رواية حب جنوني الفصل الثلاثون 30 - بقلم سوزان ليث

للعصر ندك الجرس وسمعت امي دكول ياهلا بالي اجانه تفضلو تفضلو وفاتو نصدمت بالي اجه سرى واسد ماعرف شنو الاحساس الحسيته جان شي محلو كلش ظليت اباع عليها وهي جتي سلم عليه وتتحمدلي السلامه نعصر كلبي واني اشوف اسد يبعد نظراته مني
زين ليش هيج ليش جبتها والبارحه حسستني بشغلات جان كله جذب جنت متوهمه بيك ظليت اباع عليهم مثل الي مصدومه بيهم محجيت ولا كلمه ظلت بس سرى تسولف ويه امي وهو ساكت ويهز برجله
كانما مستعجل
بس بوكتها حسيت نفسي فد غبيه وكرهت وتندمت لان خليته يعرف بعدني احبه

اسد... اعرف بعدها تحبني بالمستشفى مجلبه بيدي عبالك ابوها من كلتلي احبك ماضجت بالعكس فرحت بس يمكن ضجت لان على ذمتي مره اتمنيت افض كلشي وارجع لغرام وره مرجعت للمستشفى رجعت للبيت لان جنت تعبان كعدت شفت جهازي كومه مكالمات من سرى ورسايل لان من البارحه ممجاوبها
دزيتلها مسج حتى مالي خلك اخابرها وظل تحجي كتلها جنت ويه غرام بالمستشفى لان سوت عمليه مصران اعور
وهاهيه ذبيت التليفون ونزلت جوه رحت اسوكت للبيت عمي جم شغله ورجعت انطيتها الهم مادخلت شفتها واني جنت ميت على شوفتها لان بس اشوفها اروح احضنها واصل مرحله اذا تبتسملي اروح ابوسها خل استر على نفسي احسن
رجعت للبيت بالليل دزتلي مسج اعرف هي يجوز استغربت من تصرفاتي حجيت ورادت اسويلها اجازه
ثاني يوم اني التهيت اروح للمستشفى حتى اودي للجامعه اجازه مرضيه بين مخلصت للظهر رجعت سبحت وتغديت ونمت كعدت العصر على صوت نبأ تكعدني
كمت كتلها شكو
كالت
نبأ... سرى جوه
اسد... هاي جابها
نبأ... ماعرف يله تعال امي دكول
اسد... غسلت ونزلت سلمت عليها كتلها جابج
سرى ... جيت اشوف غرام خطيه شون صارت
اسد... زينه يمكن هسه نايمه عود بعدين روحيلها
امي ... لا كاعده قبل شويه البنات جانن يمها

اسد... باوعت على امي خرب بالحظ اني ماريدها تروح هسه عبالها لان كالتلي احبك رحت جبت خطيبتي كتله ماشي كومي

اخذتها واني وانافخ وروحي واصله لخشمي اعرف حتفتهم غلط طبينا هي مثل المصدومه ظلت تباع علينا محجت شي وجهه رسم عليه الحزن
وظلت كلسع تبلع ريكها اعرفها يعني حاصره الدموع وتريد تبجي بس دتقاوم كسرت كلبي وكرهت نفسي كلش كون الموت ياخذني ولا خالج هيج
ماطولنا بعد ماكدر اشوفها هيج اني افهمها اعرف البيها مابيها بسرعه كلت لسرى يله حتى ارجعج لان عندي شغل

ام غرام ... لا وين هسه اجيتوا
اسد... ميخالف عمه عندي شغل ... طلعت وسرى طلعت ورايه  رحت وصلتها ورجعت لبيت عمي  بحجه احجي لغرام عالاجازه واني اريد اوضحلها جيه سرى مالي دخل بيها سئلت عليها فتت شفتها نايمه رحت يمها ظليت واكف اباع عليها صحت غرام ماكعدت
ماعرف ليش حسيت بيها منايمه عفتها وطلعت كعدت يم عمتي بالمطبخ وكعدت اسولفلها عالاجازه وسويت

غرام ... وره مراحو اني بسرعه نزلت دموعي لان حسيت مخنوكه كلش جابها حتى يثبتلي اني انتهيت من حياته وهي هسه موجوده
اني غبيه غبيه بسرعه استسلم لمشاعري

& غيـــرگ مــــــاردت......
& بس انته غـــيري تريد ......

وره مراح شويه وسمعت صوته بالمطبخ سئل عليه اني بسرعه سويت نفسي نايمه ماريد بعد اشوفها شيريد مني جاي كافي تعبت
حسيت بي اجه يمي صاح عليه بس اني ظليت امثل نايمه من طلع فتحت عيوني ظليت مثل الوحده التايهه وماعرف شنو الشعور الجان عندي خربطه شويه احبه شويه اكرهه
شويه اجتي رونق

رونق... انت كاعده لج اسد اجه عليه
غرام ... ادري ماريد اشوفه
رونق... ليش يولي اجه  يكلج عالاجازه
غرام ... وهم مجاي يوضحلي شي جاي بس علمود الاجازه
رونق.. شيوضح
غرام .. ماكو شي حنام اني

نمت ماعرف شكد كل ماحس ارد اغمض عيوني ماريد اكعد ظليت هيج تقريبا 4 ايام وكل مايجي اسد اسوي نفسي نايمه
بمره اني جنت بالحمام طلعت امشي على كيفي ولازمه بطني العمليه توجعني بعدها فسمعت صوته بالمطبخ ظليت ماعرف وين اختل لابيه امشي سريع ولابيه ارجع للحمام وهو بسرعه دخل اني جنت واصله للفراش هو رستا كلي

اسد... واخير لكيتج كاعده
غرام ... نداريت عليه كتله هلو
اسد... شبي وجهج اصفر
غرام ... والله يكلون مسويه عمليه.. عفته وكمت اعدل بفراشي ونداريت داكعدعلى كيفي شفته شون يباع عليه
اجتي امي كلها ليش وجهه اصفر
عاد امي مجذبت خبر بسرعه حجت

ام غرام... والله مدتاكل شي وشالعه كلبي هاي بس ماي تشريب اسويلها بالكوه تاكله وكله نايمه شوفها شضعفها

اسد... ليش هيج

غرام ... مااشتهي
اسد... عمه روح اشويلها تكه معلاك شي خل تاكل واريد وحده دكول ماشتهي

غرام ... باوعت عليه صفح 😒ونداريت عالتلفزيون امي راحت للمطبخ وهو كعد اني ظليت دايره وجهي للتلفزيون سمعت كال استغفر الله وكام طفه تلفزيون نداريت عليه كتله هاي ليش

اسد... اعتقد جاي عليج اني
غرام ... اووف ونداريت ظليت اباع عالشباك شويه عالحايط شويه عالسكف شويه المهم ماريد عيني تجي بعينه

اسد... باجر التحق
غرام ... اي بسلامه
اسد... تردين اجيبلج شي قبل ماروح او من اجي
غرام ... لا سلامتك  ( جنت كلش بارده وياه بحيث كل ماجاوبه يهز راسه وينافخ)
اسد... تالي وياج مدكليلي شبيج
غرام ... مابيه تعبانه مو مسويه عمليه ( طبعا حجيت هيج بنتر وصوتي من كيفه ارتفع)
اسد... هاي عليمن تنترين
غرام ... يمه خزرني كتله مناتره بس تعبانه
اسد... ماشي غرام حمشيها هالمره لان مريضه بس والكعبه اذا رفعتي صوتج وانتي تحاجيني تعرفين شسوي مااعتقد نسيتي

غرام .. باوعت عليه ونداريت ذكرت من كتلني بالحزام ومن ضربني راشدي ومن كرصني كلت خرب حظي على شنو احبه شنو كضاها بس تعذيب
نداريت عليه كتله شونها خطيبتك

اسد... زينه اسلم عليج
غرام ... الله يسلمها ( احجيها وعاوجه حلكي )
اسد... بيت عمج غازي حيجوكم بعد شويه
غرام ... هلا بيهم
اسد... وبالنسبه لهاي البجامه متتبدل
غرام ... باوعت على بجامتي كتله لا قبل شويه لابستها
اسد.... ماشي
غرام ... شويه واجتي رونق جان يندار عليها كلها
اسد... جيبيلها دشداشه روب خل تلبسه فوك هاي
رونق... اي ماشي
غرام .. باوعت عليه كتله ترى مالبسها بس هو مااهتم كعد رجل على رجل وظل يلعب بتليفون
واني ظليت اباع عليه يربي شكد مغرور
اجتي رونق جايبتلي دشداشه وروب كلتلي ياهي تردين كتلها جيبي الروب كمت على كيف لبسته بس مسديته هو روب بهاري
فعدلته وكعدت هو طبعا ديلعب بتليفون ومشال راسه جان يكلي
اسد... لتبقي هيج مفتوح سدي
غرام ... باوعت عليه وهو اصلا حتى مشال راسه شون عرف اني مسديته كمت سديته وكعدت اجتي امي جابتلي صينيه معلاك شوي وزلاطه وخضورات وعصير برتقال صينيه شهي خلتها كبالي عالطبله
اني مكلت شي هسه دامد ايدي عالصمونه شفت اسد كعد بالكاع وايده ساندها عالتخم الكاعده عليه جان يبدي ياكل ويايه
اني شنو كلبي دك دك دك ربي ليش هيج ديسوي حيخليني ارجع احبه
ظل يسويلي لفات صغار وينطيها الي وهو هم ياكل جان يشيل كلاص العصير شرب نصه جان كلي بقيتلج نص

كتله كمله ماريد كلي لابله خاف تنقرفين لان شربت منه ردت اكله ولك اني انقرف غير انت روحي وكلبي
بدون ماحجي اخذت الكلاص وكمت اشرب منه ومن الجهه الي شرب منها حتى اكله مانقرف منك هو ابتسم ابتسامه خفيفه كملت اكل وهو عدل كعدته بالكاع كال والله مال هسه جاي عاد رونق كلتله هسه اسويلك وكامت اخذت الصينيه وطلعت بقينا بس اني وياه هو كاعد بصف رجلي يعني ركبتي يم جتفه تقريبا ظليت اباع على شعره من وره جان بودي الزمه ادنج ابوسه اوف شكد مشتاقتله
فاني ظليت اباع عليه ممنتبه باوعت على ايده جان شايل التليفون ومطلع الكامره الاماميه عزه بعيني وصاله ساعه يباع عليه واني صافنه عليه بس منظري جان يضحك واني اشوف نفسي بالكامره مصدومه
بحيث موقف كلش محرج هو اكتفى سوه اي وجرها لل اي هيج اااااااااااااي وسد التليفون وكام كعد كبالي اني بسرعه دنجت وكمت العب بالحبل مال الروب يافشله الفشله
صالي ساعه مسويه نفسي ثكيله وممهتمه اله اجتي رونق جابتله جاي وشربه وكام راح كال بالليل اجي اسلم عليكم وراح اني شنو ظليت اضحك على شكلي كلسع اذكر الموقف يربي ليش دايما انكشف
عنده اساليب والله متجي عالبال
المغرب اجوي بيت عمي كلهم وظلو لليل يله راحو بالليل اجه اسد سلم علينا وراح

ثاني يوم كلش عادي مر اليو لليل خابر اسد على امي يسئل عليه وكلها باجر ويه فهد روحو حتى يشوفون الجرح
ثاني يوم رحنا للمستشفى دكتور شاف الجرح ونظفه ورجعنا وعادي مر الاسبوع كلش طبيعي واسد ماكو يخابرني ماجاوبه يدزلي مسج وره شكد يله اردله ماعرف جنت كلش كارهه وضعنا لاهو راجع الي ولا هو عايفني

رونق... من شفت غرام شون تتوجع متت عليها وكلش خفت اول مره اشوفها هيج من اخذوها للمستشفى اني ظليت بالبيت بعدين مرت عمي كالتلي تعالي لبيتنا ماظلين وحدج فرحت يمهم فجنت كاعده بالهول ويمي نبأ طبعا جنت ابجي لان خابرونا كالو مصران اعور والا عمليه  فنزل جلال من فوك جان نايم مد راسه بالهول شافني ابجي شو هذا اجه عليه بسرعه شبيج وشبيج مثل واحد مخروع
نبأ حجتله على غرام هو ظل يهدء بيه ويطمني بس اني ظليت ابجي هو من شافني هيج كلي كومي بدلي خل اخذج روحلهم
اني كيفت كتله والله كال اي حتموتين نفسج كومي
فرحت اني ونبأ لبيتنا حتى ابدل فاامي رجعت دتاخذ غراض وياها
وكلتلي اروح وياها فاني مارجعت بعد لبيت عمي حتى اكول لجلال حروح ويه امي وفهد
فاني وامي والبنات ومرت عمي فهد اخذنا وراح للمستشفى فاني كل فكري يم غرام واصلا كلت اكيد جلال شاف امه وخواته عرف حروح ويه فهد
وصلنا هناك واخذوها يسون عمليه فجنا دننتظر تكمل العمليه كاعدين بالغرفه جان يفوت جدي وعمي ولد عمي وجلال وياهم
بس شنو كالب وجهه عليه فاني مااهتميت اصلا هذا العادي مالته

فجدي وصه جلال يجيب عشه فراح جلال ديجيب عشه وراها طلعو غرام من العمليه وظلينا لحد ماشويه فتحت عيونها وخبلتنا من كالت حروح ويه ابويه اني كلت هاي حتموت يعني على اساس دايما يكلون اذا بالحلم رحت ويه ميت يعني حتموت فاني هيج فكرت
ظلينا نبجي وراها رجعونا للبيت فاني وين ابات بيتنا ماكو احد اكيد حبات بيت عمي

مرت عمي والبنات سوو عشه وكعدو ياكلون اني مو كلش جنت اشتهي لان مامتعلمه ابات وحدي بدون امي او غرام متعلمين دايما سوه فعمي خطيه كلسع ينطيني شي يخليني اكله
الكعده كلها جلال عاكد النونه مايتحجه
فكملو عشه البنات وحده تلملم وحده تغسل اماعين كلولي انتي صبي جاي فصبيت وديت اوزعلهم فالكل كاعد بس جلال مرت عمي كالت بالاستقبال ديشتغل هو جلال يشتغل بشركه فجان جايب اوراق شغله وفاتح الابتوب عالميز وكاعد يشتغل فطبيت كتله هذا الجاي فخليته عالميز ونداريت اطلع جان يكلي

جلال ... حتى متعرفين تخلي مثل الاوادم
رونق... اني استغربت هذا عليه نداريت عليه شفته يباع عليه
كتله ... شنو
جلال... متعرفين تخلين الصينيه مثل الاوادم
رونق... شنو مثل الاوادم قابل اني حيوان
جلال .... والله شمدريني
رونق... احترم نفسك ترى والله اكول لعمي
جلال ... ذيج الباب وابويه كاعد بالهول بصف البوفيه لابس دشداشه نيلي روحيله
رونق... ااني صرت اعصاب شنو هالاسلوب الديحجي بي ويايه كتله انت انسان ممحترم وماعندك تربيه يمه اني حجيت هيج ماشفته غير كام ودفر الكرسي وكعه ليوره اني شفته هيج جان نداريت اريد افلت شفت الباب الطلعه شبعدها من الخوف قبل ماوصل للباب .......❤️يتبع

&&&&&&
ادري البارت قصير بس باجر اعوضكم اثنين انزل 🌺🌺🌺