رواية حب جنوني الفصل الرابع وخمسون 54 - بقلم سوزان ليث

شويه وسمعت صوت مزيقه وجهال يصيحون اجوي جوي ايدي الي صارت ترجف الكاعدين الي نخبصوا ظليت ادور امي بين الموجودين لا هي ولا رونق
شفت رونف باوعت بعيونها هي افتهمت اجتي ركض عليه ظلت تعدل البدل والطرحه اني جنت اقره الفاتحه
لزمت ايدها كتلها رونق لاتعوفيني
كالت لا ماعوفج وياج وياج
المزيقه صارت كلش قريبه يمكن بالكراج شويه ودخلو عماتي الباقيات ودخل مرت عمي ونبأ وايمان الجانن يضحكن
شويه ودخلت اسد دخلته جانت ملفته للانظار يم الباب امي واكفه تستقبلهم هو باسها من راسها ودخل اجه يمي اني جنت منزله راسي مستحيه مع العلم الكل كرايبي هو همس باذني ماصدك شوكت اخذج لغرفتي

باوعت عليه وابتسمت ظلن عماتي والبنات يركصن على المزيقه وهو كلسع يهمس باذني مرات يصنف على عماتي وشون يركصن ومرات يتغزل عرف بيه مشنجه
كالو يله اني مشيت واباع على امي ماكو اختفت شفتها يم الباب عفت اسد وركضت عليها حضنتها اني جنت ناويه ماابجي بس دموعي هنا نزل وخرت من امي ظلت تدعيلي الي ولاسد اسد باس ايدها وراسها كلها عمه جلال بره ينتظرج حتى تجين ويانه
بالبدايه مقبلت بعدين كلتله اروح لبيت جدك
طلعت من البيت عمامي واكفين بالكراج رحت سلمت عليهم
وراها صعدت بسياره ليكدام واسد يسوق
جنت كلش مضايقه بالبدله جبيره واحس مقيده حركتي صعد اسد وظلينا شويه بين مابدت سيارات تمشي وراه مشينا اباوع عالجهال فرحانين كلش
ظليت اباوع عالطريق جان مشغل اغنيه اليسا (حاله حب )
جانت هادئه ورومانسيه
سمعته يكلي
اسد... حبيبي
غرام ... باوعت عليه كلي
اسد... احبج
غرام ... ابتسمت اله وكتله اني هم
ظلينا نمشي اخذونا فرونا بشارع واصدقاء اسد معافونا دقيقه كلسع طابكين سيارتهم يم سيارتنا
ويكلوله لاسد افتح الجامه بس اسد ميفتحها ماعرف ليش
فاتت من يمي سياره جلال بيها رونق ونبأ وام اسد شفتهم عبالك صار فتره مشايفتهم ظليت اللوح بيدي الهم
وراها وصلنا لبيت جدي لان هناك جان العرس طبيت جوه كومه ناس مسويلي مكان مخصص الي كعدت بي وصوت الاغاني بدت وكامو يركصون اسد دخلني وبعدين طلع لان بره جدي مسوي حفله بشارع وديجي وشغلات اني ظليت كاعده وبتسمه كوموني عماتي ركصوني جنت احاول اركص بس احس نفسي بس احرك نفسي من وره الدله كضيتها بس جتف اهز
كعدت ورد شويه ودخل اسد شفته نازع الستره وباقي برباط
اجه كعد يمي كتله وين رحت
اسد... حبيبي بره عالم كومه شبيج تعبتي
غرام ... لا
اسد... وين تليفونج خلي يمج من تريديني دكيلي ادخلج اوكي
غرام ... اي ماشي
عافني وطلع والركص مشتغل لان الديجي بره واصل للبيت ظليت اباوع عليهم واضحك اجتي جده حكمه كعدت يمي جانت لابسه دراعه جديده ولابسه ذهبها طالعه غير شكل
كعدت يمي ظلت تمسح بظهري وتقرا ايات وتنفخها عالمعازيم
كالت ماجعتي
كتلها جده ميته من الجوع كالت هسه اكلهم يجيبولج اكل صاحت عمتي كلتلها جيبي عشه اجتي عمتي كالت كومي بغرفه امي حتى تاخذين راحتج
فاني كمت دخلت للغرفه هي جابتلي الاكل اني هسه مديت ايدي دخل اسد باوع عليه كال
صار ساعه يتوسلون بيها اكل واكلهم ماريد مااشتهي حتى نتعشى اني وياج
كتله والله جده هي الكالتلي شفته ضحك واجه كعد يمي عمتي عافتنا وطلعت كالت تعشوا سوه
اكلت وهو هم جان ياكل كمل اكل كتله اريد جنطه مالتي اعدل حمرتي
راح ورجع جايبلي الجنطه كعدت اعدل حمرتي وهو يباع عليه
تقرب عليه باسني من ركبتي اني ابتعدت عنه كتله لاحد يدخل
بس هو رجع يبوس بيها صعد راسه باوع بعيوني كلي ولج مامصدك صرتي الي بسته من خده وظليت امسح خده من الحمره الطبعت
كمنا اني وياه طلعنا اني كعدت يم الناس الجانو ديتعشون وهو طلع بره
ظليت كاعده جوي. رونق ونبأ يمي
كلولي وين اسد شو عايفج كتلهم مو ناس واصدقائه جايين كلهم عيب يعوفهم
نبأ... اويلي همه شون اصدقاء دكولين مختار بس الحلوين منهم
رونق... اي والله كلهم حلوين عزه ماشفتي بنات خاله اسيل سوو ولج ظلن فاتحات حلكهن عليهم
نبأ... اي ولج وشون اثكال ليش باوعوا سوو
رونق... شفت هذا الخطبني عزه جتي عيني بعيني ظل يباع عليه
غرام ... يااا خطيه
رونق... والله اني ممنتبه اصلا بالبدايه ماعرفته ظليت اكول هذا وين شايفته بعدين ذكرته بس بعد مال جلال لكفني اباوع عليه
غرام ... عزه بعينج
رونق... ولج اي ظليت مبتسمه لجلال بس هو خزرني يمكن شافني
نبأ... لعد كتلتج عمل شعبي
رونق... مادري عزه موقف لااحسد عليه

نبأ... كعدت صبح رجعت لبيتنا امي جان بالمطبخ كالت تعالي حضري ريوك ويايه لان اصدقاء اسد البارحه نايمين بيتنا حضرنا الريوك وصعدت سبحت وكعدت اسشور شعري
دخلت ايمان كالت لو تعرفين منو جوه كتلها منو كالت محمد اني كمت وكفت بسرعه كتلهاوالله كالت والله وهو واسد يحجون عادي يعني مصالحين
اني فرحت كلش كعدت كملت شعري ونزلت جوه كلت بالكي اشوفه
ماكو حضرنا الغده ويه امي لان كالت نتغده من وكت اسد جان جايب من بره
دخل اسد للمطبخ فكاعدين عماتي وبناتهم كامو يهلهلون ويصفكوله هو ظل يضحك ويشاقه وياهم عافنا وصعد فوك يريد يسبح تغدينا عالسريع
وصعدنا نبدل ملابسنا فاني لابست ستره لونها وردي فاتح وبنطرون جينز وياها جانت قصيره شويه بس عرس محد يحجي لابست وياها حذاء كعب خليت مكياج ولابست ذهباتي ولابست الشال ونزلت
شفتهم  بعدهم ممكملين كتلهم حروح اشوف غرام امي كالت لتتاخرين حتى روح لبيت جدج تجمع هناك كتلها اوكي اشوفها واجي
طلعت بره يم الباب واكفين ولد فاني منتبهت منو بس من فتحت الباب عيني اجتي بعين صديق اسد ومحمد اسمه اسامه يعني من همه صغار سوه فاني من جنت صغيره جنت اروح واسولف وياه واكعد بحضنه فاني دنجت ودافوت لبيت عمي بس امشي بطئ لان الكعب طبيت شفت غرام طالعه تخبل ومن صدك البدله لايكتلها كلش اخذت وياها صور ورجعت فتت للكراج جان اسد واكف
هو وبصفه اسامه فاني دادخل اسد صاح نبأ كولي لامي يله
فاني نداريت كتله اي هسه
اسمع اسامه يكله هاي نبأ اسد كله اي كله ولك هاي شوكت كبرت ذاك اليوم جان عالكصرها اسد كام يضحك وكله يابه حنزوجها اني دخلت خربانه ضحك
المهم كملنا وطلعنا فاني جنت امشي ويه امي
فااسامه اجه سلم على امي ندار عليه كلي ها كرعه كبرتي وكمتي مسلمين فاني ضحكت كتله هلو شونك
المهم طلعت
اباوع محمد يباع عليه وخازرني ماعرف ليش كلت يجوز شافني احجي ويه اسامه بس هو مجان موجود عفته صعدت ورحنا لبيت جدي بين مصارتجمع انطلقت الزفه نزلنا دناخذ غرام
فرجعت صعدت ويه جلال اني ورونق وايمان وامي
ام غرام عمي رجعها لبيت جدي مقبلت تجي للزفه
احنا ظلينا الطريق كله نصفك ونهلهل وجلال كلسع يندار علينا يرزلنا
شكد جنت فرحانه بس من وكفت سياره محمد يمنا وشفت هاله كاعده يمه بصدر كلشي راح ظليت مصدومه صح امها وعمتي ليوره بس انتي شنو هالجرأه صعدين ليكدام واكو اكبر منج ليوره
ظليت اباوع على محمد هو باوع عليه ظل يباع حسيت عيونه تبرر الي شفته بس اني بسرعه درت وجهي
هوظل طريق كله يحاول يصير ويه سياره جلال بس اني ابد مادرت وجهي اله
قهرني كلش تصرفه يعني شنومكعدها يمه وصلنا لبيت جدي اني ورونق رحنا نساعد غرام بنزلتها دخلت جوه واني طبعا مطنكره كلش
واباع لهاله شون تركص شكد كارهتها وبودي اروح الزمها من شعرها وافرها فر
ظليت كاعده ومالي واهس كلش لزمت تليفون ماكدر حيصير بيه شي
كتب رساله شطولها لمحمد بعدين تراجعت ومسحتها رحت وكفت بالمطبخ دخل علي ابن عمي كلي جيبيلي قوطيه بيبسي عطشان
فاني رحت اجيبله رجعت مالكيته بالباب طلعت بالكراج صح جان هوسه وكفت يم باب المطبخ ادور عليه جان محمد يصيح وين
بصوت عالي اني باوعت عليه رجعت خطواتي للمطبخ هو اجه وكف كبالي
كلي شبيج انتي وين طالعه
خليت القوطيه بيده انطي هاي لعلي وفته ودخلت

رحت كعدت اجتي رونق ظلت دكلي هي لازكه بي ومعليج بيها ومن هالسوالف كمت اني ياها دريد نعدل مكياجنا بغرفه جده
دخلنا نعدل دخلت هاله كالت بنات منو عدها حمره حمره
اني كتلها ماعندي
رونق كلتلها وين راحت حمرتج لان قبل شويه حلكها مليص بالحمره
كلتله راحت بعد وتضحك اني باوعت على رونق عفتهم وطلعت واحس كمت افور اجتي رونق كالت شبيج طلعتي كتلها هاله تقصد باسها وراحت
رونق كالت لا ماعتقد كتلها لا هي هيج تقصد
اني كلت اكيد محمد منو غيره
ماتحملت دزيتله
رساله 📱 شكد شايفه ناس بوجهين بس مثلك مشايفه

جنت افور واريد شي يبرد كلبي اباوع عالتليفون مجاوب
رجعت دزيتله 📱طبعا مترد لان تعرف نفسك
وره شويه دزلي رساله 📱تعالي بغرفه جده

اني ظليت كاعده كلت ماروح ماريد اسمعه بس بعدين ماكدرت كمت رحت فتحت الباب عبالك مداهمه شفته مدتجي عالميز ويدخن دخلت ووكفت مجتفه كتله شكو

محمد...شبيج
نبأ...والله اسئل نفسك شبيه
محمد... شنو هالرسايل الدزيتيها متستحين تحجين هيج ويايه شنو بوجهين شايفتني
نبأ... ظليت اباوع عليه واهز بنفسي من العصبيه كتله روح لهاله انت وياها نفس الصنف عفته وداطلع جان انجر اله لازمني من عكس ايدي وضاغط عليه قوي ويحجي بعصبيه
محمد... اكص لسانج اذا رفعتي صوتج عليه مو محمد الي تحجين وياه هيج
نبأ... دفعته كتله وخر مني ولاتلزمني اني مو هاله حتى هيج تلزمني
محمد... شبيج انتي مخبله صاير بعقلج شي
نبأ .... هسه داحجي جان الباب تنفتح دخلت عمتي بس اني شنو صرت بنص هدومي همزين عمتي هاي حبابه كالت ولكم شعدكم خاتلين هنا
محمد ندار عليها كلها داحجي ويه هاي متخبله هالايام داشوف شبيها
باوعت على عمتي ضحكت كالت يله لاطولون لاحد يدخل عليكم عافتنا وطلعت اني باوعت على محمد كتله شون دكول هيج لعمه هسه شدكول عليه

محمد... دكول الدكول ميهمني احجيلي شبيج يايوم مطوله لسانج عليه
نبأ... من كمت صعد ست الحسن وياك بسياره وصارت الحمره تروح من وحده ... هو ظل صافن عليه
محمد... اول شي اجتي هي وامها عليه وحرجتني كدام امها شترديني اسوي وبعدين ياحمره
نبأ... شعليه اني دكلي عفته داطلع صاح بيه نبأ بارعت عليه كلي احذرج مره ثانيه طلعين بره من اكو زلم ترى مو كل مره افوت
باوعت عليه هزيت ايدي وطلعت

رجعت كعدت واهز برجلي من توتر
اجاني مسج منه 📱احسابي بعدين وياج
دزيتله 📱مابيناتنا شي حتى يصير بينا حساب
دزلي📱ماشي نبأ اني اعلمج

عفته مجاوبته شكد مكروه اجتي كعدت عمتي الدخلت علينا اني ومحمد الغرفه يمي كالتلي شنو بينج وبين محمد
كتلها كلشي ماكو كالت ولج نبأ هذا الحجي احجي لغيري كتلها عمه ماكو شي احنا اصدقاء وعادي
كالت ها زين ليش جان صوتكم عالي
كتلها جنا نتعارك كالت ليش كتلها تقبلين يصعد هاله ليكدام
كالت اي واذا صعدها كتلها مو هي اذته هوايه وهسه تريد ترجعله
كالت واذا رجعتله شلج غرض انتي ظليت ساكته كالت نبأ متاكده انتي وياه اصدقاء كتلها اي طبعا عفتها وكمت ظليت  افكر وكلسع اباع لهاله بكلبي كل الشتائم كلتها عليها

اجه احمد ابن عمي الصغير بالابتدائيه انطاني قوطيه بيبسي وراح اني ظليت اباع عليه شبي هذا حلمان بيه شويه ورد جابلي لفه
امه كاعده كلتله هاولك شو داري بس نبأ جان هو يكول بصوت عالي هاي محمد يكلي وديها لنبأ اني طبعا ظليت اباع على الكاعدين واحس نفسي تقلصت من الفشله الكل كاعدين والكل سمعه هاله ظلت تباع عليه عمتي بسرعه نقذت الموقف كالت كومو ركصو شبيكم كاعدات
اني شنو صرت بنص هدومي

ظليت لازمه اللفه والقوطيه وكاعده اجاني مسج كاتب 📱تعشيتي
دزيتله 📱معليك بيه مسوي نفسك مهتم
دزلي 📱منو وياج انتي شبيج منو المفروض زعلان اني لو انتي
دزيتله 📱اني مسويت شي حتى تزعل مني
دزلي📱نسيتي من اجيت لبيتكم وانتي دكليلي روح ماكو شي بينا
دزيتله 📱مكذبت بهذا الشي فعلا ماكو شي بينا
دزلي 📱انجبي احسن
دزيتله 📱لتجاوز
دزلي 📱اجاوز واكسر راسج هم
دزيتله 📱واكعه بيدك
دزلي 📱ياريت جان اعرف شون اصرف
عفته ومجاوبته بعد
وره ساعه اجاني مسج كاتب 📱شوكت مسلمه على اسامه
دزيتله 📱 بيتنا هو سلم عليه مو اني
دزلي📱 ياعيني ماشاءالله الله يثخن لبنكم
دزيتله 📱شكرا ويخن لبنكم انت وهاله
دزلي📱فديتهاغير طالعه تموت اليوم

اني قريت المسج عرفت يريد يضوجني عفته مجاوبته
كمت اركص اني وعمتي واهز وافر بشعري انتبهت احد ديجر بسترتي باوعت شفته احمد ابن عمي نزلت لمستواى كتله ها حماده شتريد كلي اريد اخذ اني وياج صوره فاني استغربت شبي هذا المهم رحت كعدت عالتخم وهو كعد بصفي اخذت صوره اني وياه ديروح كتله هذا مال منو التليفون مجاوبني ركض طلع اني مااهتميت كملت ركص جابو العشه وكعدو ياكلون

رونق... بيوم العرس ودانا للصالون جلال فاني كاعده وراه وخالتي ليكدام
فهو كلسع يباوع بالمرايه فاني جنت مطنكره ضايجه شويه وصلنا للصالون فخالتي وغرام نزلو اني دانزل جلال كلي
شبيج
راسي يوجعني
خاف ضايجه لان غرام حتعوفج
اي
يله جم يوم وتجين يمها
باوعت عليه ابتسمت ونزلت
اني سويت بس مكياج وسشورت شعري رجعنا للبيت طبعا جانت اكو فقره مناحه لابست فستان طويل مورد ومن يم الصدر كله حبال ومخصر الجسم لابست شال بس بيت جدي انزعه
اجوي زفه اخذو غرام اني صعدت ويه جلال كعدنا اني ونبأ وايمان ليوره وامه ليكدام ظلينا بس انصفك وعمتي تهلهل واني ونبأ نردح  ندار علينا جلال كال ها سالمين اوكف السياره تنزلون بشارع خاف مضايقين هنا اني خربت ضحك وديت اصفك باوعت عليه بالمرايه يباع عليه هديت شويه وصلنا لبيت جدي  من دننزل شفت واحد  هو جان يباع عليه اني باوعت عليه بس بكلبي اكول هذا وين شايفته بين مذكرت هذا منو جان جلال شايفني شون موقف لااحسد عليه بسرعه دخلت جوه
ظلينا نركص ونهوس رحت للمطبخ شفت قصي واكف دياكل وكفت يمه نسولف ونضحك دخل فهد وكف ويانه يشاقه شويه واجه جلال فات انصدم اني واكفه بنصهم ومنطلقه ظل يباع عليه اني بسرعه كلت هالولد كل ميشوفني يشوفني بوضع محرج
صاح عليه نداريت كلي هاج صينيه طببيها جوه فرحت عليه داخذ الصينيه جان يعصر اصابيعي وهو ينطينياها
كلي دخلي جوه ماشوفج هنا
اني هزيت راسي ودخلت بسرعه ظل كلبي يدك يدك

غرام ... دخل جدي واسد وياه اجه عليه اني كمت وكفتله اجه باسني وسلم عليه وباركلي اخذنا صور وياه هو وجده جدي ظل يوصي اسد عليه ويكله هاي بت الغالي ديربالك عليها
وراها كال يله روح لبيتكم حظلون هنا اني من كال هيج كلبي حسيته كام يدك سريع
الكل كام يصيح حنزفهم حنزفهم
اسد اجه وكف يمي لزم ايدي ندار عليه كلي شبيج ترجفين كتله بطني توجعني
ضحك عليه عاد من داطلع سلمت على امي وطلعت رونق كتلها تجين ويايه
طلعت صعدت بسياره طبعا ساعه بين مااسد صعد ظل يسلم على جماعته صعد كلي واخيرا
اني ظليت اباوع على عماتي والجهال الكل يسويلي باي نداريت على اسد كتله احد كللهم مسافره صدك جذب كلي دسويلهم باي
عاد ظليت اسوي باي بين محرك
رجعنا للبيت اجوي ويانه جده حكمه وام اسد ورونق مخلوها تجي  وعمتي
عاد نزلت ودخلت جوه ظلو يهلهلون ويصلون عالنبي صعدونا فوك دخلت للغرفه
جده حكمه خطيه صعدت ويانه عمتي لازمتها وصعدت
ظليت اني واكفه وبصفي اسد وجده واكفه يم الباب هي وعمه ومرت عمي ظلت بيبي تقرا المعوذات علينا وتفخ بوجهنا وكلسع صلي عالنبي وتباركنا
ورجعت قرت ايات
بالاخير اسد كلها حكمه شنو سالفه ختمتي القران
هي كلتله ولك شبيك حتى الله يباركلكم بهذا اليوم ورجعت ماعرف قرت دعاء علينا اني جنت اباع عليها بالاخير اسد كلها حكمه شون منعرس اليوم
عماتي ظلن يضحكن جده حكمه شالت عوجيتها ضربت اسد كلتله شبيك مستعجل الليل كله الك
هو ظل يلعب بشواربه ويضحك
اجتي باستني وهمست باذني اسمعي كلامه يمه ولا تعاندين اني هزيت راسي اي وراحت يم اسد ماعرف شنو همست بس هو ضحك بصوت عالي وكلها حكمه طالعه عينج هي رجعت ضربته بالعصا عمتي باركتلي ونزلت هي وجده ام اسد اجتي باركتلي وكالت احنا حنعوف البيت الكم حتى تاخذون راحتكم اسد كلها والله تفتهمون
عاد دتنزل كلتله تعال اقفل الباب ورانا
هو نزل كعدت عالجربايه بطني توجعني مثل الواحد العنده امتحان
ظليت افرك بايدي وعيني كلسع عالباب
سمعت صوت اسد يصعد الدرج ويغني  اني بطني كامت تلويني بزايد
فتح الباب واول مفات كال و...........يتبع❤️
...........
اكو وحده من البنوتات كتبت اليوم عيد ميلادي ونزلي بارتين
واني علمودها طولت البارت وصار تقريبا بارتين
احب اكلها (كل عام وانتِ بخير صحه وسلامه )

سوزان ليث ❤️