الخط
رونق... شنو هالفلم صدك جذب هسه اني ناقصني جلال
نبأ.... ديله دكي عليه خطيه ضاج من كتله
رونق... كمت عدلت كعدتي واني ادردم على نبأ اخذت تليفون دكيتله هو بسرعه جاوب
الو
الو
هلو شونك
زين شنو انمار جاي للمدرسه
اي شفنا واكف ماسوه شي
ولحكج للبيت
مادري يجوز مو عليه يجوز هو صدفت فات منا
عالعموم اني خابرته طيحت حظه واذا عادها هذا الله الكتبها عليه
ماسوه شي ترى هو ماحجه ويايه
وانتي شكو دافعيله لازم حنيتيه وعجبتج جيته

رونق...  سديت التليفون بوجهه باوعت على نبأ كتلها هذا اخوج ابد ماعده احترام ومستفز

رجع دكلي مجاوبته عفته ونزلت عادي سويت جم شغله وكعدت اقره

غرام .... بيوم اجوي صديقاتي من الكليه ديشوفوني فساره كلتلي

ساره .....فراس كلسع جاي علينا يحوم ورانا يدور عليج بالاخير ضاج سائل كوثر الي ويانه بالخط وهي كلتله مداداوم وهي اصلا مره شافتني كلتلي ليش غرام ماكو كتلها مسويه  عمليه فكايلتله مسويه عمليه ولج دكول متعرفين صار بي ثبرني يريد عنوان بيتها ويريد رقمج بس هي كلتله ماعندي وبيتها ماندله اني لان الخط يجيها قبلي

غرام ... عزه بعيني وشيسوي بعنوان بيتي خاف يريد يجي يزورني
ساره ... يجوز هههه
غرام ... اي واخلي اسد يستقبلا تخيلي ههههههه
ساره ... ولج صدك شخباره بعده خاطب
غرام ... اي لعد فصخ
ساره ... ياكلبج شون متحمله وفوكاها بيتهم بصف بيتكم
غرام .... تعلمت واصلا داحاول انسى
ساره .... وهو نساج
غرام... اظاهر هيج
ساره ... اكلج اريد اكلج فدشي بس الله عليج لتزعلين مني
غرام ... شكو ولج كولي اني مازعل منج
ساره ... مو فراس ظل يلح يلح يلح على رقمج
غرام ... عزه بعينج نطيتي رقمي
ساره.... لا لا والله منطيته
غرام .... عزه عبالي جان ذبحتج
ساره ... بس انطيته الفيس مالتج 😕
غرام ... لا والله جذبين
ساره ... والله هو بس يلح وصار كل شويه جاي يمنا والله حتى بنات ويانه بالشعبه عبالهم عليه
غرام ... خرب بيج ياساره
ساره ... لتوافقين عليه اني انطيته بس حتى اخلص من اللح مالته
غرام ... طبعا ماوافق شعندي بس هو مدز طلب صداقه
ساره ... صدك بس صار 3 ايام من انطيته الفيس ممعقوله اني كلت بس ياخذه حيراسلج جان ممصدك
غرام ...بالكي ضاع منه
ساره ..... ماعرف

غرام ... ظلينا نسولف شويه وراحو البنات اني صرت احسن كمت اكدر اصعد فوك انام يعني كلش تحسنت
اسد رجع من الدوام بس اني وجهي ثكيل عليه ماعرف شنو يريد مني مو خطب وعافني
فبيوم جان لازم اروح اشيل الخيط مال العمليه فاامي كالت متكدر تجي لان بيت بيبي حيجون من بغداد يشوفونا ودتحضرلهم الاكل كالت خل اسد يوديج واخذي وياج رونق
المهم امي كلتله وهو مكال شي العصر بدلت وطلعته جان ينتظر بره
صعدنا اي ورونق اني ليكدام بحكم اكبر من رونق طول الطريق صافنه عالشارع محجيت كلمه وصلنا للمستشفى وطبينا رحنا كبل عالدكتور جنا حاجزين يمه فتنا
سولف ويايه شويه وكلي يله تعالي كمت نمت عالسديه والممرضه طلعت بس العمليه فهي صايره اسفل بطني من جهه اليمنه
فااجه دكتور عقم مدري شسوه وبده يفتح عزه اني كل ميفتح عبالك ديجرحني اعيط وكلسع اوخر ايد الدكتور بالاخير دكتور ضاج ندار على اسد كله تعال الزمها
اسد مصدك اجه لزم ايدي اثنينهن ظليت اباع بعيونه هو ابد مباع على العمليه ماعرف ليش بعد عرفت  ليش  بعدين
المهم ظل بس يباع بوجهي كمل الدكتور وواسد من كيفه نزل نزل البلوزه ماتي بسرعه فكمت عدلت ملابسي ودكتور كتبلي معقم اقم بي
وطلعنا
وصلنا للبيت دانزل فاني لزمت مكان الجرح هو ميوجعني بس اني تعلمت او اخاف الزمه يله امشي خوفه جان يكلي وخري ايدج عاد مو طاب الجرح
اني كتله مو تعلمت الا اخلي ايدي وخرت ايدي ونزلت مدري ليش
ضاج
وراها لليل اجوي بيت خالي وبيبي شافونه وتعشو يمنا وباتو ثاني يوم رجعو
فبيوم جنت داسولف ويه رونق داكللها فراس ماخذ فيسي من ذاك اليوم بس مدزلي طلب

رونق... زين يجوز دزلج مسج
غرام ... لا ماكو
رونق.. دورتي بالمخفيه
غرام ... لا
رونق... دوري بيهن لان مرات هناك تجي
غرام ... شون مفكرت بيها طبيت عالرسايل المخفيه بالفيس
عزه شفته اسم فراس بالانكليزي اني شنو كلبي كام يدك سريع من الخوف عزه تخيلت اسد حيشوفها
فتحت المحادثه كومه رسايل داز كومه بالاخير كاتب عالاقل شوفي رسايلي والله ظل بالي
اني ورونق ظلينا نقرا المسجات شكد سائل عليه كومه
وحتى رقمه دازه يكلي خابريني
اني سديت الفيس وكعدت ماجاوبته رونق ظلت جاوبي خطيه جاوبي
بس اني ماريد بالي كله اسد يعرف ويكتلني والله احتمال يشمرني من السطح

رونق ... هسه هو شعرفه وبعدين شعليه هو مو خطب
غرام ... لا يمه ماريد
واصلا بعد جم يوم تخلص اجازتي ولازم اداوم  عود اشوفه هناك واحجي وياه

وراها عدت ايام لو اشوف اسد لو ماشوفه فجان المفروض باجر اداوم لان الاجازه خلصت واني وراها يومين مداومت فبعد ماكدر لازم اداوم فبيومها رحت للصالون سويت حواجبي لان راجعه مال اعداديه فبرجعه جنا دنتمشه اني وامي لان صالون كلش قريب فجان اكو شارع عام سايدين دنعبر اني امي فبذاك السايد شفت سياره اسد
ومنو وياه كاعده بصدر سرى والله بس شفتهم احس كمت ارجف ماعرف شبيه هو مشافنا جان ديسولف وياها ويضحك
امي كالت خل روح قبل مينتبه نوب الا يرجعنا وخطيه هو طالع ويه خطيبته
اني شنو طبعا امشي ودايره وجهي على جهه سيارته داشوف داريد عيني شوف زين حتى تخلي كلبي يطلعه منه حتى تخليني اكرهه
اريد اكلها شوفي زين ترى مكمل حياته وراج مضل عليج

گولولة بطلت تحن....
ذيچ الگبل لو شافتك....
يفرح گلبها بملكاك......

..............
                ( البارت 32)

غرام ... رجعت للبيت اني عباره عن بركان من الغضب اريد اطلع هذا البركان ماعرف شون حضرت غراضي لباجر فتت سبحت طلعت افتر بالبيت  ماعرف اريد اهدء ماكو. لازمت تليفون جان اذكرت فراس رحت لمسجاته بالفيس كتبتله

  هلو فراس شونك اشكرك على سؤالك عليه 📱
واسفه لان مجاوبتك بس لان جنت تعبانه

هو دقايق وجاوبني
فراس 📱 حمدلله عالسلامه يابعد روحي بالي كله يمج والله حتى اداوم بس حتى اروح لصديقاتج اسئل عليج حتى كرهتهم بيه

جاوبته 📱 اي بلغوني سؤالك عليه لذالك حبيت اشكرك

شون صرتي 📱

جاوبته 📱 زينه الحمدلله باجر اداوم

تنور الكليه باجر اني من الفجر بيها 📱
شدعوه مو لهدرجه📱
يمعوده شدكولين انتي غير شلعتي كلبي ذيج الايام📱
يله ماشي اني اروح باي📱

سديت التليفون وكعدت صافنه ماعرف سويته صح لو لا بس حسيت براحه حسيت خنته لاسد  حسيت رجعت كرامتي
بالليل جنت مدده بالغرفه اجتي رونق كالت اسد يريدج

اني داطلع شفت علج عالميز خليته بحلكي وطلعت هو يضوج من يشوفني اعلج

اسد.... من التحقت  واني بالي كله يمها كلسع اخابر امها اسئل عليها لان هي مجاوب على اتصالاتي تغيرت 180 درجه ويايه صارت كلش بارده طبعا اني سرى هاملها حتى التحق مادك عليها اظل اكلها شبكه ماكو هناك بس حتى اخلص من رجعت امي كلتلي خابرت سرى خطيه مريضه كتلها شبيها كالت مادري فلاونزا كلش قويه خطيه لو تاخذها للدكتور
انقهرت عليها خابرتها هي كيفت كتلها العصر اخذت للدكتور فالعصر رحت عليها وديته للدكتور ورجعت
لليل اعرف غرام باجر لازم اداوم فرحت عليها خليتهم يصيحوها اجتي طبعا تتمخطر وتعلج وتعرفني اضوج من العلج
سلمت وكعدت
كتلها
باجر اني اوديج للكليه
غرام ... لا اروح بالخط
اسد... لا باجر اني عندي شغله يم كليتج اخذج بطريق
غرام ... هزيت راسي ونداريت وظليت اعلج مو بس هيج اسوي نفخات بالعلج وهو بحلكي
سويت مره مرتين بثالثه جان يعيط

اسد... شنو هالعلج
غرام ... التافيت عليه وامي كاعده ورونق اعتقد ماكدر يضبط اعصابه
كتله نعم
اسد... اكو وحده سوي هيج بالعلج
ام غرام ... ماما ذبيه عيب جم مره اكلج لتعلجين هيج
غرام ... باوعت على امي ونداريت عليه كمت داطلع هو جان يحجي ويه امي من داطلع انداريت عليه سويت نفاخه هو انتبهه اني فلتت للمطبخ

شويه وكام ديطلع اني جنت كاعده بالمطبخ اكلب بتليفون
من ديطلع كلي باجر بسبعه فكتله اوكي وسويت نفاخه بالعلج وطكت بس والله بدون ماقصد هي صارت بدون قصد هو ديطلع جان يلتاف عليه ويرجع  لان صوت الطكه قويه عزه اني ظليت اباع عليه هذا يمكن حيضربني راشدي

جان يكلي
اسد... انطيني العلج
غرام .. اني طلعت العلج من حلكي بسرعه بكل ادب لا اخذ كفخه وخليته بيده الممدوده وهو اخذه وطلع

عزه والله مخبل شون جفلني من رجع عليه

ثاني يوم كعدت من صبح بدلت وضربت المكياج وسبحت بالعطر ونزلت
اكلت شويه بس علمود اخذ دوايه وطلعتله جان واكفلي صعدت بسياره كتله صباح الخير

اسد... صباح النور

غرام ... طبعا صعدت ريحه السياره عطره فصارت السياره تحسيها عطري ديتعارك ويه عطره البقاء للقوه هههههه بحيث فتحت الشباك السياره مليانه عطر  حنموت مخنوكين
حرك اني كله ساكته نداريت اباع على ايده شفته ملابس حلقه
كتله حفتن لسرى عليك

اسد... شنو
غرام ... حفتن لسرى عليك لان ملابس الحلقه ... شفته تنهد وباع على ايده كلي
اسد... واني ماحب البسها
غرام ... ليش مو خاطب ولو انتو الولد كلكم هيج متلبسون الحلقه
اسد... مو كل حلقه تلبس اذا حلقه الي اختاره كلبي البسها طول عمري
غرام ... مممم ليش مو كلبك الاختار سرى
اسد... لا امي اختارتها
غرام ... ها اي صح وانت بسرعه وافقت عليها
اسد... منو سبب الي خلاني اختارها مو انتي
غرام ... لا مو اني انت الي بس تخاصمنا رحت ركض كلت خطبولي
اسد... انتي سبب هذا الخصام
غرام .... لو مو انت تعاند الا ابطل من دوامي جان هسه اني اللبسه حلقته مو ذيج
اسد... جنت منتظرج بس دكولين اريدك الك اقسم بالله مجان خليتج تبطلين بس انتي ثبتيلي اني ولا شي عندج
غرام ... شتريد اسوي وانت بكل سالفه تخير لو هيج لو هيج لو تسوين الي اريده لو ازعل
اسد.... لج اني عمري ماختاريتلج شي يضرج افضلج على نفسي
كل مره اكول كافي كافي بس هذا الكلب لو اطلعه واحركه بيدي جان ارتاحيت بوكتها

غرام ... عفته ونداريت عالشباك ماعرف جابنا لهذا الموضوع شون وصلنا لهنا ماعرف مثل المصدكنا ينفتح الموضوع حتى نطلع الي بكلبنا ماكتفيت بهذا الكلام نداريت عليه مره ثانيه كتله
واني تنازلت ورجعت كلتلك احبك بس انت شسويت تجاهلت هاي الكلمه ولا عبالك سمعتها وراها جبتلي خطيبتك فرحان بيها تريد دكلي شوفي اني اختاريتها الها كلمه احبك محترجعني مو

اسد... لدكومين تحجين حجي متفهمين معناه ماجبت احد اني ماشي وميت مره كتلج من تحجين ويايه ياغرام نصي صوتج كم مره اعلم ( بصراخ)

غرام .... هو انت هيج دايما تعوف موضوع الرئسي وتروح على شي تافه

اسد... بعد بعد طلعي لسانج بعد لازم نسيتي من اعاقب

غرام ... اني اذكرت عقاباته جان سكتت رديت كتله عالعموم ماكو داعي بعد لهذا الموضوع اصلا ماعرف ليش انفتح كل واحد مشى بطريقه واتمنى تعيش مرتاح ويه سرى
هو اكتفى بس انطاني نظره عمري مانساها ومعرفت افسرها

وصلني سلمت عليه ونزلت وسديت الباب حيل جنت متقصد لان عصبني والله

مشيت جان اجاني مسج فتحته من اسد 📱 اني اعلمج على سده الباب ياست غرام

اني عفته مجاوبته طبيت للكليه خابرت صديقتي ولتقينه خطيه ظلت فرحان بيه لان داومت وراها رحت للقسم حتى يعرفون باشرت وره الاجازه
دانزل الدرج ماسمع الا شخص يصيح غرام غرام ...... يتبع ❤️