رواية حب جنوني الفصل السابع والعشرون 27 - بقلم سوزان ليث

ظلينا نحجي اجتي ام العروس كالو كملو اني هنا احس دموع بس ارمش تنزل كلبي يعصرني حيل يعني شنو متامله يفركش بهاللحظه بيبي انتبهت عليه جان تلزم ايدي
كالت

جده حكمه... لاتبينيله ضعفج خلي يشوفج قويه
غرام ... هزيت راسي ب اي ظليت كاعده كالو حيفوت العريس اني هنا دكات كلبي ماعرف شكد بس جانت كلش قوي دك
اني جنت مدنجه ماكدرت اباع عليه فات صارت هلاهل نداريت عليه شفته شون طالع حلو وجميل القاط لايك بس عليه ردت اكوم اروح احضنه ابوسه بس نداريت بسرعه لان نظراتي فضحتني هيج
ظليت اسولف ويه بيبي جان يشعلون اغنيه ( محمد الفارس ) ( بعدك بمعذبني )

باوعت نبأ كامت تهز بس باوعت عليها اجتي جرتني وهي جرني كلتلي حركي دمه وركصي

جانت كلمات الاغنيه
بعدك معذبني ترى ولاعب لعب بيه
ذنبي بركبتك لومتت لدكول شعليه
حيل تعبت وتعذبت يمعود ارجعلي
من سافرت بالكوه عشت لو ميت
اشتاكيت انا اشتاكيت لعيونك وحنيت لو مبتعد ظليت اموت انا وابليك

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

اني طبعا كلش استحي مو كلش اركص بس ماعرف ليش من كمت وشفته ديباع عليه كمت اركص مو بس هيج احجي ويه الاغنيه واركص كدامه اني والبنات
هو كلسع يمسح كصته توتر يمكن واني ماظلت حركه مسويته وافر شعري شويه وارجع اهز خصري اكو مقطع بالاغنيه يكول ( الي تركني وراح وانا بعازته دمعي الي بجيته ذمه بركبته هذا الوكع والروح ركضت شالته...... )
من وصل لهذا المقطع اني نداريت عليه وخليت عيني بعينه وكمت اهز وهو بس خازرني

واكو بالاخير بالاغنيه يكول ( دكت نذل ياناس بيه دكته )
اني هنا بس وصل لهذا المقطع كلت اي والله وهو جان يباع عليه
حسيته يريد يكوم يسحلني
طبعا الكاعدين كلها كرايبي وفرحانين وعبالهم داركص فرحانه ميدرون  ضيمي

خلصت الاغنيه نبأ كالتلي اوكفي لترجعين راح اخليلج اغنيه يمكن يكوم يكتلج من وراها راحت خلت اغنيه( محمد السالم واحمد السلطان ) اغنيه حلوه الدنيا

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

اني بس بدت الاغنيه الركص الركصته مصاير خبلته
وكلسع بالاغنيه يكول( طكيت اصبع من راح حيل مفرفش مرتاح )
اني هنا كمت اطك اصبع واركص هو اباع عليه صار احمر والله حتى عالعروسه مباوع رونق جانت تركص عالخفيف
بس شافت خطيبه انمار وكامت تركص وطبكت ويايه جايين للمهر بس نغور احنا

لا احلا شي اهل العروسه يكلون لمرت عمي هاي ام الاحمر شصير من العريس فمرت عمي كلتلهم هاي بت عمه بس هو الي يعتبر مربيها مثل اخته اني هنا من صدك ضحكت كلت ياريت مثل اخته مجان كلبي هيج يوجعني

كامت عمتي كالت خل يلبسها الذهب اني رحت وكفت على صفحه هو لابسها بس الحلقه الباقي كال لامه تلبسها
طبعا طول المهر ماشفته باوع عالعروسه  بقينا بس نسوان اني بس طلع اسد رجعت كعدت
فجنت كاعده خاله رجل على رجل وصافنه عالعروسه اباع عليها هاي فضلها عليه شبيها اصلا محلوه طبعا اني جنت اشوفها محلوه بس البنيه جانت زينه ولابسه فستان طويل بس لونه ضارب على وجهه مطلعها زركه ماعرف صوج المكياج  المهم كطعت صفتي مريه بصفي ماعرف منوكلتلي انتي اخت العريس كتلها لا بت عمه جان دكلي شماله ماخذج شو جنج ورده  اني ضحكت ماعرف هي شصير من العروسه بس فرحتني
وراها كملت الحفله ورجعنا بس منو رجعنا اسد اني طلعت اني ورونق ونبأ ندور على جلال عساس هو يرجعنا بس اسد شفته اجه علينا اني جنت اول وحده جان رجعت للاخير كال ها منو يوصلكم نبأ كلتله ندور على جلال امي كالت رجعو وياه
كلها تعالو اني ارجعكم نبأ باوعت عليه اني درت وجهي  رونق ونبأ توجهو للسياره اني ظليت واكفه جان يكلي امشي خاتون
باوعت عليه كتله ارجع ويه جلال
جان يكلي
اسد...  و الله ودين محمد وعلي ابن ابي طالب اذا مامشيتي وصعدتي بسيارتي لا اخلي طلقه براسج واخلص منج

غرام ... اني باوعت عليه يمه اعصاب وجهه احمر الا شويه يسحلني من شعري اني باوعت عليه عساس مخايفه جان رحت قبله شفت نبأ ورونق كاعدات ليوره اني كعدت ليكدام اجه صعد ركع الباب ركع اني منداره عالجامه شغل وطلع وصلنا للبيت فامي جانت بعدها مواصله فظطرينا نفوت لبيت عمي فتت اني اتمشى على كيف الكعب عالي طبيت جوه كعدت بالهول فنزعت الحجاب والعبايه نبأ ورونق كاعدات يمي يكلبن بصور الي اخذوها شفت اسد صعد فوك جان يصيح نباااااااااااأ بصوت عالي
نبأ بسرعه صعدت شويه ونزلت كالت تعالو نصعد فوك اصدقاء اسد حيجون المهم صعدنا فوك لغرفه البنات اني ظليت كاعده وصافنه وراها صجت كتلهم حنزل اشوف امي جتي حتى روح

رونق.... من رحنا للبيت العروسه جنت كاعده واني اباع على غرام ونبأ شون يركصن واني جنت بس اصفك استحي بس غرام جانت تركص كلش حلو والكاعدين كلهم يكلون منو هاي والاحلى امي دكلهم هاي بتي دكتوره والله نبع الحنان حتى اذا محد سئلها لازم دكول دكتوره فرحانه بيها ان شاءالله اني هم تفرح بيه
شفت ام انمار كاعده وبصفها خطيبه انمار اني من شفتها عبالك واحد نطاني دفعه كمت وكمت اهز ويه غرام رجعنا للبيت صعدنا لغرفه البنات لان اصدقاء اسد حيجون

اسد..... ظليت اباع على غرام شون تركص كلش ضجت احسها ممقهوره لان خطبت مثل الي ارتاحت مني وشون سوي حركات تحرك كلبي بيها دمرتني ظليت بس اخزر بيها وهي ولا عبالك ركصت ركص بت الاوادم وركصت كلبي وياها خلصت الحفله اني كلشي ممفتهم حتى الي بصفي مانتبهت الها زين جنت واكف بره انتظرهم شويه وبدت نسوان تطلع شفت رونق ونبأ وغرام واكفات طبعا رونق ونبأ مطيعات بسرعه راحن لسيارتي الا البلوه مالتي ظلت معانده بس خزرتها خزره خليتها بسرعه تمشي متجي الا بالقوه نوب اباع عالوجهه تخبل اول مره اشوفها هيج طالعه والاحمر يموت عليها

غرام ... نزلت جوه اشوف امي فتت للمطبخ شفت بس فهد ديودي توزيعات لاصدقاء اسد اول مشافني

فهد ... غرام الله جابج بربج تعالي حضري ذني بين ماروح ابدل قاطي حيدمر بس ابدل واجي اخذهن

غرام ... لو ادري منازله اوكي جيب ماوراك غير شلعان الكلب
فهد.... ديله عيني بالقيس
غرام ..... هههههههه

اخذت وكمت اعدل الصينه واخلي القواطي والكلاصات فسمعت صوت يكلي يابه خفي علينا كلنا دكتوره حتى سلام ماكو
اني نداريت شفت قصي واكف يم باب المطبخ كمز رحت يمه ولك حمدلله عالسلامه رحت يمه جان يتقرب يبوسني من راسي يعني عادي لان اثنينا بعمر واحد وسوه دايما فصدك احبه مثل اخويه وهو نفس الشي وجان فتره كلش هواي مشايفيه واصلا جتي فتره عبالنا مات المهم ظليت اسولف وياه ولك مشتاقتلك وين هالغيبه متخابر وهو نفس الشي وكلسع يكلي ولج شخاله بعينج ذني جنهن مكناسات واني اخرب ضحك دمه كلش خفيف ويضحك
على ضحكنا فات اسد جان اسمعه يكول لقصي ها ولك شعدك هنا

اسد... جنت كاعد ويه جماعتي فطلعت اشوف فهد وين صار اريده يقدم شي الهم شفت غرام ناطيه ظهرها واكفه يم قصي ودك سوالف وضحك وكلسع يضربها على جتفها وهي هم من صدك بس شفتهم عبالك شفتهم بوضع مخل ولا كانما وكفه عاديه حسيت راسي كام يطلع دخان
بسرعه حجيت ها ولك شعدك هنا
بسرعه لتافو عليه

قصي .... والله جنت واكف بالطرمه بس شفت هذا الغزال بالمطبخ واجيت اسلم عليها

غرام ... اني من كال غزال حصرتني ضحكه اذكرت دايما يكلي غراب الحمدلله بدل الحيوان اباع على اسد خازرنه خزره تخوف اني سويت نفسي ممهتمه ونداريت على قصي اكمل سوالف وياه

اسد... غزال ولك قبر يطمني ان شاءالله دكول على حبيبتي غزال
ظليت اباع عليهم وعادي كملو سوالف  ماعرف شسوي كمت اروح واجي بالمطبخ

غرام ... اني صح جنت احجي ويه قصي بس بالي يم اسد شفته بس يفتح بالكاونترات ويركع بالبوب حتى قصي كله

قصي ... يابه حتفلش المطبخ

غرام ... شفت اسد مجاوب قصي كتله قصي لتروح البنات يردون يسلمن عليك خل اكمل ذني واصيحهن كال مرايح واكف بطرمه
وطلع
اني رجعت عالصينيه ماشوف الا نجريت جر او انسحلت بمعنى اصح  واني لابسه كعب بالكوه فتت لغرفه مثل المخزن  بصف المطبخ وركعت عالحايط
واباع على اسد عيون صقر عيونه تجدح من كد العصبيه اني بصراحه خفت منه يعني اول مره اشوفه هيج اعصاب مثل الواحد التحمل تحمل تحمل وطك
ظليت اباع عليه وهو خازرني

كتله
شكو

وياريتني ماكلت شكو اجاني راشدي المعدل سوالي بوتكس لخدي
بحيث من صدمه وقوه الراشدي لزمت صفحه خدي الثانيه

اسد... ماتحمل وصلت مرحله حجرم بيها واذا طلع غضبي عليها ماارحمها وعلي اكسحها شفت قصي طلع ماحسيت على نفسي غير جارها للمخزن وركعتها عالحايط جنت اريد اسيطر على اعصابي ماكدر بس حجت ضربتها راشدي يمكن انفصخ فكها
ظلت جامده وتباع عليه
مكتفيت بالراشدي اني لساني متبري مني وكمت احجي
ولج انتي وحده حقيره حرام بيج كل الحب الحبيته انتي متستاهلين الله يموتج واخلص منج تعبتيني انتي حتكونين سبب موتي
ظليت كومه احجي هي بس تباع عليه

غرام ... هو يرزل واني بس اباع عليه مثل الواحد ديفرغ عصبيته فاني من صدك خفت عليه حسيته حيصير بي شي من عصبيه والله من كد العصبيته يرجف اني ظليت ساكته مو خوف منه بس جنت خايفه عليه خاف احجي وانرفزه  بزايد
كمل كلامه ظل يمسح بوجهه ويتعوذ من الشيطان
حسيته هدء كتله كملت كلت كلشي الي بكلبك ارتاحيت من ضربتني برد كلبك هاهيه
شنو التريدني اسويه واني اشوفك تريد تزوج تريدني ابقى بالبيت واظل ابجي عليك وانت عايش حياتك
اذا هذا جان اعتقادك ترى غلطان مثل ماانت شفت حياتك اني هم اشوفها واعيشها
ضجت لان شفتني ممهتمه لخطوبتك ردتني اجي اتوسل بيك واكلك عفيه لتزوج وتعوفني ههههه ( ضحكت ضحكه استهزاء) والله انت خطيه
دفعته واريد  اطلع جان يلزمني من جف ايدي كلي

اسد... يعني انتي ممهتمه لان خطبت
غرام ... لو مهتمه مجان جيت وركصتلك  ابن عمي
اسد... ماشي طلعت تليفوني دكيت على امي لان جانت بعدها بيت العروسه كتلها انطيني سرى لان ماعندي رقمها
ردت اشوف غرام شحسوي واني احجي ويه خطيبتي كدامها امي انطتني سرى وفتحت سبيكر اباع على غرام ملامحها تغيرت دارت وجهه حتى ماشوفها بس رجعت درت وجهه عليه واني اتقصد احجي ويه سرى هي ظلت تعض بشفتها واعرف هاي حركه سويها من ضايجه حافظها حفظ اني كل حركه سويها اعرف معناها شنو
سديت تليفون وكتلها ها بعدج ممهتمه

غرام ... عرفته يريد يضوجني ويستفزني كمل كلامه السخيف ويه ذيج من كلي ممهتمه تقربت عليه حيل بحيث جسمي طبك على جسمه هو شفته مثل الي نصدم بتصرفي بس اني قربت وجهي على وجهه هو عباله حبوسه بسرعه حسيته رخه وبلع ريكه ونفسه السريع اني مجرد بس قربت شفتي على شفته بدون مابوسه للحظه ردت اضعف وابوسه بس من حسيته خدر من حركه بسيطه مني ابتعدت منه هو بسرعه
باوع عليه مثل الي ميعرف شديصير كتله الحسيته هسه انت بمجرد قربي منك كافي يثبتلك اني شنو اني بعدني هنا واشرت على كلبه وعفته وطلعت بسرعه صعدت فوك واني ارجف والله ماعرف شون اتحملت هيج احجي او اسوي والله اني مو قويه بس داظاهر بالقوه كرد اعتبار الي ردت احسسه واشوفه هو شون يحبني ردت اخلي يندم بس اني الي جنت ضحيه اني داتاذه مو هو اني الي مداكدر اشوف غيره
صعدت فتت للغرفه فالبنات ظلن يباعن عليه لان ملامحي نكلبت رونق بسرعه كلتلي

رونق... شبيج
غرام ... محبيت اكللهم الصار بس تحججت بقصي كتلهم جوه روح سلمو عليه ينتظركم

رونق ... كمزنا اني ونبأ دننزل فديصعد جلال فوك فكال لانبأ وين وين على كيفكم

نبأ كلتله مو دنحلك على قصي دنسلم عليه فهو ديصعد فوك من نزلنا وصحنا على قصي اجه للمطبخ سلم علينا فخطيه هو يحبنا مثل خواته يعني ماعنده ابد سوالف مكسره فباسنا من راسنا اني ونبأ وظل يسولف ويانه نداريت شفت جلال واكف يم الكاونتر ومجتف ايده ويباع علينا زين انت مو جنت صاعد فوك شنزله سلمنا على قصي وطلع الولد احنا دنرجع حتى نصعد فكال النبأ حضري ذني داخذهن جوه وخازرني مدري شبي هالولد ويايه عدوته مو هيج
فاني عفتهم وصعدت فوك لكيت غرام دتبجي يمه نكسر كلبي عليها
... شبيج غروم حبيبتي مكياجج حيدمر

غرام ... ولج اني الي دمرت اني مداكدر والله مداكدر اسوي نفسي قويه مداكدر هذا اليوم المفروض مالتنا اني واسد ليش هيج حظي

رونق... ولج كافي عاد عيونج حتروح من البجي كافي لو يحبج يرجعلج وميعوفج كافي ياعيني

اسد.... من حجت ويايه غرام وتقربت عليه ماعرف واحد والي يحبها تتقرب عليه هيج شيسوي مثلا اني مو نبي لازم اضعف هي لعبتها صح حسستني شكد اني ضعيف كدامها ومن قربها جنت اريد اخذها لحضني بس شويه وهي حجت ردت احضنها بس هي جانت متقصده سوي هيج طلعت وعافتني واني احس روحي الطلعت ربي دخيلك مداتحمل الديصير تعرفني احبها لو طلع حبها من كلبي لو تاخذ امانتك وتخلصني
تعوذت من الشيطان رحت غسلت وجهي ورحت لجماعتي

رونق... جنا كاعده يم غرام فحبيت اغير جو الكأبه العدها كتلها شفتي خطيبه انمار  دبه مال غاز عبالك

غرام .... هههههههه وشفتي خطيبه اسد اول مره اشوف هيج لو بشره زركه

رونق...... هههههههه هذا اصدار جديد

غرام .... ههههههه محبيتها ولا حلوه
رونق.... حتى خطيبه انمار ولا حلوه
غرام .... ههههههه خرب بالحظ ليشوفنا يكول بس احنا حلوات
رونق..... ههههههه لا بربج منو الاحلى اني لو هي اكيد اني لتحجين
غرام .... تعرفين شنو اتمنى هسه
رونق... شنو
غرام ... اسافر لمكان جديد محد يعرفني بي
رونق... مكان جديد هو انتي اي مكان يعتبر الج جديد من سفراتج
غرام ..... هههههه بس اتخرج واتعين مابقي مكان ماروحله
رونق... ههههههه كافي لعبتي نفسي بهاي امنيتج يوميه كايلتها
غرام ... غير تتحقق 

جنا دنسولف لمن فاتت علينا نبأ بسرعه وتتنفس سريع والا شويه تبجي وكانما صاير شي جوه كنالها شكو كالت الحكوني انفضحت ...... يتبع ❤️
@@@@
لو انتي بمكان غرام كان رحتي لخطوبه حبيبج وظاهرتي بالقوه كدامه لو هذا الشي صعب عليج ومتكدرين ؟؟؟؟؟؟؟؟؟ 😰😰😰
اني بالنسبه الي ماكدر شي صعب الي تحبه شوفه صار لغيرك 🥺

نطوني رئيكم بهذا الموضوع .........❤️

شكرا لكل شخص يتفاعل 🌺
احبكم 🌸
سوزان ليث❤️