رواية حب جنوني الفصل الثالث وسبعون 73 - بقلم سوزان ليث

... ظليت اباوع عليه شفته خزرني بس بسرعه سوه الموضوع عادي كلي ... اي شيريد

غرام... ميريد شي سلم عليه وكلي اذا احتاج شي بدراسه هو يفهمنا عليه ... ظليت اباوع عليه انتظر رده فعله بس هو سحب جكاير وصار يدخن كتله ... ضجت

باوع عليه .... هذا ابن .... شجلب ميعرف مزوجه اروح اذكره بيه

غرام....  هو مقلل ويايه أدبه بالعكس الولد كلش مؤدب

اسد ... مؤدب لاهله يعني شنو غايته من اجه سلم شستفاد مثلا

غرام.... ابتسمت بخباثه كتله.... كلي طلكي من رجلج وزوجيني ... اسد يباوع عليه اعرف معصب بس عود يحاول يسيطر على نفسه

اسد.... اي وشكتيله

غرام.... كتله هذا حبيبي شون اعوفه من كملت كلامي صرت اضحك لان متحملت شكله

اسد.... تلعبين بااعصابي مو

غرام ... شويه

اسد.... احجي اجه شيريد منج
غرام... كتلك اجه سلم وسئلني عالدراسه وسئلني صار عندي كتله صار عندي جمال

اسد.... وشكو تحجين وياه

غرام.... ها هاي رده الفعل الي اكلك عليها يعني واذا حجيت وياه لاقلل ادبه ويايه ولا قللت ادبي وياه

اسد.... يعني يا حبيبتي ياعيني يا بنتي مره مزوجه جاي يسلم عليها ليش بت عمه كرايبه شنو تريدين رده فعلي اكلج صدك وشونه سلمتيلي عليه

غرام .... من حجه هيج خلاني اضحك كتله لا بس اعرف اكو امور انت متقبلها صير  بس لازم تسمعها اذا صارت اسد ماريد اخاف احجيلك شي

اسد.... وبعد ماحجه شي

غرام.... ظليت ساكته هزيت راسي محجه شي بعد
شفته ضيق عيونه وسحبله نفس من جكاره كلي احجي شكلج بعد

اني ابتسمت اله ابتسامه البرائه كتله .... كلي حلمت بيج وكلت اجي اسلم عليج

اسد... شحلم بيج
غرام ... مادري والله بس هيج كال

اسد..... شون بله تردين رده فعلي من واحد جان قبل يريدج ويكلج حلمت بيج

غرام... اسد هو مرحله اخير ومو دايما اشوفه اني هاي بصدف اشوفه انت متكدر تتحكم بالولد بشنو يفكر او بيمن يحلم مادام هو ماجاوز حدوده ويايه
وانت تعرف كلش زين الي يجاوز حدوده ماسكتله

اسد... ماشي
غرام....ابتسمت اله لان عصبي بس مسيطر على نفسه كتله... تحبني
اسد... لا
غرام.... رفعتله حواجبي لا بله
اسد.... انتي تحبيني
غرام ... لا
اسد .... ها صار ساعه كاعد واسمعلج وصاير علمودج رجال متفهم منفتح ودكولين لا

غرام .... اي لان اني زعلانه منك بعدني اخابرك اكلك تعال اخذني جاوبني انتي طلعتي انتي ترجعين

اسد.... خليتج انتي ترجعين مو اني اجيت ورجعتج

غرام... اي لان دزيتلك رساله اجيت
اسد.... شكد ظالمتني انتي وداعت جمال بس سديت التليفون جنت ناوي صبح اجيج

غرام.... اي وانت مو كلت بعد انت معليك بيه شسوي اسوي ها

اسد... هاي شوكت
غرام ... بالمشتمل لو نسيت حتى كلت حتى لوتنزعين الحجاب معليه بيج

اسد.... يعني انتي برائيج اني اكدر اسوي هيج بس من شفتج كاصه شعرج مدري صار بيه

غرام.... يعني شعر القصير محلو عليه
اسد... اكص لسان الي يكون محلو عليج غير يموت
غرام .... وبعد ممنوع تروح لصديقك اركان ابو البنات
اسد.... يابه ليش عود
غرام... من وراه صارت المشكله وجان ممكن ننفصل من وراها
اسد.... صار بعد ماروحله
غرام.... وشقه يخلص صديقك علاج ابوه وسلمها
اسد... صار وبعد
غرام.... مادري خل افكر

اسد.... فكري عيني
غرام..... زين انت شنو شغلات الي متحبها بيه
اسد.... اني احبج كلج على بعضج بخبالاتج بتقلباتج المزاجيه
غرام .... ابتسمت اله كتله ... جوعانه

اسد.... يابه طبعا جعتي هو اني يبستي حلكي
غرام..... ههههههه .... طلبنا الاكل وجنت كل شويه اذكر شغله اكولها اله جنت فرحانه لان سولفنا هيح وصلنا لهيج مرحله

بعد العشه ظلينا كاعدين شويه بعدها برجعه اشترينا شغلات نوديها لبيت جدي   وصلنا يمهم عشيره كلها هنا من نزلنا ولد
واكفين سلمنا عليهم ودخلنا جوه الصاله مليانه عمامي وولدهم وعماتي وجدي رحنا سلمنا عليه  هم   رحت على عمتي اخذت جمال كتلها ...خوما تعبج

ام اسد.... والله هسه يله لزمته من اجيت من ايد لايد كلسع واحد جاي كايل اني ماشلته عبالهم لعابه

غرام ..... ههههههه يعني بقيت بس اني مشلته اخذته ورحت كعدت يم رونق كتلها ... منو جابكم

رونق.... جلال .. شو تاخرتوا من شوكت عمتي كالت حيجون
غرام ... اي رحنا تعشينا بره واجينا
رونق.... تطورات يابه
غرام.... هههههه اي شعبالج
رونق.... حجيتوا
غرام..... اي سولفنا اكو امل
رونق.... مادام يحبج اكيد اكو امل يسوي كلشي
غرام .... اي
رونق... باع الوجهه شون يضحك خل نلزم الخشب لانحسدج
غرام..... ههههههه عابتلج نبأ مجايه
رونق .... لا دكيت عليه مجاوب

غرام.... اجه اسد عليه كلي... تعالي حتى سلمين على جده مدلي ايده لزمته وكمت رحنا لغرفه جده دكينا الباب
جده حكمه قافلتها صاحت شكو خبصتوني هسه اجي هي متدري منو يدك الباب

اسد صاح حكمه فتحي الباب لتخافين منشوف جايبه

فتحت الباب جان تباع عليه وعلى اسد كالت هلا جوي الحبايب
سلمت عليه راحت كعد عالجربايه واني واسد واكفين مقابيلها كالت ... ها رجعتي

غرام.... هزيت راسي ب اي جده
جده حكمه ....  عفيه بنيتي صير سباعيه وخلي هو الي يعوف البيت مو انتي

اسد.... ها حكمه وين اعوف البيت
غرام.... لا بيبي ان شاءالله ماكو مشاكل بعد
جده حكمه..... وانتي هم كبري عقلج مو كلشي يصير طلعتي
غرام.... بله متحجين عليه هو اني طلعت من كيفي قابل ... من حجيت هيج اسد باوع سوالي بسيطه
جده حكمه شالت عوجيتها تريد تضربني على رجلي متقبل احجي عليه
بس اسد مد ايدها يمنعها كلها ... خطيه حكمه بعد ماسويها

غرام. .... باوعت على اسد حجيت بصوت ناصي كتله لا عادي اسويها

اسد ... حكمه شعدج كاعده بالغرفه وقافله الباب عليج

جده حكمه ... شلك غرض بله
من ردنا نطلع من الغرفه كالت ... هاج هاي الكم جبتلكم جم شغله بسيطه مناك
شكرتها وطلعنا
رحت كعدت بره اسد جان يسولف ويه عمامي وجان يحجي عالاوضاع مو زينه وحيصير شي عالايام ونقاش بينه وبين عمامي

اني جنت اسمع كلامهم صار عندي اكتأب من وره حجيهم من اسمع اسد يحجي عالاوضاع كلبي ينكرب
واخاف عليه بزايد
.......
رونق.... بيوم الي رجع جدي الظهر خابرني جلال كلي تجون لبيت جدي سئلت امي كالت خل روح نسلم احنا هم فجلال كلي اوصل اهلي وارجع اخذكم
سبحت عالسريع وكعدت اتحضر حتى روح لبست فستان اسود وبي ورد ذهبي  ناعم وخليت مكياج وكملت 
نزلت جوه ننتظر جلال يجينا شويه ودكلي طلعنا اله هو من يشوف امي كلش مؤدب يصير حتى ميباع عليه
وصلنا للبيت جدي ودخلنا سلام وسوالف
احنا دخلنا منا بيت عمي ابو انمار اجويه  مشوفون جلال جان كاعد بعيد عني من شافهم دخلو اجه كعد بصفي وخازر انمار
والي صدمني من دخل انمار وايده ملفوفه كل يسئله شبيها ايدك يكللهم مفصوخه وكعت اني همست لجلال
سويتها صدك وكاسر ايده باوع عليه كلي ....حتى بعد ميفكر ياخذلج صوره
ظليت اباوع عليه هذا اضرب من اسد واني كاعده احجي على اسد وانصح بغرام بس صراحه فرحت

انمار ابد مباوع باتجاهنا اجتي هاله تريد تاخذني للمطبخ
بس جلال كله ... رونق مالج دخل بيها
حتى البنيه فشلت وراحت كتله ... ليش هيج حجيت فشلتها
جلال... خل تولي مارتاحلها

رونق.... سكتت مجاوبته نوب جدي كلسع يباع علينا اني وجلال وكل ميباع علينا اكول هسه يفشلنا كدام الكاعدين بس محجه شي
اجتي غرام يمي كالت حروح اشرب جمال ممه تعالي ويايه
كمت اني وياها رحنا بغرفه هيج بيها نص تخم مثل الهول الصغير خل جمال يمي وكال حروح اجيب جنطه مالته بسياره

بقيت العب ويه جمال وهو يبجي جوعان وكفت  افره
ماشفت الا انمار دخل وكف وسد طريق بعد ماكدر اطلع الا يبتعد اني من شفته مدري ليش خفت يعني يمكن خفت لا جلال يشوفه يمي ويكتله وصير مشكله
بحيث بس شفته دخل كتله.... شكو

انمار .... شبيج على كيفج
رونق... شكو جاي هنا متروح تكعد يم زلم لو متحب كعدتهم
انمار .... رونق صدك تعبت صار شكد اني بس اركض وراج واتوسل بيج كافي عاد

رونق.... انت بيك شي مدشوف حقله بيدي محد كلك اني كاطعه مهر وحزوج
انمار .... اني وياج نجبرنا على هذا خل نحجي لجدي وهو يوكف ويانه

رونق... والله عاد اذا انت نجبرت اني منجبرت على شي

عوفني بحالي انمار سويتها بلا ملح وهاي سوالفك مال ماكدر بدونج ومدري شنو متمشي عليه انت  تسوي هيج عناد بجلال بس كافي متعبت يوميه جاي كاتلك

... هو الي يدخل ميشوفني يشوف بس ظهر انمار  ماسمعت غير صوت  يكول .... تعبت هلكد ماكتل بيك

هو بسرعه التاف جان جلال واكف وخازر انمار اني من شفت جلال رجلي كامت متشيلني
دخلت غرام كالت ... شكو هنا
انمار.... ماكو شي جيت احجي ويه بت عمي شنو ممنوع

جلال.... انت شنو مجوز تريدني اطلع روحك بيدي حتى ترتاح

رونق .... اني جنت اباوع على جلال الي اعصاب صاير بحيث بس كمل كلامه ماشوف الا جلال دفع انمار عالحايط وخانكه بيده

غرام.... عزه شدسون جلال صل عالنبي الامه كلها بره

رونق.... اني بس صافنه عليهم ماعرف شون ماتخربطت من الخوف جسمي كله يرجف واني اشوف جلال خانك انمار وانمار لازم جلال من ايده يدفع بي

غرام.... انمار انت مجوز الا سويلك مصيبه كافي عاد مو زودتها

انمار ... وخر ايدك ولك
جلال.... كم مره اكلك رونق مالك علاقه بيها

غرام ... جلال الله يخليك عوفه والله حيسمعون

اني من شفت جلال صاير اعصاب ووميقبل يعوف انمار عفتهم ورحت ركض لاسد اشرتله بسرعه كام اجاني شاف وجهي يريد يبجي من الخوف
كلي... شكو
اسد ... اسد الحك جلال وانمار يتعاركون

غرام.... ركض اسد عليهم من دخل شافهم ملزمين عاط بيه والكم شكو تخبلتوا

جلال... اسد عوفني اربي هالحيوان
انمار .... ماكو غير

غرام ... انمار قبل مايكمل جملتها جلال نطاه بوكس
بحيث اسد بسرعه جر جلال عنه كله ... شبيك انت اللخ
صاير عود انتو كبار شبيك

انمار... شوف اخوك سويتله جيت اسلم على بت عمي قابل خطفتها

غرام .... هو كال خطفتها جلال عبر اسد ولزمه من ياخته كله ميت مره كتلك متوصل يمها

اسد دفع جلال كله كافي عاد

اسد... انمار لتخليني اطيح حظك والله ان سمعت واصل يم رونق متلوم الا حالك خاف جلال ماموتك اني طلقه وبنص راسك افتهمت احترم نفسك وجر عدل  ولي منا يله

غرام .... طلع انمار من الهول اني باوعت على جلال الي واكف يباع على رونق
اسد كله ... جلال عوفه خل يولي اني اربيه  الك استر علينا لا يسمع جدي وتنفتح علينا باب

غرام .... اشرت لاسد نعوف جلال ورونق لان رونق ماسكتت بس تبجي
رحت اخذت جمال كتله .. كافي تبجين حبيبتي
طلعنا اني واسد بره رحت باوعت انمار ماكو يمكن رايح من بيت جدي

.......
رونق ..... اني بعد صار ماعرف شون تحملت حرفيا نهاريت لان ماعرف اخاف على جلال الي اعصاب صاير لو اخاف احد يدخل ويشوفهم متلازمين لو اخاف جدي يسمع من شفت اسد دخل عليهم وبعدهم اني رتاحيت لان اثنينهم يخافون من اسد
ظلينا اني وجلال اني ماكدر اباوع على جلال ماعرف فشلانه منه مع العلم اني ممسويه شي وبس دموعي تنزل
تقرب مني وسحبني لحضنه اني صرت ابجي بزايد لان حسيت حيعاتبني لان شافني واكف ويه انمار
ظل يمسع على راسي كلي ... كافي مصار شي لتبجين

رونق... هو يحجي واني شهكاتي زيد كتله اني جنت انتظر غرام هو الي اجه

جلال.... ااششش كافي انسي

رونق.... بعدني عنه صار يمسح بدموعي كلي ... كافي تبجين
هزيت راسي ب اي

جلال ... يله تعالي غسلي خاف عمتي تنتبه عليج

رونق ... رحت غسلت وجلال واكف قريب عليه بعدها رحت دخلت كعدت يم غرام
غرام ماكدرت تحجي شي ويايه اكتفت بس لزمت ايدي حيل تحسسني هي يمي حتى لاخاف

كتلها خل نرجع بعد ماكدر ابقى هنا  عاد اشرت لاسد وكمنا كلنا سلمنا وطلعنا
من طلعت جدي صاح عليه وعلى جلال كلنا باجر وره المغرب تجون تجيبها وتجي وحدكم

جلال ... صار جدي

رونق ... طلعنا اني وامي ويه اسد وغرام  بس اسد مارجعنا للبيت اخذنا فرنا واشترالنا شغلات عرفت سوه هيج يريد يغير نفسيتي لان شافني خفت
حتى راد يودينا مطعم بس امي ماقبلت كلتله غير مره بعدها رجعنا للبيت لكيت جلال واكف بالباب
من نزلنا اجه علينا
كال ... لامي  ميخالف اخذ رونق عشر دقايق يمنا بالحديقه بس نحجي لان لازم نعرف باجر شنكول لجدي

امي باوعت عليه كالت يله بس لاتتاخرون
عافتنا ودخلت

اسد وغرام دخلوا جوه اني وجلال رحنا كعدنا بالمرجوحه
قبل ميحجي جلال اي شي كتله ....  خل نزوج بالعطله هاي .. هو تفاجئ بيه بسرعه كال ... صدك

رونق .... اي ... شفته التاف على جهه المطبخ ورد باوع عليه كال... والله لو مو امي بالمطبخ الا ابوسج موتيني  يله وافقتي

رونق.... ابتسمت اله كتله ... احبك واحبك كلش هواي وفد متندمه لان ماحبيتك من قبل

جلال ... اروحلج فدوه اني

رونق.... والله اي موقف يصير الكاك واكف ويايه

جلال..... وابقى عمري كله واكف وياج والله لو بيدي اشيلج بكلبي وماخلي احد يتقرب عليج

رونق.... هسه شون اكوم ابوسه على هالكلام

جلال.... اي تعالي عادي امي تقبل
رونق.... هههههههه يله خل اروح حتى امي لاتحجي

وصلني لبيتنا ودخلني قبل ميروح باسني بوسه سريعه
كلي .... حتى لاضل بنفسي

.........
غرام .... صعدت للغرفه جان  بسرعه بدلت لجمال وغسلتله اسد جان جوه بعده ظليت انوم بي ميقبل ينام شرب الممه وكل النشاط صار عده

صعد اسد فتح باب على كيف من دخل شاف جمال كاعد كال هلا واني افتح الباب على كيف كلت هسه اكيد نايم
كتله... ميقبل ينام اجه خذه مني وكعد يلعب وياه كله ... بابا يوميه بس تشرب الممه تنام اليوم شبيك
... وجمال بس يضحك

اني غسلت وبدلت واخذت جمال احاول انومه بس ماكو ميقبل اني نعست وباجر دوام
اسد بدل واجه يمنا كعد شافني اني بديت انعس
كلي... هااا خير ان شاءالله نعستي انتي

غرام... واني اثاوب كتله اي والله بعد ماكدر خلي جمال يمك والله باجر ورايه دوام

اسد.... لاتخليني افشر  اموتج اذا نمتي وعلي
غرام ... باوعت عليه كتله شكو شتريد
اسد .... خل ينام  واكلج شريد
غرام.... هزيت راسي ب اي  ... جمال ماكو ظل كاعد اني مددت اباوع عليهم ماحسيت الا صبح منبه يدك .... يتبع❤️
...............
حبايب اسفه عالتاخير بس والله صار ظرف قوي كلش وجنت ممكمله بارت  احبكم ❤️💚