رواية حب جنوني الفصل الثالث والعشرون 23 - بقلم سوزان ليث

واجاني مسج من جلال 💬 تشكيني لاسد اني اعلمج

ظليت اباع عالمسج وخربانه ضحك وبنفس الوقت خايفه منه
ماعرف ليش احب اضوجه

نزلنا جوه الكل كاعد واباع عليه خال ايده على حنجه من جتي عيني بعينه سوالي اوكفيلي بحركه بسرعه
اني بسرعه نطيته نظره عود ممهتمه ونداريت
اسولف ويه فهد واشاقه ويه بالقصد حتى اكله مو انت تمشي كلامك
عليه
فجاءه اجه جلال دنج ياخذ الريموند من يم فهد هو دنج كلي اني اعلمج

يمه اني من شفته اجه علينا عبالي حيسحلني بس من اخذ الريموند وكلي اني اعلمج حصرتني الضحكه بحيث بس راح ونطاني ظهره ضحكت

غرام باوعت عليه اشرتلي براسها شكو
سويتلها بيدي مخبل

غرام ... رجعنا للبيت ومرت جم يوم وبدت امتحاناتي الكورس الاول جنت اقره ومالحك المواد صعبه والفتره الي يجي اسد التهي ماقره هواي هسه تكومت
فجنا نمتحن اول وثالث فحظي خله فراس ويايه بنفس القاعه
اول يوم فتنا للامتحان جنت كاعده متوتره وداقره ايات
جان يفوتون مرحله ثالثه يضحكون ويسولفون فاني جنت مدنجه داقره ايات سمعت واحد صوته عالي كال اني متاكد اليوم حجاوب
رفعت راسي لان صوته عالي شفته فراس وعينه عليه بكلبي كلت خرب حظك وين ماروح تطلعلي
هو جان مكانه بالوسط واني عالشباك فاني ظليت اباع عالشباك جانت الاسئله مموزعه جان اسمعهء يكول للدكتور الواكف علينا ادري حاصريني بنص الدكتور كله شتريد لعد كله كعدوني يم شباك
فدكتور يمكن يجيهم فيعرفه كله فراس اكد مكانك
فراس ... والله استاذ اني محجاوب اختنك هنا كعدني هناك وياشر عالشباك او بالاحرى ياشر باتجاهي
اني بكلبي اكله كون ان شاءالله تختنك والله لو يعرف اسد انت ويايه

وزعت الاسئله وطبعا اول ماشفتهن حسيت نفسي ماعرف كلشي بس بعدين بديت استرجع ذاكرتي
داحل وملتهيه اسمعه يكله للاستاذ ذولاك الجماعه خلصو الدفتر
الاستاذ كله فراس حطلعك من الامتحان اذا حجيت بعد اني من حجه هيج وفشل كدامنا اني ضحكت
سمعته يكله لايادكتور هيج تشمت بينا الجماعه
وكلسع يذبله كلمه يضحك الطلاب سوالفه جانت ضحك بس اني ماضحك بلاشي هو لازكه نوب يشوفني اضحكله
جنت مركزه كلش واكتب رفعت راسي لكيت شعبه نصها طالعه باقيه اني وبنات اثنين ولد اثنين واحد منهم فراس
وفراس ساد دفتر وكاعد
دكتور كله فراس اذا كملت سلم دفتر
فراس ... لا دكتور امي كلتلي ابقى اخير واحد
الدكتور ضحك لان يعرفه ومبين يشاقه هو دايما
اني من حجه هيج ضحكت ودنداريت عالشباك حتى ليشوفني اضحك
فكملت وراجعت فكمت اسلم دفتر اني كمت هو كام طبعا عرفت دينتظرني
سلمته وطلعت داخلي اقلامي بالجنطه هو اجه يمي كلي شونج
اني باوعت عليه ومجاوبته كلي هسه شكنالج فوك مداسئل عليج
كتله لتسئل ماريد سؤالك عفته ومشيت نزلت

طلعت وكمت ادور على صديقاتي فرحت لكيتهم طالعات وكعدنا نسولف فدكيت على اسد لان جان بدوام وهو مو صيني من اطلع ادكله
فدكيتله جاوب هو
الو هلو حبي شونك
هلا حبيبي شون جاوبتي
زينه الاسئله مركزه والله بس اني كدها
اي الحمدلله شوكت ترجعين
هسه شويه واطلع
ديله من توصلين كليلي اوكي ولاظلين تفرفرين كعدي بمكانج
هههههه اوكي حبي يله باي
باي

رجعت للبيت وكعدت اقره للامتحان فسولفت لرونق على فراس وهي جنت قبل حاجيتلها عليه كلتلي حدكليله لاسد
كتلها لا هوقابل تحارش بيه وبعدين ماريد صير مشكله واصلا اني داجنبه كلش
كلتلي اي صح هو وين يعرف وياج بشعبه كتلها اي لذالك ماكله
ثاني يوم ماعندي امتحان
فكعدت اقره خابرتني هاله باوعت على رقمها حيل صارلها شكد ممخابرتني
يمكن من نجحنا من سادس فجاوبتها
غرام ...هلو هلول شونج بذاته
هاله...هلو الحمدلله اي والله عساس انتي المكطعه نفسج
غرام ... والله اني ملتهيه بدوام وكليتي صعبه مو مثلج مكضيتها طلعات وفرات
هاله... انتي غير عفتي الكليات كلها رحتي عالصعبه
غرام ... ههههه اي لعد شكو طلعت معدل عالي شونج انتي شخبارج
هاله... الحمدلله مشتاقتلج والله دخل نشاوف
غرام ... اي خل اخلص امتحانات
هاله... يا انتي عدج نص السنه
غرام ... متخلفه اسمها امتحانات كورس الاول
هاله... نفس الشي اني ماعندي اني نظامنا مو كورسات
غرام ... نيالكم والله
هاله... اكلج حبي شو ادك على رونق تليفونه كله مغلق
غرام ... اي تليفونها عاطل وخطيه جلال اخذه كلها اني اصلحه الج
هاله .. ها صدك اي مو داكول ليش مغلق

غرام ... سديته للتليفون ونزلت على رونق كتلها لو تعرفين منو خابرتني
رونق ... منو
غرام ... هاله
رونق.... شذكرها بيج
غرام ... ولج اني هم استغربت بس بعدين عرفت ليش خابرتني
رونق... ليش خابرتج
غرام ... سئلتني عليج دكلي ليش تليفونها مغلق بس اني ماكتلها بدلته لان هسه دكلي انطينياه ومبين انمار خالها تخابر  تلكي يدك عليج وماكو
رونق...  اي شكتيلها لعد
غرام ... كتلها عاطل تليفونها
رونق... اي زين سوين
غرام ... وكتلها  خطيه جلال اخذه حتى يصلحه الها
رونق... ليش كتيلها هيج هسه دكله لانمار
غرام .... واني كتلها هيج حتى دكله وينحرك كلبه الحقير
رونق... ظليت ساكته يربي خطب وحيزوج ولاحكني بعده مو عافني وتخلى عني شيريد مني بعد
عفتها لغرام ورحت للمطبخ بالكوه لازمه دموعي ماريد غرام شوفني كافي مسويه نفسي كدامها قويه

للعصر دكلي جلال بس اني مجاوبته رجع دك مره ثانيه مجاوبته
اجتي غرام كلتلي جلال يريدج دك عليه
اخذت تليفون
الو
ليش مدجاوبين مو دادك عليج
معاجبني شتريد دادك عليه
احترمي نفسج رونق والكعبه اجي اعدمج العافيه
تحجي لو اسده ( جنت كاره الدنيا ويمكن كمت اطلعها على جلال )
دسدي شوفي شون اجي اكسر راسج
ظليت ساكته
اكلج حاجيه ويه انمار
لا طبعا
لعد ليش خابرني يصيح عليه يكلي عوف رونق
اوووف اذا خابرك كله انت معليك مو خطبت شكو بعد راجع هسه
فهميني شبي ليش هسه خابر
لان غرام كايله لهاله تليفوني عاطل وانت اخذته دصلحه لان خابرت تسئل على رقمي
ها زين سوي اني رزلته رزاله غسل ولبس وسديته بوجهه
شكرا وياريت لحد يجيبلي طاريه لان تعبت
معاش الي يتعبج واني موجود بس كولي والله الي يوصلج اكطع رجوله
شكرا جلال عشت ونعمه الاخ انت وفهد
بالنسبه الج
شنو
لا ماكو شي يله اذا احتاجيتي شي اتصلي بيه
اوكي شكرا يله باي
باي

سديته واني لعبانه نفسي من الكل شون سالفه يربي نوب طلعلي جلال صفح يعني هو خوش ولد وحباب بس اني ماحبه وتلميحاته الي كامت تحرجني وضوجني
كمت اتقصد اضوجه وكل مايحجي ويايه اصده اريده يبتعد بس داشوفه ديتقرب اكثر

غرام ... رحت للامتحان الثاني فدخلت للشعبه  فحانت صديقتي كاعده قبل فراس من فتت كتلها هلو جان فراس من كيفه يكلي هلو
صديقه فشله كله وانت عريحه سلم
مهتميت اله رحت كعدت بمكاني وبده امتحاني ونفس الشي كلسع ذابله كلمه يخليني اضحك بس اني جنت مانطي مجال اكتم الضحكه
الولد كلش فطير
وهم نفس الشي جماعته كلهم يطلعون وهو يبقى من اطلع اني يطلع هو ويحاول يحجي ويايه بس مانطي مجال ابد
فجان رابع امتحان طلعت من الامتحان رحت داشوف سعي مالتي لان بكل امتحان ينزلون سعيات جانو فرحت شفت الدكتوره ناطيتني سعي كلش قليل كلش واني طالعه من الامتحان مو كلش مجاوبه اسئله صعبه من صدك دمعه واكفه بطرف عيني يعني كلت اكيد حطلع بهذا الدرس لان سعي ويه جوابي مانجح
ظليت امشي بالممر جنت كلش ضايجه دانزل الدرج فاكو بايه مكسوره فعثرت بيها وردت اوكع بس جلبت بالمحجر بس ملازمي وكعت فجان اكو ولد سمعت يكلون الله الله
اني فشله منا وضايجه منا دموعي كامن ينزلن دنجت الم ملازمي  فاكو ولد اجه عليه اني مدنجه ماعرف كام يلم ويايه ويكلي يله مصار شي وماعرف شنو صعدت راسي شفته فراس
بس شافني دابجي
تخشب بمكانه كلي منو وياج ليش تبجين

اني بس حجه هيج كمت ابجي بزايد كتله مابيه شي انطيني ملازمي
هو رجعهن ليوره حتى ماخذهن كلي كليلي شبيج يله انطيج الملازم
دنجت وكمت اتافاف منه كلي كولي بالكي اساعدج
كتله ماريد شكر انطيني ملازمي خل اروح
كلي تبجين لان ردتي توكعين ترى والله عادي ياما واكعين وعادي
كتله مدابجي لان وكعت كلي كولي ليش لعد كتله لان ممجاوبه
كلي يمعوده عبالي بيج شي عادي هسه ويه سعي تنجحين
كتله واذا سعيي مو زين
كلي منو تجيكم  كتله معليك انطيني ملازمي
كلي دكولي مو اني اعرف دكاتره كلهم سكتت كلت خل اكله بالكي صدك يعرف دكتوره التجيني وهي تحب الولد كتله دكتور .....
كلي يمعوده هسه احجيلج وياها تعالي ويايه كتله وين كلي خل اروح عليها كتله لاماريد متحبني هي
كلي تروحلج فدوه هي وعشيرتها  اني اروحلها واحجي وياها لضوجين
كتله اوكي شكرا يله انطيني الملازم
انطانياها ودانزل انداريت عليه كتله صدك حتحجي وياها كلي اي قابل اجذب عليج
عفته ونزلت كلت مبين جذاب حتى ماخذ اسمي الثلاثي منين حيعرف اسمي
نزلت جوه ورجعت للبيت عادي اكثر من مره ردت اكله لاسد واسكت اكول هسه يتعارك ويايه على سالفه سخيفه واني ممسويه شي
فبيومها رجعت للبيت خابرني اسد كمت ابجي كتله ممجاوبه وسعي مالتي مو كلش وكمت افشر عالدكتوره هو ظل يكلي ميخالف وماعرف شنو لتبجين كلي درحي خل اخابر صديق عندي بالكي يعرف احد بكليتج يحجي ويه دكتورتج علمود سعي ماتج
سده وره شويه خابرني كلي
اسد... خابرت صديقي جعفر هو يعرف هناك دكتور هو حيكله حتى يحاجي دكتورتج
غرام ... سكتت وعادي كلت بالكي يحجي وياها لان دكتوره كلش معقده وضوج من البنات وموكعه تقريبا اغلب البنات بسعيات اني نسيت فراس كلش ماجه بالي انه حيحجي ويه دكتوره
ثاني يوم ماعندي امتحان
يوم الامتحان رحت امتحن فجنت واكفه داراجع اجه فراس
كلي صباح الخير
باوعت عليه كتله صباح النور
كلي ترى حجيت ويه دكتوره وصيتها عليها وحتغير سعي مالتج واصلا كلتلي انتي شاطره عدها وبس كتلها غرام عرفتج
كتله اي شاطره عدها وخالتلي هيج سعي وبعدين هو بس اني بالمرحله اسمي غرام
كلي عالعموم هي حترفعه لشيليلها هم
كتله شكرا تعبتك ويايه
كلي تعبج راحه اذا احتاجيتي شي كليلي
كتله شكرا الك

عافني وراح باوعت عليه كلت والله الولد حباب بالكي يلكي وحده احسن مني لان ولا مره شفته ويه بنيه دايما ويه ولد يمشي
عفته وطبيت امتحن عادي
طلعت من الامتحان فتحت تليفوني جان تجيني رسايل من شركه على تليفوني اسد متصل كذا مره بس فتحته دك يمكن اجتي رساله اله اني فتحت خطي
جاوبته الو هلو حبي
جان يجاوبني بصوت عصبي كملتي
كتله اي هسه طلعت
كلي يله طلعيلي وسده
اني كلت هذا شبي صبح مابي شي جان نوب ظليت افكر عزه خاف شافني احجي ويه فراس صبح بس بعدين كلت لا بلامتحانات ميخلون احد يدخل للكليه الا عالهويه الجامعيه
طلعت
واني خايفه صوته جان عصبي وسده بوجهي اكيد اكو شي
رحت طلعت ورحت لمكان اليوكف بي دايما شفت سيارته صعدت
كتله هلو
باع عليه بنظره وندار طلع بسياره
كتله شكو صاير حبيبي
ميجاوب اني هنا ظليت ارجف كلت اكيد شايفني ويه فراس كلبي ماحجيلكم راد يطلع من مكانه من الخوف
رديت كتله اسد شكو ليش متحجي صاير
هم ساكت بس شنو اوردت ركبته كلها طالعه من العصبيه اني هنا خرطت كلش كلت خل اعترف قبل مايحجي بس اللساني نعكد ماعرف شحجي
شفته طريق مو طريق بيتنا
سكتت حتى خفت اكله وين ماخذني
ظليت الطريق كله خانسه ماحجي وايدي ثلجت من الخوف ولاكلمه حجه ويايه
وصلنا لشارع نهايته مسدوده وكف السياره وطفاها
كلي
اسد... وين تليفونج
غرام ... تليفوني جان بيدي كتله هذا ... سحبه مني بقوه وفتحه لان هو يعرف الرمز مالته ظل ماعرف شيسوي بي مثل الواحد ديفتش بي كتله اسد شكو كلي ترى خوفتني
باعي عليه جان يشمر تليفون عليه
اني باوعت عليه كتله فهمني شكو
كلي دشوفين فراس
اني سكتت من الخوف بدال مااكله اي كتله لا
جان يضربني راشدي فر وجهي فر ولازمني من حنجي ورجعني عالجامه كلي وهو يصيح عليه
ولج تلعبين بيه انتي
اني دموعي تنزل ومداكدر احجي مداعرف شكو وعصبيته تخوف
كتله واني ابجي واشهك كلي شمسويه

كلي ولج ادز الولد يوصي عليج يخابرني يكلي ....... ❤️ يتبع
£££££££££££
حبايبي ادعموا القصه حتى استمر فديتكم حبايبي 🌼