رواية حب جنوني الفصل السابع 7 - بقلم سوزان ليث

ثاني يوم صبح بدلت لبس المدرسه واكفه عالمرايه وكلسع اداوم لا اداوم لا اذا اداوم اكسب دراستي ومستقبلي واذا ماداوم اكسب اسد اثنينهم محتاجتهم بس اختنكت من تحكمات اسد ماكو بالاخير قررت ما اسمح لاسد يمحي شخصيتي نزلت تريكت امي تباع عليه جانت مراضيه على الي داسوي بس اني جنت اريد اثبت نفسي كدامهم عود كلمتي هي التمشي مو كلمته

كملنا ريوك اجه ابو الخط وطلعنا اني ورونق امشي بس خطواتي بطيئه يمكن خايفه منه ظليت اتلفت على امل اشوفه بس مشفته داومت رونق ونبا شفتهم بساحه بالفرصه كعدت يمهم نبا ظلت دكلي اسد صارله يومين نار محد يكدر يحجي وياه وبس يدخن حتى ابويه كله حيصير بيك شي هالكد ما جكاره وره جكاره
كتلها واني شعليه هو دايما هيج اعصاب

نبا : لا غرام والله مو طبيعي جان امي كلتلي صعدي كليله عشه البارحه فتت عليه لكيته ديلعب شناوب ويحسب واصل 67

رونق... عادي هو يحب الرياضه
نبا .... امي كالتلي متعارك ويه غرام
غرام .... هو اخوج يعوف الكل يتعارك بس ويايه
رونق... اي عود ليش من جنا صغار جان بس يحاسبج الج
نبا.... تذكرين من جنا بيت جدو وطلعنا نشتري واسد شافنا جان يجي علينا احنا كمنا نرجف عبالنا حيرزلنا
غرام.... تالي رزلتي بس الي عادي كل مره هيج جان يسوي
رونق.... بس ترى هو يخاف عليج تعرفون ذاك اليوم زهراء بت عمو علي شكلتلي
نبأ.... شكالت
رونق.... دكلي اسد بس يباع عليه نظراته عليه وين ماروح
نبأ..... هههههه خل تولي اسد يموت منها كل ميشوفها يمنا يعوفهم ويصعد بغرفته
غرام..... حتى اني مره شافني احجي وياها جان وراها يرزلني لان واكفه يمها وظل يكلي ميت مره كلتلج متحجين وياها
رونق.... يعرفها مو راحه

اسد.... ظليت منتظرها تجي تعتذر شكد قدمت تنازلات الها اني هاي جاهله هيج سوي بيه كعدت صبح باوعت من شباك الي يطل على طرمتهم ردت اشوفها داوم لو لا طلعت رونق بالبدايه بتسمت كلت مداومت بعدها بشويه طلعت غرام غمضت عيني حيل كلت خلص هي رادت هيج رحت مددت بس جنت نار شابه بيه للاسف هيج تكسر كلمتي كمت بدلت وطلعت لبغداد

غرام مرات الايام تقريبا اسبوع واسد ماكو بدوام  بالبدايه جان ماعندي اي ندم من الي سويته بس من رجع من دوام جنت بيتهم كاعده يم البنات بالحديقه فات سلم عليهن ولا كانما اني موجوده ماعرف ليش ردت ابجي اول مره اسد يشوفني وميحاجيني رجعت لبيتنا ضايجه سولفت لرونق كلتلي انتي مو تردين هيج شكو ضايجه هسه
للعصر كلت اروح اعتذر منه مهما يكون هو كومه واكف ويايه من يوم يومه يدافعلي ويحميني حجيت ويه امي امي كيفت وشجعتني اروح اعتذر منه رحت لبيت عمي سئلت عليه كلولي بغرفته صعدتله دكيت الباب كال ادخل

اسد.... داومت مع العلم جان المفروض اجازتي بس داومت حتى التهي واشيل هالشغلات من بالي لما رجعت للبيت دخلت لكيت غرام كاعده يم خواتي تقصدت اسلم بس على خواتي وافوت  ظلت تباع عليه عرفت نصدمت بجيتي ونصدمت لان مسلمت بس كتلها اني اعلمج
العصر جنت بغرفتي مدد ندكت الباب كلت ادخل وتفاجئت بيها غرام

غرام... هلو عمو شونك
اسد... خير
غرام... طبعا احجي واني احس نفسي خايفه منه لان وره تصرفي ماسوه اي ردت فعل ويايه ... كتله عمو انت زعلان عليه
اسد.... جنت اباع عليها شون تفرك بيدها كلسع تعض شفتها ومتردده بكلامها ونبره الخوف كل ذني ردت اكوم اخذها بحضني نداريت عنها وسويت نفسي ادخن بس حتى لا ركز وياها

غرام... عمو والله اسفه لان عليت صوتي عليك مادري شون هيج صرفت

اسد.... كملتي
غرام... باوعت عليه
اسد.... اذا كملتي طلعي وسدي الباب وراج لان انتي هسه بالنسبه الي شبح مموجوده
غرام.... نصدمت بي طلعت من غرفته واني دموعي تنزل شون هيج حجه بس ليش ابجي وليش اجيت اعتذرت من اني ردت هيج مو ردته ميدخل بحياتي

مرات ايام واني بين كل فتره اروح احجي وياه وهو ميعيلي اي اهميه وحتى من ننجمع بمناسبه او بالاعياد هو يحسسني اني مموجوده الكل جان مستغرب اسد يعامل غرام هيج ماعدا بنات عمي الي عينهم على اسد جانو فرحانين ودنيا مسايعتهم كمت اذا اعرفه موجود بمكان ماروح حتى لايفشلني رحت للسادس اعدادي

وكلشي متغير اسد ظل هاي سنتين ميحجي ويايه ممعقوله شون كلبه اسود نسى اني منو نسى غرام الي يمشي ويكول هاي اني ربيتها مره جنت راجعه من مدرسه الخصوصي جنت اخذ يمها رياضيات جانت دنيا تمطر رجعت طريق كله ماي ومطر فوك راسي ظليت بالبدايه واكفه ماعرف عليمن اخابر تمنيت لو اسد يحاجيني جان من كيفه اجه رجعني جنت امشي بالكوه المطر ثولني وخايفه على ملزمتي ودفتري يتنكعن فاتت من يمي سياره اسد فرحت وكفت كلت اكيد شافني لان مجان يمشي سريع هسه يوكفلي بس السياره كملت الشارع وموكفلي بهذا الوكت حسيت نفسي ولا شئ معقوله هيج نطاه كلبه يشوفني بالمطر ويعوفني بوكتها كلت هاهيه هو ميريدني اني هم ماريده هذا كله واني اكول عليه اخويه جبير الاخ يسامح اخته اذا زعلت بس هو كلبه حجر اناني يحب بس نفسه شويه وكفت سياره بالبدايه منتبهت بعدين طلع انمار

انمار ... تعالي صعدي شعدج بالمطر
غرام ... صعدت ويه انمار واني عباره عن ماي كتله جنت يم مدرسه وماكو احد يرجعني
انمار... جان خابرتيني شبيج اكو وحده تمشي بهذا المطر
غرام... مادري استحيت
انمار... يابه غرام تستحي من شوكت
غرام... ظليت ساكته ومالي واهس احجي وبارده وصلني للبيت ونطاني علاكه كلي نطيها رونق ابتسمتله لان من يوم الي واحد كام يحب الثاني وهو مابطل هالعاده كل اسبوع يجيبلها حلويات وجباسه وعصاير اخذت العلاكه وطبيت للبيت باوعت سياره اسد واكفه رجعت طبيت للبيت

اسد... مرت سنتين واني اجاهلها وبكل فرصه اتقصد احسسها هي مموجوده اكثر من مره جتي اعتذرت وبكل مره افشلها واخليها تطلع وهي تبجي جنت انقهر عليها بكل مره اكو شي يزيد رغبتي بيها وبكل مره اشوفها احس كلبي يرجف وهي كبالي وبكل مره احس خوفي الها اكبر من اليوم القبله مجنت اتمنى هيج نوصل حتى واني مسوي نفسي ماحجي وياها بس جنت دايما اعرف اخبارها حتى من راحت سادس اني لكلت لعمتي توديها مدرسه خصوصي بالرياضيات لان عدها ضعف بي اني الي جنت مسؤول عليها صح هي متدري بس اني هيج ارتاح حتى من تنجح اشتريلها هديه بس اخلي امي تنطيها الها عساس هي جابتها مره جان مطر كلش قوي وجنت اعرف غرام اليوم عدها درس طلعت بالمطر ظليت متانيها كبال بيت مدرستها طلعت بالبدايه ظلت واكفه بيدها تليفونها وتحاول تغطي بدفترها حتى ليتبلل وراها ظلت تمشي خابرت انمار كتله تعال لغرام ودليته ووصيته ميكللها اني جبته ومن عرفت انمار حيوصللها فتت من يمها ابا ع عليها ظلت واكفه عبالها حوكفلها عفتها وطلعت كبل
للبيت فتت وهي شويه وفاتت خابرت انمار شكرته

&&&&
رونق .... من يوم الي عرفت انمار يحبني وهو دايما يسئل عليه بالبدايه جان نتخابر على تليفون غرام جنا بس سلام وكل واحد يحجي اليوم شسوه وهاهيه جنت افرح وكلبي من الفرح ماعرف شيصير بي لمن احجي وياه او اشوفه وراها صار عندي تليفون ظلينا نحجي ونتراسل قوت علاقتنا كلش كمت ماكدر اذا ماسمع صوته وهو نفس الشي بيوم العندي امتحان ميخابرني حتى اظل اقره دايما يشجعني على القرايه احبه احب خوفه عليه وغيرته كلشي بي حلو من يوم الي عرفت بي يحبني كلي انتي مسؤوليتي ومن صدك صرت مسؤوليته امه حجت ويه امي وكلتلها من تخلص مدرسه الله كريم

&&&&&
هاله... مانجحت هالسنه وعدت السادس هسه صرت ويه غرام بنفس الشعبه  صح اني مو كلش بالدراسه بس ماكدر اعوفها واكعد بالبيت محمد علاقتنا مو كلش لان صار يلح كلش وغيرته زايده دضوجني وكلسع ويريد يجي يخطب صح احبه بس ماريد من هسه ارتبط

&&&&&

غرام ... مرت ايام واني التهيت بقرايتي تعبت كلش هاي الفتره جنت بس اقره نسيت سالفه اسد وفقدت الامل منه كافي كم مره اروحله ويذلني ويفشلني بمره جنت مريضه كلش فلاونزا قويه امي ودتني للدكتور ونطاني ابر فجانت مرت عمي تعرف تضرب ابر فرجعنا رحنالها فتنا اني جنت خامله الفلاونزا كاتلتني فات اسد سلم وكعد اني جنت كاعده حتى من سلم مارديت عليه لان اعرف سلامه بس لامي
ظلت امي دكله مريضه وفلاونزا فمرت عمي صاحتني للغرفه تضربني ابره رحت ضربتها وطلعت وكفت يم الباب كتلها يله امي خل روح
ندار اسد عليه باوع عليه بنظره مقهور عليه لان مريضه بس اني اجاهلته وطلعت وحتى ماسلمت عليه

اسد.... دخلت للبيت ولكيتها كاعده وجهه اصفر ومدثره كومه لابسه هدوم وذبلانه ظليت اباع عليها اريدها صعد راسها عليه امها كلتلي مريضه وفلاونزا وهسه رجعنا للدكتورالمشكله رجعت ظليت اباع عليها اريدها بس تباوع اريد اكلها بيه ولا بيج بس اجاهلتني وطلعت
وفوكاها هي ام الراهي

..حضرت الزعلان ... بيش مزعلك... آنه المداريك اكثر من هلك
تجرح وتقسى وشغلتي استحملك....
شويه خل احجي الحجي مو كله الك....
بحظك وبختك كلتلك فديوم لا !!!
من عرفتك صرت خيط بمغزلك ....
تؤمر وتنهي وتريد وماتريد ....
والحرام الما يحل حللته الك....
المشكله التعزه يتعزز عليك .... والتصير وياه سهل يستسهلك..

.....
هاله... جنت داقره اجاني مسج من محمد اريد احاجيج رحت قفلت الباب ورجعت دكيتله

محمد... الو
هاله ... هلو شونك
محمد... انه موزين
هاله... ليش
محمد... ولج ظالمه النفس يومين انه ماكو ماظل بالج عليه ماكلتي وينه ليش مايخابر هيج انه مو مهم عدج
هاله... ظليت ساكته بعدين كتله عندي امتحانات وملتهيه
محمد... هاله شوفي كلشي ردتيه داسوي الج كتيلي ماريد ازوج هسه كلت ميخالف كتيلي خل نتعرف على بعض كلت ميخالف واني هاي السالفه اكرها
كلشي ترديه داسوي بس انتي شنو القدمتي الي
هاله.... محمد كل مره تحجي ويايه نفس الحجي اذا معاجبك هذا الوضع مجابرتك تبقى
محمد.... هيج هاله ماشي وانه معاجبني الوضع ماشي كل يوم تتغيرين واكول يله ميخالف امتحانات وقرايه وانطي اعذار بس لهنا وخلص مو انه الي تجي مره تهيني ويابت عمي منا وهيج انتي بت عمي وبس سديت تليفون وركعته بالحايط انه هيج سوي بيه هاي البت الكلب انه علمج والله لاخليج تبجين دم عليه بسيطه خرب كلبي الي حبج
طلعت من البيت واني روحي وصله لخشمي ظلت افتر بشارع ماعرف وين اروح خابرت اسد كتله اريد اشوفك  شويه ورحنا اني وياه بكهوه كعدنا شافني ضايج

اسد.... خير هالمره على شنو مزاعلين
محمد.... انعل ابو الحب يابو الي يحب لك هو شلعان كلب واحد ليش يجيبه لنفسه ها ليش شنو المستفادين منه غير القهر والحسره والعذاب من انعل ابوه لا اريده بعد ولا اوصل يمه

اسد.... جريت نفس من النركيله كتله ياما كلتلك ياابن عمي بس انت ماتسمع مني
محمد.... اسد احبها مو بيدي
اسد... من البدايه كتله هاله مادام تمشي ويه زهراء حتغير اخلاقها وانت جنت دكلي لا وشوف هاي سوالفها سوالف زهراء
محمد.... كلي شسوي اريد اكسر خشمها لك والله على عصابي كاعد بودي اروح اسحلها من شعرها واظل اضرب بيها واطلع هذا القهر كله
اسد.... عوفها خلي تعرف قدرك ولك انت زلمه مشورب هاي سوي هيج بيك اجاهلها وبس واخذها من هاي شوارب اذا ماتجيك تتوسل

محمد... مثل ممجاهل غرام
اسد.... جريت حسره كتله سالفتي تختلف عن سالفتك
محمد....  ماتختلف انت مثلي واكع بس واكع من زمااان مو هسه
اسد.... شتحجي انت يولي ماتعرف علاقتي بيها شنو
محمد ... عليمن جذب انت ولك انه اعرفك اكثر من نفسك
اسد.... اااااه الكل دنيا فهمت الا هي
محمد... بعدها صيحلك عمو
اسد.... اي بعدها غير لو بس صيحلي بااسمي لو مره وحده جان اووووف اسكت خرب بيك بالكوه تخليني احجي المضموم هنا واشرت على كلبي
محمد.... وانه ماعرف عساس والله انت حالتك حاله
اسد... سد السالفه تعال خل نطلع باجر لبغداد والله انسيك عشيرتك مو بس بت عمك
محمد... مالي خلك يمعود

&&&&&&
رونق ... كاعده بالغرفه وغرام كبالي كاعده جنت داقره دك انمار عليه
بسرعه جاوبته الو
فديت الو وكل من كال الو
هههههه نمررررر
عيونه وكلبه
كافي عفيه اخجل
غير اموت على هذا الخجل شدسوين حبيبتي
عندي امتحان باجر يومي جاي اقره
اجي اقريج
لا شكرا ههههههه
يله روحي كملي قرايتج من تكملين كليلي
سديته ولتافيت شفت غرام صافنه عليه
شبيج غرمرم

غرام.... مابيه تعرفين اليوم شفت اسد بس هالمره اني اجاهلته
رونق .... لا اسد فضيع صالكم شكد على هالحاله تدرين شي بس يعني مرات افكر بيني وبين نفسي
وخاصه من شفت انمار شون يغار عليه ويخاف عليه ودايما يوصيني شغلات اجنبها

غرام... اي شتفكرين
رونق.... تذكرين ذيج المره تعاركنا اني انمار علمود كتله حروح يقريني فهد
غرام .... اي ظليتوا شكد متحجون
رونق.... بوكتها كتيلي انمار يذكرني باسد سوالفه مال مخابيل
غرام... اي مو ابن عمه يشابهون
رونق.... مسئلتي ليش اسد يسوي هيج يعني اني انمار اعرفه يحبني فيغار عليه طبيعي هذا الشي بس اسد ليش دايما جان من يشوفج واكفه يم احد يصيحج لو يرزلج
غرام..... ظليت ساكته افكر بكلامه كتلها يعني قصدج اسد يحبني
رونق..... هيج اني فكرت
غرام.... لا شيحب انجبي بعدين هو كومه عده حبيبات
ولي ولي لاتخليني هيج افكر وعفتها وطلعت من الغرفه ظليت افكر اكول معقوله بس ليش محسيت بي
رونق... طلعت غرام شويه ودخلت دكلي
غرام... خرب بيج رونق خليتيني افكر بهيج شي
رونق.... ههههههه

غرام.... رجعت اقره بس بالي مو يم القرايه بالي افكر بكلام رونق
ليش منتبهت لتصرفاته حب ذكرت من جنا ننجمع بيت جدي وبس يشوفني اشاقه لو كاعده يم واحد من ولد عمي يضوج ويظل يخنزر واذا لكه فرصه يرزلني شون يخاف عليه واذا سمع رايده شي بسرعه يجيبه بس هو من جنت صغيره ويايه ممعقوله هيج يفكر
نداريت على رونق  . امداج يارونق ليش حجيتي ويايه هيج
رونق... عزه بعدج تفكرين بهالموضوع
غرام... زين شسوي هسه اني
رونق... عندي حل نتاكد منه
غرام... شون
رونق.... باعي باجر مو تر...... يتبع❤️

&&&&&&&&&&&
مرحبا حبايب تفاعلكم ويه القصه حتى استمر وادعموا القصه

وشنو تتوقعون رونق وغرام شون يتاكدون من ابو الاسود ؟؟؟؟؟🤔🤔🤔❤️