رواية حب جنوني الفصل السبعون 70 - بقلم سوزان ليث

غرام ... اخذت صفنه على رونق كتلها ...وين

رونق... ولج شنو وين اكلج اسد جوه وكلي اجيبله جمال

غرام... جنت ممده كمت اتحرك على كيف وخرت الغطه من عليه وكمت وكفت كتلها ... اي اخذيه

رونق.... شبيج صرتي صفره
غرام ... لا صفره ولا حمره اخذي جمال وديلهياه
رونق اخذت جمال ونزلت اني باوعت على نفسي بالمرايه عبالك بنيه بعدها بالابتدائيه عدلت شعري ونزلت امشي على كيف وكفت عالدرج اسمع صوته جانت امي سولف وهو ساكت بعدين هو صار يحجي يمه كلبي وين اروح انهزم
ظليت واكفه اسمعه شون يحجي ويه امي على دوامه
من تطلع رونق بصاله متدري اني واكفه عالدرج من طلعت وانتبهت عليه صاحت جفلتيني
اني اسويلها اش خرب يومج ركض صعدت فوك كلت اوي شبيه خايفه قابل شيسوي ظليت واكفه اباوع نفسي عالمرايا  خليت شويه مكياج خفيف وعدلت شعري دخلت عليه رزنق
وكفت يمي كالت ...يله متنزلين

غرام .... اي هسه حنزل رونق شعري حلو .. اني احجي ويه رونق واجر بشعري

رونق.... هسه اذا جريتي  حيطول هههههه
غرام.... مدري شبيه حبه الشجاعه خلص مفعولها من سمعته جوه
رونق.... والله هسه شوفيه شون يكيف ولج طالعه تخبلين بي والله عبالك طفله
غرام..... هزيت راسي ب اي اذا ماسحلني كدامكم

رونق... ههههههه من ايدج كنالج لتكصيه
غرام.... هسه كلتي حلو شبسرعه غيرتي
رونق..... والله مال اصور رد فعل اسد من يشوفج
غرام ..... يله نزلي هسه انزل اني وراج

رونق ..... نزلت اني دخلت كعدت يمهم اسد جان يلعب ويه جمال ويحجي ويه امي ندار عليه كلي.... شخبار الحصار

رونق..... ههههه بعده مستمر
اسد.... ماكو مساعدات منا منا
رونق..... لا والله ابد اسئل امي
ام غرام.... لا خطيه لحد الان ملتزمين بكلام جدك
اسد.... والله عمي خوش سمعون كلام
رونق.... كمت صعدت مره ثانيه اشوف غرام شو مانزلت فتحت الباب لكيتها كاعده عالجربايه
كتلها ها شوكت حتنزلين

غرام ... هو سئل عليه
رونق.... لا
غرام .... لعد شكو نازله مانزل لحد ماهو يسئل عليه
رونق..... هاي حجه مو حتى لتنزلين هههههههه والله لو ندري جان جبنالج باروكه
غرام.... انجبي قابل شكو خايفه هو زعلان مني شيريد يسوي اكثر
رونق.... على كولتج
اني حنزل اشوفه نزلت جوه لكيت بس امي كالت اسد اخذ جمال وراح اني صعدت ركض على غرام دفعت الباب بكل قوتي كتله .... غرام امشي اسد يريدج بسرعه

. مشوفون وجهه غرام ليمونه صار كعدت عالسرير دكلي كليله ....نايمه

رونق... ردت فعلها مكدرت اكتم ضحكتي وكعت بالكاع من ضحك كتلها ولج اسد راح عزه لو مصورتج تموتين ضحك كامت ركض تضرب بيه وترزل واني مستمره اضحك

غرام.... نزل جوه لكيت امي كالت ... يمه ليش مانزلتي
رونق... تخاف تنزل خاف تنضرب على عملتها
غرام ... انجبي رونق . منزلت لان هو مصاحني ولا سئل عليه
ام غرام .... لا سئلني الي كلي وينها غرام كتله فوك يمكن نايمه

غرام... باوعت على امي اعرف دكول هيج حتى لتزعلني وهو لاسائل عليه ولا شي
ظليت للعصر واني كاعده على اعصابي
خابرت ايمان سئلتها على اسد كالت طلع معزوم على عشه يم جماعته سئلت على جمال كالت نايم بس يكعد اجيبه
اني نزلت على امي كتلها حروح اجيب جمال لان اسد طالع

لبست حجاب الاميره مال امي حتى محد يشوف شعري ولبست عباتي ورحت لبيت عمي دخلت جوه عمتي فرحت من شافتني يمهم كالت  لو ندري تجين من يرجع جان كناله من زمان ارجع

ظليت مبتسمه الها كتلها عمه جيت اخذ كم شغله صعدت للغرفه فتحتها صاير بيها شفت جنطه الدوام بعدها وهدوم الوضخه مطشره
نقهرت عليه جاي من دوام وهيج يلكه الغرفه طلعت هدوم دوام غسلتهن وعزلت هدومه المحتاجه غسل والمحتاجه كوي ونظفت الغرفه وعطرتها من العصر لليل اني اشتغل بيها حتى محسيت على نفسي
كملت نزلت اخذت جمال ورجعت وعمتي ماقبلت ارجع بس كتلها خلي الاوضاع تهدء بيني وبين اسد اني ماحجيلكم مانزعت الحجاب حتى من جنت اشتغل لاحد يشوف شعري يكول لاسد
رجعت للبيت من دخلت اجتي عليه رونق ركض لزمت وجهي تباوع بي كتلها شبيج
رونق ... دافحصج اشوف اكو زراك حمار
غرام.... ولي اسد ماكو جان ماشفته
رونق... لعد جنتي سوين هناك كل هالوقت امي قبل شويه دكلي اختج تاخرت بالكي صالحوا
غرام... نظفت الغرفه وغسلت ملابسه

رونق.... والله لو تغسلين ملابس البيت كلها هم ميشفعلج عد اسد
غرام....ولي عفتها وصعدت فوك دخلت سبحت وطلعت جنت امشط شعري نوب من يتبلل يتقلص بزايد اني حابته الشعري بس خوف العندي من رده فعل اسد كسرت فرحتي
نوب احجي ويه نفسي اكول مجان اجه البارحه قبل ماكصه انتظر اكصه يله اجه شون حظ عندي

اجتي رونق كالت تعالي تعشي كتلها .... روحي ماشتهي 

نومت جمال ونمت وياه ماكو حلم محلمت بي كلها احلامي على شعري
كعدت الفجريه شبعانه نوم نزلت جوه كل نايم طلعت اكل  كملت رجعت للفراش اتصفح  بتليفون
باوعت رونق بسابع نومه
ظليت كاعده لحد مصارت بتسعه غفيت كعدت على صوت رونق تكعد بيه
كمت كتلها شكو كالت كومي امي خابرت على اسد حتى يتغده يمنا

غرام... شكو يتغده يمنا
رونق.... كومي يله جمال كعد من شوكت وبدلتله وامي وكلته
غرام.... اي زين حكوم هسه كمت غسلت ونزلت جوه ساعدت رونق بالغده وكملنا امي جتي عليه
ام غرام.... امشي روحي بدلي عدلي شعرج حيجي رجلج

رونق.... روحي روحي تزيني قبل ماتنكتلين

غرام .... شكد مكروها ... صعدت فوك كعدت اسشور شعري والحلو بسرعه خلصت قبل جنت اظل شكد ونصه اعوفه لان اتعب
خليت شويه مكياج لابست فستان مورد صيفي نزلت جوه واني كلسع اباوع عالساعه وتوتر سمعت صوت جرس ندك اني باوع على رونق كتلها.... عزه اجه شسوي

رونق..... ههههههه هسه شحيسوي عده هي رزاله وخلص روحي طلعي فتحيله انتي حتى تخلصين من هالتوتر

غرام .... لا انتي طلعي فتحي اني من يدخل ادخل عود
ركض رحت وكفت جوه الدرج حتى ليشوفني راحت رونق دخل اسد وجان شايل جمال دخلوا للصاله اجتي رونق ... يله تعالي
غرام .... هسه والله ادخل روحي يمهم
راحت رونق دخلت يمهم
سمعت اسد يكول لارونق وينها .. رونق كلتله هسه حتجي .. اني اعرف اسد مشتاقلي مادام قبل يجي يتغده يعني بس يريد يشوفني
رحت وكفت يم باب الصاله جان كاعد بس منزل راسه يلعب ويه جمال رونق شافتني دخلت هي بسرعه كامت طلعت
اني تقدمت خطوه بكلبي اكول ارفع راسك عاد شوفني
امي التافت عليه ومبتسمه الي هسه امي شكو  تتبسمين حتنسحل بنتج فد شويه
ماعرف شون طلعت هلو
بسرعه رفع راسه عليه ظل صافن عليه وعيونه مركزه ويايه

غرام... شونك ... وجهه شون صافن ومركز عليه بحيث اني اريد اتقدم عليه اخاف شفته عقد حواجبه بسرعه
اسد ...  هاي شمسويه
غرام.... هزيت راسي شنو ... التاف على امي كلها هاي شمسويه وياها وكف

ام غرام... يطول شويه تغيير باع شون لايكلها لخاطري لاتحجي عليها هالمره

غرام... اني اهز راسي ويه كلام امي عود ايدها اباوع عليه واحس دخان كام يطلع منه رد كعد بس كلشي محجه اني رجعت للمطبخ لكيت رونق  تباع عليه مصدومه دكلي ... كلشي مسوه

غرام.... لا  بس هذا الهدوء الذي يسبق العاصفه
رونق... سكت يمكن لان امي كاعده
غرام ... حضرنا الغده وكعدنا ناكل طبعا اني ماتقرب من يم اسد هو كاعد بصفحه واني بصفحه بس هو ماكل زين حتى امي كلتله شو ماكلت كلها ماشتهي بس كمل اكل وراح
حتى امي كالت اسد ضاج من شافج كاصته مبين حتى ماكل
اني كتلها هسه شمسويه قابل هو مو كل كم يوم يروح يزين بس اني حرام.

اني الشجاعه تطلع بس كدام اهلي كدام اسد تروح كملنا ترتيب المطبخ اني ورونق واخذت جمال وصعدت بي فوك انومه شفت تليفوني جايني مسج من اسد قبل ساعه يعني اول ماطلع دزه كاتب 💬تعالي للمشتمل

اني قريت المسج وجتني الخوفه بيتنا يعني حيسويلي شي حتى محد يسمعني
اجتي رونق كتلها اسد دازلي مسج يريدني اروح لبيتنا

رونق...لبيتكم شعنده
غرام... برأيج
رونق.... يكتلج
غرام.... لا ياخذني بالاحضان
رونق... حتروحين
غرام.... لا كانما ماقريت الرساله
رونق.... اي خبلي بزايد عليج

غرام.... وره عشر دقايق دك تليفوني شفته اسد دكلي لان مارحتله
جاوبته واجاني صوته العصبي بدون الو بسرعه كال وينج
غرام... جنت انوم جمال
اسد... عوفي يم رونق وتعالي للبيت
غرام.... اي هسه اجي

سديته باوعت على رونق كتلها حروح بس الله عليج عشر دقايق وتعالي عليه كوليلي جمال كعد يبجي  تعالي

رونق...  ههههههه غرام ١٠ دقايق اذا مظهرتي نبلغ الشرطه

غرام.... بالغي بالغي  رحت عدلت شعري ورشيت عطري الي يحبه لبست عباتي وحجابي وطلعت
............
رونق.... بعد كلام جدي الي وجلال ماشفته ولا شافني جنت مشتاقتله كلش بس اعرف جلال مادام حجه ويه جدي خلص
بس جنا نحجي بالتليفون ونسولف بس لا اني اجيب طاري شحنسوي من يجي جدي ولا هو
بمره جنت هسه  مخلصه محاضره نزلت اني وصديقاتي اكلنا شغلات خفيفه ورجعنا صعدنا لان كان عندنا محاضره
اجتي بنيه اعرفها بالشعبه كلتلي اجه خطيبج سئل عليج بس كتله نزلت هي وصديقاتها

باوعت عليه كتلها خطيبي
كالت ايي هو كال اني خطيبها حتى كلش حلو خوش خطيب وتغمزلي
اني صراحه فرحت لان جلال اجه حتى جنت مستغربه لان اجاني لان مكايلي.
بسرعه طلعت تليفوني دكيت عليه كتله.. هاحبيبي وينك
جلال... بدوام بعدني
رونق.... ترى مفاجئتك نكشفت صديقتي كلتلي جاي سائل عليه وينك جنا ناكل اني والبنات من جايني

جلال... منو هذا الي جايج
رونق... اني من شفت صوت جلال تغير عرفت اكو شي غلط كتله ... يعني مو انت جاي لشعبتي تسئل عليه

جلال... اكلج اني بدوام منو هذا الجاي سائل عليج
رونق... والله مادري نزلنا ناكل اني وبنات من صعدت بنيه ويانه كالتلي خطيبج اجه سئل عليج واني عبالي انت

جلال.... ومنو هذا الحيوان
رونق... مادري جلال يمكن البنيه مفتهمه غلط او مو اني خاف رونق ثانيه بشعبتي وهاي عبالها عليه

جلال... خلصي محاضرات وكبل للبيت وماتعوفين صديقاتج مفهوم
رونق... اي حبيبي قابل وين اروح بس والله شون فرحت عبالي جايني

جلال... شفايتلي لو جايج
رونق... يله مظل شي ويرجع جدي وينفتح الحصار

سديته من جلال صديقتي بان كلتلي.... ليش جذبتي عليه وكلتي اكو رونق ثانيه ويانه

رونق ... مسمعتي صوته بسرعه تغير واعرف حيظل ياكل بروحه ويمكن اشوفه جايني

رنا... منو هذا لعد الجاي
رونق... مادري يجوز مو اني .. دخلنا محاضره الاخيره وطلعنا نزلنا وطبعا جلال المحاضره كله يدز مسجات خلصتي رجعي متروحين منا ومنا عرفت جلال ظال باله يمي
نزلنا جوه وجنا نمشي اني والبنات سمعت صوت واحد صاح رونق  التافيت شفت انسان مجان يخطر على بالي اشوفه بحيث ظليت مصدومه هذا جابه هنا تقرب علينا كال ... مرحبا

رونق... جابك هنا
انمار.... جيت اشوفج ميصير
رونق... انت تخبلت شنو هالوقاحه العندك انت الي صاعد سائل عليه وكايل خطيبها
انمار... اي اني ردت اشوفج
رونق... انمار لتخليني اخابر جلال يجي وتعرف شيسويلك
انمار.... هههه وجدي لازم حيكسر كلامه ويشوفج
رونق... اي يكسر كلامه مثل مايكسر راسك عفته ومشينا اني والبنات وهو ظل يمشي ورانة يصيح خل احجي وياج وروحي
رنا صديقتي تكرص بيه دكلي اوكفي احجي وياه حتى يولي لان لازك بينا

وكفت انداريت عليه كتله ... انمار روح والله اخابر جدي اكله عليك

انمار... زين تعالي شويه بس احجي وياج ترى محاكلج
رونق.... تقدمت خطوه عن البنات كتله ... انمار روح ترى زوتها اني ترى على ذمه رجال حرام عليك صونه ياخي مو ابن عمك

انمار... وهو ليش مصاني شو يعرف اني وياج سوه واجه اخذج مني

رونق... هو شنو اخذني اني لعبه مثلا انمار كافي والله لعبت نفسي من هالسالفه عوفنا بحالنه

انمار ... ترى ادري بيج انتي وجلال مشاكل ورايده من جدي تفصخين بس جدي مقابل

رونق... ظليت اباوع عليه هذا شمدريه كتله ... ماكو هيج حجي اني لو اموت ماعوف جلال افتهمت عفته ومشيت اني والبنات
والبنات يسئلون عليه اني جنت مسولفتلهم عنه شويه وعن سوالفه الي مسويهن ويايه فيكرهوا على كرهي
وصلت للخط لكيت جلال يدك عليه جاوبته
كلي ... انتي وين
رونق... هسه حصعدت بالخط
جلال ... اي زين اكو شي صار وياج
رونق... لا حبيبي مصار شي كملت محاضرات وطلعت
جلال... ماشي حبيبي من توصلين كليلي
رونق... اوكي.  جوجو
جلال... عيونه
رونق... احبك هوايه
جلال.... واني اموت عليج

سديته من جلال وصعدت للخط ظليت اتلفت عالشارع اشوف انمار خاف لاحكني 
ياربي هالمصيبه شوكت اخلص منها هسه مو خاطب متروح تلتهي ويه خطيبتك ظليت الطريق كله افكر شون اذا عرف جلال هذا جايني للجامعه والله يموته هو واكف على شعرايه
وصلت للبيت وصعدت سبحت ونزلت حضرنا الغده اني وغرام وتغدينا كملنا جنت اغسل اماعين الغده بس بالي يم جلال خاف يعرف هذا جاي وهم ماريد اظم عليه شي
كلت خلص بس اكمل ماعين اصعد اخابر جلال واكله
كملت وصعدت فوك لكيت جلال داكلي سولفنا شويه وسديته بس ماكدرت احجي لان جنا نسولف حلو ونشاقه ماردت اخرب هالحظه من وره انمار
اني اعرف اني حكول لجلال وماظم عليه بس ماعرف شون اكله
للعصر واني بالي مشغول خاف جلال يعرف وخاف يعرف متحمل كمت لبست عباتي ونزلت لكيت غرام كاعده بصاله كتلها حروح لبيت عمي اريد اشوف جلال ضروري

غرام .... شكو صاير وجدي
رونق.... ماتاخر وسالفه ماتتحمل احجيها بتليفون ماطول بسرعه ارجع خاف امي تسئل عليه
غرام.... امي نايمه روحي بسرعه بس لاطولين خاف تكعد وتحجي عليج

رونق.... ماشي طلعت من بيتنا ورحت دكيت جرس بيت عمي فتحلي باب فهد من شافني رجع سد الباب ويحجي من وره الباب
فهد... شكو جايه مو جدي كال ممنوع توصلين هنا  اخابر جدي
رونق.... ههه افتح ماطول بسرعه ارجع... فتح الباب شويه ودخلت جان يكلي
فهد.... شكو شمسويه مصيبه ومتحملتي وجيتي
رونق.... شمسويه قابل بس اريد احجي ويه جلال بشغله ضروري
فهد.... شنيه
رونق....انت شعليك عفته ودخلت للمطبخ التافيت عليه كتله ... وين جلال

فهد.... شعليه اني
رونق.... يله اححي قبل لاتكعد امي .. صار فعد يهز بيده كلي ... نوب حتى امها ماتدري سيدنا فوك بغرفته

رونق ... صعدت ركض رحت دكيت باب غرفته سمعته كال ادخل فتحت الباب ودخلت هو جان مدد بس شافني بسرعه وكف وابتسم

رونق... هلو
جلال .. هلا حبيبي تعالي
رونق ... دخلت للغرفه وكفت يم الباب كتله . شونك
جلال... زين شنو متحملتي تنتظرين جدي
رونق.... هههههه اي متحملت
جلال.... شون بله اني ويه هالبنيه واني بالكوه متحمل كل شويه اوكف يم بابكم اريد ادكها واتعوذ من شيطان وارجع للبيت
رونق... ههههه
جلال... تعالي كعدي
رونق...لا ماريد .. جلال اريد اكلك شي بس من هسه لا تعصب ولاضوج ماشي
جلال...شكو
رونق... ظليت متردده احجي بس بعدين كلت اول وتالي لازم احجيله كتله باع جلال اليوم  شفت انمار بالكليه .. ظليت انتظر جوابه ظلي يباع عليه كلي ... اي
رونق... اني جنت ويه البنات وهو اجه حجه ويايه بس اني والله منطيته مجال يحجي ... اني احجي شفت جلال ابتسم  كلي .... ماكو داعي تحلفين ترى اني واثق بيج وادري انتي متنطين مجال لاي احد

رونق... من حجه هيج ابتسمت كتله ... بس جلال هو يدري بالمشكله الصارت بينا وحتى يدري جدي مانعنه نشاوف

جلال... اي ادري

رونق... تدري بهذا الشي
جلال ... اي اعرف اني ادري بيه اليوم جايج للكليه
رونق.... تدري  . شفته سحب تليفون فتحه كلي .. باعي  شفت صورتي بملابسي مال اليوم بس اني ممنتبه وماخوذه من بعيد شفت هاي محادثه انمار وكاتب بيها شوف اني وين اليوم

اني باوعت على جلال كتله جنت تدري جايني لعد ليش ماكلتلي جنت منتظر اجي اكلك مو

جلال... ماكلت لان كلت خاف مشفتيه وماردت اشغل بالج بهذا الحيوان وكلت هي لو شايفته حتجي دكلي
من شفتج دخلتي للغرفه عرفت شايفته اليوم ولا متكسرين كلام جدي هيج

رونق... ابتسمت اله كتله والله اني من بالكليه اريد اكلك بس صراحه جنت مستحيه منك

جلال... على شنو تستحين ماكو شي تستحين منه بس اني سويت اللازم وياه

رونق... سويت ..شفته ابتسم كلي
جلال... رحت كسرت ايده الي اخذتلج الصوره
رونق... ظليت اباع عليه كتله ... جلال تعبت من هالسالفه كول لجدي عليه حتى يجوز من عدنا يعني كمت تكتل بي  اكثر ماتاكل وتشرب

جلال .... ههههه زمال مال ضرب لا تشغلين بالج بي بعد مايتقرب بس هو يسوي هيج حتى ينرفزني واروح اكتله
وماكدر اكول لجدي ماريد احد يجب طاريج بكلمه وخاصه انمار حقير كلشي يطلع منه  لان اذا صارت هيج هالمره اكتله من صدك

رونق.... وتالي يظل هيج
جلال... تعرفين اني ليش مستعجل اريد نزوج واحد من الاسباب هذا حتى بعد مايكدر يتقرب ويسد حلكه وينجب
رونق... زين كول لاسد
جلال... اكلها ماريد احد يجب طاريها دكول كول لاسد

لتخافين ميكدر يسوي شي يعرف كلش زين ماسكتله اني
رونق.... اكيد ميكدر لان يعرف انت ورايه
جلال... اي هذا الكلام الحلو
رونق... يله حبيبي حروح اني قبل لتكعد امي كلش ارتاحيت من حجيتلك .. تقرب لزم ايدي باسها كلي امشي اني اوصلج
نزلنا اني وياه همزين ماكو احد بس فهد كاعد بصاله مرينا من يمه سمعته يكول ... اذا ماكول لجدي عليكم

بس جلال اختصرها عليه كله ... كوله

وصلني للباب بيتنا دخلت ركض غرام جانت كاعد بصاله كتلها ..امي وين
غرام ...بعدها نايمه

رونق... نزعت عباتي وكعدت يمها
غرام ... شصاير
رونق... مصاير شي بس اشتاقيتله رحت اشوفه
غرام ... اشتاقيتيله شو ممرتاحتلج
رونق... مشكلتج 
.........
غرام....بيتنا جان بعده مكامل بي كم شغله ناقصه من اسد ينزل اجازه  يكمل بي نواقص
هو مشتمل بصف بيت عمي
طلعت اتمشى للبيت شفت باب مفتوح دخلت وبقيتها مفتوحه حتى رونق اذا جتي تدخل بسرعه عليه
وصلت للباب الداخلي اريد افتحها ايدي ترجف حرفيا
دخلت جان البيت ضوه خافت بي مشيت اتلفت منا ومنا ادور عليه وصلت للمطبخ الي الوحيد بالبيت كامل
لكيت اسد كاعد يدخن رفع راسه باوع عليه

كال... تعاي
غرام.... توجهت اله بس بكلبي اكول ليش خايفه منه هسه انتي مو زعلانه منه
وصلت شويه يمه خليت مجال بينا حتى اي عمليه غدر صير اكدر اصرف

اسد ... نزعي خل اشوف

غرام ... باوعت ياشرلي على حجابي اني ايدي بسرعه سحبت الحجاب وكعدت اعدل بشعري
هو من سحبت االشال تنهد تنهيده كلت على عالتنهيده حنضرب شفته كام وكف
اني وكف رجعت خطوتين ليوره والله يخوف تقرب عليه وصل يمي وقريب كلش عليه
كلي .... منو كلج كصي
غرام.... محد اني عجبني والله تعبني الشعر طويل..  جنت احجي بمسكنه
اسد... يعني طلعتي ورحتي للصالون بدون علمي وصخمتي وكصيتي شعرج واني محذرج متوصلين المكص يمه صح لو لا

غرام... والله شعري تعبان جان وحتى كله لو شايلته لو مسويته ظفيره والله تعبني
اسد.... من شوكت طلعين بدون مادري
غرام... صوته جان عالي بحيث سديت عيوني من جان يحجي لان صوته عالي
كتله... والله اخر مره بعدين اني دكيت عليك اريد اكلك

اسد...اي دكيتي وليش ماكتيلي ها ليش ست غرام
غرام... مو انت حجيت ويايه من وره خشمك واني
اسد... ضجتي وعناد بيه رحتي كصيته مو
غرام.... والله مو عناد ... اني بسرعه جمعت دموعي بعيوني

اسد .... ماشي غرام مو لغيتيني وكانما مموجود طلعين وترجعين بكيفج اني صدك حخليج على كيفج بعد

غرام... اني جنت اباوع عليه الي فجأة صار يحجي بهدوء جنت اباوع عليه ومركزه وياه كتله ... شنو يعني

اسد.... من تاخذين قرارت كلها بكيفج طلعين وتعوفين البيت وتاخذين امج للمستسفى وترحين للصالون بكيفج وتكصين شعرج الي وانتي من هالكدوتج تعرفين اني ماقبل

غرام.... اني ليش طلعت من البيت مو من وراك

اسد... اي هاهيه مو من  ورايه هاهيه بعد
غرام... ظليت اباوع عليه  كتله ... شنو هاهيه

اسد... بعد شسوين اني مالي علاقه اطلعين اطبين ازينين كرعه تنزعين الحجاب مالي علاقه بيج

غرام... ظليت اباوع عليه ماعرف شجاوب
كتله ... ماشي اذا انت ترتاح هيج سوي الي يعجبك عفته وطلعت
رجعت للبيت  امي باوعت عليه شافت عيوني باجيه كالت ... واني اكول صالحوا
كتلها... احسن اني ماريد نصالح عفتها وصعدت فوك ظليت فوك جان جمال بعده نايم
رونق اول مادخلت كالت.... خوما سوالج شي

غرام.... نزعت عباتي وحجابي رحت كعدت يمها كتلها ... كلشي مسوالي

رونق... والله
غرام.... اي والله بس كال بعد مالي علاقه بيج شسوين سوي
رونق.... عزه عاد لو ضاربج اهون من هالكلام

غرام... شسويله والله تعبت منه حتى تعبت هلكد ماخاف منه

رونق ظلت تحجي ويايه لان شافتني ضايجه تالي كتلها حنام اني شويه هي عافتني ونزلت
اني ظليت مدده بعدين كلت على شنو ضايجه هو اصلا
اني قابل شسويت
شويه ونزلت جنت بعدني عالدرج سمعت امي ورونق يحجون امي دكول لرونق اكبر غلطه سويتها من قبلت اسد يتزوج غرام فرق بيناتهم جبير وهو جبير حتى تفكيره مو مثل تفكيرها

رونق... والله سالفه مو لان بيناتهم فرق بالعمر بس ترى اسد اكو سوالف مزودها على غرام يعني واذا كصت شعرها يعني صار

ام غرام... والله حتى امي من كتلها اسد خطب غرام بوكتها  كالت شكو حشمريها هيج شمره هو اكبر منها وبنتج بعدها صغيره انطيها لواحد نفس عمرها اكبر منها بسنه بسنتين مو هيج

اني واكفه على الدرج اسمع كلام امي هذا شي اول مره اسمعه منها هي ابد متنطي بااسد كدامي بس نقهرت لان حجت على اسد بحيث نزلت بسرعه دخلت للصاله باوعت على امي كتلها ... اسد عمره محسسني اني وياه بيناتنا فرق صح هواي نزاعل ونصالح بس هاي سوالف صير ويه الكل بس هو مقهور مني هالمره مو بس علمود شعري بس لان صادفت وياها هواي شغلات
وحتى اني زعلانه منه وبعدني زعلانه منه على الي سواه

ام غرام.... ياامي اني غير اشوفج صالج كم يوم حتى اكل ماتكلين ودايما بالج مشغول قابل ماشوفج

غرام... باوعت على امي حسيتها شايله همي ومقهوره عليه كتله... هسه باامي متعلمتي علينا احنا دايما هيج

رونق... مخابيل
غرام.... ولي ترى احجي شمسويه  ... رونق باوعت عليه وخزرتني حتى لاحجي لامي بسرعه كالت ولي ولي وعافتني وكامت

امي باعت عليه كلتلي شون حظلون انتي بصفحه وهو بصفحه

غرام ... ظليت ساكته يعني شجاوب بس نقهرت عليها شايله همي
صعدت فوك ظليت حايره والله ماعرف شسوي فكرت ارجع للبيت حتى لو اني واسد منتحاجه بس حتى امي ترتاح لان شفتها كلش شايله همي
لزمت تليفون دكيت على اسد اريد اكله تعال اخذني للبيت حتى لو متحجي ويايه بس كدام امي حتى ترتاح ...... يتبع ❤️

__________
حبايبي الحلوين قراءه ممتعه وشكرا للتعليقات الحلوه الي تنطيني طاقه ايجابيه

سوزان ليث❤️