تحميل رواية «حب تخطي كل الظروف» PDF

" القرار "

¤قاسم أخد قراره وكلم صاحبه:

- رامى أنا موافق على الخطة بتاعتك بس اقسم بالله إلياس لو حصله حاجه بسبب غبائك وقتها هتندم على اليوم إللى شوفتني فيه.

- متقلقش إلياس هيكون في حمايتي بس خططتنا هتتنفذ يوم الفرح بس لحد اليوم ده يا قاسم أنا عاوزك تبين قدامهم كلهم إنك مبسوط وفرحان بجوازهم علشان محدش يشك فيك يعني كل المطلوب منك شوية حركات كده

قاسم زفر بضيق وأردف:

- تمام موافق رغم إنه صعب عليا اعمل كده بس اوك هحاول

- تمام يا صاحبي اقفل دلوقتي وارجع البيت علشان مامتك لسه قافله معايا وقلقانه عليك

- حاضر

¤قاسم قفل الفون وركب عربيته واتنهد بحزن:

- أنا عارف إنه القرار اللي اخدته غلط وكل اللي بعمله ده غلط بس معنديش حل تاني مينفعش اضيعكِ من ايدي يا حبيبة

أنتِ حب عمرى ومينفعش تروحي لغيرى حتى لو اضطريت ارجعكِ بالقوة.

¤اخد نفس وبدأ يسوق عربيته وبعد وقت رجع البيت، اول ما دخل والدته جريت عليه بخوف:

- كنت فين يابني كل ده قلقتني عليك

ابتسم وباس ايدها:

- متقلقيش يا ست الكل أنا كويس ولله بس كُنت مع صحابي والوقت أخدنا أنا اسف قلقتكِ عليا

بصتله بحزن وأردف بهدوء:

- أنتَ كويس يا قاسم ؟

- أنا كويس يا ماما متخفيش بس عاوز انام بصراحة

- طيب يابني روح ارتاح وبعدين نتكلم.

- ماشي تصبحي على خير.

- وأنت بخير يا حبيبي.

طلع اوضته وهي فضلت بتبص لطيفه بحزن كبير وبتتمنى ابنها يكون بخير.

~~~~~~~~

تاني يوم وفي تمام الساعة السادسه مساء.

كان إلياس قاعد مع مامته وبيتكلموا لحد ما قاطع دخولهم سيف.

إيه يا عريس مجهزتش ليه

- هروح أجهز دلوقتي بس أنتَ كُنت فين

- كنت مع صحابي، قوم يلاه هساعدك

- لا روح أنتَ ذاكر ومتشغلش بالك

أردف بمرح: ياعم قووم بلا مذاكره احنا عندنا كام إلياس يعني

ضحك: ماشي يلاه بينا

زينة بصتلهم بحب:

- ربنا يحافظ عليكم يا ولاد ويفرح قلبكم

¤بعد دقايق

- يابني حرام عليك طلعت كل الهدوم وبرضو مفيش حاجه عجبتك

- ما أنا محتار، بقولكَ إيه أختار أنتَ انا زهقت.

سيف ضحك وقام مسك بدله ورفعها قدامه:

- بصراحه البدلة ديه حلوه وهتطلع جامده عليك

اتنهد بيأس: طيب هدخل أشوفها

سيف بصله وضحك:

- طيب أدخل بسرعة علشان متتاخرش.

- ماشى بس أنتَ مش هتروح معانا؟

- لا روح أنتً أنا نازل أتابع الماتش

- ماتش!!!

- ماتش إيه ؟

ضحك وبصله بفخر:

- يابني الأهلى بيلعب السوبر النهاردة إيه هو الحب أخد عقلك ولا إيه؟

- لا ولله يعني الماتش أهم من جوازتي يا سيف

سيف بصله بضحك ووقف قدامه على السرير:

- وأهم مني شخصيًا أنتَ عاوزني اسيب الأهلي واروح اقعد فى اتفاقية جواز لا لا أنا مش بتاع الكلام ده خاالص

- لا بصراحة أمي عرفت تربي فيك.

سيف ضحك وإلياس بصله بغيظ وفتح باب الاوضة:

- يا ماااما، أنتِ يا نبع الحنان تعالي شوفي ابنكِ.

زينة دخلت ووقفت قدامه بخوف:

- فى إيه يابني مالك؟

- ابنكِ المُحترم عاوز يسيب اخوه علشان يروح يتابع الماتش.

زينة بصتله وكتمت ضحكتها:

- بصراحة يا إلياس يابني أنتَ اخترت معاد غلط يعني مش لاقي غير وقت الماتش نروح نطلب إيد البنت.

- لا ثواني كده هو حضرتكِ كمان عاوزه تتابعي الماتش زيه.

زينة بصت لسيف وضحكِت:

- لا طبعنا يا إلياس جوازتك أهم بس لو الأهلى فاز يا واد يا سيف رن عليا

سيف بص لإلياس المصدوم ووقع من الضحك:

- زوزا أنتِ مش بتهزقيني كل يوم ؟ بس أنتِ روحي روحي روحي.

- يا بختي الاسود

سيف كتم ضحكته ووقف جنبه:

- لا مهو بختك على حسب مين هيفوز،

- يعني لو الأهلى فاز وقتها بختك هيبقاا قمر ولو خسر بختك هيبقاا اسود أنتَ وعروستك.

إلياس هز رأسه بيأس وبصلهم:

- امممم طيب اتفضلوا انتوا الاتنين اطلعوا علشان اغير هدومي قبل ما تحصلي حاجه بسببكم.

سيف ضحك ولف دراعة حولين زينة وطلع وهو بيغني وإلياس فضل واقف متنح.

~~~~~~~~~~

- مالكِ يا حبيبة متوتره كده ليه

- بصراحه خايفه ماما تعمل مشكلة مع ألياس وأهله أنتِ عارفه أنها مش موافقة على الجوازه ديه

منة ابتسمت ورتبت على ضهرها:

- متخفيش يا حبيبتي بإذن الله خير

اتنهدت بخوف:

- يارب بس في حاجه تانيه مخوفاني اووي

- هي إيه

حبيبة بصتلها ببراءة:

- خايفه الأهلي يخسر السوبر يا منة

- منة خبطت ايدها على جبينها وبصتلها بيأس:

- لا هو بصراحة إلياس ربنا يكون فى عونه عليكِ.

- منة بقولكِ إيه أنا هنزل للضيوف وأنتِ تابعي الماتش وقوليلي مين فيهم هيفوز.

منة ضحكِت وقومتها:

- طيب قومي ياختي العريس قرب ييجي وبكره اسألي آدم مين فاز

- فكرة برضوا

منة رفعت رأسها وايديها لفوق:

- يارب صبرني.

~~~~~~~~~

بعد وقت كان ألياس و والدته قاعدين فى فيلا غانم ابراهيم

وقصادهم قاعد غانم وحبيبة وشيرين و والدتها وبيتفقوا على كل حاجه تخص جواز حبيبة وألياس لحد ما قاطعتهم شيرين:

- بس أنا عندي شرط يا ألياس لو أنتَ حابب تتجوز بنتي

ألياس بهدوء:

- اتفضلي حضرتكِ تقدري تشرطي

شيرين بجمود:

- شرطي إنك اول ما تتجوز حبيبة تعيش معانا هناا وتسيب بيت اهلك ولو موافقتش على الشرط ده معنديش بنات للجواز ودلوقتي القرار فى إيدك أنتَ.

كلهم بصولها بصدمة وخصوصا حبيبة اللي بصت لإلياس بخوف.

ألياس أخد نفس عميق وو.....

دلوقتي إلياس اصبح فى موقف صعب وما بين نارين والقرار فى ايده حبيبته ولا أهله ياتره هيختار مين؟

"بداية الطريق"

شرطي أنك اول ما تتجوز حبيبة تعيش معانا هناا وتسيب بيت اهلك ولو موافقتش على الشرط ده معنديش بنات للجواز ودلوقتي القرار فى إيدك.

كلهم بصولها بصدمة وخصوصًا حبيبة إللي بصت لإلياس بخوف.

ألياس أخد نفس عميق وأردف بأحترام:

- حضرتكِ عارفة أنتِ بتقولي إيه؟!

- أزاى عاوزني أسيب الست إللى ربتني وتعبت معايا لحد ما وصلتني لهنا واعيش معاكم!!

وأزاى تفكري إنه ممكن حد عاقل يوافق على الشرط ده؟... شيرين هانم أنا عارف أنا هحافظ على بنت حضرتكِ أزاى ومتقلقيش حبيبة هتكون فى عنيا ومش هخليها تحتاج لأي حاجه أو تحس بأي نقص لكن أنا مستحيل أوافق على شرطكِ ولو وافقت يبقي مينفعش تأمنيَ على بنتكِ معايا لأنه إللي يسيب أهله لأي سبب كان وينكر خيرهم ميبقاش راجل،

أهلنا هما حياتنا يا هانم وليهم كل الفضل علينا ومن غيرهم إحنا منسواش

إلياس بص لوالدته وتابع بحب وفخر:

- والست ديه تعبت اووى علشان تربيني ومستحيل أفكر أتخلىَ عنها لأي سبب حتىَ ولو علي حساب سعادتي وصدقيني أنا مُتاكد أنه حبيبة هتكون مرتاحة مع والدتي

زينه بصت لأبنها بفخر وشيرين كانت هترد بس قاطعها غانم إللى بص لإلياس بفخر وابتسامة:

- شيرين أكيد بتهزر معاك يابني ومش قصدها وأنتَ عندك حق، أنتَ لو فكرت توافق على شرطها كُنت أنا إللي هرفض اجوز بنتي ليك لكن كُل مره أنتَ بتثبتلي إنه بنتي أختارت الشخص الصح وأنا فخور بيك وبإذن الله خطوبتك أنتَ وحبيبة هتكون الأسبوع الجاى وبعدها بأسبوع كمان هنعمل فرحكم قبل ما اسافر

زينه ابتسمت وبصت لشيرين إللى كانت بتبص لغانم بغضب:

- متقلقيش عليها يا شيرين هانم حبيبة هتبقاا بنتي إللى مخلفتهاش ولو إلياس فكر بس يضايقها وقتها أنا إللى هقف فى وشه وبنتك هتكون بنتي ومكانتها هتبقا أغلىَ من غلاوة إلياس وسيف عندي

غانم ابتسم وأردف:

- وأنا متاكد من ده

إلياس بهدوء:

- بعد إذنك يا عمي ممكن أتكلم مع حبيبة على انفراد

- أكيد يابني اتفضل

إلياس أخد حبيبة وطلع الجنينة وشيرين اتعصبت وطلعت أوضتها

غانم بص لزينه بأحراج:

- أنا متأسف جدًا على تصرفات شيرين هي بس متعلقة بحبيبة اووي ومش عاوزها تبعد عن عنيها

زينه بابتسامة:

- أنا مقدرة قلقها وخوفها على بنتها بس أوعدك بنتك فى عيني

غانم أبتسم وفضلوا يتكلموا في بعض الأمور إللى تخص فرح إلياس وحبيبة

~~~~~~~~

- أنا اسفه على كلام ماما معاك.

ابتسم وبصلها:

- أنا كنت عارف إنها هتحاول تحط شروط تعجيزيه علشان توقف الجوازة بس متقلقيش أنا مستحيل اسمح لحد إنه يفرقنا بس قبل كل حاجه وبما إنه النهاردة بدأية طريقنا وحياتنا سوا أنا عاوز اعرف حاجه وحده أنتِ مبسوطه؟

- اكيد

- يعني مش هيجي يوم وتندمي على اختياركِ ده

بصتله بحب وعيون بتلمع:

- مستحيل أندم أني اخترتك بس توعدني تفضل معايا

ابتسم ومسك ايدها:

مستحيل افكر اسيبكِ، إحنا هنفضل مع بعض مهما حصل وحتى لو حاولوا يفرقونا حبي أنا وأنتِ هيتخطى كل الظروف الصعبة بس عاوز افهمك حاجه مهمه وهي أنه أمي واخويا ليهم مكانة كبيره اوووى عندي وعلشان كده لو...

قاطعته وأردفت بحماس:

مامتك ست طيبة اوووى وأتاكد إنها هتكون أمي التانيه وبالنسبة بقا للاستاذ سيف فا اعتبره من النهاردة اخويا الصغير

¤إلياس ابتسم وعيونهم اتلاقت،

لثواني، أو دقايق، أو وقت كبير مقدروش يحسبوه،

كل واحد جوه قلبهُ مشاعر كتيرر للتاني،

أصوات قلوبهم مسموعه، وعنيهم بتحكي كلام كتيرر صعب الكلام يعبر عنه

فاقوا من شرودهم على صوت الخادمة إللي نادتهم يدخلوا.

فى اللحظة ديه كانت شيرين واقفة فى البلكونة وشيفاهم، ومش قادره تحدد هي مبسوطة لإنه بنتها مبسوطه ولا خايفه التاريخ يعيد نفسه وبنتها تعاني نفس معاناتها، مشاعرها متلخبطه، ما بين سعادة وخوف، اتنهدت ودخلت اوضتها.

¤ إلياس سلم على غانم وأخد زينة ومشيوا بعد ما اتفقوا على كل حاجه.

غانم بص لبنته بسعادة:

- مبسوطة يا بيبوا

حبيبة ابتسمت بخجل واترمت فى حضنه وهو بادلها الحضن بفرحة كبيره:

- مبروووك يا حبيبتي ربنا يتتملكِ على خير.

- الله يبارك فيك يا بابا

طيب يلاه يا حبيبة بابا روحي ارتاحي وقولي لمنة تنزل علشان اوصلها

- حاضر تصبح على خير

- وأنتِ بخير يا حبيبتي

¤حبيبة طلعت اوضتها وغانم اتنهد وطلع اوضته وهو مضايق من شيرين، فتح الباب ودخل قعد قصادها:

- ممكن افهم إيه اللي أنتِ قولتيه للولد ده؟

وبأى حق تطلبي منه طلب زى ده

شيرين بصتله بغيظ:

- يعني أنا غلطانة علشان خايفه على مستقبل حبيبة وعاوزها تعيش معانا

غانم ضرب كف بكف وبصلها بيأس وخرج علشان يوصل منة بنت اخوه ويرجعها البيت وشيرين فضلت مضايقة.

~~~~~~~

إلياس وزينة دخلوا البيت وهما فرحانين وإلياس تنح اول ما شاف سيف مشغل اغاني للأهلي وقاعد بيرقص.

سيف اول ما شافهم قفل الاغاني وجري على إلياس وأردف بخوف:

- إيه عملتوا إيه؟

زينة بفخر:

- اكيد وافقوا طبعنا

سيف بصلهم بفرحة وسقف بحماس:

- ده كده ليلة حمراء وفرحة كمان، إلياس هيتجوز والأهلى أخد السوبر

زينة بصتله بفرحة وزغرطت:

- ده كده الفرحة بقت فرحتين.

إلياس ضحك عليهم وقعد قصادهم:

- لا الأهلى أخد دماغكم خااالص.

سيف قعد جنبه وبصله بخبث:

- اممم زى ما بيبوا أخدت عقلك بالظبط

زينة بضحك:

- بس يا ولااا ديه مش واخده عقله بس ديه واخده العقل والقلب وحالته هتبقااا صعبه الايام الجاية

- انتوا بتتريقوا عليا يعني ؟

سيف ضحك وبصله:

- لا طبعنا يا بروو إحنا نقدر نعمل كده!

- طيب أنا داخل انام وأنتَ روح ذاكر علشان المدتيرم يا فاشل.

إلياس سابهم ودخل اوضته وسيف بص لزينة وضحك:

- أنا محدش عارف قيمتي فى البيت ده

- طيب قوم يا فاشل علشان تنام

- أنا داخل انام اصلًا أنا خسارة فى البيت ده وخسارة فيكم

زينة مسكت المخده ورمتها عليه وهو ضحك وقرب بأس جبينها ودخل ينام وهي دخلت اوضتها وفضلت تدعيلهم.

~~~~~~~~

تاني يوم حبيبة طلعت من غير ما تكلم شيرين بس اتصدمت اول ما شافت .......

اتصدمت اول ما شافت قاسم واقف قدام البيت وقاعد على عربيته.

اتنهدِت بخوف وهي بتدعي متحصلش مشكلة جديده بسبب قاسم.....قربت ووقفت قدام قاسم إللي اول ما شافها ابتسم بحب وقام من فوق العربية وأردف بحب:

- إزيكِ يا بيبوا

- أنا بخير يا قاسم بس أنتَ إيه موقفك هناا ماما جوا لو حابب تشوفها

- أحم بس أنا مش جاي علشان خالتي أنا جاي اقولكِ كلمتين مهمين وهمشي

- قاسم من فضلك لو جاي علشان تعمل مشكلة ف.......

قاطعها وأردف بتوتر:

- لا ولله أنا مش جاي اعمل مشكلة أنا جيت اباركلكِ على جوازكِ وأتأسفِلكِ على إللي حصل فى الشركة وخناقتي مع إلياس.

بصتله بصدمة ممزوجة بخوف:

- قاسم أنتَ كويس؟ قصدي يعني أنتَ مش بتعتذر لحد مهما كُنت عامل.

ضحك ومدلها كف ايده:

- لا يا ستي أنا كويس بس كُل الموضوع أني حابب ابدأ من جديد وبما إنكِ اكتر حد أنا ضايقته مني وعملتله مشاكل فأ قولت لازم اصالحكِ فا ياريت تقبلي اعتذاري

حبيبة ابتسمت بطيبة قلب وسلمت عليه:

- خلاص مش زعلانة واتمنى من قلبي ربنا يوفقك فى إللى جاى وتلاقي بنت الحلال.

قاسم اتنهد بحزن وأردف لنفسه:

- للاسف مفيش بنت ممكن تدخل حياتي غيركِ أنا آسف أنى بكدب عليكِ بس معنديش حل تاني

فاق من شروده على صوتها:

- قاسم أنتَ سرحت فى إيه

ابتسم وأردف بحب:

- مفيش، المهم بما إنكِ رايحه الشركة ف تعالي أوصلكِ لأني رايح اقابل والدك واتكلم معاه

بصتله وأردفت بتوتر:

- بس ..

قاطعها:

- مش عاوز كلام كتيرر يلاه بيناا

بصتله بيأس وبعد إصرار منه وافقت تروح معاه وبعد وقت وصلوا الشركة وللأسف فى اللحظة ديه كان واقف إلياس وآدم قدام الشركة وإلياس بصلهم بغيره وكان هيروح يتخانق مع قاسم بس آدم وقفه وأردف بهدوء:

- اهدأ وبلاش تسرع

بصله بغضب:

- أنا عاوز افهم بس هى جايه معاه ليه؟

آدم كان هيتكلم بس قاطعه قاسم:

- أنا اللي آصريت اجيبها معايا لأني عاوز اتكلم معاك قدامها

إلياس بصله بضيق:

- وحضرتك بقا عاوز تتكلم معايا فى إيه؟

قاسم اتنهد وحاول يسيطر على غضبه لأنه عمرهُ ما اعتذر لحد بس علشان خاطر خططته تمشي صح، عنده استعداد يدوس على أى حاجه فى مقابل خطته تنجح وحبيبة تكون ليه رسم على وشه ابتسامة مزيفه وقرب وقف قدام إلياس:

- بصراحة أنا جاى علشان اعتذرلك على إللي حصل يوم الخناقه واتمنى تقبل اعتذارى

إلياس وآدم بصوا لبعض بصدمة ورجعوا بصوا لقاسم وإلياس أردف بشك:

- قاسم باشا بيعتذرلي!! لا أكيد فى حاجه غلط، قولي ناوي على إيه يا قاسم ؟

حبيبة وقفت قدام إلياس وبصِتله برجاء:

- قاسم حابب يبدأ حياة جديده يا إلياس وهو جاى مخصوص علشان يبدأ معاك ومعايا من جديد ده حتى هو قالي إنه هيقنع ماما بجوزانا

إلياس عقد حواحبه وبص لقاسم بصدمة اما آدم فكان مربع ايديه قدام صدره وعنيه متركزه على قاسم وبيبصله ببرود.

حبيبة أردفت برجاء:

- لو سمحت يا إلياس سامحه مهما حصل قاسم ابن خالتي وكلنا بنغلط لو سمحت.

إلياس ساب حبيبة ووقف قدام قاسم وأردف بشك:

- اممم وحضرتك بقاا فى يوم وليلة غيرت رأيك و وافقت على جوازي من حبيبة رغم إنك اكتر حد بيكرهني مش غريبة شويه!

قاسم أخد نفس عميق وأردف:

- لا طبعنًا أنا مقولتش أني هتغير في يوم وليلة بس بحاول اصلح اخطائى، وابدأ من جديد وبصراحه أنا وعدت والدتي أني مش هقرب لحياتكم مره تانيه وهنسه حبيبة وأنا عارف إنه أنتَ مش هتصدقني بس مع الوقت هتعرف أنى اتغيرت بعد إذنكم

قاسم سابهم ودخل وإلياس بص لحبيبة:

- مش عارف، مش قادر اصدقه بصراحه حاسس إنه ناوي على مصيبة بس اتمنى يتغير بجد ويكون كلامه صح.

حبيبة ابتسمت وهزت رأسها بهدوء:

- متقلقش بإذن الله هيتغيرر يلاه بينا ندخل.

- تمام ادخلي أنتِ وأنا وآدم هنيجي وراكِ

- خلاص تمام متتاخروش

- اوك

حبيبة دخلت الشركة وإلياس وقف قدام آدم إللي مازال على وضعه و واقف شارد

- بتفكر فى إيه ؟

آدم اتنهدت وأردف بهدوء:

- لازم ناخد حذرنا الايام الجاية لحد ما نتاكد من كلامه أنا عارف قاسم كويس وإحنا مش عاوزين نصدق أى كلام وخلاص، هو يقدر يضحك على حبيبة بكلمتين لأنها طيبة وبتصدق الناس بسرعة بس إحنا لا وعلشان كده سيبهولي وأنا هحاول أعرف هو ناوي على إيه متشغلش بالك أنتَ.

- ماشي ربنا يعديها على خير.

آدم ابتسم وحضنه:

- هتعدي يا صاحبي متقلقش يلاه بينا علشان منتاخرش على شغلنا

- يلاه يا باشا

~~~~~~~

مّر اربع أيام بدون أحداث جديده غير إنه قاسم قدر يقنع شيرين بجواز إلياس وحبيبة وده خله الكل يستغرب من تصرف قاسم، وخصوصًا إلياس إللى بدأ يصدق إنه فعلا عاوز يتغير اما آدم ف مش مقتنع ومازال عنده شك إنه قاسم ناوي على حاجه كبيره وده خلاه يتفق مع سيف اخو إلياس أنهم يراقبوا قاسم تجنبا لإى مشكلة منه.

إلياس كان واقف قدام الفيلا ومنتظر حبيبة علشان ياخدها ويشتروا الدهب.

شيرين نزلت من العربية واستغربت اول ما شافته واقف قربت ووقفت قصاده:

- إلياس إيه موقفك هناا؟

إلياس بلع ريقه وأردف بتوتر:

- أحم بصراحه أنا مستني حبيبة بس هي اتأخرت.

- طيب يابني مدخلتش استنيتها جوه ليه؟

- بصراحة هو ....

قاطعته حبيبة إللى جريت على إلياس وبصتله بأسف:

- أنا اسفه بجد اتأخرت عليك.

ابتسم اول ما شافها:

- محصلش حاجه

بص لشيرين وتابع:

- بعد إذن حضرتكِ ممكن اخدها ونمشي؟

شيرين ابتسمت وأردفت بهدوء:

- أكيد طبعنا بس متتاخروش وبعد كده ابقا ادخل البيت علطول متوقفش بره،

البيت دلوقتي بيتك زى ما هو بيت حبيبة

شيرين سابتهم ودخلت وإلياس فضل واقف متنح

حبيبة ضحكِت على شكلة وضربته على كتفه:

- أنتَ لسه هتتصدم يلاه بيناا

- هي شيرين هانم تعبانة ولا ايه ؟

ابتسمت:

- بصراحة إللي حصل بفضل قاسم هو إللي كان طول الاسبوع إللي فات بيحاول يقنعها

إلياس اتنهد وأردف بغيره:

- طيب يلاه ياختي علشان هنتاخر

حبيبة ضحكت على غيرته وركبت العربية وهو اخدها وطلع وبعد وقت وصلوا محل المجوهرات

- يلاه يا ستي اختاري إللي يعجبكِ

حبيبة ابتسمِت ومسكت علبة الخواتم وعينها وقعت على خاتم كان شكله جميل اووي مِسكت الخاتم وخاتم تاني وبصت لإلياس بحيره:

- إلياس اختار أنتَ أنا مش عارفه اختار

ابتسم واختار اول خاتم هي اختارته وده فرحها اكتر:

- ده اجمل، مدي ايدكِ بقاا

حبيبة ابتسمت ومدتله كف ايدها وهو لبسها الخاتم وكان على مقاسها

وبعد ساعة من المناقشه ما بينهم اشتروا الدهب وإلياس اخدها وطلعوا على الاتيليه وبعد دقايق وصلوا ودخلوا.

إلياس مسك ايدها وابتسم:

- يلاه شوفي الفستان إللى يعجبكِ.

حبيبة دخلت وفضلت تلف فى الاتيليه وعينها وقعت على فستان وكان شكله جميل اووى بس تمنه غالي وكذلك كل الفساتين إللى عجبتها أخدت نفس عميق وبصتله:

- بصراحة أنا معجبنيش أى حاجه تعال نروح اتيليه تاني

ضحك وقرب سحب الفستان إللى عجبها ورفعه قدامها:

- طيب ادخلي شوفي ده

- بس

قاطعها وأردف بحب:

- مفيش بس يلاه بسرعة وهستناكِ هناا

اتنهدت ودخلت تقيسه وهو فضل واقف مستنيها ودقايق وطلعت وهي لابسه الفستان وشكلها يخطف القلب.... إلياس وقف متنح اول ما شافها

حبيبة وقفت قدامه ولفت حوليه بفرحة:

- أى رايك حلو؟

ابتسم ومسك ايدها لفها حولين نفسها مرتين وطبع قبله على جبينها وأردف بحب كبير:

- حلووو اووى طبعنًا

- أنتِ كده كده خاطفه قلبي من يوم ما شوفتكِ.

ابتسمت بخجل وسأبته ودخلت تغير وهو فضل يلعب في شعره ويضحك:

- شكلكِ هتتعبيني اووي معاكِ يا ست بيبوا

خلصوا وخرجوا، وإلياس حط الكياس فى العربية وأخدها وقعدوا على البحر.

- أنا هروح اجيب ايس كريم وشوية حاجات واجيلك متتحركيش من هنا

-خلاص اوك متتاخرش

ابتسم وهز رأسه بالموافقة وسأبها جاب ايس كريم وكل الحاجات إللى بتحبها حبيبة ورجع لقه شابين بيحاولوا يضايقوها حط الحاجات فى الارض وبصلهم بغضب وقرب وقف قدامها واشتبك مع الشباب.

فضل يضرب فى الشاب لحد ما اغمى عليه بس الشاب التاني طلع سكينة وقرب من إلياس وو...

حبيبة بصراخ:

- إلياااااااااس لا

ابتسم وهز رأسه بالموافقة وسأبها وراح جاب أيس كريم وكل الحاجات إللى بتحبها حبيبة ورجع لقه شابين بيحاولوا يضايقوها حط الحاجات فى الارض وبصلهم بغضب وقرب وقف قدامها واشتبك مع الشباب.

فضل يضرب فى الشاب لحد ما اغمى عليه بس الشاب التاني طلع سكينة وقرب من إلياس وقبل ما يطعنه كان حد مسك ايد الشاب ووقعه على الأرض ووقف قدام إلياس

حبيبة بصراخ:

- إلياااااااااس لا....

ثواني مرت كان فيها الصمت سيد المكان، حبيبة غمضت عنيها بخوف وثواني ورجعت فتحتهم وابتسمت بفرحة:

- قاسم !

إلياس كان واقف مصدوم وقاسم ماسك الولد التاني وبيضربه

الولد زق قاسم وأخد صاحبه وهرب وقاسم بص لإلياس وأردف بخوف:

- أنت كويس ؟

إلياس فاق من صدمته وهز رأسه بهدوء.

حبيبة بصت لقاسم بتساءل:

- قاسم أنتَ جيت أزاى؟

رامى صديق إلياس وقف جنبه وأردف بتوتر:

- كنا بنتمشى أنا وقاسم وبالصدفة شوفناكم وكويس إنه قاسم لحق خطيبكِ فى اخر لحظه.

إلياس بص لقاسم وابتسم:

- حقيقي مش عارف اشكرك ازاى

قاسم أردف بهدوء:

- محصلش حاجه كملوا سهرتكم ومتتاخروش علشان خالتى متضايقش

إلياس هز رأسه بالموافقة وقاسم أخد صديقه ومشى

حبيبة بصت لإلياس بخوف واترمت فى حضنه وهي بتعيط:

- أنتَ كويس؟ هو كان...

ابتسم وحضنها:

- متقلقيش أنا كويس ولله

بعدها عن حضنه ومسح دموعها:

- خلاص أنسى إللى حصل، وتعالى نكمل اليوم بتاعنا ، أنا جبتلكِ كل الحاجات إللي أنتِ بتحبيها

حبيبة اتنهدت بخوف:

- لا يلاه بينا نمشى من هناا

هز رأسه يمين وشمال وسأبها وراح جاب الِكياس ومسك ايدها وقعدوا جنب البحر:

- بالله حد يسيب الجو الجامد ده والحاجات ديه ويمشي أنتِ مجنونة

ضحكِت على شكلة وأخدت منه الأيس كريم:

- هو جو لطيف وجميل بس أنا كان مُمكن اخسرك النهاردة.

بصلها وابتسم بخبث:

- أممم خايفه عليا؟

بصتله بعنيها العسلي وأردفت بغضب:

- إلياس ممكن تُسكت علشان الموضوع مش هزار بجد لو قاسم مجاش فى الوقت المناسب معرفش كان مُمكن يحصل إيه.

ضحِك ونام على الأرض:

- خلاص بقااا يا بيبوا انسىَ وبعدين حتى لو قاسم ملحقنيش والولد طعني كنت هدخل المستشفى كام يوم واطلع.

حبيبة اضايقت من كلامه وضربته على صدره:

- أنتَ واحد مستفز ومعندكش احساس وأنا ماشيه

ضحك وقام مسك ايدها:

- استني يا مجنونه أنا بهزر معاكِ خلاص اهدي

قعدها جنبه وحاول يغير الموضوع لحد ما قدر ينسيها إللى حصل وفضلوا يضحكوا ويهزروا مع بعض

~~~~~~~~~

رامى كان واقف بيبص لقاسم بدهشة

قاسم بغيظ:

- بتبصلي كده ليه يا زفت

- بصراحة عجبني تفكيرك ولدين بلطجيه يحاولوا يضايقوهم وأنتَ تبقاا المنقذ قدامهم لا بجد براافوا عليك كل يوم بتبهرني بذكائك يابن الدسوقي

قاسم قعد فوق العربية وضحك:

- هو أنتَ بجد فاكر أني أنا إللى وراء الموضوع ده

رامي عقد حواحبه وبصله بعدم فهم:

- ايوه امال مين؟

قاسم ضحك وهز رأسه بيأس:

- بالله عيب عليك تفكر فيا كده،

اكيد لا طبعنًا أنا مستحيل اعمل كده، المُوضوع فعلًا كان صدفه مش اكتر أنا مستحيل افكر انزل للمستوى ده

- بصراحة مبقتشِ فاهمك خاالص يا صاحبي،

يعني أنتَ عاوز تبعدهم عن بعض وفي نفس الوقت أنتَ اللي أقنعت خالتك شيرين توافق على جوازهم وكمان كان مُمكن الشاب يخلص على إلياس النهاردة وتخلص من الموضوع بس برضوا حضرتك روحت انقذته.

- أنا أقنعت خالتي شيرين بجوازهم علشان خطتنا تمشي صح، ويوم الفرح محدش يشك مجرد شك صغير فيا أما بخصوص موضوع إلياس فأنتَ لازم تفهم إني مش بكرهُ ولا بتمنه تحصلهُ حاجه بس كل إللى عاوزه إنه يبعد عن حبيبة.

رامي ضرب كف بكف وبصله بيأس:

- طيب يلاه بينا نسهر علشان لو قعدت معاك اكتر من كده هتجنني

قاسم ضحك ونزل من فوق العربية:

- يلاه بيناا

~~~~~~~~

بعد وقت إلياس أخد حبيبة ورجعوا الفيلا أطمن عليها وسلم على اهلها ورجع بيته.

دخل البيت ملقاش حد استغرب ورن على سيف بس موبيله كان مغلق.

دقايق وزينة وسيف دخلوا وهما بيضحكوا وشايلين فى أيديهم كياس كتيره

- إيه كل ده وبعدين انتوا كنتوا فين

زينة أردفت بتعب:

- خد بس الحاجات ديه حطها على الأريكة وهجاوبك

أخد منها الكياس وقعد جنبها:

- كُنتِ فين بقااا والاستاذ كمان قافل تليفونه

سيف جاب كوباية مية وعطاها لزينة وأردف بمرح:

- مفيش يا سيدي روحنا جبنا شوية حاجات علشان خطوبتك وكمان اتصورنا شوية والفون فصل شحن بس كده

زينة اتنهدت وبصتله:

- المهم قولي جبت لخطيبتك الدهب والفستان

- اه يا ستي جبتلها كل حاجه

ابتسمت ومسكت شنطة وطلعت منها بدلة وأردفت بحب:

- طيب قوم قيس البدلة ديه وقولي أى رأيك

- برضوا عملتي إللي فى دماغكِ وروحتي اشترتيها

ضربِته على دراعه وبصتله بحنان:

- أنا عندي اغلىَ مِنكم يا ولااا

ابتسم بحب وقام باس ايدها و جبينها:

- ربنا يخليكِ ليناا يا ست الكل.

ابتسمت بحب:

- ويخليكم لياا يارب، يلاه بقاا ادخل قيس بدلتك.

- عيوني

سيف قعد جنب زينة بتعب:

- مااما حبيبتي شوفيلي عروسة زى الولا ده.

غمزتله وأردفت بمشاكسة:

- أجوز إلياس الأول وافضالك يا صغير

- ولله يا ماما أنا مش وأخد منكِ غير الكلام

- طيب قوم يا ابن""" من جنبي قووم

ضحِك وحضنها:

- خلاص بقاا يا زوزا قلبكِ كبير وبعدين أنا ليا غيركِ.

ابتسمت وكانت هترد بس فى اللحظة ديه إلياس خرج وهو لابس البدلة وشكله يخطف القلب.

سيف بأعجاب:

- وسع ياعم للباشا، إيه ياعم الجمدان ده.

زينة ابتسمت بفرحة وقامت حضنته:

- مبروك يا حبيبي ربنا يتمملك على خير ويحميك يارب

ابتسم وباس جبينها:

- الله يبارك فيكِ يا حبيبتي ويخليكِ ليناا

زينة اتنهدت بتعب:

- طيب يا ولاد يلاه ادخلوا ارتاحوا علشان عندنا شغل كتيرر بكره

إلياس بهدوء:

- ماشي بس أدخلي أنتِ الأول ارتاحي لأنكِ تعبتي اووي النهاردة

- إلياس عنده حق يا ماما أدخلي ارتاحي.

- ماشي تصبحوا على خير

- وأنتِ بخير

زينة دخلت نامت وإلياس دخل اوضته يغير البدلة وسيف فضل يلعب على موبيله.

~~~~~~~

تاني يوم غانم جاله تليفون صدمه و.....

(15)

تاني يوم غانم جاله تليفون مضمونه "أنه شِركته إللي فى المانيا حصلت فيها مشكلة ولازم يسافر"

قفل الفون واتنهد بتعب لأنه بكده هيبقا قدامه خيارين، اما إنه يلغي فرح إلياس وحبيبة لحد ما يرجع، او يقدم الفرح ويخليه بعد الخطوبة بيومين وبعدها يسافر، قعد على الكرسي وحط رأسه بين كفوفه وهو بيفكر وبيحاول يلاقي حل للموضوع ده.

آدم دخل الفيلا وقعد جنب عمه وأردف بقلق:

- عمي إيه إللي حصل ؟

غانم رجع بضهره لوراء وأردف بحيره:

- حصلت مشكلة فى شركتنا الموجوده فى ألمانيا ولازم اسافر قبل الاسبوع الجاى والمشكلة إنه فرح حبيبة قدامه اسبوع مش عارف اعمل إيه فى المشكلة ديه.

- طيب متضايقش نفسك اسافر أنا مكانك

هز رأسه بيأس:

- مش هينفع يابني لازم اروح أنا بنفسي، دلوقتي مقدميش غير خيارين، أجّل فرح حبيبة أو أقدم فرحها واخليه بعد الخطوبة بيومين وبعدها اسافر.

آدم فكر وقرر يستغل الفرصة ويقنع عمه يعمل الفرح بسرعة وبكده محدش هيقدر يوقف جواز إلياس وحبيبة.

ابتسم وأردف بحماس:

- خلاص يا إنكل نعمل الفرح والخطوبة الاسبوع ده.

- ايوه يابني بس هنلحق امتى نعمل التحضيرات وكمان إلياس واهله هيلحقوا امتى!

ابتسم بخبث:

- متقلقش سيبها عليا وأنا هتصرف وهعمل كل حاجه بس المهم حضرتك تديني موافقتك.

غانم اتنهد وأردف بهدوء:

- خلاص موافق، بلغ إلياس إنه الفرح والخطوبة هيبقوا فى نفس الاسبوع وأنا هحاول اقنع شيرين.

- خلاص تمام يا عمي بعد إذنك.

- اتفضل يابني وخلي بالك من نفسك.

- اوك يا عمي

آدم خرج من الفيلا وهو فرحان وكلم سيف وعرف منه إنه إلياس موجود فى البيت.

ركب عربيته واتجه لبيت إلياس.

ودقايق وشيرين وحبيبة رجعوا الفيلا بعد ما اشتروا كل الحاجات اللازمة للخطوبة

شيرين حطت الحاجات على التربيزه وقعدت جنب غانم وبصتله بتعب:

- مالك يا حبيبي شكلك مضايق؟

غانم بصلها وأردف بهدوء:

- أنا أخدت قرار إنه فرح إلياس وحبيبة هيتم بعد الخطوبة بيومين

شيرين بصتله بصدمة كبيره:

- إييييه! ليه الاستعجال ده؟

- حصلت مشكلة فى شركتنا الموجوده فى ألمانيا ولازم نسافر بعد أسبوع علشان نحل الموضوع

- طيب، ممكن نأجل فرحهم لحد ما نحل المشكلة ديه ونرجع.

- لا يا شيرين مش هينفع احنا مش عارفين الموضوع هياخد وقت قد إيه وكمان الناس كلها عرفت إنه فرح بنتكِ بعد اسبوعين والدعوات بدأت تطبع علشان كده الحل الأفضل أننا نقدم الفرح ونخليه بعد الخطوبة ولا إيه رايكِ يا بيبوا؟

حبيبة ابتسمت وأردفت بهدوء:

- إللي تشوفه يا بابا.

شيرين اتنهدت بحيره:

- خلاص لو انتوا موافقين وأنتَ شايف إنه ده الصح مقدرش امانع، موافقة

غانم ابتسم بحب :

- خلاص كده اتحلت المشكلة وآدم هيبلغ إلياس بقرارنا وهيتولى الموضوع.

شيرين بهدوء:

- خلاص وأنا هقوم ارتاح شوية لأني تعبت.

غانم ابتسم وهز رأسه بالموافقة.

~~~~~~~~~

- الأسبوع ده!!! بس ده مستحيل يابني هنلحق نجهز كل حاجه امتى؟ وكمان شقة إلياس لسه فيها حاجات كتيرر مجهزتش وكده مش باقي غير خمس أيام هنلحق نعمل إيه ولا ايه.

آدم ابتسم وحاوطها بدراعه:

- متقلقيش يا ست الكل أنا وسيف هنجهز كل حاجه وبخصوص شقة إلياس باشا أوعدك يومين بالظبط وهتبقاا جاهز.

- بس يابني.....

ابتسم وأردف بهدوء:

- صدقيني ده الأفضل بالنسبة للكل وعلى مسئوليتي مفيش حاجه هتبقاا ناقصه وفرحهم هيتم على خير.

زينة اتنهدت وبصت لإلياس إللي قاعد شارد:

- إلياس أى رأيك يابني.

إلياس ابتسم وأردف بحب:

- مش مشكلة يا ماما كده أحسن وبخصوص شقتي فا هي ناقصها حاجات بسيطه ويوم او يومين وهتخلص متقلقيش كله خير .

- خلاص يابني لو موافق يبقا على خير انشالله.

آدم ابتسم وأخد إلياس وطلع البلكونة وأردف بهدوء:

- مالك يا باشا حاسك مش مبسوط؟

- مش عارف يا آدم حاسس بخوف معرفش سببه إيه.

آدم ابتسم وربت على ضهره:

- متقلقش يا صاحبي هتعدي على خير صدقني أنا متاكد

إلياس ابتسم وحضنه:

- حقيقي مش عارف اشكرك ازاى على وقفتك معايا.

آدم ضحك وبادله الحضن:

- من امتى واحنا بينا شكر يا إلياس ده أنتَ صديق العمر.

إلياس بعد عنه وابتسم وقبل ما يرد فونه رن برقم حبيبة...... آدم ضحك وغمزله:

- رد عليها ياخويا رد

إلياس بصله بغيظ وضربه على كتفه:

- مش ناوي تبطل حركاتك ديه

- أنا رايح اشوف سيف وأنتَ شوف حبيبة القلب عاوزه إيه.

آدم دخل قعد مع سيف وإلياس فتح المكالمة:

- إيه يا بيبوا

- إلياس عاوزه اقابلك دلوقتي

- مال صوتكِ يا حبيبة فيه إيه؟

- مفيش أنا كويسه بس عاوزه اقابلك.

- طيب أنتِ فين.

- في كافيه النجوم إللي اتقابلنا فيه اخر مره.

- خلاص تمام عرفته ربع ساعة وهكون عندكِ.

- تمام متتاخرش

- اوك

~~~~~~~

|| بعد ربع ساعه ||

كان إلياس قاعد قدام حبيبة وقلقان:

- ممكن افهم مالكِ؟

بصتله بحزن وعيون مليانه دموع:

- أنا خايفه اووي

- خايفه من إيه؟

- مش عارفه جوازنا هيتم بسرعة وأنا حاسه بخوف وقلبي من مطمن خايفه تحصل حاجه تدمرلنا فرحتنا.

ابتسم بحب ومسك ايدها يطمنها:

- اهدي يا حبيبي، مفيش حاجه هتحصل وبعدين أنا معاكِ ووعدتكِ إني مش هسمح لحد إنه يفرقنا مهما حصل واوعدكِ مش هسمح إنه لحد إنه يدمر فرحتنا اهدي.

- إلياس أنا خايفه عليك اووي عندي احساس إنه فيه حاجه هتحصل.

ضحك وقام:

- طيب قومي معايا وتعالي نتمشي شويه.

اتنهدت وقامت معاه وهو أخدها وخرج يتمشوا

- اهدي يا حبيبة أنتِ بس متوتره من اليوم ده وأنا مقدر ده بس الموضوع مش مستاهل الخوف ده وبعدين احنا مع بعض وهنقدر نتخطى أى ظروف صعبه هتواجهنا.

ابتسم وشاورلها على راجل بيبيع غزل بنات:

- أنتِ بتحبي غزل البنات مش كده؟

ابتسمت وهزت رأسها بهدوء، فضحك وأخدها وراح اشترلها غزل بنات وكملوا مشي.

- لازم تبقي أقوى من كده يا حبيبة، إحنا ياما هتواجهنا ظروف صعبة علشان كده لازم تبقي قوية لأنكِ هتكوني العكاز إللي أنا بتسند عليه لو يوم وقعت وحبيبة إلياس مينفعش تخاف طول ما هو معاها.

- بس أنا مش بخاف طول ما أنتَ معايا؟ وعندي ثقة كبيره فيك صدقني، وأنه أنا وأنتَ هنواجه أى حاجه بس كل الموضوع أنى خايفه عليك.

وقف وبصلها بحب وحاوط وشها بكفوفه:

- أنا معاكِ متخفيش عليا مش هيحصل حاجه متتعبيش نفسكِ بالتفكير وافرحي بالأيام ديه لأنها مش هتتكرر مرتين.

ابتسمت وهزت رأسها بهدوء ولكن مازال جواها احساس بالخوف.

~~~~~~~~

قاسم دخل الفيلا وهو بيدندن ومبسوط قرب من والدته وطبع قبلة على جبينها:

- وحشتيني يا بلبله.

بصتله وضحكت:

- وأنتَ كمان يا قلب بلبله، قولي كُنت فين؟

قعد قدامها وأردف بهدوء:

- هكون مع مين غير مع رامي صاحبي

- طيب اطلع خد شاور وارتاح.

- ماشي، صحيح بابا جاي بعد يومين انشالله

ابتسمت وأردفت بحب:

- يجي بالسلامة

غمزلها:

- يعني على العيون اللي لمعت اول ما جبت سيرته.

ضربته بالمخده:

- طيب اطلع على فوق يا ابن....

ضحك وقاطعها:

- خلاص خلاص ماشي اهوو، وده مش خوف منكِ لا خاالص ده علشان وشكِ ميحمرش اكتر من كده.

قامت علشان تضربه بس هو سبقها وجرى على فوق.

- قاسم استنىَ خالتك شيرين كلمتني من شوية.

وقف على السلم وأردف بضيق:

- اممم وقالتلكِ إيه المرادي

اتنهدت وقعدت على الكرسي:

- قرروا إنه جواز إلياس وحبيبة هيتم بعد الخطوبة بيومين يعني جوازهم انشالله هيتم خلال الأسبوع ده.

قاسم بصلها بصدمة وطلع على فوق بدون ولا كلمة وهي فضلت بتبص لطيفه بحزن.

قاسم دخل اوضتة وهو متعصب، مسك فونه وكلم رامي:

- إيه ياعم ما أنا كنت معاك من شوية

أردف بغضب وصوت عالي:

- مش وقتك دلوقتي يا رامي ركز معايا فرح إلياس وحبيبة بعد اربع أيام.

- طيب اهدأ مفرقتش كتيررر خططتنا هتمشي زي ما خططنا بالظبط بس هقولك على كام حاجه لازم تعملها.

- قول يا رامي ناوي على إيه ؟

رامي ابتسم وأردف بخبث:

- بص يا باشا من بكره لحد يوم الفرح أنت المفروض منك إنك............

- نعممممم ده مستحيل مش هقدر اعمل كده.

-نعممممم ده مستحيل مش هقدر اعمل كده.

رامي أردف بهدوء:

- اسمعني أنتَ لازم تعمل كده علشان محدش يشك فيك.

- ايوه بس....

قاطعه:

- مفيش بس يا قاسم الموضوع كبير وأنتَ لازم تعمل إللى بقولك عليه علشان متوقعش فى مشاكل.

- ماشي بس خلي بالك إلياس ميحصلوش حاجه يا رامي.

- متقلقش يا صاحبي هيكون عندي كام ساعة وبعدين هيطلع متقلقش.

اتنهد بتعب:

- طيب اقفل دلوقتي.

- اوك باى

قاسم قفل المكالمة ورمه نفسه على السرير ودقايق وراح فى نوم عميق.

~~~~~~~~~~

تاني يوم كان الكُل بيجهز لخطوبة إلياس وحبيبة

شيرين طلبت من الميكب ارتست تيجي الفيلا وتجهز حبيبة، ومنة ورانيا صديقتها كانوا معاها.

قاسم و والدته راحوا لشيرين وغانم علشان يوقفوا معاهم.

منة كانت نازلة من على السلم وخبطت فى قاسم.

منة بأسف:

- أنا اسفه بجد مخدتش بالي

ابتسم بهدوء:

- محصلش حاجه خلى بالكِ بعد كده.

منة هزت رأسها ومشيت ونبيلة والدة قاسم كانت واقفة بتبصلها بأعجاب.

قاسم قرب ووقف قدامها وأردف بتحذير:

- متفكريش فيها حتى

نبيلة بصتله وضحكت:

- بصراحة البنت زي القمر.

- أنا مليش دعوه برضوا متعمليش أى حاجه من غير ما تاخدي رأى

ابتسمت وهزت رأسها بالموافقة:

- متقلقش بس برضوا هجوزك.

بصلها بيأس وضرب كف بكف وطلع يكمل باقي تجهيزات الخطوبة مع غانم.

نبيلة اتأكدت إنه مشى وراحت وقفت جنب منة و والدتها وفضلت تهزر معاهم

~~~~~~~~~

||بليل وفي تمام الساعة 8 || فى فيلا غانم ابراهيم

كان الكل موجود فى الحفلة وفى ضيوف كتيرر ومنهم رجال أعمال كبار.

قاسم كان بيحاول يتصنع الفرحة ويساعدهم فى كل حاجه زى ما رامي طلب منه

سيف قرب ووقف جنب قاسم:

- احم أنتَ قاسم مش كده؟

قاسم التقت وبصله بأستغراب:

- اه حضرتك مين

سيف ابتسم بمرح:

- أنا ابقاا......

- سيف فهمي اخو إلياس الصغير

قاسم وسيف بصوا ناحية الصوت وسيف ابتسم اول ما شاف آدم.

آدم قرب وحاوط سيف بدراعه:

- اعرفك يا قاسم ده سيف الاخ الاصغر لإلياس والاخ الاصغر ليا كمان.

قاسم ابتسم وسلم عليه:

- اتشرفت بمعرفتك جدا،

بس بصراحة مفيش شبه خاالص بينك وبين إلياس.

سيف ضحك وأردف بمرح:

- أقولك أنا يا شقيق بصراحه كده إلياس باشا بيشبه لبابا فى كل حاجه أما أنا فا طالع لنبع الحنان اللي قاعده بتضحك مع خالتك وراك ديه.

قاسم ضحك وبص لزينة إللى قاعده بتضحك مع شيرين ونبيلة ورجع بص لسيف:

- لا والصراحة نبع الحنان قمر ماشالله.

آدم وسيف ضحكوا وقاسم نسى نفسه وفضل يضحك ويهزر معاهم.

دقايق والاضواء اتقفلت والضوء بقاا متركز على السلم والكل بيبص لإلياس وحبيبة بأنبهار وإعجاب.

حبيبة كانت ماسكه فى دراع إلياس وبتبصله بحب وهو كذلك.

أخدها ونزل تحت أنظار الجميع وصوت التسقيف والتهليل من صحابهم.

غانم وقف قدام إلياس وحضنة:

- خلي بالك منها أنتَ هتاخد حتة مني حافظ عليها وإياك تفكر تزعلها

إلياس ابتسم وأردف بحب:

- متقلقش عليها أوعدك هحطها فى عنيا.

غانم ابتسم وبصله بفخر ووقف قدام حبيبة وحضنها:

- الف مبروك يا حبيبتي.

- الله يبارك فيك يا بابا.

شيرين وزينة باركولهم وبعد دقايق لبسوا الخواتم وبدأ الاحتفال.

إلياس أخد حبيبة ونزلوا يرقصوا سلو وقاسم كان بيحاول يسيطر على غضبه.

إلياس كان بيرقص مع حبيبة وشارد، حبيبة لفت ايديها حولين رقبته وأردفت بتساءل:

- سرحان فى إيه؟

ابتسم وحاوط خصرها وأردف بحب:

- أنا مش بحلم صح؟

- يعني أنتِ بجد أيام قليلة وهتكوني مراتي؟

ابتسمت:

- لا مش بتحلم احنا بجد مع بعض.

- تعرفي أنكِ كُنتِ بالنسبالي حلم كبير، ودلوقتي بحققه، من اول لحظه شوفتكِ وأنا بحلم تكوني مراتي، حبيتكِ اووي، كنت بدعي فى كل صلاه تكوني ليا ومعايا، كان عندي ثقة إنه ربنا هيتسجيب وهتكوني من نصيبي، رغم إنه كل يوم خوفي من إنكِ تكوني لغيري كان بيزيد، اليوم إللى كُنت هتقدملكِ فيه ووقفت قدام والدكِ كُنت مرعوب من فكرة إنه ميوافقش، ودلوقتي مش مصدق إنكِ خلاص هتكوني ليا بعد كل التعب ده.

كل كلمة كان بيقولها، كان شريط الذكريات بيمر قدامه، سهره طول الليل علشان يصرف على أهله وفى نفس الوقت يجهز شقة تليق بيها، ضغط الشغل، المشاكل إللى اتعرضلها فى الأيام الأخيره،

كل تفصيله محفوره فى قلبه، رجع من شروده وبصلها بابتسامة جميلة بس استغرب لمعة عنيها والدموع اللي بتحاول تخبيها، ميل عليها وهمس فى اذنها:

- ممكن افهم الدموع ديه ليه؟

رجع بضهره وقربها منه وهو بيبصلها بحب وحنان.

ابتسمت ورجعت حاوطت رقبته ومازالوا بيرقصوا:

- دموع فرحة، أنا عمري ما كنت اتخيل يجي يوم وحد يحبني الحب ده،

من زمان وأنا نفسي اعيش قصة حب زى ماما وبابا كده واهو الحلم بيتحقق.

ابتسم وقبل ما يتكلم النور قطع وكل حاجه وقفت.

آدم بص حوليه ملقيش قاسم اتنهد وقرب وقف جنب سيف:

- مش قولتلك مش هيعديها على خير.

سيف بصله وأردف بقلق:

- طيب وبعدين هنعمل إيه؟

- خليك أنتَ هناا وأنا هروح اشوف إيه اللي حصل اكيد هو اللي لعب فى عداد الكهرباء.

- طيب روح أنتَ وأنا هبلغ الضيوف إنه حصلت مشكلة صغيره وهتتحل دلوقتي بس متتاخرش.

- تمام

آدم التفت لقه قاسم ورامي داخلين مع بعض وعلى وشهم إبتسامة

آدم أخد نفس عميق وراح يشوف عداد الكهرباء لقاه مطفي وفي سلكه مقطوعه اتنهد بيأس:

- مستحيل تتغيرر يا قاسم.

آدم صلح السلك المقطوع، وفتح الكهرباء ودقايق والانوار رجعت اشتغلت.

آدم ابتسم ورجع وقف قدام قاسم إللى مبقاش قادر يسيطر على غضبه وخصوصًا إنه كل خططه بدأت تفشل.....قاسم بص لآدم بغضب وآدم بصله وابتسم ببرود.

اما سيف شغل الاغاني وخلى الكل يرقص معاه والفرحة والزغريط ملت البيت.

قاسم اتعصب وطلع من البيت وهو مضايق ،

رامي حاول يلحقه بس مقدرش،

قاسم أخد عربيته وبدأ يسوق بشكل جنوني وكل إللى فى دماغه شكل إلياس وهو بيحط الخاتم فى أيد حبيبة، ورقصه معاها وقربه منها، وضحكها معاه، كان بيضرب فى الدريكسون وهو متعصب وفجأة ظهرت قدامه عربية وو....

قاسم اتعصب وطلع من البيت وهو مضايق

رامي حاول يلحقه بس مقدرش

قاسم أخد عربيته وبدأ يسوق بشكل جنوني وكل إللى فى دماغه شكل إلياس وهو بيحط الخاتم فى أيد حبيبة، ورقصه معاها وقربه منها، وضحكها معاه، كان بيضرب فى الدريكسون وهو متعصب وفجأة ظهرت قدامه عربية قدامه والضوء ضرب فى عينه لف عربيته وحاول يتفادها بس للاسف عربيته اتخبطت فى شجرة كبيره والعربية اتكسرت من قدام وهو اتخبط، ودماغة نزفت واغمي عليه.

~~~~~~~~

الحفله خلصت والضيوف مشيوا اما غانم أصر إنه العيله كلها تتعشاء مع بعض، الكل كان فرحان وإلياس وحبيبة وسيف وآدم ومنة قاعدين بيهزروا ويضحكوا مع بعض ما عادا نبيله إللي قاعده لوحدها وقلبها مقبوض على ابنها الوحيد وعندها احساس إنه في حاجه مش كويسه معاه

حاولت تكلمه كتيرر بس مبيردش.

شيرين قربت وقعدت جنبه وأردفت بقلق:

- مالكِ يا بلبل؟ قاسم كويس؟

- معرفشِ يا شيرين مبيردش عليا وحاسه إنه في حاجه معاه.

- طيب اهدي يا حبيبتي انشالله خير أكيد طلع مع رامي او حد من صحابه.

نبيله بدأت الدموع تتجمع فى عنيها وأردفت بخوف:

- كلمت رامي قلي إنه طلع بقاله ساعتين من الحفلة وقالي إنه هيدور عليه، ويكلمني بس لحد دلوقتي مطمنيش عليه أنا خايفه عليه اووي يا شيرين.

شيرين كانت هتتكلم بس قاطعه صوت موبايل نبيلة برقم قاسم ابتسمت وقربت وقفت جنبها:

- اهو يا ستي بيرن عليكِ اتفضلي كلميه وقوليله ييجي علشان يتعشاء معانا.

نبيلة اتنهدت وفتحت المكالمة بلهفه وخوف وأردف بقلق:

- قاسم ابني أنتَ فين؟

- أنا اسف يا مدام بس الرقم ده صاحبه عمل حادثه ودلوقتي هو فى المستشفي.

نبيلة اتصدمت والفون وقع منها وصرخت:

- قااااااسم

الكل قام على صوت صراخها وشيرين قعدت جنبها بخوف اول ما شافتها وقعت على الأرض وبتصرخ:

- نبيلة فى إيه؟ ماله قاسم.

حاولت تاخد نفسها وأردفت بدموع:

- ق قاسم عمل حادثه ودلوقتي فى المستشفي.

إلياس قرب منها وقومها، وأردف بهدوء:

- أهدي يا خالتي انشالله مش هيحصله حاجه.

- ابني أنا عاوزه اشوف ابني.

قاسم شاور لآدم يجهز العربيات وأخدهم كلهم وراحوا المستشفي.

~~~~~~~~~~~

|بعد مرور ساعة |

كان الكل واقف فى المستشفى قلقان ومستنين خروج الدكتور علشان يطمنهم على حالة قاسم.

دقايق صعبة مرت عليهم لحد خروج الدكتور إللى ابتسم اول ما شافهم:

- آنتوا اهل المريض مش كده؟

غانم أردف بهدوء:

- اه يابني طمنا هو كويس؟

- متقلقوش هو بخير الخبطه مكانتش شديده عليه وكويس إنه الناس جابته على هناا فى الوقت المناسب.

نبيلة وقفت قدامه بخوف ولهفه:

- ط طيب يابني إحنا نقدر نشوفه؟

- أكيد هو فاق وتقدروا تتفضلوا.

نبيلة جريت، وفتحت الباب ودخلت تطمن على ابنها، وغانم ابتسم وشكر الدكتور.

- يا ست الكُل اهدي ولله العظيم أنا كويس وزى الفل.

قالها قاسم وهو حاضن والدته إللى مش مبطله عياط وبتحاول تاخد نفسها من كتر التعب والخوف،

قاسم اتنهد وطلعها من حضنه وابتسم:

- طيب مُمكن علشان خاطري تهدي شويه علشان متتعبيش لو سمحتِ أنا كويس اهوو وزى الفل قدامكِ.

ضربته على صدره وأردفت بعياط وصوت عالي:

- أنتَ هتفضل لإمتىَ متهور كده هاا؟ يعني عمرك ما فكرت فيا قبل ما تفكر تأذي نفسك؟ معقوله أنا مش مهمه خاالص عندك.

ابتسم بحب وأخدها فى حضنه وطبع قبلة على جبينها:

- أنا معنديش فى الدنيا ديه اغلأ منكِ فى حياتي وصدقيني الحادثه كانت قضاء وقدر أكيد ابنكِ مش مجنون علشان يفكر ينهي حياته.

اتنهد وتابع بخوف عليها:

- ممكن بقاا تهدي وتبطلي عياط لو ليا خاطر عندكِ.

طلعت من حضنه ومسحت دموعها:

- ماشي يا قاسم ديه آخر مره هسامحكَ فيها.

ضحك وحضنها:

- ماشي يا بلبلتي يا قمر أوعدكِ هخلي بالي من نفسي بعد كده.

الباب خبط والكل دخل.

شيرين قربت منه وابتسمت:

- حمدلله على سلامتك يابني.

ابتسم وأردف بهدوء:

- الله يسلمكِ يا خالتي وحقيقي متأسف أني قلقتكم وحفلة حبيبة اتخربت بسببي.

حبيبة بمرح:

- المهم إنك بخير واننا اطمنا عليك أنت متعرفش خالتي كانت حالتها عامله ازاى اول ما سمعت بالخبر خلى بالك من نفسك بعد كده.

قاسم ابتسم وهز رأسه بهدوء.

زينة والدة إلياس قربت منه وأردفت بحب:

- حمدلله على سلامتك يابني.

قاسم ابتسم وأردف بأحترام:

- الله يسلمكِ يا خالتي متشكر جدا

بص حوليه وتابع:

' اومال إلياس فين؟

- إلياس وآدم راحوا للدكتور علشان يجبولك إذن خروج وكمان يشتروا الادوية.

قاسم كان هيتكلم بس قاطعه دخول إلياس وآدم، واليأس قرب وحضنه:

- حمدلله على سلامتك يا صاحبي.

قاسم حضنه وأردف بتوتر:

- الله يسلمك يا إلياس ميرسي اووي تعبتك معايا.

- عيب عليك مفيش تعب ولا حاجه المهم إنك بخير.

قاسم ابتسم بتعب.

بعد وقت إلياس وآدم اخدوا قاسم و والدته ووصلهم البيت وسيف اخد مامته وغانم وحبيبة وشيرين ووصلهم البيت.

|وفي يوم جديد بيكتب حكايات جديده|

إلياس أخد حبيبة علشان يوريها شقتهم:

- يابني بقالك ساعة حاطط على عيني القماشة ورافض تقول فى إيه.

- يا بنتي أهدي خلاص وصلنا.

- طيب يا إلياس لما نشوف اخرتها معاك.

إلياس ابتسم ووقفها جنب الباب وأردف بحذر:

- اوقفي هناا كده وأياكِ تتحركِ.

- ماشي

ابتسم وفتح باب الشقة إللى كانت قدام شقة أهله بالظبط والباب فى وش الباب.

مسك ايدها ودخلها وثواني وشال القماشة.

حبيبة فتحت عنيها وفضلت واقفة متنحه من المنظر الرائع إللى قدامها،

نفس ديكور الشقة إللى كان نفسها فيه، نفس اللون، وكل حاجه كانت بتتمني تكون فى شقتها.

اتقدمت كام خطوة، وفتحت أوضة النوم إللى كانت مليانه بصورها فى كل مراحل عمرها، ضحكِت بفرحة وعنيها بدأت تدمع، بصتله وأردفت بصدمة :

- أنتَ...أنتَ ازاى عامل شقتك بنفس الشكل إللى أنا كان نفسي فيه؟ رغم اني عمري ما قولتلك ولا اتكلمنا فى الموضوع خاالص.

ضحِك ووقف قصادها:

- شوفتكِ قبل كده وإحنا فى الشركة ووقتها كنت ماسكة دفتر تصميمات وبتقولي لمنة" إنكِ نفسكِ في شقة بنفس الديكور" وقتها كنت لسه هبدأ فى تصميم شقتي، استأذنت من منة واخدت الدفتر وبصراحة التصميم عجبني ووقتها قررت اعمل شقتي بنفس التصميم وأنا على يقين إنكِ هتكوني من نصيبي واهو ربنا استجاب وبقيتي من نصيبي.

- طيب والصور ؟

غمزلها وابتسم:

- اخدتهم من منة وآدم

ابتسمت، وعنيها لمعت بحب كبيرر، ودموع فرحة،

فضلت واقفه بتبصله ولسانها عاجز عن الكلام او التعبير عن حبها ليه او فرحتها فى اللحظة ديه.

اكتفت أنها جريت عليه وحضنته:

- أنا بحبك اووي بجد، ولو لفيت الدنيا كلها مش هلاقي حد زيك.

ضحك بفرحه وبادلها الحضن:

- أخيرًا ابو الهول نطق.

ضحكت وكانت هتتكلم بس اتصدمت اول ما شافت......

ابتسمت، وعنيها لمعت بحب كبيرر، ودموع فرحة،

فضلت واقفه بتبصله ولسانها عاجز عن الكلام او التعبير عن حبها ليه او فرحتها فى اللحظة ديه.

اكتفت أنها جريت عليه وحضنته:

- أنا بحبك اووي بجد، ولو لفيت الدنيا كلها مش هلاقي حد زيك.

ضحك بفرحه وبادلها الحضن:

- أخيرًا ابو الهول نطق.

ضحكِت وكانت هتتكلم بس اتصدمت اول ما شافت زينة واقفه وعلى وشها إبتسامة جميلة.

حبيبة بعدت عن إلياس وبصتله بخجل.

رفع حواحبه وأردف بضحك:

- إيه يا بنتي مالكِ؟ وشكِ احمر كده ليه؟

حبيبة برقت وحاولت تقوله إنه زينة واقفه وراه بس هو مكنش مركز معاها و واقف بيضحِك، ويغازلها.

حبيبة وشها احمر وزينة قربت ووقفت وراء إلياس وأردفت بمشاكسه:

- احم احم نحن هناا عيب كده.

إلياس غمض عنيه وحاول يكتم ضحكته،

ثواني وأخد نفس عميق وبصلها وضحك:

- إيه يا زوزا مش تقولي إنكِ هناا!

شدته من أذنه وأردفت بغيظ:

- البنت بقالها ساعة واقفه بتحاول تفهمك وأنتَ واقف تتغزل فيها قدامي يا قليل الأدب.

- أهدي بس يا زوزا الكاريزما كده هتروح.

- طيب يلاه يابو كاريزما روح اعملنا حاجه نشربها وتعال.

إلياس برق وشاور على نفسه:

- أنتِ قصدكِ على مين؟ أنا!

اتنهدت بقلة حيله ووقفت جنب حبيبة:

- اومال خيالك يا حبيبي؟ يلاه بقااا هوينا وامشي من هنااا عاوزه اتكلم مع خطيبة إبني شوية.

ابتسم، وغمزلها:

- عيوني يا جمييل.

إلياس حس إنه مامته عاوزه تعرف حبيبة عليها اكتر، فقرر ينسحب ويسبهم يحكوا مع بعض شويه.

زينة قعدت وبصت لحبيبة إللي واقفه متوتره وابتسمت:

- تعالي يا حبيبتي خايفه ليه؟

حبيبة ابتسمت وقربت قعدت جنبها.

- بصي يا بنتي عاوزه اقولكِ حاجه بما إنه خلاص فاضل يوم وهتبقي مرات إلياس انشالله،

إلياس يا بنتي لو لفيتي الدنيا كلها مش هتلاقي فى طيبة قلبه، وعلشان كده أنتِ محظوظه لأنك هتكوني مراته مش بقول كده لأنه إلياس إبني لا بس لأنه ديه الحقيقة، الشقة الجميله ديه هو تعب اووي علشان يعملها بالشكل ده، من بعد ما والده اتوفى إلياس اتولى مسئوليتي أنا وسيف وبقاا هو راجل البيت، استحمل كتيرر اووي وضحى بحاجات كتيرر علشان خاطرنا، واليوم اللي قرر يبدأ فيه تجهيز شقته عرفنا إنه بدأ يشتغل شغل اضأفي علشان بس يجهز الشقة علشان كده عاوزه أقولكِ خلى بالكِ من إلياس يا حبيبة، إلياس تعب اووي يا بنتي وأنا عاوزاكِ تعوضيه عن تعبه ده، هو بيحبكِ بشكل مش طبيعي وعنده استعداد يعمل أى حاجه علشان خاطر يسعدكِ وأنا عاوزه منكِ وعد إنكِ هتخلي بالكِ عليه وعمركِ ما هتزعليه.

حبيبة ابتسمت بحب واترمت فى حضنها:

- أوعدك يا أمي، أنى هحط إلياس فى عيني، وهكون واقفه فى ضهره طول العمر، وعمري ما هفكر أزعله او أسيبه فى يوم من الأيام.

زينة ابتسمت بحب وحضنتها:

- وأنا عندي ثقة كبيره فيكِ يا بنتي

إلياس دخل وحط العصير قدامهم وأردف بضحك:

- إيه ده الحماية ومرات أبنها بدأو يتامروا عليا ولا إيه؟

حبيبة ضحكِت وأردفت بمرح:

- خاف على نفسك من النهاردة.

- لا ولله هى وصلت لكده؟

زينة بصتله بفخر:

- عيب عليك يا ولااا ده أنا حمايا قمر واخطف القلب.

إلياس وحبيبة ضحكوا وإلياس قرب وحضنها:

- لا فى ديه عندكِ حق.

مرت ساعة وهما قاعدين بيضحكوا ويهزروا مع بعض وحبيبة فرحانه اووي بعلاقة إلياس بوالدته.

زينة بحب:

- خلاص كفاية هزار وضحِك النهاردة ويلاه خد حبيبة وروح وصلها بيتها علشان شيرين متقلقش عليها وتعمل معاك مشكلة هاا.

ابتسم وباس ايدها:

- حاضر يا حبيبتي بعد إذنكِ.

- اتفضل وخلى بالك من نفسك.

هز رأسه بالموافقة وأخد حبيبة ومشيوا

|| شارع قصر النيل الساعة 8 بليل والشوارع هاديه ||🤎🤎

حبيبة بصتله وأردفت بحماس:

- إلياس أنا حبيت مامتك اووي بجد.

وقف العربية وبصلها بعشق:

- وأنا بحبكِ اووي بجد.

دقايق مرت عليهم، كان فيها الصمت سيد المكان، والعيون بس هي إللى بتحكي، مشاعر كتيرر جو القلوب متشاله،

نسمات هواء بارده بتطير خصلات شعرها، وابتسامة جميلة مرسومه على شفايفه،

وصوت الاغنيه يملأ المكان:

"تيجي نحلم أنا وأنتَ بس لوحدنا

نحضن هوانا يكبر مع معانا يضمنا

نسيني كل الناس فى عنيك

قربني ليك ضمني بأيديك

أنا من زمان وأنا بحلم بيك

يا روحي قلبي أنا"

بيفوقوا من شرودهم على صوت خبط طفلة على شباك العربية وهى ماسكة ورد فى ايدها

إلياس ابتسم وفتح شباك العربية وأردف بحب:

- إسمكِ إيه يا جميل؟

- إسمي ورد يا بيه.

- إسمكِ جميل اووي يا ورد زيكِ بالظبط.

- ربنا يخليك يا بيه

ابتسم وطلع فلوس وادهالها:

- خدي يا ورد وهاتي كل الورد ده.

البنت ابتسمت بفرحة وادتله الورد وأخدت منه الفلوس اللي كانت زيادة اووي عن حق الورد.

- يلاه بقااا يا جميل ارجعي بسرعة للبيت.

البنت مشيت وإلياس بص لحبيبة إللي بتبصله بخجل ومدلها ايده بالورد.

اخدتهم منه وابتسمت بحب وبعد وقت وصلها الفيلا واطمن عليها ورجع لنفس الطريق سأل عن البنت إللى بتبيع ورد والناس وصفتله عنوان بيتها.

أخد العنوان وقرر إنه يتكفل بيها وبأهلها.

تاني يوم كان الكل فى الفندق الخاص بغانم والد حبيبة وبيجهزوا للفرح وفي نفس اللحظه قاسم ورامي بيجهزوا لتنفيذ خطتهم.

- قاسم أنا جهزت كل حاجه المهم إنه اليأس يكون لوحده فى الوقت إللى هوصل فيه

- تمام متقلقش سيبلي الموضوع ده

- اوك باي

- باى

قاسم ابتسم بخبث والتفت لقه آدم فى وشه بصله بتوتر وأردف:

- إيه يا آدم مالك واقف كده ليه؟

آدم قرب ووقف قدامع وأردف بتحذير:

- اسمعني كويس يا قاسم، أنتَ مش صديق كام يوم لا أنتَ صديق طفولتي وأنا اعرفك اكتر من نفسك وعلشان كده حركاتك ديه بلاش منها أنا عارف كويس ومُتاكد إنك ناوي على مصيبه وعلشان كده بحذرك لو فكرت تعمل أي حاجه فى الفرح النهاردة اتأكد اني هقف فى وشك ومش هسمحلك تنفذ أى حاجه من خططك وصدقني لو حصل أى حاجه هندمك على اليوم إللى عرفتني فيه.

قاسم اتوتر وبصله بصدمة متصنعه:

- معقولة شاكك فيا يا آدم أنتَ مجنون؟

- أنا مش مجنون أنا فاهمك وعارفك كويس يابن الدسوقي وبحذرك لآخر مره إلياس وحبيبة خط احمررر.

قاسم زفر بضيق وأردف بغضب:

- لا ده أنتَ اتجننت خاالص وأنا لو فضلت معاك دقيقة وحده كمان مُمكن كل حاجه بينا تنتهي وأنا مش عاوز اخسرك يا صاحبي بعد إذنك.

قاسم مشي او بمعني تاني هرب من آدم لأنه عارف إنه آدم مش هيسكت

آدم بصله بشك وكلم سيف:

- سيف عينك على البوابة وخلي بالك من كل حركات قاسم.

- تمام متقلقش بس خلى بالك من إلياس.

- اوك تمام

آدم قفل مع سيف ودخل لإلياس وهو بيضحك:

- مبروووك يا صاااحبي

إلياس ابتسم وحضنه:

- حبيبي الله يبارك فيك عقبالك.

اومال سيف فين؟

- متقلقش هو تحت بيظبط شوية حاجات كده.

- خلاص تمام.

آدم ابتسم وبدأ يساعده فى تجهيز نفسه.

~~~~~~~~~

- يا بنتي اهدي بقااا روشتيناا

- أنا خايفه اووي يا منة

- يا عيوني خايفه من إيه بس ده أنتِ حتى هتتجوزي حب العمر ليه الخوف ده كله.

بصتلها وأردفت بقلق:

- مش عارفه يا منة خايفه اووي على إلياس.

منة اتنهدت وجابت الفون بتاعها:

- طيب خُدي كلميه واطمني عليه

- احم لا طبعنا مش هعمل كده

منة ضحكِت وكلمت آدم وطلبت منة يدي الفون لإلياس

إلياس مسك الفون وكلمها فيديو وطمنها عليه ولكن مازال قلبها مقبوض وجواها إحساس بالخوف.

شيرين ونبيلة دخلوا وفضلوا يهزروا معاها وده خلاها تطمن شويه.

~~~~~~~~

بعد دقايق الجرسون خبط على الباب وقال لآدم إنه زينة عاوزه تحت.

آدم استغرب بس سمع كلام إلياس ونزل الريسيبشن.

إلياس كان واقف بيظبط نفسه وهو مبسوط وفجأة جه حد من وراه وضربه على رأسه.

إلياس مسك دماغة وهو حاسس بدوامة سوداء قدامه وثواني ووقع اغمي عليه.

رامي اتنهد وشاور لرجالته تاخد إلياس وتطلع من باب الفندق الخلفي.

آدم نزل الريسيبشن ملقاش حد استغرب ودور على الجرسون ملقهوش كان طالع بس قابل زينة فى وشه اتنهد وقرب وقف قدامه وأردف بقلق:

- خالتي فى إيه حضرتكِ طلبتيني.

زينة ابتسمت وأردفت بهدوء:

- لا يابني أنا مطلبتكش.

آدم كان هيرد بس افتكر إلياس وأردف بخوف:

- ت تمام يا خالتوا روحي أنتِ وخليكِ مع خالتي شيرين.

- حاضر يا حبيبي بس متتاخروش

- تمام بعد إذنكِ.

آدم طلع جري على فوق وفتح أوضة إلياس بس كانت فاضيه اتعصب وضرب ايده فى الحيطه وأردف بغضب وصوت عالي:

- قااااسم الكل"ب أنا هوريك.

آدم كلم سيف ونزل

~~~~~

فى اللحظة ديه حبيبة كانت قلقانه وعاوزه تشوف إلياس بأي طريقة شاورت للميكب ارتست توقف وقامت علشان تطلع شيرين وقفتها:

- حبيبة رايحة فين يا بنتي ؟

- ماما إلياس مش كويس فى حاجه مع إلياس أنا مُتاكده.

شيرين بصتلها بيأس:

- يا بنتي اهدي شويه إلياس كويس وآدم معاه

حبيبة عيطت وأردفت بخوف:

- لا يا ماما أنا مُتاكده إنه فى حاجه مع إلياس

قالت كده وسابتهم وطلعت والكل وراها

وصلت أوضة إلياس ملقتش حد كلهم بصوا لبعض بخوف وشيرين كلمت غانم وطلبت منه يطلع.

دقايق وغانم وقاسم طلعوا وغانم حضن حبيبة إللى واقفه تعيط :

- اهدي يا حبيبتي يمكن راحوا لمكان كده او كده

شيرين بغضب:

- مكان إيه ده اللي يخلي عريس يسيب عروسته يوم فرحها ويمشي ده فاضل ساعتين ونكون فى القاعة.

حبيبة طلعت من حضن غانم وأردفت بعياط:

- لا يا بابا إلياس مش كويس فى حاجه مع إلياس أنا قلبي حاسس.

زينة بهدوء :

- اهدي يا بنتي دلوقتي ييجي أهدي

قاسم ابتسم بخبث وأردف لنفسه:

- للاسف يا خالتي ابنكِ مش هيجي لأني هثبت للكل بعد شويه إنه هرب من الفرح ووقتها هكون أنا العريس مش إلياس.

مرت ساعة والكل بيحاول يوصل لإلياس او آدم او سيف بس محدش عرف يوصلهم وقاسم وقف جنب السرير وطلع ورقه مكتوب فيها رسالة مزوره لإلياس بأنه مش هيقدر يكمل الفرح وبكده هيقدر يثبت إنه إلياس هرب من الفرح ووقتها مش هيكون قدام غانم غير إنه يوافق على جوازه من حبيبة علشان الفضايح

ابتسم بخبث وطلع الورقه ووقف قدام غانم وهو بيتصنع القلق:

- عمي أنا لقيت ديه على التربيزه مُمكن تكون رسالة من إلياس.

حبيبة طلعت من حضن زينة وشدت الورقة من قاسم وفتحتها وقاسم ابتسم بخبث.

حبيبة مسحت دموعها وبدأت تقراء بس فجأة الباب اتفتح وو.......

- أنا جييييت

حبيبة مسحت دموعها وبدأت تقراء بس فجأة الباب اتفتح وإلياس دخل وهو بيحاول ياخد نفسه وأردف بمرح:

- أنا جييييت

حبيبة الورقة وقعت منها وجريت اترمت فى حُضنة وهى بتعيط:

- أنتَ روحت فين هااا؟ وازاى تخوفني عليك فى يوم زى ده؟

أخد نفس وضمها لحضنة بقوة وتعب:

- حقكِ عليا ولله غصب عني أنا اسف حقيقي اسف خلاص بطلي عياط.

حبيبة مردتش عليه وفضلت تعيط وهي ماسكه فيه بقوة وخوف.

آدم وسيف دخلوا وقاسم كان واقف مصدوم مش قادر ينطق ومش مستوعب إنه خطته فشلت.

آدم اتقدم كام خطوة ومسك الرساله وقرائها وحاول يكتم ضحكته على المكتوب فيها.

قفل الرساله وحطها فى جيبه ووقف جنب قاسم وأردف بخبث:

- مش قولتلك مهما حاولت مش هتقدر تفرقهم وأنا مش هسمحلك بكده.

قاسم بصله بغضب وقهر وطلع من الأوضة، وآدم بص لإلياس وبدأ يفتكر اللي حصل معاه بعد ما دخل كلم سيف ونزل

Flash Back:

آدم خلص كلام مع زينة وطلع جري على فوق، فتح أوضة إلياس بس كانت فاضيه اتعصب، وضرب ايده فى الحيطه وأردف بغضب وصوت عالي:

- قااااسم الكل"ب أنا هوريك.

آدم كلم سيف ونزل تحت قابل سيف اللي بصله بقلق:

- فى إيه يا آدم مالك؟ وسيبت إلياس ليه؟

- إلياس مش موجود فوق أكيد قاسم بدأ فى تنفيذ خطته.

- خطة إيه مش فاهم

- أنا سمعته هو ورامي من كام يوم كانوا قاعدين فى الكافيه اللي بيسهروا فيه دائمًا وقتها كان عندي اجتماع مع عميل أجنبي وبالصدفة سمعتهم وأنهم ناويين يخطفوا إلياس وقاسم ياخد مكانة ويثبت للكل إنه هرب من الفرح وبكده هيكون قاسم قدام حبيبة هو البطل وعلشان متحصلش فضايح لحبيبة قاسم هيقنع عمي غانم بجوازه منها.

سيف بغضب:

- يا ابن ال""""" ده أنا هطلع ........

آدم قاطعه بعصبيه:

- مش وقته دلوقتي خاالص إحنا لازم نعرف هما اخدوا إلياس على فين.

سيف اتنهد وأردف بخوف:

- طيب يلاه ندور عليه مفيش وقت.

- يلاه

آدم وسيف لفوا الفندق كله وملقيوش حد فقرروا يروحوا بيت قاسم ويدوروا هناك بس أثناء ما هما طالعين شافوا رامي ورجالته وهما واخدين إلياس على العربية.

آدم وسيف بصوا لبعض بخبث وبصوا ناحية الشباب واشتبكوا مع بعض.

آدم مسك رامي وفضل يضرب فيه بكل غل لحد ما اغمى عليه،

قام وأردف بغضب:

- محدش ضيع قاسم زمان غيرك يا رامي ومحدش هيضيعه دلوقتي برضوا غيرك، أنتَ العقلي الشيطاني لإى مصيبة بيعملها قاسم، وأنتَ الوحيد إللى بتملأ قلبه بالحقد على إللى حوليه، بس من النهاردة أنا هقفلك وهنقذ صاحبي من شرك وعد مني،

آدم اتنهد وقرب من إلياس وأردف بخوف:

- إلياس فوق رد عليا أنتَ لازم تفوق يا صاحبي فووق.

سيف ضرب الشباب وجرى جاب ميه وحاول يفوق إلياس لحد ما فاق.

سيف بخوف:

- إلياس فوق أنتَ كويس رد عليا.

كان بيحاول يفتح عنيه، قام وهو ماسك دماغة بتعب شديد :

- أنا كويس، بس إيه اللي حصل؟ ومين دول؟

آدم اخد نفس، واتنهد بارتياح، وأردف بحب:

- بعدين هفهمك كل حاجه دلوقتي لازم ندخل الفندق كلهم جوا قلقانين عليك وخصوصًا حبيبة فاضل ساعة وتكون موجود فى القاعة يا عريس.

إلياس قام وهو حاسس بتعب شديد فى دماغه وأردف بغيظ:

- أنا مش هتحرك من هناا غير لما أعرف فى إيه، ومين دول؟

آدم اتنهد وحكاله كل حاجه حصلت وإلياس وقف مصدوم من إللي سمعه.

- أنا قولتلك كل حاجه، ودلوقتي لازم نتحرك قبل ما قاسم يلعب بعقل حبيبة ويدمر كل حاجه.

إلياس اخد نفس عميق وأردف بتوعد:

- تمام اووي، من النهاردة أنا إللى هقف فى وشه ومستحيل أسمحله يوقف بيني وبين حبيبة مهما حصل.

Back:

آدم بص لإلياس وضحك وإلياس بصله وابتسم.

شيرين بصتله بغضب:

- ممكن افهم حضرتك كُنت فين وبسببك بنتي وصلت للحالة ديه.

آدم بصله وأردف بتوتر:

- احم أنا اسف يا خالتي، أنا السبب لأني لما نزلت اتخانقت مع موظف تحت بسبب غلط عمله ووقتها إلياس وسيف نزلوا وحلينا المشكلة وجينا أنا حقيقي متأسف.

غانم بابتسامة:

- خلاص يا ولاد حصل خير المهم إحنا هنروح ونستناكم فى القاعة وانتوا انزلوا اعملوا السيشن ومتتاخروش.

إلياس ابتسم وهز رأسه بالموافقة.

غانم بهدوء:

- يلاه يا جماعة علشان منتاخرش على الضيوف.

غانم اخد الكل وراح القاعة وآدم وسيف نزلوا معاهم وسابوا إلياس وحبيبة مع بعض.

إلياس بعدها عن حضنه ومسح دموعها:

- فى عروسة قمر كده تعيط بالشكل ده يوم فرحها.

بصتله بغضب وفضلت تضربه على صدره:

- أنا كُنت هموت من الخوف عليك، كنت حاسه إنه فيه حاجه مش كويسه معاك، وحضرتك كمان مكنتش بترد على تليفونك، أنتَ ازاى تعمل فيا كده.

ضحِك وشدها لحضنة:

- هشششش بس خلاص حقكِ عليا أنا اسف

سند دقنه على رأسها وأردف بوعيد:

- واوعدكِ مش هسمح لحد إنه يفرقنا مهما الشخص ده عمل.

حبيبة طلعت من حضنه وبصتله بعدم فهم:

- أنت قصدك على مين ؟

ابتسم وحضنها:

- متشغليش بالك يلاه بينا علشان نعمل السيشن وعاوزينه يطلع جامد من غير عياط.

ضحكِت ومسحت دموعها ووشها:

- ماشي يلاه بيناا.

ابتسم وأخدها ونزلوا مسك ايدها والايد التانيه لفها حول خصرها وهى حطت ايديها على كتفه وعيونهم بتبص لبعض بحب كبيرر وديه كانت اول صوره فى السيشن.

عملوا سيشن جميل اووي مع بعض وآدم وسيف اتصوروا معاهم صور كتيرره وبعد مرور ساعات وصلوا الفندق المحجوز ليهم وكانوا قاعدين فى الكوشه وماسكين أيد بعض بعد إتمام مراسم فرحهم وسط احتفال أهلهم وصحابهم والضيوف وبكده نقدر نقول أنهم اتخطوا ظروف كتيرر علشان يوصلوا للحظة ديه ومن هنااا بتبدأ قصتهم.

||فندق جراند نايل تاور القاهرة 4 نوفمبر ||ليلًا

إلياس قلع جاكت البدلة وعطاها لآدم وأخد حبيبة ونزلوا يرقصوا، الأضواء كلها أطفت وضوء واحد كان متركز عليهم، وهما بيرقصوا سلو مع بعض على اغنيه

شو محسودين" والناس واقفه حوليهم،

حبيبة كانت لابسه فستان طويل جميل اوووى بيلمع والتاج على رأسها و الإتنين بيتمايلوا بشكل لطيف ثواني واليأس قعد على ركبته ومسك ايدها وهي مسكت الفستان بالأيد التانية وفضلت تلف حولين إلياس بشكل جميل ولطيف اووي والكل واقف بيبصلهم بحب.

وفى الناحية التانيه فى أحد الشوارع المهجوره كان فى شخص قلبه اتكسر ولأول مره دموعه تنزل على حد، نايم على العربية وبيعيط زى الطفل الصغير وصاحبه واقف قدامه عاجز إنه يعمله حاجه.

رامي قرب وقعد جنبه وأردف بحزن:

- قاسم كفاية شرب بقاا، هى متستاهلش كل ده صدقني.

بصله وضحك بوجع:

- لا هي تستاهل كل ده بس أنا اللي معرفتش احافظ عليها او هى اللي عمرها ما حبتني وأنا اللي ضيعت نفسي وعلقت قلبي بيها، كنت شايف إنه قاسم الدسوقي مش ممكن يخسر، مستحيل يخسر بس للاسف هو النهاردة خسر كتيررر كتيرر اووي يا رامي ولأول مره دموعه تنزل على حد أنا إللى طول عمري باخد اللي عاوزه ومش بيفرق معايا حد النهاردة أنا بعيط على فراقها وهى فرحانه معااه ليييييييه؟

رامي بصله بحزن وحضنه:

- اهدأ بالله عليك اهدأ مش حتت بنت هتعمل فيك كده أنتَ اجمد من كده فووق.

~~~~~~~~~

إلياس وحبيبة خلصوا رقص وإلياس قرب وهمس فى اذنها:

- بحبكٍ يا حبيبة القلب .

حبيبة ابتسمت وحضنته:

- وحبيبة القلب بتحبك اووووي

إلياس ضحك ولف ايديه حولين خصرها وشالها وفضل يلف بيها وسط تسقيف الجميع.

إلياس وحبيبة خلصوا رقص وإلياس قرب وهمس فى اذنها:

- بحبكٍ يا حبيبة القلب .

حبيبة ابتسمت وحضنته:

- وحبيبة القلب بتحبك اووووي

إلياس ضحك ولف ايديه حولين خصرها وشالها وفضل يلف بيها وسط تسقيف الجميع.

بعد وقت الفرح خلص وشيرين وغانم ودعو حبيبة وإلياس أخدها وراح شقته.

- إلياس إحنا خلاص وصلنا الشقة ممكن تنزلني بقااا

- لا استنى شوية

ضحكت:

- إلياس لو سمحت نزلني.

ابتسم ونزلها:

- عيوني يا ستي اهوو نزلتكِ.

حبيبة قعدت على الأريكة ومسكِت علبة بيتزا كانت موجوده على التربيزة وحطتها على الفستان بتاعها وبدأت تأكل.

إلياس ضحِك على شكلها وقعد جنبها:

- لا سيادتكِ ده مش وقت بيتزا خاالص.

بصتله وأردفت بغباء:

- اومال وقت إيه؟

ضحِك وقام قلع جاكيت بدلته ورجع شالها:

- أنا هقولكٍ وقت إيه

- إلياس لو سمحت نزلني.

- عيوني حاضر، هنزلكِ دلوقتي

حبيبة بصتله بغيظ وهو بصلها وفضل يضحك على شكلها قرب وفتح اوضتهم ونزلها.

- طيب افتح النور طيب.

- ابتسم وفتح نور الأوضة، وحبيبة فضلت واقفة متنحه من شكل الأوضة، كانت متزينة بطريقة رومانسيه جدًا واقل ما يقال عنها أنها تحفه.

بصتله وأردفت بتساءل:

- أنا عاوزه اعرف حاجه وحده بس، أنتَ بتلحق تعمل كل ده امتى.

ضحِك وأردف بمرح:

- لا ده موضوع طويل هقولكِ عليه بعدين خلينا فى المهم

حبيبة رفعت سبابتها فى وشه وأردفت بتحذير:

- أنتَ بتقرب ليه؟ صدقني يا إلياس لو اتقدمت خطوة تاني تاني هتندم

ضحِك على شكلها وقفل باب الاوضة وو.....

~~~~~~~~~~

|| المعادي 4 نوفمبر الساعة الثانية صباحًا ||

رامي وصل قاسم الفيلا وهو سانده،

نبيلة اتصدمت اول ما شافته بيطوح ورامي ماسكه،

اتعصبت وقربت ضربته بالقلم:

- تاني؟ رجعت تشرب تاني يا قاسم!

رامي بهدوء:

- خالتي لو سمحتي تقدريه تعاتبيه بعدين، لكن دلوقتي هو تعبان اووي ولازم اطلعه يرتاح.

نبيلة اتنهدت بحزن كبير لأنها كانت متوقعه إنه كل ده يحصل، مسحت دموعها وأردفت بحزن:

- تعال يابني هساعدك نطلعه اوضته.

رامي هز رأسه بالموافقة ونبيلة قربت وسندت قاسم هي ورامي وطلعوه اوضتة وهى بيهلوس بأسم حبيبة.

رامي استأذن ورجع بيته ونبيلة قعدت جنب قاسم وأردفت بحزن:

- ليه يابني وصلت نفسك للحالة ديه؟

أنا لازم اتصرف واطلعك من الحالة ديه لازم بس الأول ييجي ابوك لأنه هو الوحيد إللى هيقدر يساعدني فى الموضوع.

اتنهدت بتعب وغطته كويس ونامت جنبه على الكرسي.

~~~~~~~~~~

|| القاهرة 5 أكتوبر الساعة 8:30 صباحًا||

|| شقة إلياس ||

إلياس قام وهو بيفرك فى عنيه،

وحبيبة نايمة على صدره وشعرها نازل على عنيها بشكل جميل.

ابتسم بحب وشال خصلات شعرها وطبع قبلة على جبينها.

حبيبة فتحت عنيها بنوم واول ما شافته ابتسمت وحضنته ورجعت نامت.

ضحِك على شكلها الطفولي وقام نومها على السرير وغطاها ودخل ياخد شاور.

لبس ترينج اسود وطلع وقف قدام المرآيه، وظبط لبسه، وسرح شعره، وشال الستيار، وفتح البلكونة وقرب قعد جنبها وطبع قبلة على وجنتيها وأردف بحب:

- اصحي يا بيبوا كفاية نوم.

حبيبة شدت البطانية عليها وأردفت بانزعاج:

- ماما سبيني انام شوية.

إلياس ضحِك وشد البطانية من عليها:

- ماما ايه فوقي يا جميل

حبيبة فتحت عنيها العسلي بانزعاج من ضوء الشمس الساقط على عنيها وده خلىَ شكلها اجمل واجمل.

اول ما شافته ابتسمت وبصتله بحب وثواني وقامت مخضوضه:

- إيه ده أنا فييين؟

نام على السرير وفضل يضحك:

- صباحية مباركة يا عروسة أنتِ فى بيتي.

حبيبة غمضت عنيها بأحراج وكسوف ورجعت فتحتهم وبصتله بابتسامة جميلة:

- يباركلي فيكَ، أنتَ صاحي من امتىَ.

ابتسم وشدها لحضنه:

- صاحي من بدري بس قوليلي إيه الجمال ده على الصبح.

حبيبة خدودها اتحولت للون الأحمر وبصتله بخجل:

- سيبني علشان اقوم اجهز.

- لا خليكِ معايا شوية

- إلياااس!

- روح وقلب إلياس عاوزه إيه؟

- سيبني علشان اقوم.

ضحِك وكان هيتكلم بس جرس الباب رن.

- يعني كان لازم يبجوا دلوقتي.

حبيبة ضربته على صدره وقامت:

- أنا هروح افتحلهم.

كان هتطلع بس إلياس قام بسرعة وشدها لحضنه:

- رايحه على فين؟

بصتله وأردفت ببراءة:

- هروح افتحلهم دول اكيد بابا وماما واهلك.

رفع صباعه ورفع لفوق وتحت وأردف :

- هتطلعي كده.

حبيبة كشرت وأردفت بعدم فهم:

- كده ازاى يعني؟

إلياس كتم ضحكته وبصلها من فوق لتحت وصفر وهى أخدت بالها من نظراته ولبسها وشهقت بخجل وسابته وجريت على الدولاب واخدت هدوم ودخلت تغير وهو مقدرش يوقف ضحك.

اخد نفس عميق وطلع فتح الباب وأردف بحب:

- اتفضلوا

آدم غمزله وأردف بمشاكسه:

- إيه يا عريس إحنا جينا فى وقت مش مناسب ولا إيه؟

إلياس ابتسم وأردف:

- لا طبعنا اتفضلوا ادخلوا.

العيله كلها دخلت وشيرين بصت للشقة بأعجاب وأردفت بحب:

- اومال حبيبة فين يا إلياس.

- دقايق وهتطلع

زينة قربت وحضنته:

- صباحية مباركة يا حبيبي.

بادلها الحضن وأردف بحب:

- يباركلي فيكِ يا ست الكل ويخليكِ ليا.

حبيبة طلعت وسلمت على أهلها وباركولهم وإلياس شاور لآدم ييجي وراه البلكونة وسابوا العيلة مع حبيبة بيحكوا ويهزروا.

- إيه يا عريس مالك؟

- قاسم اخباره إيه؟

- مش عارف بتسأل ليه؟ هو عمل حاجه تاني!

إلياس اتنهد وقعد قدام آدم وأردف بحكمة:

- آدم أنتَ صديق طفولته، وأنا مش عاوز صداقتكم ببعض تنتهي بسببي أنا وحبيبة، وعلشان كده عاوزك تبعد عن موضوعنا خاالص لأنه إللى حصل امبارح قاسم مش هيسكت عليه وأنا عارف ومتاكد إنه هيحاول يعمل بيني وبينها مشاكل بس متقلقش أنا إللى هقف فى وشه الأيام الجاية، أنا مش عاوزك تدخل خاالص فى الموضوع علشان ميحصلش بينكم أى مشاكل.

آدم أخد نفس عميق وأردف بهدوء:

- أنا عارف إنه هيحاول يعملكم مشاكل، لأنه متعودش يخسر حاجه بيحبها، وأنا عارف إنه قاسم حب حبيبة بس هى مش من نصيبه وعمرهم ما كانوا لبعض بس عموما أنا واثق إنك أنت وحبيبة هتقدروا تتخطوا أى ظروف صعبة ولسه عندي أمل إنه قاسم هييجي يوم ويتغير.

إلياس ابتسم وأخد آدم وطلع وبعد دقايق الضيوف مشيوا وإلياس وحبيبة فضلوا يتكلموا مع بعض.

~~~~~~~~

|| المعادي 5 نوفمبر الساعة 12:15 ظهرًا ||

قاسم قام وهو ماسك دماغة بتعب شديد فتح عنيه ببطء واتفاجأ بوجود مامته قاعده قدامه وبتبصله بحزن.

اخد نفس عميق وقام باس رأسها:

- أنا اسف حقكِ عليا أوعدكِ مش هتتكرر تاني.

- دي اخر مره هسامحك فيها يا قاسم وياريت تنسى حبيبة لأنها خلاص يابني بدأت حياه جديده مع إللى بتحبه وأنتَ كمان لازم تنساها وتبدأ من جديد.

قاسم ابتسم بحزن وهز رأسه بالموافقة.

نبيلة طلعت وهو دخل أخد شاور ولبس هدومه وطلع من البيت.

|| شقة إلياس وحبيبة الساعة 2:20 ظهرًا ||

إلياس كان قاعد بيضحك مع حبيبة فى الاوضة ودقايق والباب خبط.

- خليك هناا وهروح اشوف مين.

- ماشي

إلياس قام وطلع فتح باب الشقة واتصدم اول ما شاف.....