رواية حب جنوني الفصل السادس والعشرون 26 - بقلم سوزان ليث

غرام ... طلعت ماجنت خاله بالي اشوفها لمن اجت عيني بعيني حسيت عيونه تريد تطمئن عليه مبين عليه قلقان عليه او يريد يشوف انتصار سوه بيه جنت بحاله ماتحمل اي كلمه صعدت ورحت للكليه فتت ظليت كاعده ويه صديقاتي الي عجزو حتى يخلوني اضحك او اطلع من جو الحزن الي اني بي

جنت كاعده واكلب بالملزمه لمن اسمع واحد يكول صباح الخير صعدت راسي شفته فراس يمكن بوقتها ردت اكوم املخه اذبحه اكتله هو سبب الي اني بي هسه هو الي خله اسد يعوفني ظليت اباع عليه بحقد بس مادري ليش اجه بالي انتقم من اسد مثل ماسوه مع العلم مطايقه فراس بس ابتسمت بوجهه وكتله صباح الخير هو تفاجئ بيه لاول يمكن هاي اول مره ابتسم بوجهه

فراس ... محتاجه شي
غرام ... لا شكرا
فراس ... شكلج مريضه
غرام ... اي شويه تعبانه
فراس ... لا سلامتج

غرام ... راح فراس وصديقاتي استلموني شعجب حجيتي وياه وحده تلزم كصتي عبالها مصخنه بس اني جنت ساكته ردت اتقرب من فراس بس حتى اضوج اسد

كملت محاظرات وطلعت شفت فراس واكف وديلعب بالموبايل بس شافني اجاني يتمشى مبتسم من شفته جاي عليه ماعرف شنو الخلاني اوكف انتظره اجه كلي
هلو شونج
زينه وانت
والله اليوم اني اكثر يوم زين بي
ليش عود
لان دتحجين ويايه
اهااا اني لازم اروح من رخصتك
اوكفي اوكفي
اكو شي
اي
شنو
اريد رقمج
لابله وشسوي بي
اعلكه بغرفتي
ههههه مضحك
لا صدك ترى تعبت واني اركض وراج
محد كلك اركض ورايه
لا اكو هذا ( وياشر على كلبه)
يله باي تاخرت

عفته ومشيت ماعرف ليش داسوي هيج مادري يمكن اريد اثبت لاسد اني هم عايشه حياتي مثل ماانته عشتها وره شهر من فراقنا خطبت
رجعت للبيت طبيت شفت امي بالمطبخ سلمت عليها وصعدت
رونق جانت كاعده تلعب بالموبايل

هلو
هلو حبي شونج
اوووف ماعرف يمكن زينه
غرام اليوم شفتي اسد من طلعتي
اي شفته
حجه وياج
لا شيحجي
تعرفين بعد اسبوعين المشيه ماته هي خطوبه هي مهر

غرام ... ظليت صافنه على رونق ماصورت بالسهوله وبالسرعه هاي ليش يااسد سويت هيج ماكدرت امنع دموع صارت وسيلتي حتى اخفف من وجع كلبي تعبت من كثر ما بجيت مرت الايام وكل يوم اكول اسد حيفركش كلشي ويرجعلي بس من جنت اشوف امه تحضر تحضيرات المهر املي يروح واتحطم اكثر

جان بيوم الجمعه الخطوبه ويسون حفله بين الاهل حتى يلبسها ذهب
الخميس جان الكل مجمع بيت عمي ابو اسد بس اني تحججت داقره ومارحت ويه امي ورونق ..ماريد اشوفه يمكن بس اشوفه ابجي واروح احضنه احبه وماكدر اعوفه شون هان عليه يعوفني

رونق... رحت ويه امي لبيت عمي فامي تحضر شغلات ويه مرت عمي لباجر فكعدنا اني ونبأ نسولف كلتلي
نبأ... غرام باجر تجي
رونق... ماعرف لا ماعتقد والله كلبي يوجعني عليها صايره هالكدوتها لاتاكل ولاتحجي وكلسع دموعها تنزل
نبأ..... والله متفتهم على شنو والله اني لو منها اروح للحفله وابدل واكشخ واركص واحرك دمه
رونق... لا يولي الي دتحسه هسه اني حاسته قبلها بس اسد جان غير محد مصور يسوي هيج
نبأ.... احجي وياها وكليلها خل تجي وتحرك دمه
رونق..... ماعرف من ارجع احجي وياها
نبأ... تعرفين ترى حتى هو مفرحان صدكين هالايام اعصاب وبس يرزل
رونق... من ايده الله يزيده
نبأ.... شكد مكروه تدعين على اخويه
رونق... مو حارك كلب اختي

دنحجي فات جلال سلم وكعد فكلها لانبأ سويلي اكل جوعان فكامت نبأ اني ظليت كاعده العب بتليفون
جان يكلي

جلال... باجر تروحين للخطوبه
رونق... اي اروح
جلال ... ترى اصدقاء اسد كلهم حيجون
رونق... وشسويلهم
جلال... لا اقصد حتى ديرين بالج باللبس
رونق... باوعت عليه شون لف ودار كتله لاقابل شحلبس اني بدله رقص
جلال ... حتى طلقه بنص راسج اخلي
رونق... رفعتله حاجبي لابله
جلال... اي والله

رونق... عفته وكمت طلعت داروح للمطبخ صار كبالي اسد فاني من يوم الي سمعت حيخطب ماحجيت وياه فهو من شافني كلي شونج

رونق... زينه جاوبته من وره خشمي جنت كلش ضايجه منه
اسد... شونها
رونق... برائيك شونها
اسد... ليش مجتي وياكم
رونق... ليش تريد شوفها مكسوره كدامك علعموم لتخاف عليها اختي قويه وحتتجاوز هذا الموضوع ... عفته ورحت للمطبخ
اول مره احجي وياه بهذا الاسلوب بس غرام جانت كلش تقهر وكاسره خاطري كلش

رجعت للبيت صعدتلها كلعاده مغطايه لوجهه وصوت بجيها وشهكاتها رحت يمها كفشت الغطى وظليت امسح على راسها
كافي ياحبيبتي شنو فائده من هذا البجي

غرام ... رونق عوفيني بحالي ماكدر والله ماكدر نار بكلبي ماعرف شسوي تعبت ليش هيج المفروض اني الباجر العروسه مو غيري جان هسه اني الداحضر لمهري

رونق... وشنو فائده هذا الحجي الصار صارلازم تتقبلين هذا الوضع الى متى ظلين هيج لاتاكلين لاشربين لاتقرين يوم داومين ويوم لا الى متى كليلي

غرام ... ماكدر والله ماكدر كلشي اسوي
رونق... انتي ليش ترديه يشوفج مكسوره وحالتج هيج غرام كومي انتي جنت تعلميني شون اتقوى هيج سوين

غرام ... كلبي محترك داكلج مو بيدي
رونق... تردين تحركين كلبه
غرام ... كمت عدلت نفسي وامسح دموعي شون احركه
رونق.... باعي هسه هو اكيد او متاكد انه انتي محتجين باجر فانتي فاجئي روحي باجر للخطوبه وركصي وسوي نفسج ممهتمه

غرام ... ترديني اموت واني اشوفه كاعد ويه غيري انتي شدكولين
وخري من يمي وخري

اسد... اسوء ايام اني داعيشها ماعرف شون هيج استعجلت وخطبت دخيلك ربي حجر اكوعلى صدري مضايق ومشتاق لحبيبتي اريدها اريد احضنها ابوسها اشمها تعبت واني اتاملها بصور العندي تعبت واني انتظر طلعتها من بيتهم حتى تصعد الخط كل مره اشوفها بيها اريد اروح اجرها لحظني وانعل ابو الزعل الي يخليني هيج ماكدر احاجيها صارت الاحداث بسرعه بسرعه كعدت صبح غسلت وبدلت ونزلت الاكل كاعدين
اول مانزلت امي هلهلت
يمه هسه شكو دتهلهلين

ام اسد... يمه مامصدكه اليوم خطوبتك والله جنت فاقده الامل تزوج
اسد... يمه كلولج عليه راهب حتى مازوج
فهد ... حتروح للحلاق
اسد... لا مابيه حيل
ام اسد... شنو مابيك حيل الواحد جم مره يخطب روح زين حلق اروح فدوه لهالوجهه
جلال... شحيخلصك اليوم
اسد... هههههه لخاطرج حروح

وره الريوك طلعت رحت للحلاق كملت من عده ورجعت للبيت كالو ب3 نروح رجعت للبيت هوسه صعدت سبحت ونزلت صبو الغده تغدينا وبده الكل يحضر نفسه
صعدت فوك لغرفتي ظليت اباع عالقاط مالي واهس اللبسه
لبسته وكملت رحت لاختي نبأ
شفتها واكفه بالممره طكطك صور كتلها اكلج غرام تجي اليوم

نبأ.... لا ماعتقد تجي مريضه
اسد... شبيها مريضه
نبأ.... ماعرف صارلها جم يوم متاكل معدتها يمكن
اسد.... شونها هسه
نبأ.... ماعرف البارحه سئلت رونق كالت ماتجي

اسد... عفتها ونزلت جوه طلعت بره اريد اروحلها ظليت واكف يم بابهم مالي عين ادخل لبيتهم وره نص ساعه كالو حنتحرك رحت ركب السياره وصعدت يمي امي وخواتي والكل بسيارات وانطلقنا لبيت العروس

وصلنا هنا طببونا زلم بغرفه الاستقبال كعدت والكل كاعد يحجي بس اني بغير عالم جنت جنت اتمنى هذا اليوم خطوبتي من غرام هاي الي سنين انتظرها صير الي شون بالسهوله فرطت بيها علمود عناد هيج خليتها تروح زين وشنو فائده العناد هسه واني اخطب غيرها
ماسمعت غير نقرا الفاتحه قرينا الفاتحه وكططعنا الشيخ مهر
ظليت كاعد يم زلم بعدين كالو نتوكل احنا نسوان يبقون يردون يحتفلون
طلعوا اني ظليت واكف بره يم فهد وجلال وجم واحد من ولد عمي
اجوي كالو تعال ادخل يردوك
عفتهم وطبيت جوه الغرفه جانت مليانه نسوان طبيت وبدت الهلاهل رحت وكفت يم العروسه الي ماعندي جرأة اباع عليها صعدت راسي شفت غرام واكفه بس شطالعه تخبل ظليت اباع عليها ممصدك اجتي لخطوبتي بس شفتها ابتسمت لااراديا كانما شفت العافيه كبالي
بس هي ابد مباوعت عليه جانت كاعده وتحجي ويه جده حكمه وشعره النازل على متونها يذبح
ظليت كاعد والكل يصفك ويركص تفاجئت من شفت غرام كامت ونطتني نظره عمري مانساها نظره خذلان عدم ثقه نظره عتب صح مظهرها يبين هي ممهتمه بس عيونها كاشفتها

غرام .... بعد ماحجت ويايه رونق ظلت تقنع وتحجي حتى احضر خطوبته الي جنت من سابع المستحيلات افكر اروح ظليت الليل كله افكر بعدين كلت ليش اني مسويه هيج بنفسي صح احبه بس ليش داذي نفسي هيج هذا هو هان عليه كلشي العشره وحبي ليش انتي مدتهون عليه كافي توعدت لاسد الا اخليك باجر تتندم ظليت اتحلف اله
ثاني يوم كعدت من الصبح قبل الكل يمكن ماكدرت انام نزلت جوه حضرت ريوك رحت كعدت رونق الي ظلت متافئ بنشاط الي عندي
نزلنا جوه كعدت امي واتريكنا طلبت من امي تودينا اني ورونق للصالون وهي خطيه بسرعه قبلت كملنا ريوك ورحنا للصالون اني حفيت حواجبي ووجهي لاول مره بحيث طلعت قالب ثلج وره مكملت واني اكول ماعندي شعر بوجهي طلع مليان 🤫
عدلت اطراف شعري وسشورته بس اني نادرا مااسشوره لان طويل يتعبني كملنا رجعنا للبيت صعدت فوك فتحت كنتوري اريد اشوف شلبس ظليت اباع فاتت عليه رونق

رونق... من كعدتني غرام من النوم استغربت لتصرفاتها كملنا ريوك ورادت تروح للصالون رحنا هي سوت شغلات اما اني فيعني امي متقبل اسوي حواجبي بس هي طبيعه حواجبي مرفوعه وعبالك محفوفه شعري سشورته وشويه لفتلي الاطراف

كملنا رجعنا للبيت فتت على غرام شفتها صافنه على الهدوم رحت حضنتها من وره كتله شدسوين

غرام ... اريد اشوف شلبس
رونق.... بدت الحرب
غرام ..... لو اني لو هو
رونق.... هههههه عفيه عليج خبليه خبليه اليوم
غرام ... لتوصين حريص كليلي شلبس
رونق... والله جان بودي تلبسين شي مشلح بس خاف الولد يفوتون
غرام ... اني هم فكرت بس بعدين كلت لا مبين داضوجه فخليني عادي
رونق.... احبك وانت منتقم
غرام .... هسه شلبس
رونق... هذا حلو ومستور

غرام ... جان فستان جوه الركبه لونه احمر بس حصر من الصدر ويطلع الجسم كلش حلو نفس هذا 👇🏻 تقريبا بس شويه حفره من يم الرقبه اكبر شويه

رونق خلتلي مكياج كلش حلو وهي خبيره بالمكياج حتى رموش وعدسات عسلي خليت شعلت الجو شعل لابست الكعب ولابست حجل برجلي وجنت لابسه الكلاده الجابها ولابست محابس كلش ناعمه وسوار ناعم وعدلت شعري وخليت العطروظليت اباع عالمرايه

رونق... عزه بعينج عبالك انتي العروسه عزه تخبلين طلعتي

غرام ... اكلج عيوني داحسهن ثكال واكو شي اسود فوك عيوني

رونق... ايدج خرب بالكوه لزكتهن اي عادي لان ممتعلمه عالرموش عوفيها لاظلين تلزميها بعدين توكع منج

غرام ... اي افتهمنا

دنحجي فاتت نبأ علينا ضلت فاتحه حلكها

نبأ... ولج حتجين

غرام ... تخصرت الها وكتلها اكيد
نبأ.... ولج شنو هالتغير طالعه تخبلين والله
غرام .... ادري اني من زمان حلوه

رونق... وبالنسبه الي اني بت الخدامه محد كلي طالعه حلوه
نبأ.... اعذريني حبيبتي اختج لابسه الاحمر وشاعلتها
انتي دايما حلوه ميحتاج اكلج

رونق... جنت لابسه بنطرون كيلوت لونه وردي فاتح وقميص ابيض بي نقط وردي وشعري فتحته وشلت منه منا ومنا ومكياج وشغلات طلعت توب

نبأ.... دريتوا منو جاي
رونق... منو
نبأ.... ولكم قصي
رونق... كولي والله
غرام .... عزه شوكت رجع امداه شكد مشتاقتله

قصي يصير ابن عمي الي قبل حاجيتلكم عليه هذا الي يسميني غراب اسم الدلع هذا من دخل داعش هو انضم للحشد الشعبي هو واصدقائه
وجتي ايام كومه ماكو اتصالات وياه عبالنا مات وراها اتصال وطمن اهله صارنا هواي مشايفيه كلش حباب ويحبنا ودايما يسئل عالكل فالكل تحبه الحمدلله رجع بخير

غرام ... عرفت من نبأ اسد سائل عليه وهي كالتله متجي مريضه كيفت لان حجت هيج كملنا ونزلنا امي ظلت تقرا معوذات علينا
كالو جلال حيوصلنا فاني لابست عبايه فوك الفستان وشال وطلعت شفت نص السيارات رايحه صعدنا اني وامي ورونق وياه ونطلقنا جان بيت العروس قريب بسرعه وصلنا

رونق... اني بس لابست شال لان لابسي مابي شي وطلعت شفت جلال حيوصلنا فاني صدفه صرت وراه اول ماطلعت من الباب مال البيت عيونه كامت تتفحصني اعتقد جان يشوف لابسي بي شي منا منا ركبنا بسياره فنداريت انتبهت عليه جان يباع عليه بالمرايه بس بسرعه وخر عينه وصلنا لبيت العروسه جانت اكو كومه سيارات ونص الزلم بعدهم بره هو ظل يكلنا اوكفو خل يدخلون مدري شنو عاد امي كلتله نسوان كلها دخلت دخل ننزل فدننزل فهو رستا نزل داعبر جان يكل

جلال ... اوكفي وين رايحه بهذا لابسج
رونق... باوعت عليه كتله ليش اني شلابسه مثلا
جلال ... جان لابستي عبايه مثل غرام
رونق... غرام لابسه قصير اني لابسه طويل وعريض اعتقد
جلال ... دتعالي امشي منا

رونق... خلاني اني وغرام نمشي من جهه الحايط وهو لازكنا حمايه وصلنا لباب بيت ودخلنا

غرام .... طبيت جان الكل عرف اول مافتت نزعت العبايه والشال بالكيليدور فتت للصاله الكاعدين بيها نسوان فداسلم على زوجات عمامي وعماتي والاهل ياهو الاسلم عليه يكلي ولج شطالعه
ولج شنو هالجمال
واني ابتسم عفيه كافي خجلتوني

رحت كعدت يم بيبي حكمه الي اول ماكعدت يمها خلت ايدها على جتافي جان دكلي
جده حكمه... ادري كلبج محترك بس وداعت عيونج لايرجعلج ندمان
غرام .... ماريد بعد جده هو الخسر مو اني
جده حكمه.... ولج خايبه يحبج وعاشكج بس سالفه اعناد يومين ويروح هذا العناد وشوفي شون يرجعلج

غرام .... وشنو الفايده يرجع وعده مره بركبته اني بعد ماريده
جده حكمه.... لعبالج اكو احد راضي على زواجه من هاي ترى من اجه خبر جدج جدج كله وليش تاخذ غريبه اشبيها بت عمك
وداعت عيونج ظل عيونه سولف بيج بس اني اريده يتندم حتى يبطل هالعناد
غرام .... بعد ماريد من صدك كرهته
جده حكمه... خايبه دكومي ماتحبينه وجايه مزينه وطالعه احلى من عروسته
غرام .... اريد اقهره مثل ماقهرني
جده حكمه... من يفوت كومي دبجي كدامه
غرام .... ههههههه 

ظلينا نحجي اجتي ام العروس كالو كملو اني هنا احس دموع بس ارمش تنزل كلبي يعصرني حيل يعني شنو متامله يفركش بهاللحظه بيبي انتبهت عليه جان تلزم ايدي
كالت

جده حكمه... لاتبينيله ضعفج خلي يشوفج قويه
غرام ... هزيت راسي ب اي ظليت كاعده كالو حيفوت العريس اني هنا دكات كلبي ماعرف شكد بس جانت كلش قوي دك
اني جنت مدنجه ماكدرت اباع عليه فات صارت هلاهل نداريت عليه شفته شون طالع حلو وجميل القاط لايك بس عليه ردت اكوم اروح احضنه ابوسه بس نداريت بسرعه لان نظراتي فضحتني هيج
ظليت اسولف ويه بيبي جان يشعلون اغنيه ( محمد الفارس ) ( بعدك بمعذبني )

باوعت نبأ كامت تهز بس باوعت عليها اجتي جرتني وهي جرني كلتلي حركي دمه و .......... يتبع ❤️
££££££££
عباله احنا بسهوله نستسلم كان غيرك اشطر 😆😆
لاتنسون تعليقاتكم ودعمكم للقصه حتى استمر 🌺

سوزان ليث🌸