رواية هدية الشيخ سراج الفصل الخامس عشر 15 - بقلم dina

هديه الشيخ سراج بقلم ✍ دينا الربيعي ❤️

يـا'دفــو ..
إشمــا تبتعــد أنبــاگـ رجفــة ..
و'بيـدة يـاخـذني ..
إلشتـا لــ'غيمــة إعلــة عِـرفــة ..
و'تيـبس إيدي ..
مـن أعطـش لــ'إيــدك إلـترفــة ..
ضمـني بيـنــك ..
ويــن مـتخلــينـي أدفـــــة .. ❤️❤️

أول شي اعتذر عن التأخير بنات أختي مريضه سوت عمليه أزاله ورم بين الفقرات وضهرها مأذيها هواي ادعولها تتشافه من هذا المرض بعدها شابه وماشافت شي من حياتها مواليد ٩٧ اطلب منكم الها الدعاء بلكي ربي سيتجاب دعائكم ان شاء الله وكتب بدون واهس لان مالي نفس اسوي شي 💔

حوري . گاعد انحضر الجنط لان بليل يجي سراج يوديهن كملت كلشي وگلت لازم اصالحه بعد باجر الحنه ماريد اروح ويبقه زعلان مني خلصت الجنط من الضهر ورحنه اني وسهى وعلياء

للصالون سويت شعري خصل وحفيت وسويت تنضيف بشره وخواتي هم حفو وصبغو شعرهم رجعت للبيت وبلشن خواتني تنضيف جسم ووراها مقشرات وترتيبات تغيرت مليون درجه

وجهي صار ابببببيض والخصل عله بياض تضرب عله وجهي رحت للحمام سبحت ولبست دشداشه لون احمر فانيله برموده وطلعت اختي سحبت شعري بالكاويه خليت بس كحل

ومسكاره ومرطب شفه شعري خليته مفتوح عله طوله نزلت وخواتي وعماتي يهلهلون وشغلن ديجي بنات خالتي وخواتي ويرگصون شويه وسمعت تلفوني يدگ جاوبت سراج

سراج . الوووو اني وصلت حضري الجنط اريد اخذهم بسرعه

حوري . ي تمام راح انزلهم نزلناهم جوه ورحت للديوانيه فتحت الباب ورحت حضرت ببسي وگلاص بصينيه شفته طبگ سيارته رحت فتحت الباب ودخل بس ميباوع بوجهي بس شكله يجنن

لابس بنطرون اسود وبدي زيتوني ومزين طالع يجنن رافع شعره وعطره الي يسطر سطر دخل للديوانيه

سحب جنطتين وطلع ورجع اخذ باقي الجنط والاغراض ورجع اخذ الجنطه مال الاحذيه راد يطلع گتله سراج ليش ماتباوع بوجهي

سراج . درت وجهي الها گتلها تعرفين كلش زين ليش

حوري . تقدمت عليه وسحبت ايده ورفعت نفسي بأطراف اصابعي وتلمس بوجها احس نفسي مشتاقتله يباوع بوجهي وبعيوني رجع باوع لكل شكلي بس ماحجه شي

سراج . شتردين عندي شغل ماريد اتأخر وهاي الابستها نزعيها

حوري . ماگتلي حلو لو لا

سراج . عادي نفس شكلج قابل شنو تغير

حوري . ي صحيح بتعدت عنه ماريد يشوف دموعي احس نفسي تفشلت بأدب عافني وسحب الجنطه وطلع بعد ولا اتصلت ولا حجيت ويا ثاني يوم الحنه وكلها جتي وبيتنه

انترس ماشاء الله اتمنيت ابوي ويانه احس نفسي مختنگه گمت ابجي اتذكر سراج وترجع تنزل دموعي انهضمت منه اخواتي وامي شافني گامو يقرون ايات يگلولي انضربتي عين

رحت للصالون البدله مالتي اختاريناها اني وسراج لون عجبني لون زيتوني تجنن من فوگ بدون تعلاگات مفتوحه من الصدر ومن جوه كيبور وورد ناعم مدنفشه وسويت تسريحه عاليه

ومكياج طلعت توب لبست سيت كرستال وخواتي يقرون المعوذات عليه شويه واجانه حيدر وسراج مرتين اتصل بيه ممنوع صور والف نفسي زين وحته حجه ويه اختي سهى گللها

لتخلون واحد يصورها ومن رجعت للبيت البنات يردون ياخذون وياي صور واستحي اگللهم سراج ميقبل بس من سهى تشوفهم متخليهم صار الليل گال سراج راح نجي نحنيج عاد

عدلت نفسي ويمكن نص ساعه ودخلوا خواته وامه وهواي ناس من عدهم وصوت رمي بره دخل سراج وابو أشرلي البس شي امي لبستني شال عله جتفي تقرب مني وهمس ليش هيج

دلعه البدله همستله مو اختاريناها سوه ماشفتها رجع گال ماشي بس اتوقعت هاي الكلمه بيها لغز ماعرف شنو
ورگصوا خواته وگوموني ارگص وياهم بعد ما الشيخ باسني

وطلع نزعوني الشال ورگصت وياهم سراج يخزر بيه بس اني ماهتميت اله صرت اروح منا وارجع منا بالبدله اخر شي گال خلي نحنياها اريد اطلع صدگ گعدت حنوني وطلع سراج

واخذوا صور وياي خواته وبنات عمه وراحوا وثاني يوم نفس الشي العرس لبست بدله أوف ايت ومكياج لون وردي يجنن ولبست الذهب مالي ورجعنه للبيت صارت بالخمسه جوي دخل

الشيخ وسراج وعمهم واگف بالباب والولد بره هوسات ورمي وبقت خواته يگولن ويرگصن ويبوسون بي وامه تدبج بالنص وتصفگ والفرحه ماساعيتهم بسراج وزواجه حبيته اكثر من

قبل واني اشوف الناس كلها تحبه وفرحانتله وصرت اغار من اليضحك بوجها جنت ما اعرف الحب شنو

وشلون يصير خطبني سراج عمري15 سنه وهسه عمري 16 سنه بس اعشق سراج الحد الجنون شفت بي حنيه اب خوف اخ حب حبيبي

وحرص ام وكلشي حلو بهذا الكون هو سراج وبس ماعندي شي ثاني والشاغل بالي وكياني وحواسي هو سراجي وبس بيوم الي لزم ايدي وطلعنه وهو يباوع الشكلي خاف طالع مني شي

وكل شويه يگلي لترفعين وجهج الحد ما صعدني بالسياره وهو يسوق وكلهم صعدوا خواتي وامي بالسيارات ونطلقنه للبيت نزلنه وذبحوا جوه رجلي ذبيحه ودخلني البنات للبيت حللت

ذبيت الكبوس ورتبت نفسي سراج بس دخلني وراح وره ساعه ام سراج گالت لاخواتي صعدوها ترتاح فوگ بغرفتها صعدت وخواتي يقرون يمي قرأن وايات

للحسد سمعنه صوت الزفه واني صارت رجفه بجسمي وخوفه من الجاي گولات ويزفون بي صعد سراج دخل وامي وخواتي بوسني وراحوا

……

سراج . ماردت اصالحها بسرعه حته تعرف هذا الشي غلط وحذرتها بعد ممنوع تبقه صوره الها بتلفونها بعد لا اتصلت بيها ولا هيه تركتها تتعلم من الخطئ هذا حته

بعد متتكرر بيوم خابرتها گتلها جاي اخذ الجنط رحت واني اشوفها طالعه ملكه بجمالها وشعرها وعطرها بس ماباوعت الها حته ما اضعف گدامها اخذت الجنط واني

اشوفها انقهرت لان ماعبرتها وبالحنه بعد احله الحد العرس واحنه واحد ميحجي ويه الخ بس هذا الشي بيناتنا علمتها اي شي بيناتنا يبقه ميطلع بره وهيه من

نوع تاخذ النصيحه وهذا الشي حلو بيها دخلت عليها بيوم العرس واني اشوف الطفله الي اخذت عقلي وگلبي مابيوم جنت اتخيل اخذ وحده صغيره حته

ماجنت متوقع هيج راح احب حوري اعشقها واليوم اليمر عليه واحنه منتحاجه ما احسبه يوم يمر بصعوبه كلشي بيها يجذب وتخلي الواحد ينجبر يحبها تقربت

منها واني اشوف رجفتها تقربت منها رفعت راسها بستها بجبيتها همست احبج ومشتاقلج بس ردها صدمني ماجنت متوقع ردها
……
حور . تقرب باسني وقربني اله ويهمس احبج ومشتاقلج ياروح سراج رديت علي وخرررر مني لتتقرب ماشي

سراج . شنو حوري شبيج شكوو ليش صيحين حبيبي

حور . يتقرب مني ويحجي بس ان بعدها بالي كل يوم جنت احجي ويا ويفشلني واكثر يوم ضوجني من اجه

واخذ الجنط مالاتي وحلفت سراج ما اخلي يتقربلي
لا تتقرب سراااااج بعد ماصيطرت احس غصه ابلعومي اذا بيك خيرر ابقه عله

سراج . جنت اباوع بعيونها وماردت اضحك ردتها تحجي كلشي لان شكلها يضحك وهيه محمله بگلبها عليه وماناسيه لحظه كلها ذكرتها الي اني ماجان الي

قصد بيها بس ردتها من هسه تعرف طبعي وماريدها تخلي صور بالتلفون الها ولا تنطي تلفونها لاجهال لان غلط بس صدمتني من حجت هيج

شنو لوبيك خيرررررر حووووور شنوووو هذااا الحجي حوووور

حوري . تقدم عليه وضربني كف احس خدي اشتعل نار من ضربته عيونه صارت نار ويحجي بغضب گعدت بالگاع وكامشه البدله بأيد والأيد الثانيه مخليتها فوگ راسي اخاف يرجع يضربني

غرفتي بيها حمام راح للحمام ورگع الباب حيل احس نفسي بردت اسنوني سن يطگ بسن شويه وشمعته يسبح وره شويه طلع لابس دشداشه بيضه تجنن عليه مسحت دموعي وتقدم بأتجاهي گومني وباس خدي

سراج . اني اسف حوري حبيبتي بس ميصير تحجين هيج وياي حبيبتي ماكو مره تگول الزوجها اذا بيك خير عيييب يعني اني مابيه خير هيه هاي احجايه تحجيها بيوم زواجنه

حوري . تنزل دموعي احس راسي صدع من گد ما بجيت بس اباوع بعيون ماحجيت ولا كلمه
رجع باسني بشفايفي ودارني يريد يفتح سحاب البدله بس ابتعدت عنه

سراج . لتخافين ماسوي شي بس اريدج ادخلين للحمام اخذي دوش دافي حته ترتاحين حبيبتي

حوري . من گال هيج سكتت رجع يبوسني بضهري وبرگبتي بهدوء فتح السحاب وندگ الباب همسلي روحي للحمام وسدي الباب عليج

سراج .هله زمن تعالي خيتي اجيتي بوكتج انه جوعان والله جابج هههه

زمن . تخسه الجوع سراج عروستك وين وديتها خويه بس لا اكلتها

سراج . والله بهاي عدج حگ مال تنوكل تنوكل بس اخاف اكلها وما الگه مثلها بعد وين اطي وجهي

زمن . ههههه والله خويه نجيبلك شبه الها

حوري . دخلت للحمام ونزعت البدله ولگيت  سيت نوم ابيض الجوه مفضوح الصدر والضهر تور ويوصل للفخذ بس لبست الروب هم قصير بس ارحم سترت نفسي من

فوگ وفتحت كم ماشه بس الم راسي ماخلاني اكمل وانزعهم عاد غسلت بس جسمي ووجهي وطلعت شفت زمن اخت سراج جايبه عشه النه من طلعت بتسمت بوجها

ليش تعبتي نفسج ام مرتضى

زمن . لا حبيبتي اليوم انت ضيفتنه وعروستنه تعب شنو تعالي اكلي لان الضاهر بعدكم عزابيه

سراج . ههههههه والله ردت اخذ داس بس لان گالت جوعانه استخطيتها

حوري . اباوع عليهم منطلقين بالحجي واني وجهي گام ينطي الوان لا اگدر اضحك ولا اگدر اشاركهم بالحديث الحلو عاد سويت روحي امشي للميز انزع الماشات اشو شافتني زمن

زمن . يابه تعالي اشاقه وياج لتستعجلين تعالي اكليلج لگمه هسه لتتخربطين هههههه

حوري . هنا استحيت حسيت نفسي فشلت عبالها صدگ مستعجله يافشله الفشله اباوع السراج منطلق

ياكل وغص باللگمه بالجذب ماگال انتضرها تجي تاكل وياي بسيطه سراج نزلت زمن وگال تعالي هسه تعشي واني انزعهم الج حياتي

تقدمت للصينيه جنت كولش جوعانه والصينيه تشهي اشكال بيها صحن فواكه وصحن حلويات وصحن كبير بي تمن فوكو وصله لحم ونص دجاجه ومرگه سوب

لحم  ومقبلات وقوطيتين ببسي اخذت الخاشوگه واكل كل ما ارفع وجهي سراج يباوعلي احس نفسي تقيدت وهو ايلف وياكل عبالك مماكل اشو خلص وراح غسل رجع اخذ ببسي فتحها وشربها جتي عيني بعينه غمزلي وابتسم

عاد ذبيت الخاشوگه وگمت اخذت الصينيه خليتها عله صفحه رحت طلعت دشداشه ورحت للحمام واحس سراج عيونه وراي دخلت لبست وطلعت

سراج . وين رايحه حوري

حوري . متشوف لبست اريد انزل الصينيه جوه

سراج . تعالي حبيبتي بعدين انزلها عيب هسه ترحين جوه وكلها راح تسألج علينه

حوري . اتقدم بأتجاهي حسيت هاي المره ماكو مهرب من سراج اخذي ايدي وقربني اله وفارق الطول بينه يفشل هواي فرق بيني وبينه واصله الصدره رفع حنجه

باسني بشفتي بهدواء ويعتذر عن الايام الصار بيها زعل بيناتنه وجردني كلشي ويتلمس بشكل جريئ احس نفسي تقيدت بدي اوخر ايدي والايد الثانيه ترجع

تتلمس بيه اخر شي دگ تلفون سراج بس احسه توتر وهمس حياتي شويه وارجع بس صوته بالتلفون كانه

صاير شي طلع سراج ورجعت لبست الروب مالتي خفت تجي زمن استحي منها عاد رحت للجنطه

الصغيره مالتي اخذت تلفوني مسويته صامت من جنت بالصالون شفت هواي مكالمات عله الماسنجر ورسائل

فتحت المحادثه ونصدمت بالمنظر الي گدام عيني صور السراج ويه خطيبته القديمه ساره البنيه حلوه

اول مره اشوفها جسمها تارس وطويله تطلع تقريبآ بطول سراج وسمره حلو سمارها ولقطات بيها هو

حاظنها ولقطات بايسها ولقطات گاعده عله رجلين سراج وماخذين سلفي زين هو مو گال ماتوالمنه وتركتها لعد شوكت ماخذين كل هاي اللقطات گمت

ارجف وابجي بحرگه لان جذب عليه وما حجه الحقيقه كملت كل الصور يمكن اكثر من عشر صور كلهن

جريئات اني وسراج ولا مره اخذنه هيج لقطات ابد بس لقطات العرس واهون من ذني ولقطه بيهم سراج

بايسها وثنينهم يباوعون للكامره تذكرت من هيج ميريدني اخذ صور بعد لان مكرهته بالصور اكيد يحبها

هواي هاي اللقطات كفيلات يثبتن الي حبه الها وحته هيه من نظراتها اله بالصوره تبين لهفتها اله گعدت

بالگاع وكل شويه ارجع اركز بالصور ماريد انسااهم حته لينكر حبه الها شويه وصعد بدون ميباوع بوجهي وحجه مستعجل حييل

سراج . حياتي انه طالع ساره بت عمي مسممه وماخذيها للمستشفى اذا تردين نزلي يم البنات

حوري . حته مادار وجها الي لهفته وخوفه الها خلته ينسه اني عروسته اليوم هنا عرفت سراج بعده يحب

ساره واني ويا مجرد شي يخليه ينساها لا اكثر بس حقدت عليه بگد حبي اله مسحت دموعي واحجي ويه نفسي ماريد ابجي عله شخص جذب عليه ماريد تنزل دموعي علمود شخص ميستاهل كل هذا الحب

يتبع… 

بنات اذا اكو غلط انسوو حبايب لتنسون الدعاء لأختي ماريد منكم شي ثاني