رواية هدية الشيخ سراج الفصل الرابع عشر 14 - بقلم dina

هديه الشيخ سراج بقلم ✍ دينا الربيعي ❤️

المسافات ما إلها علاقه أبد ، التصرفات هي الي تخلينا نبتعد .💔

أول شي حابه اسلم عليكم واگللكم قررت انشر يومين بارت طويل ويوم استراحه لان اغلبكم يگولون البارت قصير 🧡

……

نرجس . رجعت گتله تحبني بس بعد ماركزت بالكلمه وگلبي يدك وكأنه واگعه من عماره الطابق الاخير

حكيم . اسف اسف جنت احجي ويه حبيبتي وبالغلط جتي الج اعتذر اني بس لان اثنينكم دزيتولي بنفس الوقت دزيتها الج بدون ما انتبه

نرجس . احس حراره تطلع من وجهي وتعابير وجهي تغيرت من الضحكه الي شگت حلگي الى بؤس وغيره حسيت نفسي وحده تتمنه الكلمه الحلوه شگد عشت

ويه زوجي لمده اربع اشهر مايوم حسسني يحبني لو سمعني هاي الكلمه نزلت دموعي حسيت نفسي وحيده ماعرف اجاني شعور انو اني ما انحب

لا عادي اعرف مو الي بس ردت اتأكد

حكيم . متأكد مليون بالميه كلمه احبج طالعه من كل

گلبي الها وتقصدت اگللها هيج ردت اعرف شنو رده فعلها بس حسيت عليها نقهرت بعدها راحت وكل ما افتح اشوفها نشط بس مطول بقينه اسبوع وهيه ما حاضرتني اريد احجي وياها بس ما اگدر شلون افتح

الموضوع بليل الساعه ب2 ونص گعدت من النوم وبعد ماگدرت ارجع انام اخذت التلفون ودخلت للمحادثه شفتها متصل بدون مافكر دزيت الها

ليش بعدج گاعده

نرجس . 😭😭

خير بيج شي ليش تبجين 😕

نرجس . ماريد ارجع لزوجي

ليش ترجعين احجي لبوج گليله ما ارجع بعدين مو گال ابوج راح نطلگها

نرجس . لااا البارحه جاب شيخ عشيرتهم وعمامه واجه يگول احبها واريد ارجعها ماريد اطلگ واوعدكم راح اتغير عله مودها

وابوج ليش قبل مو يدري بي ياخذ حبوب ويأذيج

نرجس . تدري ليش گاعده الحد هسه

ليش

بس اخاف منك تحجي

لا والله اطمني ما احجي ابدد ثقي بيه هم عندي خوات واخاف عليهم

اريد اشرد منا ما ابقه مادام گتلهم ياذيني والحد هسه أثار الضرب بجسمي بسببه الحقير وخسرت طفلي اشرد احسنلي 😭

ديري بالج اسويهااا شوفي نرجس ديري بالج منو يمج اگدر اتصل بيج

نرجس . محد يمي اتصل بسرعه دگ عليه

الوووو نرجس

نرجس . صوته ولهفته وخوفه عليها ماگدرت اسكت بجيت سمعت صوت جداحه عرفته ورث جگاره

مو احجي وياج ليش تبجين ووين تردين ترحين انت بنيه تعرفين شنو يعني عبالج هذا حل منو يعوف بنيه

بحالها واذا شافوج وحدج كل عقلج يعوفوج بحالج شتعرفين انت وتردين اطلعين وحدج كبري عقلج واستري عله نفسج مو حل هذا الووو

نرجس . نشغت واني اسمع له گتله شيصير لو انته ابدال زوجي مافديوم هيج حسيت احساس حلو ويا حكيم ماعرف ليش ماگدرت احضرك ولا امسح

المحادثه الابينه وكلمه احبج حبيتها بالرغم انته مادازها الي بس احسها الي مالتي الكلمه هاي احسك رجال بكل معنى الكلمه احس بأمان من اشوف شكلك واحجي

وياك احساس حلو بعمري ماعشت هيج كل يوم ادخل للواتساب واطلع صورت وابقه اباوع الملامحك وحفظت كلشي بوجهك نشغت وكانه هو سبب المصيبه

مالتي كلشي نزاح مني بمجراد ماحجيت ويا بعد كلشي نسيت والشي الوحيد الي اريده قربه وبس مانطق كلمه وحده بس اسمعه يجر نفس ويرجع يزفره

حكيم . احبج تعرفين شنو معنى احبج من اول يوم شفتج بي وانت بالباب وتبجين حبيتج وماطلعتي من بالي

نرجس . حكيم اني نرجس مو حبيبتي مو هم ترجع تگولي غلطت عبالي حبيبتي

حكيم . هههه لا والله ماعندي حبيبه غيرج لج گلبي تعلگ بيج ودايخ بيج وتورط الگلب بيج اني الي اكره شي اسمه حب وحبيتج

نرجس . حكيم اني بحلم لو لااااا وين اني

حكيم . انت بگلبي واصبري عليه بس خلي نخلص من زوجج ماخليج اجي واخطبج من اهلج وعد رجال عليه

نرجس . انشغ بالبجي واگله شيخلصني منه حكيم اهلي يگلولي انطي فرصه ثانيه حرام علينه الطلاگ شلون اخلص نفسي منه عفيه ماعندي غير اشرد منهم

حكيم . لج شلووون تفكريييين هيج انت مطيه راح يگولون اكيد عدها واحد وشردت ويا عبالج ميحجون

هيج شراح تحجي عليج الناس خلي اهلج وعمامج بين عيونج وسمعيني زين ديري بالج تفكرين هيج نرجس ديري بالج اطلعج من گلبي اذا سويتيها عله الاقل الخاطري

نرجس . ماشي حكيم ماشي يله باي اسمع صوت عله الدرج راح اسده

حكيم . الله وياج حبيبتي

نرجس .ثاني يوم الصبح نزلت وجان بابا يگلي حضري نفسج العصر يجي زوجج ياخذج وتعهدولي بعد راح يستعدل وان شاء الله تنحل الامور بينكم بابا اي اثنين اصير خلافات بينهم واكو هواي مثل زوجج بس بعدين تعدلوا

نرجس . بس بابا اني ما اريد ارجع كرهته من وگع طفلي لليوم انشغ واتمنا يفهمني لأن بابا مبين مقتنع بكلامهم حجه عمو علاوي

علاوي . نرجوسه حبيبتي هاي اول زعله الج صحيح ضربج وأذاج بس ميصير من اول مشكله نگللهم تعالوا طلگوها

نرجس . عمووو اهئ اهئ والله ماگدر بعد اكمل ويا موطايقته

خالد . بابا حضري نفسج العصر يجي زوجج گتلج واذا مالتزموا بالأشروط الگلتها الهم اني اعرف شلون اتصرف اني طالع

ام نرجس . سوده عليه نرجوسه حبيبتي شبديه عليج ان شاء الله الله يهدي عليج بتي واذا عله الطفل يصير غيره حبيبتي لتخافين تجيج الجهال وساعتها تگليلي يمه تعبوني وتلومين بنفسج ههههه

ام خالد . نرجس گومي يله لا تتعززين علينه گومي خلي امج تاخذلج للصالون تغيرين شويه حته تتعدل

نفسيتج بيبي البجي فال موزين عليج وانت راده الزوجج حبيبه بيبيتج يله گومي

نرجس . گمت صعدت فوگ احس رجلي گوه حاملاتني بلعومي مشتعله شعل حرگه اريد ابجي بصوت عالي بس خاف يحسون عليه دخلت الغرفتي واني حاصره

المخده بوجهي وابجي حيل لمن مليت احس راسي يأذيني مجرد ماتخيلت بعد ماگدر اتصل بحكيم ولا اگدر اراسله زاد البجي عندي احس نفسي اختنگت

سمعت امي اصيحني انزل اتغده حته نروح للصالون بس مانزلت شويه وصعدتلي

ام نرجس . گومي امي گومي شكو عبالك راح نوديج فصليه لتخلين ازعل عليج شنو جديد عليج هو غير

زوجج بعد عله شنو كل هذا البجي وخانگه روحج ولااكل ولا شرب شنو السالفه متفهميني ياما انضربنه ياما زعلنه اشو ماعتكفنه مثلج يله گومي بتي گومي

نرجس . جرت الغطه مني وگومتني نزلت اكلت اشويه ورحت غسلت وجهي وخليت شويه مكياج اخف اثر

عيوني ورحنه للصالون مالي واهس اسوي شي بس امي وبيبي لحن عليه بس ماخليتها تسويلي شي بس حفيت وسوتلي مساج بشره وگتلها مالي خلك اريد ارجع طنگرت اخر شي ام الصالون گلتلها عيني بتج اخرتنا وعدنا زبائن مانضل ننتظرها احنه عادي امي

غمتني وطلعنه رجعت للبيت الساعه بالاربعه رحت سبحت وطلعت جففت شعري وخليت كحل سمعت صوت الجرس عرفتهم همه نزلت عله الدرج واسمع عمو علاوي يسلم عليهم عمي

عمي  وسالم اجوي حته يرجعوني هنا بعد استسلمت لاراگدر اكسرعمي كلمه حكيم لان حبيته من كل گلبي ولا اگدر ارجع ويه سالم لان اعرفه مراح يتغير صعدت

لميت غراضي واني ابجي دخلتلي امي بوستني وگلتلي هاي حياتج تعودي عليها واذا ما ستعدل ابوج يصرف وياهم دزيت رساله الحكيم

حبيبي راح اروح اجوي عليه 😭

حكيم . اووووف ياروح حكيم والله وعد شرف اذا ما ستعدل اني ادخل هاي المره بدون ما أذيج لتخافين اني وياج للموت

نرجس . انته اجذب عليه اااادررري بيك شلون واحد يحب وحده ويقبل ترجع الزوجها

حكيم . اسمعيني زين ادري بيج راح ترجعين والله ادري بزوجج ميگدر لان مدمن والمدمن صعب يعوفها بعد بس اصبري عليه ماريد اهلج يعرفون بينه شي حته

متتأذين لج اني ميت اكثر منج بس لازم اصبر حته اجيبج يمي بدون أذيه لج اهلج جماعتي كلهم شگللهم لترجعوها لان احبها اصبري خلي نفكر بعقل وبدون مشاكل بس صبرج عليه

نرجس . احسه صار بارد من ردت ارجع گلت اكيد جان يضحك عليه لو يحبني صدگ ميگلي رجعي نزلت سلمت وشويه وطلعنا مرن اول يومين زين وياي سالم

حته ماسأآني عله حملي الوگع مو مثل اهله نقهرو ثالث يوم ماكو تأخر نزلت جوه ادور علي لگيته گاعد بالديوانيه ويمه بطل والغرفه ظلمه وكلها نايمه وبس هو بالغرفه من اجيت اني بالگوه يحجي

سالم . هههههه ل لي ليش ن ن زلتي

نرجس . هاي شنو ريحتك مطيبه سالم حته شرب تشرب ليش هيج انته اتسوي متخاف عله روحك عله اهلك انته الوحيد الهم وهيج متعبهم حرام عليك اصحه عله نفسك عاد

سالم . ا ا ان جبي و و صععد ي

نرجس . صعدت فوگ لان ادري بنفس اذا الح ويا راح يگوم يكتلني اختنگت ابجي ومحد يفهمني اگللهم

ميستعدل هذا طبعه ميگدر يترك شي عنده اهم من زوجته واهله اني عرفت سالم عنده الشغلات المكسره اهم من عائلته ولو لحيت عليه حته يتركهم راح يزيد اهله ملوا من عنده وصار عادي عدهم ومرات يغلسون

عليه لان يدرون بي ميترك هذا الشي مرت اسبوعين حكيم حضرته من اخر مره كل يوم اباوع الصورته وابجي واتذكر كل كلمه يحجيها الي واگول لويحبني صدگ جان سوه شي علمودي وماخلاني ارجع السالم

ومرات اگول همه اهلي رجعوني ثاني يوم سالم صعد اني جنت بالغرفه اجه وبيده علاگه گلت شعجب جايب حلاويات الي هاي اول مره يسويها تقدمت فتحت العلاگه

سالم . ايدددج عوفيهاااا

نرجس . اشوف شنو جايب

سالم . ههههه تريدين اسكرين وياي عادي ماعندي مانع

نرجس . حقيررر

سالم . منوووو الحقيررر هاااا

نرجس . تقدم عليه لوه ايدي وره ضهري ونزل شعري للگاع گوه خلصت نفسي مني ورجع سحبني اله وگام يضرب بيه بكل مكان اخر شي ضربني بالنفاظه وگعت بگصتي بسرعه نزل شي حار اتلمس دم ورجع يسحل

بشعري ويصيح اشوفج الحقاره اشلون اصير صعدوا اهله عله صوت البجي مالي والتكسير گوه سحبني عمي منه نزلت جوه بس سمعت ابوه ضربه كف وكسر البطاله مالته بعد ماصعدت عمتي مسحت گصتي بس

الدم ينزل بكثره گالت خلي اوديج للمضمد يمكن تحتاج خياط راسي موتني والم مو طبيعي بگصتي گنت اناشغ مثل الطفل نزل عمي اخذ السويج وبسرعه وداني

للمضمد گال تلاثه خياطات يراد الها بسرعه نظفها وخيطها واني اصرخ ماگدر اتحمل الالم كلها تجمعت عليه جسمي وراسي رجعنا للبيت نمت بغرفه عمتي

رفعت الدشداشه واشوف جسمي مطگع الوان من الضرب فتحت شعري ورجعت لميته گومه شعر وگع منه بقيت ادعي عليه لمن غفيت گعدتني عمتي اباوع للساعه بالعشره بليل هواي نمت جابتلي صينيه وتگلي

اتعشي گوه جبرتني اكل لگمتين ورجعت احاول اغفه بس ما اگدر صارت الساعه ب2 فتحت التلفون رحت فتحت الحضر من حكيم بس مامتصل يمكن نايم بقيت

گاعده الحد الخمسه الصبح من الألم مال راسي وگصتي ماگدر لا احكها ولا اگدر اخذ شي يخفف الوجع عليه ونوب ابجي وراسي ثولني ثول صارت الساعه ب سته

الصبح گلت اطلع من البيت وشيصير خلي يصير وماردت ارجع الأهلي لان گتلهم ميستعدل بسببهم كل الصار بيه اخذت الشال مالتي والصايه لبستهم وعله

كيف امشي فتحت الباب وطلعت ورجعت فتحت الباب مال الشارع وطلعت اكو هواي ناس طالعه رحت وگفت

فورتات وصعدت وياهم ورجعوا الناس نزلوا ونزلت وياهم ماعندي رصيد بس يرمش تلفوني دگيت عله حكيم اول دگتين واتصل هو بيه

حكيم . الووو نرجس خير الساعه بسته ونص اكو شي

نرجس . واني ابجي وارجف من الخوف گتله اني موبالبيت طلعت وما ادري وين اروح

حكيم . لجججج غبيه انتييييييي وين وليييتي ويننن طلعتييي وحدج انه شگتلججججج

نرجس . حكيم حباب ماعرف وين ارووح ماريد ارجع لعيالي يكتلوني

حكيم . بسرعه گليلي وين انتي احجيييي

نرجس . اني با……  تعال بسرعه عفيه غلقه بوجهي بقيت گاعده عله الرصيف يمكن نص ساعه واجه

حيكم . كل شويه اتصل بيها حته اعرف وين مكانها بالضبط من وصلت الها نزلت واشوفها مشوها اشوف خياط بگصتها وعينها صاير زراگ جواها وشفتها مشگوگه نقهرت عليها حقها تشرد منهم بس ما انطتها الحق

نرجس . حكيم الله يخليك لتوديني لهلي

حكيم . لج انت ثوله لعد وين تردين تولين امشييي
اخذتها طول الطريق تبجي حالتها تقهر واني يمكن خلصت باكيت جگاير من وراها بس الصدمه وصلتها بدايه الفرع واني اشوف عمها وابوها بالسياره فاتوا من يمنه انصدمت ماردتهم يشوفوها وياي

يتبع……

بارت ممتع للجميع وهااا البارت 2000 كلمه لتنسون متابعه وتصويت ❤️