رواية حب جنوني الفصل الحادي وستون 61 - بقلم سوزان ليث

انفتحت الباب قوي ودخل اسد اني ظليت اباوع عليه والخوف ماليني بسلا سمعنا
صرنا وحده تباع عالثانيه هو دخل باوع علينا وراح للكنتور طلع ملابسه وكال اريد ابدل بطريقه عصبيه

البنات بسرعه كامن طلعت اني كتله وين حتروح
مجاوبني نزع تشيرته ورديت كتله حبيبي احجي وياك شبيك
باوع عليه وبيده التشيرت جان يشمره عليه بطريقه عنيفه
كتله شبيك اذيتني

اسد.... احمدي ربج حامل انتي جان مارحمتج
غرام .... اني كلت اكيد سمعني اكيد كمت وكفت كتله اسد ليش تحجي ويايه هيج شمسويه اني شفته تقرب عليه حيل اني كرد فعل خفت لايضربني خليت ايدي على بطني هو وكف يمي ولازم شعري من وره حيل بس ماصرخت حسيت استاهل
اسد.... كلبه تخلي يعزمكم عبالج عبرت عليه سؤالج تعرفين المزوجه التحجي ويه واحد تعرف خال عينه عليها شيسموها ها تعرفين
غرام ... اسد شعري اخ والله هو حرجني والله اسئل البنات ماقبل وجنت ناويه اكلك والله
اسد... شوكت دكليلي ها من خلصت السنه بت النعال
غرام ... اسد كافي دتاذيني داكلك والله ماقبل وروح ابويه حتى ماكلت من الجابه ... هدني حيل وصرخ بوجهي
اسد....ماريد اشوف وجهج هنا تولين بيت اهلج لا اجرم بيج

غرام ... عافني وطلع وسد الباب حيل اني بس طلع كعدت احس نفسي حتخربط صرت ابجي واشهك بسرعه دخلن البنات عليه شافوني منهاره جوي ركض عليه

نبأ... غرام سوالج شي احجي
غرام ... هزيت راسي لا
رونق... صوتنا جان عالي خرب بالحظ
نبأ... لتبجين حبي ميخالف هسه عصبي هسه يهدء ويجي يصالحج
غرام ... شيصالحني كلي ماريد اشوف وجهج
رونق... ميخالف خل يهدء وبعدين كعدي حاجي

غرام ... ظليت شويه بعدين لابست عباتي واخذت جم غرض ونزلت اني والبنات شافتني مرت عمي وجهي مبين باجيه وصوته جان عالي
كتلها حروح لبيتنا ابات رادت تعرف ليش ماحجيت شي كتلها ماكو شي عفتها وطلعت رحت لبيتنا وامي ستلمتني عفتها وصعدت فوك خليت يمها رونق تحاجيها
ظليت ابجي ومقهوره كلش يعني يعرفني احبه وماشوف غيره وحامل منه بعد شكو مثلا
دخلت عليه رونق
رونق .... حبي كافي تبجين مو زين عالنونو
غرام ... رونق عوفيني بحالي صالي شكد مزوجه ابد معاملني هيج
رونق... يله ميخالف مو جنتي دكولين ضرب الحبيب مثل اكل الزبيب
غرام .. ماكتلني بس جر شعري
رونق... ديله عيوني هسه بالليل شوفي جاي علينا .. كومي امي مسويه تكه بالفرن بس ريحتها كافي
غرام ... ماريد وخري من يمي
رونق... ولج تفوتج ودهينه اويلي اروح افطر
غرام ... امداج جوعتيني كومي خل ناكل
رونق... ههههههه دمسحي دموعج بالاول

رونق ... نزلنا فطرنا  وعادي وضلينا نشاقه ويه غرام حتى تفك بالليل ندكت الباب كلت هلا اكيد اجه اسد ياخذ غرام صحت منو كال اني اسد
رحت فتحت الباب وفات بالباب
اسد... ها شونج
رونق... الحمدلله ادخل
اسد... لا ماريد وينها
رونق.. فوك مدده
اسد... هذا دواها مماخذته وياها ونطيها هاي الفلوس لان باجر التحق
رونق... اسد والله مو مثل ممصور والله هي مقبلت يعزمنا وحتى ماخلت شي بحلكها وظلت ترزل بينا لان احنا ا ريد ناكل
اسد... رونق اني اعرف بغرام شنو لو اخليها بين مليون رجال اعرف اخلاقها
رونق... اي لعد شنو المشكله اذا تعرف اخلاقها
اسد... شكو ضمت عليه دكول خفت زين ليش خايفه واني اعرف ذاك الحيوان يوميا شوفه
رونق... صح يوميا شوفه بس هي متحجي وياه
اسد... اعرف بس هاي سالفه مال ضم عليه 100 مره محذرها ومجوز ترد ضم عليه
رونق... زين حتلتحق ومسلم عليها
اسد... احسن خل تتعلم تعرف وراها رجال وهي مو مثل قبل
رونق... بس والله خطيه من اجتي من بيتكم هي بس تبجي وحتى اكل مكلت
اسد... عوفيها هسه جوع وتنزل تاكل يله مع السلامه
رونق.. مع السلامه

رونق... عائله مخبله واحد اضرب من الثاني دخلت شفت غرام واصله لنص الدرج

غرام ... هذا اسد مو
رونق... هزيت راسي اي
غرام ... وينه اشو مدخل
رونق... لا جاب دوه مالتج ناسيته هناك وهذه الفلوس كال انطيها الج لان باجر التحق
غرام ... شنو يلتحق بعد يومين يله يلتحق
رونق... اي يكول عدنا مشاكل بدوام
غرام ... حيروح وممودعني
رونق... هسه هو جم يوم ويرجع قابل مهاجر ... بعدين حجيت وياها وهو ضايج لان ضامه عليه هذا الموضوع واصلا شغله غيره
غرام ... هسه شسوي
رونق... بطلي ضمين عليه
غرام ... منيه الكالتلي مادام راحت السالفه لدكوليله
رونق ... مو اني 😁

........
نبأ... وره فتره كلش قصيره اني ومحمد طبعا علاقتي مو مثل قبل وياه يعني الثقه نعدمت عندي صح كام يدكلي هواي يحجي ويايه اكثر من قبل كلشي تمام بس بيوم جان نهايه رمضان فرحنا للسوك كلنا نشتري ملابس فصادفت هاله هناك فاني لازم اسلم كدام اهلنا فسلمت عليها واني ابوسها كلتلي اريد احجي وياج
كتلها شتحجين كالت شغله تفيدج اليوم ادك عليج وجاوبيني
وراها رجعت للبيت واني افكر شتريد هاله مني اكيد تحجي بسالفه محمد
المهم كلت لرونق كالت هم حتغثج لجاوبيها خل تولي
بس بداخلي فضول اعرف شبيها شنو الي تريده مني كلت اجاوبها حتى اكتل هذا الفضول
وره الفطور دك تليفوني شفته هاله صعدت فوك وجاوبتها
الو
هلو حبي شونج
زينه
اكيد عندج فضول تعرفين شنو الي رايدته منج
لا عادي شوفي هاله اذا على محمد ترى محمد هو الي اختارني ماكو داعي ترجعين تفتحين دفاتر قديمه
- لا حبي بالعافيه عليج محمد انتي محمد موصلج شغلات يمكن موزينه عليه مو
- اني ومحمد منحجي بشي مو مهم عدنا شغلات اهم نحجي بيها
- ههههه باعي نبأ اني ماعندي شي وياج يشهد الله بت عمي واحبج واريدلج الخير اكيد بس لازم تعرفين محمد على حقيقته
- وشنو هي حقيقته
- محمد وره خطوبتكم بااسبوع رجع يخابرني تعرفين لو لا
- انتي كذابه تريدين توكعين بيني وبين محمد
- كلتلج ماعندي شي وياج انتي مسئلتي نفسج هاله ليش فرطت بمحمد مادام يحبها ومدلله وشتريد يجيبلها ويحبها مكلتي هاي هاله مخبله عافت هيج شخص بهاي المواصفات
- سئلت ومحمد كال متستاهل
- ههههه مو كلتلج مشوه صورتي محمد الي انتي فرحانه بي ابو نسوان دوري بتليفونه اسماء البنات متروسه بي وكلها يكول بدوام والف حجه يطلع ومن كمت افتش وره راح جابله تليفون خاص يحاجي بي حبيباته السريات ومن كشفته وكلتله بعد ماريدك كام يتوسل بيه حتى ارجعله بس ثقتي بي معدومه شنو اليجبرني اعيش ويه واحد ماعندي ثقه بي

- بس محمد تغير
- لا وداعتج عمره ذيل الجلب ميعدل فديري بالج حبيبتي منه
- ليش دتكليلي هذا الكلام
_ لان اعرفج على نياتج واي شي صدكي
ولا عبالج بس مخابرات بين صديقاته لا حبيبتي شغلات اكبر وانتي افتهمي

سديته من هاله واحس جسمي كله يرجف ظليت لازم التليفون ودموعي تنزل ليش محمد هيج يسوي بس هو تغير مو مثل قبل هو وعدني
ظليت اقشمر نفسي واحجي ويه روحي واطمنها بس كلبي ممطمن
عده جم يوم ومحجيت لمحمد على مكالمه هاله وراها اهل محمد عزموني عالفطور يمهم
صعبه شخص تحبي ماعندك ثقه بي لان متحس وياه بالامان ابد واني حالتي جانت لاسر عدو ولا حبيب مثل الغركانه
عفتها على الله كلت تعرف بيه اني على نياتي وحتى لو احبه لمحمد بس ربي انت كلت الطيبون للطيبات واني تعرف شنو بكلبي حتى لو احبه متقبل اخذ واحد هيج
اجه محمد عليه اخذني ورحنا لبيتهم طبعا اني مو على بعض ودايما كل ماباع على محمد اكول معقوله بعده يحجي ويه بنات ومبطل سوالفه
رحنا لبيتهم وطبينا جانو خواته جايات حتى المزوجات وكلهم علمودي جايات بقيت واكفه يمهم بالمطبخ سوالف وضحك ونحضر الفطور هو يجي يوكف يمي ويحجي شوكت ياذن  ترى واكف على شعرايه
ويخلي خواته يضحكن صار الفطور وكلنا كعدنا على سفره وحده وجنت كلش فرحانه هيج انتي مرت الجبير شي حلو وخاصه خواته يموتون على محمد وصارو يحبوني على حبهم
وره الفطور بدا محمد يتحرش بيه جنت واكفه يم اخته هديل اسولف اني وياها واجه محمد بدون اي مقدمات لازم ايدي وجرني واني اكله وين يمعود فضحتنا وهو يكلي داشوفج شي فوك وهديل تضحك
صعدت فوك اول مدخلنا الغرفه جرني حضني ظل لازم وجهي ويبوس بي
ويكلي
محمد...والله احبج متعرفين من جنتي زعلانه صار بيه مثل الواحد المضيع امه لانومي نوم ولا اكلي اكل بهذلتي احوالي والله

نبأ.... لو تحبني صدك مجان سويت السويته
محمد... نبأ اني مو نبي كل واحد يغلط بس وداعت حبي الج محد مالي عيني غيرج
نبأ... هاي ماليه عينك ورحت حاجيت غيري لعد لو مماليتها جان سويت
محمد ... ههههههه والله ماكدر لسانج
نبأ... دفعته ورحت امشي كتله اي هذا اليكول الصدك يطلع موزين
محمد... نونو انتي مال محمد حتى لو ظليتي زعلانه انتي مسجله باسم محمد محد يكدر ياخذج مني
نبأ... جان شفت غيرك وعشت حياتي
محمد... وكلبج ينطيج تعوفين محمد حبيبج
نبأ.... ينطيني لان كلبي ميحب الخاينين
محمد... شنو اليرضيج حتى ترجعين مثل قبل
نبأ... ماكو شي يرجع مثل قبل صدكني بس اني اذا مشيت بس لان احبك بس صدك مره ثانيه لو جيب العشيره كلها لبيتنا ماقبل ارجعلك
محمد... نونو انسي هذا الموضوع اروحلج فدوه
نبأ... ظليت ساكته رحت كعدت عالجربايه وظليت افكر بكلام هاله بعدين سكتت كلت كافي صايره بس انك عليه
شفته راح فتح الكنتور طلع فستان اسود ظليت فاتحه حلكي من جماله كتله محمد هذا الجبته من دبي

محمد... اي ذيج المره نسيت اشوفجياه عجبج
نبأ... يجنن محمد
محمد... يله كدري
نبأ... باوعت عليه صفح كتله لابله
محمد... ههههه وداعتج يله اساعدج
نبأ... لا عيني شكرا شفت قياسه كتله نفس قياسي ماكو داعي يله رجعه اجه جرني كلي

محمد.... بروح عمي الا تكدريه
نبأ .... ههههههه امشي ماكدر عود من نزوج اللبسه بسبعه
محمد... والله اشككه وماخلي احد يشوفه
نبأ... شكو جايبلياه مثلا
محمد... حتى تلبسيه اليه
نبأ.... هههه اصلا اشتريته من جنا اصدقاء
محمد... يا اصدقاء من يوم الحجيت وياج كلت هاي الي
نبأ... ههههه بس ماكدره وخر

نزلنا جوه وهو كالب وجهه لان ماقست الفستان وكلسع يسولي اوكفيلي ويضحكني
كعدنا جوه وجان واحد من خواته رجلها يصير ابن عمتي فكعدت وهو ستلمني يشاقه هو ومرته
محمد كاعد كبالي ويسويلي كومي واني على عناده ماكمت بالاخير كام كال يله نبأ تاخرتي حتى ارجعج  اخته كالتله  محمد احنا رجعها بطريقتا

محمد... لا شنو سالفه مكطم اني اوصلها
نبأ...كمت سلمت عليهم وعمتي دزت شغلات لامي ولابويه ورجعت وبطريق استلمني شنو متستحين كاعده تشاقين ودك سوالف ويه زوج شروق
كتله ترى ابن عمتي شنو سالفه
كلي واذا صخمان خلاني اخرب ضحك كلي اضحكي اضحكي واني جدي مستلك
قبل منوصل البيت نزل كلي خل اشتري جكاير
نزل فاني من الملل فتحت الجكمجه باوعت مسدس واوراق وتليفون سامسونك اني شفت التليفون حسيت واحد ضربني بطلقه بكلبي حسيت كلام هاله كله صح  اخذته شفت مقفول صعدت راسي شفته ديعبر ويجي عليه ماعرف شنو الخلاني اخذ التليفون واخلي بجنطه بسرعه وسديت الجكمجه وكعدت بس احس كلبي حيطلع من مكانه ماعرف من الخوف ماعرف شنو الخلاني اصرف هيج
صعد هو جايبلي شغلات نطانياها
وكرصني من خدي كلي بصياح ولج احبج
ابتسمت اله ردت اضيع الخوفه مال التليفون
رجعني للبيت سلمت عليه عادي حتى ميحس بشي اذا شافه ماكو
نزلت للبيت واني بس اريد انزل حتى افتح الجهاز
بسرعه نزلت وانطيت الغراض لامي الدزت مرت عمي وصعدت فوك ايمان بالغرفه كالت شبيج جفلتيني
اني مجاوبتها بسرعه طلعت الجهاز من الجنطه افتح بي ميفتح افتح بي ميفتح

ايمان ... هذا مال منو
نبأ... لكيته بسياره محمد
ايمان ... مالته
نبأ... بسيارته جان يعني مالتمن
ايمان ... وانتي متعرفين بي
نبأ... لا
ايمان... شبي مديفتح خاف مابي شحن
نبأ... خليته عالشحن وكعدت يمه انتظر يفتح
......
رونق.. جنت كاعده وره الفطور ضايجه دزيت لجلال وينك كلي
حطلع ويه جماعتي  كتله جلال طلعني والله ضايجه كلي وين اطلعج حتى محاضرات وخلصتي ماكو حجه كتله ماريد كلشي منك حروح اشوف غيرك يطلعني
طبعا مسجات هو شويه ودكلي كلي اولاًصايره متعرفين تحجين
كتله وثانياً كلي لابسي عبايه وخل روح ناكل نفتر بالمنطقه كتله وشكو لامي كلي كليلها حروح لبيت عمي وهي شمدريها
كتله لا جلال اخاف كلي لعد ابقي ضايجه
كتله ماشي لابست العبايه وخليت شويه مكياج خفيفه ونزلت كتلها لامي حروح يم البنات وطلعت
شفت جلال مشغل السياره اني بسرعه طلعت اتلفت منا ومنا وبسرعه للسياره صعدت واني احس مسويه فد جريمه قاتله سارقه بسرعه كتله حرك حرك قبل ليشوفونا

جلال... شبيج بابا دترجفين
رونق... حرك واني الخوف كاتلني بعدين كلت محد يدري امي عبالها بيت عمي
شغل اغاني وظليت اسولف ويه جلال ونحجي سوالف عادي
وراه رحنا اكلنا ايس كريم يعني تقريبا طولنا اقل الساعه نص ساعه اقل وكتله خل نرجع خاف انكشف
دخلنا لفرعنا واني داكله حلال والله نفسيتي جانت تعبانه كلش همزين غيرت جو وهو يكلي يله ميخالف جم يوم وننخطب ونطلع ونطب ومحد اله دخل
وصلنا للبيت شفت بيت عمي كلهم بشارع وامي وغرام يبجون اني احس انشليت كتله جلال شكو
كلي ماعرف فهد وعمي ومرت عمي وايمان ونبأ كلهم بره فد منظر هوسه عبالك صايره فد مصيبه بالبيت
كتله جلال خاف اسد بي شي كلي لا ماكو شي ان شاءالله
وكفت سياره والكل ندار يباع منو بسياره امي وكفت عن البجي وتباع عليه واني انزل نزلت واني اتقدم على امي كتلها شكو ......يتبع❤️