رواية حب جنوني الفصل السادس وسبعون 76 - بقلم سوزان ليث

رونق.... اكلج شي لادكولين لاحد اني شاكه باانمار هو الي ضارب جلال

نبأ..... شنو معقوله!!!!

رونق.... ااااش كلتلج شاكه
نبأ.... شون شاكه
رونق.... لان جلال مره وحده حجالي كلي جنت بسياره وايده مطلعها من جامه وجايته طلقه وهو اصلا مرتضى مودي للمستشفى

ومن اجه مرتضى سمعته يحجي جوه كللهم جان نازل يشتري جكاير وجايته طلقه
وكلسع يضيف شي وينقص شي  ومن اجه جلال محجه شي الا اني من صعد سئلته

نبأ.... ها قصدج ممتفقين عالجذبه كل واحد يحجي شي

رونق.... اي عفيه اني اريد اكول لاسد هو يعرف شون يخلي يكول الصدك
نبأ...  كولي لاسد هذا حتى الي يجذب يعرفه يجذب
رونق .... مشكله اني اكدر اكول لجلال يعني اسئله بس اخاف يعصب حكول لاسد هو  يصرف

سئلت غرام على اسد كالت راح يشوف جدي
شويه واجه بسرعه طلعتله للكراج هو من شافني رايحه عليه عباله حرجع لبيتنا
وكفت يمه كتله ... اريد اكلك شي
.... شنو صاير شي
.... انت هم سئلت جلال شون اجته طلقه
.... لا بس من اجيت الكل يحجي بالموضوع يعني فعرفت سالفه
..... انت مقتنع بالحجي.... شفته عكد حواجبه كلي... بشنو مقتنع
..... بطلقه تايهه
..... قصدج انمار
.... هزيت راسي ب اي بس ممتاكده يعني ليش اظلم انمار بس ممقتنعه حتى ضربه مكانه مو مال كاعد بسياره وجايته طلقه

..... ماشي هسه اشوف بس وداعت ابني اذا انمار لمسويها لخلي يتندم بساعه الي نولد بيها

.... عفيه اني كلتلك لان انت تعرف شون تتصرف
..... خلص خليها عليه

غرام صاحت ها شكو ليش هالاجتماع
اسد باع عليها وباوع عليه كلي كل مااشوفج اكول انتي وياها شون خوات

غرام تخصرتله كلتله ... ليش بله

رونق.... تمشى اسد على غرام خله ايده على جتفها كلها لان انتي عاقله وحبابه وسمعين الكلام لوف راسه عليه غمزلي عود جذب
خلاني اضحك دخلت جوه كعدت يم نبأ بالمطبخ اجه علينا فهد يباع عليه واعرف نظراته هاي كلي ... اكلج رونق
رونق ... ها
فهد.... انتي شكو مجيبين هدومج وتكعدين يمنا احسن مارايحه جايه لهنا واذا على امج هي او تالي مشايفتج بالبيت

رونق.... ظليت صافنه عليه كتله ... خوش فكره
فهد.... والله اني علمودج
نبأ.... فهد جوز منها
فهد.... يله هسه شمسويلها محامي مالتها

رونق... حضنت نبأ كدامه كتلها حبيبتي نغور فهد
فهد.... ايع تلزيك
نبأ.... انت شنو شوكت عاد سوي الحفله الصالك سنه تحجي بيها
فهد.... هو الي يطلع من هاي العائله يكدر يسوي شي
بس فهد قرر يسوي الحفله غرام زعلت وتريد تتطلك
رونق زعلت تريد تفصخ جده حكمه دخلت بغيبوبه جلال اجته طلقه شبيكم لو كايللكم اريد ازوج جان سويتوا

رونق..... اني ونبأ خربنا ضحك على فهد نبأ كلتله ... زين كل هاي الاحداث وانت مصر بعدك على قرارك
يجوز رب العالمين يدزلك تنبهيات

فهد.... ولي لج تغارين لان احلا منج
نبأ.... ايع احلا مني شايف خشمها يرهم نسوي للجهال زحليكه

رونق..... ههههههه لا انجبي لا هاي تنبيهات الها حتى تلحك على نفسها ومتتورط وياه ...  شال البطل شمره عليه اني ونبأ

فهد.... والله يوم عن يوم تتوضح صوره عندي بسببكم ليش قبل جانوا يدفنون البنات وهنا عايشات

نبأ.... حتى ميشوفون شكولكم
رونق ..... هههههههههه فهد هز ايده وطلع من المطبخ نبأ ندارت عليه كالت ..شايفه فهد هذا حيخنك مرته من وره تحكماته

اجه جلال علينا للمطبخ كال . .. شعدكم كاعدات هنا تعالو جوه

رونق... لا اني حروح بعد خطيه امي وحدها ... واني احجي رجع فهد كال... وشنو جديد شو هي من خلفت غرام وخلفتج وهي وحدها

باوعت عليه ... عادي عي قابله انت شعليك
فهد.... هي وين تكدر تحجي المره خطيه اذا عدها اثنين تس تس

رونق.... ههههههه جلال احجي عليه يكلي تس تس
جلال... فهد كافي عاد هو  وين اكو تس هيج حلوه
فهد... اكو اكو هاي الكبالك

جلال... معليج بي تعالي هذا يغار لان محد يجي عليه
اخذني جلال وطلعنا للكراج كتله يله ادخل ارتاح اني اروح بس مقبل وصلني لبيتنا ورجع
...........
غرام..... اجتي نبأ عليه للغرفه جنت انوم جمال كعدت يمي كالت ... اكلج غرام تعالي  نام بيتكم ضوجه نكعد نسولف مثل قبل

غرام.... لا ماكدر مو احسن يبقى وحده وهو بس يومين  وراجع للدوام

نبأ.... زين نومي جمال وتعالي بغرفتنا نسولف شويه

غرام.... اي ينام واجي

راحت نبأ اني نومت جمال ورحت سبحت عالسريع وطلعت لبست قميص نوم كلش حلو اشتريته من رحنا للسوك بس اسد مشافه ولان مدخل ويايه لهذا المحل
خليت شويه مكياج وتعطرت وعفت شعري رطب بس مشطته وطفيت الضوه وكعدت انتظر اسد يصعد  نعست وهو ماكو
دزيتله مسج ... وينك حبيبي والله نعست
دز مسج.... اطلعج بره الغرفه اذا نمتي هسه اجي

ظليت اصفح بتليفون حتى مانام شويه و ندكت الباب اني بسرعه سديت تليفون وسويت نفسي نايمه سمعت صوت نبأ صيح بصوت ناصي غرام ولج نمتي
تالي طلعت اني ظليت مدد كلت والله بس اروحلها لاسد يسحلني من شعري للغرفه واستحيت اصلا شوفني هيج
سمعت نبأ تحجي يم باب الغرفه ويه اسد دكله ...لكيت غرام نايمه
هو ماعرف جاوبها بس اني بقيت مغمضه عيوني دخل اسد ماحسيت الا وخر الغطه من عليه كلي والله لو مو غافيه اني بس حجه ضحكت

اسد... اعرف بيج
غرام.... عدلت كعدتي كتله ... تاخرت
كعد يمي يلعب بشعري كلي ... جنت احجي ويه جلال

غرام. ... شبيه
اسد.... رونق دكول شاكه انمار ضارب جلال
غرام.... ضربت صدري كتله عزه صدك
اسد.... اي بس شاكه كلتلي حتى اتاكد باجر اخابر مرتضى يجي ذاك بس اباع عليه يخرط الاول وتالي
غرام... مصيبه اذا صدك
اسد.... هسه شعلينه بجلال وعلان خلينا بطركاعه الي لابسته
غرام .... صعدت الغطه عليه كتله. .... شكو
اسد... شكو يعني لابستلي هذا ودكليلي شكو
غرام ... بعد الغطه من عليه تقرب طبع بوسه خفيفه على شفايفي وبدت لامساته صير جريئه اكثر  جنت اني وياه بغير عالم جان يهمس باذني هو شكد يحبني وميكدر من غيري جنت مستمتعه لكلامه .........
كعدت صبح واني محصوره بحضن اسد عبالك حابسني حتى لا اكوم
باوعت عليه بعت بوسه على خده لزمت شواربه العب بيها هو يضوج من العب بيهن بعد راسه صاح ولج

غرام... يله كوم كسلان ساعه ب ١٠
اسد.... شو انتي مداومتي
غرام ... مادري صبح دك منبه سديته ونمت كلت يادوام وحبيبي نايم يمي رجعت حضنتك ونمت
جرني رجعني لحضنه كلي ... لعد تعالي نامي ظلينا واحد حاضن الثاني عبالك جنا متغربين سنين باوع عليه كتله ... احبك
اسد.... يابعد روحي وانه اعشقج

يله كومي حتى الحك اروح للمستشفى باجر الفجر لازم ارجع
غرام... اووو شبسرعه والله ماشبعت منك شنو هاي
اسد.... ولج لاتححين هيج كدامي
غرام... ابقى باجر وعكبه ارجع

اسد.... والله مو بيدي بالكوه نزلت وكتلهم اخويه مصوب وضع مو زين وحندخل انذار

غرام.... هو انتو كل يومين داخلين انذار شنو جديد
اسد.... اي نفس الانذار مال البارحه الي دخلتيني بي
غرام.... بعدت عنه كتله يله حروح اسبح اخذت ملابسي وطلعت سمعته يضحك يكلي الخجل بس صبح يطلع بالليل وين جان رحت سبح وطلعت ويه مارجع للغرفه نبأ صعدت درج تخصرت ووكفت كالت ... خوش سهرنا بارحه
غرام... ولج مادري غفيت
نبأ .... اي دخلت شفتج نايمه تالي نزلت رحت على فهد كتله تعال اطلع ويايه اروح ابات يم رونق رحت يمها وسهرنا ذيج السهره

غرام... هو انتو سهراتكم كلها قشب عالعالم

طلع اسد من الغرفه دخل للحمام
نبأ تباع علينا كالت سبحان الله وعافتني وراحت تضحك
رجعت مشطت بسرعه ونزلت جان الكل كاعد صبحت وحضرت ريوك بين منزل اسد تريكنا وراها راح للمستشفى
للظهر خابر عمي ابو انمار يصيح ويعيط ويه عمي وعمي خطيه ميدري شكو وكعد بس يهدء بي
سده عمي صاير نار يكول اسد كاتل انمار وهلكد مامكتول بالمستشفى عده كسور
اني من سمعت هيج كلت اسد تاكدت انمار ضارب جلال صعدت ركض على جلال الي جان يريد ينزل لان سمع صياح عمي شافني كلي ... شكو صايؤ

غرام .... اسد كاتل انمار خابر عمي ابو انمار على عمي كله وهسه انمار بالمستشفى
جلال بسرعه رجع لغرفته
اني رحت وراه كتله جلال انمار الي ضارب بارحه اسد جان شاك بهذا شي هو كلي يعني من كاتله متاكد
باوع عليه كال رجلج حيسوينا سالفه ويه هذا الحيوان

دخل يبدل واني دكيت على اسد جاوبني عادي صوته كتله... اسد فدوه  شمسوي
اسد... شمسوي
غرام... صدك كاتل انمار ابوه خابر عمي كله وعمي هسه صاير نار
اسد.... هسه خل ارجع ونحجي جلال بالبيت
غرام.... اي بالبيت بس يمكن حيبدل ويريد يجيك
اسد..... ديله خل ادكله

سده اسد نزلت جوه لكيت عمتي وعمي يحجون وعمي يحجي على اسد وعمتي متقبل تحجي عليه دكله شوف شمسوي وهيج كاتله شايف ابني يمشي ويكتل بالناس
عمي عصب بزايد منها عمتي كلتله ... اكلك مو يجي وتحجي عليه تعرف ابنك عصبي افهم بالبدايه شكو

عمي... هو ابنج منو يكدر يحاجيه دكولين هو ابونا

غرام ... اني من سمعت عمي حجه هيج صرت اضحك كلت يمه اسد حتى ابوك ميكدر عليك
شويه واجه اسد جان جلال منتظره بالكراج يريد يحجي وياه قبل عمي
اني اعرف جلال خاف بس لا رونق يجي اسمها بالموضوع
ظليت واكفه يم باب المطبخ اني ونبأ  نباوع على اسد وجلال
جلال شاب نار ويحجي ويه اسد ويكله ليش هيج سويت
اسد واكف عادي وهادء يكله لو الطلقه جايه بكلبك ومتت جان سوينا احنا كله هذا واحد حيوان عبالك كتلته هاهيه اخذ عقابه لا هاي هيج الجاي حيشوفه مني بعد

جلال...  اسد لاتتدخل بهذا الموضوع هذا حيوان متعرف يطلع كلمه زايده على رونق بوقتها شسوي اني

اسد... بوكتها املص ركبته وعلي اذا جابها بطاري
بس كلي هو شون شافك منين لكه سلاح

جلال.... ماكو رحت اكتله لان واصل للكليه على رونق بس اول بوكس لكيته جرس سلاحه وضرب نوب من خوفته عباله طلقه جتي بصدري شمر مسدس بالكاع
رجعت ضربته بيدي الثانيه
بس ناس لتمت ومرتضى لكيته يفاكك بينه بعدين هو اخذني للمستشفى من سئلني كتله ... يشوفني السلاح وطلعت بالغلط واني من الوجع صرت اضربه
وكلتله كول تايهه طلقه

اسد.... والله يعني ماعرف شكلك هسه هو رايح للكليه حجه وياها
جلال... لا محاجي لان مشافها بس شعده جاي لهناك
اسد.... هسه يجوز عده شغله معامله شي

جلال.... اسد انمار مجلب الي ورونق وحركاته هاي بس حتى يستفزني حتى اروح اكتله

اسد.... خل ندخل ابويه حرك تليفون كلسع داك انطيه رفض غير يعرف اني وصل ويرد يدك
احجي نفس الحجي الي كلته لمرتضى

غرام..... دخل اسد شافني واكفه كرصني من خدي ودخل ولا كانما مسوي شي

دخل عمي استلمه لاسد وعمي يعلى صوته ويخاف اسد ليعصب يرجع ينصي صوته ويكله ابني ميصير هيج تصرف
عاد حجو لعمي نفس حجي الي كاله جلال لمرتضى
انه جان يشوفه سلاح وطلعت طلقه واسد من سمع هلكد ماجان خايف على جلال لو طلقه جايه بمكان خطر راح كتله عمي وعمتي من سمعوا هدئوا حتى عمي حسيته يكول يستاهل الكتله ٠٠٠٠٠٠٠يتبع❤️
............
ترى هذا هديه ها مو دكولون قصير حبايب 💚😗

سوزان ليث❤️