رواية حب جنوني الفصل الثاني وثلاثون 32 - بقلم سوزان ليث

وصلني سلمت عليه ونزلت وسديت الباب حيل جنت متقصد لان عصبني والله

مشيت جان اجاني مسج فتحته من اسد 📱 اني اعلمج على سده الباب ياست غرام

اني عفته مجاوبته طبيت للكليه خابرت صديقتي ولتقينه خطيه ظلت فرحان بيه لان داومت وراها رحت للقسم حتى يعرفون باشرت وره الاجازه
دانزل الدرج ماسمع الا شخص يصيح غرام غرام
نداريت شفت فراس  اجه عليه والضحكه مالته مطلعه سنونه كلها 😂
فراس ... حمدلله عالسلامه
غرام ... الله يسلمك
فراس ... شونج شون صرتي
غرام .... الحمدلله
فراس ... والله هسه نورت الكليه
غرام ... 😊شكرا يله من رخصتك
فراس ... اوكفي اوكفي شبيج مستعجله
غرام ... مو صديقاتي دينتظروني
فراس ... غرام انتي ليش متنطيني فرصه
غرام ... فرصه شنو
فراس ... يعني اني رايدج على سنه الله ورسوله وانتي كل مره تصديني والله اني مو من ذوله الولد الي بس حجي
غرام ... ظليت ماعرف شحجي صراحه الولد كلش مؤدب كتله الله كريم وعفته ومشيت
ماعرف مرات افكر اكول ليش ماانطيه فرصه شاب حلو ومؤدب وتصرفاته كلها دكول يحبني ومستواى الدراسي مثلي هو حيفهمني وحيفهم دوامي وشغلي
يمكن لو ماحب اسد جان حبيته وقبلت بي بس الى متى اسد عافني وخطب شمنتظره مثلا يفصخ ويرجعلج بس ماكدر ماكدر اشوف بعيني غيره شكد اكو ولد بالجامعه بس محد جذبني مثل اسد

رجعت للبيت تغديت وكعدت اكلب  بالفيس شفت فراس دزلي طلب ترددت اوافق لو لا ماعرف ليش حبيت اثير غيره اسد بالكي يشوف الصداقه وهو اصلا عنده الباسوورد مال الفيس بالكي يدخل ويشوف
وافقت على الصداقه  هو بسرعه دخلي خاص يكلي ممصدكه وافقتي ظلينا شويه نحجي بس حجي عادي جدا وراها سديته
طبعا ظليت خايفه مثل الوحده الي مسويه مصيبه واخاف لا انكشف

للصبح كعدت بدلت ورحت للكليه طبعا اتهرب من فراس ماريده يحجي  احس اسد يراقبني

رجعت للبيت نمت حتى ماتغديت الخوف كاتلني كتل
العصر كعدت طبعا خاتله بالغرفه  دخلت عليه رونق كعدت يمي حجيتلها سويت  هي ظلت دكلي شعليه هو وشعليه هو وهي الخوف كتلها مثلي عاد طلعت جان ترجع عليه كلتلي اكلج غرام ليش متغيرين الرمز السري مال الفيس حتى ميدخل
فاني كتلها اي اي اغيره  بسرعه فتت للفيس للاعدادات كعدت اغير الرقم فاني ناسيه رمز السري مالتي لان اصلا هو دايما مفتوح بتليفون فيعني ناسيته الفيس طلب الرمز السري القديم فااني شفت مكتوب هل نسيت الرمز اني ضغطت على هاي كلي يرسل رمز على هذا الرقم دخليه اني بسرعه ضغطت بعدين شفت اخر رقمين مال اسد اني كمت اكمز يعني الرمز حيجي لتليفون اسد يربي ظليت الغي واسوي ميلغي بعد ارسل يعني هسه احتمال وصل المسج لاسد عزه بعيني ظليت اضرب على خدودي ماعرف شسوي رونق ظلت تهدء بيه وعادي واذا عرف  ومن هالحجي  وره شويه دك عليه اسد اني شنو متت ظليت اباع على التليفون  اجاوب  ماكدر
نكطع رد دك رونق كالت جاوبي وكليله نسيت الرمز وردت ابدله سوي الموضوع عادي  المهم جاوبت
الو
-ها الله يساعدج
-هلو شونك
-بخير اكول شو جتني رساله  دتغيرين رقم سري مال الفيس
اي مو نسيته ومداذكره فكلت اغيره ولان انت مسجل رقمك بالمعلومات فندزت الك الرمز

-ها ماشي حدزلج الرمز
اوكي شكرا
يله مع السلامه

عزه سديت التليفون واني احس حتخربط من الخوف
شويه ودزلي الرمز اني بسرعه كتبته وكتبت الرقم سري الجديد وتغير لهسه كله تمام ومعرف اسد

بالليل دخل فراس طبعا اني وره كل محادثه امسحها اني هالمره نسيت امسحها او اطمئنيت الرمز تغير
جان حديثنا كلش عادي ويمكن اقل من العادي اصلا  جنا نحجي كله على ماده صعبه وهو ديشرحلي على شغله وبس اني امي صاحتني فعفت التليفون ورحت اتعشى فكملنا عشه وكفت داغسل الماعين جرس اندك امي طلعت تفتح جان يدخل اسد اني نداريت عليه سلمت ونداريت اكمل اماعين هو كعد عالميز الطعام وظل يسولف ويه امي كللها عمه اريد حبايه مال ضغط من مالتج ضغطي صاعد فامي كامت جيب دوه اني عادي ظليت داغسل اماعين
كلي
هي انتي اني نداريت عليه كلي وين تليفونج كتله فوك كلي صعدي جيبيه
اني شنو ظليت ابلع بريكي كتله ليش
كلي بله لغوه زايده روحي حيبيه وتعالي بس ياغرام اذا مسحتي منه شي وحق الله اخلي طلقه بنص راسج اني ظليت اباع عليه ماعرف شبيه بس كلت يجوز لان غيرت الرمز فيريده حتى  ياخذ الرمز المهم صعدت اخذت تليفون افتح الفيس مينفتح رديت اكتب الرمز والايميل ماكو يربي ليش ميفتح ماعرف المهم عفته ونزلت جوه انطيت التليفون لاسد هو جان كاعد عادي يحجي ويه امي اخذ تليفون ظل ماعرف شيسوي بي بس ظل عينه عالتليفون واحسه ديقرا شي بس اني شويه مطمئنه لان الفيس مسدود يربي رفع راسه باوع عليه وهو عاكد حواجبه وظل يمسح بشواربه يعني عصبي صاير اعرف هالحركه كام  اني شنو عيوني تراقبه وين ماخذ تليفوني سلم وطلع  شو هذا منطاني التليفون اني ركضت وره للطرمه كتله اسد تليفوني منطيتنياه ندار عليه كلي حطلع اوكف بالباب طبيت تلبسين عبايه صخاف تخلين على راسج وطلعيلي طبعا اني شنو اباع عليه احسه اعصاب وحينفجر بحيث بس هزيت راسي ودخلت جوه صعدت لبست عبايتي وخليت شال واخذت ملزمه ونزلت كتلها لامي حروح لبيت عمو اريد فهد يترجملي شغله بالماده كتلها وكلت لاسد ينتظرني حتى اروح وياه طلعت شفت اسد يروح ويجي ويدخن شافني ودخل للبيت واني وره ماعرف شي بس بالي كله ديحاسبني لان غيرت الرمز

اسد... كلشي اتخيل كلشي بس مال غرام تحجي ويه غيري هذا الشي اصلا من سابع المستحيلات من غيرت الرمز مال الفيس وكلتلي على ناسيه الرمز وكذا اخذتها على كد عقلها خليتها تغير الرمز وكملت بالليل شفتها مفاتحه فيس دخلت كتبت ايميلها وغيرت الرمز مالتها لان رقمي مسجل بمعلوماتها دخلت للفيس وهاي اول مره اسويها واني اصلا جنت اعرف الايميل واعرف الرمز بس مادور وره غرام هاي تربيتي
بس هالمره شكيت دخلت للفيس دخلت للرسايل شفت مراسله بينها وبين واحد اسمه فراس  دازله مسج ومفاتحه المسج مامصدك الي داقراه هذا فراس نفسه الي يلحكها جان فتحت المحادثه وبديت اقره حجي عادي عادي يحجون عالمحاظرات وعالدكاتره وعالمواد يس هو كاظيها عيوني حبي اكثر من مره كاتبها صح هي حاجيه وياه بكل احترام بس شون تجرء تخلي يحاجيها شعرفه بفيسها بالاخير اكو حجي خلاني افقد اعصابي كاتبلها مافكرتي بموضوعنا مو شلعتي كلبي بس تدلعين عليه جم مره اكلج اني مرايدج لعب رايدج حلالي اني شنو احس الضغط علك عندي نزلت بوجهي لغرام طبيت شفتها كاعده تغسل اماعين وعادي كلش عدها
امها كاعده ماكدر احجي تحججت بدوه بس اريدها تروح كتلها جيبيلي تليفونج صعدت اجيبه وجتي فتحت الفيس وطلعت المحادثه وعفتها وطلعت عرفت حتجي ورايه واني اصلا اريدها تجي وبس طلعت جتي ورايه كتلها تروح تلبس شي وتلحكني ماعرف شريد اسوي وياها بس لو تنكلب الدنيا ماتروح لغيري هاي مالتي
ماعرف احاسبها اعاتبها ماعرف الغضب سيطر عليه واحس روحي حتطلع
اخذتها ورجعت للبيت وهي الخوف مسيطر عليها متعرف شي قبل مادخل كتلها حصعد فوك تاخذين نبأ وصعدين ورايه وتجيني للغرفه
افتهمتي
هزت راسها اي دخلت اني صعدت فوك وظليت انتظرها تدخل للغرفه

غرام .... والله اني احس ولا قطره دم بقت عندي الخوف مسيطر عليه وجنت اتمنى الله ينقذني فد معجزه صير اطير اختفي
طبيت جوه كعدت عساس جايه على نبأ كتلها اسد يريدني فوك كالتلي ليش كتلها ماعرف

نبأ ... شبيج وجهج يبجي
غرام ... ولج اول مره بعمري اشوفه هيج عصبي ومسيطر على اعصابه وهادء يعني وره هذا الهدوء اعاصير مو اعصار
نبأ... يمه ليش شمسويه
غرام ... ماعرف يمكن لان غيرت الفيس مالتي يله تعالي بس ندخل اني وياج الله عليج ابقي يمي
نبأ... يمه شعليه اني يروح تجيني شظيه منكم
غرام ... صعدت اني ونبأ واحس درج بسرعه خلص ظليت واكفه بالممر نبأ دفع بيه اني ظليت لازمه ايدها حتى تدخل ويايه بس نذله دكت غرفه اسد وركضت لغرفتها هو صاح دخلي بصوت عالي
اني الله ليجذبني ايدي ترجف ماظل دعاء ما دعيت
دخلت بس عفت الباب مفتوحه حتى انهزم بسرعه اذا اطلب الامر لان شكله ميبشر بخير جان يكلي

اسد... سديها
غرام .... اني سديتها وكفت وراها وظليت اباع عليه كل نظرات البرائه سويتها ماعرف ردت اعترف على نفسي على شغلات قبل ميكولها شكله يخوف
كلي
اسد... ليش غيرتي الباسوورد مال الفيس
غرام ... مو نسيته رمزه ذاك
اسد... اممم نسيتيه
غرام ... طبعا مجتف ايده ويباع عليه ويهز راسه عود ممصدكني
جان يطلع تليفوني من جيبه فتحه ونطانياه كلي اقريلي بله شمكتوب
اني اخذت منه التليفون شفت اسم فراس وقريت شويه من المحادثه يمه ردت اتخربط صح محاجيه ويه بشي خاص بس خوفه عمري مخايفتها قبل ظليت اباع على التليفون واباع على اسد
المنتظر جواب مني

اسد... اقري
غرام .. فزيت عليه من عاط كتله محاجيه وياه بشي كله عالمواد
اسد... اقررررري
غرام ... دنجت عالتليفون وعيوني مغوشه الدموع غوشت الرؤيا عندي صعدت راسي كتله والله ماعندي شي وياه
اسد... كتلج اقررري
غرام ... ظلت بس دموع تنزل تمنيت الموت باللحظه تمنيت امي مجايبتني للدنيا ولا عايشه هالموقف تمنيت بطلت من الكليه وسامعه كلامه ولا هالمرقف الي اني بيه
شفته جر تليفون مني كلي

اسد... مادام متعرفين تقرين جيبي اني اقرالج بديت اقرالها
مافكرتي بموضوعنا مو شلعتي كلبي بس تدلعين عليه جم اكلج اني مرايدج لعب رايدج حلالي

غرام .. اني ظلت دموعي تنزل وهو يقره يربي شوكت دازلي هذا الحجي كمل وباع عليه كتله والله ماعرف شوكت دزلي هذا الحجي

اسد... وليش يدزلج هذا الحيوان شنو بينج وبينه
غرام .. اني طبعا ابجي وصوتي يختفي ويه شهكه واحجي والله والله ماكو شي بس هو يريد يخطبني
اسد... شعرفه بالخ..... مالتج
غرام ... ماخذه من صديقتي والله اني معليه
اسد... يعني انتي مترديه مو
غرام... لا ماريده والله
اسد... ماشي
غرام ... شفته فتح تليفوني وداره على وجهي كلي من شخص مترديه توافقين على طلب صداقته وتخليه يحجي وياج هيج
اني سكتت ظليت ابجي ابجي ماعندي شي اكوله يربي ساعه السوده الي قبلت الطلب مظل احد مافشرت عليه بكلبي ساره صديقتي لان انطت فيسي فراس لان سبب كل مشاكلي ويه اسد اني الي قبلت صداقته

اسد... لتبجين احجيلي غرام لتخافين شنو بينج وبينه
غرام ... والله ماعندي شي وياه وداعت امي
اسد... لتخبليني مترديه تحجين وياه شنو معناها تحجين ويه شنو وين كاعدين
غرام ... مجرد زميل والله
اسد... احجيها عالبطه هاي مو عليه ولج مو عليه افتهمتي كليه بعد ماكو وحق الله اكسر رجلج اذا عتبتي باب بيتكم زين ودين محمد هالمره محد يخلصج مني
غرام .... خرب يومها هالكليه كل شويه يريد يبطلني من الخوف هزيت راسي ب اي بس اريد اطلع من هذه غرفه الاعترافات

اسد... خلي بالج شي واحد انتي حلالي و ال........ يتبع ❤️
::::::::::.
مرحبا شلونكم شخبار العطله 🥳🤩🥳🥳🥳
حبايبي صوتوا للقصه اكو نجمه جوه 👇🏻👇🏻👇🏻👇🏻👇🏻
لمسوها وبس 🙊🙊🙊