رواية حب جنوني الفصل الثالث عشر 13 - بقلم سوزان ليث

اسد.... اعرفها تمشي ورايه وراسها بالتليفون وكفت فجأه هي اصطدمت بظهري نداريت كتلها يولي انتبهي لطريقج

غرام.... سديت تليفون وصلته للطرمه وراح رجعت للتليفون

وره يومين جوي بيت عمي للبيت جدي فهذا عمي عده ولد اثنين واحد بكدي وثاني اكبر من عدنا بسنه فكعدنا عمي يسولف ويه جدي وبيبي واني ورونق جنا نسولف ونشاقه ويه ولد عمي كلش حبابين اصلا هلكد ماميانه وياه هذا الي بكدي اسمه علي يصيحلي غراب عود يعني يدلعني شون دلع خرب حظه فشاف تليفوني الجديد ظل يكلي اي عيني شكو عليج ومن هاي سوالف
فرحت كعدت بصفه داكله اريد برنامج انزل منه اغاني لان هو نفس تليفوني عده فاخذا مني دينزلي البرنامج واني ماده راسي وياه   فدخل محمد واسد سلمو وكعدو اني ظليت ملتهيه ويه علي وديعلمني على جم شغله
وراها كمل نطاني تليفون فعدلت كعدتي وكعدت اكلب اجرب برنامج  فااسد كلي

اسد... اجاني محمد كلي تعال روح لبيت جدي صارلي هواي مرايح فكتله يله المهم رحنا شفت سياره عمي واكفه فدخلنا سلمنا اباع غرام كاعده والله بحضن علي وعكسها على رجله خرب حظها على هاي كعده نوب راسها بتليفون اريدها تنتبه لان حكوم اجرم بيها
كتلها غرام مو تردين تروحين لبيتكم جيبين غراض

غرام.... كتله اي والله هسه توديني
اسد... اي يله
غرام... عادي كمت لبست عبايه رونق كالت ممحتاجه شي فطلعنا اني واسد ركبت بسياره وطلع طبعا محجه شي اني عادي اتفرج عالشارع وصلنا للبيت فنزلنا  اخذ مني المفتاح فتح قفل الباب ودخلنا فتح الباب الجوه
دخلت جوه هو ورايه كتله هسه اجي ماتاخر فدامشي داريد اطلع من الهول حتى اصعد لغرفتي ماشوف الا اسد لزكني عالحايط
اني ظليت اكول بكلبي عزه هذا شبي طبعا بسرعه بالي اجه حيغتصبني ونوب وحدنا الافلام كلها شتغلت براسي

اسد.... ولج جم مره محذرج تنتبهين لكعدتج
غرام... اني طبعا ماكو اي حركه مني جامده بس ارمش
اسد... جم مره كايلج صرتي بعيره ميصير تكعدين هيج جم مره كلتلج ولد عمج صارو رياجيل
غرام... اني صنم لان اخاف احجي يضربني خاصه هو متعلم الضرب صح مضاربني بس يضرب خواته صاير وصوته عالي طرش اذني
اسد.... بعدين شون تنطين تليفونج لعلي مو بي صورج وبديت اكرص بيدها  بزندها قوي
غرام.... ااااه والله بعد مانطي عيني وكعلي تكرص والله كل كرصه احس لحم ينشلع وياها ماظل شي ماحجيته  اسد عمو ابويه ماكو نوب واني اكمز  من الوجع
ماتحملت كرصاته قويه ولسانه خرط فشار عليه كمت ابجي
خليت ايدي على وجهي وابجي يعني اول مره هيج يسوي  هو بطل
اني صح مغمضه ساده وجهي بيدي بس اباعه من بين اصابيعي ابتعد عني وكامي يمسح بوجهه وبشعره جان يتقرب عليه وكف قريب مني واني بعدني خاله ايدي على وجهي وابجي

اسد... طلعت حركتي بيها يمكن ماظل مكان بجسمه سليم ماكدر اضربها كلبي مينطيني بس جنت اريد اذيها مو عادتي اكرص بس فتت كلبي بتصرفاته ولا تكبر كامت تبجي بس وره ما خليتها تكمز من الوجع عفتها بسرعه كلشي ولا تبجي استغفرت ربي شنو هالتصرفات سويتها رحت عليها هي خاله ايده على وجهه وتبجي جريتها حضنتها وهي بعدها خاله ايدها على وجهه بستها من راسها كتلها اسف والله ماقصد لتبجين شو هاي زادت بالبجي
وخرتها من صدري وخرت ايدها ظليت امسح بدموعها ... كافي كتلج اسف خلص بستها من كصتها

غرام... صح اذاني بس جرني لحضنه يمه ماعرف ليش بس كلي اسف اني كمت بزايد ابجي
وراها اخذني من ايدي كعدنا عالتخم كلي
اسد... جم مره اني كايلج انتي كبرتي هاي تصرفات بطليها ادري انتي تاخذين الامور على كد نيتج بس ترى المقابل ميشوفها هيج
تقبلين احد يكول عليج متستحي لازكه على ابن عمها لو الي يشوفكم يكول عليكم اكيد عدهم شي بيناتهم

غرام.... بس والله اني منتبهت واني وياه متربين سوه ولحد صف سادس ابتدائي اني وياه بنفس المدرسه وصف كل يعرفنا

اسد.... هاي قبل ياعيني هسه انتي صرتي مره كلشي تغير لازم تحسبين لكلشي لكعدتج لمشيتج حتى الكلامج وشاقج البنيه جوهره لازم تحافظ على نفسها

غرام.... ظليت ساكته ومدنجه حسيته امي من تكعد تنصح بيه

اسد.... ادري اذيتج بس حتى بعد تنتبهين وبس سوين شي غلط  خاف هسه ماضربت بعدين ايدي والضرب

غرام... صعدت راسي باوعت عليه بانكساروقله حيله هههههه عود فقيره

اسد.... اخذت ايديها اثنينهم بستهن من جف ايدها

يله صعدي جيبي غراضج حتى نرجع

غرام ... صعدت فوك واني سرحانه بي خرب مصدك كلسع بايسني بعدين كلت خرب عقلي بس اني افكر بالهسوالف
حضرت غراضي ونزلت كتله كملت شو هذا كام  اجه عليه لازمني من خدي مثل الكرصه

اسد.... بعدج زعلانه
غرام... هزيت راسي لا ..مثل الخبله بسرعه اتقشمر
اسد.... يله امشي
غرام ... طلعنا قفل وصعدنا بسياره بس مرجعنا على بيت جدي كتله وين رايحين
اسد.... افرج
غرام... ضحكت كتله عزه باع شكلي حتى ملابسه شحاطه بنعال
اسد.... هو هذا الزين
غرام... فترينا شويه وراها اشترالي ايس كريم ورجعنا فتنا فجان بيبي رفعت راسها عليه ولج وين جنتي
كتلها بيبي رحت جبت جم غرض من بيتنا ويه اسد واجيت
كالت والله عمي صاير سايق عدج
ضحكت اسد كلها جده ماجوزين من سوالفج كلتله تعال اكعد يمي وندارت عليه كلتلي يله نكلعي روحي شوفي شعدج شغل عرفت تريد تطردني كمت طلعت

اسد.... كعدت يم جده هي لازمه سبحه  وتباع عليه كتلها خير جده اعرف هاي النظره اكيد وراها سالفه

جده.... مادام تعرف عندي سالفه خل احجيها هيج طك بطك
اسد.... وهذا المطلوب
جده... ولك شوكت ناوي تاخذها
اسد... شاخذ
جده. ... باع ترى انه اعرف النغل منوه ابوه لاتكعد تراوغني
اسد... دنعلب طوبه قابل
جده... باع وين العوجيه اكول رجال صرت حتى عيب اضربك
اسد.... هههههههههه ماشي مادام ترديها طك بطك
ماترهم هسه اتقدملها
جده... وعليش ماترهم قبل جنت دكول صغيره هسه شنوه عذرك الي بكدها عدهم جهال هاي بت ام اسعد جوارينا اصغر منها عدها جهال اثنين

اسد.... جده مهما كبرت بنظري صغيره بعدين هي وراها جامعه
جده.... ظل مثل ماانته خليها دش للجامعه وياخذها غيره وتبقى كاعد كبالي مثل البنيه البايره

اسد..... ههههههههه مقبوله منج سويتيني بنيه
جده.... باع من يوم اخذوك ذوله وهي مابطلت بجي اكل ماتاكل لك هاي البنيه عاشكتك لا ضيعها من ايدك وهي ربت كبال عينك وتعرف مايها

اسد..... جده اول ما اخذوني فكرت بيها جنت ناوي بس تاخذ النتيجه اتقدملها بس بعدها لكلشي بيها خيره انخطفت قبل ماتستلم النتيجه كليلي لو ميت وماراجع وانه حاجي بيها جان سوت ماريد اظلمها ويايه

جده... وبيش متفاول بنفسك ها باع اسد لاشوفني اني وجدك ساكتين عليك طاب طالع عليها ترى وروح ابوي ازوجها لاواحد من ولد عمك واخليها بحصرتك

اسد... يا ابن عمي دخيلج دنجت بست ايدها كتلها بس خليها تدخل جامعه وراها الله كريم اخطبها منج ومن جدي بعد شتردين

جده... نشوف تاليها وياك

غرام... وره مطلعت من الهول بقى بس اسد وبيبي اني صعدت فوك حظرت هدومي اريد افوت اسبح ففتت سبحت وطلعت فاني بيه فد عاده من اطلع من الحمام شته صيف البس دشداشه قصيره ربع او نص ردن من ادخل للغرفه واكمل تمشيط  وهاي سوالف البس بجامتي فجنت امشط دخلت عليه رونق فجتي يمي دسولف جان شهكت شهكه وضربت على صدرها

رونق.... ولج هاي شبيها ايدج  كمت بسرعه لزمت ايدها عزه هاي هم شبيها لج هيج مزوركه

غرام.... مابيه وكعت وصارت هيج وخري مني
رونق.... غرام باعي دشوفيني مافتهم هي هاي مال وكعه احجي شنو ذني
غرام.... نصي صوتج خرب بيج فضيحه اسد كرصني
رونق... عزه بعيني ولج شون وين وشوكت
غرام... باعي من رحنا لبيتنا داجيب هدوم هو لان شافني كاعده بصف علاوي بس وراها شافني تاذيت واجه اعتذر مني

رونق.... ليش تخلي ايمد ايده عليج ماله حق ترى باعي شمسوي بيج

غرام.... خرب بيج مو صوت غاره ولج والله اكثر من مره اعتذر وباس راسي وحتى ايدي باسها هو اول مره يسوي هيج بس يعني هو هالايام عصبي ودشوفيه انتي شون متغير

رونق.... باعي غرام اني صح احبه لاسد واني اصلا جنت اشجعج حتى تحبيه بس اني احبج اكثر يعني اذا اجيتي وشفتيني هيج وكتلج انمار هيج سوه تقبلين

غرام.... والله ماقبل واكسر ايده بس تعرفين اسد والله اعتذر مني

رونق.... غرام ترى انتي جبيره مو اني اعلمج هذه السوالف لتخلي يصرف وياج هيج بعدين يتعلم يمد ايده

غرام... اي ميخالف

رونق... وشون تخلي يبوسج

غرام... خرب حظي شفتي باسني من حلكي هي من كصتي مو يبوس بيبي من كصتها

رونق.... باعي اني انمار شكد يحبني بس عمره مجاوز عليه ولا طخني تعرفين ليش لان يخاف عليه

غرام.... اووووف هسه كلشي وحاطه انمار يابه انمار ماكو منه هو واحد وانتي حصلتي عليه كافي عاد خليني امشط
عافتني وطلعت ظليت اكول حجيها صح شون يسوي ويايه هيج وفوكاها قشمرني باايس كريم

رحت لابست دشداشه وظليت فوك مانزلت
وره نص ساعه جتي رونق كالت تعالي تعشي
كتلها ماريد

رونق... غرام زعلانه مني لان حجيت هيج وياج
غرام... لا طبعا زعلانه من نفسي لان خليته هيج يسوي علي ابن عمي واسد ابن عمي اثنينهم لازم نفس الحدود ارسملهم اسد ميقبل اكعد بصف علي بس عادي اكعد بصفه وابوسه

رونق.... حتى اني ابوس اسد بس انمار كام يضوج يكلي هو ابن عمج واذا جبير فكمت اقلل من البوس وانتي هم بعد لتبوسي والله انتي من بطلتي دكليله عمو اني كلت هاهيه خربت

غرام... ارجع اكله عمو يعني
رونق... والله ماعرف شون طلعتي 97 بهذا ثولج كومي تعشي فضيني
غرام... اي جيت نزلت جوه طبعا اسد جان كاعد رحت كعدت بصف رونق وهو كاعد يم بيبي اكلنا واني ماحجيت كلمه نوب كلسع اذكر شون اذاني وانقهر وراها اذكر صالحني ليش بعد ضايجه يمكن ضجت من كلام رونق
كملنا عشه وراها رونق وكفت تغسل الماعين طبعا رونق اشطر مني يعني شغل البيت تحبه حتى طبخ تعرف عكسي اني بس انظف ماعرف اطبخ فصبيت جاي واخذتلهميا دنجت انطيت لاسد جان ملتهي يسولف ويه عمي اني طلعت وكفت بالمطبخ

رونق... شبيج
غرام.... مابيه اشتاقيت لامي
رونق.... حتى اني والله خل اكمل ونخابرها فديو
غرام... اي

صعدنا فوك اتصلنا على امي وظلينا نسولف وياها عود تعرف بينا اشتاقينا الها عود اصبرنا  دكلنا جبتلكم كلابيات يخبلن

بعد مانزلت جوه وره جم يوم طلع قبولي طلع طب اسنان صراحه جنت راغبه بطب العام بس الحمدلله
وراه يومين امي رجعت واحنا قبلها رجعنا للبيت نظفنا ورتبنا  خلال هاي الفتره اسد ملتحق حتى قبولي ميدري بي ومن يدك ماجاوبه وهو يعني ميكدر يدكلي كلسع اعرف مو دايما جهازه مفتوح فمن يدك عليه وره نص ساعه ارجع ادكله اعرف مغلق بس حتى من يفتح جهازه يشوفني داكه حتى من يرجع ميحجي عليه مابيه حيله رجعت امي من العمره جانت خطيه تعبانه بس كلش فرحانه وكلسع سولف على مكه وعلى قبر الرسول ياهو يجي يزورها تحجي نفس الحجي بحيث اني ورونق حفظنا ومرات شغله مدكولها اني ورونق نظل نكول شعجب محجت بهاي سالفه مكالت على هذا الموضوع هههههه

رجع اسد صبح جنت داغسل الطرمه رونق بدت داوم صارت خامس علمي فدكت الباب كلت منو

اسد... اني
غرام... ذبيت الصونده نزلت دشداشتي غطيت رجلي رحت فتحتلها
هلو شونك حمدلله عالسلامه
تقدم يريد يبوسني يعني لان صاله فتره مشايفنا اني رجعت ليورى عساس ممنتبهتله كتله خل اكول لامي اجيت وطبت جوه هو يمشي ورايه
سلم على امي وكعد يسولف وياها اني طلعت كملت الطرمه وطبيت للمطبخ ماكعدت وياهم
اامي صاحت عليه
رحت اشوفها وطبعا لازم تفشلني
جيبي فواكه لاسد المشكله مو هنا المشكله تعرف مخلصين فواكه ضاله بس برتقاله وحده وعنقود عنب بس بي خمس عنبات هيج
ظليت اباع عليها هسه شحجي وياها قبل شويه كالتلي يرادنا مسواك

عساس صرت ام بيت كتلها وره الغده خاف بعد ميشتهي وطبيت للمطبخ واني معصبه من امي دايما سوي هاي سالفه بينا
اجتي امي دتكمل الغده كالت ودي نفاضه لاسد

اخذت نفاضه ورحت خليتها على طبله وداطلع
جان يكلي

اسد... هي تعالي
غرام... نداريت عليه كتله اسمي غرام ترى
اسد... باوعت عليه بنظره كتلها شبيج كالبه وجهج عليه
غرام... مكالبه وجهي
اسد... شكد دكيت عليج ليش مجاوبين
غرام... من دك اني اكون مو يم التليفون من اشوف مكالمتك ارجع اتصل الكاه مغلق
اسد... ليش ماكلتيلي طلع قبولج
غرام.... شون اكلك وكل مادك تليفون مغلق
اسد... متعرفين دزين مسج ومن افتح تليفون اقراها
غرام... مادري مجت بالي
اسد... شوكت دوامج
غرام... بعد مادري

عفته ورجعت لامي كتلها حصعد ابدل هدومي لان تنكعدت صعدت فوك ظليت العب بتليفون فتحت فيس دالكب بي جان يجيني مسج بالفيس من اسد كاتبلي ماعندج وقت تكعدين يمي بس فاتحه فيس

خرب حظي هسه فتحته عفته مجاوبت بدلت ونزلت رحت كعدت يمه امي بالمطبخ فاني كل شويه اروح يمها

اسد... مادري حسيت متغيره ويايه كلامها بارد ويايه حجيها قليل كلسع اسئلها دكول مابيه تعبانه ضايجه

غرام... طبعا اني صح كاعده يمه بس بيدي تليفون والعب بي

اسد... متردين طلعين للسوك حتى تتسوكين للكليه
غرام... اي من نروح لبغداد
اسد... بغداد عدلت كعدتي كتلها شنو بغداد
غرام... مو حروح لبيت بيبي وداد ( ام امي )
اسد... شوكت
غرام... الخميس من ترجع رونق من الدوام
اسد... منو يوديكم
غرام ... مادري

فصار الغده كعدنا ناكل اسد كلها لامي اني اوديكم لبغداد
امي كلتله ليش عندك شغل بغداد كلها اي وطبعا مبين جذاب ماعنده بس هيج

بيوم الخميس العصر طلعنا لبغداد وصلنا لبيت بيبي عاد هو كال اني اروح امي مقبلت يروح بس هو كلها لا صديقي ينتظرنا فمن دنزل الجنط طلعت خالتي وابنها حيدر فسلم علينا فنزل اسد سلم رد راح احنا طبينا سلمنا على بيبي ومرت خالي وظلينا نسولف فطلعت تليفوني شفت اسد دازلي مسج قبل ساعه يعني وره مراح تقريبا

فتحته كاتب 💬هذا ابن خالتج ان شاءالله حيبقى يمكم
رديتله 💬 اي همه جايين علمودنا وباجر هو يودينا نسوك

اسد... فتره الراحت واني اشوفها متغير مو نفس قبل حتى من سلم تتجنب تقترب مني حتى كلامها قليل ويايه واذا ادكلها نادرا مجاوب
اني مجان عندي شي بغداد كتلهم اني اوديكم طريق كله اباع عليها بالمرايه خاله سماعات ومغمضى عيونها
وصلنا لبيت جدها شو طلع واحد شاب طول وعرض نزلت سلمت عليه طلع هذا ابن خالتها
وراها رجعت للشقه مالتي دزيتلها اسئل يبقى خبلتني من كالت همه اصلا جايين علينا وفوكاها باجر هو يطلعهم

دزيتلها مسج💬 ليش هو يطلعكم اني ماعندي شي اني اجيك

غرام.... باوعت المسج راويته لرونق ظلت دكلي دومه خانكنا
دزيتله💬 امي دكول ماكو داعي لان تريد تطلع ويه خالتي
... طبعا اني من كيفي كلتله هيج

ردلي 💬 براحتكم

نقهرت عليه ماعرف ليش حسيته بس يريد يكون ويانه فكمنا خلينا غراضنا بغرفه بيبي فبقيت بس اني جنت ابدل فكلت خل ادكله
دكيتله دك شكد مجاوب مرتين هم مجاوب
عاد عفته كلت يجوز مشغول
رحت كعدت بره يمهم خالتي عدها بنيه صغيره يعني ابتدائيه وسنونها الاماميه واكعه ومن تحجي نخرب ضحك عليها طبعا كلسع اباع عالتليفون ومر وقت واسد مدكلي كلت معقوله زعل
اجه بالي خاف صار عليه فدشي رديت دزيتله مسج💬 وين اتبات اليوم

هم مجاوب دكيت عليه مرتين ماكو ميجاوب
اني هنا يمه كلبي احسه حيطلع كلت خاف انخطف مره ثانيه كمت اخذت تليفون امي دكيت عليه

اسد... رجعت للشقه واني كلش ضجت منها اعرف هذا حجيها لان مرت عمي مستحيل تحجي هيج ظلت دكلي ودز مسجات واني مغلس كلت الا اشلع كلبج بس وراها دكتلي مرت عمي
جاوبتها بسرعه
الو
ليش مجاوب من دكيتلك
ميعجبني شرايده مخابرتني
انت وين
ميخصج
اكيد ميخصني بس ظل بالي عبالي صاير بيك شي وعالعموم اسفه عالازعاج باي

سديته واني متنرفزه منه شكد مكروه يربي شنو من بشر عفته ومهتميتله سوو عشه تعشينا وظلينا نسولف خالتي هاي اصغر خاله وكلش نحبها بس تشاقه
وراها نمنا كعدنا صبح تريكنا وهم بس سوالف
صارت بتسعه كالو يله بين متبدلون صايره بالعشره حتى نطلع المهم بين مبدلنا صارت بالعشره ونص عاد طلعنا اخذنا تكسي بس اني وامي وخالتي وبتها صغيره رحنا للمول وصلنا تقريبا ب 11 ونص هيج طبينا جانت اكو محلات ممفتحه بعدها عاد ظلينا نفتر وشترينا جم شغله واني هم اشتريت 3 تنورات و4 قمصان بيض كلش حلوات مال كليه واشتريت اخذيه وجنط وراها رحنا تغدينا ورجعنا للبيت خالتي كالت فد بسته روح للسوك لهنا اليمنا اذا عدكم شغلات نكملها اني كتلهم تعبت ورجلي كامت توجعني ماكدر اطلع بعد وكلشي اشتريت واصلا اكره سوكهم ازدحام متعرفين تمشين

عاد همه العصر راحو وره مراحو بشويه امي دكتلي دكلي اسد يجي عده غراض اخذيها منه كتلها شننه كالت مادري مكلي المهم وره شويه دزلي مسج 💬 طلعيلي......... يتبع ❤️
&&&&&&
تفاعلكم حبايب حتى استمر ❤️