رواية حب جنوني الفصل الخامس وسبعون 75 - بقلم سوزان ليث

أَحَبَّكَ حُبُّ وَطَن مو عشك أَيَّ إِنْسَان

يَعنِي بِغَيبَتِك آني أَشعر بِغَربَة
 

           ❤️❤️❤️❤️❤️❤️❤️❤️❤️❤️

غرام... رجعت لغرفتي بعد ماراح اسد من دخلت شافتني عمتي سئلتني على اسد كتلها طلع كالت مالحكت اشوفه اخذتني نومه
كتلها ....يله عود خابريه
عفتها وصعدت فوك دزيت رساله للخط اليوم ماداوم
ونمت حسيت على صوت جمال كعدت لكيتها ب ٩
كمت غسلت ورجعت غسلت وبدلت لجمال  دكيت على اسد بس مغلق جان جهازه نزلنا
شفت ايمان هم ممداومه كتلها ... وين عمتي
ايمان... راحت للمستشفى
غرام ... ماكو اخبار على بيبي
ايمان.... والله نفس وضعها فهد رجع ب ٧ وراح بداله جلال وامي وابويه
غرام... رحت سويت ريوك وكعدنا نتريك اني وايمان
كملنا خابرت على جلال سئلت على جده حكمه كال بعدها تعبانه كتله اريد اجي اشوفها
كلي ... ميقبلون يدخلوج الها

سديت تليفون ودكيت على اسد هم ماكو وره ساعه هيج اجاني مسج من اسد سمايل قلب الحب
عرفت واصل لان  ماكو شبكه عنده يدز اي شي بس هو عود وصل
للعصر تليفوني دك شفته اسد بسرعه جاوبته
....هاحبيبي شونك
....ها عمري الحمدلله انتو شونكم
.... الحمدلله
.... شونه دوامج اليوم
..... مداومت مالي نفس ومنمت زين بارحه
.... بس باجر داومين
..... اي حبيبي اداوم
..... عفيه شونه جمال
.... زين نايم. حبيبي هم خابرت احد على جده حكمه هنا اي احد نسئله ميحجي شي جديد
.... وضعها تعبان قبل شويه خابرت علي وكال نفس وضعها وميقبلون يدخلون احد عليها
... الله يشافيها

سديته من اسد وكعدت شويه اقره لليل رجع جلال وعمتي كالو  ماكو شي تغير نفس وضعها
متنا قهر عليها نوب منعرف شنسوي
............
رونق..... بيوم الي جدي رادنا روح اله اني وجلال اجانه خبر جده حكمه متخربطه
وضع جان مخربط كل متوتره وخايفه خاصه جده حكمه الها معزه خاص بكل كل واحد من العائله من الابناء والاحفاد الكل يحبها لان صح جدي نحبه بس عصبي ومثلا ماعده كل جيل يختلف عن جيل يعاملنا معامله شون اهله جانوا يعاملوهم عكس جده حكمه دايما تحسيها بكدج من تحجي وياج وتنصحج ومجبرج على شي تنصحج عجبتج النصيحه سويتيها معجبتج براحتج
وره كل حديث وياها مع اي شخص ياخذ رئيها تروح من عدها وانت مقتنع بكلامها ومتفكر بغيره .

خابرني جلال بالليل جان راجع من المستشفى وجان يسولف على جده
وثاني يوم دوام عادي بس من صار وقت خروجي من الكليه لمحت انمار بس هو مشافني ماعرف اذا جان جاي عليه او لا
حتى من رجعت كلت ماحجي شي لجلال لان مو وقته
بس العصر امي كالت خل نروح نشوف شنو الاخبار رحنا ظلينا كاعدين نسولف احنا كاعدين نزل جلال  سلم علينا وظل واكف يسولف على جده حكمه اشرلي طلعت وراه للمطبخ وكفت يمه كرصني من خدي كلي ... شونج
..... الحمدلله وانت نمت زين
..... شويه
.... وجهك تعبان حبيبي
.... اي قلق وخايف على جده تعبانه كلش
..... الله يشافيها .. لزمت ايده كتله تعال اريد اكلك شي اخذته وطلعت للكراج كتله... جلال اعرف مو وكته بس اليوم شفت انمار بس شفته من بعيد هو مشافني .. غمض عيونه بزهك كلي ... حجه وياج
.... لا والله هو اصلا مشافني ماعرف هو جاي على منو
ااعرف مو وكته ... قطع كلامي كلي... هو شنو مو وكته
.... الله عليك لسوي شي لخاطر جده حكمه خل يولي
سحب ايدي باسها كلي ... لتخافين حبيبي ... لان شافني بيت جدي شون خفت
بعدها عافنا وطلع راح للمستشفى ساعه وفهد نزل ركض  يعيط بتليفون منو ضاربه هسه وين هو 
اني جنت واكفه يم غرام بالمطبخ ركضنا عالدرج وعمتي وامي طلعوا من صاله لان صوت فهد عالي

غرام .... اني من سمعت منو ضاربه حرفيا راد كلبي يوكف كلت هذا اسد صاير بي شي بحيث واكفه يم درج اريد بس فهد يكمل نزل درج اريد احجي ماكدر عمتي صاحت عليه شكو منو مضروب

فهد ... جلال جايته طلقه تايهه

رونق.... هو كال جلال اني احس ختل توازني لزمت ايد فهد كتله ... جلال شبي

فهد... مادري مادري حروح اشوفه
عمتي .... اخذني وياك

غرام.... من كال جلال الي مضروب عمتي ضربت وجهه بيدها وصارت تعيط يبوا ويبوا
ورونق ... شوفين وجهه صار شاحب وفهد صار يعيط على امه لان تلطم وتعيط حتى مقبل احد يروح وياه
اني ماعرف امسح دموعي لو اسكت عمتي الي وكعت بالكاع تعيط لو اشوف رونق الي تخشبت بمكانها وجهه اصفر
كومت عمتي اني وامي دخلناها بصاله وركض رحت جبت ماي لرونق اريد بس اشربها اهز بيها الا عطت عليها يله حسيتها رجعت تستوعب الي صار
كامت تبجي وجلبت بيه دكلي جلال صار بي شي الله يخليج خل روحله

غرام... وين روحله اني اعرف وين هو بس خل فهد يوصل ويدكلنا
ظلت تبجي وتتوسل عبالك اني بيدي شي اسويه
ايمان وعمتي كاعدات يبجن بصاله وعمتي لازمه تليفونها دك على عمي بس ميجاوب ويه كل مكالمه ميجاوبها تعيط ودكول بي شي ميريدون يكلولي

اخذت تليفوني دكيت على اسد بس مغلق جان اني ماعرف شسوي كعدت عالدرج ماعرف عليمن ادك

ربع ساعه فات دكيت على فهد نطاني رفض رديت ادك كله رفض ينطيني

رونق ... خابرته لفهد يمكن هلكد مدكينه جاوب وعاط بينا كال .... بعدني مواصل من اوصل ادكلكم وسده
اني طلعت رحت لبيتنا بدلت اريد اروحله للمستشفى رجعت لبيت عمي امي شافتني ماقبلت اروح ظليت اتوسل بيها متقبل ماعرف شسوي بروحي صرت مثل سمجه وطلعوها من الماي اروح على هذا اتوسل وعلى هذا اتوسل

تليفوني دك جاوبته بسرعه لفهد ... شبي جلال
.... يمعوده جايته طلقه تايهه
.... شونه هسه خليني احجي وياه
.... زين والله طلقه سطحيه بيده مابي شي
.... خليني احجي وياه الله يخليك فهد ... اجاني صوت جلال هاحبيبي لتخافين مابيه شي

اني  سمعت صوته شهكاتي زادت ماعرف شحجي
عمتي اخذت تليفون مني كامت تحجي ويه جلال واني واكفه يمها بس ابجي وغرام سكت بيه تريد تفتهم شبيه
عمتي سدته كعدت تحجيلهم اجاني مسج على تليفوني من جلال كاتب 💬 حبيبي لتخافين مابيه شي والله هسه شويه ويطلعوني

اني لازمه تليفون اقره مسج وابجي
تقريبا مره وقت سمعنا صوت الباب ركضنا كلنا شفنا فهد وعمي ولد عمي اثنيين وجلال اني من شفت جلال يمشي عادي بس لافين  شويه من جتفه وزنده عمتي طلعت ركض تحضن بجلال وتبوس بي امي وغرام تحمدوله سلامه اني واكفه باب المطبخ اجتني نوبه مال بجي ماكدر اوكف البجي
بحيث دخلو جو جلال ظل واكف يمي يريدهم يدخلون بس دخلوا حضنته وابجي

جلال... كافي ياعيني والله مابيه شي 
.... اني لازمته وابجي سمعت صوت فهد يكلنا هسه شبيج بس تبجبن مو مابي شي
ابتعدت عن جلال الي جان يباع عليه مسح عيوني كلي ... يله كافي مابيه شي

لزم ايدي ودخلنا جوه بصاله كعد وكعدوا يحجون شون جايته طلقه اني جنت مركزه ويه جلال الي جان ساكت بس لازم ايدي رغم الكل كاعد وهو ماعنده هاي العاده
اترخص راد يصعد فوك يبدل ملابسه لان شاكين تشيرت  ودم
وكف اني ظليت كاعده اريد اكوم وياه بس استحيت بس طلع جلال عمي باوع عليه اشرلي روحيله اني بسرعه وراه صعدنا فوك وفهد وايمان ويانه
دخلنا لغرفته هو كعد عالسرير ايمان جابتله ملابس حتى يبدل وفهد كله خل اساعدك تبدل بس جلال كله ... اكدر ابدل مابيه شي
فهد عافه وطلع بقينا اني وايمان واكفين يمه كتله ... اساعدك تبدل ... كلي.... لا حروح اغسل طلعنا وراه اني وايمان نمشي وكفنه يم الحمام باوع علينا كال ... ها حدخلون ويايه

عاد رجعنا وكفنه ايمان امها صاحتها نزلت شويه رجع جلال من حمام مبدل شافني واكفه يم غرفته كلي....ليش واكفه هنا
دخل ودخلت وكفت يم الباب هو راح كعد اشرلي تعالي يمي
رحت كعدت يمه اباوع على ايده كتله... توجعك
..... لا مو وجع قوي عبالك مجروح
.... زين شون اجتك طلقه هو انت رايح بسياره
.... مو جنت مطلع ايدي من الجامه وومحسيت الا وجع عندي
..... ظليت اباوع عليه ماعرف شسويله كلتله تريد تمدد
.... شفته رجع عدل نفسه كلي تعالي تقربت عليه لزمت ايده وخليتها بحضني
كتله... والله خوفتني عليك راد كلبي يوكف
جلال.... بس شفت فهد جاي للمستشفى كلت وصللكم الخبر خليته يدك عليج حتى يطمنكم واني كلت لمرتضى ابن عمي من تخابر فهد كوله لايححي لاحد شو شفت الامه كلها بالمستشفى

..... خليت راسي على جتفه كتله .... الحمدلله مابيك شي باسني من راسي كلي.... لتخافين ماعوفج واروح هيج بسرعه
.... ضربته على رجله كتله ... اسم الله لاتحجي هيج
ظلت نايمه على جتفه ولازمه ايده
وكلسع يسئلني لو صاير بيه شي شسوين واظل احجي عليه
اجتي غرام عليه كالت ... امي تريدج
رونق... غرام كولي لامي ابقى هنا فد شويه ارجع
غرام.... تعالي شوفيها واني احجي وياها
نزلنا اني ورونق على امي كالت ... خل نرجع اريد اصلي عود بالليل نرجع نشوفه رونق باوعت عليه كتله لامي... خل رونق تبقى لان حسوي عشه ساعدني بي لان اني وايمان منلحك واكيد حيجون عمامي وصير هوسه
عاد امي كلتلها لعد ابقي ساعدي اختج ورجعت للبيت تريد صلي
هي طلعت منا رونق صعدت منا
دك عليه اسد
بس دك جاوبته عرفت هو داري بجلال لان ابن عمي   مخابر اسد يسئل  عالمستشفى البيها جلال عباله اسد بعده موجود
طمنته وكتله مابي شي ولتخاف لليل بيتنا هوسه صار ولد عمي وعمامي وعماتي بس خطيه يجون وبسرعه يرحون مايبقون لان مشغولين بجده حكمه

.......
رونق..... صعدت لكيت جلال يحجي بتليفون بس من دخلت مبين غير كلامه بس ماكدر افتهم شنو الجان يحجي وحتى كعدت يمه شويه هو بس يباع عليه كتله ... شبيك كلي .... لو اعرف من اصوب تجين يمي بغرفتي جان من زمان مصوب

.... اسم الله حبيبي ... شويه ودخلت نبأ بدون مدك الباب جنها مداهمه دخلتنا عيونها حمر من البجي شافت جلال اجته ركض حظنته وتبجي
جلال ظل يسكت بيها نوب على بجي نبأ رجعت ابجي
كعدت سولف وياه ونزلنا كلنا جوه لان اجوي ولد عمي وعمتي ام محمد يشوفوه واصل ا الخبر الهم  .
رحنا اني ونبأ نساعد غرام وايمان بالعشه
نبأ اجتي وكفت يمي تحجي بصوت ناصي كالت ... اكلج شو اني مصدكت حجي جلال
.... بشنو يعني مصدكتيه
..... شو ممصدكه طلقهةتايهه
.... ليش
.... مادري شون تايهه وجايهه بهيج مكان
.... ظليت اباوع على نبأ وافكر بكلامها مجان بالي  انتبهه لهيج سالفه بس  خوفي على جلال مركزت صدك جهه الضربه مو مال تايهه وهو بسياره كاعد
.....
غرام .... اني حالتي حاله منا جمال ومنا لازم نجهز عشه للي جوي  من اهلنا هوسه الوضع جان
كملنا كلشي وخلصنا اني صعدت جمال اريد انومه لكيت اسد داك مكالمتين رجعت دكيتله لكيته مغلق
كتبتله رساله .... حبيبي من تكدر خابرني لان ماداوم باجر

ظليت انتظر يدك ماكو دكيتله قبل مانام مغلق
بدلت ونمت حسيت شي لزمني من ايدي بسرعه فزيت شفت اسد يكلي ... شبيج هاي اني
اني ممصدكه لان هو حتى مكال حرجع بحيث بسرعه حضنته
كتله  .... شون مفاجئه حلو والله شكدجنت  محتاجتك اليوم

اسد... اعرف حبيبي
....ليش مكلت حترجع
.... حبيبي يومين ولازم ارجع جيت اشوف جلال وجده حكمه

....المهم جيت اليوم.. بعدت عنه كتله ... جوعان اروح اسويلك اكل
جرني عليه كلي ... كلشي ماريد بس تعالي يمي
نومني على ايده كتله ... شوكت جيت 
اسد.... قبل شويه دكيت على فهد فتحلي باب دخلت للغرفه اجيت اخذج بحضني بس كلت خطيه نايمه رحت بوست جمال دخلت سبحت بس ماتحملت انتي يمي ومالزمج

.....حضنته قوي وجنت فرحانه لان رجع وجان كلش نشيط راجع عكسي الي جنت مطفيه بالكوه فاتحه عيوني من نعس وحاول اقاوم نعس حسيته  ظل يسولف ويايه شويه ويبوس ويكرص شويه اني جنت ضاربه بنج ماكدر افتح عيوني
غفيت حسيت صبح ثكل على بطني فتحت عيوني لكيت ايد اسد من شفته يمي شون فرحت
كعدت اتحارش بيه  ابوس بي فتح تك عين كلي خوش عليج تردين تراضيني
كرصت خده كتله .... والله ماحسيت

عدل كعدته كال.... عاد انتي ٢٤ ساعه ماحسيت

غرام.... هههههه يعني من اغفى بسرعه وانت يمي غير يعني مرتاحه لوجودك يمي

اسد.... خوش عليج مرتاحه لوجودي 😒
غرام... تقربت نمت على جتفه كتله ... اليوم اليوم ابد مانام وعد ابقى لصبح .... تنهد كلي ... اي نشوف

كمت بسرعه رحت غسلت ورجعت لكيته شايل جمال يبوس بي رحت يمه كتله ... ترى اغار شنو بس اله شيله
شال جمال بيد وجرني شالني بيده ثاني  يكلي ...ولج شو انتي اخف من جمال
وجمال يضرب بيه يغار على اسد مني.
نزلنا جو جانو ميدرون اسد راجع كل تفاجئوا بي راح على جلال تحمدلله السلامه سوينا ريوك وكعدنا ناكل وره ريوك اجه عليه كلي روحي بدلي حتى روح على جده حكمه اني كلش كيفت صعدت بسرعه بدلت بقيت جمال يم رونق
ورحنا للمستشفى وصلنا جانت عمتي يمها وعمي همزين قبلوا ندخللها جانت خطيه حاسه بس تعبانه بس حسيتها من شافت اسد فرحت بي لان هي كلش تحبه راح كعد يمها يشاقيها وهي بس تبتسم
يكلها... يله صيري زينه جدي ترى منتظرج مايقبل يدخل الغرفه الا انتي وياه حكمه

هي جانت بس تبتسم بس تعبانه شفناها شويه وطلعنا
مارجعنا للبيت اخذني للسوك جنا محتاجين اشياء ظلينا نفتر واشترينا كم شغله الي وجمال ورجعنا
.....
نبأ..... من عرفت جلال مصوب اني تخبلت خطيه محمد جان طالع بره خابرته بسرعه اجه وعمتي ام محمد هم جتي ويانه رحت شفته بس مقبلت ارجع كلت ابات بيت اهلي بس محمد جان عده سفره لازم ارجع اجهزله جنطه عادي كلي ابقي واني اجهز بس اني نقرت عليه كلتله سافر واني اجي لاهلي
ثاني يوم سافر واني العصر فهد اجه اخذني لبيت اهلي
بس دخلت دكيت على رونق شكد بس مجاوب اريدها تجي سئلت ايمان عليها كالت رونق فوك من ظهر
اني عرفت بيها فوك جان اصعدلها حتى بدون مادك الباب دفعت الباب هي جانت فاتحه كنتور جلال وهو كاعد مقابيلها ويمهم جمال تحسيهم مزوجين ومخلفين
من فتحت باب بسرعه جلال ... كلي شوكت تتعلمين دكين باب

نبأ.... وليش ادكها قابل شعدكم
رونق.... اعرف نبأ تغار عليه من جلال رحت بوستها كتلها ... هلا بنانا الحلوه

نبأ... اي اي قشمريني صار شكد ادك عليج مجاوبين
رونق.... والله تليفون بيتنا مجايبته
نبأ.... رحت كعدت يم جمال شلته كتلهم اي شجنتوا سوون
جلال... شعليج انتي شكد فضوليه
نبأ.... ظليت كاعده وهمه يباعون عليه شويه ودكت الباب غرام دخلت سلمت وكفت سولف ويايه وراها ايمان اجتي وكفت
فهد سمع حجينا اجه دخل يمنا ورونق وجلال واكفين يباعون علينا حتى ميشاركون الحديث ويانه
اسد صاح على غرام
غرام كلتله تعال اني هنا  وكف اسد يم الباب
جلال باوع عليه كله ابو جمال شنو جيت وحدك صيح على امي خل تجي هم
تالي اسد طردنا كلنا من غرفه جلال كلنه مريض شكو ظالين فوك راسه
طلعنا نزلنا جوه  شفت رونق كاعده صفنه جيبها وصفنه توديها رحت يمها كتلها شبيج شو مو على بعضج كالت ... اكلج شي اني شاكه انمار هو الي ضارب جلال ..... يتبع❤️
............
حبايب ادري قصير بس هلايام كلش مشغوله انتظروا بالليل تنزل هديه تعويض حبايب ❤️
سوزان ليث ❤️