رواية حب جنوني الفصل السادس وأربعون 46 - بقلم سوزان ليث

العصر فتحو غرفه اله اصدقاء اسد كلهم يمنا بس عمتي دخلت شوفه
طلعت كالت تعبان سوده عليه اني اللوب اريد جماعته يطلعون اريد ادخله عاد طلعو اجه فهد كلي تعالي ماكو احد كمت امشي واحس ايدي ترجف فتح الباب ودخلت شفته اول مافتت دار وجهه عليه ابتسملي بتعب صرت اتقرب منه واني دموعي تنزل ممصدكه رجعت شفته مفتح عينه وكفت يمه ظل يباع عليه شويه وشويه يسد عينه كتله
حبيبي حمدلله على سلامتك
ابتسم وهز راسه ميكدر يحجي احسه كلش تعبان لزمت ايده هو بادلني الفعل هو نايم ظليت كاعده يمه وهو نام يمكن من وره الادويه
دخلت مرت عمتي وعمي اني مكمت من مكاني ظليت كاعده يمه ولازمه ايده واباع لوجهه تمنيت لو اكدر احضنه ابوسه

عمي اجه طبطب على كتفي كلي هسه ارتاحيتي من شفتيه
ابتسمتله كتله اي اكيد

شويه وفتح عيونه تلفت منا ومنا عمي كله محتاج شي
حرك اصابيعه ب لا
رحت وكفت يمه كتله شونك باوع عليه بنظره حسيته يكلي اتقربي مني احضنيني ابتسمتله وباوعت على عمي وعمه هو افتهم اني استحي منهم بس ظل يباع عليه وعيونه تعبانه

اجوي عمامي وجدي وجده حكمه خطيه هم جايه طبعا هي وجدي بس يتناكرون  بكل موضوع ينفتح
اسد كان جدا تعبان اول مره هيج اشوفه اذا احد تحمدله السلامه يكتفي باابتسامه
اجتي الممرضه بدلت المغذي وضربت ابره بي كالت هسه حينام

جدي شافني كاعده وبس صافنه عليه كلي كومي يله حتى نوصلج باوعت عليه وعلى عمي اني اخاف احجي ويه جدي بس ماكدرت اسكت كتله لا جدو ابقى هنا
عمي جاوبني كلي هو نايم روح ارتاحي ونامي شويه وجهج تعبان
حسيت الكل مستكثرين ابقى اباوع عليه
عمي شافني ضجت كلي روحي رتاحي وباجر من صبح تعاليله
كمت رحت يم اسد ظليت واكفه يمه اريد ابوسه بس للاسف ماكدر الكل فوك راسنا
رجعت ويه عمي وجدووصلوني لبيت بيبي
نزلت طبعا الكل استلمني شونه من كعد شحجه شكال تعبان متاذي. هواي اسئله من حبهم بااسد كانوا يردون يطمنون عليه
دخلت سبحت وطلعت انشف شعري كنت تعبانه بس اخلي راسي يمكن انام سنه
اجتي رونق ونبأ يمي مابطلوا اسئله على اسد مددت وهنه يمي جنت اسولف وياهم حسيت صبح امي تكعدني ماعرف شوكت نمت حتى متعشيت
كعدت عيوني منتفخات من نوم نايمه من المغرب كعدت غسلت ودخلت ابدل جتي نبأ وايمان كالوا نجي وياج اليوم كتلهم ماشي
بدلت وطلعت كعدت ننتظر جلال
جتي امي مسويتلي لفه حتى اكلها صراحه مجنت اشتهي بس اكلتها حتى ماحس بدوخه
اجه جلال ورحنا اني وامي والبنات حتى رونق اجتي
وصلنا للمستشفى اول ماوصلنا الممر الي بي غرفه اسد عمي شافني كلي بالليل اسد كعد وسئل عليج متصورون الفرحه الصارت عندي دخلنا هو جان مفتح عيونه من دخلنا لتاف علينا البنات ركضوا عليه بوسوا وتحمدوله السلامه وامي هم جاوبهم بصوت مبحوح وتعبان اني جنت اخير وحده وره مكملو سلام تقربت عليه
كتله
شونك اليوم باوع عليه وكلي زين امي ظلت سولف وياه هو يجاوبها بهدوء وكلسع يدير وجهه عليه
اجه عمي شافني واكفه بعيد عنه كلي روحي كعدي يمه سولفي وياه اني استحيت ظليت بس ابتسم رحت كعدت يمه الكل جان ملتهي يسولف ظلينا اني وياه بس مجرد واحد يباع عالثاني بدون كلام قلوبنا جانت تحجي نظراتنا حجت كلشي ممكن نكوله لبعض
عيوني حجت الخوف والرعب العشته وهو مو يمي
عيونه حجت الالم الي عاشه وهو بااعتقاده هاي لحظاته الاخيره

ابتسمت اله كتله
غرام ... اشتاقيتلك
اسد... مو بكدي
غرام ... ظليت لازمه ايده وافركها ظل يباع عليه وكلسع يباع على اهله
همس الي
اسد... ذوله محيطلعون ويعوفونه وحدنا
غرام ... ابتسمت كتله بهمس ياريت اريد ابوسك لتاف عليهم طبعا راد يحجي شي اني عصرت اصابيعه امنعه فسكت

شويه واجوي جم صديق اله اضطرينا نطلع بره الغرفه
جذب نظري صديق اسد كان يباع لرونق بنظره حسيته انعجب بيها
طبعا اصدقاء وجبه رايحه وجبه جايه لان اكو وياه هم مصوبين خطيه جنود واكو ضابط هم مصوب فيجون زياره للكل

رونق .... لما رحنا لاسد للمستشفى وشفناه خطيه جان كلش تعبان كلش انصدمت من شفته ممتعلمين عليه هيج هذا اسد جنا نشوفه من صدك اسد هلكد منحسه قوي
هيج نايم هسه وديتالم طبعا  دخلنا سلمنا فاني دنجت على اسد بسته من كصته اتحمدلله السلامه فرجعت ليوره حتى اسوي مجال لنبأ
كان جلال واكف يم باب الغرفه نداريت حتى ارجع  فصرت قريبه عليه
هذا همس الي  واني ماكو بوسه الي
باوعت عليه ورفعتله حاجبي عفته ورحت وكفت يم امي هو ظل كلسع يباع عليه ويبتسم

اندكت الباب فتحها جلال طلعو اصدقاء اسد فجلال اشرنا حتى نطلع
فطلعنا فاني عادي طلعت جنت مدنجه راسي فرحنا كعدنا بره بالممر فجتي غرام دكلي  شفتي هذا الطويل شون باوع عليج  راد ياكلج
اني ضحكت كتلها لا من يطلع شوفينياه بله اني هيج مجرد فضول اريد اشوف شكله لان همه 4 جانوا

غرام جانت كاعده اني ونبأ كاعدين يمها فجنا سولف عادي طلعو اصدقاء اسد فغرام ضربتني بعكسها حتى اشوف صديق اسد اني صعدت راسي جتي عيني بعينه بسرعه دنجت همه ظلو واكفين يم الباب ديحجون ويه عمو هو كلسع يباع بااتجاهنا نبأ كلتلي يمه هذا شطوله عبالك تيل مال كهرباء اني ضحكت صعدت راسي شفته يبتسم ويانه هههههه الولد جان كلش خفيف الله يسلمه شون صديق اسد ماعرف

جلال طلع من الغرفه عيونه صارت براسه يمكن حس هذا يباع علينا بسرعه اجه صار بين الولد وبينا الولد راحو ندار علينا كال دخلو جوه وحجاها بعصبيه

غرام بس طلعو الولد اصلا فاتت ركض اني ونبأ كمنا دنطب جوه دقايق ودخل جلال كال لانبأ امشي يله خل ارجعكم نبأ وايمان كاموا يخافون منه لان عصبي اني ظليت كاعده باوع عليه كلي كومي
باوعت عليه كتله لا اني ارجع ويه امي باوع عليه وخازرني امي دغتني كالت كومي البنات شون يرجعن وحدهن لبيت بيبيتج اني كمت سلمنا عليهم وطلعنا طبعا اني ونبأ وايمان نمشي سوه هو يمشي ويندار علينا  وخازرنا عبالك مسويات جريمه
ايمان كالت والله اليوم كتلتنا عمل شعبي كتلها وشسوينا احنا يمه حتى يكتلنا
المهم وصلنا للسياره اني ايمان ونبأ صعدن بالخلف بسرعه اني داصعد هسه خليت رجل وحده وياهن جان يعيط سايق الخلفكم اني
نبأ دفع بيه حتى اصعد ليكدام اني
رجعت كعدت يمه ظليت خاله ايدي على خدي واباع بشباك شو هذا اشتغل بينا بعد ماكو روحه للمستشفى والله الدكول اريد اروح اكسر رجلها احنا سكوت وطبعا الطريق كله يا سياره صير يمه لو مقابيله لازم يفشر عليهم هيج منك هيج من ابوك
وصلنا لبيت بيبي فاني دانزل جان يلزم  رداني شكد اكره هاي حركته
كالي لازم عجبج وكمتي ضحكيله طبعا اني شنو بالبدايه مفتهمت بعدين طخت بالي عزه هذا عباله ضحكت اله
اني وخرت ايدي وفتحت الباب ونزلت طبعا هو بسرعه شحط السياره وراح
اني والبنات دخلنا وظليت اكل بنفسي ليش مجاوبته ليش خليته هيج يحجي لو كايلتله هيج لو حاجيه هيج ظليت بالاخير لازمت التليفون دكيت عليه  مرتين مجاوب بثالثه انطه رفض
خلاني افور كلسع اكتب مسج اريد ادزها وارجع امسحها

غرام ... دخلت على اسد وره مطلعو اصدقائه رحت يمه كتله محتاج شي

اسد.... اي
غرام ... شنو
اسد ... انتي
غرام .... ابتسمت اله وكعدت يمه عالسرير كتله خوفتني عليك
اسد... واني خفت بعد ماشوفج
غرام ... الحمدلله غراضك عندي محفظتك وحلقتك والمحبس دنجت بست ايده حسيته ديتألم كلسع عاقد حواجبه بس جان يكابر ميكول اتاذه حتى ليخوفنا
مر اسبوع تقريبا وهو بالمستشفى اني طبعا اروح من صبح للمستشفى اطلع بالكوه منها تكدرون تكولون اطلع ساحليني بالكوه ارجع لبيت بيبي رونق والبنات وامي رجعو للبيت اني ماقبلت ارجع
اسد ظل يحجي ارجع علمود دوامي بس جنت رافضه الا هو يرجع ويايه
هو بده يشد حيل صار يكدر يكوم صح بالبدايه بصعوبه جانت رجله توجعه يمكن بالانفجار واكع عليها فجان شويه يعرج بيها
طبعا بس يريد يطلع كل مايجي دكتور يشوفه يكله اني صرت زين اكتبلي على خروج بالاخير الدكتور بزع منه كله اكتبلك خروج على مسؤوليتك عاد قبل
عمي كله ناجر سياره اسعاف ترجعك لان خاف متكدر بسياره العاديه بس مقبل طبعا ماخذ العمليه والوجع كله مثل ميكولون بحيله
عاد صار يوم خروجه من المستشفى
رجعنا بسياره جان جلال يسوق وعمي ليكدام واني واسد بالخلف
طبعا
اني طريق كله اباع على اسد وخطيه جلال جان على كيفه يسوق
طبعا الطريق طويل واسد ميخله من التحرش بيه كلسع كارصني من فخدي
خبلني بين موصلنا

وصلنا العصر بين مدخلنا شويه والبيت نكلب عمامي وجدي وبيبي وعماتي طبعا اني رحت لبيتنا جنت تعبانه وقبلها منايمه فسبحت وجفي بالفراش كتلهم كعدوني بثمانيه كلت حتى اروح اشوفه
شو حسيت ساعه بتسعه صبح كمت غسلت ونزلت ظليت اكلهم ليش مكعدتوني
كالو يبس لسانه واحنا نصيح غرام

رونق... والله عبالي ميته مو نايمه
غرام ... والله جنت تعبانه كلش
تريكت ولابست العبايه ورحت لبيت عمي فتح الباب فهد اول مشافني كلي وينج اسد البارحه كلسع سائل عليج
كتله جنت بغيبوبه
طبيت جوه عمتي شافتني كالت ها يابه وينج مختفيه من البارحه كتلها نمت محسيت
سئلت على اسد كالو خالين سرير بالاستقبال اله ونايم دخليله
عاد رحت فتحت الباب هو جان نايم رحت يمه كعدت ظليت امشي اصبعي على وجهه فتح عيونه
كتله صح نوم حبيبي
اسد... اني صح نوم لو انتي
غرام ... اي والله البارحه نمت ونومه نومه للصبح
اسد... واني عايفتني هنا مدكولين رجلي مريض مصوب تعبان اكعد يمه اداريه
غرام .... اسد لتحجي هيج تقهرني والله محسيت كتلهم كعدوني بس محاسه عليهم بس والله وعد اليوم حتى ابات يمك هنا ( طبعا حجيتها هيج حتى اراضيه )
اسد... نشوف
غرام ...يله كوم حتى تغسل وتتريك عاد كام وغسل وتريك
ثاني يوم نفس الشي عاد مقبل الا اداوم وظل محاظراتج امتحاناتج
حضرت نفسي وثاني يوم قبل ماروح للدوام مريت على بيت عمي
فهد يكلي شبيج مغبشه علينا مدكولين ناس عدهم مريض نايمين
ضربته ودخلت على اسد جان نايم عاد رحت يمه لازم اتحارش بيه بسته هو بسرعه فتح عينه كلي ها
كتله جيت اشوفك قبل ماروح
ماشي حبيبتي ديري بالج على نفسج
اوكي

عاد داومت الخط كله يسئلني ليش مجايه وليش وليش عاد كتلهم الصار رحت للكليه شفت صديقاتي وسلام وشويه ودخلنا محاظره
وره المحاظره جنت ادور على دكاتره مالتي احجيلهم ظروفي لان جم امتحان عده واني ماكو وخطيه الحجيت وياهم تفهموا ظروفي
كملت دوام فجنت واكفه بمكان تجمع الخط جتي كوثر يمي دسولفلي دكلي بغيابج يوميه فراس يسئلني عليج داومتي لو لا
وليش مداداوم وليش ماكو فاليوم كتله داومت راد يعرف سبب كتله خطيبها مصوب وجانت يمه
تعرفين شكلي
كتلها شكلج
كالت يكلي هاي اني دعيت عليه لان اخذها مني
ااني كمت افور كتلها وهو منو حتى يدعي عليه ميستحي والله بس اشوفه ارزله
فعاد كلتلي يمعود هسه قابل هو امام دعى والله بسرعه استجابله
كتله لا ميستحي شون يكول هيج كتله مره ثانيه اذا حجه كليله غرام لاسد من جانت بطن امها ولايخليني اكول لاسد عليه والله يطيح حظه
نرفزني هي ظلت تهديني ودكلي لو ادري محاجيتلج وماعرف شنو
رجعت للبيت
خابرت اسد كتله رجعت ابدل واجيك كلي اي حتى نتغده سوه
غسلت وبدلت ورحت جنت كلش تعبانه فتغديت اني وياه طبعا اني كل مااباع على اسد افشر على فراس ظل خطيه يشوفني ضايجه كلسع يكلي شبيج وشبيج بس كتله تعبانه خطيه سوالي مكان يمه كلي تعالي نامي يمي
رحت مددت بصفه هو ظل لازم ايدي ويبوس بيها اني كتله اسد صير زين حتى نزوج
اسد.... وليش اني شبيه ترى اكدر عادي
غرام ... هههههه ااااسد احجي صدك
اسد... وداعتج حتى اني احجي صدك
غرام .... ههههه كافي شكد تحب قله الادب
اسد.... بس وياج

وراها عدت ايام واسد صار احسن يعني كام يكدر يكوم ويمشي
فبيوم جانت جده حكمه يمنا فكاعدين اني وهووهي وام اسد
فااسد كال لامه اليوم اصعد فوك انام هنا مماخذ راحتي
فاامه دكله صير زين واصعد هسه منو مضوجك هنا
كاله ماريد اني اريد اصعد فوك هنا لا اكدر ابوس لا اكدر احضن الكل فوك راسنا مسوين منع تجول علينا
اني عيوني انفتحت على اسد شون هيج يحجي كدامهم
جده حكمه كلتله وعساس انت خجلان من عدنا
كلها لا والله بس هي تخجل ممتعلمه الا بغرفتي عزه اني حسيت نفسي حتخربط من الفشله
كمت انطي اللوان
عاد عمتي كلتله اصعد يمه شريد منك جده حكمه ندارت عليه دكلي وانتي لاصعدين وياه استري على نفسج
اني صارت عندي ابتسامه نفس ابتسامه ماروكو الصغيره 😰😥😰

ثاني يوم جنا اني وياه كاعدين سوه وكلسع يتحرش بيه ومن ماقبل يظل يقهرني عليه على اني مريض ومصوب وانتي مداريني يخليني انقهر عليه
جنت داسولف وياه شوهذا كام يتقرب زايد مني كام يلعب بدكم مال القميص فتح اول دكمه يم صدري جان يفوت ابوه هو بسرعه عدل كعدته ابو سلم عليه وسئل عليه وطلع رجع لزم ايدي ديتقرب يبوسني جان امه دخلت كالتله اسد سويت هريسه تريد اصبلك كلها يمه انه صرت هريسه صبي
خربني ضحك ندار عليه كلي ابوسج ابوسج
اجتي امه جايبتنا هريسه خلتها وطلعت فكعدنا ناكل فكملنا داشيل الصينيه هو لزمني من ايدي كلي تعالي كعدت يمه كتله محتكعد راحه الا تفضحنا كلي محد ماكو تعالي هسه خله ايده وره ظهري نبأ فتحت الباب علينا صيح غرام
هو ندار على نبأ كلها كون ان شاءالله رجال اعور واعرج وسنونه كلها طايحه وعده تبول لا ارادي

عزه اني فطست ضحك نبأ ظلت صافنه علينا متعرف شكو خطيه

مر شهر تقريبا على اسد وتحسن الحمدلله صح مرات يحس بنغزات بس الحمدلله احس بهواي حتى جروح البوجهه ظليت يوميه اخليلهن كريم لحد ماختفن
عمي سوه عزيمه بمناسبه سلامته والكل جان حاضر

اتفقنا بنص السنه زواجنا يصير طبعا امي ماقبلت على بعد وكت وليش مستعجلين بس اني وياه جنا قابلين
هورجع يداوم بس جان كلبي يوكف من ادك عليه ومغلق تليفونه بحيث صارت عندي مثل الحاله النفسيه يمكن من يغلق تليفون اظل افكر هسه صار هيج بي لا هيج بي
اموت لحد مايرجع بدينا نجهز شغلات العرس اتفقنا نزوج بيت عمي مؤقتا بين ميرمم البيت الي حنكعد بي لان المؤجر مدمره للبيت

نبأ... لما رجع اسد للبيت طبعا اني ومحمد كاظيها بس مسجات وبالليل يخابر بس حجينا عادي مواضيع عامه

من جان يجي للبيت حتى يشوف اسد جنت اظل اللوب الا ادخل حتى لو بس اشوفه واطلع ومرات جنت مادخل اكول اشوفه يشتاقلي ويظل يدزلي مسجات ليش مدخلتي وليش مجيتي
فمره ابويه سوه عزيمه غده على سلامه اسد فعزم الكل فبيومها محمد كلي جايبلج شغله ويايه مقبل يكلي شنو

بيوم العزيمه اني عبالك خطوبتي مبدله ومكياج خفيف وكلسع اروح عالمرايه فجوي عماتي ووزوجات عمامي  النسوان جانوكاعدين بالهول والزلم بالاستقبال بس مفتوحه الباب كلسع امد راسي اريد اشوف محمد ماكو
حتى هاله جانت جايه وكاشخه طبعا اموت منها صايره
فجنت بالمطبخ دك جرس الباب مديت راسي شفت محمد دخل عزه من يم باب الاستقبال اريد اشوفه ماكو
يجنن طالع لابس قميص نيلي وبنطرون اسود وطالع كلش حلو وبيده باكيت الجكاير وتليفونات

هو دخل جوه اني شنو ظليت رايحه جايه
رحت للمطبخ كتبتله رساله 📱النيلي حلو عليك
دزلي 📱اريد اشوفج
دزيتله ماكدر ادخل
فرحت كعدت بالهول يم عماتي داسولف وياهن جان اسمع صوته كال السلام عليكم ...........يتبع ❤️