رواية حب جنوني الفصل الثامن وأربعون 48 - بقلم سوزان ليث

بمره جنا كاعدين اني وياه  فكلي تذكرين من اجيتوني للمستشفى انتي والبنات
كتله اي كلي منيه الجانت لابسه ازرك تذكرين
فاني اخذت صفنه كتله والله ماذكر ليش كلي هيج داسئل
كتله اوكف ايمان اخذتنا سلفي واحنا كاعدين
دزيت رساله لايمان دز الصوره شويه ودزتها صوره سلفي بيها اني ورونق ونبأ وشويه من ايمان

شفتها كتله رونق جانت لابسه ازرك  باوع للصوره وابتسم
كتله خير كلي ان شاءالله خير

غرام .... شكو
اسد.... جاي عريس لرونق
غرام .... صدك منو
اسد... احمد صديقي شافها بالمستشفى اجه سئلني عليها ويكلي اريد اناسبكم عباله اختي كتله والله ماعرف منيه ام الازرك
غرام ... ياهو هذا
اسد... من جوي البنات للمستشفى مو جوي جماعتي
غرام ... اي
اسد... هذا طويل اطول واحد بيهم مسطره
غرام ... ها اي ذكرته عزه هذا ظل يباع على رونق حتى كتلها عليه
اسد.... اي هو طويل خوش ولد ماعده سوالف مكسره
غرام ... بس ماعتقد تقبل
اسد... ليش
غرام ... ظليت ساكته فكرت بكلبي كلت شو جلال لاحس ولاخبر خاف بطل كتله ماعرف اسئلها بالاول اذا قبلت كول لامي

اسد... ماشي هي وين
غرام ... فوك هسه اصيحها

صعدت فوك للغرفه شفتها كاعده ومطشره الكتب وتقرا
رونق اسد يريدج
رونق... شيريد
غرام ... هههه تعالي عده موضوع وياج
رونق... شكو
غرام ... تذكرين ههههههه
رونق... دحجي كبر
غرام ... تيل الكهرباء طالب ايدج من اسد
رونق... تيل الكهرباء منو جلال
غرام ... لا ياجلال شبيج صديق اسد الي ظل يباع عليج بالمستشفى
رونق... كذابه
غرام ... والله دمشي اسد جوه دينتظرج سوي نفسج مصدومه

نزلنا اني وغرام بس فتنا للهول هو صعد راسه باوع عليه كلي حجيتيلها مو كتله لا ابد كلي غروووم كتله اي متحملت ههههههه

اسد... تعالي دبدوب
رونق... رحت كعدت يمه
اسد... شونج
رونق... زينه
اسد... شخبار السادس
رونق... زين داقره
اسد... يله شدي حيلج اريد معدل اعلى من غرام
رونق... ان شاءالله
غرام ... لعبالك اغار بالعكس ان شاءالله جيب اعلى مني وتدخل عام
اسد... مخبله باعي رونق بما انه المدام حجتلج هو الولد ونعم منه شاب خلوق ومتربي وماعنده سوالف مكسره هو مواليد88
ضابط امه وابوه متوفيين يعني حالته زينه

رونق... ظليت اباع على اسد عزه هذا ميدري اخوه رايدني كتله اسد اني ماريده
اسد... ليش والله خوش ولد
رونق... اي بس ( استحيت اكله على جلال ) كتله اني اريد اكمل دراستي وماريد هسه ارتبط
اسد... هاهيه براحتج

رونق... كمت منهم وصعدت فوك ماعرف ليش ضجت من اسد كلي على صديقه
دزيتله مسج لجلال 📱اسد جايبلي عريس دريت
هو يمكن بس وصل المسج دكلي
جاوبته الو
شنو اسد جايبلي عريس
اي صديقه خاطبني
وين شافج عيني
بالمستشفى
هذا الطويل الجان يباوع
اي
وجعي وشكتيله
كتله افكر
تفكرين رونق
ههههه اشاقه كتله لا ممفكره بزواج
وليش ماكتيله رايده جلال
وانت اخوه مكايله تريدني اني اكله طبعا استحي
ماشي يله حروح اني
اوكي باي
باي

شويه واجتي غرام كالت اكلج جلال خابر اسد وماعرف شبي اسد كال حروح اشوفه
كتلها مو اني كتله اسد جابلي عريس
عزه بعينج
انتي ليش ماكتيله اخوك يريد اختي
ماعرف استحيت هو شو محاجي كلت خاف عيب اني احجي
حبيبتي متنطين بااختج
هو شوكت يحجي بسالفه
والله هو كلي حخلي امي تحاجي امج بس اني كتله شويه اجل الموضوع
وليش ياجله
غرام مادري عقلي مشوش
اوي عيني عقلها مشوش وليش عقلج مشوش
مادري اكول خاف بعدين اتندم او اطلع ماحبه
انتي تحبيه
مادري مادري هو اني ارتاح من احجي وياه واتونس بس اكو شي ناقص

وشنو هذا الشي
مادري جلال حباب وادري بي يحبني
اوكي وين المشكله من هذا
المشكله اني
شون يعني
.يعني من كلي احبج ردت اكله اني هم بس مكلتله وراها حسيت اني ماحبه وراها كلت لا احبه وهسه بين احبه وبين لا

ممممم كولي ممتاكده من مشاعري وفضيها صالج ساعه تحجين
.امداج فوك مادافضفض الج
.باعي حبي اذا انتي ممتاكده من مشاعرج ممجبوره تقبلين
.اعرف
.انتي خايفه ليجي يوم ويعيرج باانمار
.اي
.بس جلال لو من هذا نوع جان اصلا ماجه عليج وكلج احبج جان كال هاي عدها علاقه جانت ويه غيري خل اعوفها
غير يعرف اخلاقج شنو

.اعرف والله هو اصلا عمره مجاب طاري انمار الا من اني احجي
.لعد خلص انطي فرصه او عوفي هسه هذا الموضوع كملي سادس والله كريم اهم شي انتي

تعرفين مرات انقهر عليه
ليش
مادري من اشوفه شون مهتم بيه من يراسلني يظل يسولفلي شغلات حتى اقره اكثر دايما احسه يريدني اصيراحسن وحده

مممم وهذا شي زين المفروض يفرحج هذا الشي
اي
رونق  تعرفين هو قبل جان عده وحده اسمها ابتهال
اي اذكرها هاي جانت تلبس بنطرون اخوها 
اي مدري وين صفه بيها الدهر

هسه من اخابره اسئله

نبأ... جنت نايمه راجعه من دوام وقبلها سهرانه عدنا امتحان واصلا مسويه الموبايل صامت نمت 2 الظهر كعدت على صوت ايمان ساعه بثمانيه بالليل جنت كلش نعسانه بحيث كعدت دايخه
وممتغدايه
كعدتني ايمان دكلي

ايمان .... كومي عيني كومي ست الحسن ودلال
نبأ... شكو
ايمان ... كومي محمد جوه من ساعه بسته هو هنا
نبأ... صدك كمت بسرعه كتلها شو مكلي حيجي شلت التليفون عااا لكيت مكالمات كومه منه ورسايل كومه كله وينج بيج شي ظل بالي
كتلها نبأ... هذا يمكن جاي عليه

ايمان .... اي عرفت اسد يكله تعالي نطلع يكله لا عاجبني ابقى اتعشى عدكم

نبأ... كمت بسرعه من الفراش ركض للحمام غسلت واجيت اباع نفسي بالمرايه عزه شون شكول صايره وحهي اصفر من تعب من سهر ماعرف ونايمه ومنفوخ جو عيني اووو مأساة
خليت شويه باودر وماسكاره لان من اخلي كحله الكل يكلي وين رايحه عبالك مسويه مكياج تتوريال عدلت نفسي ورشيت عطري المفضل ونزلت اتمخطر
بنزلتي طلع اسد
صاح ها ولج كرعه ماكو اليوم بصوته العالي احنا واكفين يم باب الهول
كتله اي جنت نايمه مدري متخربطه من تعب
دروحي بويه اكلي شي شبيج مصوفره
خرب حظي فضحني كتله اي رحت للمطبخ صبيت اكل وكعدت اكل وكلسع ماده راسي للممر بالكي المحه

دزيتله رساله 📱اليوم عدنا
جاوب 📱وينج انتي خبلتيني ادك عليج وماكو
دزيتله 📱والله جنت نايمه وتليفون صامت
جاوب📱من العصر هنا بس اريد اسمع صوتج ماكو خبلتيني
دزيتله 📱اوي فدوه للخايف عليه

مجاوبني
شويه امي جتي كالت كومي دخلي فواكه للولد عزه اني كمت كتلها اي بسرعه حضرت الفواكه وعدلت نفسي ودخلت هو جان ديشرب جكاير من دخلت
كتله السلام عليك شونك محمد
محمد ... وعليكم السلام هلا بيج الحمدلله انتي شونج
نبأ... الحمدلله دنجت خليت الفواكه عالطبله وداريد اطلع اسد كال نبأ تعالي كشريلي برتقال
اني عبالك كلي فد شغله عظيمه بسرعه اخذت ماعون بي تفاح وبرتقال
وكعدت اكشر وكلسع اباع على محمد هو طبعا ميكدر يباع عليه لان اسد ديسولف وياه
كملت تكشير  كمت نطيت الماعون الاسد اسد شاله نطاه لمحمد
مد اخذه منه وباوع عليه كلي عاشت ايدج
كتله بالعافيه
ندار اسد كلي سويلي الي
كعدت سويت الاسد ونطيته اله من داطلع محمد صاح نبأ
اني كلبي صار بي تقلص نداريت عليه كلي بلازحمه ماي دافي اريد
كتله اي  رحت جبتله ماي وقدمته اله

طلعت سوينا عشه وكملنا كعدنا ناكل فاني جنت ماكله ماشتهي بس كعدت اكلت حتى اظل اباع على محمد

بالليل وره مراح خابرته
كلي
اليوم اكلت فواكه من ايدج
هههههه ديله ماكل قوزي
مو جانت اله غير طعم لان من ايدج
ممممم شكرا
نبأ بالقران اذا سويتي تليفون صامت ونمتي مره ثاني لااجرم بيج
عز شبيك تعيط
ولج خبلتيني ادك عليج وماكو ميت فكره اجتي بالي ولج حتى فكرت اخوتج شافو مكالماتي
خفت عليه
-ولج رعبت من ساعه ب 3 ادك عليج للسته ماتحملت اني بيتكم نوب اشوف الوضع هادء وماكو هوسه وماكدر اسئل عليج خبلتيني

-زين اذا شافو مكالماتك جان سويت
جان كبل خطبتج
لابله منو كال اقبل
وليش متقبلين
لان احنا اصدقاء
مممم اصدقاء زين اذا مو اصدقاء وجيت خطبتج توافقين
مادري
فكري ترى انه خوش شاب عندي سياره وبيت واحب السفر والونسه
والعب حديد
شنو هالاغرات اذا هيج اقبل هههههه
نونو
نعم
تعرفين صرتي ادمان
شون يعني
من اكعد صبح اول وحده انتي تجي بالي بسرعه اشيل تليفون اكتبلج مسج اذا ضايج اريد احاجيج اذا فرحان اريد احاجيج بكل وقت اريد اظل احجي وياج

مممم وهذا شي زين لو لا
هو خطر بس مرتاح اله
ليش خطر
لان من اتعلم على شي اني مصيبه
ليش مصيبه
لان اعتبره مالتي
يعني هسه اني مالتك
شدكولين انتي
ماعرف داسئلك
اظاهر هيج
هههههه حب امتلاك
مو ويه كل الناس بس الي يدخلون گلبي
اني هسه بگلبك
ومتربعه بي
ممم حمودي
عيونه
من جنت صغير مره جيت ويه اسد للبيت كعدت تقريني رياضيات تذكر
ماعرف شوكت
من زمان يمكن من جنت بالابتدائيه
اي
فااني مداعرف بوكتها اسد يمنا جان كاعد كفخني على راسي كلي ثوله فتحي دماغج انت بوكته سحبتني وظليت تحجي على اسد
وخليت ايدك على راسي ظليت تمسد الكفخه ودكلي تاذيج
تذكر لو لا

هههههوالله مداذكر بس اويلي لو ارجع اقريت رياضيات جان شرحتلج شرح مصاير

ههههههه  ممم اوكي محمد يله حروح عندي قرايه داكمل مظل وكت
بقي الخط مفتوح واقري
لا شون
شعليج انت بقي يجوز اذكر شي اكلج
شنوه
من اذكر اكلج
ممممم اوكي  خليت السماعه وكعدت اقره وكلسع يدندن ويه نفسه واني اسكت ويرجع يكلي اقري
وارجع اقره هو يظل بس يخرخش وينفخ يمكن يشرب جكاير بالاخير كتله
اكلك مداكدر اقره وانت فاتح خط
كلي ماشي روحي بس تريد تروح روحي

المهم كعدت كملت قرايه ومددت جنت اكلب بالفيس شفت هاله بفيسها الثاني ناشره بصفحه محمد منشور كله حب وعشق وهيام
اني ظليت فاتحه حلكي بس هو ممعلقلها

اني اخذت سكرين للمنشور ودزيته اله كتله علقلها عيب
مجاوبني وره شويه رجعت لصفحته ملكيت المنشور مختفي

رجع دزلي صوره لفه همبركر وبيبسي وفنكر كاتب تردين

اني كتله لا طبعا غلس عالسكرين بس اني ماغلس رجعت كتله ليش خذفت المنشور
كلي يامنشور سوه نفسه ميدري ومشافه وكلاوات بس يريد يسكتني
اني احجي احجي وبالاخير اكله اوي شعليه اني
وره جم يوم اني تمرضت فلاونزا من هاي التمام لان سبحت وطلعت للمحاضره بس مشطت وطلعت ماجففت شعري لان تاخرت
وجو بارد جان
رجعت للبيت بلاعيمي شو كامت توجعني شويه اذني شويه خشمي نسد
نمت كعدت صبح فلاونزا قويه حتى ماداومت ارجف تليفوني طبعا مابيه حيل اللزمه بس كتبت لمحمد اني اليوم ممداومه مريضه
خطيه امي حارت جيبلي بالادويه وسويلي حليب وشوربه واني بس نايمه اني مادري بدنيا شكو فكتني صخونه بس جسمي تعبان كعدت
المغرب تليفون بس اشوفه يشغل ضوه وينسد ويرجع يشعل وينسد جريت تليفون شفت كومه مكالمات من محمد ورسايل كومه بالاخير كاتب اني جايكم للبيت

دكيت عليه بسرعه جاوب
الو
هاي وينج مدكولين حيوان يظل باله عليه
شبيك محمد
شنو شبيه من صبح ليهسه ادك عليج وماكو
والله كظيتها بس نايمه فلاونزا قويه عدي
استغفر الله اخذتي دوه
اي
رحت للصيدليه جبتلج دوه
لا ماريد شون اخذه اصلا
خرب بالعيشه دوه ماكدر اجيبلج
شبيك عصبي والله صرت زينه فكتني صخونه
شوفي صوتج دكلي صرت زينه
والله زينه شبيك
انت وين صوت سيارات
اي بشارع
نبأ جم مره كتلج لاسوين تليفونج صامت ترى لعبت نفسي من هاي سالفه كل مادك ماكو

اي محمد اخاف اسوي عام
ماشي نبأ يله حروح اني
وين
عندي شغل يله باي
باي

غرام .... نزلت اروح للدوام جان اسد يوصلني صعدت كتله
صباح الخير
هلا هاي شلابسه
شلابسه ملابس
ديله نزلي غيري هدومج وتعالي
ليش والله مابيهن شي
غرام سمعتيني نزلي غيريهن
والله اتاخر حباب. شو هذا طفه السياره  وندار كالت اتبدلين لو ماكو دوام
اني نزلت رحعت امي كالت ها كتله دابدل
كالت اسد رجعج والله عفيه عليج تنورتج حصره ياماما
مجاوبته صعدت بدلت ونزلت صعدت كالبه وجهي ماحجي وياه
ولا هو يحجي وصلني كتله مع السلامه دانزل كلي اوكفي
نداريت عليه طلع محفظته  طلع فلوس كلي خاف تحتاجين شي
كتله ماريد شكرا عفته ونزلت
صايره قويه وعندي شخصيه بس بظاهر بداخلي اخاف منه 😂

نزلت وطبيت للكليه خلصت محاضراتي فصديقتي عزمتني على مهرها بالقاعه
اني داطلع وافكر اكول هسه بيش زعلت هسه شون اقنعه اروح للمهر
طلعت شفته واكفه سيارته رحت اتمشى وافكر بس اصعد اصالحه حتى جم يوم واكله عالمهر
صعدت كتله هلو
اسد... هلا
غرام ... ظليت ساكته الكر شون افتح وياه موضوع خليت ايدي على رجلي سويت نفسي افرك بيها وعود داتالم هو بسرعه كال

اسد... شبيج
غرام ... دتوجعني رجلي
اسد... شبيها منين توجعج
غرام ... او قهرني شون يخاف عليه كتله منا كلي هسه من نرجع للبيت اشوفهها كتله ليش انتي دكتور

اسد... اي بس هسه ساد العياده
غرام ... ههههههه باوعت عليه ابتسم ابتسامه بسيطه كلت همزين
من وصلنا للبيت دانزل كتله يله باي كلي اوكفي فتحي الجكمجه فاني فتحتها لكيت بيها ورده
اخذتها كتله هاي الي
اسد... لا لامج
غرام ... ضربته على ايده كتله حبيبي شكرا
اسد... حتى تعرفين شون كلبي طيب
غرام ... ههههه

العصر رحت يمهم عود سويت حلويات اله فكعدنا اني وياه بالحديقه اني عالمرجوحه وهو كبالي عالكرسي وكلسع يكلي كافي تحركيها
ههههه يدوخ
فكلي ليش مكلتي جلال يريد رونق
كتله مادري ليش
اسد....اجاني و .......❤️يتبع