رواية حبيبتي بدينة 😻🙊 الفصل الحادي عشر 11 - بقلم Ban.Q.M

وسيم،،،تحطمت بهل فترة وكمت اكره ذيج المنطقة والمجمع كلة بعد مااحب اروحلة وصرت انعزالي
صار عندي تهيج بالقولون العصبي وعانيت فترة منة صار فراغ بحياتي مو طبيعي وبعد ماعندي ثقة بجنس مخلوق ابد لا بنت ولا ولد وخاصة بالمواقع والنت العالم الافتراضي ظليت شهر على هل حال بعدين تركت المجمع بي العمال وكمت كل فترة امرلة وفتحت بغير منطقة بوتيك البسة رجالية كمت مااريد اشوف بنية ولا اتعامل معهن بس مانسيت ريم وكلشي جان يذكرني بيها وحبها انزرع بكلبي
،،،،،،،،،
ريم،،،تحطمت بفترتها ودمعتي مانشفت ردت بس شي يوصلني الة رحت مرتين للمجمع وأسأل عنة يكولولي بعد ميجي بعد لا ليلي ليل ولا نهاري نهار تعودت عليه وتعلقت بي وصار هو النفس الي يجري بية كمت مااكل ابد وصار عندي ضعف عام وكمت ادوخ واوكع لحالي
عدت الايام وانكسرت بداخلي وظل وسيم غصة عمري وتندمت على جذبتي جان المفروض من البداية مااجذب عليه ولا احطم نفسي واحطمة وياي مجان يروح من بالي لحظة الي جان يكلب بجهازي ومشمأز ومصدوم وبعدين سمعت من سالي انه خطب وراح يتزوج
سرى،،،من بعد ماحجتلي سالي شسوت بريم ووسيم ضجت منها وخفت كلش كلت اذا بنت خالتنة هيج سوت بيها وعملت مو غريبة عليها تأذيني وكل اسراري يمها كمت اخفف وياها وابتعدت عنها واتأثرت على ريم والصار وياها لان جانت طيبة وفطيرة ومافد يوم اذتنا بأي شي حاولت من امر للمجمع اسأل عن وسيم لعل وعسى اكدر اصلح شي بينهم بس من يومها بعد ماشفناه
انخطبت وتزوجت وصار قليل احتكاكي ببنات خالتي والتهيت بحياتي
وظلت سالي بعلاقاتها المتعددة وانخطبت وتزوجت وواحد جانت على علاقة بي نشر صورها ومحادثاتها وياه وصارت مشكلة جبيرة وطلكت  ميار الشمري
ريم ،،،،رجعت لحياتي وللروتين القاتل اكل ونت ونوم ومرة جنت اكلب بالفيس ولكت كروب اسمة ريجيمك صح مع فاتن دكتورة مصرية تنزل برنامج تخسيس بسيط وصحي دخلتلة وكلي عزم وارادة انه اغير نفسي مو بس لوسيم لأن وسيم صفحة وانطوت بحياتي بس كان هو السبب بأني اصحى لنفسي لوضعي لشكلي ولأني ضيعت اجمل سنين عمري الي هو عمر الورود بالسمنة وحرمت نفسي من هواية اشياء يكفي ضيعت حب عمري بسبب اهمالي وقلة اهتمامي لنفسي قررت انه انسى التجربة المرة الي مريت بيها بالرغم وسيم ماغاب عن بالي لحظة وجنت دائما احن الة رغم كل الي صار بينة
ظليت مواظبة بهذا الكروب وفعلا بظرف 15 اسبوع ضعفت 20 كيلو جان وزني من بلشت 84 وصرت 64 كيلو تغيرت  شخصيتي صرت اقوى وانضج واصلب من قبل تغير لبسي وستايلي وجنت وين مااروح ميعرفوني ويتخبلون على جمالي واناقتي كاموا يتقدمولي افضل الناس لان من ضعفت صاروا يشبهوني بديانا كرزون لاني بيضة وعيوني صفر وبمرة حضرت حفلة لصديقتي وشافوني جماعة واجوي تقدمولي طلع العريس ابن مسؤول جبير صح جان شكلة مو كلش حلو وضخم وسمين واكبر مني ب12 سنة بس اهلي قنعوني وكالولي انتي مو صغيرة وهذا نصيب زين ومن هالحجي ظليت مترددة بس وافقت بالاخير تمت الخطبة وبيومها اتذكر رجعت للبيت ونمت على جربايتي وطكيت من البجي مدأنسى وسيم وبعدني احبة
اسم خطيبي معتز جان جدي وشكلة اكبر مني بس شخصية وحالتة كلش زينة سوالي حفلة خطوبة ملكية
وطلعت عبالك اميرة والكل حجة بحفلتي بس جنت كل مااباوعلة اتذكر وسيم واكول شصار لو جان بمكانك استسلمت للأمر الواقع وكلت لازم اشيل وسيم من بالي واخضع للواقع صرت على ذمة شخص ثاني ولازم احافظ على زوجي وبيتي مستقبلا
سالي ،،،واحنة بالحفلة وج سرى باعي حظ ريومة العوبة متوكع الا وهية واكفة اخذت ابن مسؤول وطاير بيها طير مايعرف بمكسراتها وتاريخها الاسود اخ لو بس عندي دليل عليها
سرى ،،،وج عيني شلج على البنية مايكفيها الي جاها من تحت راسج دباعي لنفسج ولحياتج وتركي البنية تشوف حياتها وكمت عنها
ميار الشمري

طبعا فديت الي يتفاعلن 😘😘 وهاي علمودكم حبيباتي وهم ب 6 انشرلكم بارت جديد وان شاءالله اليوم تخلص مااخليكم تنتظرون

يلا توقعاتكم شنو راح يصير بريم بعد كل هذا ؟؟