رواية حب جنوني الفصل السابع وسبعون 77 - بقلم سوزان ليث

رونق.... اجتي يمي نبأ تبات على كولتها بيت اهلي من وكت ينامون جنهم دجاج
جنا كاعدين اني وياها بصاله فاتحين تلفزيون وامي بغرفتها دك تليفون نبأ جان محمد كعدت تحجي وياه
اني جنت اتفرج تلفزيون واسمع نبأ شون تحجي ويه محمد وشون يحقق وياها سدته منه باوعت عليه وكالبه وجهه كتلها شبيه محمدنا ؟

نبأ..... ولج خانكني موتني مدري شبي هالايام والله يعني هسه مو سافر خابر طلعتي رحتي سويتي منو اجاكم منو راح

رونق... اي واذا سئل شكو بيها
نبأ. ..  ولج مجان هيج نوب من جنت بالبيت يكلي اذا احد اجاكم من عمامي ولده مطلعين

رونق.... اي لطلعين
نبأ.... هسه يعني واذا طلعت قابل حيخطبوني لج والله صاير جنه اسد هلي غرام شون متحمله
رونق .... هههههههه ولج خاف يغار عليج يعني مفروض تفرحين
نبأ.... لا رونق مو هيج والله يعني اني اول مزوجنا اني جنت لازكه بي والزمه تحقيق بس بعدها شويه شويه قللت ذاك اليوم يكلي انتي صاير متحبيني مثل قبل
يكلي لان صايره متغارين عليه بربج قبل جان يحجي لان افتش وراه وهسه يحجي لان مافتش مدري شيريد

رونق.... من يوم يومي اكلج محمد طكه ونص
نبأ...ولي ولج

رونق.... دك تليفوني شفته فهد جاوبته ... ها شرايد
.... رونق رايد منج شغله
..... اهووو مخابره مصلحه شكو شرايد
.... ولج حوراء زعلانه عبالها اجذب عليها بسالفه جلال لان عساس اروحلهم بالليل بيوم الي صوب جلال وظلت دك عليه بيومها ماجاوب وراها غلقت تليفونها واذا مفتوح مجاوب

رونق.... جان كتلها على جلال
فهد... لج مجاوب دزيتلها مسج اكللها بس هم مجاوب خبلتني
رونق... يا شدعوه غير تفتهم سالفه
فهد... شريد منج تخابريها انتي تفهميها
رونق.... هسه لو باجر
فهد. ... هسه بداعت الاخوه يله انتظرج
رونق.... سديته من فهد نبأ كالت ...شبي هذا

رونق... واني ادور على رقم حوراء كتلها زعلانه منه خل ادك وافهمج

دكيت عليها بسرعه جاوبتني سلمت عليها وكتلها  السالفه وهي شخصيه قويه عده دكلي حتى لو اخوه مصوب مفروض يخابرني يبلغني مو اكعد انتظره ٣ ساعات

كتلها هو انشغل بجلال والبيت كلش هوسه جان ولازم تقدرين هذا شي يعني
دكلي لا اني هذا الموقف خلاني اعيد تفكيري وياه لان باجر عكبه يصير عندي شي وعدكم شي هو حيفضل اهله عليه

بحيث خلتني ساكته ماعرف شبيها بالاخير كتلها اني خابرتج بس حتى اشرحلج الموقف الي صار هو مراح عند اهله بشغله تافها هو اخو مصوب وجان ممكن لاسامح الله يروح بيها ومعايفج هو بشارع ترى حتى تكبرين الموضوع
كالتلي ... انتي شوفين شي واني اشوف شي ثاني
كتلها ..براحتج بعد وسديته
نبا تباوع عليه كلتلي شبيها

رونق... ايع هاي شون متحملها اكلها اخوه مصوب جان دكلي لا اني حعيد تفكيري وهو اختار اهله ومدري شنو

نبأ....جان كتيلها انجبي عايشه اجواء المسلسلات

رونق... دكيت على فهد بسرعه جاوب عاد كلتله الي حجته خطيه ظل ساكت كلي ... هاي شبيها
كتله... والله ماعرف يعني سالفه ممستاهله سوي كل هذا الشي عليه
فهد ... يله ماشي خليها تعيد تفكيرها

رونق.... سده  نبأ كالت ها شكال .. كتلها شكله ضاج منها
نبأ... والله مدري على شنو يحبها على خشمها العالي
ولج فهد كاتل نفسه عالحفله امي دكلي هاي هي تحش براسه

رونق.... بس فهد شخصيته قويه مو من نوع يسمع لهاي سوالف نسوان

نبأ.... عزه امي لعبانه نفسها منهم كل يومين امها مخابره رايد شي ومزيده شي

رونق... بس هي مجانت هيج تذكرين بالخطوبه حبابه حتى من اجتي هي وامها مره هنا هم جانت زينه

نبأ... يا زينه والله من خطبها واكللكم مسمومه مصدكون ولج والله تغار غيره من غرام مصايره

رونق... والله شعليها غرام
نبأ... اكلج بس ابد لاتحجين امي كلتلي من خطبناها امها كايلتلها شنو سويتوا وشتريتوا لجنتكم الاولى سون الها هم من ذهب من شغلات بس امي كلتلها ترى جنتنا الاولى رجلها كله سوالها وجابلها من عنده احنا مخلينا ايدينا بشغله
وحتى فهد هسه هو يريد يزوج وبعد كل واحد حسب امكانيته
وفهد باول طريقه وهذا الحجي
دكول امي بس طلعت منهم البنيه مخابره فهد دكله امك دكول فهد ميكدر يجيبلج شي مثل اسد مجاب لمرته لان فهد ماعنده ومزيده حجي او كايله الكلام بغير اسلوب بوكتها فهد اجه كال لامي
امي صار بيها عاد كايلتله تريد كلشي مثل ماسوه اخوك لمرته تكدر سوي هيج روح سوي متكدر انت ممجبور على هذا شي كل واحد يمد رجله على كد غطا
اسد زوج وهو مكون نفسه وربع دينار مخلانه ندفع حتى ملابسنا اني وخواتك بعرسه جانت عليه مخلانا احنا نشتريهن
عاد بوكتها فهد طنكر كم يوم ورجع عادي

رونق... خطيه هو كلش يحبها مبين
نبأ... هو اااخ والله فهد يساهل يساهل بس والله من يقفل بعد انتهى ابد ميتراجع بس هي مشايفه وجهه الثاني لحد هسه

دزلي رساله فهد كلي فتحي باب طلعت فتحتها اني ونبأ خطيه جايبنا علاكه بيها شغلات نساتل جباسه
نطانياه كلي هاكم اعرف متحلى سهره القشب الا بوجود هذني
عود شكر الي لان خابرت خطيبته
صح هو اللسان ومتبري منه هم بس نقهرت عليه
ثاني يوم صبح بدلت اروح للدوام بس رحت على جلال اشوفه قبل ماروح جان كاعد بالمطبخ اول مدخلت فهد كلي ..خوبن انتي قبل بدون حجه انت ٢٤ ساعه عدنا نوب هسه صوب

باوعت عليه كتله اي اجي كل ساعه انت شعليك
جلال كاعد دفع الكرسي الي بجانبه كلي تعالي كعدي هذا يغار من عدنا

رحت كعدت يمه كتله ... شون صرت
فهد... هسه هي طلقه سطحيه لو مجروح بسجينه هم جان نزف اكثر

جلال ... زين حبيبي لايظل بالج
رونق... تريكت حتى تاخذ الحبايه

جلال ... هسه حتريك ابقي تريكي ويايه
رونق.... لا مالحك الخط حيجي

دقايق ودك الخط طلعت رحت للجامعه والتهيت بدوام وبين محاضرات اخابر جلال
رجعت ظهر تغديت ودخلت سبحت ونمت كلت العصر من اكعد اروح اشوف جلال
كعدت المغرب على صوت نبأ كمت بسرعه كتلها شبيج كالت كومي دنيا مكلوبه وانتي نايمه
كمت بسرعه مفزوعه كتلها شكو

نبأ.... ولج غير انمار طلع ضارب جلال
رونق.... ضربت على صدري كتلها عزه بعينه صدك تحجين

نبأ.... ولج والله واسد رايح عليه كاتله كتله وهسه ابوه وعمي ثامر بيتنا ابو سوه سوايه
وصاروا هيج هو واسد وشايفه اسد هو الي كاتله وهو ابو راهي عليهم

رونق...يعني كل عرف انمار الي ضاربه

نبأ.... اي كل عرف جلال كايللهم جان يشوفني سلاح وطلعت بالغلط وتاليف قصه زينه الهم

عاد ابوه من عرف انمار الي ضارب جلال سكت واخذ ثامر وطلعوا

رونق...  ظليت ساكته مصدومه صح جنت شاكه بس جنت اجذب شكوكي اكول متوصل ويه انمار هيج مرحله

نبأ... تجين لبيتنا
رونق. .... لا ماريد اجي
دكيت على جلال جاوبني بسرعه انفعلت عليه كتله ... كلتلك لسوي شي وانت رايحله وطلع هو الي ضاربك وبكل عين جاي دكلنا طلقه تايهه
ليش لو صاير بيك شي جان ارتاحيت مو انت مفكرت بيه باامك بس والله بعد لو شيصير ويايه ماجي اكلك
وسديت تليفون بوجهه ظل يدك يدك مجاوبته
دقايق اجاني للبيت جانت نبأ يمنا ماقبلت انزله وهو يستحي من امي يعني يسوي مشكله ظل واكف باب بيتهم
اجتي نبأ عليه كلتلي صار ساعه نفس الوكفه خطيه جاوبي حتى يدخل للبيت
كتله..  ماجاوبه لو صاير بي شي ربج سترنا وهيج جتي طلقه لو جايه بمكان خطر
عافتني ورجعت لبيتهم لان شافتني قافله على جلال

.......
غرام.... من رجع اسد من بره وهو جوه وكلسع واحد من عمامي داك على عمي لو على اسد
المغرب اجوي عمي ابو انمار وعمي ثاني عمي ابو انمار مابقى كلمه محجاها واسد كلمه بكلمه وياه مينطي مجال
بس عمي ابو انمار بس عرف انمار الي ضارب جلال تغير حاله بحيث بسرعه سد الموضوع وطلع
دكت عليه هاله بس مجاوبتها كلت هسه تلغي كلمه زايده مالي خلكها ..
دخلت للصاله لكيت بس اسد كاعد رحت كعدت يمه كتله .... احجي صدك انت شمسوي لانمار وهيج ابوه اجه هداده.. طبعا ميجاوب جواب يشفي الكلب بس يكلي مسويتله شي بس سلمت عليه

غرام.... هاي الحجايه مال سلمت عليه يعني مشبعه كتل لان مشهوره بين اسد واخوته كتله ... بداعت جمال شسويتله

اسد... ماسويتله شي هو بزر على كوله حكمه من اول ضربه نبطح بالكاع

غرام.... حبيبي اذا انت كاسر خشمه وايده مو سمعت عمي من جان يحجي

اسد... خل يولي يستاهل اكثر والله اذا مااخلي يعض اصبعه ندم
غرام.... اسد الله يخليك كافي مشاكل حبيبي يعني لو هم مطلعلك مسدس وضاربك جان سويت

اسد.... جان طيحت حظه هالزعطوط هذا جان قبل زين ورجال يعتمد عليه شبي هسه تخبل

غرام.... مادري والله
اسد... انتي شو ضاربه دوام بعرض الحايط هالاسبوع كم مره غبتي

غرام... اي والله شسوي
اسد.... من سبوع جاي التزمي حبيبي
غرام... ماشي حبيبي
اسد... شو انتي اليوم عايفتني
غرام.... غير انت هي يومين وترجع وكاضيها عركات
جرني عليه  ايده على جتفي نزل راسه باسني من خدي بعدت عنه كتله ... اسد لاحد يدخل
رد جرني عليه كلي ... محد ماكو
جنت العب بدكمه القميص الي يم صدره كتله ... مابيها مجال تبقى باجر

اسد ... لو ترهم اني ابقى بس مترهم لازم التحق

دخل فهد فجأه علينا  اني ابتعدت عن اسد بسرعه اجه كالب وجهه كعد مقابيلنا يلعب بتليفون بس وجهه مبين ضايج

اشرت لاسد عليه
اسد كله... مالكيت سياره

فهد... لا ماريد اشتري
اسد... ليش
فهد... فلوس ماتكفي ورايه زواج
اسد.... شوفلك سياره زينه نص عليه
فهد... تسلم ابو جمال ماتقصر بس ماريد
اسد...شبيك يولي شو كالب وجهك
فهد.... يمعود واحد يطلع من صبح ويتعامل ويه الي يسوى ومايسوى ويتحمل شغلات بس الله يدري بيها وترجع للبيت تخابرك بكل برود كلك انت شمسويلي
لعد اني عليمن طالع عيني وعين اهلي غير حتى اجيبلج كلشي ترديه

اسد... صل عالنبي ماشفتك فديوم هيج ضايج
فهد... والله طكت روحي شسوي ميعجب تحجي وياها شوفها على مايك ثاني يوم كالبه عليك لعبت نفسي امها تتدخل اختها تتدخل بت خالها تتدخل كل يدخل بينه شنو سالفه بس اني هيج

غرام... تريد اخابرها احجي وياها

فهد... لا لاتخابريها ولا شي اذا هي ممقتنعه بيه على شنو بعد

اسد... خل تولي شنو مامقتنعه بيك هي وين تلكه مثلك شو من خطبتها ابوها كبع واخذ ماريد شي هسه كامت تطلع سوالفهم لك ابني اكلك لاتنطي مجال مو كلشي تريده تكول اي خلي عندك رائي وياها مو كلشي هي

فهد... غير احبها واكول خطيه حقها تريد كلشي بس مشكله اني كل ماسوي شي هي تريد  شي اكثر ماشوف عدها رضى

اسد.... بابا الي يحبك يرضى بكلشي مادام نهايتها ينجمع ويه الي يحبه هاي ماتحبك هاي تحب المظاهر  اكثر اخذها نصيحه مني هاي لو تشعللها اصابيع شمع هم ماترضى عليك

غرام... ظل ساكت فهد صح فهد يشاقه وتحسي ماخذ دنيا بش ضحك بس هو ماظل شغله ماشتغلها ماكو شي يشوفه يطوره ماسواه هو حتى جان ناوي يكمل ماجستير بس لان خطب عاف الموضوع وصار يشتغل حتى يكون نفسه
وشكد اسد وابوه حاولوا يساعدوا هو ميقبل ابد .
اني عفتهم وكمت جهزنا عشه دك جرس
ايمان يمي كالت حطلع اني وكفت يم باب اشوف منو طلعت فتحت الباب طلع قصي مشوفون وجهه ايمان
اني طلعت للكراج كتله... عاش  من شافك
قصي... اهووو هاي بعدج عايشه
غرام... يمه اسم الله عليه شعجب بينت
قصي... والله جيت اشوف جلال شون صار
غرام... تعال ادخل الحمدلله احسن
طبعا قصي يدخل وعينه على ايمان
وايمان منزله راسها دخل قصي واني رجعت للمطبخ اني وايمان
باوعت عليه .. كالت اهوو هذا جابه
غرام... شبيج هيج ضوجين منه ترى حباب والله
ايمان .... ماحبه خفيف
غرام.... لا ترى هو بس ويانه يشاقه ويسولف ترى هو ويه الباقي مو هيج

ايمان... ميعجبني

غرام... اجتي عمتي كالت ايمان امشي قدمي شي لقصي باوعت على ايمان صارت دردم بصوت ناصي
اخذت ضيافه ودخلتله

ايمان... اول مادخلت جان يسولف ويه الولد من دخلت عدل كعدته رحت قدمتله هو مد يريد ياخذ بعدين رجع ايده كال... لا ماحب هذا

اني باوعت عليه شون اشمر العصير عليه
اسد كلي... جيبيله ببسي هذا مو مال عصير

اني طلعت هو جان اكو ببسي بس اني مارحت ماقدمت
ظليت اساعد غرام حضرنا العشه ونصبنا للولد وياهم قصي بصاله واني وغرام وامي بالمطبخ

كملنا اكل رحت اقدم جاي اخذه مني عادي مسوه شي من اريد اطلع صاح ايمان بله شويه شكر
كلتله هسه طلعت هم مارجعت بعد اجاني اسد
صاح بيه كلي مو كلج يريد شكر
كتله ... يااا نسيت .. اسد اخذ شكر وراح غرام باوعت عليه كالت ... والله شكلج منسيتي

ايمان... ابتسمت الها كتلها اكيد 😌
غرام كالت امشي نغسل الكراج حتى ماعدنا شي بعد
طلعت اني وياها نساعد نص الكراج اسد صاحها جمال يبجي دخلت كتلها اني اكمل بعد
شويه وطلع قصي يمشي على بطيئ اني كلشي سويت خل يروح بس محد طلع وراه من ولد
طلع بره ورد دخل اظاهر جان يجيب شغله من السياره
رجع يتمشى ورجله طين صار وصخ الجزء المغسول جان اني اعيط عليه هاي سويت مو مغسول

هو ندار عليه صار يطبطب برجله بزايد حتى يتوصخ اكثر اني متحملت صونده بيدي جان رفعتها عليه
عزه تبدلل صاح خرب يومج هاي سويتي

عبالكم اسكت تخصرت اله كتله تستاهل حتى تمشي عدل مره ثاني
جان يرجع باتجاهي اني عبالي يريد يسويلي شي جان ارفع صونده عليه مره ثاني بس هالمره من صدك كله تبدلل ظل يعيط بحيث طلعوا الولد يشوفون شبي
اني يمه شفت اخوتي ٣ واكفين كلت هسه شكللهم بله

اسد... هاي شكو ليش هيج متبلل

ايمان ... اني بيدي صونده ومركزه على قصي شنو رده

بس كللهم ... متدري بيه حدخل مره ثاني وجانت تغسل الباب وتبللت

ايمان...  من جاوب ارتاحيت فهد صاحه كله تعالي انطيك ملابس هاي شون تبقى بيهن
قصي دخل اني بسرعه كملت الكراج وركض فوك
اجاني مسج 💬 بسيطه اني اعلمج

اني قريت مسج من قصي خربت ضحك مجاوبته بعد

........
غرام .....صعدت انوم جمال نام وكمل اني دخلت سبحت عالسريع ورجعت للغرفه مشطت شعري وجففته ومددت جنت تعبانه ادخل اسد باوع عليه كاعده كلي ... كلت هسه نايمه

غرام.... شون انام وانت بعدك منايم
اسد... ايبااااخ قابل جديده عليج
غرام ..... هههه لا والله بس جنت انتظرك
راح غسل وبدل واجه يمي مدد نمت بحضنه بهاي الليله شكد جنت نعسانه بس بيومها ماكدرت اغفى بسرعه اعرف نفسي من انام صبح اتندم لان مشبعت منه
الفجر دك المنبه وكعدت سويتله ريوك  اكل شويه كال ماشتهي سويتله اكل اخذه وياه من راد يطلع رد صعد فوك شويه ونزل شايل جمال
غرام ... ليش كعدته
اسد... ماعرف من اروح هناك كلش اشتاقله واظل اكول لو حاضنه اكثر لو شام ريحته وشبعان منه

غرام ... ابتسمت اله جان جمال نايم على جتف اسد لان نعسان بعده
ظل يبوس بي بعدين انطانياه وراه طلع سيارته ورجعلنا باوع علينا كال ... بله هسه شون اعوفكم والله بعدني مشبعان منكم

حضنا اني وجمال كلش قوي وجمال بس يريد اسد يشيله بعدين سلم وراح اني متعلمه من يروح اسد اذب ماي ورى بس هالمره اني نسيت والتهيت بجمال
صعدت فوك وذكرت ضميري صار يأنبني لان مسويت مثل كل مره
نمت شويه وكعدت للدوام بدلت ورحت للكليه رجعت للبيت جان جمال يم امي اخذته منها ورجعت للبيت سئلت عمتي اذا اسد دكلها لان اني ابد محصلته كالت لا ماكو لحد الان
صعدت بدل وغسلت ونزلت حضرنا الغده وكملنا وصعدت نومت جمال ونمت جنت منتهيه من نعس كعدت المغرب على صوت جمال بسرعه رحت شلته جان يبجي وبين صارله هواي يبجي ماعرف شون محسيت عليه
بدلته ونزلت واسد ابد ماكو شكد دكيت كله مغلق
جنت خايفه عليه وخاصه جانت مظاهرات بدايتها  وضع جان متوتر
عده هذا اليوم واسد ماكو اني بديت اخاف لان ابد ميطول علينا هيج يعني حتى سمايل شي اعرف هو زين
هالمره كلشي ماكو
ثاني يوم جانت جمعه جنت فوك انظف غرفتي سمعت عياط صار جوه وسمعت عمتي دكول يبوووو بصوت رج البيت اني طلعت من غرفتي بوجهي ايمان الي طلعت مخروعه من العياط الصار جوه نزلت الدرج
اسمع فهد يصيح شون مات ....... يتبع❤️
.............

قراءه ممتعه حبايب

سوزان ليث💚