رواية حب جنوني الفصل الثامن 8 - بقلم سوزان ليث

رام... زين شسوي هسه اني
رونق... عندي حل نتاكد منه
غرام... شون
رونق.... باعي باجر مو تروحين اضربين ابره
غرام... اي
رونق....انتبهي على اسد يباع عليج واذا شفتي جلال لو فهد ظلي شاقيهم واحجي وياهم هو اذا ضاج مبينه سالفه
غرام.... خرب بيج بيج البلاه
رونق... لا والله من زمان افكر بهذا الشي بس من انمار اجه شفت سوالف نفس سوالف اسد وثبتت الرؤيا عندي

غرام ... ظليت الليل كله افكر بكلام رونق اكو شي بداخلي فرحان ماعرف حسيت غيرته اذا معناها يحبني حلوه مدري شبيه بعدين كلت ممعقوله عزه لامستحيل لعد اذا يحبني صاله سنتين ميحاجيني ولا معبرني
نمت ثاني يوم صبح مداومت جانت الفلاونزا بعدها العصر رحت لبيت عمي اضرب ابره فجنت كاعده بالمطبخ دانتظر عمتي تكمل لف الكبه وتضربني
ظليت احوص اريد اسئلها وين اسد بس استحي منها
ظلت تحجي وتسولف ويايه سوالف يمكن سامعتها 100 مره منها

سئلتها وين فهد كلتلي والله مادري يمكن بغرفته كتلها اريده يقريني عكب باجر عندي امتحان واكو جم شغله مفاهمتها طبعا كذب بس ردت اشوف فهد واحجي وياه واسوي الخطه كالت روحيله بالغرفه فصعدت فوك باوعت غرفه اسد مسدوده ظليت كلت اريده يعرف اني هنا رحت يم باب غرفته ولزمت تليفون عود احجي بي بجذب بصوت بالكي يسمعني وراها رحت دكيت لباب على فهد كال فوت

غرام.... هلوووو وطبعا عليت صوتي حتى اسد يسمع
فهد .... داكول منو هذا المحترمني ويدك الباب
غرام .... هههههههه اكلك فهد عفيه باجر اجيك تقريني شويه عندي امتحان عربي قواعد
فهد.... بفلوس
غرام.... مو زين اني مسلمه نفسي الك ( طبعا اني واكفه يم الباب واحجي جان تنفتح باب اسد حسيته طلع باب الحمام بصف غرفه فهد. اني مباوعت على اسد عود مجاهلته ظليت احجي ويه فهد ونوب ظليت اشاقه وياه واضحك وسوالف كلش سخيفه مضحك بس عود داشوف اسد صدك يغار عليه )
ظليت واكفه من دخل للحمام  وشويه وطلع فات بس سمعته  تنهد وكال استغفر الله ودخل لغرفته وسد الباب حيل اني جفلت زين هسه شنو غار عليه ضايج مني معرفت عفت فهد ونزلت لمرت عمي

شويه ونزل اسد كعد كبالي عالميز بس ظل مدنج يلعب بتليفون اني ظليت اباع عليه شو كمت اشوفه كلش حلو شواربه شعره عقدت حاجبه حركاته وارجع اكول خرب بيج رونق دخلت هالفكره بالي
شويه واجه جلال يظل يسولف ويايه ويسئل فكتله جلال عفيه تليفوني صاير بس يصفن

جلال .... اويلي غرام ذبي صاله شكد عدج هذا
غرام... هو نفسه اسد الجابه الي من نجحت من ثالث .. كتله اي والله امي كلتلي من انجح من سادس جيبلي ايفون وهذا اذبه بزباله
جان اسد يصعد راسه يباع عليه ورجع يلعب بتليفون

مرت عمي كالت لجلال روح جيب صمون للعشه فديطلع كتله جلال الله عليك جيبلي جبس ليز ابو الخل والملح كلش عاجبني ومالكيت احد يجيبلي

جلال.... تدللين عيني ست غرام بعد تأمرين بشي

غرام... لا بس جبس

نداريت لكيت اسد يباع عليه ومخنزر رجعت كلت لعمتي باجر حروح للصالون ويه امي

مرت عمتي ... شعدج
غرام... امي قبلت اكص شعري
طبعا جذب بس ردت اشوف ردت فعله لان هو جان ميقبل اللعب بشعري
مرت عمي ... اي خل تعدل اطرافه يكلج لازم كلش شهر نكص اطرافه الشعر
غرام.... اي عاجبني اسويه كاريه
مرت عمي ... عاد مو كاريه شعرج طويل حرامات تبتري هالكد
غرام... ضوجني والله وراسي ديوجعني هم ثكيل وركبتي هم توجعني من وراه

طبعا احجي واسد بسرعه طلع جكاره كام يدخن خرب بعد شسوي حتى اخلي يحجي حيموتني والله كلت هاهيه شو هذا كلشي سويت وعادي عنده يعني ميحبني
ظليت ساكته مرت عمتي كالت يله تعالي اضربج الابره فرحت ضربتني  وطلعت كتلها حروح يله باي وطلعت جان اسد ماكو رحت للبيت كتلها لامي على سالفه الصالون وكتله كلت هيج حتى اسد يحاجيني فخاف يسئلج كليله اي وغرام  متسمع كلام امي بسرعه قتنعت لان بس تريد نصالح اني وياه

صعدت لغرفتي فتت نزعت عباتي شمرتها على رونق حيل

رونق... اي شبيج كبر
غرام... سويت الكلتي عليه تلوكت لفهد تلوكت لجلال كلت حكص شعري وكلشي مسوه كلشي محجه
رونق... يعني مصارت عده اي ردت فعل
غرام.... كلشي ماكو بس شفته رفع راسه باع عليه ونزله
رونق.... مممم نغير الخطه لعد
غرام... بله اني شعدي ماشيه وياج يعني بالكوه دخلين هالسوالف براسي
رونق.... هسه اني دخلتهن انتي شكو مطلعتيهن وسمعتي كلامي ورحتي لو عدج شي
غرام... انجبي ولج شعندي وياه بس فضول 🙄
@@@@@
اسد ... جنت كاعد بغرفتي سمعت صوت غرام صوتها قريب عالباب كلت اكيد جايه عليه تحاجيني عدلت نفسي وكعدت شو صوتها بعد واسمعها تضحك فتحت الباب داشوفها ويامن دسولف شفتها واكفه يم غرفه فهد وسولف وياه نوب فتحت الباب لابيه ارجع ولابيه انزل جوه واعوفهم فوك تحججت بالحمام وفتت هي ظلت واكفه حتى ملتافت الي خرب رجعت للغرفه بس بس صرت اعصاب شويه وراح صوت فتحت الباب مالكيتها نزلت جوه شفتها كاعده سولف ويه امي
كعدت اللعب بتليفون واني مدنج جنت مطلع الكامره فاتحها عليها لان ماكدر اباع عليه شفتها صافنه عليه وكلسع تندار وترجع تباع عليه مدري اكو شي بداخلي فرحان لان تباع عليه

اجه جلال اخويه سديت الكامره لان صار ورايه شو هاي ذابه ميانه ويه الكل خوبن جلال فدنوب بايعتها للميانه واتخبل وميت مره كايللها متطلب شي من احد دكلي اني اجيب الي تريده بس شتطلب واني سلام ماسلم عليه بس من طلبت من جلال لااراديا صعدت راسي خنزرت عليها
وكلشي كوم ومن كالت حكص شعر كوم ردت اكوم اركعها بالحايط واظل اضرب بيها نوب خبلتي من كالت امي موافقه عمتي شون تقبل تعرف اني كلشي ولا شعرها تكصه شبيت نار

&&&&&
رونق ... دكيت على انمار اشوفه اليوم مختفي دك تليفون وماكو رجع دكلي
-الو
-فديت الو يارويحتي
-هههه شونك نمري
-بخير حبيبتي شونج انتي تقرين رونقتي ترى ماظل شي للامتحانات مال نص السنه اريدج شدين حيلج
- والله داقره بقت يم الله اليوم ماكو مختفي
-  عندي شغل مكوم والله باجر تجين لبيت جدي مو
- والله يانمري مادري غرام مالها خلك ومتريد تروح
- ليش شبيها
- فلاونزا
- مدتاخذ دوه يعني منا لباجر صير زينه مادري قافله دكول ماريد اروح اشوف اسد
- صارلهم شكد ميتحاجون شنو سالفهً
- هو اسد زودها كلش والله حتى ماذكر على شنو زعلو
-ههههههه يصالحون اسد ميكدر اذا ميحجي ويه غرام
- اي ان شاءالله
- هسه باجر تجين واذا على غرام اني هسه ادكلها واحجي وياها مشتاقلج بكد رحمه الله
- ممممم اوكي خابرها وكللها
- وانتي مشتاقتلي
- اي
- شنو اي
- نمرررر كافي
- ههههه باجر اخليج دكوليها بوجهي
- عفيه نمر بلا حركاتك مثل كل مره والله امي كامت شك بيه
-بس خلصي مدرسه والله كريم  هاي منو اجتي غرام
-اي
- نطينياها خل احجي وياها
هاج انمار يريد يحجي وياج

غرام.....الو هلو انمار
انمار... هلو بيج شونج كالو مريضه
غرام.... اي فلاونزا والله
انمار.... لا مابيج غير العافيه
غرام.... الله يعافيك
انمار... اكول باجر تجون لبيت جدي
غرام.... لاوالله مابيه حيل
انمار.... باعي صالي اسبوعين مشايف رونق لتخليني اجي اكتلج هسه
غرام.... داكول دتسئل عليه ومابيج غير العافيه
انمار.... ههههههه اي غير مصلحتي يمج
غرام..... ههههههه مصلحجي ميخالف اذا صرت زينه نجي
انمار.... مو اذا باجر امر اخذكم كولي لعمتي
غرام.... ماشي يله باي

.....
غرام... عمي جان راجع من العمره هو ومرته فجدي سوي عزيمه على رجعتهم جنت ناويه ماروح كتلهم مريضه بس اني جنت ماريد اشوف اسد وترجع افكار براسي
بعدها قررت اروح علمود رونق وانمار لان ذوله طيور الحب هههههه فكتلها لامي خل روح ثاني يوم صبح كعدت سبحت دخلت للغرفه لكيت رونق تختار ملابس
هاي شمسويه هنا
رونق... مادري شلبس حايره
غرام.... كله علمود ابو النمور حسوين شعرج
رونق... لا طبعا مانزع الحجاب نمر ميقبل
غرام.... همزين ربي ماعندي واحد
رونق... عندج اضرب منه حبيبتي
غرام... رونق كافي تحجين بهذا الموضوع الله يخليج من صدك كمت اضوج منه
رونق..... زين بس هالمره نسوي خطه والله اذا ماسوه شي بعد كلش ماحجي

غرام... عفتها ورحت على كنتور ظليت صافنه شلبس طلعت طلعت بنطرون اسود وبلوز وردي طويل وسويت شعري بالكاويه وخليت شويه مكياج خفيف ولابست الحجاب ظليت اباع على نفسي بالمرايه حلو هذا لابسي لو لا وارد اباع بالملابس قاطعت سلسلت تفكيري صوت رونق

رونق.... يله امي دكول انمار بره حنزل اني
غرام... اخذت تليفوني ونزلت طلعنا رحنا للبيت جدي جان نص عمامي موجودين همه ونسوانهم وولدهم سلمنا عليهم وظليت ادور اسد ماكو مموجود فكرت يجوز بدوام بس لا سيارته جانت واكفه باب بيتهم من دنجي لبيت جدي
رحت كعدت اكو فسحه بيت جدي خالين بيها تخم فرحت كعدت بيها جان جسمي تعبان شويه وجتي رونق كعدت يمي وراها اجه انمار كعد يمنا طبعا كعد يسولفون هو ورونق واني ماكدر اكوم اعوفهم وحدهم
ظليت كاعده اباع من شباك يطل عالكراج شفت سياره اسد واكفه بره مدري صار بيه بسرعه كمت بحيث رونق كالت شبيج
كتلها حروح جوه بردت هنا
اخذت رونق وطبيت جوه الكل جان كاعد عمامي وجدي ونسوان طبيت شفته كاعده بصف جدي بس شفته ابتسمت لاايراديا كانما شفت ابويه فتت من يمه كتله هلو شونك
كلي هلا وندار على جدي كلش جان رده بارد ويايه ونقهرت منه

احن لكلبك الماحن....
واتلذذ بهجرك....
والوصل وياك...
واذكرك وابتسم....
وأنوب ارد احزن....

وسلام الرمحك البارد
يالماكتلي اجيك شمالي افشل الروح
ليش اكشخ وانطرك جني متواعد
اذا محتاجتي اتعنه وحرك شوكك الراكد ......

عفته ورحت كعدت يم امي كلش انقهرت منه يعني الي ديسوي بيه مو مال واحد يحب وحده ابد كلبه محن عليه اذا صدك يحبني مشتاقلي مشتاق يحجي ويايه كلت هاهيه يعني هو اصلا مشايفني غير غرام الصغيره خل اشيل كل فكره من بالي غيرها
كعدت وطلعت تليفون ظليت اباع بي واكلب اجتني رساله
قريت اسد يمه كلبي كام يدك بسرعه فتحتها كاتب💬  كومي خلي شي على راسج ..

رفعت راسي عليه شفته كاعده ويحجي ويه جدي وحتى تليفون ماكو بيده واني بسرعه قريت رساله ورفعت راسي شبسرعه ظمه بس كلش فرحت برسالته مشتاقه لاوامره الي وتحكماته بسرعه كمت رحت شلت شعري ولفيت الحجاب ورجعت كعدت عمتي كلتلي شو لابستي الحجاب كتلها بردت فاامي كلتلها فلاونزا خطيه بالكوه اجت

ظليت اباع على اسد بس ابد مباع عليه ولا ندار على جهه الي اني كاعد بيها يربي باوعني لابست الحجاب مثل مردت
رحت كمت كعدت بالفسحه جان مابيه حيل كعدت وسندت راسي عالحايط جنت مغمضه عيوني من واحد فلاونزا بس يريد ينام واني جانت كلش قويه هالمره عندي بحيث كسرتني تكسر

اسد... جان عدنا عزيمه بمناسبه رجوع عمي ومرته من العمره فجدي سوه عزيمه فكعدت صبح سبحت ونزلت اتريك ظليت اسولف ويه ابويه وامي عالدوام وتعب وراها اهلي تحضرو وراحو لابيت جدي اني وراهم بشويه بدلت ورحتلهم فتت سلمت وكعدت احجي ويه جدي شويه ودخلت غرام لابسه وردي وفاتحه شعرها ونوب مريضه وخدودها صايره بالون بلوزها  تقربت مني وسلمت ماعرف ليس رديت برود مع العلم جنت ناوي احجي وياها لما كعدت ظليت اباع عليها شون شعرها نازل على جتفها وسرح بت الاوادم تريد تكص والله احركها اذا لعبت بي انتبهت على واحد من ولد عمي يباع عليها هي ممنتبه طلعت تليفون دزيتلها مسج تلبس شي على راسها هي بسرعه كامت لبست حجاب ودخلت فرحت من سمعت كلامي
شويه وشفتها ماكو والكل كاعد بس هي ماكو

رحت شفتها كاعده بالفسحه مجتفه ومرجعه راسها عالتخم والخدود يمه الخدود مال عظ صايرات رحت يمها شفتها يمكن بعدها مريضه

غرام ....  ماحسيت الا ايد نحطت على كصتي شون فزيت
اسد.... شبيج ليش نايمه هنا
غرام.... ظليت اباع عليه معقوله يحجي ويايه حيل صاله شكد محاجي .. كتله مابيه حيل فلاونزا دمرتني
رد خله ايده على خدي ديتحسس الحراره
اسد... كومي نامي بغرفه جده وتغطي
غرام.... اني جنت صح فلاونزا بس مو فدنوب فدنوب كتله مابيه حيل عوفني هنا وحجيتها مال وحده مسكينه حتى اقهره عليه 😂

اسد.... دكومي ياعيني هنا بارده عليج
غرام..... كمت ولازمت ايده من داكوم عساس كلش مابيه حيل
اسد.... روحي نامي هسه اجيبلج دوم من جده
غرام... رحت لغرفه جده حكمه واني حاصره ضحكه خرب بعده يخاف عليه بعده مهتم بيه اريد اكمز نزعت الحجاب ومددت عالجربايه وتغطيت هو شويه وفات عليه جايبلي دوه

اسد... كومي اخذي هذه الحبايه
غرام... لا ماريد
اسد... كومي داكلج
غرام ... كمت اخذتها وخطيه حايبلي كلاص ماي شربتها ورجعت مددت
اسد... اجيبلج الصوبه هنا
غرام.... لا ماريد
اسد... دنامي شويه اذا احتاجيتي شي دكي عليه ماشي
غرام... هزيت راسي اي عساس مابيه حيل احجي واني اريد اكوم اركص
ظليت بالفراش ودافي جان فغفيت حسيت واحد يوخر شعري من وجهي بس مفتحت عيوني لان شميت عطر اسد عرفته هو
وخر شعري وخله ايده على خدي وكصتي وباسني من راسي عزه اني كلبي دك دك ذك دك كل قوته يربي شون حنيه عده ورد طلع

اسد... ماتحملت اشوفها هيج مريضه اخذتها لغرفه جده ونامت رحت لجده كتلها اريد حبايه براسيتول نوب عرفت لغرام ظلت دكلي يمه يداري مريته اخذتها منها ورجعت انطيتها دوه ورجعت وره شويه شفتها نايمه اباع خدودها حمر يمكن من صخونه شون برائه عده شون كدرت ازعل منها بست راسها وطلعت اووف ياكلبي حتخبلك عالطفله

غرام... ظليت ممصدكه اسد هيج يحجي ويايه ولا رجع اهتم بيه شويه وكمت عدلت نفسي ولابست الشال ورجعت كعدت يمهم بالاستقبال اول مافتت شال راسه عليه فجان اكو مكان بصف جدي رحت كعدت يمه ومن جهه الثانيه ابن عمي بصفي والجهه يم جدي الثانيه كاعد اسد
ظل جدي يسولف ويايه وشونج بالدراسه ومن هالحجي بعدين جاني مسج من اسد 💬 كومي كعدي بغير مكان
ظليت مستغربه ليش يريدني اكوم نوب جدي بعده يسولف ويايه مو مال اعوفه واكوم فجنت داباع على جدي من يحجي واسد بصف جدي اني تركيزي على اسد وشويه على جديد
باوعت اسد يمسح وجهه وشو عبالك ضايج شويه واسد كلي ......يتبع❤️
&&&&&&&
كل عام وانتو بخير سنه سعيده عليكم الله يحقق كلشي الكم بهذا السنه
وتكون سنه حلوه عالجميع 🙏🏻

تفاعلكم ويه القصه وكلامكم الجميل الها كلش يفرحني
لتنسون دعمكم للقصه حتى استمر ❤️

شكرا الكم
سوزان ليث😘