رواية حب جنوني الفصل الرابع وثلاثون 34 - بقلم سوزان ليث

نبأ.... سويت مثل مكالتلي غرام ظليت كل كل شغله ينشرها محمد اسوي تاك والله مرات صور عاديه لاكل لسياره كلشي اسوي سكرين فمره نشرت صوره بنيه طفله مدبدبه وكتبت فدوه هو سوالي سكرين للصوره عزه اني كمت اكمز وصار كل مانزل شي يسويلي سكرين واني نفس الشي مره رحنا اني وامي وايمان لبيت جدو دخلنا تفاجئت بي هو هناك اني شنو كمت امشي واتعثر كعدت وره امي ختلت حتى مباع عليه فهو كام دك تليفونه وطلع اني وايمان رحنا للمطبخ يم مرت عمي الصغير صغيره ونحب نسولف وياها وكفت يم باب المطبخ ادور محمد وينه جان اشوفه ديرجع للبيت اني بسرعه طبيت وكفت بصف ايمان هو فات وهو يلعب بتليفون حتى مرفع راسه عليه كلت هذا شبي كلت يجوز لان مرت عمي وايمان هنا رجعت للبيت هم نشرت وهم سوالي سكرين

غرام ... بالليل وره مراح اسد خابرني
الو هلو
ها عيني شونج
زينه وانت
زين (ويسوي نفس صوت غرام)
ههههه لتقلدني
اكلج حبيبي باجر ساعه بيش اوصلج
وين
للدوام
دوام انت مو كلت
اي اي كلت بس ماكدر هذا مستقبلج كلبي مينطيني
والله صدك تحجي يعني تقبل ارجع اداوم
اي حبيبي باجر بسبعه يمج
انت احلا شي بحياتي
لا والله ههههههه

ثاني يوم كمت بدلت وتحضرت ونزلت تريكت وطلعت لاسد الي جان ينتظرني صعدت وصبحت عليه
ظليت طريق كله اسولف واضحك وياه وصلت للكليه كلي كبل لشعبتج مترحين منا ومنا
هزيت راسي اي وسلمت ونزلت
دخلت للكليه خابرت صديقتي وتقابلنا وصعدنا لشعبتنا فسئلتها دشوفين فراس كالت لا
خلصنا محاضره ونزلنا دنشتري شي ناكله شفت فراس واكف يم صديقه بس هاي اول مره افوت من يمه وميجي ورايه كلت يجوز مشافني اشتريت ورجعت كملت محاضرات ونزلت وكفت بره انتظر اسد يجي فراس فات من يمي ومتاكده شافني بس فات وهم كانما مشافني
اني هنا كلت هاهيه اسد مسويله شي بحيث كام يشوفني ومايوصل يمي

اني مو بالي يحاجيني لو لا بس اريد اعرف اسد جاي عليه
ويوميا صرت اشوف فراس ومرات اشوفه يباع عليه بس من اباع هو بسرعه يندار اني كلت هذا اسد شمسويله بحيث هيج ديتهرب معقوله مهدده عزه بعيني والله يسويها

بمره رجعت للبيت وره مرجعت لاسد وعلاقتنا ماكو احلى منها صرت احسه صديق وحبيب واب وكلشي يعني صرت ماضم عليه شي ابد حتى فراس حجيتله كلتله قبل جان بس يشوفني يجي ركض هسه يشوفني يروح من غير جهه
وهو نفس الشي وصرت احسه هو اكثر شخص فاهمني

بمره رجعت للبيت بالخط لان اسد كلي ماكدر اجيج شفت سياره اسد بالباب كلت لعد ليش موصلني دخلت للبيت وشفت امي مستعجله صبنا اكل تغدينا وكملنا امي دخلت بدلت وطلعت كتلها وين رايحه كالت مو دنطلع اني ومرت عمج ومرت اسد دنكمللها تجهيز اني شنو ظليت اباع عليها واحسن نفسي خرسيت امي سلمت وطلعت اني بسرعه دكيت على اسد يدك ميجاوب
دزيتله مسج ميجاوب
خابرت نبأ كتلها وين اسد كالت طلع يوصلهم اني شنوخنجر بكلبي صار زين مو كال ححجي وياها مو كال حفصخ زين ليش يجهزون اني طبعا تقوقعت بغرفتي وبجي بجي
وره ساعه رجع اسد يدك عليه اني شنو بس شفت اتصاله جاوبته طبعا منطيته مجال يحجي وكعت عليه انت جذاب انت واحد متستاهل كلشي اسوي الك انت متحبني تحب نفسك بعد ماريدك روح لخطيبتك كمللها تجهيزها  طلع كله جذب حجي حتى هيج كمت اطلعه من حركه كلبي هو ظل ساكت يمكن انصدم بكلامي كملت حجي كتله باع حتى ماعندك حجي تحجي وسديت التليفون زين انتظري خل يحجي ماكو شمرت التليفون وبجي  وره 10 دقايق الباب غرفتي ركعت اني شنو كمزت شفته اسد يمه اني شفته كمت ارجف هاي اول مره يدخل لغرفتي    واني ماكو زين رونق جوه وينها ماكو اني ظليت اصرخ عليه شعدك جاي هنا اطلع بره ماريدك رجع لذيج
غير اسكت ماكو حجي حجي هو طبعا وكف يم الباب وخال ايده وره ظهر واكف يباع عليه
بالاخير تعبت ونفس الكلام اعيده كلي

اسد .... اني جوه دقيقه واشوفج ورايه

غرام .... عافني ونزل جوه اني طبعا كلت مانزل شيسوي خل يسوي
جان اسمع صوته بصياح غررررررررام
اني كمزت ركض شفت نفسي مخلصه الدرج رحت للهول هو كاعد كتله ها شتريد

اسد... كملتي خبالاتج
غرام ... ظليت ساكته وبس دموعي تنزل
اسد... تعالي يمي خل احجي الصار
غرام ... رحت كعدت يمه كتلها احجي
اسد... اللهم طولج ياروح ترى مادري اني اليوم امي مواعده سرى حتى يرحون للسوك من رجعت للبيت ترى تفاجئت بيها يمنا
غرام ... ياعيني متدري شنوهيج محد ياخذ رئيك
اسد.... لان كل ماتحجي امي اني اكلها موكتها موكتها هي خلتني كدام الامر الواقع ودزت عليها
وسرى ترى اني ممحاجيها صالي كومه

غرام ... زين ليش ماكتلهم اني اريد افصخ ليش امك دتكمل تجهيز
اسد... والله حقج ادري طولتها بس مدترهم احجي اليوم ترجع احجي وياها
غرام ... ظليت ساكته ودموعي تنزل
اسد ... كافي تبجين
غرام ... معليك بيه
اسد.... لا لا لا شون معليه بيج غير انتي حبيبتي
غرام ... ليش من ادكلك مجاوب ودزيتلك مسج مجاوب ها متمتع جنت وانت كاعد يمها
اسد... اليوم منخلص  وروح امي جان عالشحن بغرفتي
غرام .... اليوم تحجي وياهم والله بعد ماتحمل
اسد... ماشي كافي عاد شكد تبجين

غرام ... عدت ايام وبده رمضان رحنا لبيت جدي لازم اول يوم نفطر يمه طبعا اسد فتح موضوع فصخ الخطوبه ويه اهله بس امه ماتقبل وكلتله تريد تفصخ انت تروح تحجي وياهم احنا معلينا

فطلعت ادور على اسد بطرمه لكيته واكف يم محمد فرحت سلمت على محمد دادخل محمد صاحني كلي اوكفي غرام خل اراويج طلع تليفون ونطانياه كلي هذا تعرفيه منو
اني باوعت سناب وسناب نبأ هذا
كتله لا ماعرفه فاسد كله شبيه هذا كله خبلني كل مانزل شي ياخذله صوره
كله بله جيبه خل نشوف رقمه  اسد اخذ تليفون من محمد اني ردت انشل ظليت اباع على محمد وارفعله بحواجبي عزه كلت بسلا اسد يطلع رقم نبأ
محمد من شافني اشر اله بسرعه جر تليفون من اسد كله جيب ماكو داعي عود اليوم ادخل اسئله
اني احس حلكي يبس عفتهم وطبيت جوه
ادور على نبأ  داكللها
فجنت واكفه هسه داحجي ويه نبأ جان محمد يجي يكلي ها غرام شكو
اني طبعا ظليت اباع عليه وشويه على نبأ ماعرف شحجي كتله ماكو شي كلي عرفتي منو هذا مو
كتله اي عرفت
كلي هاله مو اني شنو اباع على نبأ مدتفتهم شنو القصه بسرعه كالت حروح اشوف رونق وعافتني اني ومحمد
كتله لا مو هاله
كلي لعد منو
اني ماكدر اكله نبأ ظليت امتمت بالحجي اريد احد ينقذني
جان يصيحون يله حياذن اني بسرعه كتله يله حياذن عفته وركض جوه
بكلبي كلت خطيه نبأ عود فرحانه لان محمد كام يسويلها سكرين لصورها طلع اصلا عباله هاله

رونق ... بعد الوكعه رجلي ورمت شويه بس عادي يومين وخف الورم  وبعد مارحت لبيت عمي فالعصر جنت ضايجه كلت خل شويه اخبث على جلال رحت طلعت البوم صوره دورت صوره لاجلال من جان صغير لكيت صوره يمكن جان بالمتوسطه عزه شكله يخرب ضحك ولابس تشيرت جبير كلش عليه طكيتلها صوره ودزيتها عالفايبر اله كتبتله تعرف هذا الولد
هو شاف المسج بس مجاوب  وره شويه دزيتله لازم متحملت المفاجئه
جان يدزلي صور الي لاول مره اشوفها عزه كلها تخزي وشكلي يلعب النفس عزه كمت اضحك على نفسي ودموعي تنزل من الضحك
ماكدرت اجاوبه جان يدزلي لازم انصدمتي بشكلج
خوما انطي بنفسي كتله هم احلا من شكلك

ايام وبدت امتحانات اخير السنه كملنا امتحانات وراها اجه رمضان فجدي عنده عاده لازم اول يوم برمضان الكل يفطر بيت جدي كل العمام فرحنا العصر لبيت جدي احنا وبيت عمي ابو اسد دخلنا جان عمامي هنا والبيت هوسه والنسوان بالمطبخ طبيت كمت اسلم  ودايما اول يوم رمضان راسي يوجعني وعطشانه فجنت كلش هادئه تعبانه بكلبي كلت همزين ماكو انمار بس اهله جايين بس حجيت هيج وره شويه دخل انمار وجايب خطيبته
اني سلمت على خطيبته وكعدت بمكاني  بس ابد ماضجت لان شفتهم سوه كانما بطلت احبه
كمت من الاستقبال لان الكل كاعد يحجي واني راسي يوجعني كلش رحت كعدت اكو مكان بيت جدي خالين نص تخم بي يعني هو مو غرفه بس مثل الترك جنت كاعده بي وخاله ايدي على راسي سمعت صوت يكلي
لازم متحملتي شوفيني وياها

اني بسرعه رفعت راسي شفت انمار كتله شنو
انمار .... لازم متحملتي شوفيني وياها بحيث كمتي وكعدتي هنا
رونق... باوعت عليه كتله اصلا اني مشايفتك لا انت ولاهي
انمار ... ليش سوين هيج تعرفيني اني ماريدها بس انجبرت
رونق... والله اول مره اسمع ولد ينجبر على زواج
انمار ... انتظريني والله اني ماريدها بس ابويه
رونق... دافوت جان يلزم ايدي يكلي شنو بينج وبين جلال اني ردت اضوجه او اخلي يبتعد عني كتله احبه وهو يحبني  عندك مانع عفته ورحت رجعت للاستقبال

صار نصبو الفطور وكلنا كعدنا سوه ننتظر الاذان الكعده كلها اني مدنجه اريد افطر حتى اخذ حبه مال راس اذن وبدينا ناكل فاني اظل كلسع اشرب ماي ماكل شي بس اشرب ماي لحد ما بطني تريد تنفجر بسرعه كمت اول وحده رحت غسلت وطبيت لغرفه بيبي مددت  لان راسي دمرني وغفيت حسيت الباب غرفه نطبكت حيل حسيت كعدت كمت عدلت نفسي ادور على شالي ماكو اني من نمت خليته بصفي ماكو اختفى طلعت الغرفه رحت للمطبخ البنات كلهم هناك كتلهم منو ماخذ شال مالتي محد ماخذه هذا وين راح رجعت للغرفه ادوره ماكو
دافوت جان واحد يجلب برد القميص شفت جلال كتله ها شكد اكره هالحركه من يلزمني من رداني
كلي
جلال... طالعه سفري
رونق... شنو
جلال.. وين حجابج
رونق... اني ادري منو اخذه جان يمي بالغرفه وماعرف منو اخذ
جلال... سئلي البنات
رونق... محد ماخذه دادورعلى ايه اخذ منها حجاب
جلال ... دفوتي للغرفه هسه اني اجيبلج منها وين رايحه جوه الكل كاعده
رونق... رحت دخلت لغرفه بيبي دورت حجابي هم ملكيته هذا وين راح اختفى
شويه واجه جلال دك الباب ومد راسه نطاني حجاب جايبه من ايه مرت عمي

لبسته وطلعت رحت كعدت يم امي بالاستقبال جان الكل كاعد دالعب بالتليفون جلال دز مسج كاتب📱 غيري مكانج
اني رفعت راسي جلال كاعد بعيد عني يعني مكاني عادي شنو اغير مكاني حتى انمار بعيد عليه
مهتميت ظليت كاعده جان يجيني مسج ثاني منه كاتب 📱شكلت اني

اني كمت وطلعت اصلا رحت بالمطبخ

نبأ... كاعده بيت جدي اباع على محمد شكد حلو يربي حتى من ياكل شون مرتب وانيق
شال راسه صارت عيني بعينه اني بسرعه دنجت وره الاكل كعدنا الكل يسولف اني ظليت ادور محمد ماكو كمت كلت اشوفه بره بالحديقه مديت راسي شفت منظر ظليت مصدومه محم.............يتبع ❤️
££££££
مرحبا
للكل ديسئل عن النهايه ان شاءالله هالايام وتخلص 😒