رواية حب جنوني الفصل السابع وأربعون 47 - بقلم سوزان ليث

فجنت بالمطبخ دك جرس الباب مديت راسي شفت محمد دخل عزه من يم باب الاستقبال اريد اشوفه ماكو
يجنن طالع لابس قميص نيلي وبنطرون اسود وطالع كلش حلو وبيده باكيت الجكاير وتليفونات

هو دخل جوه اني شنو ظليت رايحه جايه
رحت للمطبخ كتبتله رساله 📱النيلي حلو عليك
دزلي 📱اريد اشوفج
دزيتله ماكدر ادخل
فرحت كعدت بالهول يم عماتي داسولف وياهن جان اسمع صوته كال السلام عليكم الكل جاوبه وعليكم السلام اني جنت كاعده بصف عمتي
هو دخل كام يبوس بعماته طبعا اباوع لهاله الابتسامه منا لهنا وصل يم عمتي الكاعده يمي طبعا هاي كلش سبورتيه
نزل عليه باسها باوع عليه كلها لعمتي بصوت بس احنا نسمعه منو هاي الحلو وياشر بحواجبه عليه طبعا اني ابتسمت ونزلت راسي عمتي باوعت عليه ورجعت باوعت عليه كلتله هاي نانا الحلوه
حسستني اني طفله
هو ابتسم وكام راح وكف يم الباب يحجي ويه عماتي ويسولف وياهن
اني بس اباع عليه وابتسم هاله حارت شسوت مره تكعد رجل على رجل مره سوي نفسها تعدل بشالها مره توكع شالها وطلع شعرها كله بس تريد تلفت انتباها
هو جان ممركز وياها جان يحجي ويه عمتي
فاني كمت فتت من يمه وطلعت للمطبخ رحت هاله صاير وجودها ينرفزني
ظليت بالمطبخ اشتغل
دزلي رساله 📱 غيري ملابسج معجبني

اني ظليت اباوع على هدومي عزه شبيهن اصلا حلوات خلاني اشك بنفسي صعدت لابست فستان طويل  وبي حزام من الخصر كلش عادي بس حلو مرتب
نزلت شفت قصي واكف بالمطبخ رحت يمه ظل يسولف ويضحك
فكتله اريد سماعات للتليفون سماعتي عطلانه انطيني مالتك ظليت اتوسل بي ميقبل
فاني جريتها من ركبته وركضت للهول
صار الغده جنا ننكل الاكل للزلم هو مجان اكو احد غريب عمامي ورياجيل عماتي ولد عمي
دخلنا اني والبنات ننصب السفره فاني دنجت اخلي السفره محمد جر مني السفره وكلي طلعي بره
اني ظليت اباع عليه عزه شبي هذا عفته وطلعت رحت ننصب الاكل للنسوان طلع اسد ويه محمد صاح
اسد عليه
يمه اني شفت محمد كمت ارجف هذا المسوي مصيبه يخاف باي لحظه ينكشف
رحت يم اسد
كلي صعدي محمد فوك خل يلبس تراك مني اني باوعت على محمد وهزيت راسي اي
رجع اسد دخل جوه اني كتله لمحمد يله تعال فاني صعدت وهو ورايه فتت للغرفه هو دخل باوعت عليه ابتسمت ابتسامه صغيره استحيت منه اول مره نصير وحدنا فتحت الكنتور داطلع تراك اله
كلي
محمد ... بعد من دنجين نزلي للكاع مو دنجين الدنيا كلها وراج
نبأ... ظليت صافنه عليه هزيت راسي اي وطلعت تراك كتله هذا زين
محمد ... اي زين
نبأ ... عفته وداطلع كلي
محمد... جم مره كتلج بطلي شقه ويه قصي ليش مسمعين كلام وتعاندين
نبأ... ممشاقه وياه
محمد... ومنيه جانت تتمضحك وياه بالكراج
نبأ.... لا جنت اسلم عليه
محمد ... وليش سلمين عليه
نبأ.... شنو ليش عادي غير ابن عمي
محمد... نبأ كعدي راحه
نبأ... شمسويه اني
محمد... اسمعي كلام لاظلين تراددين
نبأ... ماشي حنزل قبل ماطلع كتله ليش معجبنك ملابسي
محمد... قميصج كصير جان
نبأ... لا طويل
محمد... اذا طويل ليش غيرتيه
نبأ.... لان انت محبيته
محمد.... وانتي ليش سمعين كلامي
نبأ... عادي مو صديقي
محمد.... اي صح صديق
نبأ... اوكي حنزل جوه

نزلت وصلت اخر بايه اجتني هاله كالت اكلج محمد بعده فوك كتلها اي يريد يبدل حتى ياخذ راحته بالغده كالت ماشي شو هاي وخرتني وصعدت فوك
اني شنو ظليت صافنه مثل الصنم  مداستوعب هاي صدك صعدت فوك
ماكدرت اصعد ماعرف شنو المنعني يمكن كرامتي ظليت بالكوه مسيطره مانزل دموعي
دخلت للمطبخ بس عيني عالدرج هو نزل بسرعه دخل للاستقبال هي نزلت وراه
رحت كعدت حتى اتغده جانت نفسي مسدوده مخي كام يصورلي شغلات كلسع اتخيل من صعدت يجوز باسها يجوز حضنها اي همه وحدهم منو اليمنعه بالي كلسع سالفه جاي براسي
كمت رحت للمطبخ اني شنو حالتي عبالك سمجه مطلعيها من الماي
دزيتله مسج ماتحملت 📱تراضيتوا
هوشويه دزلي 📱شنو
دزيتله 📱تراضيتوا انت وحبيبت الگلب من صعدت الك
دزلي 📱بعدين افهمج
دزيتله 📱ماريد افهم شي اصلا شعليه اني
دزلي📱شبيج مخبله خليني اتغده بعدين افهمج

عفته التهيت نشيل بالاماعين وغسل وتعزيل وجايان هوسه طلعنا
كملنا شغل طلعت اني ورونق وبنات عمي كعدنا بالمرجوحه فمحمد جان يدزلي مسجات ظليت ماجاوبه
طلع قصي شافنا مجمعين اجه وكف يمنا يموت على لمه النسوان هههههه
كلي جيبي سماعتي والله اكول لامي
نبأ.... ههههههه كللها عادي
قصي ... ماشي نبأ والله اطلعها من خشمج
نبأ..... اي طلعها عود
حنان... (بت عمهم) شبيك شو ضايج
قصي ... ماكو يمعوده هاي مدجاوب خبلتني من البارحه
حنان ... خاف لكفت يولي
قصي... فال الله ولا فالج اني عندي رقم اختها بس ماكدر اخابرها اسئل عليها
نبأ... جيب اني احاجيها اسوي نفسي صديقتها
قصي ... صدك دبريها
نبأ... ديله قابل شحسوي
قصي ... دكومي تعالي نروح هناك ماكو صوت

نبأ... كمت رحت ويه قصي تقريبا وره البيت هناك هدوء
نطاني تليفون كلي دكيت طبعا اباع عليه خطيه شون خايف وكام ياكل باظافيره من توتر

دك تليفون جاوبت اختها سلمت عليها وكتلها صالي هواي ادك على رنا وماكو عساس صديقتي عاد صاحتها حجيت وياها هو شنو قصي كلسع خال راسه يريد يسمع واني ابعده
خبلني
حظي طلع جلال ومحمد ديطلعون يجيبون دوه لجدي. جان جلال يباع علينا عزه عباله مختلين بنفسنا صاح نبأ بصوت يمه اني بسرعه شمرت الموبايل على قصي
قصي ندار على جلال شال ايده سبه لجلال
جلال افتهم وراح بس محمد مشوفون وجهه صافن علينا صفنه اني كملت حجي ويه البنيه وسديته قصي واكف يريد يسمع شكو فاني داكله ليش مدجاوب بالاخير ضوجني احجي وياه واصابيعه بحلكه ياكل اظافيره ضربته على ايده عفته ورجعت لمكاني جان جلال ديطلع السياره من الكراج فمحمد بعد على وكفته شفته يلعب بتليفون كلت يمكن حيدز مسج الي يرزل

رجعت يم البنات طلعت تليفوني من جيبي شفته داز مسج عرفت لان جان يكتب المسج ويباع علينا

داز📱كلامي دايما ممسموع وكل شغله اكولها سوين عكسها ماشي نبأ

اني قريت المسج كلت خرب حضي هذا يغار من قصي عزه ملكه واحد احلا منه

دزيتله مسج 📱بعدين افهمك

سويتها وحده بوحده  للعصر الكل راح هو اصلا بعد ماشفته
اني صعدت سبحت ومددت جنت تعبانه كلش
دكيت عليه ميجاوب مره مرتين ماكو
دزيتله 📱صديقي ظل بالي وينك
هم مجاوب اني عفته ونمت كعدت المغرب مدازلي شي
اني نزلت جنت جوعانه اكلت ورديت صعدت اريد اقره
كعدت اقره
شويه كلت خل ادكله
دكيتله الدكه قبل متخلص جاوب الو
هلو شونك
زين
هاي وينك يمعود ظل بالي
اي مشغول
مممم. مشفتك من طلعت
اي
شبيك
مابيه
ليش تحاجيني من وره خشمك
بكيفي
ههههه
شكو ضحكين حاجي نكته
لا كلي شبيك
كتلج مابيه
اي احجيلي تراضيتوا
ويه منو
ويه هلول
كتلج قبل اليطلع من كلبي بعد ميدخله
مممم هاي هلول
هسه شتردين
ماريد شي داطمئن على صديقي غير
اطمني ماكو شي
محمد
ها
شبيك تنتر بيه المهم داكلك اليوم خابرت اخت صديقه قصي لان صديقته مدجاوب من شفتني واكفه وياه

وشعليه اني تحجيلي
غير انت صديقي حبيت اسولفلك
ها
اي
ماشي
ماشي
لتقلدين
ممقلده
حروح اني
حروح اني
شبيج
شبيج
ظلي عيدي كلامي
هههههه ظلي عيدي كلامي
ماشي
ماشي
كافي ولج
كافي ولج ههههههه
اريد بوسه
اريد وسكتت انتبهت يريد يحرجني
ها سكتي
هههههههه
يله حروح اكمل قرايتي
ماشي من تكملين كليلي حتى ادكلج
اوكي صديقي
باي
باي

رونق... وره حجي جلال مشفته حتى من جنت اروح لبيتهم دايما ماكو
بعزيمه اسد الكل جان جاي حتى انمار فبيومها رحنا من صبح يمهم امي ساعد عمه واني ويه البنات
فنزل جلال جان هسه كاعد نزل بالفانيله اني شفته رجعت للصاله ماريد كارهته
هو اجه مد راسه طبعا مشافني عباله بس نبأ بالصاله
صاح نبأ تعالي سويلي ريوك
نبأ كالتله اي ندارت عليه كالت هسه اجه هو انتبه عليه  نبأ طلعت اني ظليت اسوي نفسي ارتب وممهتمه اله
كال
صباح الخير
كتله صباح النور
شونج
زينه
شدسوي
باوعت عليه كتله دنظف طبعا احجي وياه من وره خشمي
هو كام يفرك برقبته عرفته يريد يحجي شي بس مستحي
اني مهتميت
كال رونق زعلانه مني
اني ظليت ساكته
كلي شبيج مو داحجي وياج
باوعت عليه كتله باع جلال اسلوبك ويايه ماحبه مو من تزعل تجي طلع خبالاتك عليه ومن ترضى تجي تريد احاجيك

يابه سويتيني مخبل مشكوره
باوعت عليه ودرت وجهي دامسح التلفزيون فاني عود واثقه من نفسي ودامسح بكل قوتي التلفزيون بلازما كاعد على قاعده فاني ظلين اديره منا ومنا تلفزيون مال يمكن نكسر القاعده ماعرف اني بسرعه نداريت على جلال
كتله عفيه جلال الحكني هو اجه بسرعه لزم تلفزيون نزل راسه ديشوف القاعده رفع راسه كلي كسرتي تلفزيونا  الا اكول الابويه عليج
عزه اني لزمته من جتفه كتله جلال والله مادري حباب لدكله هو خرب ضحك كلي شبيج يابه فدوه الج التلفزيون والبيت والعشيره هم
اني كتله هسه شنو نكسر
كال اي منا نفطرت القاعده  فاتت نبأ شافتنا اني وياه يم تلفزيون كالت
نبأ... عزه شبي التلفزيون
رونق... نداريت داكلها كسرت القاعده مادري جلال حجه قبلي
جلال...  نكسرت القاعده
نبأ... عزه منو كسرها
جلال... اني
رونق... باوعت على جلال غمزلي اني ابتسمت هو كام كال لحد يلعب بي عوفوا هيج وكوليلهم لشغلو بين منسوي القاعده عافنا وطلع
اجتي نبأ عليه كالت انتي الكسرتيه مو كتله لا شعليه اني هذا جلال
طبعا نبأ راحت وزعت الخبر بالبيت جلال كسر قاعده التلفزيون
اني ظليت ساكته
كملنا تنظيف فصعدت فوك كتلها نبأ حفوت اسبح يمكم مابيه حيل اروح لبيتنا فدخلت سبحت عالسريع وطلعت جلال جان ديريد يفوت لغرفته اني لابسه البجامه والمنشفه على راسي
فتت من يمه كلي اي حتى شكرا ماكو نداريت عليه كتله شكرا والله نفذتني
جلال... دايما سوين المصايب وتوكع براسي
رونق... ابتسمت اله كتله غير ابن عمي شيال همي
جلال.... روحي نشفي شعرج لتبردين
رونق... اوكي

مرات احس جلال يجنبني يعني حتى من يباع عليه شويه يخلي عينه بعيني وراها يظل مدنج ويحجي لو عينه ظل صافنه على حاجه بصفي ويحجي حتى من يريد يلزمني ميلزم ايدي ابد دايما يلزم رداني ماعرف ليش يوم عن يوم صرت انتبه لتصرفاته

من جنا ننقل الاكل فهو جان واكف يم باب الاسقبال ياخذ من عدنا الصواني
فاني دانطي الصيني دياخذها مني كلي نزلي حجابج جانت رقبتي طالعه اني بسرعه نزلتها
مره ثانيه اجه للمطبخ جنا واكفات نغسل اماعين فاني جنت ذابه الحجاب
هو فات اجه كال خل اغسل وخرت على صفحه كتله اكو واحد يغسل عالسنك ماكو مغسله باوع عليه كلي شو ذابه حجابج لابسيه
اني غسلت ايدي ولابسته هو رد فات للمطبخ يمكن يتاكد مني لابسته

هو شويه ملتزم اكثر واحد بولد عمي يعني صلاه صوم يروح للجامع يعني احب التزامه حتى امه دايما دكول بس هو الي مريحني عمره معلى صوته عليه ولا على ابوه
فاني بالعزيمه جنت لابسه بنطرون وفوكاه يلك عادي

بالليل دكلي جاوبته
الو
شونج
زينه وانت
زين
شدسوين
داقره
وانت
مدد اليوم تعبتي بالعزيمه
لا عادي تونست احب هاي التجمعات
اي زين رونق اني حجيت ويه امي حتى تحاجي امج
-صدك بس بس اني بعدني ممكمله دراستي واني تفقت ويه جدي اكمل يله

-اي اعرف حتى لو بس ننخطب
-مممم زين عمه حجت شي
-لا بالعكس اصلا كيفت كالت وين الكه احسن من رونق هاي اني الربيتها
-مممم زين
-رونق ليش احسج مجبوره بيه
-لا والله بس ماحب هيج الامور صير بسرعه
-رونق ماكو شي بسرعه رونق افهميني حتى لو خطوبه ومن دخلين كليه تكمليها عندي
-ماعرف
-اكو موضوع ثاني اريد احاجيج بي
اي شنوه
رونق ملابسج
شبيها
-رونق ماحب البنيه تلبس بنطرون حلو من تلبسين تنوره او فستان
بس اني بناطيري كله البس فوكاها طويل
-رونق اني ماحب البنطرون عالبنيه بصوره عامه مو عاد على حبيبتي
-بس انت خواتك يلبسن
-معليه بيهم ابويه موجود هو الي يحاسبهم اني ماحب مرتي الي هي انتي تلبس بنطرون
ممممم ماشي
يعني قتنعتي بكلامي
اي
احبج
هههه اوكي
شوكت تحجيها شلعتي كلبي
ههههه

غرام .... بيوم جنت راجعه من الكليه اني واسد جنا متناقشين بموضوع الغرفه ونقاشنا نكلب عركه شون ماعرف
فدخلت بدلت وتغديت وصعدت انام امي ورونق شافوني مطنكره عرفو زعلانه
رحت نمت كعدت على صوت رونق دكلي اسد جوه يريد ج
كمت رحت غسلت ونزلت جنت لابسه دشداشه فانيله قصيره ربع ردن
نزلت شفته كاعد بالهول وحده امي ورونق يعوفونا وحدنا عساس مخطوبين 😁
طبيت كتله هلو ورحت كعدت بعيد عنه وكعدت رجل على رجل هو جان يدخن باوع عليه حتى مجاوب
اني ظليت كاعده بس ماباع عليه جان يصيح
تعالي يمي
اني صعدت راسي كتله مرتاحه هنا
جر نفس من الجكاره كال تعالي

كمت رحت يمه كعدت بس مو كلش بصفه هو خله ايده على كتفي وجرني عليه صرت بحضنه كلي شبيج
كتله مابيه
كلي كل هذا الزعل علمود لون الغرفه
كتله لا بس انت بس تريد تمشي رأيك رأيي مو مهم عندك
كلي يابويه هاي اني
غرام .. اي جر ايدي باسها كلي
اسد... تدللين شتريدن اسوي بس فكيها
غرام ... باوعتله صفح كتله يعني ناخذ غرفه تركيه
اسد... ولو اعرف محتتحمل
غرام ... ليش متتحمل اني احافظ عليها شو هذا كلي لا متتحمل ويغمزلي

اني وخرت ايده كتله ااااااسد

اسد... ههههه هسه شكلنا قابل ماشي تركيه تركيه بعد شرايده
غرام ... بقاعه نسوي العرس
اسد... لا سالفه القاعه لا اول شي انه ربعي هواي وجدي مايحب سالفه القاعه ترديه مايجي لعرسي
غرام ... بس هسه الكل يسوي بالقاعه
اسد... هسه شعلينا بيهم احنا نسوي حفله بالبيت وشبعي ركص
غرام .... زين وين نسافر
اسد.... سفر عالعطله الجبيره لان منلحك نسافر ونرجع وانتي دوام
غرام ... لا اسد حباب اريد شهرعسل
اسد... اي حبيبتي شهر العسل ناجله عالعطله الجبيره حتى روح براحتنا ممتقيدين بوقت

غرام .. ماشي
اسد... هسه شنو
غرام ... شنو
اسد... ماكو بوسه
غرام ... اسد امي هسه تجينه بس قبل ماكمل جرني عليه صرت ادفعه وهو يحضني اكثر طبعا ماكدر عليه

من يرجع من دوام نشاط عنده كلش قوي كل ميشوفني يجلب بيه
ماعده شفتي مرات احسها مجروحه من وراه احسه يفترسني 🙈 بس احبه مرات اكله تاذيني انت يكلي من حبي بيج ماسيطر على نفسي
حتى مرات من احجي وياه هو احسه مو ويايه صافن على شفتي بسرعه اكوم من يمه لان كمت اعرف نظراته
ويا عمه او احد من اهلي شوفني دكلي ولج الله يساعدج عليه هذا حيكسرج تكسر اني اظل اضحك وابتسم بس بداخلي اخاف ماعندي احد احجي وياه بهذا الموضوع بس هو صح من احجي وياه يطمني ويكوم يسولف ويايه شغلات ضحك وحلوه

بمره جنا كاعدين اني وياه فكلي تذكرين اجيتوني للمستشفى انتي والبنات
كتله اي كلي منيه الجانت لابسه ازرك تذكرين
فاني اخذت صفنه كتله والله ماذكر ليش كلي هيج داسئل
كتله اوكف ايمان اخذتنا سلفي واحنا كاعدين
دزيت رساله لايمان دز الصوره شويه ودزتها صوره سلفي بيها اني ورونق ونبأ وشويه من ايمان

شفتها كتله رونق جانت لابسه ازرك باوع للصوره وابتسم
كتله خير كلي ان شاءالله خير ........... يتبع ❤️