رواية حب جنوني الفصل السادس عشر 16 - بقلم سوزان ليث

غرام... صعدت بسياره صباح الخير
اسد... صباح النور شبيج شو مطفيه
غرام... اي والله نعسانه البارحه شوكت سديت التليفون محسيت
اسد... يابه ظليت اصيح غرام غرام ولج غرام وماكو تالي سمعت شوخرين
غرام.... هههه اني ماشوخر
اسد.... خوش مره جايه اسجلج شون شوخرين
غرام.....  وصلني للكليه نزلت بسرعه دخلت شفت صديقتي ظليت اسولف وياها رحت اشتريت جاي حتى اصحصح لان عيوني ماكدر حيقفلن
دارجع للقسم سمعت واحد ورايه يصيح يابنيه يابنيه
لتافيت داشوف منو الي يصيحني

شفت شاب اجه عليه كلي هاي وكعت منج الورقه
مديت ايدي اخذها كتله شكرا بس ظل مجلب بيها باوعت عليه وخنزرت حتى يهد الورقه
كلي اني اسمي فراس
كتله وشعليه اني الورقه بلازحمه
ظل مجلب بيها كتله خليها الك عفته ومشيت رجعت للقسم صديقتي كلتلي شبيج ضايجه كتلها واحد مكروه وحجيتله الصار كامت تضحك دكلي عادي
المهم بدت المحاظره كملنا محاظرات نزلت جوه اخابر اسد
كتله كملت
اسد... حبيبي شويه حتاخر عليج اوكي لان ازدحامات ظلي بالكليه لاطلعين لحد مادكلج
غرام... اوكي بس لتتاخر عفيه
اسد... لا ماتاخر شويه واجي لاطلعين بره اوك
غرام... اوك

رحت كعدت على مسطبه بالحديقه اجوي بنات ويايه بشعبه كعدو يمي وظلينا نسولف وحده اسمه نواره كلتلنا باعو هذا الولد شبي صافن علينا
رفعت داشوفه لكيته نفس الولد الصبح اخذ ورقتي
مهتميتله هنا شويه وسلمن وراحن لخطوطهن

رفعت راسي شفته ديتقدم باتجاهي اني خفت صراحه والكليه بدت تفرغ بالاثناء دكلي اسد بسرعه كمت ورحت طلعت بره امشي سريع اكول خاف لاحكني صعدت بسياره

اسد... ها شبيج جايه ركض
غرام... لا بس الكليه فرغت ليش تاخرت
اسد... حبيبي والله جنت بنص الزدحام مو كايلج من تفوتين اخير محاضره دكيلي
غرام.. اوكي
رجعنا للبيت سلمت عليه وطبيت رحت نزعت وغسلت وتغدينا وراها رحت نمت كعدت على هز الموبايل شفته اسد يدك
جاوبته
الو
هاي وينج
جنت نايمه والله
كومي يله اشتاقيتلج
هههه مممم شبسرعه
انتي مشتاقيتيلي
ممممم اي
باعي اروح اني ماتحمل هذا الصوت الخدران
ههههه اوكي يله باي
باي

اسد.... رجعت للبيت بعد ماوصلت غرام تغديت وراها خابروني لازم التحق كبت الضوجه عندي راسلت غرام ماكو عرفت نايمه
نمت شويه وكعدت حضرت جنطي ودكيتلها كعدتها صاير مثل الطفل الي بس تعوفه امه يدور عليها اني هيج اريدها كبالي دايما

غرام.... نزلت جوه لكيت نبأ يمنا كعدت يمهم سوالف وضحك فرونق دكللها خل روح باجر لصديقتهم مهر مالتها
نبأ كلتلها منو يودينا
رونق نكول لاسد
نبأ لا مو باجر يلتحق

غرام... كتلها اسد حيلتحق
نبأ... اي باجر الظهر خابروه
غرام... كلش ضجت زين ليش مكلي كمت منهم دكيت عليه ميجاوب دزيتله مسج 💬باجر تلتحق ليش مكلتلي

ماكو رد حتى مشافها نزلت اخذت عباتي وشالي كتلها لنبأ شوكت تروحين اريد اروح اسلم على اسد كالت يله امشي المهم رحت
لبيت عمي جانت عمتي مو بالبيت ماخذا ايمان لدكتور الاسنان
نبأ كالت شوفي فوك

بسرعه صعدت دكيت الباب محد جاوب فتحت الباب فتت ماكو احد شفت جنطه محطوه يم الجربايه

اسد... فتت اسبح وطلعت لكيته بغرفتي تقربت عليها نفخت يم اذنها فزت

غرام... عزه جفلتني ليش هيج
اسد... شعدج بغرفتي ليش تتحارشين بيه
غرام... شكد دكيت عليك ماكو
اسد... جنت اسبح
غرام... انتبهت عليه شاد المنشفه على خصره عااا كتله اوكي يله بدل اني حطلع
داطلع لزم ايدي

اسد... تستحين مني
غرام... اني طبعا صعدت الحراره عندي طبعا ماكدر اباع بوجهه
استغربت من حركته جرني من يم الباب وسد الباب ظليت اباع عالباب وعليه كتله ليش سديته داريد اطلع

اسد... ماكو طلعه اليوم
غرام... كمت ابلع بريكي من الخوف يعني هسه الي يفوت علينا لازم يفهمنا غلط
كتله اسد خل اطلع لحد يفوت شيكلون علينا
اسد... وليش خايفه
غرام... مخايفه بس خل اطلع
رحت يم الباب داطلع جان يلزم يده الباب كال
اسد... دخول الحمام مو مثل طلعته
غرام... يمه كلبي نداريت عليه ظهري صار عالباب كتله شتريد
اسد... تقربت عليها وهي حتموت من الخجل
غرام... يمه تقرب عليه وخله ايده منا ومنا وحصرني بنص
اسد... غرام رفعي راسج باعيلي
غرام... رفعت راسي عليه اسد خل اروح
اسد... بشرط
غرام... هزيت راسي اي
اسد... كليلي احبك
غرام... توتر صار عندي فول وخوف وارتباك كلهن خلط عندي
اسد حباب خل اروح
اسد... تقربت عليه اكثر حدكولين لو لا
غرام .... ااا احبك
اسد... ابتسمت الها كتلها مسمعت شكلتي
غرام... ضربته على صدره بحركه خفيفه كتله كافي خل اروح
اسد... باجر حلتحق
غرام... ليش مو بعده الاسبوع مخلص
اسد... خابروني ولازم اروح
غرام ... شكد مكروهين
اسد... تقربت عليها ظليت خال شفتي على خدها اخلي شفتي تتلمس خدها الناعم حسيت نفسي ماكدر اسيطر على نفسي كتلها امشي طلعي قبل ماارتكب بيج جريمه

غرام... كلبي دكاته سريعه نبرات صوته الهادئ الي لاعب كلبي ومشاعري وحساسي حسيته فجاه تغير وكلي طلعي وبسرعه ابتعد عنا اني بسرعه فتحت الباب وطلعت وظليت بالممر لازمه خدي الصاير نار واتنفس بعمق كانما جنت غركانه
اويلي ليش هيج قربه مني يخليني ماكدر اسيطر على نفسي نزلت جوه جانت بس نبأ كاعده تتفرج تلفزيون اول مافتت

نبأ ... ها شفتيه وتغمزلي

غرام... نبرت صوتها ماعجبتني مثل الي تعرف بيناتنا شي
كتلها اي هسه حينزل

كعدت جتي كعدت يمي كالتلي

نبأ... غرام اريد اسئلج فشي ولو اني متاكده منه
غرام... اي سئلي
نبأ ... انتي تحبيه لاسد
غرام... باوعت عليها كتله اكيد قابل ليش اكره
نبإ... لا اقصد تحبي تردين تزوجيه
غرام... لا طبعا شنو هالحجي بكلبي اكول خرب هاي شعرفها
نبأ... ترى ادري تحبيه لتخافين ماكول لاحد
غرام... ظليت ساكته كتله نبأ ماكو هيج شي
نبأ... اي اي اكيد ههههههههههه

غرام...فات اسد جان لابس تراك اسود اجه كعد كال شبيكم

نبأ.... ماكو شي داكلها شربين شي
اسد... اي والله جيبيلي شي بارد
نبأ... ماشي
غرام.... كامت نبأ بقينا وحدنا كتله شوكت ترجع
اسد... ماعرف والله داشوف شنو الوضع
غرام ... ساعه بيش تروح
اسد.... من صبح اروح
غرام... مالحك اشوفك يعني
اسد... لا حبيبي اطلع وانتي بعدج نايمه
غرام... ظليت ساكته عبالك اول مره يروح لدوام كلش ضجت
جتي نبأ جابتنا بيبسي كعدت وكلسع تباع علينا وتبتسم وداري ابتسامتها تشرب بيبسي
اني ضجت كلت خاف دكول لامها لو لايمان نوب ايمان بسرعه تنشر الخبر
كمت من مكاني كتله يله عمو اني اروح
باوعت على اسد مستغرب من كلمه عمو

اسد... هاي شبيها ياعمو خرب عشيرتج ... وين بعد وكت
غرام ... لا اروح داقره فكمت وصلت للباب شفته كام ورايه طلعت للطرمه كلي
اسد.... تعالي ياعمو هذا
غرام... نداريت عليه ضحكت كتله انت
اسد... حكسرج والله
غرام.... اسد حسيت نبأ شاكه بيناتنا شي فكلت هيج حتى لشك بعد
اسد... وخل شك شنو خايف منها ترى هسه اروح اكول لامج احبها
غرام.... عزه بعيني لا الله عليك
اسد.... شبيج خايفه يولي قابل بايكين
غرام... لا بس موهسه دكول الله عليك
اسد.... ماشي
غرام... شفته ضاج كتله ... ضجت مني
اسد... ماحب هاي تصرفات مادام اني ممسوي شي غلط ماعدهم عندي شي
غرام... ادري والله بس فكر اذا كتلهم بعد لااكدر اجي هنا ولا انت تكدر مثل قبل تجي عدنا وحتى يجوز امي بعد متخليك توصلني

اسد... شبيج مخبله انتي ولج امج اخر وحده تعترض اذا كتلها اريدج
غرام... اويلي الله شيقنعه ... كافي حبي اجلها هسه

اسد... لخاطر حبي حاجلها
غرام... عزه بعيني طلعت بدون مادري ... يله حروح
اسد... طلعت بره هي فاتت للبيت اني فتت جوه
لليل دكيت عليها بسرعه جاوبت
الو
-هاحبيبي شدسوين
-جنت احضر ملابسي لباجر
-غرام
-نعم
-احبج
-........ظليت ساكته والابتسامه ماليه وجهي
-غرام لاسكتين
-احبك
-اويلي يابه وين انطي وجهي هسه
-هههههه كافي اسد ... ذكرت قميص النوم الي شفته بشقه ماته كلت فرصه خل اسئله ... اريد اسئلك على شي
-سئلي
- هم جيب احد للشقه مالتك
- اي يجوني اصدقائي
- بس اصدقائك
- اي قابل منو يريد يجي كاظم الساهر
- هههه زين من رحت وياك للشقه شفت فشي
- شفتي
- شفت شي لبنيه لونه وردي معلكه بتعلاكه
- والله ماذكر اوكفي خاف هذا جنه قميص نوم
- خاف لا حبيبي هو
- اروح فدوه لحبيبي
- لتغير الموضوع كلي هذا المن
- مادري والله اني ماجر هاي شقه جانت قبل لصديقي اجرتها وراه هي واثاثها وهذا معلك من اخذتها لحد هسه
- اكيد
- والله وداعتج
- وليش مماخذه صديقك ليش عايفه معلك
- مادري والله كومه عده شغلات بعدهن مماخذها
- مممم
- صاير يغار الحلو ماتي
- لا فضول 😒
- اموت على هذا الفضول
- اسد ماريدك تروح بعدني بشبعت منك
- شبيدي اني حبيبي غير دوام

غرام... ظلينا شويه نحجي وسدينا لان خطيه هو وراه كعده من صبح كعدت صبح اني شفتها ساعه بسته كعدت غسلت وبدلت دزيتله مسج 💬صباح الخير وصلت لو بعدك
شوي دز 💬صباح النور حبيبي اي وصلت لايظل بالج اذا مغلق تليفون حطلع ديري بالج على نفسج احبج
رديتله💬 انت ديري بالج على نفسج حبيبي اموت عليك اني

وراها نزلت شويه واجه الخط عليه طلعت رحت للكليه وصلت رحت للقسم فاكل واحد بينا عده لوكر يخلي بي غراضنا خليت ملازمي لبست الصدريه جانت اول محاظره تشريح اسنان
فخليت غراضي وسديت اللوكر ورحت اني وصديقتي دخلنا للمحاظره كملنا محاظرات فرجعت داخلي الصدريه وداخذ ملازمي شفت اللوكر مالتي مفتوح ظليت مستغربه كلت معقوله مقفلته عادي مهتميت لان اصلا مخاله بي شي مهم سديته اخذت ملازمي وطلعت بره رحت صعدت بالخط شويه وحرك رجعت للبيت صعدت فوك اول شي اسوي دكيت على اسد جهازه جان مغلق نزعت وبدلت ونزلت تغديت وصعدت كعدت اقره فبدايه الملزمه مكتور رقم وعليه اسم فراس
ظليت مستغربه منو كتب على ملزمتي جانت جديده كلت يجوز من المكتبه عفته مهتميت كعدت اقره بعدين خطر بالي اللوكر جان مفتوح معقوله اكو احد فتحه وكتب
عفت الموضوع مهتميت كملت قرايه رحت نمت كعدت المغرب كعدت ضايجه متعاركه ويه المخده دكيت على اسد مغلق
دزيتله مسج 💬 مدكول اكو وحده بالها يمي خل اطمنها
عفت التليفون ونزلت غسلت وكعدت اكل رونق وامي يتفرجن تلفزيون
وره شويه صعدت شفت تليفوني بي مكالمتين اسد
اووو خرب الا من انزل دك رجعت دكيتله الحمدلله مفتوح بسرعه جاوب
ولك حبيبي الضايجه مشتاقلك
ليش هيج اسد حتى رساله مداز
والله ملتهي وماكو شبكه لازم اروح مدري شكد يله تجي شونج
الحمدلله مشتاقتلك شوكت ترجع
مو بكدي والله بس الله يعرف شكد مشتاقلج شونه دوام
زين
ماشي حبيبي ديربالج على نفسج ماشي كلبي
اوكي وانت هم
احبج
واني هم
باي
باي

شويه راحت ضوجه لليل حضرت ملابسي ونمت كعدت كالعاده بدلت ورحت للكليه ونفس الحاله تكررت هم رجعت شفت لوكر مفتوح باوعت بالملزمه هم رقم وكاتب فراس كلت منو هذا الحيوان الي ديفتح لوكري ظليت اباع منا ومنا ماكو احد طلاب كلها ويانه
اخذت كتبي وطلعت للخط
ومر جم يوم وتكررت سالفه فتح اللوكر ماتي طكت روحي كتلها لصديقتي خل نتبادل اللوكرات اريد اشوف هذا متقصدني بدلنا لوكرات ورجعت للوكر ممفتوح هالمره كيفت نزلت جوه رحت اشتريت اني وصديقاتي ورحنا كعدنا بالحديقه ناكل ممنتبهين الا على ولد اجه كال
السلام عليكم
ممكن اخذ من وقتج دقايق
طبعا استغربت منه وشكله مو غريب بس مداذكر وين شايفته
كتله تفضل اخي اكو شي ( طبعا مكمت من مكاني بعدني كاعده ويه البنات)
كلي زين تعالي شويه قابل احجي كدام صديقاتج
كتله اي عادي احجي
كالت ماشي اني فراس
هو كال فراس اني خنزرت عليه كتله انت جنت تكتب على ملازمي وتفتح لوكر مالت
ضحك كال اي بس ترى لوكر بس اطخه يفتح
كتله انت شون تتجرء وهيج سوي مو عيب عليك
كلي على كيفج لتعصبين اول شي ممسوي شي غلط وثاني شي حتى لو هذا غلط هم ارجع واسويه ثالثا انتي مادام دخلتي هنا هاهيه بعد وياشر على راسه
عافنا وراح صديقاتي ظلن عزه شون حلو شون مرتب بس اني جنت كلش ضايجه منه ومن جرأة العنده رجعت للبيت سولفت لرونق طبعا ظلت دكلي هذا معجب ومدري شنو ومن هالسوالف بس اني جنت كلش ضايجه منه خابرني اسد حجينا شويه بس مكلتله لان اعرف مخبل وينزل باجر يجي للكليه يطيح حظه للولد
ثاني يوم هم عطله عادي يوم طبيعي
اجه يوم دوام فجنت دامشي وداخابر اسد داسولفله عالامتحانات انتبهت على نفس الولد صاير كبالي واكف ويه اصدقائه
اني بدون وعي كلت هم هذا شكد مكروه
اسد ظل منو هذا ومنو ومنو طبعا بالكوه كلتله ماكو شي ودكتور اضوج منه عبالي مجاي اليوم طبعا ماعرف صدك او لا

بسرعه رحت للقسم كضينا المحاضرات عادي ونزلت طلعت للبيت وصلت للبيت نزلت كالعاده بدلت وتغدينا ورحت نمت للمغرب تليفوني يرج كمت شفته اسد جاوبته
الو
شون بله حظلين نايمه
ههههه هلو اي والله تعبانه
دنزلي عاد صار ساعه كاعد منتظرج
كمزت من مكاني انت جوه شوكت جيت
تعالي يله قبل شويه وصلت
سديت التليفون ورحت غسلت وعدلت كفشه ماتي ونزلت يمه لكيته كاعد وحده بالهول وامي بالمطبخ هي ورونق يسون عشه بسرعه دخلت عاا شوكت جيت
رحت عليه هو كاملي بسرعه رحت بسته من خده حمدلله عالسلامه

اسد... الله يسلمج حبيبي
غرام... عزه ياحبيبي لامي تسمعك فدوه
اسد... اويلي على هذا الخوف
غرام ... كعدت يمه ظليت اباع عليه كتله همزين جيت والله ذاك الاسبوع شون ممل جان
اسد... شسوي حبيبي غير دوام وماكدر بالكوه هسه نزلت ولازم  الاربعاء ارجع
غرام.... هاي شنو ليش هيج بسرعه
اسد... ميخالف حبي هالايام هوسه  وديجي تفتيش ولعبان نفس

غرام ... اجتي رونق وسكتنا ظلينا نسولف سوالف عاديه كلش وراها صار العشه تعشى ويانا فديطلع سلم وكلي غرام تعالي اريدج بشغله فطلعت وياه للطرمه
ندار عليه وطلع جكارته واني صافنه على حركاته
جر نفس وكلي
اسد... اي احجيلي منو هذا المكروه
غرام... ظليت صافنه عليه مدافتهم شديقصد كتله شنو مدافتهم
اسد....الي مضوجج بحيث صاير مكروه احجي منو هذا
غرام.... بعدني مداستوعب شنو يقصد كتله اسد والله مدافتهم منوه المكروه
اسد.... غرام لتخبليني صبح من جنتي تحجين ويايه المن شفتي وكلتي عليه مكروه
غرام.... هو ديحجي اني ذكرته كلت خرب كتله وانت نزلت مناك لهنا بس حتى تعرف
اسد... طبعا منو هذا احجي
غرام... اسد والله ماعرفه اني بس واحد ذاك اليوم صار وياه موقف وراها جلب
اسد.... اي احجيلي سوه
غرام... حجيتله الصار من البدايه لحد مشفته اليوم
اسد.... وهو منو حتى يفتح لوكرج
غرام... عزه اسد لصيح والله ماعرفه شبيك والصار حجيتلكياه
اسد.... لا محجيتيلي صبح جم مره سئلتج وانتي ظليتي دكليلي دكتور وماحبه وسويتيلي فلم
غرام... هسه شنو كلبت عليه اصلا كلسع اريد اكلك بس اذكر انت بدوام ماريد اضوجك كلت من ترجع اكلك
اسد... ماشي غرام
غرام... شو هذا كلي ماشي وطلع وركع الباب وراه حيل خرب هذا شبي قابل كلتله صادقته صدك جذب شهالتصرفات ...... يتبع❤️
&&&&&&&&&&
شنو توقعاتكم اسد شون حيتصرف 🤔❤️ تعليقاتكم الحلوه حتى استمر