رواية حبيبتي بدينة 😻🙊 الفصل الثاني عشر 12 - بقلم Ban.Q.M

ريم،،،عيني معتز بحكم معارفة بوزارة من وزارات الدولة وكلش حبيت وظيفتي وحسيت بنفسي حققت كل الي طمحت الة واخيرا لكت نفسي وذاتي
بس جنت مراغبة لمعتز وشكد حاولت اتقبلة مكدرت جان هو بعالم واني بعالم ثاني من بعد قصتي مع وسيم غابت ضحكتي وخفة دمي ومن بعد منخطبت لمعتز صرت جدية وزاد الطين بلة
جنة قليل نتواصل ونحجي بالتلفون ويظل هو مسافر ومشغول جان وجودة وعدمة سوة عندي
ومن جان يجيني بالخطوبة احاول اتهرب منة واذا اتقرب مني او باسني احس احاسيس مو حلوة بأشمئزاز على لعبان نفس على ضوجة
جان مو رومانسي هو انسان عملي حسيت عبالك عندي مشكلة وشكيت بنفسي احتمال عندي برود حجيت لاختي لأكبر مني وكالت هاي لان اول مرة تجربيها هيج حسيتي بمرور الايام من تتعودين عليه وعلى لمساتة وبوساتة دكومين ترغبيلة
جان تعاملي معاه مختلف تماما عن تعاملي مع وسيم سابقا
مع وسيم جنت احس نفسي طفلتة المدللة ومن يدلعني ويغازلني جنت احس نفسي فراشة بالسماء وعشت وياه عبالك مراهقة بس مع معتز جنت احس العكس تماما وجنت اكول اكيد السبب بتعاملي هيج معاه بسبب التجربة الفاشلة الي سابقا
مرة من المرات رجع معتز من السفر وجان بوكتها مسافر لبنان وعزمني على مطعم نتعشى وفعلا كشخت وطلعنا تعشينا ومن طلعنا كمنا نفرفر بالمولات والمجمعات كلي ريم اريد اشتري ملابس ملابسي دتضيك تروحين وياية
ريم ،،اي عادي جنت مااهتم للبسة ولشكلة مثل ماجنت ادخل بملابس وسيم جان كرش معتز فضيع وبين فترة وفترة يغير ملابسة كلها لان تضيك عليه
طبينا على واحد من المجمعات الي كلش راقية وجانت الصاعقة واذا بوسيم صاحب المجمع تبسمرت بمكاني وصارت خطواتي ثكيلة وجامدة نسيت نفسي ونسيت معتز الي يحجي وياية واني بغير عالم وعيني تباوعلة حتى رمش مترمش بعد جمدت وعيوني عليه اويلي نفسك ماتغيرت حتى بعدك تلبس الوان فاتحة اووووف رجعتني لسنتين ورة بعد روحي شكد مشتاقتلك احس هسة كمت اتنفس وردتلي روحي
وسيم،،،اتفضلوا عيني شنو طلبكم
واباوع للبنية الي مارفعت عينها عني وشكلها مصدومة من تباوعلي
وين شايف هالوجه مااعرف
معتز،،،ريممممم
ريم ،،،همست بأرتباك نعم
معتز،،،وين شاردة دأسألج شنو رائيج
وسيم ،،،جمدت بكاعي اي ريم هي والله  الشكل والصوت بس شنو هالتغير هذا جانت لابسة تنورة جلد سودة قصيرة وبوت كعب طويل الى الركبة وقميص البيض وسترة قصيرة سودة بس جسمها فعلا ميليكانة الشعر المكياج ظليت اباوعلها ومكدرت اشيل عيني عنها  شرجعج وشنو هالصدفة الجمعتنا دخيل الله ماصدكت اشيلج من بالي
ريم،،،حسيتة عرفني وبعد ميكدر يداري نظراتة واكلني بعيونة واني مختنكة دمعتي وكفت بطرف عيني
وسيم،،،شنو من جمال ربي شنو من حسن ونزاكة جان الي وياها نشاز يمها وعبالك ابوها كلت حسافة شلون ضيعنا حبنا وحسافة وحدة مثلج تزوج هذا
ريم ،،،دمرني بنظراتة شنو من صدفة هاي
جان مشغل اغنية سيف الامير هذا اليحبكم

هاي تاليها هذا اليحبكم دمعي ماظنة كاسر كلبكم
كل هاي جروحي بية بسببكم وبيكم ماانطي وبعدني احبكم
يلي كلتوا بس الموت ياخذكم مني
عدلين ماميتين وابعدتوا عني
وهمومي ونوحي ماادري شحجي
وبية متدرون بالفركة شأبجي
شمتـوا الأيام لـيش بدمعتي
بيگم متباهـي طارت كشختـي
شكد تعبتوني وماتعبتكم
هاي تاليها هاي اليحبكم
ماجنت اتصور ننهي الجمعنا
وكدام الشامت ينزل دمعنا
طلعت عشرتكم ما الها معنى
بسرعة تخليتوا عجز سمعنا
انسى المحبة شلون فهموني شأنسة يسوى العمر والكون حبكم احسة
عنكم سمعت اشكال بس مو مثلكم بسرعة انتم تبيعون سندوا ظهركم
عفتوني على النار احن واشتاك
تدرون بكلبي مايحمل فراك ،،،،الخ

ريم،،،جانت الكلمات مع موقفنا مااعرف اثرت بينا وعبالك تحجي الي بكلوبنا جنت كل ماارفع عيني الكاه يباوعلي
نزلت دمعتي بلا مااحس
ومعتز ملتهي يختار بالملابس واني واكفة وراه ولا مهتمة وبغير عالم
باوعلي اي الوان القمصان اختار
ريم،،،براحتك الي يعجبك
وسيم،،،مدنك واباوعلها مدخلت بأختياراتة نطاني القمصان وجنت اخليها بالعلاليك وخليت كارت المحل وياها
معتز شبيها عيونج ريم
ريم،،،مااعرف شنو دخل بعيني ودنكت تقرب مني معتز وباوع بعيوني بعدت عنة ودنكت باوعت لوسيم نطانة ظهرة
انتبهت لأيدة مجان لابس حلقة
وسيم،،،حسيت روحي شاطت من تقربلها واختنكت من الموقف من شفتة تقرب منها ولمسها دنكت وانداريت وكمت اشغل نفسي بأي شي دفع الحساب وطلعوا وحسيت روحي اخذتها وياها بطلعتها
شكد ضجت بيومها ورجعتلي ذكريات من سنتين وياها وبيومها مانمت الليل وماراحت من بالي
ريم،،،ظليت مختنكة الى ان رجعت للبيت وطكيت من البجي ياربي شنو هالصدفة ريتني لا شفتة ولا التقيت بي احبة مكدر انساه
ميارالشمري

شنو رأيكم بالصدمه 😉😉 يلا تخيلوا النهايه 😱