رواية حب جنوني الفصل السادس وستون 66 - بقلم سوزان ليث

انمار باوع على جلال كله من تزوج انت
طبعا لا انمار يحجي ويه جلال ولا جلال يحجي ويه انمار بس هيج يمثلون كدامنا
سلموا وطلعوا جلال ترخص من امي حتى نطلع وطلعنا ركبت بسياره واني خايفه من ردت فعله
صعد بسياره وحرك كلشي محجه اني باوعت عليه كتله .. شونك
جلال ... بخير . وانتي
رونق ... الحمدلله. ظل ساكت بعدها كتله .. شبيك شو ساكت
جلال... ماكو شعدهم جايين عدكم
رونق... هيج كالو صار هواي مجايين
جلال.... وشمعنا اجوي بس عليكم شو لبيتنا بجذب مكالو خل نسلم
رونق... ماعرف
جلال... خوش
رونق ... جلال بعده انمار يضوجك
جلال.... سدي الموضوع هذا ولجيبين طار هذا جلب مره ثانيا افتهمتي
رونق ... هزيت راسي ب اي
وصلنا لمتنزه بس حدايق  حلوه والوكت جان غروب جو جان ولا غلطه
دخلنا ظلينا نتمشى وبس ساكتين
كتله... جلال مطلعني حتى نسكت
جلال... تعالي نكعد هنا
رونق ... رحنا كعدنا على المسطبه هو كعد  تحسيه ضايج ويهز برجله وهو من يهز برجله اعرفه ضايج متوتر
خليت ايدي على رجله كتله...  كافي ... عدل كعدته كتله ... زعلان مني باوع عليه ظليت اباع بعيونه كلش احب عيونه
جلال .... لا
رونق... ابتسمت اله كتله... حلوه عيونك هاي كلمه دايما اكولها اله شفته ابتسم كلي ... بس عيوني حلوه

رونق.... نزلت راسي خجلانه كتله .. لا كلشي بيك حلو
جلال ... محد حلو غيرج
رونق .... ابتسمت ابتسامه من الاذن للاذن ..
جلال ... شوكت نعيش سوه اريدج دايما يمي اريد اضمن انتي الي
رونق ... هو اني الك
جلال... اريد اضمن هذا شي
رونق.... هو اني منو يكدر يتقربلي واني مرت جلال
جلال .... قشمريني قشمريني بالحجي هذا
رونق ... ههههه لا والله اني ماشوف ولا اشوف احد غيرك وانت تعرف هذا شي
جلال ... بس بيج شي اخاف منه
رونق ... شنوه
جلال... متتمسكين بشي الي تحبيه
رونق .... لااكيد اتمسك وخاصه هذا شي احبه كلش
جلال.... واني
رونق .... والله احبك ادري هواي شالعه كلبك بس ماريد فديوم اخسرك اني احب حبك  اشوف نفسي بيك مرات افكر اكول صدك هو هيج يحبني يعني حب مثل الافلام والقصص دايما واكف ويايه دايما تسمع مني تسوي كلشي احبه بس حتى تفرحني
.. سكتت شويه شفته سرحان واني احجي كتله .. بس لو الله يهديك وتشيل هسه من فكرك زواجنا

جلال... اني اريد أضمنج صرتي الي
رونق .... والله اني الك . ياجلال والله اني ماكدر هسه ازوج افهمني ماريد

جلال.... لعد انتي متحبيني لان اليحب بس يريد يبقى يم حبيبه اكبر مثال غرام شفتيهم نخطبوا هي واسد زوجوا وشبيهم عايشين ومرتاحين

رونق... انت شمدريك مرتاحين جلال لشوف الاشياء بس من بره ترى غرام مشلوع كلبها انت تعرف ذاك المره كلتلي متندمه لان زوجت ومحد نصحني وكلي لتزوجين

جلال.... تمام براحتج متردين تزوجين هاهيه

رونق.... شفته عصب كتله ... شنو هاهيه يعني غير نتناقش ليش بهذا الموضوع تريد بس انت الي يمشي كلامه

جلال... كلتلج هاهيه سدي هالسالفه

رونق.... طبعا حجاها بصوت عالي اني ظليت ساكته شويه وكتله ... اريد ارجع للبيت

جلال... تمام كومي ارجعج

رونق ... رجعت للبيت واحنا طريق كله محد يحجي وصلت للبيت كلت مع سلامه ونزلت منتظرت اسمع رد

مرات احس جلال مواثق من حبي اله دايما يجيني هذا الشعور
يخاف اتركه اذا صارت مشكله بينا واتخلى عنه بس  اني صدك احبه وكلش ارتاح وياه بس اني مشكلتي مو كلشي اكدر اعبر عنه اله
ثاني يوم جان جمعه كعدت متاخره وبين متريكت وكملت شغل بالبيت سمعت امي تحجي بالتليفون
كملت واجتي عليه كالت....  جده  حكمه خابرت كالت اليوم تعالي وجيبي رونق وياج

رونق .... ليش شبيها

ام غرام ... مادري العلم عد الله شصاير

رونق ... ظليت ساكته بس كلبي ممرتاح كلت خاف جلال رايح عليهم وحاجي بموضوع الزواج  والله مللني من هالموضوع

العصر خابرتنا غرام كالت اسد حياخذنا لبيت جدي
اجه علينا اسد ورحنا بطريق امي سئلت اسد كلتله شبي جدك ...
كلها ماعرف بس خابرني كلي جيب عمتك ورونق وتعالو
................
نبأ.... جنت كاعده بالشعبه دخل علينا استاذ شو هذا شاب بعده وحلو شكله مرتب وكال يله جهزوا نفسكم للامتحان طبعا اني حتى ماعرف الماده شسمها
اباوع الي ويايه كلهم هذا الي يراجع هذا الي منتظر الاسئله بس اني مصفطه وكاعده حتى قلم ماعندي
صديقتي كلتلي روحي كولي للاستاذ يأجله ترى حباب ويتفاهم ظلت تقرا براسي
اني كمت كلت خل اروح اكله وطبعا اني اكره اروح اتوسل باستاذ علمود ياجل الامتحان
هو جان واكف يم باب شعبه يحجي ويه طلاب
اني رحت وكفت انتظره يكمل هو باوع عليه ورد يحاجي طلاب بعدها كلي... محتاجه شي
كتله... استاذ ميخالف اجل الامتحان .... طبعا هو بسرعه جاوب لا
اني شنو احس نفسي فشلت وهو واكف ويه طلاب احسهم كاتمين ضحكه مدري اني اتخيل بحيث كتله... اوكي بسرعه
عفته ورجعت كعدت صديقتي كالت... ها أجله
كتلها... لا مقبل
كلتلي... ليش ولج هسه أجله لحوراء
كتله... خل يولي شسويله
كلتلي... لتخافين اني اساعدج ظلي كاعده يمي

بدأ الامتحان وزع الاسئله وجان جواب عالاسئله لان هي كلها صح وخطأ واختيارات يعني صح واحد يشوفها من بره سهله بس كلش مركزه الاسئله تحيرين بيها الي قاري يحير مو اني الي جايه حتى القلم اخذته من صديقتي

المهم وصل يمي واني جنت اخير وحده كاعده حتى صديقتي تغششني شويه عود ونطاني الورقه اني سحبتها منه هو كلي  .... انتي مو تردين تاجلين الامتحان
باوعت عليه .... دكله اي بس ماكدرت لان فشلني قبل شويه كتله ... لا ماريد
هو عقد حواجبه استغرب مني يمكن كال هاي مخبله

المهم راح وكف بدايه القاعه اني مسويه نفسي مركزه بالاسئله دانتظر صديقتي تنطيني فد معلومه
رفعت راسي شفته يباع عليه كلت هسه اني لو كايلتله اي وخلصانه . وكل مارفع راسي اشوفه حتى اشر لصديقتي اشوفه يباع بس باتجاهي
اني كمت اباع عالاسئله كلت خل  العب بكيفي اليعجبني اكول صح والميعجبني اكول خطأ
والاختيارات سويتها حزوره .

لان صديقتي اشرتلي كلشي متعرف تحل لان صعبه ومركزه مع العلم هي صح وخطا واختيارات

المهم كتبت اسمي عالورقه وبدت طلاب تسلم اوراقها اني جنت انتظر مجموعه تكوم واني اكوم وياهم حتى ليقرا ورقتي
شفت ٣ طلاب كامو اني كمت وياهم اني انطيته ورقتي هو ماخذها اخذ من طلاب الي اجوي وخلاني اخر وحده كلت خرب حظي نوب هو ياورقه ياخذها يباع عليها
ندار عليه مدلي ايده اني سلمتله الورقه وبسرعه اريد اطلع من الشعبه قبل مانفضح كدامه
جان يصيح نبأ
نداريت عليه كلت حيكلي هاي شمخربطه شمسويه
رجعت وكفت يمه كتله نعم استاذ كلي ... كم امتحان ممتحنه عندي
اني فشلت اكله هذا اول امتحان والله عيب شيكول عليه
كتله ... هذا الاول
كلي .... واني كم امتحان ممتحن شعبتج
كتله... ماعرف . طبعا بالكوه طلعت مني الكلمه
كلي ... متعرفين . وحجاها بتعجب واضح عليه

ظليت ساكته اباع عليه كلي ... شبيج خفتي هذا اول امتحان الكم عندي

وخل شعبه كلها تضحك عليه اني طبعا حسيت نفسي اريد ابجي  من الفشله طبعا كلشي محجيت وياه عفته وطلعت

نزلت جوه لحد ماجتي صديقتي كالت ها شون جاوبتي كتلها والله حزوره سويتها كلتلي وره مطلعتي استاذ علي كال بس لا زعلت

كتله   .... كتلها خل يولي فشلني شكد مكروه بعدين انتي مو كلتي حباب ويأجل شو طلع هذا اول امتحان
كلتلي ... لج مو هو ياخذ مرحله القبلنا وبيها صديقتي فكلتلي عليه خوش استاذ

ظلينا كاعدين لحد ما بدت محاضره ثانيه كملتها وبعدها نزلنا جوه لان ماعدنا محاضرات بس اثنين
ظلينا بالحديقه
شفت استاذ علي واكف يم بنيه يسولفون كعدنا اني وصديقتي نباع عليهم وصديقتي ماعرف منين عدها معلومات عنه حتى امه متعرفها
الي عرفته بنات شعبه كلها تحبه وفارس احلامهن مسوياته ..
اني جنت اكرز حب واباوع عليه هو جان ناطينه وجهه  بس لابس مناظر والبنيه ناطيتنه ظهرها
واني وصديقتي حش عليه

ماشفت غير الاستاذ عوج راسه باتجاهنا سوه حركه عود شفتكم
عزه اني صديقتي ردنا نوكع بالكاع من الفشله بحيث صديقتي ختلت ورايه دكلي ضميني ضميني عزه شافنا

بسرعه اخذنا غراضنا وطلعنا للخط وصلت للبيت بين مابدلت ونزلت احضر الغده الي ولمحمد لان بيت عمتي ياكلون من وكت
اجه محمد وكعدنا ناكل ويسئلني شسويتي مسويتي بالكليه
كتله ... اليوم جان عدنا امتحان واني مادري بي
محمد.... هو انتي وين مداومه حتى تدرين بي
نبأ.... لا بعد ما غيب كومه امتحانات رايحه عليه
محمد... مدري وين سامعها هالجمله ها قبل اسبوع كتيلياها
نبأ... هههههه اي شسوي مالي واهس والله نوب شعبتي مابيهم واحد بي شوفه حتى واحد يداوم علموده .. طبعا اني حجيتها هيج بشقه باوعت على محمد يباع عليه
نبأ... شبيك والله اشاقه
محمد ... كم مره اكلج ماحب هيج شقه
نبأ... عافني وكام هسه اني لو بس الزم لساني تعرفيه ميحب يشاقه بهيج سوالف

كمت لميت الاكل وصعدت فوك لكيته فاتح التلفزيون يتفرج رحت يمه كتله ... محمدنا والله اشاقه وياك

محمد... كم مره اكلج ماحب هيج شقه
نبأ.... باوعت عليه جريت ايده خليتها على جتفي كتله والله اشاقه احب اضوجك حتى اشوف غيرتك عليه

محمد ... ماشي حعديها هالمره
نبأ.... ابتسمت اله كتله بس هالمره شفته ضحك كلي ... مخبله شسويلج

.......
غرام.... جنا نظف اني وايمان واني جنت اريد اخلص بسرعه قبل ليكعد جمال
ايمان من نوع كلش هادئه وقليله الكلام يعني تسمع اكثر ماتحجي عكس من جانت صغير جنا نخاف نحجي كلمه كدامها لان تنشره بالبيت بس هسه ملتهيه بدراستها.

كتلها ... اكلج ايمان قصي بعده يدزلج
ايمان.... اسكتي غرام سويتلج بي
غرام.... سويتي ولج
ايمان.... قبل يومين دزلي ولج هم دز جمعه ممباركه
جان نصبت عليه نصبه يمكن حتى بعد ميجي هنا

غرام.... شنو سويتي
ايمان.... من دزلي مسج دزيتله .. ولك قصي ليش ددز لايمان  متستحي والله بس اشوفك لاطيح حظك

غرام.... عزه ومدز شي بعد

ايمان ....بس كتب منو

غرام..... ههههههههه اي
ايمان .... كتبتله ... بس اشوفك تعرف منو

غرام..... هههههههههه هسه عباله اسد
ايمان.... لا اني مكلتله منو حتى يظل حاير بين اسد وجلال وفهد ويظل ماكل طن هوى كل ميشوف واحد بيهم

غرام.... عزه بعينج طلعتي مو هينه ولج بله هالسالفه تخطر بال منو

ايمان....  زهكني والله تليفون مليان صور جمعه مباركه يعني اشوف ماكو احد يعبرك ليش دز

غرام.... قهرتيني عليه والله هههههههه تخيله هسه حتى بيت جدي ميروح

ايمان.... احسن

غرام.... كملت شغلي وصعدت فوك كلت خل اسبح مادام جمال بعده نايم دخلت سبحت عالسريع ورجعت للغرفه قبل مافتح الباب سمعت اسد يحجي بالتليفون
يكول.... بعدني مارجعت بقي يم الحارس اصلا اني هالايام لازم امر عليه حتى انطي الايجار

اني بسرعه دخلت لان سمعت اكو احد يصعد درج دخلت هو جان ساده

اني اظاهرت باني طبيعيه  من دخلت كلي ... نعيما ياحلو

غرام.... شكرا

رحت مشطت شعري واني افكر ياايجار  يحجي عليه معقوله شقته الي بغداد زين هو وره زواجنا عافها وسلمها لصاحبها وهذا جان لخاطري لان ماقبلت تبقى
طخت عندي ذاك اليوم صديقه من دز المسج يعني جان هم يحجي عالشقه
اني حسيت نفسي مستغفلني مردت اسئله  كلت بالليل اني اعرف شون اسحب منه كلام

شافني صافنه عليه بالمرايه كلي... هيج اني حلو وصافنه عليه

غرام....شكد معجب بنفسك .. شفته كام واجه يمي كلي  اكيد انعجب بنفسي غير حلو والبنات كاتلات نفسهن عليه

غرام....يابه التواضع بزاويه يبجي....اخذ مني المشط وصار يمشطلي كلي .... تعرفين انتي طولانه

غرام ....  صدك

اسد..... بس هم لسانج اطول منج صاير

غرام..... هههههه احسن خلي طويل هيج ومكادره الك
اسد.... اي خلي لان اعرف اكصه اني

غرام ... وخرت منه لان شفت جمال بدا يكعد رحت وكفت يم سريره اباوع عليه

اسد دك تليفونه طلع جدي يريد امي ورونق يجيبهم بيت جدي
سئلني اسد كلي... رونق وجلال متزاعلين

غرام... الي اعرافه لا حتى بارحه جانو طالعين

اسد... لعد شبي جدي يريد اني اوديهم مو جلال
غرام ... ماعرف .
اسد ... كولي الرونق العصر اوديهم
غرام ... خابرت رونق وكتلها

هو عافني وراح يسبح اني مادري ليش اجه بالي افتش بتليفونه
بسرعه كمت اخذته وصرت ادخل بالبرامج وادور على دليل الشك حيموتني
لكيت مسج جايه من رقم مكتوب ... شوكت جاي لمزركه اركان مو كتلك اريد اشوفك ضروري والله تعبتني صار شكد بس اريد اشوفك

طبعا اني قريت هذا المسج وماعرف ليش كلبي كلي هاي بنيه بس هو ممجاوبها بسرعه اخذت سكرين للمحادثه ودزيت صوره لتليفوني ومسحت كلشي من جهاز اسد ورجعته المكانه  يعني مسج مابيه صيغه انثى بس ماعرف كلبي لعب منه

دخل اسد اني سويت نفسي اقرا بس فكري كل يم هذا رقم وماعرف شنو الي اريد اسوي بالبدايه فكرت اواجهه واشوفه مسج بس كلت لا خاف يطلع صديقه وافشل كدامه ويسويلي قصه على اني افتش بجهازه شيخلصني.
انتظرته طلع يودي رونق وامي لبيت جدي بسرعه طلعت صوره وسجلت رقم بالبدايه جنت خايفه اتصل احس داسوي غلط بس ماعندي بس هالطريقه اتأكد والله شك موتني اتصلت عالرقم ظل يدك ومحد يجاوب انتظرت شويه ورجعت دكيت ظل يدك بنهايه مكالمه نفتح الخط وياريته مافتح اجاني صوت بنيه ظلت صيح الو الو متحجون
اني سديته واني ايدي ترجف ماعده قلبي الي يدك سريع وبطني الي صارت توجعني
اني لاخر لحظه مجنت اصدك بي يخوني بدليل محجيت شي اله حتى من شكيت بي جان عندي شعور اني شكي مو بمحله اخذتلي وكت واني صافنه على تليفون ماعرف شسوي
دك تليفوني لكيت رقم نفسه الي دكيت عليه يتصل اني ماعرف فوك رجفتي كمت ارجف بزايد بس اشجعت وفتحت خط كانما اريد اتاكد الي حجت صوت بنيه
رجعت صيح الو الو شنو انتو متعرفون تحجون لعد شكو ادكون  وسدته

اني زاد البجي بعد متاكدت من صوتها حسيت وكف بيه الوكت ماعرف شنو اسوي
لزمت تليفون اريد اخابر اسد اريد اكله عرفت بيك وبخيانتك بس ماكدرت حسيت نفسي ماعندي قوة
حاولت اهدء نفسي وافكر شسوي
مجان بالي غير اريد اطلك منه ماريده بعد

......
رونق ..... رحنا العصر بيت جدي طبعا  صار هواي مرايحه لان ملتهيه دوام

وصلنا هناك جانت بس جده حكمه كاعده سلمنا عليها وكعدنا شويه دخل جدي كمت بوست ايده وسلمت عليه
كعد وظلو يسولفون سوالف عاديه هو وامي وجده واسد
ماكو شي مهم بس مانكر اني جنت خايفه ماعرف ليش مع العلم اني مامسويه شي بس من اسمع جدي وطالبني خصيصا اخاف الف فكره جتي براسي

مرت نص ساعه تقريبا وجدي مافتح اي موضوع ويايه
شفت جدي طلع تليفونه وخابر وسمعت يكله ها وينك مو كلت العصر يمك

بعدها سده وظل يسئلني عالدوام ودرسه سوالف العاديه

شويه وسمعت السلام عليكم ...

جان جلال داخل صاله سلم وكعد اني ظليت اباوع عليه هذا ليش اجه وجدي اكيد جان هسه الي يحجي وياه بالتليفون

عرفت جدي حيفتح موضوعنا
التاف جدي كال ... رونق اني اليوم دزيت عليج انتي والدتج حتى اريد اعرف زواجج من جلال ليش مترديه هسه
لان الولد اجه عليه وطلب مني ادخل بالموضوع

رونق .... اني باوعت على جلال شفته يباع عليه بس نطيته نظره وهو يعرفها هالنظره شنو
امي حجت بس كمل كلامه جدي كلتله.... حجي البنيه من نخطبت لجلال شرطت تكمل دراستها وهذا جان الاتفاق
جدي... هو قابل يام غرام حيكعدها بالبيت هي حتكمل عده
ام غرام... حجي البنيه تكعد تلتهي بدراستها لو برجلها لو بعيالها والبيت احنا كناله خليها عالاقل تخلص هسه وتبقى مرحله الاخيره اخذها يمك

جدي... وانتي رونق شنو رئيج مقتنعه بكلام امج

رونق .... لا جدي ممقتنعه  ... هنا الكل باوع عليه حتى امي
كملت كتله ... اني اصلا اريد اكمل كليه كلها يله ازوج .. سويتها  عناد جاي يشكي الجدي عليه عبالك جهال

جدي.... بس يابنتي الولد مكمل كلشي وجاهز ليش ينتظر لحد متكملين زوجي وكملي يمه

رونق ... لاجدي ماريد ... هنا سمعت جلال كال... واني اريد هالفتره ازوج

ظليت اباوع على جدي اللي حاير بينا رد باوع عليه كلي جدي كليلي انتي ليش تردين تكملين يله

رونق .... جدي اني دراستي مو سهله وكل مرحله حصير اصعب اني ماكدر هيج يعني جدي اكبر مثال حي اشوفه كدام عيني غرام

هنا طبعا التاف عليه اسد الي عاكد حواجبه عليه

رجعت كملت كتله... غرام متعرف تركض على دراستها لو على ابنها لو على اسد لو عالبيت وشغل كتله وصلت مرحله دكول اني متندمه لان زوجت

طبعا اني منتبهت من حجيت هالكلمه بس حاولت اكحلها كلت يعني دكول متندمه لو منتظره مكمله دراستي يله مزوجه...
التافت جده حكمه على جلال كلتله... شمالك مستعجل عالزواج انت .شو هي ٢٤ ساعه بيتكم

رونق ... جده حكمه خلتني افتح حلكي وين ٢٤ ساعه بيتهم

جلال ... جده حكمه اني عاجبني ازوج هسه يعني شون بله

جدي.... انتي حكمه شدكولين

جده حكمه ... حجي شور شورك وشور امها بس هي البنيه تريد تكمل دراستها واني هم وياها شتلحك اذا زوجت سوي

رونق.... اباوع على جلال كاعد ويهز بس برجله ومبين عصبي لان حس هو خسر حتى جدي
وجدي ظل حاير بيني وبينه كله جلال وليدي انتظرها هي سنه تدخل منا تخلص منا

رونق .... اني من حجه جدي هيج ارسمت على وجهي ابتسامه بس حظي جلال شافني اني بسرعه نزلت راسي خفت منه

جلال.... لا جدي مانتظر اني هالفتره يعني هالفتره

جدي ... وليدي عاد انت لاتعقدها بسطها الله يبسطها عليك

رونق... جلال سواها شغله عناد يعني ماكو شكد عنيد ظل جدي يحجي وياه حتى اسد دخل وهو قافل تالي جدي التاف عليه كعد يقنع بيه واني قفلت هم ماكو
بحيث جدي كال ... لابارك الله بيكم يبستو حلكي لانت ترضى ولا هي ترضى شسويلكم

كله جلال اخر كلام عدك شنو حتى نسدها هالسالفه .. كله جدي ماانتظر

التاف عليه  كلي.... وانتي

رونق ... مازوج هسه ... هنا جلال كام وقدم عليه
كلي .... هو شنو مازوج هسه بكيفج هو

رونق ... اباوع عليه هذا شبي تخبل هيج صاير يصرف
كتله .. اي بكيفي

كلي  ...شو مو بكيفج
رونق ... طفح الكيل عندي اني كتله ... لا بكيفي معاجبك خلص ننهي هالسالفه وكل واحد يروح لحاله

جدي... شنو هالحجي

رونق... التافيت على جدي كتله ... جدي تعبت اني والله ماحجه ويايه بموضوع اذا ماجاب هالطاري والله تعبت يعني كرهني بزواج
باوعت على جلال هنا سكت وبس يباع عليه حسيت نفسي جفصت بالكلام
التاف على جدي كله .... هاهيه جدي مادام كرهتها بزواج اني هالوضع ميناسبني  بعد

رونق ... باوعت على جلال واني مافتهم الكلام الي حجاه شنو معناه

جدي ... شنو يعني ميناسبك بعد

جلال ... خل شوف حياتها ودراستها وتروح لحال سبيلها اني مافيدها

رونق ... اني ظليت بصدمه شنو تروح لحال سبيلها معقوله هذا جلال الي يحبني يعني تخلى عني بكل سهوله
اني بسرعه كمت كتله ... وانت هم شوف حياتك لان اني هم ماريدك بعد ... ماعرف بوكتها ليش هيج حجيت بس مثل الي اظاهر اني ممهتمه
.. باوعت على جدي كتله ...جدي من رخصتك اريد ارجع

جدي .... هو شنو لعب جهال لو العب لو اخرب الملعب سدو هالموضوع ودين محمد الي يفتح هالموضوع مال شوف حياتها وشوف حياتك لايدخلي بيت بعد
انت جلال انت من اجيت وطلبت مني تزوجها كتلك بوكتها رونق اامانه حصير عندك وانت الي حترعاها تجي هسه دكول هالحجي ماتستحي هي هاي تاليتها لتخليني اطلكها منك وانطيها لغيرك وانت تعرف منو

جلال... جدي شنو تنطيها لغيري ترى هاي مرتي

جدي..... لعد اعقل وهذا الكلام حجيته هسه ماريد اسمعه بعد وتعرف اني من اخلي شي بالي اسويه
وانتي الثانيه شبيج هيج كبيتي عالولد مدكولين الولد شاريني ويريني يمه فوك ماانتي تكيفين لان مستعجل على زواج هيج يكون ردج اله

رونق ... اني ظليت ساكته ودمعتي بطرف عيني بس ارمش تنزل
حتى بعد ماباوعت على جلال
جدي حاول عود يصالحنه بالحجي بس اني جنت قافله على جلال
وحتى جلال ظل ساكت
اني ظليت منزله راسي  حتى بعد كلشي محجيت  اشرت لاسد حتى ياخذنا وترخصنا وطلعنا كلنا بعد ماخذنا رزاله زينه  معدله من جدي

اني مشيت ويه اسد وامي ظلت واكفه تحجي ويه جلال اني بسرعه صعدت بسياره اسد وظلينا ننتظر امي بعدها اجوي جلال فتح الباب عليه كلي... تعالي اني اوصلج

رونق .... شكرا اسد حيوصلني

اسد .... دروحي وياه مشوفين صاير بحاله من وراج

رونق... ماريد ... جلال بسرعه سد باب السياره كل قوته اسد باوع عليه كله .... اي مو مال حرام هيج سدها

جلال ظل يباوع عليه ومخنزر اني جنت مقهوره منه

........
غرام..... جنت بالغرفه ابدل لجمال سمعت صوت عالي جوه كلت هذا اكيد فهد لان هو صوته عالي من يحجي
بس بعدين صار صوت مجموعه طلعت من غرفه اشوف شكو لكيت ايمان واكفه يم درج
رحت يمها كتله ...شكو شو هوسه

ايمان .... يكلون جلال ورونق حيفصخون

غرام.... عزه منو كال ... منتظرت ايمان تكمل بسرعه نزلت دخلت للصاله جان اسد وعمي وعمتي يحجون الكل منفعل
من دخلت عمتي التافت عليه كالت ... سمعتي صار

غرام.... شصار
عمتي..... جلال ورونق يردون يفصخون

اسد... يمه مو كلنا جانو اعصاب وكل واحد حجاها هيج من وره كلبه هسه انتي مدكليلي كبرتيها وعرضتيها

غرام... باوعت على اسد كتله ... شصاير
... اسد باوع عليه كلي بعدين افهمج
نهى الكلام ويه اهله وصعدنا فوك واني وره اسد وجنت  كارهته بحيث مالي نفس احجي وياه بس جنت اريد افتهم سالفه رونق وجلال

دخلنا للغرفه وكعد يحجيلي الصار بيت جدي اني بس كمل بسرعه رحت لبست عباتي كتله .. حروح اشوف رونق

اسد ... روحي بس لاتتاخرين عندي سالفه وياج من ترجعين

باوعت عليه كتله واني هم عندي موضوع وياك
بقيت جمال يمه
غرام.... نزلت جوه جانت عمتي كاعده بالطبخ ولازمه راسها بس شافتني كالت ...ها حترحين لرونق
غرام ... اي عمه حروح اشوف شبيهم

ام اسد ... انتظري خل اجي وياج

غرام... راحت عمتي لبست عباتها واجتي ويايه دخلنا لبيتنا جانت بس امي سئلت على رونق كالت فوك عفت امي وعمتي جوه وصعدت لرونق
فتحت باب عليها لكيتها كاعده تبجي رفعت راسها عليه وردت نزلته
دخلت عليها رحت كعدت مقابيلها كتلها... مدكليلي شبيكم تخبلتوا

رونق... غرام عفيه ماريد احجي بالسالفه هاي

غرام... غير تفهميني يابنتي شصاير شو بارحه جان مابيكم شي

رونق ... هو بارحه تعاركنا من طلعنا بس يعني مو عركه جبيره تفاجئت بي اليوم رايح لجدي

غرام... هسه جلال شبي هيج كتل نفسه

رونق ... والله اني تعبت مرات اكول خل اكله نزوج واخلص بس غرام والله ماكدر هسه

غرام... هسه النتيجه شنو  الي وصلتولها بيت جدي

رونق.... الرزاله الزينه من جدي وهاهيه

غرام.... والله تستاهلون جنكم جهال

رونق.... جلال بي شي والله غرام ميلح هيج على هالموضوع خاف انمار كايله شي

غرام... انمار !!!!! لا مااعتقد

رونق .... شفت جهازي يدك باوعته لكيته جلال

غرام... جلال مو جاوبيه شوفي شيكول

رونق... ماريد لا يكلي ولا اكله خلي مو يكول لجدي هذا الوضع ميناسبه خلص بعد

غرام.... اوووو  عساس انتي مقصره هناك مو انتي هم كايله ماريده بعد

رونق... غرام قهرني كلش والله حجيتها من وره كلبي بس حتى ماهين كرامتي وحتى يعرف اني مامهتمه

غرام.... بين مامهتمتله وانتي كل عين هالكبرها صايره

من البجي

رونق.... ميتستاهل

غرام... خل يولي لاتبجين

رونق.... انجبي لاتحجين عليه

غرام.... شون اني ويه شهرزاد لعد جاوبي وفضينا مو والله انتو تتعاركون البيت ينكلب من وراكم

وامشي جوه عمتي جتى شوفج شبيج متخبله على ابنها والله حتى عمو خطيه كام يحجي عليكم

رونق ... يرحون يشوفون ابنهم الشاد ويايه عبالك بس هو خاطب

غرام... مدكليلي شبيج انتي يعني متزوجون وتفضوها

رونق ... منيه تحجي وانتي قبل يومين جنتي دكولين لتزوجين

غرام... رونق عيوني جلال مو مثل اسد ترى جلال الولد يتفاهم يناقش يقنعج يقنع مو مثل الي عندي العناد راكب راسه

رونق... اعرف جلال مو مثل اي احد بس هسه متغير على هالسالفه

غرام... احجي وياه كليله ليش متغير

رونق... ولج يبس حلكي واني احجي مايحجي هو بس اريد امن انتي صرتي الي

غرام... والله مادري شكلج ولج محد واكع بيها غير عمتي والله خل ننزل احجي وياها خطيه

رونق ... امشي يله ننزل...نزلت جوه شافتني عمتي كالت .. يمه رونق مدكلينا شبيكم هاي انتو العاقلين الي مينسمع حسكم وجنكم عصافير الحب هيج سون

رونق... ظليت ساكته ماعرف شكول . غرام نقذتني كالت... عمه ترى رونق مالها دخل بالي صار كله من وره جلال هو رايح لجدي وحاجي وياه

ام غرام... اي والله حتى اني استغربت ليش صاح علينا اني ورونق

ام اسد... هالولد مدري صاير بي يوم شوفيه جنه بلسم يوم شوفي يتعارك ويه نفسه هسه شنو صار يمه رونق اسد كلي كل واحد نفجر بثاني

رونق... عمه اني جلال منتراهم يوميه مشكله ......يتبع٠❤️

___________
شكرا لتفاعلكم الحلو مثلكم ان شاءالله بارت يعجبكم

سوزان ليث❤️💚