رواية حب جنوني الفصل الخامس عشر 15 - بقلم سوزان ليث

فجان اكو مشكله بتليفوني ماكدر انزل شي من الابل ستوري ماعرف الا رمز يريد

فجبت تليفون كتله ليش مديقبل ينزل

اسد... هذا يريد الباسوورد اوكفي كاتبه عندي طلعت تليفوني وهي كاعده بصفي تتفرج شداسوي
كملته كتها هسه نزلي منه بعد ميطلعلج هذا 

غرام... هو يشتغل بجهاز واني صافنه على وجهه جان كلش عاجبني الزمه ندار عليه كلي هاي كملته اني بدون تردد ولا خوف تقربت من خده بسته كتله شكرا نطيته بوسه على خده ورجعت لمكاني اسوي نفسي اللعب بجهاز اني سويت خرب بيه خرب هسه شيكول عليه

اسد... ظليت اباع عليها صدمتني من باستني حسيت جسمي صخن خرب رجعت مراهق وعبالك اول مره تبوسني حبيبتي
بوكتها ظليت بتسم عليها

غرام... رفعت راسي شفته يباع عليه بسرعه حجيت حروح اشوف ماما خاف تريد اساعدها وبسرعه ركضت من كدامه
رحت يم امي ساعدتها بجم شغله وراها صبينا الاكل وكعدنا كلنا ناكل فجان امي مرأسه الميز وهو كاعد بجانب وحده واني ورونق وحده بصف اللخ فداكل احس شي ديتلمس رجلي بسرعه رفعت راسي شفته كاعده يسولف وياكل ممعقوله امي ورونق بصفي متكدر هيج سوي شويه ورجع شي يتلمس رجلي ويصعد لركابي وينزل اني ارجع رجلي وماكو فايده بالاخير كلت اوكفلي
انتظرته يرجع رجله جان ادوس على رجله باثنين رجليه طبعا اباع عليه هو يحجي ويه امي بس حاصر الضحكه
كملنا فصبيت الجاي وصلت يمه نزلت اقدمه دياخذه مني

اسد ... كمنا نتعشه وهي مدنجه تاكل مرفعت راسها يمكن مستحيه مني ظليت اتحارش برجلها من جوه الميز وهي كلسع تعدل كعدتها وسوي خبلتها بس بالاخير لزمت رجلي وخلت رجلها فوك رجلي كمت ماكدر احركه بالكوه كاتم ضحكتي وباع عليها رفعت تك حاج الي بمعنى هي الي فازت
كملنا جتي تقدم جاي مديت ايدي اخذه
كتلها ... اني الي يتحارش بيه ماعوفه بعد

غرام.... رفعت راسي عليه كتله انت الي تتحارش
عفته وكعدت اشرب جاي
وراها ظل يسولف ويضحك ويحجي منطلق اليوم اني صافنه عليه رونق كاعد تتفرج تلفزيون

امي كاعده باوعت عليه اشرتلي بمعنى جيبي الكيكه
اني كمت رحت قطعت الكيكه واكلت داشوف طعمها والله طيبه
خليتلهم وجبت قواطي هم وياها رحت نطيت لامي ورونق كلتله اسد هاي غرام سوتها رحت داخلي صينه كبال اسد دنجت كلي

اسد... فدوه اروح للكيكه والي سوت الكيكه  (صوت ناصي )

غرام... خرب خجلني رحت كعدت اخذت كيكتي وكعدت اكل جان هو لكمتين كمل الكيكه ماته كلها لامي خل نفتحلها محل سوي كيك لو شدكولين عمه

ام غرام... اي ليش لا بس دخل اعلمها جم شغله لخ وافتحلها

غرام... اني بس بتسمه وراها سلم وراح اني صعدت فوك ورونق بس صعدت نامت اني ظليت اكلب بتليفون دزلي مسج 💬 ترى مشبعت من الكيكه مالتي

اسد... رجعت للبيتنا  كعدت شويه ويه خوتي امي وابويه نايمين شويه صعدت فوك مددت ظليت اذكر سوالفها واضحك خرب عقلها صايره وكيحه
دزيتلها مسج 💬ترى مشبعت من الكيكه  مالتي

جنت اقصد عليها مو على الكيكه بس كلت خل اشوفها تفهم
دزتلي 💬 جان كلت اخليلك بالماعون تاخذه وياك

خرب بالحظ مفتهمت كتلها 💬 باجر اخذها اني اوديها للجامعه لتخافين 😉

غرام ... اجاني منه المسج واني افتهمت جان يقصد عليه لا وفوكاها اكله اخليلك بالماعون هههههه

دزيتله 💬 اوكي تصبح على خير

كمت حضرت ملابسي لباجر وقريت شويه ونمت
ثاني يوم كعدت نشيطه فتت سبحت وبدلت وخليت مكياج تعطرت يوو عبالك عرس عندي جان نزلت شويه ودكلي بمعنى طلعي
طلعت
اول ماصعدت هو جان خال عكس ايده على الكشن البيني وبينه يعني شويه مايل عليه صعدت بعدني مكايله صباح الخير كلي

اسد.... ولك يابه شنو هالجمال

غرام... هههههه صباح الخير
اسد... صباح النور

غرام... حرك السياره جان شاعل فيروز اغنيه على هدير البوسطه

اني ظليت اتفرج عالطريق ويه صوت الاغنيه جو كلش حلو

اسد... متريكه
غرام... لا ماشتهي
اسد... ولج ابويه لتروحين تتخربطين فديوم هنا ك جم مره اكلج اكلي شي يله طلعين

غرام... والله ماشتهي اكل هيج وكت اني هناك بالبريك اروح اشتري شي اكله

اسد... بله شتشترين
غرام... عصير وياه نستله او بسكت مرات جبس حسب
اسد... سمي ريوك هذا
غرام... اي واحد شياكل من صبح قابل
اسد... باجه
غرام... اووووو اسد اكو واحد ياكل راس طلي وفوكاها صبح
اسد.... ههههههه ولج غير تخبل بس بعرضي الا اوكلجياها
غرام.... اييييي ماريد اني بس اشم ريحتها مرات انتو من سوها بالبيت اريد اذب من راسي
اسد..... عيني عالنزاكه دمرتني هالنزاكه

غرام.... ههههه ليش فتت من هذا الشارع الكليه حصير بعيده
اسد... احسن
غرام... ابتسمت عبالي يعني هو حيفوت من غير طريق شو هذا شويه وكف

اسد.... يله نزلي
غرام... وين
اسد... نتريك
غرام.... عزه لا اتاخر عالدوام
اسد... عدج امتحان اليوم
غرام... لا ماعندي
اسد.... دنزلي لعد خنزرت عليها
غرام... نزلت فتنا بالمطعم كعدنا جان بي ناس قليله كلش
اسد.... شتاكلين
غرام.... ماريد والله ماشتهي
اسد.... انتي متجين بالعين وغاتي طلبت ريوك هي كلسع تباع على ساعتها  كتلها اليوم ماكو دوام لا ظلين تباعين عالساعه

غرام.... ليش

اسد... اليوم بس الي

غرام.... عزه هو كال هيج اني ماعرف وين اودي وجهي ظليت لايفه راسي على الميز البصفنا
اجه الاكل فكلي يله اكلي
بديت اكل شويه شويه صراحه جو حلو يفتح النفس كملنا اكل وراها كعدنا شويه نسولف وجنت اسولفه عالجامعه وسوالف عاديه

اسد.... ردت علاقتنا صير اقوى ردتها صير قريبه الي بكل فرصه احسسها بحبي الها احب خجلها احب قوتها الي تتظاهر بيها كدامي
تريكنا وكملنا بالعشره طلعنا ظلينا نفتر بالسياره وهي ساكته بس تتفرج عالطريق
فربطت التليفون على السياره وشغلت اغنيه جنت دايما احب اسمعها قبل

صغيره جنت وانت صغيرون
حبنا كبر بنظرات العيون
كالو ترى ذوله يحبوون
من الصغر لما يكبرون ......

غرام .... شغل الاغنيه حسيتها كلش علينا ماعرف حساسي يكلي هو يحبني تصرفاته كلامه ويايه مو مثل قبل او يمكن قبل جنت اضوج من تصرفاته هسه كمت احس بي اكثر
اجه المقطع من الاغنيه مال (حبنا كبر بنظرات العيون ).
لا ارادياا باوعت عليه
ندارلي غمزلي اني ابتسمتله واحس كلبي طاير من الفرحه على الرغم هو ممحاجيني بشي حب وغزل شغلات عاديه
يمكن لان كمت احبه كمت اشوف كلشي بي حلو

كتله اني احب هاي الاغنيه
اسد.... اني هم احبها
غرام... مممم وين رايحين
اسد.... هسه تعرفين
غرام.... كالعاده مدكول شي
اسد... ههههه احسن

غرام.... وصلنا مكان حديقه مفتوحه بيها مسطبات ومكان كلش حلو نزلنا تمشينا بي وراها كتله تعبت رحنا كعدنا على مسطبه طبعا هو ظل يدخن
ضوجني
كتله كافي دخن مو زين هلكد
بسرعه شمرها كلي

اسد... انت تأمر ياحلو

غرام.... ضحكني وخجلني كلامه بصوت هادئه يطلع نبرت صوته تخليج تخجلين

اسد.... اريد اكلج شي

غرام... كول
اسد.... ليش بطلتي صيحيلي عمو
غرام.... اني هنا ياكاع نشكي وبلعيني جاب هالسؤال على باله خرب ... كتله .. لان كبرت وكمت افتهم انت ابن عمي وماكو داعي لكلمه عمو

اسد... شنو هالجواب المختصر
غرام.... ههههه لا قابل شكلك مثلا
اسد... كليلي لان صرت احبك وماشوفك غير حبيب
غرام... كلبي يمه حيوكف صورت كلشي بس مال يحجيها هيج مستحيل احس الاوكسجين انكطع عندي وكلبي دك دك دك حيطلع من مكانه
ظليت بس اباع عليه ماعرف شحجي

اسد... شبيج صرتي حمره
غرام.... دنجت راسي كتله عادي
اسد... مجاوبتيني على سؤالي
غرام... شوكت نرجع
اسد... باعي اليوم ماكوم منا الا اخليج تحجين
غرام... ربي دخيلك شون موقف اني بي
اسد... باعي عليه لاظلين مدنجه
غرام.... كافي عفيه
اسد... غرام باعي عليه ..شفتها رفعت راسها تباع عليه كتلها
احبج
غرام... يمه دكات كلبي وايدي ورجلي الي مداسيطر على رجفتهن
ظليت مبتسمه ودايره وجهي مداكدر اباع عليه

اسد.... غرامي حبيبي باعيلي
غرام.... احس حرارتي صعدت اوكسجين راح شكد جنت منتظره يكلي احبج بس مصورتها هيج صعبه خاصه من اسد مستحيل جنت اتخيل يكلي هيج اعرفه جريئ بس مجنت مصورته هيج

اسد... شون بيج باعي عليه داكلج والكعبه حكوملج باوعت عليه وهي ميته خجل مني .... احجيلي الي بداخلج لاظلين ساكته

غرام... ماعندي شي احجيه
اسد... لابله ماعندج لو تستحين
غرام.... اااا استحي
اسد.... شون ويه هذا المستحه الي نزل علينا اليوم ماشي عوفج من هذا الموضوع بس ترى اعرف شوكت اخليج تحجين

غرام.... ابتسمتله اريد اغير الموضوع كتله جو صار حار خل نكوم
اسد.... ماشي يله كومي
غرام.. رجعنا للسياره فترينا شويه وراها رجعنا للبيت كتله اسد ماكول لامي مارحت للكليه
اسد... ليش
غرام... لا عفيه والله اترزل لدكللها انت هم
اسد... ولو ماحب هاي سالفه بس ماشي بس هالمره يله فوتي
غرام... باي
اسد.. باي

غرام.... طبيت للبيت واني الابتسامه شاكه حلكي سلمت على امي الي تعجبت راجعه من وكت مو مثل كل يوم كتلها لان دكتور مجاي وماكو اخر محاضره
صعدت فوك واني اسعد وحده بالدنيا ماكو احلى من شعور الي تحبيه
يطلع هو هم يبادلج هالشعور ظليت اباع على نفسي بالمرايه ومبتسمه ممصدكه بالي سمعته
رحت بدلت ونزلت جوه امي جانت مسويه تمن احمر سمج تكلاه فصبت بالبلم تمن وخلت جم قطعه سمج كلتلي وديها لبيت عمج اسد يحب هالاكله اني
كتله لا مابيه حيل هسه تجي رونق توديها

ام غرام... دمشي وديها مادام حار يله
غرام... لابست عباتي وشالي واخذت البلم رحت لبيت عمي دكيت الجرس طلعت مرت عمي سلمت عليها كتلها هاي امي دزته استحيت اكللها لاسد
عاد كلتلي دفوتي خل انطيج البلم عاد فتت للمطبخ الحمدلله ماكو اسد هي تفرغ الماعون فات اسد كال لامه من دك الجرس وشافني واكفه
كلي
اسد... اليوم غرام عدنا
غرام... بكلبي كلت خرب عبالك صارنا سنين ممشاوفين هسه جنت ويايه

مرت عمي ... اي عمتك دزت تمن احمر وسمج تاكل بعده حار

غرام... مرت عمي دتغسل الماعون واني واكفه يم الكاونتر واسد كاعد يم الميز كلها اي احب السمج ويباع عليه
اني بسرعه انداريت عطرمه خرب همزين عمتي منداره
عمتي خلت لحم بعجين بالماعون كلتلي ذني هم حارات
كتلها شنوعمه وحده بوحده
كالت لا والله بس بعدهن حارات اخذت الماعون وسلمت ورجعت للبيت
وره شويه اجتي رونق من المدرسه
صعدت تبدل ونزلت امي صبت الغده وكعدنا ناكل
كملنا اكل ولملمنا وصعدت اني اريد اخابر صديقتي حتى اشوف سوو اليوم بالجامعه بس رونق يمي لان مكتله طلعت ويه اسد هسه تكعد تفتحلي محاضره المهم حجيت ويه صديقتي مسجات
لليل جنت كاعده داقره ورونق جوه اجاني مسج عالفايبر
شفته اسد
بسرعه فتحته كاتبلي 💬 ترى اشتاقيت

طبعا اني الابتسامه من الاذن للاذن
كتبتله 💬 المن
ردلي 💬 لحبيبتي الخجلانه

يمكن الكتابه صير اسهل من انو تحجين وجهاً لوجه
كتبتله💬 ممممم
ردلي 💬 شدسوين
كتبتله 💬 داقره
ردلي💬 من تكملين كليلي اريد اسمع صوتج
كتبتله💬 اوك

غرام ... عفت التليفون كعدت اقره بس بالي كلسع سارح يم اسد وارد انتبه واركز وارد اسرح كملت بالكوه قرايه هسه لزمت تليفون فاتت رونق دتحضر جنطتها
بكلبي كلت هسه وكتج خرب

شو هاي حضرت جنطه وكالت حنام وصدك مددت ظلت تلعب بتليفون شويه ونامت ظليت ادك لو لا خاف تسمعني
دزلي 💬 الحلو شوكت يكمل
دزيتله💬 كملت من زمان بس رونق يمي بالغرفه
بسرعه دك جاوبته الو
-الو شونج
-زينه وانت
-هو الي يسمع هذا الصوت شون ميصير زين
-......
-اويلي رجعنا عالسكوت
-هههه لا قابل شكول
-كولي الي بكلبج
-اسد لتخجلني
-ماشي ماريد دكليلي زين اسئلج كولي اي لو لا هاي مابيها خجل ترى
- ماشي اسئل
- تحبيني
- ظليت ساكته كتله اي
— اويلي يابه واخير طلعت
— هههه كافي
— زين من شوكت
— ماعرف وانت من شوكت
— اووووف اني من جنت بطن امج احبج
— ههههههه لا والله شون بله تحب وحده بعده بطن امها
— كلبي غير زين انتي ليش جنت تخافين مني
— جنت ومازلت ههههه
— ها لا بله زين ليش هذا الخوف شمسويلج اني
- مادري شكلك جان يخوف
- هههههههههه جنت بعبع
- لا بس كل مشوفني ترزلني وتصيح عليه ومتخليني العب ويه الجهال من جنت صغيره
- اااخ غير اخاف عليج جنتي نااعمه انعم الجهال وجنت اخاف عليج ليوكعوج وتتعورين
- بس حتى بنات عمي جانو من ننجمع بيت جدي ميخلوني العب وياهن من ورك
- ليش
- مادري جانو دايما يكولي اسد ميقبل جنت اضوج منك كلش
- وهسه بعدج ضوجين مني
- لا ماضوج
- متعرفين شكد اخاف عليج ماتحمل شي ياذيج شكد جنت اضوج من اشوفج تخافين مني وتتهربين حتى من سلمين احسج مجبوره عليه
جنت انقهر واكول معقوله يجي يوم وتحبني مثل مااني احبها

ظلينا الليل كله نسولف الخجل بده يروح مني انطلقت بالحجي سوالف عاديه ذكرنا قبل وشغلات الصارت سالفه جر سالفه محسنا عالوقت شون مر
حسيت صبح على صوت رونق دكعدني بالكوه كمت ماذكر البارحه شوكت وشون نمت السماعه ملفوفه على ركبتي والملزمه جوايه باوعت جهازي ساعه بسته ونص اووو تاخرت كمت بسرعه غسلت
ورحت ملابسي ممحضرتها بسرعه خضرت هدومي وبدلت وخليت مكياج خفيف عالسريع ونزلت طبعا بالكوه مفتحه عيني احس نفسي ميته نعس
وحتى ماعرف البارحه شوكت نمت

اسد.... مجان كدامي غير اكلها احبج لان احس طاقتي حتخلص صار سنين انتظرها تحبني متحملت اشوف نظرات الحب بعيونها وماحجي حبيت خجلها خابرتها بالليل ظلينا نحجي وحجت كومه سوالف واني اسمع احبها من تحجي ظلينا نسولف لحد ما ااختفت غرام ماكو اصيح غرام حبيبي روحي ماكو عرفتها نامت سديت التليفون جانت ساعه 4 اووف محسيت عالوقت شويه ونمت
كعدت صبح على صوت المنبه لان لازم اكوم اوصل غرام
غسلت وبدلت ونزلت جوه طلعت السياره ودكيتلها شويه وطلعت وتمشي بتثاقل مبين عليها نعسانه

غرام... صعدت بسياره صباح الخير
اسد... صباح النور شبيج شو مطفيه
غرام... اي والله نعسانه البارحه شوكت سديت التليفون محسيت
اسد... يابه ظليت اصيح غرام غرام ولج غرام وماكو تالي سمعت شوخرين
غرام.... هههه اني ماشوخر
اسد.... خوش مره جايه اسجلج شون شوخرين
غرام.....  وصلني للكليه نزلت بسرعه دخلت شفت صديقتي ظليت اسولف وياها رحت اشتريت جاي حتى اصحصح لان عيوني ماكدر حيقفلن
دارجع للقسم سمعت واحد ورايه يصيح يابنيه يابنيه ...... يتبع ❤️
&&&&&&&
❤️استمروا بتفاعلكم ودعمكم للقصه حتى استمر ❤️