رواية حب جنوني الفصل السابع وستون 67 - بقلم سوزان ليث

ام اسد... ضربت على رجلها وكالت ... يمه تردين جلال يموت بحسرته ولج رونق لوما انتي تعرفين جلال يموت عليج

ام غرام.... ام اسد خيتي خليهم شويه خل تهدء نفوس وربج يحلها ترى رونق هم تحبه لجلال وماترضى يزعل وانتي هم حاجيه شويه

رونق ... جنا نحجي دك جرس البيت اني مدري ليش حسيت هذا جلال
غلست ماكمت غرام راحت تفتحها شويه ودخلت شايله جمال واسد وراها
اني خابت امالي عبالي جلال

غرام .... بعد مارجعت من بيتنا لان جمال جاع جنت واكفه بالمطبخ اسوي اكل لجمال اجتي ايمان تركض عليه كالت جلال اجه و سئل عليج كتله راحت لبيتهم
هزيت راسي كتلها وين هسه هو كالت طلع مادري وين

كملت اكل جمال وكعدت اوكله جان بالكوه ياكل يشلع قلبي يله يفتح حلكه
اجه اسد كعد بصفنه ويباع عليه اني جنت بغير عالم افكر شسوي بسالفتي حسيت عليه لزم ايدي التافيت عليه كلي ... شبيج

غرام... ضايجه على رونق وجلال
اسد... على شنو ضوجين اخويه مسودن بااختج ومستحيل يعوفها هسه كم يوم ويصالحون

غرام....  ان شاءالله رونق والله تحبه لجلال شفتها انت دموعها ماوكفن وجلال هم يحبها وعمره مشاف احد غيرها

اسد... وانتي

غرام... هزيت راسي شبيه؟
اسد ... تحبيني
غرام... ظليت اباع عليه ونداريت اوكل جمال
اسد... ليش هيج متغيره ويايه
غرام... باوعت عليه كتله بشنو متغيره؟
اسد... تعرفين صار شكد اريد اسمع منج كلمه احبك ليش هيج ويايه صايره بارده

غرام... اني سئلتك قبل ضام عليه شي وهسه هم اسئلك نفس سؤال.. شفته عقد حواجبه كلي

اسد... مدكليلي شضام مو خبلتيني شككتيني بنفسي
غرام... اني جنت هادئه كلش هو جان عكسي منفعل نداريت علي جمال شلته من كرسي مالته وعفت اسد وصعدت فوك
بس سديت باب ندفعت شفت اسد

كلي... من احجي وياج مو تعوفيني وترحين مو زعطوط كدامج افتهمتي

غرام... هسه شتريد
اسد... هسه دكليلي شبيج
غرام... مابيه ونصي صوتك الولد كام يخاف شفته اخذ جمال من ايدي وطلع مطول ثواني ورجع بس جان جمال ماكو يمكن نطاه لايمان سد الباب وجتف ايده

كلي ... هسه دكوليلي شبيج متخبله عليه ليش بارده ويايه بكلامج ولج حتى من اتقرب منج تظلين تتهربين مني وحتى اذا صار شي بينا عبالك نايم ويه وحده مو انتي

غرام... اني لهنا وكمت ماتحمل كتله ... تريد تعرف شبيه ها تريد اكلك اني كشفتك انت تحاجي وحده لو تريد اكلك كشفتك انت معايف شقتك الي بغداد شتريد تعرف انت عبالك اني غرام الصغيره التضحك عليها بكلمه وسكتها انت  تحاسبني اذا اضم عليك شي سخيف هسه انت شنو عايف شقتك المن منو جيب بيها كلي الجنت تحاجيها بتليفون ها  .... اني جنت احجي ومنفعله وهو صافن عليه من كملت كلامي مثل الي نصدم

اسد... انتي تخبلتي شبيج بابا احجي عدل شايفتني

غرام.... باوعت عليه كتله اي يله  هسه تحلف بالقران انت عايف شقتك الي بغداد ... ظل بس يباع عليه كتله مادام سكتت يعني كلامي صحيح

اسد.... اي معايف الشقه بس اقسم بالله وباابني اني مواصل يمها

غرام.... وانت هيج تدفع ايجارها في سبيل الله زين ليش جذبت عليه من سئلتك ليش كلت رجعتها

اسد... لان اعرفج مخبله وردت اريح راسي من هالسالفه

غرام... هيج بكل سهوله تريح راسك الي يضم على مرته هيج شي اكيد عده شي الله اعلم منو تودي هناك ومسويها دار الاستراحه مالتك ويجوز الجنت تحاجيها والي دزلك رسايل  بتليفون مكعدها بيها شمدريني اني

اسد... هيج اني ساقط وماعندي ذمه وضمير يعني بنظرج

غرام.... اني جنت منفعله وهو هيج حجه كتله اي ماشوف الا لزم ايدي حيل بعدها عافني
كلي...  لج انتي متعرفيني لج اني من يوم الي حبيتج ماشفت غيرج

غرام... باع هذا الحجي تروح دكوله لوحده غيري مو اني
واصلا جابرني اتحمل خيانتك شوف صاير بيه اركض منا ومنا بس حتى ماخلي بحياتنا ينقص شي تعرف من يوم الي زوجتك واني حياتي تمشي عكس واني كاعده واكول عادي اتعب عادي  شنو عيني اهم شي انتي يم اسد الي يحبج
اني يوميه اكعد ساعه ب٦ لحد ب ١ وحده بالليل ومرات للفجر  انام جابرني تعرف ليش اني ارجع من دوام عالبيت وعلى جمال وعليك ماعرف اهتم بيكم لو بيه لو بدراستي
وكل هذا والله اكول عادي حياتي احلا حياه بس انت شنو سويت رحت تخوني بعد شسويلك اني بعد ماريدك
ماريد بعد اعيش ويه واحد خاين بسرعه جبت جنطه جمال وصرت اخلي غراضه طبعا اني عندي الرؤيا صارت تغوش من دموع الي جمعت بعيوني هو ظل واكف يباع عليه مصدوم بكلامي اول مره يسمعه مني

من شافني صرت اشهك وابجي وصرت اجمع بغراضي  اجه عليه كل... غرام لتتخبلين بشنو خاينج بس خل افتهم

غرام... اني ظليت ساكته والم ملابس جمال وراها اخذتلي كم شغله لبست عبايتي
وتوجهت للباب اجه لزم ايدي اني بسرعه دفعته ... لتلزمني وروح على الي جنت تحاجيها بالختله  هو ظل لازم ايدي

اسد... انتي من كل عقلج اخليج طلعين غرام ولج ياخيانه ياصخام ولج اني ماشايف غيرج وداعت جمال ماعندي احد غيرج لج غير تفهميني

غرام... لتحلف بجمال خوش لتحلف اني سمعتك باذني
           
اسد... زين ماشي تعالي كعدي غير تخليني احجي الي عندي

غرام... دفعته من صدره قوي وهو جنه صخره ماتحرك
كتله... وخر اريد اطلع ماريد اسمع شي منك

فتحت باب الغرفه وهو يصيح ولج غرام لاتتخبلين

شفت فهد يصعد درج مصدوم بينا ظل ساكت يباع علينا

اني باوعت على فهد كتله اخذ هاي غراض بيت اهلي اني اجيب جمال واجي وراك
توجهت لغرفه ايمان شفت جمال عدها نصدمت بيه
كلتي ... شكو صاير ليش تبجين
غرام... ماكو شي اريد جمال لان حروح لاهلي .. خطيه بسرعه نطتني جمال وهي مصدومه

طلعت من غرفه لكيت اسد بعده واكف يمنع نزولي من درج
غرام... وخر اسد ... طبعا اني جنت اعيط من احجي منهاره كلش وجسمي يرجف ونفسي بالكوه يطلع عبالك جنت اركض

اسد.... وين رايحه انتي شبيج
غرام.... وخر اسد
اسد... تعالي جوه خل نتفاهم بلا خبال
غرام... صرت اصيح عمو عمو بكل قوتي سمعت عمي يصيح هو وعمتي شكو صاير
اسد التاف عليهم يحاجيهم من درج اني استغليت المجال ونزلت
لكيت عمي وعمتي واكفين مصدومين بيه عمي كلي... شبيج بنتي صاير

غرام ... طبعا اني اريد احجي بس البجي وشهكاتي مداكر اطلع الكلمه بس حجيت اريد اروح لبيتنا
عمي باوع على اسد مثل الي يريد يفتهم شكو اسد

كال  ....غرام ماكو طلعه من هالبيت اقسم بالله اذا طلعتي بعد ماترجعين
طبعا اسد جان بركان ومنفجر يحجي بكل عصبيه
عمي التاف عليه كله صلي عالنبي انت الثاني رجع عليه كلي بنتي غير افتهم شمسويلج

اني ماكو بس اشهك وابجي وجمال من العياط صار يبجي
اني بس اريد اروح لبيتنا عمي باوع على فهد كله اخذها لبيتهم
سمعت اسد يصيح ولج غرام اذا طلعتي اكسر رجليج وعلي
سمعت عمي يصيح عليه اني جنت امشي وره فهد هو خطيه فتحلي باب بيتنا ودخلنا جوه رونق جانت بالمطبخ نصدمت بيه بسرعه جتي عليه ركض كالت شكو صاير جلال بي شي

اني عفتها ودخلت جوه

رونق .... شكو فهد صاير جلال بي شي

فهد.... هسه جلال شدخله بنص
رونق... لعد شبيه غرام
فهد... شمدريني شو طلعت من غرفتها مثل الاعصار بس تعيط وتبجي
رونق.... ضربت على صدري كتله عزه بس لا اسد ضاربها
فهد.... ولج هو منو يكدر عليكم انتي ولا اختج حيموتون اخوتي من وراكم عود كرايب الله يجرم

رونق.... خلاني اضحك واني بعز الهموم العندي ... كتله... لا والله فهد خاف اسد ضاربها

فهد... لا لا ماعتقد بس بعتقادي اسد الغلطان لان ليش هيج هجت بنص الليل  بس بشنو محد يدري دخلي شوفي شكو واني حرجع اشوف شكو واخابرج نربط الاحداث

رونق... خوش روح يله

سديت باب وره فهد ودخلت ركض باوعت جمال يم امي وغرام ماكو
كتله... وين غرام
ام غرام ... روحي شوفيها كتلها تروح تغسل شويه مدتكدر تتنفس ولج صاير

رونق... والله امي  مادري حتى فهد ميدري شبيها

ام غرام... قابل مخبله هيج جايه غير اكو سبب روحي شوفي اختج
رونق... رحت ركض للحمام اشوف غرام ادك بالباب ماكو اصيح عليها ماكو صوت فتحت باب واكو شي مانع فتحت باب دفعتها حيل لكيت غرام واكعه بالكاع
اني تخبل صرت اصيح عليها دفعت الباب و دخلت امي على عياطي جتي خطيه ركض

اني رفعت غرام بحضني لان جانت فاقده ظليت اضرب بيها ماكو متحس صرت اجيب ماي وامسح وجها بس اريدها تحس ماكو امي خطيه واكفه وشايله جمال الي يبجي وهي صيح شبيها اختج يمه صيحي اسد

اني بسرعه ركضت طلعت بشارع بالبجامه وبدون حجاب ناسيه نفسي دفعت باب بيت عمي وصرت اصيح اسد الحكنا

فهد وعمتي طلعوا للكرج عليه يصيحون شكو

اني بالكوه احجي اكلهم غرام متخربطه ومدتحس
عمتي طبت صيح اسد وفهد ركض راح لبيتنا واني وره
بس دخلنا شفتها بعدها فاقده  والحمام صغير وهي واكعه بالكوه واحد يدخل

شفت اسد اجه ركض عليها شالها ظل يضرب بوجها يحاول يكعدها امي كلتله ...يمه اسد مدتحس اخذها للمستشفى يمه بنتي ماتت

رونق.... اني امي من كالت ... يمه بنتي ماتت اني صرت ابجي اسد ظل يصيح مابيها شي
بسرعه شالها وطلع بيها اني بين مالبست عباتي وشالي طلعت لكيت اسد وفهد محركه السياره اني ظليت بشارع واكفه ابجي وعمتي وامي يبجون هي ثواني وكفت سياره شفت جلال نزل منها ركض علينا تفاجئ بينا بره
اني ركض عليه لزمت تشيرته ... جلال الله يخليك وديني عليهم

جلال... شكو صاير

ام اسد ... غرام تخربطت واخذوها للمستشفى
جلال ... امشي يله
رونق.... امي خلت جمال يم عمتي ورحنا اني ووياها ويه جلال
جلال صار يحجي ويه امي يريد يعرف شصاير بس امي حجتله الي صار الي كلنا مدنعرف شكو
جلال خابر فهد وكله بيا مستشفى حيرحون
وصلنا للمستشفى وجان اسد قبلنا فايت للمستشفى دخلنا ندور عليهم عبالك مخابيل نمشي ونتلفت  شفنا فهد واكف بالممر رحناله ركض كال... هسه دكتور دخل يفحصها

اني  وامي دخلنا للغرفه لكيت اسد واكف وغرام نايمه ودكتور وواحد وياه يشكللها كانيولا بيدها

امي كالت لاسد شبيها

اسد ... هز راسه كلها ماعرف

رونق... اباوع على اسد جان مركز على غرام وبعيونه دموع اني عفت غرام وصرت اباع بعيونه هذا صدك مدمع نصدمت اول مره اشوفه مدمع

دكتور كال صاير عدها نهيار عصبي حاد وهسه شويه وتكعد نطيتها مهدء بس خل ترتاح

امي راحت يمها تمسح براسها
اسد على وكفته بس يباع على غرام
اني ماكدرت اروح اسئل اسد شبيها غرام لان حالته تقهر
طلعت على فهد وجلال كتلهم دكتور كال صاير نهيار عصبي عدها

فهد.... يعني شنو بيها
جلال.. دكلك انهيار عصبي
فهد... يعني هذا مرض
رونق... باوعت عليه كتله تعرف مرات احسك فد ذكي ومرات خليها سكته
فهد.... ولج مو اخلي يصير عدج انهيار انتي اللخ
رونق... جلال باوع على فهد وخزره فهد رجع حجه يعني هسه هي صارت زينه

رونق ... دكتور نطاها مهدءكال شويه وتكعد  اني حروح اشوفها عفتهم ورجعت عليهم لكيت اسد جار كرسي وكاعد يم غرام ويمسح بيدها وامي يمها كاعده جانو يحجون بس من شافوني سكتوا اثنينهم

ظلينا تقريبا ساعه وراها بدت تحس اول ماحست وشافت اسد كامت تبجي وصيح عليه ماريد اشوفك وخر عوفني هو بسرعه كام وطلع بره اني وامي ظلينا نهدء بيها ونحاجيها جانت غريبه اني ماعرف شببها بس تحسيها مقهوره كلش

اجه دكتور شافها وكال لا هسه زينه وتكدرون تطلعون بس دير بالها على نفسهة  ومتتعرض للعصبيه وحجي عادي كتبلها مهدء تاخذ عند الحاجه بس امي مقبلت ناخذه كلتلنا شنو مخبله انتي قابل كاتبلج مهدء
هو كله ضغطج نزل ووكعتي سووها نهيار عصبي ومدري شنو اني باوعت على امي بكلبي كلت الدكتور البداخلج لو بس ياخذ اجازه

طلعنا لكينا الولد واكفين اجه اسد بسرعه يريد يلزم غرام بس غرام مقبلت وجاهلته ومشينا هو سبقنا حضر سياره بس هي مقبلت تصعد وياه 
تالي صعدنا ويه جلال ورجعنا طبعا اسد مشوفوه عبالك طفل والله يعني خايف خوف عليها وحتى من مقبلت تصعد وياها لا عصب ولا شي بسرعه باوع على جلال حتى هو يرجعنا
صح اختي وضعها جان كلش تعبان بس نقهرت على اسد
رجعنا للبيت خطيه عمتي جانت باقيه بالبيت وعمي يمها وايمان كلهم جايين وهمه كلسع يخابرون فهد وجلال يطمئنون على غرام
غرام صعدتها بغرفتنا مددت بس محجت كلمه واني ماسئلتها كلت خل ترتاح
ظليت كاعده يمها لحد منامت

نزلت جوه
شفت اسد كاعد عالدرج بس شافني كام كلي... شونها

رونق ... نامت
اسد... اريد اشوفها
رونق... باوعت عليه عيونه حمر ومبين باجي متت قهر عليه وخاصه اول مره اشوفه هيج
كتله ... اي اصعد هي بغرفتنا صعد واني صعدت وراه وكفت يم باب اباوع عليه كاعد بالكاع يمها  بس يباع عليها
بعدها باس راسها وطلع هي جانت نايمه محست عليه سد الباب وكف يمي..
كتله ... اسد شبيها غرام اول مره اشوفها هيج

لكيت اسد كعد عالدرج رحت كعدت يمه كلي... فجأه كامت صيح انت خاين وخنتني ولا تقبل نتفاهم ولانحجي

رونق.... منين جابت لعد هالحجي

اسد... مادري دكلي سامعتك باذني تحاجيها

رونق... باوعت عليه كتله انت صدك حاجي ويه بنات

اسد... لايابه شحاجي هي صاله فتره تسئلني شضام عليه وشضام وهسه نفجرت بوجهي

رونق .... يعني خاف سمعتك تحجي ويه وحده وياك بدوام شي وعبالها غير شي

اسد... لا حاجي ويه اي بنيه بس

رونق.... شفت اسد مثل الي ذكر شي كتله بس شنو

اسد... ماكو شي ديري بالج عليها ومن تكعد كليلي

رونق... اي ماشي ... نزل جوه واني نزلت وراه دخلنا لكينا كل كاعد سئلوني على غرام كتلهم نامت

عاد بيت عمي ترخصوا ورجعوا لبيتهم ظل بس اسد
امي صاحت عليه اخذ جمال وانومه رحت لغرفه امي انومه سمعت اسد وامي يتحاجون بس مدافتهم شي جمال صوته عالي
ظليت احاول انومه واروح واجي لحد مغفى خليته على سرير امي وطلعت الحك على الحجي لكيت اسد راجع للبيت رحت لامي كتلها اسد مكلج صاير

كالت. ...ما ادري يمه كال سوء فهم وغرام افتهمت السالفه غلط وان شاءالله تنحل

رونق... ان شاءالله اني نومته لجمال تبقي يمج لو اصعده فوك

امي ... لا بقي يمي انتي ديري بالج على اختج صعدي يمها

رونق... صعدت للغرفه لكيتها بعدها نايمه
ظليت كاعده اتصفح بتليفون شفت نبأ تخابرني  طلعت بره الغرفه وجاوبتها

......ها ولج صاير
.....يمه شبسرعه وصلج الخبر
.... ولج ايمان دزتلي كالت غرام متعاركه ويه اسد وتخربطت
..... ظليت ادك على ايمان مجاوب وانتي مجاوبين وخفت ادك على الولد هسه يكلون منين عرفت
..... هو البيت كله يدري ايمان فتانه
.... هسه احجي شكو مو حموت
.... ولج مادري  غرام اجتي لبيتنا هي وابنها وتبجي دخلت اشوفها لكيتها واكعه بالحمام
اخذناها للمستشفى طلع انهيار عصبي
..... عزه
..... ولج والله هبطه من هبطه والله يمكن صار بيه سكر حلكي يابس
..... الله يساعدكم وهسه شونها
..... نايمه هسه يمكن مفعول مهدء بعده
..... معرفتي شبيها اسد محجي شي
.... مادري كايل لامي سوء فهم ومفتهمه غلط ماعرف صاير
...... واسد سوه من شاف غرام متخربطه
..... ولج يقهر والله لو شوفيه
.... سوده عليه اخويه اكلج حكول لامحمد يجيبني
..... شعدج جايه هسه محمد يدري ويكول لاهله
..... انجبي مايحجي
..... لا لتجين احنا نمنا تعالي باجر
..... مو صوجج صوجي اني الي اجي اوكف وياكم
...... هههه تعالي باجر اوكفي ويانه شيجبج بهالليل
.... يله ماشي باجر اجي
..

سدته نبأ ورجعت للغرفه كعدت يمها شفت مسجات جايه من فهد يسئل على غرام كتله بعدها نايمه
سئلني معرفتي صاير كتله ماعرف
ظليت اباوع بتليفون انتظر جلال يدز شي بس كلشي مدز رحت اباوع من شباك كلت اشوف سيارته موجوده شفتها واكفه يم البيت
رجعت كعدت شفت مسج من فهد يكلي فتحي باب اريد احجي وياج
نزلت جوه طلعت فتحت باب لكيت جلال باوعت عليه وكلبي فرح لان اجه يمكن كال لفهد يكول هيج لان هو قبل سالفه غرام جان يدكك ماجاوبه
دخل بالكراج كلي
جلال...شونها غرام
رونق .... نايمه بعدها ماكعدت
جلال... ان شاءالله صير زينه
رونق... ان شاءالله
جلال... اذا احتاجيتوا شي خابروني
رونق.... شكرا ماتقصر
جلال.... ماشي يله باي
رونق... باي

سديت الباب رجعت دخلت ضايجه ادري جلال ضايج وزعلان مني واني هم زعلانه منه وجنت حابه اكله اني ماقصد الي حجيته يم جدي بس ماكدرت

رجعت صعدت فوك لكيت غرام بعدها نايمه
ظليت كاعده ودزلي مسج اسد يسئل على غرام كتله نايمه
مددت اني ماحسيت الا صبح كمت مفزوعه تفاجئت شوكت صار صبح باوعت ساعه ب ٦ وغرام ماكو بفراشها
اني ركض طلعت ادور عليها اجه بالي خاف هم تخربطت فتحت الباب لكيتها طلعت من الحمام فاتت للغرفه

رونق ... دخلت وراها كتلها ... شون صرتي
غرام .... الحمدلله
رونق.... باوعت عليها شكلها احسن من بارحه رحت كعدت بصفها كتلها ... جوعانه اجيبلج اكل حتى تاخذين دواج
غرام... باوعت عليها ومبين عليها خايفه عليه كتلها ... مجوعانه وماريد اخذ مهدء اني مابيه شي لتخافين متخبلت

رونق.... من حجت هيج ارتاحيت  كتلها ... ولج بارحه خوفتينه عليج صار غرام اول مره اشوف هيج حالتج اسد شبي وياج

غرام.... اريد اطلك منه ماريده بعد

رونق.... عزه شتطلكين يمه شدتحجين انتي

غرام.... وانتي متقبليها ابقى ويه واحد جذاب وخاين
رونق....  لج اسد شمسوي بارحه حجه ويايه بس كلشي مافتهمت منه
غرام...  سمعته يحجي بتليفون ويه وحده وحتى دزله مسجات  وماعده ظليت ساكته لان محد يدري هو عده شقه بغداد

رونق... ماعده شنو
غرام... اني ماريده بعد خلي يعوفيني
رونق... انتي مخبله منو حيعوفج اسد الي بارحه اول مره اشوفه هيج حالته لو امي الي حتقبل تتطلكين لو جدي لو عمي ولج انتي فكري بجمال

غرام.... ماريده حتى اذا ماطلكني مارجعله بعد

رونق... ادري غرام هو غير تكعدين وياه وتفهمين منه يجوء مفتهمه غلط ولج ميدخل بعقلي اسد هيج يسوي

غرام.... لا يسوي وهالمره متاكده اني صارلي فتره ساكته  ومتحمله وضاغطه على نفسي واجذب نفسي بس بارحه حسيت نفسي حموت بعد ماكدر اتحمل ماكدر يظاهر ويايه ممسوي شي واني اعرفه يجذب

رونق.... هسه ارتاحي حبيبتي والله كريم  الله يحلها
البارحه الكل جان خايف عليج وامي ماشفتي حالتها

غرام.... الصار والله موبيدي

رونق... حبيبتي هسه رتاحي اني حنزل اشوف جمال لان بقى يم امي

غرام... اي اعرف نزلت قبل شويه ادور عليه لكيته نايم

رونق... ماشي حبيبتي اني حنزل ... اخذت تليفوني ونزلت جوه لكيت امي وجمال نايمين رحت للمطبخ خليت جاي عالنار وكعدت اباع تليفوني مسجات كومه من اسد وللفجر هو دازلي
نقهرت عليه مبين منايم وخايف عليها
دزيت مسج كلت حتى اذا يكعد يقرا كتبتله غرام كعدت وهي زينه بسرعه شاف المسج
ودكلي ..
....الو
....ها رونق شونج
.....الحمدلله
....شونها غرام خوما بعدها تعبانه
....لا الحمدلله احسن من بارحه قبل شويه كاعده زينه بس
.....بس شنو شبيها
.... غرام هالمره كلش زعلانه منك
..... عمتي كاعده اريد اجي
.... امي نايمه بعدها  و خاف تجي ونوب هم تعصب وصير مثل بارحه
..... لازم احجي وياها اريد افهمها سالفه
..... لعد خل تكعد امي وادكلك تجي
..... انتظرج
.... اوكي باي
.... باي

سديته وكمت سويت ريوك رحت شفت امي هسه كاعده وشايله جمال

...ها صباح الخير
...صباح النور جيت اشوفج كاعده حتى نتريك
....اي جمال كعدني شونها اختج
....زينه كعدت قبل شويه وهسه خابر اسد يريد يجي يشوفها كلي من تكعدين ادكله.
.... لا يجي نوب صير تعيط وصير مثل بارحه
.... اني هم كتله بس متعرفين اسد وحتى مبين منايم
خايف عليها
..... روحي صيحيها حتى تتريك وراها عود خابري اسد

صعدت صحتها ونزلنا نتريك هي اخذت جمال من امي وكعدت توكل بي وجانت ساكته متحجي
حتى اكل مو كلش اكلت كملنا اكل هي اخذت جمال تبدله وامي راحت لغرفتها اني لملمت اماعين ولكيت اسد دازلي مسج... ها كعدت عمتي

متعرفين تنقهرين على اختج لو على هذا  دزيتله اي كعدت

مطول دقايق وندك جرس طلعت فتحتله دخل اسد

شون صارت
يعني احسن من بارحه اكلت شويه وراحت تبدل لجمال
.......
غرام... اول مره احس روحي جانت تطلع من دخلت على امي وشافتني ابجي بسرعه جتي عليه ركض تريد تعرف شبيه بس اني جنت ماكدر احجي بس ابجي واشهك حتى بالكوه اجر نفس
بسرعه اخذت جمال وكالت روحي غسلي وجهج حتموتين

اني بس دخلت الحمام وكفت اريد اغسل وجهي اشوف ايدي ترجف وبعدها حسيت نفسي تلعب كلش بعدها محسيت الا اني بالمستشفى كانما غمضت وفتحت لحظه لكيت اسد كدامي جنت احس  ماكدر اسيطر  على نفسي بداخلي اكو شي هو يكلي صرخي عليه

بسرعه طلع من رجعت للبيت احس نفسي خدرانه بس خليت راسي نمت محسيت الا صبح وجنت شبعانه نوم كعدت بسرعه ادور على جمال نزلت ركض من فوك لكيته نايم يم امي رحت بوسته وصعدت فوك بعدها جتي رونق واعرف خايفه عليه جانت
نزلنا نتريك و صعدت ابدل لجمال سمعت صوت جرس باوعت من الشباك لكيته اسد توجهت للباب قفلتها لان اعرف حيصعدلي واني ماريد اشوفه ولا احجي وياه

رونق... صعد اسد لغرام واني صعدت وياه كلت اخذ جمال حتى يحجون على كيفهم
اسد وكف يم الباب فتحها بس لكاها مقفوله دك اكثر من مره ماكو متفتح
صار يحجي ... غرام فتحي الباب اعرف كاعده بس خل احجي وياج ياعيني والله فاهمه غلط

رونق.... دكيت الباب اني وكتلها .. غرام فتحي انطيني جمال

وماكو ظلينا ندك ونحجي وماكو صوت حتى اني خفت

تقريبا بربع ساعه واكفين يم الباب تالي كتله ... اسد خل ننزل جوه محتفتح الباب خل تهدء شويه وبعدين حاجيها

اسد.... غير تفتهم سالفه لو بس هيج اخذت موقف مني وطلعتني خاينها

رونق.... هي بس ترتاح شويه وان شاءالله تنحل

عافني اسد ونزل نزلت وراه راح كعد بالمطبخ رحت صحت امي وجينا كعدنا يمه
امي كلتله... حجيت وياها
اسد .... ماقبل تفتح الباب
امي .... ميخالف يمه خل صير زينه وتهدء نفسيتها واحجي وياها
اسد.... اكلت شي هي
رونق... اي اكلت شويه . ظل سرحان خطيه مبين ضايج عليها
بعدها كام كال ... حروح اني من تنزل دكولي لازم احجيها هاي حظل تاكل بنفسها اذا مافهمت سالفه

رونق... ميخالف ادكلك طلعت وره اسد اسد باب  التاف عليه اسد كلي ... محجت شي وياج

رونق.... ظليت متردده احجي الي كالته بس كلت خل افهمه الموضوع يامرحله واصل عند غرام كتله... والله ماعرف شكلك بس هي متاكده انت خاينها وحتى كالت  تريد تتطلك

طبعا اني حجيت هيج ماشوف الا اسد كب بوجهي

اسد... تخبلت اختج ياطلاك هي غير تكعد تفتهم سالفه يعني شنو شايفتني هيج اني امشي واخون بيها ومصدكت هسه تريد تعوفني

رونق.... اني ظليت ساكته حسيت نفسي كتوكوت  يمه راد يضربني الي من كتله تريد تتطلك
كتله... والله ماعرف متعرف غرام شكد حساسه ان شاءالله انت تفهمه موضوع وتنحل

اسد.... ماشي هذا تليفونها بارحه نسته نطيهياه

رونق .... اي ميخالف

راح اسد واني صعدت فوك دكيت باب عليها كتله فتحي اسد راح سمعت صوت قفل باب نفتح
دخلت عليها كتلها.... ليش هيجي سويتي غير تفتهمين من عده مافكرتي يجوز ظالمته

غرام .... لا مظالمته وماريد يجي يحاجيني بعد

رونق ... بكيفج بس ترى هو سئلني عليج واني كتله تريد تتطلك... طبعا اني حجيت الها كلت هسه دكلي ليش كتيله وتعصب عليه بس جان ردها.

غرام ... اي زين سوين وشكال
رونق.... ظليت اباوع عليها كتلها .... كال اي تدلل اليوم العصر خل تبدل واروح اطلكها انتي من كل عقلج تردين تعرفين شكال

غرام... هاي مشكلته يطلك ميطلك ماريده بعد بعد  ........يتبع❤️

___________________
هالمره البارت طولته لخاطركم حبايب
شكرا للمسجات الحلوه الي توصلني متعرفون شون افرح بيها
ان شاءالله يعجبكم البارت

سوزان ليث❤️