رواية حب جنوني الفصل السابع عشر 17 - بقلم سوزان ليث

وراها صار العشه تعشى ويانا فديطلع سلم وكلي غرام تعالي اريدج بشغله فطلعت وياه للطرمه
ندار عليه وطلع جكارته واني صافنه على حركاته
جر نفس وكلي
اسد... اي احجيلي منو هذا المكروه
غرام... ظليت صافنه عليه مدافتهم شديقصد كتله شنو مدافتهم
اسد....الي مضوجج بحيث صاير مكروه احجي منو هذا
غرام.... بعدني مداستوعب شنو يقصد كتله اسد والله مدافتهم منوه المكروه
اسد.... غرام لتخبليني صبح من جنتي تحجين ويايه المن شفتي وكلتي عليه مكروه
غرام.... هو ديحجي اني ذكرته كلت خرب كتله وانت نزلت مناك لهنا بس حتى تعرف
اسد... طبعا منو هذا احجي
غرام... اسد والله ماعرفه اني بس واحد ذاك اليوم صار وياه موقف وراها جلب
اسد.... اي احجيلي سوه
غرام... حجيتله الصار من البدايه لحد مشفته اليوم
اسد.... وهو منو حتى يفتح لوكرج
غرام... عزه اسد لصيح والله ماعرفه شبيك والصار حجيتلكياه
اسد.... لا محجيتيلي صبح جم مره سئلتج وانتي ظليتي دكليلي دكتور وماحبه وسويتيلي فلم
غرام... هسه شنو كلبت عليه اصلا كلسع اريد اكلك بس اذكر انت بدوام ماريد اضوجك كلت من ترجع اكلك
اسد... ماشي غرام
غرام... شو هذا كلي ماشي وطلع وركع الباب وراه حيل خرب هذا شبي قابل كلتله صادقته صدك جذب شهالتصرفات

عفته ودخلت جوه صعدت فوك كعدت اقره واصفن كملت كمت حضرت ملابسي وكعدت فاتت رونق نامت اني نزلت جوه ماكو احد امي بغرفتها دكيت على اسد دك دك دك مجاوب
مره ثانيه وثالثه كله ميجاوب دزيتله مسج عالفايبر

هم شاف الرساله ومجاوب كلت وووو هذا زعل وتعال شوكت يله يحجي ويايه خرب واني قبل مجان بينا شي ظل سنتين ميحجي ويايه عاد هسه بيناتنا علاقه خرب حظي هذا لساني لو بس يسكت
كمت اسب فراس وانعل بي كله من وراه الصار
رحت بالكوه نمت كعدت صبح كلت اكيد هسه هو يوديني للجامعه كمت بسرعه غسلت وبدلت وتمكيجت وتعطرت ونزلت جوه انتظر انتظر ماكو تالي دكلي الخط وطلعت يعني محيوصلني لان اذا يوصلني هو يدك عالخط يكله لتجي صعدت للخط واني ماده البوز باوعت سيارته ماكو يعني طالع كلت عزه يجوز التحق

دزيتله رساله 💬 صباح الخير
فشلني ومجاوب كلت ووو شهالبشر كله لان كذبت عفته لتهيت اراجع جان عندي امتحان
وصلت للجامعه فتت جوه جنت انتظر محاظرتي دك تليفوني
شفته اسد يتصل عزه اني كلبي مصدك بسرعه شلته
الو
انتي وين ( طبعا يحجيها بحده وخشونه)
بالكليه
اي اعرف بالصخمان وين بيا مكان
طبعا اني كمت اتلفت منا ومنا كتله اني يم المكتبه الي بالممر  كاعده كبالها داقره 
طبعا سده بوجهي كلت خرب شون بي ظليت كاعده وكلسع اتلفت منا ومنا ادور على اسد شفته اجاني جان لابس بدلته العسكريه ولابس مناظر الكل الواكفين نظراتهم عليه من يمشي شخصيه وطول والبدله شون كاعده على جسمه اجاني وكف كبالي
كلي يله كومي
كتله وين
كومي شوفيني هذا الساقط
طبعا اني مدري افرح لان يغار عليه مدري اخاف
كتله اسد حبيبي شتريد سوي خل يولي وبعدين اني والله ماعرفه وين ولا وين يداوم
اسد... ماشي كومي يله احجي واني مشتعل نار داشوف ياهو الامه داعيه عليه الي يتحارش بغرام
غرام... كمت اكلك اسد وين رايحين محاضرتي بعد دقايق
اسد... ماكو محاضره امشي
غرام... شحيخلصني اليوم اسد خل اروح اكول لصديقاتي محدخل ذني واكفات هنا
اسد.... امشي يله منتظرج هنا
غرام .... رحت على ساره جانت دسولف ويه جم بنيه ويانه كتلها اني محفوت هنا حروح ويه ابن عمي
طبعا ظلن عزه هذا شكد حلو وشون شخصيه وهي دكول فدوه اله للزي اللبسه ضجت منهن كتلهن يله باي وعفتهن رحت عليه
كتله انت ملكيت لبس غير هذا

اسد.... وشبي هذا ست غرام
غرام... مابيه وين حروح
اسد... اخذتها وظلينا نتمشى بالكليه وكلسع اكلها شفتيه
غرام... مشاني الكليه كلها وياه مجموعه ولد يكلي موجود هنا ومن صدك ماشفته اليوم ذاك وحتى اذا اشوفه مستحيل اكله ليروح يسويلي سالفه
اسد ... مدكليلي وينه اختفه خوما اختفى
غرام... اسد والله تعبت خل نطلع عاد
اسد... ماشي امشي

غرام ... طلعنا الحمدلله وماكو ذاك رحنا للكراج اخذنا سيارته وطلع الطريق كله ساكت
كلت خل افتح موضوع وياه
كتله ماريدك تزعل مني والله بعد ماضم عليك شي
اسد... واذا ضميتي
غرام... ابد والله ماضم وعد
اسد... ماشي نشوف
غرام... يعني مزعلان مني
اسد... لا زعلان
غرام... يووو اسد داكلك والله بعد ماضم
اسد.... تريدين صالحيني
غرام... اي
اسد... من ارجع للبيت اعلمج شون صالحيني
غرام.. شون
اسد... من نرجع

غرام ... عفته مالحيت عليه وصلت للبيت فنزلت سلمت وداطب لبيتنا نداريت عليه كتله انت ليش لابس عسكري وجيت

اسد... حتى ادخل بدون محد يحجي

غرام ... ضحكت على سوالفه وطبيت رحت غسلت وبدلت ونزلت تغدينا وصعدت خابرت صديقتي همزين الدكتور مأجل الامتحان
وكعدت تتغزل باسد وراها كعدت اكلب بتليفون كلت اتحارش بااسد دزيتله مجاوب دكيت عليه نفس الشي مجاوب عفته كلت يجوز نام

للعصر رونق كالتلي حروح على نبأ تجين كتلها اي اجي بالي مو نبأ بالي اشوف اسد
رحنا جانت عمتي وجلال واسد كاعدين سلمنا عليهم وسئلنا عالبنات كالو فوك فصعدنا
ظلينا نسولف ويه نبأ وايمان جتني رساله من اسد 💬 تعاليلي اني بالغرفه

كمت احوص بس اريد اكوم كتلهم حروح للحمام عفتهم وطلعت رحت لغرفه اسد دكيتها وسمعت صوته ادخل
دخلت مديت راسي كتله هلو
اسد... هلا تعالي
غرام.... لا ماكدر كتلهم حروح للحمام
اسد... تعالي لاجيج
غرام... طبيت ورحت يمه خليت ظهري عالكومدي كباله صرت كتله اي شونك
اسد... شو تحجين ويايه عادي
غرام... اي لعد شسوي
اسد... ترى بعدني زعلان
غرام... ابتسمتله ومديت ايدي كرصته من خده كتله انت كلبك جبير متزعل مني
اسد.... بيعيهن يم غيري
غرام... ههههههه مو صالحنا بعد شكو
اسد..... جريتها عليه كعدتها بصفي  بستها من خدها ... تعرفين شون صالحيني
غرام... شكد ماسوي نفسي قويه كدامه بس من اصير قريبه عليه اضعف واصير بكد النمله ... لا شون
اسد... قربت على وجهها وطبعت بوسه خفيفه على شفتها خوفها ارتباكها توترها كله احبه .... شبيج
غرام...  مابيه ... طبعا كلبي يدك سريع كمت اتنفس سريع  وجهي الي صار نار من قربه
اسد... همست باذنها بعد مظمين عليه شي مفهوم
غرام... هزيت راسي اي
وراها رحت للغرفه عالبنات طبعا يحجون واني سرحانه بحبيبي وكلسع اتلمس شفتي وابتسم مثل المخبله 😁

نبأ كاعده كالت تعالو نلعب لعبه
رونق... اي شنلعب
نبأ .... نلعب صراحه لو جراه
رونق.... اي يله  غرام تلعبين
غرام... لا ماريد
نبأ .... دتعالي من نصير هوايه صير حلوه
غرام ... ماشي كمت كعدت وياهم بالكاع وبدت نبأ تفر البطل فكل ميصير البطل عليه يسئلوني صراحه لو جراه اكللهم جراه
بالاخير رونق كالت كافي كله جراه غيري فكتلهم يله صراحه
نبأ كالت واخير حسئلج

نبأ... غرام انت واسد بيناتكم علاقه يعني واحد يحب الثاني

غرام... ظليت اباع على نبأ واشوف رونق مستغربه من سؤال نبأ
قبل ماجاوب كالت ها ترى من البدايه حلفنا عالصراحه
شجعت وكتلها اي

رونق... صدمتني من كالت اي ظليت اباع عليها ومستغربه
كتلها شنو اي
غرام.. جريت حسره كتلهم اسد اعترفلي بحبه واني هم
رونق... مستحيل وليش اني مادري
نبأ .... جنت متاكده من هذا الشي
غرام... ماريد احد يدري كتلكم لان انتو قريبات عليه حيل
ظليت اسولفلهم شون بدت علاقتنا وشون اعترف واهنا بس ابتسامتهن على وجوهن كانما احجي فلم او مسلسل

ثاني يوم اجه هو وصلني ورجعني وطبعا كلسع يكلي شوكت زعليني حتى صالحيني وكلسع يخجلني وراها التحق واني التهيت بدوامي وامتحاناتي وعادي مشت الايام مره ينزل مره يلتحق

مره مرت عمي الصغير جابت هذا عمي عايش بيت جدي المهم رحنا اني وامي ورونق نبارك وصلنا للبيت لكينا بيت عمي ابو زهراء هنا فطبينا سلمنا عادي وكعدنا

وطبعا زهراء متكدر اذا متوزع سمها اجتي يمنا اني ورونق كعدت سولف وتحجي عن انجازاتها وهي اكبر فاشله بالدنيا
فالكاعدين ديحجون على الاوضاع وجدي ديكول والله يظل بالي على اسد من يلتحق فزهراء ندارت عليه كالت بارحه جنت احجي وياه بالليل خطيه جان تعبان كتله حبيبي روح نام بعدين نحجي بس هو كلي ماريد انام واعوفج

اني ظليت اباع عليها اعرفها جذابه ضحكت بكلبي ردت اكلها شكد جذابه انتي بس سكتت
رونق كلتلها  انتي تخابرين اسد كلتلها اي يوميا ومرات هو يدكلي

اني باوعت على رونق بمعنى شكد جذابه وعفناها رجعت للبيت فدكيت على اسد ماكو مغلق جان المفروض باجر ينزل وراها نمت ثاني يوم مداومت لان جانت اكو عزيمه بالشعبه ماتي معجبني اروح
فدكلي اسد كلي وصلت اني شويه واجيج
جان بالبيت ماكو احد امي رايحه لسوك ورونق بالمدرسه
فيعني اسد يجي عادي للكل بس من صرنا اني وياه علاقه كمت كل تصرف اصرفه احسب حسابه وخاف ليشكون واني اعرف محد يشك

شويه واجه فتحتله الباب فات بالطرمه حضنته جنت مشتاقتله كلش وظليت حاضنته وهو طويل فاني اوصل يادوب لصدره هو مدنج خال راسه بشعري ويبوس براسي

اسد... حبيبي وين عمتي
غرام ... امي بسوك
اسد.... بسوك ولج غير دكولين رجعت جريتها بحضني ولج شكد مشتاقلج
غرام.... تعال فوت جوه
اسد.... لا وين افوت ستري عليه انه رجال فقير ماتحمل اني وهالجمال الوحدنا
غرام.... ههههه اسد
اسد.... مشتاقلج حبيبي
غرام..... اني هم شكلك تعبان
اسد.... اي والله منايم من البارحه
غرام... دروح نام حبيبي ارتاح
اسد.... اي والله دتعالي بيتنا شعدج باقيه وحدج هنا
غرام... والله عساس يعني انت لوتي مو عمتي هم ويه امي بسوك وخواتك بالمدرسه يعني مسوينا شي هم ابقى اني وياكوحدنا
اسد... لا مو وحدنا الشيطان ثالثنا 😉
غرام..... هههههه اااااااسد كافي
اسد.... يله ماشي سدي الباب وقفليها ولتفتحيها لحد لاكسر راسج مفهوم
غرام.... اي مفهوم بس يريد يكسر
اسد... ترى اكصه
غرام.... شنوه
اسد... هذا اللسان الفرحانه بي
غرام.... هههههه ديله روح ارتاح

راح وراها اني رجعت اقره عندي امتحان باجر وداريد اكمله طبيت جوه شويه ودكلي اسد جاوبته الو
-ها حبيبي
-ليش مانمت
-من ترجع امج انام خاف يصير شي واني نايم
-يا عمري شيصير قابل يدخلولي حراميه
-كلشي يصير مايجيني نوم وانتي وحدج لو بيدي هسه اجيبج يمي وانومج على ايدي واحضنج لحد ماكسر ضلوعج
- ممممم اكلك سوسو
- منو هذا سوسو
- انت دادلعك
- بله غير هذا دلع تخيلت مسوي شعري بشرايط منا ومنا
- ههههههههه والله حلو
- غررررررام
- ماشي شكلك لعد
- اي شي بس سوسو وتوتو وموتو بطليها
- ههههههه اي لعد اكلك اسو
- والله حجيج واراويج الاسو شيسوي بيج
- هههههههه اوكي اسدي اكلك
- اي كولي شرتي تحجين
- ها اي جان نسيتني ذاك اليوم شفت زهراء
- اي شبيها
- دكول اني واسد يوميا نتخابر وحتى هو تعبان ميكدر الا يسمع صوتي
- اي وشكلتيلها
- ماكتلها اعرفها جذابه
- ها
- شنو ها تخابرك هي
- اي تخابرني مرات
- لا والله شو اني مادري عيني
- ولج وحده لزكه
- وليش جاوبها عيني
- اذا هي يوميا تخابرني من رقم
- اوكي اسد يله حروح اكمل قرايتي
- تعالي مخبله وين شبيج زعلتي
- لا مزعلت يله باي حروح اقره

وسديته قبل حتى ماسمع رده بس بوكتها حسيت نار وشتعلت بيه. وجان بودي لو زهراء كبالي جان ملختها

اسد  دكلي مرتين ومجاوبته رجع دزلي مسج 💬 اني اعلمج على سده التليفون

عفته مجاوبته وفوكاها هو ابو الراهي شكد اكرهه

عفته وكعدت اقره وكلسع بالي يسرح اكول اكيد يسمعها حجي وغزل مثل ميسمعني وهي تتموع عليه امداني واني كاضيتها اي وحاضر وبس استحي

ثاني يوم كعدت بدلت ونزلت رونق جانت ممداومه بيومها مدري شبيها صارلها فتره حتى متحجي شي اليه عفتها كلت من ارجع احجي وياها
طلعت شفت الخط كلت اكيد صعدت بالخط وداومت عادي وشفت هذا فراس بس كام ميجي يحجي ويايه يظل من بعيد يبارع واني من اشوفه اغير مكاني
بيوما رجعت للبيت شفت سياره اسد موجوده طبيت للبيت تفاجئت بي كاعد بالمطبخ يم امي ويسولف وياها
سلمت عليهم وصعدت فوك ابدل صح ماحجي وياه بس بسرعه غسلت وبدلت ونزلت طبيت للمطبخ لكيته كاعد ياكل امي صابتله تصبيره

اسد... اكثر فتره جنت فرحان بيها الفتره الراحت صح جنت مخبل غرام بتصرفاتي وغيرتي بس جانت مطيعه متحجي شي اذا اكللها هذا ميلبس بعد متلبسه هذا مسوي بعد مسوي احبها لان احسها بنتي وحبيبتي حتى من دكلي احبك نبره صوتها تموتني صوتها بي ميزه او يمكن لان احبها احس بهذا الشي من تحجي تخدرني بصوتها
اكثر من مره اكلها ححجي ويه امج وهي متقبل دكلي خل اكمل اول عالاقل متدري اني مشتعل نار من اشوفها
صح جانت تخابرني زهراء ويوميا من رقم بس ماجنت انطيها مجال وبسرعه اسده بس هذا البغرام بس واحد يقرا براسها صدك
اول مره تزعل مني وسده بوجهي ظليت متفاجئ بتصرفها غرام سده بوجهي ظليت مبتسم لان ادري بيها تغار عليه وخاصه زهراء لان عبالها هي تحبني هي متدري يوميا ويه واحد  ذيج
ثاني يوم ماوصلتها رحت لبيتهم قبل رجعتها بشويه كعدت اسولف ويه عمتي الي هي امي الثانيه حتى من عندي مشكله احجيلها الها لان من صغير اني يمها صح هي مرت عمي بس امانه الله كلش تحبني وتخاف عليه سوزان ليث
بيومها ظليت انتظر رجعتها لان اريد اشوفها واعرفها زعلانه مني صح سالفه سخيفه بس عقلها يصورلها شغلات مصايره ولا حصيره
رجعت تفاجئت بيه كالت سلام عليكم وصعدت عرفتها حتنزل بسرعه وصدك شويه ونزلت جرت الكرسي  وكعدت اني جنت اكل واباع عليها

غرام....  نظراته تربكني  ردت اضوجه مثل مضوجني البارحه كتلها لامي
تعرفين امي شكلي اليوم دكتور

ام غرام... شكلج
غرام... كلي هنيال المرضه الي حتسويلهم اسنانهم هم جمال وهم ذكاء
ام غرام ... هذا ياهو بسلا الدكولين عليه حلو
غرام.... امي جابتها عدله طبعا مو نفسه الدكتور بس شفت اسد يباع عليه ومنتظر جوابي كتلها اي نفسه والله يوم مدري شون دكتور بعده شاب
ام غرام .... اي غير قره وتعب وصار هيج انيال مرته عليه
غرام.... واني مادري مزوج لو لا كتلها لا ماما ممزوج
شفت اسد جر الكرسي وكال الحمدلله وراح يغسل
سوزان ليث
ام غرام ... روحي طلعي خاولي نسيت اخلي بدال ذاك اليوم شلته روحي
غرام ... كمت رحت طلعت واحد وكفت وراه هو مدنج عالمغسله يغسل رفع راسه كام يباوعني من المرايه ومخنزر عليه يريد يكتلني

اسد.... نداريت عليها اخذت الخاولي منها وانشف ايدي اباع عليها
رجعت لخاولي لزمته اني خليت ايدي فوك ايدها وعصرتها

غرام... اااه ايدي
اسد... خل اسمعج تحجين بهذا الدكتور ورب الكعبه ليكون اخر يوم داومين بالكليه
غرام.... باوعت عليه كتله ليش غرت
اسد... لتختبرين صبري ومجربتني قبل اذا زعلت زعلتي شون
غرام.... الي حسيته هسه نفسه البارحه حسيته واكثر هم
اسد.... داكلج ماعندي شي وياها لاتخبليني
غرام.... لعد شكو جاوبها وتخليها تحجي وياك
اسد... ضربتها على راسها كتلها هنا اكو شي بي داكلج يوميا دكلي من رقم شمعرفني هي اشم كفى ايدي
غرام.... عفته ودارجع فهو ممر يله طلعين عالمطبخ  جان يجرني يحصرني بالحايط كتله اسد امي لشوفنا وخر

اسد.... خل شوفنا مخايف من احد كم مره كتلج احجي وياها وانتي متقبلين

غرام... واكفه وخال ايده منا ومنا وساد طريق عليه وكلسع. اباع لنهايه الممر خاف امي تجي
اسد وخر عزه هسه تجي امي
سوزان ليث
اسد... صالحيني اول
غرام .... لا والله هو منو الزعلان بله
اسد... يعني انتي هسه الزعلانه
غرام... اي اني
اسد... غير دكليلي حتى اصالحج وتقربت على خدها ابوسها
غرام... عزه بعيني والله مزعلانه وخره مني
اسد... لا زعلانه خل اصالح وابوس بيها
غرام.... يمه كلبي منا قريب عليه منا اخاف امي شوفني راد يصير بيه جلطه من الخوف
... وروح بابا مزعلانه بس عوفني
اسد... وخرت منها وهي صايره حمره من الخجل مدري من الخوف
كتلها ماحب احد يزعل مني خاصه انتي

غرام ...هههههه اسد كافي حروح وخر عفته ورجعت للمطبخ هو ورايه فات كلها لامي حروح اني

امي جلبت بي مقبل وراح  امي كالت صعدي صيحي رونق حتى تتغدون صعدت شفتها نايمه ومتغطايه لحد وجهها اجيت كشفتها صايره دم من البجي تخبلت
شبيج حبيبتي ليش تبجين منو ويا ج

رونق... غرام مصيبه  ......... يتبع ❤️
£&&&&&&&
مرحباااااااااااااااا 💋

شنو توقعاتكم شبيها رونق وشنو المصيبه الي هي بيها .....

سوزان ليث❤️