رواية حب جنوني الفصل الثامن وستون 68 - بقلم سوزان ليث

راح اسد واني صعدت فوك دكيت باب عليها كتله فتحي اسد راح سمعت صوت قفل باب نفتح
دخلت عليها كتلها.... ليش هيجي سويتي غير تفتهمين من عده مافكرتي يجوز ظالمته

غرام .... لا مظالمته وماريد يجي يحاجيني بعد

رونق ... بكيفج بس ترى هو سئلني عليج واني كتله تريد تتطلك... طبعا اني حجيت الها كلت هسه دكلي ليش كتيله وتعصب عليه بس جان ردها.

غرام ... اي زين سوين وشكال
رونق.... ظليت اباوع عليها كتلها .... كال اي تدلل اليوم العصر خل تبدل واروح اطلكها انتي من كل عقلج تردين تعرفين شكال

غرام... هاي مشكلته يطلك ميطلك ماريده بعد
رونق ... حروح اني اشوف امي
غرام .... رونق
رونق.... ها
غرام... عادي ترحين اجيبيلي ملازمي وغراضي لان اريد اكعد اقره
رونق.... ظليت صافنه بوجهه افكر بجلال خاف اشوفه  كتلها ... ميخالف اروح فدشويه خاف بعدهم نايمين

نزلت جوه كعدنا اني وامي نحجي امي كلتلي كلشي لتحجين لبيت عمج خاف احد يسئلج كولي مادري منعرف احنا بعد السالفه

رونق...  غرام رادتني اروح اجيبلها شغلاتها اروح لو لا

امي... روحي جيبيلها غراضها بس لاتتاخرين ومثل ماكلتلج خاف احد يسئلج لاتحجين شي

رونق.... انتظرت شويه بعدين لبست عباتي ورحت لبيت عمي طبعا اني خجلانه منهم نوب اني واختي اريد نعوف ولدهم وبنفس اليوم
دكيت جرس انتظرت شويه وفتحتلي ايمان سلمت عليها ودخلت لكيت عمتي وعمي بالمطبخ يتريكون سلمت عليهم وعمي كلي... شونها غرام

رونق... شويه احسن جيت اخذ كم شغله الها اسد فوك
عمتي.... اي حبيبتي فوك بارحه الليل كله منايم بس يفتر بالبيت عبالك مضيعله شي

رونق... لعد خل اشوفه ... صعدت فوك واني ادعي ماشوف جلال لان خجلانه منه من سالفه بارحه
دكيت باب على اسد سمعت كال  .... ادخل

فتحت باب ومديت راسي كتله... هلو .. شفته بسرعه وكف على حيله كلي غرام بيها شي

دخلت للغرفه كتله ... لا مابيها بس رادت ملازمها وكم شغله اجيبلهيا

اسد.... وهي شنو ناويه تبقى يمكم
رونق... والله ماعرف اني كلت اسوي الي تريده خاف تضوج مني
اسد... اختج تخبلت والله
رونق.... لا ماتخبلت بس هي كلش تحبك وشوفك دايما انت امانها والي عمرك متسوي شي ياذيها

اسد... وصار هسه شنو الي اذيتها بي هي متقبل تكعد تحاجيني تفتهم مني

رونق.... هي هسه مثل مصدومه تحملها خل بس تهدء وامي هم حتحجي وياها بالكي تكعدون تحجون

اسد... ماشي اخذي راحتج اني حنزل جوه

رونق ... عافتي ونز
باوعت على الكومدي شكد مدخن كميه مخيفه نقهرت عليه

رحت طلعت ملابس لغرام وحضرت ملازمها وشغلاتها وجنت ملتهيه الم بغراضها سمعت واحد يكلي ... ولج شدسوين هنا

رونق... اخترعت خرعه لان مامنتبه وصوت عالي نداريت عليه لكيت فهد مادلي راسه كتله... انت متكبر

فهد... شدسوين بغرفه اخويه ولج

رونق... خلاني اضحك لان حجاها بطريقه مضحكه
كتله.... جنت اخذ ملابس لغرام

فهد ... معرفتي شبيها
رونق... لا معرفت محد حجه
فهد... يابه شكد جذابه اكص ايدي منا اذا انتي متعرفين
رونق..... لا شعرفني محد حجه
فهد.... عليه ولج اعرف سوالفجن امج كلتلج لاتحجين شي مو
رونق..... يمه خوفني بكلبي كلت شعرفك كتله... يمعود مادري شبيك هسه لو ادري جان حليت المشكله وخلصت

فهد... احاول اصدكج وانت مشكلتج محليتيها
رونق.... هسه انت صاير مصلح اجتماعي جاي تحل بمشاكلنا
فهد.... والله هو منو يكدرلجن بعدنا اريد نعرف بمشكلتج انتي وشفيه. كمزت اختج هجت من البيت
بنات جمال منويكدر يحاجيجن

رونق..... ههههههههه خرب عجوز والله صاير حتى جده حكمه ماسوي سوالفك
ردت اعرف اسد شكاييلهم كتله ... وانت  اسد محجالكم صاير

فهد...... وانتي شفتي البيت بارحه من رجعنا من المستشفى
رونق .... شبي
فهد.... وعلي ذبين الابره سمعين صوتها
رونق.... عمي محجه ويه اسد
فهد.... لا كلشي محجه جنه ابويه هم يخاف من اسد
رونق.... هههههه هسه مابيكم احد سئله صاير
فهد ... كفيلج العباس البيت كله يرجف من اسد فات للغرفه ضرب الباب ضربه كلت وكعت الباب
رونق..... هههههه خرب والله ضحكتني  بعز همومي
فهد... وانتي شنو شبيج ويه شيخ جلال
رونق.... طبعا عدنا حاله  من يشوفون شخص متددين وملتزم بصلاته يكلون عليه شيخ كتله ... محجالك جلال عساس

فهد.... عوفج من شقه تعرفين جلال شكد يحبج ومو هسه لا ترى اني جنت اعرف بي يحبج من جنا بعدنا بالمتوسطه

رونق.... هههههه شون عرفت بله

فهد... هو غير بالمتوسطه لكفته ضام صورتج ونوب ياريت جنتي حلوه شو حتى شوارب جانت عدج

رونق.... هههههههههه
فهد.... والله نوب هي صوره جماعيه انتي ونبا وغرام وايمان عود مكصكص البنات وبقيج بس انتي من جمالج

رونق.... هههههه والله ضحكتني

فهد ... هسه كلينا شبيكم
رونق .... والله فهد مادري وماعرف من منو الغلط ماريد اعوفه اني لان مثل ماهو يحبني اني احبه وياريت لو جنت صغير واعرف بي يحبني
بس هو جاي يضغط عليه بسالفه زواج

فهد.... ليش ماتكعدون تحجون وتوصلون لحل يرضي طرفين

رونق.... كومه حجيت بس هو قافل

فهد.... اوووو لعد انتي من قبلتي تنخطبين اجنتي منتظره تبقين يم امج غير تزوجين

رونق..... هههههه والله الواحد ميعرف يحجي وياك كلمتين جديه خل اروح اودي الاغراض
طلعنا اني وفهد من غرفه اسد وفهد اصلا جان واكف يم باب وباب مفتوح طلعنا شفت جلال بوجهي
صافن علينه هههههه

فهد كله جنت اشوف غرام شونها وعافنه ونزل جلال ظل يباع عليه وعافني وراح لغرفته اني لكيت نفسي اروح وراه فتحت باب لكيته كاعد عالجربايه رفع راسه باوع عليه ونزله
اني ظليت واكفه يم باب كتله .... جلال

رفع راسع يباع عليه كتله.... زعلان مني

نزل راسه يلعب بتليفون ميحجي ويايه  صحت جلال

كلي.... انتي مجايه عليه جايه تاخذين غراض لاختج لو جايه عليه مخصوص جان جاوبتج

رونق.... ظليت اباوع عليه كلشي محجيت كتله ماشي عفته ونزلت جوه سلمت على عمتي وطلعت
لكيت اسد واكف باب البيت كتله كملت
كلي.... شوفيها نزلت
رونق... ماشي دخلت جوه سئلت امي كالت فوك منزلت
طلعت لاسد كتله فوك مانازله كلي ... جيبيلي جمال اشوفه
رونق.... ماشي صعدت فوك كتلها اسد يريد جمال
انطتنياه ومكالت شي  نزلت وديته الاسد الي اول مشافه كمز عليه اخذ ه اسد وكلي.... رونق من تنزل دكيلي اريد احجي وياها

رونق.... ماشي والله بس تنزل اكلك
عفته ودخلت كتلها لامي  .... روحي احجي وياها اسد
كلسع سائل عليها
صعدت امي عليها واني جنت جوه ارتب البيت
..........
غرام.... جنت احاول ماهتم بس جنت مقهور حيل من اسد ومجنت مستعده اسمعه لان اني جنت متاكده يخوني واي شي يحجي ماصدكه جنت مقرره خلص صدك ماريده واريد كلشي يخلص وياه لان جنت اشوف نفسي اني كلش وفيه وياه وومجنت مستاهله منه هيج
يعني الموقف قهرني على نفسي كلش
جنت كاعده اكلب بالملزمه ردت التهي بعد ماجبتها رونق الي .
شفت امي دخلت عليه كعدت يمي كلتلي... شونج يمه شون صرتي

غرام.... زينه الحمدلله لايظل بالج مابيه شي
ام غرام... شون مايظل بالي وانتي هيج حالتح ويه رجلج
غرام.... ظليت ساكته لان ماعرف شحجي
ام غرام... حبيبتي اسد كلي انتي مفتهمه الموضوع غلط كعدي وياه لخاطري يمه واحجي وياه
غرام.... مفاهمه غلط ولا شي كلشي سمعته وشفته بعد شنو الي انتظره لازم يله اتعارك وياه يزوج عليه

ام غرام .... شيزوج عليج يمه هسه احنا منعرف اسد شو يحير شيسويلج حتى ترضين عليه

غرام.... كله جذب بجذب طلع ماريده بعد وكليله ماريده ولا ارجع اله والله اذا جبرتوني ارجعله احرك نفسي واخلص من هالعيشه

ام غرام.... يمه اسم الله عليج شون تحجين هيج استغفري ربج خلص عوفي هالسالفه ارتاحي وفكري بيها يمه انتي مترتاحين الا تكعدين وياه وتحجين وبعدها تردين تجعيله او مترجعيله بكيفج

غرام.... باوعت على امي الي كاعده تقنع طفله واني اعرف مو بكيفي ارجعله او مارجعله
ظليت ساكته منطيتها اي جواب تالي هي عافتني ونزلت
ظليت احاول اقره واكلب بالملزمه بس بالي مو يم القرايه كلش عفت كلشي ورحت مددت ظليت صافنه عالسكف احس نفسي اريد ابجي اعيط بس مداكدر اسوي اي شي من ذني
.......
رونق.... جنت اساعد امي نسوي غده ونسولف على غرام وامي تحجي على غرام لان متقبل تحجي ويه اسد وتفتهم منه  التافت عليه كلتلي... وانتي دكولين لجدج ماريد جلال شبيجن تخبلتوا

رونق.... ظليت ساكته وبس اباع عليها شبسرعه حولت عليه

ام غرام.... اني لعبالج ناسيه سالفتج بس سالفه اختج لهتني ومخلتني احجي ولج انتي خليتيني كدامهم هالكدوتني بكل عين صلفه تحجين ماريده جان خجلتي الولد يخاف الله بيج وشتردين يسويلج والله انتي ماتستاهليه

رونق.... اني بس اباوع عليها وهي صوتها عالي بنقاش
           كتلها .... هسه شسوي مشفتي هو قافل الا يزوج وسواها عناد

ام غرام.... سواها عناد تزوجين حالج حال اختج

رونق.... اختي ترى فوك زعلانه ... ماشفت الا امي دور على اي شي تشمره عليه لكت بطل ماي شالته شمرته عليه بس ماجه بيه
كتلها... هسه اني شعليه شفتيني عفته مترحين على بنتج الي تريد تتطلك .... امي جرت الكرسي وكعدت ربي سويت اني حتى تبليني بهيج بنات

رونق ... رحت يمها حضنتها من وره كتلها ... مسويه كل الخير حبيبتي وين تلكين مثلنا

ام غرام .... وخري من يمي والله شلعتوا كلبي

رونق .... هسه اني شسوي ياامي غير هو قافل حتى اليوم من شفته من رحتلهم كالب وجهه مقبل يحاجيني

ام غرام.... والله حقه مالومه كون يسوي بيج اكثر

رونق... تحسسيني هو ابنج مو اني

ام غرام.... شفايتلي عندي ولد مثل جلال يخاف الله وبار باهله وعمر عمتج ماشكت منه دومها دكول هو الي مريحني من ولدي

رونق.... اي القرد بعين امه غزال... هنا امي ندارت عليه تريد تضربني اني ركضت كتلها والله هو هيج المثل اني شعليه
عفتها وصعدت فوك اليوم نبع الحنان ماتتحجه دخلت على غرام لكيتها تباع عالسكف كتلها ها ياحلو شدسوين

غرام... ماسوي جمال أجه
رونق... لا بعده
غرام .... شبيها امي جانت تعيط
رونق.... جانت تحمد الله وشكره لان نطاها بنات مثلنا وحده تريد تتطلك من رجلها وحده تريد تفصخ الخطوبه

غرام.... عاد امي حتى لو شوف اسد نايم ويه وحده ثانيه كدام عينها دكول لا هذا مو اسد يشبه

رونق... وهسه خلت جلال بصف اسد ... اكلج غرام تعالي نزلي جوه شويه حظلين كاعده هنا

غرام.... مالي واهس عوفيني

عافتني رونق ونزلت اني كمت اخذت تليفوني من الشحن لان جان مطفي فتحته اول مافتحته وصارت مسجات تجي من اسد جانت مسجات كلها اني ماخنتج وشون شكين بيه ويحلف بجمال ماخايني وبس يريد نحجي حتى يفهمني
هو اظاهر اجه اشعار خطي فتح لان بسرعه دكلي بس مجاوبته رد دز مسج... جاوبي لااحرك اهلج

باوعت كلت فوك ما مسويله مصيبه بكده يريد يحرك اهلي
مجاوبته ورد يدك ويه كل دكه رساله تهديد الي اذا ماجاوبه
تالي مل يمكن بطل يدك
نزلت جوه لكيت امي شاده راسها رحت يمها كتلها... شبيج
ام غرام ..... راسي حينفجر يمكن ضغطي صاعد
غرام... تردين اقيسه
ام غرام ... راحت اختج جيب جهاز
غرام... اجتي رونق قاست لامي ضغطها شافته صاعد  اصلا امي من تنقهر بسرعه ضغطها يصعد اخذت حبايه مال الضغط ودخلت لغرفتها تمدد

اني ورونق وحده مكابله الثانيه محد تحجي بس وحده تباع عالثانيه
دك جرس البيت اني بسرعه كمزت اريد اصعد فوك بس رونق لزمتني كالت والله مصعدين الا سمعيه بداعت جمال بروح ابويه واني جنت اصارع وياها حتى اصعد تالي فلتت ايدها وصعدت ركض

صعدت ركض ودخلت للغرفه جيت اقفل الباب المفتاح ماكو هسه جان هنا ادوره ماكو ظليت افتر بالغرفه ادور عليه ماعرف وين  قبل شويه جان بالباب  رحت كعدت كلت اكيد اسد جاب جمال وميصعدلي.

رونق ... رحت فتحت الباب دخل اسد كلي... منزلت اختج

رونق ... اي نزلت بس من سمعت جرس صعدت

اسد... ماشي خليها هيج اشوف تاليتها وين توصل

رونق ... اكلك اصعدلها احجي وياها

اسد... مو صعدتلها صبح وبعينج شفتيها قافلتها الباب

رونق... لا اصعد هسه مو اني شلت المفتاح من الباب بدون متنتبه بعد متكدر تقفله ... شفت اسد ابتسملي كلي... عفيه بدبدوب

رونق... خلاني اضحك من كال دبدوب بسرعه دخل البيت كتله... وين جمال
اسد .... بقى يم امي يله حصعدلها
رونق اي اصعد... اعرف غرام حطيح حظي بس لازم يحجون .

بسرعه اسد سوه الدرج خطوتين وسوالها مداهمه

غرام.... جنت كاعده انتظر رونق صعدلي جمال ماشوف الا الباب نفتحت وبشكل قويه بحيث خفت باوعت لكيته اسد يدخل

اني من شفته صرت اصيح عليه شكو جاي ماريد اشوفك اطلع من الغرفه بس هو ماهتم لكلامي دخل وسد الباب وراه واجه عليه

اني ظليت كاعده بس جنت مطايقته اجه كعد مقابيلي كلي... مو كافي خبال من البارحه لليوم كافي افتهمي سالفه

غرام .... ماريد وكلشي ماريد افتهم عوفني بحالي

اسد... باعي ساكت عليج وصابر اكول ميخالف حقها تحبني وتغار عليه واني لو بمكانها اسوي اتعس من هيج بس كافي عالاقل اسمعي العندي

غرام... شسمع اسمع شون خنتني .. شفته مسح وجهه واصلا هو جان عصبي بس يحاول يسيطر على نفسه

اسد.... ماشي يابه اني خاين غير تعرفين شون
اني باجر راجع للدوام ماريد اروح وانتي هيج زعلانه مني ومفتهمه السالفه غلط

غرام... ظليت ساكته ودايره وجهي عنه

اسد.... قبل كم شهر جنت معزوم بمزرعه اركان وجان جامع شله الدوام ومن رحت شفته جايب جم وحده هو يعرفهن اقسم بالله بس دخلت شفت الجو هيج معجبني ولان جان مكايل قبل مروح جايب ذني اني وجم واحد طلعنا مابقينه وياهم ووحده من الجانت هناك شايفتني ومجلبه بااركان ماخذه رقمي منه ومن ذاك اليوم وهي دك ودز مسجات بس تريدني اروحلها بس وداعتج وداعت جمال مانطيتها وجهه وحتى اركان من عرفت ماخذه رقمي منه غسلته برزايل ومن سمعتيني احجي وياها بتليفون جنت ارزلها حتى لدك عليه لان لعبت نفسي حتى حظر سويتلها وترد دك من غير رقم
اني ماعرف انتي سمعتيني بذاك اليوم والله لو اعرف انتي سامعتني جان اجيت حجيتلج بس بوكتها ماردت اضوجج واعرف اذا حجيت انتي حسويها سالفه عليه وماخلص منها .
وداعت حبي الج هذا كل الي صار ولج شون تفكرين بيه اني اخونج غير انتي روحي اكو واحد يخون روحه

غرام.... ظليت ساكته جنت بصراع داخلي قلبي الي مصدك كل كلمه كالها وعقلي الي يكلي جذاب لصدكيه قابل الخاين يجي يكلج اني خاين
مد ايده يلزم ايدي بس اني بسرعه بعدت ايده هو ظل يباع عليه كلي... غرام احجي كولي اي شي لاظلين ساكته والله من البارحه عيني ماشافت نوم واني اعرف بيج زعلانه عليه

غرام.... لنفرض الحجيته صدكته زين وشقه شنو هم متدري بابو الايجار بعده ماجرها الك

اسد...  الشقه صح اني جنت ناوي يخلص شهر واسلمها لابو الايجار وحتى بوكتها خابرته وكتله بس هالشهر واسلمها بس عندي صديقي يدري بيه عندي شقه بغداد خابرني طلب مني ينزل بيها هو وابوه لان ابوه رجال مريض ويجي لبغداد يتعالج وصراحه اعرف الرجال محتاج وهو منا خال العنده والماعنده على علاج ابوه اني ماكتله حسلم الشقه يعني اشوف واحد محتاج مساعده واعوفه نطيته المفتاح وكتله اكعد بيها كل ماتنزلون للعلاج لان كتله اني اصلا مبقيها للاهل من ينزلون لبغداد وهو صار كل ماينزلون يكعدون بيها واني كلت بس يخلص والده علاج اسلمها بعد وهاي كل سالفه الشقه سويتيني اودي بيها بنات وسويتيني واحد خاين

وغرام.... وليش ماكلتلي ليش ماكلت اني ماكدرت اسلمها لان صديقي هيج وهيج حالته جان صدكتك وجان اني كتلك لاسلمها لخاطر المريض بس انت جذبت عليه وضميت عليه

اسد.... حقج جان المفروض اكلج وماضم عليج مجنت اعرف الامور توصل لهنا

غرام....  كل الحجيته اني مادخل عقلي

اسد...شنو الي مادخل عقلج اني حجيتلج الصار من الف للياء ومجذبت بحرف وياج

غرام .... واني مامصدكه الي حجيته... هنا جانت نقطه تحول اسد الي صار ميسيطر على غضبه

اسد... هو شنو ماصدكتني انتي شايفتني واحد يوميه ويه وحده لو البطل بيدي وامشي

غرام.... عفته اريد اطلع بره الغرفه لزم ايدي كلي .... وين رايحه بعدنا ماكملنا حجينا

غرام .... واني ماريد اسمع بعد شي
اسد ...لا سمعين وغصبن ماعليج وهسه ترجعين ويايه للبيت كافي متحمل من بارحه خبالج وساكت

غرام... واني مارجع وياك للبيت يله شسوي سوي مو اني مخبله عوفني

اسد.... ولتخليني اسوي شي تتندمين عليه

غرام... سوي الي سوي ميهمني بعد فوك ماانت غلطان جاي تهدد بيه .... هنا لزمني من زندي حيل

اسد....اهددج واكسر راسج هم لتخليني والله اروح من صدك اخونج هالمره حتى زعلتج صير على شي يسوى

غرام.... عساس انت ماخنت حتى هسه تروح تخون
.... اني جنت بس اريد اقهره واضوجه مثل ماضوجني وقهرني
كتله ... بس تعرف شنو استاهل لان عفت الي كتل نفسه عليه ولحد الان منتظر مني نظره

هنا اسد صار اسد من صدك بحيث لزم حنجي وحصرني عالحايط كلي... والله ياغرام لا اندمج على هاي حجايتج وخليج تتوسلين بيه واني ماقبل ارجعج

انفتحت الباب جانت امي هو بسرعه ابتعد عني بعد ماجان راسي يريد ينشلع بيده

ام غرام... شكو يمه اصواتكم عاليه هو هيج الي يحجون

غرام.... باوع على امي كلها.... بنتج يمج اني بعد ماريدها

وعافنا وطلع من الغرفه امي صاحت عليه بس مرد التافت عليه كلتلي .. ولج يامعزايه شكتيله وخليتي هيج يحجي

غرام... ظليت ساكته وكلشي محجيت رحت كعدت واني افكر بالي كلته جان ملازم اكول هيج اعرف غلط بس جنت مقهوره منه كلش وردت بس اقهره واضوجه

امي عافتني ونزلت جوه تريد تلحك على اسد

....
رونق .... رحت على امي كتلها اسد صعد لغرام يحجي وياها بالكي يصالحون
شويه صار صوت عالي امي خافت على غرام لتتخربط مثل البارحه بسرعه كالت حصعد فوك اشوفهم
صعدت هي منا نزل اسد منا وكلشي ماحجي بسرعه طلع
اني ظليت صافنه كلت هاي شكو صدك جذب
نزلت امي دور على اسد كتلها ...راح شكو صاير شفت امي كعدت نوب هي ضغطها صاعد كعدت عالتخم صيح من راسها بسرعه قست ضغطها لكيته صاعده اكثر من قبل شويه حتى الدوه الاخذته كلشي مسوه
بسرعه عصرتلها ليمون كلت بالكي ينزل ماكو شربته ونوب صارت بالاكثر حالتها كمت اعيط على غرام نزلت ركض شوف امي شافتها كلش كالت  ... خل نوديها للمستشفى ليروح يصير بيها شي
كتلها ... حروح اصيح اسد
صاحت عليه لصيحين اسد هو من وراه صار بيها هيج
خابري على جلال هو ياخذنا

وامي صيح منا لتخابرون احد مابيه شي

اني اخذت تليفون ودكيت على جلال ٣ مرات ادك وميجاوب
رديت دكيت مرتين على اسد بدون متدري غرام هم ميجاوبني  كلت ذوله شبيهم
ومنا امي توون ماعرف شسوي صدك الي ماعده اب او اخ يتيهه اول مره احس احنا ماعدنا احد

كلت لغرام جلال واسد ميجاوبون اروحلهم للبيت

غرام.... لترحين من دكيتي عليهم مكالو خاف صار بيهم شي لو كرامتهم مخلتهم يجاوبون
روحي جيبيله جبه شي لبسيها حصعد ابدل وروح اني وياج نوديها

رونق... اني وياج

غرام .... لعد ننتظر من يحنون علينا ويجاوبون نوديها

ام غرام... ماروح لاي مكان مابيه شي هسه شربت ليمون اصير زينه

غرام.... هو شنو هسه صيرين زينه شوفين نفسج ايدج متكدرين ترفعيها ننتظر لحد ميصير بيج شي منو النا احنا غيرج

رونق.... غرام جانت منفعله كلش بحيث امي سكتت اني بسرعه جبت لامي جبتها وحجابها لبستها غرام نزلت مبدله اني صعدت ركض لبست ونزلت
غرام كالت ... حطلع اوكف تكسي

غرام... طلعت من البيت جانت ظهريه وماكو احد بشارع 
ظليت واكفه بشارع يوميه سياره الاجره كومه يفوتون من شارعنا اليوم ماكو احد مادري لان ظهريه
ظليت واكفه شويه فاتت سياره اجره بسرعه وكفتها ووجان رجال جبير بسرعه دخلت طلعنا امي اني ورونق وصعدنا جانت بالكوه تمشي

وخطيه ابو تكسي شاف امي متخربطه مشى سريع
وصلنا للمستشفى ونزلنا بسرعه للطوارئ عاد  قاسوا ضغطها شافوا مرتفع نطوها ابره بسرعه ودكتور مقبل تطلع الا ينزل ضغطها لان كال لو باقين شويه جان نضربت جلطه
امي شويه نامت اني ورونق ظلينا يمها جان منظرنا يقهر جنا جهال اني وياها
احنا من صغار لحد مكبرنا امي متحمله كلشي وهي الاب والام كمت الووم نفسي لان اني سبب الي هي بيه
محسيت الا على رونق دكلي ... لاتبجين هسه صير زينه مسمعتي دكتور

غرام... باوعت عليها الي عيونها مليانه دموع كتلها ... كله من ورايه اني نقهرت وصار بيها هيج

رونق... مو بس انتي حتى اني نقهرت من ورايه ان شاءالله صير زينه رب العالمين يدري ماعدنا احد غيرها

غرام ... ان شاءالله اكلج جلال و اسد مرجعوا دكوا عليج

رونق... اني طلعت من البيت بسرعه وتليفوني نسيته بالبيت

غرام... واني هم نسيته يله شنسوي بي

ظلينا ننتظر امي كعدت شويه احسن بس مقبل هم تطلع الا ينزل ضغطها ويصير طبيعي
ظلينا تقريبا ب ٣ ساعات بالمستشفى لحد ما امي صحت وصار ضغطها طبيعي ودكتور بدل دواها مال ضغط وطلعنا
اجرنا تكسي ورجعنا للبيت وصلنا للبيت لكينا باب البيت  مفتوحه وجلال واسد وعمي وفهد كلهم بشارع
رونق كالت ...هاي صاير

غرام .... مادري
نوب بس اريد السياره توكف حتى ننزل نشوف شكو

وكفنا لكل لتاف يشوف منو بتكسي نزلت اني اول وحده وكل يباع علينا بسرعه اجوي عليه يصيحون وين جنتوا
امي نزلت هي ورونق اني اباع على عمي كتله جنا بالمستشفى امي صعد ضغطها وتخربطت وديناها للمستشفى

عمي. غير تحجون دكولون نجي وياكم شنو انتو رايحين هيج وحدكم

غرام.... اني باوعت على عمي كتله... والله دكينا على جلال واسد واثنينهم مجاوبوا

اسد... متعرفين دكين الباب تجين صيحينا

غرام ... باوعت على اسد بنظره خليته يسكت امي كالت مصار شي هسه رجعنا

ندخل للبيت بس عمي مقبل ندخل كال تعالو بيتنا اني كتله ماريد امي اريدها ترتاح جوه

اسد... يكلج تعالوا بيتنا اسمعي الكلام.

غرام... باوعت عليه شون يعلي صوته عليه رونق باوعت عليه حتى اسمع الكلام دخلنا لبيت عمي واجتي عمتي خطيه علينا تسئل وين جنا وظل بالهم كعدت امي بصاله ترتاح وجنت احجي ويه عمتي اكلها امي شبيها
ماشوف اله نجريت او نسحلت من اسد  من جوه لفوك  ودخلني للغرفه ماعرف ليش اني خفت منه جان مبين اعصاب صاير بحيث ماكدرت احجي ظليت بس اباع عليه كلي... ولج انتي ماتستحين تاخذين امج ترحين وحدكم ماكلتي عندي رجال اكله يجي يودينا

غرام ... طبعا هو مجان يحجي جان يصرخ
كتله... دكينا عليك ومجاوبت شنسويلك اذا انت مجاوب تقرب عليه عبالي حيضرب بس لزمني من عكسي ويعصر بيدي وانتي متكدرتي تجين عليه  ها خطوتين مكدرتي بدال مطالعه منتظره تكسي بربع ساعه مكدرتي تجين دكين الباب لج انتي شون وياج

غرام.... اني ظليت ساكته اخاف احجي وافكر شون عرف اني الي اجرت التكسي

اسد... متحجين اخرسيتي متعرفين شجاوبين بس تعرفين تاخذين امج وتروحين بيها للمستشفى عساس ماعدكم احد ياخذكم ولج والله لو ما كاعدين جوه والله جان عدمتج العافيه على هاي عملتج

غرام ... هد ايدي وكلي ... والله وداعت ابني لاخليج
تتندمين على سوايتج هاي
عافني وطلع اني ظليت واكفه بعدين نزلت جوه
رحت للمطبخ شفت جلال ورونق واكفين بالكراج ومبين جلال يرزل رونق
اجتي عمتي تعتب عليه لان مجينا عليهم وكنالهم اني متحملت كمت ابجي كتلها دكينا على اسد وجلال واكثر من مره محد جاوب ظلينا منعرف شنسوي

عمتي... غير تجون علينا اسد جان تليفونه فوك ناسيه
وجلال هم بغرفته وجانوا يتغدون جوه تالي جمال صار يبجي يريد يشرب ممه اخذه اسد و جابه الكم ولج ظل كومه يدك الباب ماكو دافع الباب وفايت وشايف من شباك المطبخ جدر ديحترك عالطباخ وربج ستر كسروا شباك المطبخ  ومدري شون فاتحين الباب
ربج ستر يمه شون تنسون الطباخ وطلعون زين ماحترك البيت

غرام.... اني ظليت مصدومه كتلها والله مادري يجوز رونق من الخبصه نسته الحمدلله مصار شي

طلعت على رونق الي جانت ساكته وجلال منفعل عليها صحت رونق التافت تباع عليه وعيونها مغوركه دموع بحيث بس شافتني مصدكت احد يصيحه بسرعه عافت جلال وجتني
...........
رونق... من نزلنا من التكسي اني ماشوف احد بس جلال الي بس شافنا اجه ركض علينا اني جنت ملتهيه انزل امي وغرام هي الي جانت بوجهه المدفع تحجي وياهم اني جنت اباوع على اسد وعمي شون متعصبين ويحجون على غرام
لتافيت شفت جلال يباع عليه اني بسرعه ختلت وره امي جان خازرني بس اعرف جلال ميحجي كدامهم ويفشلني حينتظر نصير وحدنا ويستلمني
دخلنا امي جوه واني ظليت كاعده يمها وعمتي تحجي ويانه بعدين كامت جيب ماي لامي اجه دخل جلال سلم على امي ومثل الي عاتبها لان رحنا لوحدنا بس كلتله غرام ماقبلت حتى رونق رادت تجيكم بس غرام مخلتها اني ردت اكوم ابوس راس امي فديتها حجت هيج حتى لاتخلي جلال يحجي عليه بحيث جلال يحجي ويه امي وعينه شويه عليه شويه على امي
اجتي عمتي تحجي ويه امي جلال باوع عليه واشرلي براسه اروح وراه
اني كمت وراه طلع للكراج وكف جان يباع عليه يريد يخنكني
كلي ... مقتنعه بالي صار
رونق ... ظليت ساكته شويه بعدين كتله... يعني شسوي انتظر لحد ماامي يصير بيها شي جان ضروري تروح للمستشفى

جلال ... وليش ماجيتي عليه اني اوديكم ليش هيج لاغيتني

رونق... ملغيتك بس دكيت عليك كم مره مجاوب وكلت ميريد يجاوبني

جلال .... وانتي يايوم دكيتي عليه مجاوبتج بس تليفون جان فوك بالغرفه واني جوه

رونق... وبعدين غرام ماقبلت وجانت امي تعبانه مجنت اعرف شسوي

جلال... انتي تعرفين صار بينا من اتصل عليكم مجاوبون ونشوف المطبخ مالتكم كله دخان ولج جيت اتخبل بس اريد ادخل اشوفج عبالي مختنكين جوه ومجاوبون

رونق.... من حجه هيج حسيت عيوني غوركت دموع وجلدي كزبر لان جان يحجي بحركه ردت احضنه بس غرام صاحت عليه اني باوعت على جلال كتله خل اشوف غرام عفته ورحت على غرام

غرام.... امشي روح للبيت نشوف شبي سمعتي بصار

رونق.... اي كلي جلال يمكن امي نست الجدر عالطباخ ولتهت وياج ونسته
رحنا للبيت الجانت البوب مفتحه وفهد وايمان جوه يحاولون يهوون البيت
اول مادخلنا كفختنا ريحه حرك كلش كريهه
فهد بس شافنا اني وغرام داخلين صاح هلا هلا بنات عمي الي يوميه مسويات مصيبه

غرام... بله فهد لتستلمنا انت هم كافي جوه
فهد... ولكم والله يوميه جاي انبهر بيكم يعني يوميه اكول خلص بعد ميفاجؤني تردون بسرعه تدزولي مفاجئه جديده

رونق.... ترى امي ناسيته للجدر مو اني
فهد... ولج هو عالجدر لو عالهبطه لج انتي لكي ان تتخيلي اسد اخذ جمال وطالع يرجعه شو شفنا اسد شمر جمال على امي ويدك عليكم مجاوبون اسد بس كال ميجاوبون ولا يفتحون الباب جلال كمز صار يدك عليكم
نوب فاتوا جوه شافوا المطبخ دخان وشي يحترك علطباخ  اسد وجلال صار واحد يدفر بالباب وواحد كسر جامه تخبلوا اخوتي من وراكم شدعي عليكم

رونق ... اني جنت صافنه ومركزه على فهد جان يندار عليه كلي من وره هالهبطه اذا خلفتي من جلال تعالي عاتبيني كطعتي النسل عده
وانتي غرام حمدي ربج عندج جمال جان بعد ماتخلفين
على هالهبطه

غرام.... هسه بس احنا من نطلع يصير هيج مصايب
رونق.... والله اني متعلمه من اطلع وارجع الكه الامه الاسلاميه كلها بشارع

فهد... انتي ماشفتي جلال من اسد كسر باب ودخل عاف نار مشعوله عالطباخ وركض يدور على رونق
نوب عافنا وصعد فوك
واسد يدور على غرام وكفت اني اطفي نار احتركت ايدي من وراكم بله اني شمستفاد منكم حتموتونا والله يوميه سالفه

غرام.... غير انت ابن عمنا شيال همنا
فهد... اشوفج جيتي عليه اوديكم للمستشفى متستحون ترحون وحدكم شكو مدكيتوا عليه مو بعينكم اني

رونق .... صراحه مجيت على بالي من حجيت هيج جان لازم الماسحه صار يريد يضربني بيها بس اني ركضت دخلت جوه

غرام... اكلك شمدري لعد اسد اني طالعه ماخذه تكسي

فهد... ولج مو من دخلنا للبيت وملكيناكم اني رجعت الكاميرات مال بيتنا جان شفتج ظليتي شكد واكفه تالي اجرتي تكسي ودخلتي جبتي امج ورونق ورحتوا عبالنا نهزمتوا

غرام.... ههههه وين انهزم وورايه اسد يمه واحد ميكدر يسوي شي من وراكم نوب حتى كاميرات خاليها على بيتنا

فهد ... انتي ماشفتي اسد من انطيته تصوير وانتي تاجرين تكسي يحجي ويه تليفون يكلج وين رايحه بت الكلب

غرام.... عادي بعد اسد
فهد... والله غير لو جمال يمكم جان اسد عباله نهزمتوا بس ربج ستر عليج جمال يمنا

غرام.... يعني بس اريد افتهم وين انهزم صدك جذب

عفته ودخلت جوه ريحه صدك كريهه فتحنا كل شبابيك وهوينا البيت اجه جلال علينا كال تعال امي سوتلكم غده تعالو اكلو

اني رحت غسلت ورحت لبيت عمي وحتى جمال ماشفته

رونق... جنت واكفه انظف بطباخ الي ماعرف شون هيج محترك وهمزين مكاب ومنفجر مشفت الا جلال يحجي ويه غرام وراها اجه يمي وكف كلي... عوفي هسه تعالي اكلي

رونق... لا ماشتهي خل اكمل قبل مترجع امي وشوفه وتنقهر  ... لزم ايدي كلي اكلج عوفي هسه تعالي اكلي بعدين عمتي عرفت ابويه كللها وهي الي ناسيه جدر

رونق.... ماشي خل بس اغسل

جلال...يله انتظرج
رونق ... رحت غسلت ورجعت لجلال لكيته بعده واكف ينتظرني
طلعنا اني وياه وبقى فهد يريد يصلح الباب المكسور 
رجعنا لبيت عمي لكيت غرام كاعده وبيدها جمال وايمان يمها يسولفون اني رحت كعدت يمها جلال جر الكرسي البصفي وكعد
خطيه عمتي جابتنا الاكل وكالت يله تغدوا امكم صبيتلها جوه تاكل
اني جنت مو كلش مشتهيه اكل بعد الفلم الصار

شفت جلال قرب الكرسي عليه وصار كلسع يخليلي شي كدامي حتى اكله جنت اكل حتى لاضوجه
غرام عافتنا وكامت لان جمال يريد يشرب ممه
بقينا بس اني وجلال باوعت على جلال كتله ...خفت عليه

جلال... ردت اموت بس ردت ادخل لبيتكم دخلت مثل المخبل ادور عليج نوب من لكيتكم انتو ماكو حمدت الله وشكرته خفت حيل ليكون مختنكين من دخان

رونق... ابتسمت اله كتله من دكيت عليك ومجاوبت حيل انقهرت لان حسيت انت متريد جاوبني وبوكتها حسيت احنا ماعدنا احد

جلال... شون تحجين هيج اني موجود وحتى لو اني وياج على خلاف هم ابقى سندج وشوكت متحتاجيني اجيج ركض

رونق.... كلامه خلاني ابتسم كتله ... صدك
جلال... وداعتج عندي

رونق ... جنا اني وياه كلش قريبين من بعض وجنا نحجي وبغير عالم ماحسينا الا واحد يكول .... اي عيني شكو عليكم اني الاحترك واني الي اصلح الباب وناس بعالم موازي حتى قلوب فوك راسهم تفتر جلال بسرعه ابتعد عني كله ... انعل يومك صوتك شعلاته

فهد... اي عمي اكيد تنزعجون من صوتي عصافير الحب

رونق.... اني بسرعه سويت نفسي الملم الماعين وفهد فضحنا مايسكت
اني بسرعه غسلتهن ورحت اشوف امي خطيه جانت مدده بصاله وبس غرام كاعده يمها

غرام... رونق ناخذ امي للبيت خطيه ترتاح بغرفتها اكثر

رونق ... بكيفج بس خل اشوف كملوا قفل الباب

طلعت من بيت عمي رحت لبيتنا جان جلال واسد وفهد واكفين طبعا اسد كالب وجهه عليه وكفت يمهم جلال التاف عليه كلي... ليش جيتي

رونق... مو غرام كالت نودي امي للبيت ترتاح اكثر ... اني جنت احجي بصوت ناصي مدري شون سمع اسد جاوبني كلي.... كليلها لتخاف نكمل وترجع مجلبين بيها احنا

رونق ... طبعا هو يسوي بالباب ويحجي اني باوعت على جلال اشرلي بعيونه عوفيه
رجعت للبيت كتلها لغرام تكمل الباب ونرجع
شويه سمعت صوت نبأ  كمت طلعت اشوفها اول مشافتني كالت .... ولكم اعوفكم يوم ارجع الكاه فلم صاير
كعدنا اني وغرام وياها بالمطبخ نسولفها الصار
وكعدت تحلل والاحداث كالعاده
بعدها دخلوا الولد فهد كال  ... اميرات دزني كملنا اذا تحبون ترجعون

غرام..... بعد ماحجه ويايه اسد من عافني ونزل جنت كاعده يم البنات نسولف شفت اسد وجلال وفهد دخلو من كال فهد كملنا اني بسرعه كمت رحت لامي جنت احاول اكعدها لان جانت نايمه بس جلال مقبل اكعدها كلي... عوفيها خل ترتاح من تكعد رجعوا
رجعت للبنات كعدت يمهم جانوا يسولفون بس اني جنت ساكته بس اسمع الي يحجون جمال جان يريد ينام ظليت افتر بي تالي كلت لرونق حرجع للبيت انومه طلعت من بيت عمي لبيتنا  وديته لغرفه امي نومته ظليت مدده يمه ماحسيت الا على رونق تكعد بيه
فزيت بسرعه عبالي امي بيها شي بس كالت ... مابيها شي بس تعالي امي كعدت حتى نجيبها
كمت بسرعه اشوف جمال ماكو يمي
رونق... لتخافين يم اسد

غرام .... شودى يم اسد
رونق... هو اسد اصلا من رجعتي اجه عليكم وقبل شويه من اجيت اني رجع للبيتهم متدرين بي

غرام.... لا اني جنت نايمه

رونق ... باعي شون يخاف عليج ظل هنا لحد مشافني اني رجعت للبيت اكعدج رجع

غرام... عفت رونق رحت غسلت ورجعت لبيت عمي جانوا الكل كاعدين عمي وعمتي والولد ونبأ ومحمد واسد كاعد وجمال بحضنه سلمت وكعدت يم امي
جانت احسن الحمدلله
بس طول الكعده اسد ميباع عليه وحتى اني صرت ماباع عليه
ظلوا يسولفون ويحجون تالي كمنا اريد نرجع عمي مقبل بس كناله امي لازم ترتاح
من اطلع اشرت لرونق تاخذ جمال من اسد بس اسد كلها بقي شويه يمي اني اجيبه
جنت سانده امي عمي كلي .. وانتي شنو حترجعين وياهم ؟............يتبع❤
__________
حبايبي التنزيل بين يوم ويوم وحسابي بالانستا