تحميل رواية «هدية الشيخ سراج» PDF

هدية الشيخ سراج بقلم ✍ دينا الربيعي ❤️

‏اخاف مما تخفيه النوايا، ترعبني فكرة أن أكون محسنًا مع الأشخاص الخطأ. 🌿

حوري . والله يمه مادري خليتن الشك يتربع براسي

سهى . ها ولج حويره وروح ابوي حامل ولج شوفي وجهج مثل الليمونه اصفرر وضعفانه عرفتج من البارحه والله بس انت گلتي لا دائمآ معتج تأذيج من تنقهرين گلت يجوز ماكله شي غاثج

ام حوري . العصر تفتح الدكتوره النسائيه هاي اليمنه واخذج نشوف شنو وضعج خوفتني

سهى . لا ماكو شي ان شاء الله حامل

اطياف . هاي منو الحامل عزا بعينج غير تخليني ازوج واخلف قبلج يله تحبلين شو متحترمين الأكبر منج حويره

حوري . ساكته ماعرف شعور شلون اوصفه ماجنه امخلين الحمل ابالنه لا اني ولا سراج حته بفتره الخطوبه سراج گال وره السنه يله انسوي طفل فه

ماحجينه بسيره الطفل بفتره زواجنه مثل المتفاجئه لان ماتخيلت اطلع حامل خواتي يحجون ما اجاوبهم فقط مكتفيه بأبتسامه ماعرف شنو احجي احس نفسي

متوتره عله خايفه تمنيت سراج يمي بس يمه ماحس بخوف احسه روحي وكلشي بدنيتي احس نفسي بردت ماعرف گمت ارجف رحت تمددت واحاول اغفه اريد

استوعب شنو بيه وابعد فكره الحمل من بالي لان احس نفسي ما مستعدين هسه وارجع واگول يله بعد رزق حرام احجي هيج اعرف وحده اقارب امي خطيه

سافرت كوم حته يصير عدها طفل وماصار مجرد مافكرت بيها خفت گلت اذا حامل الحمد لله خليت ايدي عله بطني اتلمس وارجع اگول لا منو يگول حامل

هيه الشهريه مامنتظمه بكيفها تزورني كل شهرين كل تلاثه مره بقت سته اشهر يله اني من بلغت هيج وامي اخذتني للدكتوره قبل گلتلها عادي اكو هواي مثل

حالتها بعدين تنتظم دورتها وحده واطتني علاج خلصته ورجعت نفس الشي

ام حوري . گومي بتي اكلي بس تمن ولبن وهاي زلاطه وصحن فواكه اكلي زين ماخليتلج سمج ونوب رجعي تمددي بين ماتفتح الدكتوره العصر واخذج الها

حوري . تمام

اگلت اشويه ماكو شهيه كلشي اسوي لازم سراج يصير بين عيوني مشتاقتله گامت تنزل دموعي شتاقيت العطره اشتاقيت احضنه شافتي امي

ام حوري . خير يمه اشبيج ليش تبجين بعد عمري

حوري . يمه سراج ما اجه عليه ولا بالجذب خابر گال اشوف مرتي ماصار تلث تشهر من مزوجين هيج يذبني ويروح

عمار . ها حوري حبيبتي منو وياج

ام حوري . تبجي عله سراج هههه شتاقتله بعد ماتريدنه تريد رجلها

عمار . افه عليج ولج هيج بسرعه تنكرينه وتريدين رجلج

حوري . متت مستحه احس تفشلت مسحت دموعي وعدلت شعري

عمار . حوري ماردت اگلج لان سراج گلي مسافر ولتگول الحوري راح ويه ولد صديقه خطيه بالحشد ومصوب وراح لأيران يسوي اطراف هناك گلي لتگللها خاف تضوجين بس هسه من شفتج هيج نقهرت عليج

حوري . يعني كل هاي المده مسافر وميگلي شلون انطاه گلبه حته ميحجي وياي

عمار . تلگي مشغول بصديقه وماعنده مجال يحجي وياج تره هو الماخذ الولد وياه حته اهله مارايحين بس سراج ماخذه واكيد ماعنده مجال يخابر ويحجي تركي براحته الرجال المره من تلح عليه يضوج منها خلي شوكت ميخابر يخابر

حوري . سكتت نمت ماعرف شگد وگعدتني امي

ام حوري . گومي يمه يله نروح للدكتوره اني حجزتلج گالت بسته تجيبيها هسه بالخمسه ونص بين ماتحضرين نفسج نروح

حوري . گمت لبست صايه وشال مابيه حيل ولا عندي واهس ابدل خليت كحل ومسكاره ومرطب ولفيت شالي ورحنه ودانه حيدر للدكتوره اول مادخلت للدكتوره فتت الها

الدكتوره . خير ماما احجي شبيج

حوري . صار اكثر من شهر معتي تأذيني احس حراره وحرگه بيها واليوم تقيئت ولعبه نفسي

الدكتوره . صار شگد مزوجه

حوري . تقريبآ تلث اشهر

الدكتوره . گومي افحصج

حوري . اباوع عليها خلت جهاز عله بطني وماده مثل الجل وبقت تروح منا وتجي منا

الدكتوره . اكو عندج حمل معقوله كل هاي الفتره ومتدرين بنفسج

ام حوري . دكتوره خوما اكو شي

الدكتوره . لا بالعكس راح تدخل بالشهر الثالث اگول ليش ماجنتو تعرفون

حوري . لا اليوم يله تقيئت وشكيت بنفسي حامل ودورتي جانت ممنتظمه فه ما اجه عله بالي حامل ومعتي صار هواي تأذيني بس مافكرت بسبب الحمل

الدكتوره . لا امي بعد يومين ادخلين بشهر الثالث ماشاء الله حملج زين ومستقر ماكو شي يخوف وراح اكتبلج عله مقويات وفيتامينات تاخذيهم وتجين كل شهر اشوف حملج الله يگومج بالسلامه

حوري . شكرآ

طلعنه من الدكتوره رحنه للصيدليه اخذنه العلاج

ام حوري . الف مبروك بتي ان شاء الله يجي بخير وسلامه

حوري . الله يبارك بيج شعور حلو من تأكدت بنفسي حامل قبل شويه جنت مستبعده الفكر وخايفه شلون هيج بالحضه تغير كلشي رجعت للبيت وكلها تباركتلي

وفرحتلي گتلهم ماريد واحد يگول السراج اني اريد اسويها اله مفاجئه اول شي قررت اسوي صفحه فيس لان ماعندي اتتظرت حيدر من يجي يسويلي فيس واحجي ويه سراج

صدگ بليل اجه ونزلي الفيس سميتها همسه أمل وخليت صوره بنيه حامل ومخليه اديها عله بطنها وانطانيها علمني شلون ادز طلبات صداقه وشلون

اوافق اخذت التلفون وصعدت دزيت لخواني ولمره عمار واخواتي ودزيت طلب السراج بسرعه وافق دخلت الصفحته ناشر هواي صور اله بقيت اگلب بالصور

وعيوني تجري مشتاقتله موت هواي صار بعيد عليه شتاقيت حته الصوته ناشر صوره اله هو وصديقه خطيه مبين عليه مريض كتبتله بالتعليقات الحمد لله

على السلامه شفت بالتعليقات يتحمدوله بالسلامه واني سويت مثلهم شويه واجاني رد تسلمين ورده

گلت ميعرفني خلي ادخله عله الماسنجر واحجي وياه صدگ دزيتله رساله هلاو شويه ودر

هلا بيج منو ؟

كتبتله انته واحد قاسي رجع كتب

منو غير اعرف حته اشوف ليش قاسي ؟

كتبتله وحده مزوجه وتراسل بيك ماعدها شي لان زوجها هاملها

ي مبينه مزوجه وراح اصيرين ام هم بس عيب عليج تراسلين واحد غريب وانت مزوجه وطفل بالطريق

كتبتله اذا زوجتك هيج اسوي شتسويلها

استغفر الله روحي بابا ولجيبين طاري مرتي عله السانج بس موصوجج صوج الخله التلفون بيدج

كتبتله هنيال مرتك اكيد هسه هيه بحضنك اني زوجي بعيد عني وميحبني ودزيتله ملصق 🥺

مارد عليه رجعت دزيتله ليش مترد من شفته يشوف الرسائل وميرد عفته واني هم تعبت نعست ونمت

……

نرجس . گمت اهوس وبابا خزرني رحت حضنته گتله بابا اسفه بس هذا الرجال الي لازم اكمل حياتي وياه وطگيتها برگضه فوك شويه وصعدتلي امي وبلشنه

نعزم واني خلصتها ارگص ومشغله اغاني حسيت نفسي اول مره ازوج وطايره من الفرح

ام نرجس . ولج يمه عيب خزيتينه گدام ابوج وعمامج شيگولون عليج نصي شبيج تخبلتي

نرجس . ماما عوفيني فرحانه حبابه غير راح ارتبط بحب حياتي ورجعت اهز وارگص اخر شي امي ملت مني عافتني ونزلت للعصر جتي اختي رحنه للصالون

حفيت وسويت ميش خفيف واشتريت فستان قصير احمر وكم شغله محتاجتها ورجعنه احس كل يوم يمر عليه سنه منا للجمعه جني خواتي كلهن وبنات عمي

واقاربنه رحت للصالون طلعت انسانه ثانيه بضحكتي وشكلي والفرح الي مبين عليه

صار العصر واجوي بيت اهل حكيم جني خواته واهله كلهم وصار العقد تقدمت يم الباب وبقه الشيخ يردد واني وراه وحكيم شويه وصارت الهلاهل واخيرآ صرت

زوجه حكيم حبيبي الفرحه ماساعيتني بعدين گالو راح يجي يلبسها الحلقات اجه حبيبي يباوع بوجهي والابتسامه بوجها فديت عيونه ووجها لابس بنطرون

اسود وقميص كريمي يجنن طالع وشعره رافعه والعطر الي اموت عليه لبسنه الحلقات واخذنه لقطات صور همس بأذني اني اعلمج عله كل هاي الايام الي

ماحجيت وياج بيها اله اطلعها من عيونج باوعت قربت عليه جاي اجاوبه اشو هذا باسني بخدي العالم عبالهم طلبت منه يبوسني فشلني متت بدمي ضحك عليه

والبنات يگلولي شبيج مستعجله اباوع امي خزرتني ياربي اسويت حكيم شويه وطلع حكيم وبقينه بس احنه البنات رگصنه واحتفلنه لمن ملينه اخر شي من

راحو اهل حكيم گمت بفستاني للمطبخ صبيت اكل اليه وگعدت اكل شافني بابا اجه سلم عليه وباركلي حبيبي

خالد . ولج مو عروس ماتبطلين خبالاتج

علاوي . الجوعيه عاد خلي الخطار تروح عيب عليج اليشوف شكلج مايگول ملطلطه

نرجس . ماگدر اجاوبهم اللكمه بحلگي شكبرها ميته جوع ماجنت احس بنفسي جوعانه بس أشر بديه أگله روح روح اشو طلع تلفونه واخذلي صوره خليت ايدي

عله حلگي احاول ماخلي شكلي يطلع بس اخذ صوره وراح خلصت الحفله وخواتي لملمن البيت ونضفنه وراحن خطيه صارلهن يومين يمنه اخذت ملابس وفتت

للحمام سبحت ونزلت يمهم سويت عشه وتعشينه ونضفت المطبخ ورجعت صعدت سويتلي ماعون مال فنگر وببسي فتحت التلفون واشوف رسائل من حكيم

دازلي صورتي العمو علاوي اخذها الي عرفته راح يدزها الحكيم متت خجل يگلي هاي شبيج اكو وحده بيوم الي لازم تكون بي نازكه هيج تاكل ياربي شجاوبه

هسه حته انسدت نفسي جنت اكل ماجاوبته شويه ورجع كتب مشتاقلج بگد رحمه الله حبيبتي

ليش كل هاي الفتره ماكو ليش سويت هيج حكيم

گوه صبرت نفسي عليج حته اگدر اخطبج اتقصدت ابتعد عنج ياروح حكيم انت كل يوم يمر عليه بسنه واني ماگدر احجي وياج

ليش شنو المانعك متحجي وياي هاا

ردت اثبت الاهلج ماكو تواصل بينه وكل الردنا نزوج عله سنه الله ورسوله

واهلي شمدريهم بينه تواصل او لا يعني راح يفتشون تلفونك

لا اني انطيت تلفوني العلاوي خليته يمه وگتله شوف بعينك كل تواصل بيني وبين نرجس ماكو وشوفته كل المحادثات القديمه قراها وعرف اني نيتي وياج جانت صادقه بقه التلفون يمه كم يوم گاله مامحتاجه كم يوم ورجعه گال ارجع للبيت امك تعبانه عليك ومتسلم عليه ارجع واني ازوجها الك

يتبع… 

هدية الشيخ سراج بقلم ✍ دينا الربيعي ❤️

سأقف معك حين يظن الجميع بأنك سيء، سأقول بأنك لي وتخصني بكل سيئاتك.♡

حوري .  كل يوم احجي ويه عمتي اتصل بيها ومن تسألني عله سراج اگللها ي احجي ويا دقايق واسده وميعرفون بيه حامل وخوات سراج هم يراسلني

واحجي وياهم بس نوره ابد ابتعدت عنها كله الصار بيني وبين سراج بسببها دخلت الشهر الثالث صار يومين تعبانه صعدت فوگ واحاول اغفه بس ماگدر

انام تكررت الحاله عندي مال تقيوء احس بغثيان اشو من عرفت بنفسي حامل زادت الاعراض عندي امي تگلي حاله نفسيه لان عرفتي نفسج حامل مخليه ايدي

عله بطني واتخيل سراج من راح يعرف شيگول دگ تلفوني گمزت اباوع للشاشه مكتوب حبيبي ❤️ وقلب احمر ردت ما اجاوب بس رديت عليه

الووو

جاوبني بصوت تعبانه

الوو حوريتي شلونج

حوري . تمام الحمد لله انته شلونك

سراج . تعبان من دونج مشتاقلج هواي

حوري . ي مبين راح يصيرلك شهر وهسه يله فكرت تتصل بيه

سراج . حوري ردت اعلمج متتجاوزين عله الاكبر منج عيب تحجين ويه نوره هيج

حوري . جاوبت والدموع تتجارا وصوتي انبح من البجي گتله سرررراج وداعت البطني ما غالطه عليها

سراج . شنوووو شنوو البطنج حوري تسمعين شنو گلتي لو اني السمعت غلط

حوري . غميت گصتي ماردت اگله اني حامل هسه گلت اخليها من يرجع اگله بس نسيت نفسي

سراج . الووو حوري مو احجي وياج ليش مجاوبين

حوري . ماكو شي سراج جاي اگلك عله الألم البطني

سراج . حور كلش زين سمعت گلتي وداعه البطني حوري اذا طلعتي حامل وحاولتي اضمين عليه اشوفج وجهي الثاني تره

حوري . زادت شهگاتي احس بعده عني متعبني مدري لان حامل احس صايره حساسه اكثر كرهت هاي الحاله البيه

سراج . شبيج حياتي حوري حبيبي احجيلي شبيج خلي افتهم اذا عله الاتصال تره والله وداعت حبنه مالحگ احك راسي الرجال وياي مريض يريد يبدل

اطرافه ومحد من اهله وياي ويوميه اتصل بعمار اسأل عليج وماردت اتصل بيج حته اعلمج هاذا الشي غلط

حوري . وداعت ابني ماغلطت عليها سراج هيه تتبله عليه جذابه والنبي

سراج . لا اله الا الله ابنج منين گليلي خلي اعرفه منين جبتي مزوجه قبليييي انت

حوري . ابنه قصدي ابنه

سراج . حامل انت حوووووري

حوري . ي حامل بشهر الثالث

سراج . وليش ماگتيلي هااا لشوكت ناويه تحجين بله

حوري . ليش انته متصل بيه سائل عليه حته اگلك حامل اشو صار شهر متحجي وياي ابجي واحجي وبدل ما يعتذر غلق التلفون بوجهي وعافني ابجي

واكل بروحي اكل الليل كله ماغفيت دقيقه وحده نمت وجه الصبح يله غفيت من التعب ودموعي بخدي علمود شي اني مامسويته مرت كم يوم والعرفته من

عمار سراج راح يطلع للهند لان صديقه العمليه مالته ماناجحه خطيه بدل ميخلوله اطرف مصگطين رجله كلها جانت بس البدايه مال مال رجله متأذيه هسه

بأيران شالين الرجل كلها اهله متخبلين عليه والدكتور گايله اكو برفسور بالهند طلعوا هناك ويوم يجر يوم وصرت عوده من الضعف كلش تغيرت وضعفت سراج

كل يوميه نتراسل اني وياه بس مشغول ووقتنه مومثل وقتهم الهند متقدمين قبلنه بتلاثه ساعات يعني لو اني نايمه لو هو نايم واكثر وقته بالنهار بالمستشفى

مشغول دخلت بشهر السادس وسراج بعد اسبوع يرجع گلت ارتب نفسي شويه قبل ليجي واروح للدكتوره اطمن عله وضع الطفل نزلت گلت لأمي نروح للدكتوره 

ام حوري . حجزتلج العصر نروح للدكتوره ومناك اخذج للصالون

حوري . ي والله يمه عاجبني اخصل شعري شفت صوره بالانستا كلش حلو واسوي تسريح اريد تغيير حلو شويه مليت من شعري كله غامق لونه شوفت الصوره الامي

ام حوري . ي والله حلو شوفيها لأم الصالون وخليها تسويلج مثله

حوري . ي هو گلت اخليها تسويلي مثله رحت سبحت وخليت شويه مكياج حواجبي ثخان لان ماحافه ابد ووجهي كله شعر صح خفيف بس مبين محافه نزلت

جوه لگيت ام وحيدر منتظريني حيدر يودينه للدكتوره ومناك للصالون نروح مشي لان قريب عله عياده الدكتوره صدگ دخلت للدكتوره گدامي اربع بنات

والدكتوره لان دقيقه كلش وتفهم هواي تتأخر امي بقت تسولف ويه النسوان منا من اجه سراي دخلت وهاي المره مشدده الدكتوره ممنوع المرافقه تدخل ويه

المريضه فه دخلت وحدي اول ماشافت بطني گالت صعدي اسويلج سونار خلت الجل والجهاز وبده تسأني بياشهر بقت هواي تركز

الدكتورة . شوكت اخر مره سويتي سونار

حوري . اخر مره گتيلي بعد يومين وادخلين الثالث وبعد ماسويت سونار بس علاج اشرب مقويات وفيتامينات لان گتيلي تستمرين عليهم للولاده

الدكتوره . شوفي ماما هو وضعهم تمام بس لان ثقل عليج الجاره نازله وصاير عندج فطر بالجاره حاولين لتتحركين هواي ونامي ورفعي رجليج

حوري . دكتوره شنو توأم

الدكتوره . ي ماما عندج توأم بكيس واحد ومشيمه وحده ووضعهم تمام بس الجاره نازله ولتخافين اذا تهتمين بنفسج وترفعين رجلج ترجع الوضعها ومتخوف

حوري . دكتوره ليش ماگتيلي من جيتج بالشهر الثاني

الدكتوره . ماما ميبين التوأم من الاشهر الاولى وخاصتن اذا جانو بكيس واحد ومشيمه وحده نكتشف التوأم بالشهر الثالث واحيانآ الرابع لان يكبرون

ويصيرون واضحين وانت ماجيتي بذني الاشهر اجيتي بالشهر السادس وهسه بينوا وگتلج

حوري . اباوع للدكتوره تحجي ومبتسمه استحيت لان هيج گتلها كلامها صحيح اني الماجيتها بعد احس توترت بالزايد

الدكتوره . ليش ماسألتي عله جنسهم متردين تعرفين

حوري . لا بالعكس اريد اعرف جنت اريد اسألج

الدكتورة . عندج واحد ضعيف وواحد سمين البنيه سمينه والولد ضعيف هههه ان شاء الله اجيبيهم بالسلامه

حوري . اطتني اكلنس امسح بطني وراحت للكرسي رحت وراها اگول بطني كبرانه ليش مانتبهت مره عمار گلتلي بطنج عبالك وحده بشهرها حته سها گلتلي بطنج

كبرانه اتخيل شكلهم واحس بفرح وبخوف بنفس الوقت حبيتهم خليت ايدي عله بطني شعور حلو طلعت الامي بعد ماكتبتلي الدكتوره عله علاج

حوري . يمه بيه بنيه وولد واضحك

ام حوري . يا يمه بيج توم

حوري . ي والله الدكتوره هسه گلتلي

ام حوري . صلاوات على محمد وأل محمد والله حسيت بيج گلت بطنج جبيره خاف بيها توم يايمه الله يحفظلج ياهم من العيون وتگومين انت وياهم بالسلامه بحق محمد وأل محمد

حوري . رحنه للصيدليه جبنه الدوه

وطلعنا للصالون اول مادخلت سألتني شنو اسوي طلعت الها الصوره مال شعر البنيه شوفتها گالت ي يصير

صدگ سوته طلع يجنن وبعدين خلتلي ماده معالجه للشعر صار شعري مي ولونه يجنن لان طبيعي وفوگه خصل بلاتيني عله بياض كلش حلو وسوتلي حفافه

وتنظيف بشره طلعت وحده ثانيه كلش حلو التغيير صار عليه طلعنه خابرت حيدر گال راح اوصل الكم قريب عليكم صدگ اجه بسرعه علينه

حوري . حيدر راح اجيب توم احجي واحرك بحواجبي فرحانه بيهم

حيدر . انه خوك بيج توم ولج حويره كبرتي وگمتي اجيبين توم

ام حوري . الله يحفظهم الها ان شاء الله والله اخاف عليها من العيون بعدها طفله

حوري . يمه راح اصير ١٧ سنه بعد كم شهر شنو السالفه

ام حوري . عزا بعينج واذا ١٧ سنه غير بعدج طفله هاي اختج اطياف لحد هسه ممزوجه يله شنسوي الله يباوعلج ان شاء الله ويحفظج من كل شر

حوري . وصلنه للبيت صعدت بوجهي فوگ وامي گعدت تحجيلهن عني وعن وضع الطفل اسمعهن يصيحن عليه يردن اسولفلهن بس گتلهم من ارتاح انزل

تعبانه اخذت التلفون ودخلت عله الگوگل ادور صور توأم بنت وولد اخليها بالواتساب لان سراج من مسح الفيس القديم مالتي بعد ماقبل ارجعه فه ماگتله هاي

صفحتي خليتها بالواتساب ردت اشوف سراج من يشوفها شيگول صدگ لگيت صوره حلوه قصيتها وخليتها وكل حجيه من يراسلني يخص الحمل بس

يطمن عله حملي ويروح مبين بعده زعلان مني ماردت اراسله اني ردت هو يراسلني صدگ شويفه و دز هلو من يشوفني متصله عله الواتساب يدزلي رساله

حوري . هلو بيك شلونك

سراج . راح اجي مابقه شي ان شاء الله بعد يومين قدمنه الحجز

حوري . ان شاء الله توصلون بالسلامه

سراج . الله يسلمج

حوري . هو يدري بيه اليوم اروح للدكتوره لان گتله بس من غيرت الصوره خليت مال توأم ردت يشوفها ويعرف قبل لا اگله

سراج . رحتي للدكتوره اليوم

حوري . يي رحت بس قبل لا احجيلك شوف الصوره مالتي مال واتساب وتعال شويه ورد

سراج . لا بربج توام حوووري حامل بتوم

حوري . ي تؤام بنت وولد بسرعه اتصل رديت

سراج . اللهم صل  على محمد وأل محمد حوري ديري بالج عليهم زين مفهوم اريد جهالي يجون زينين اكلي زين حرام اثنين لازم تتغذين زين ماشي حبيبي

حوري . والله بدون متوصيني امي مسويتلي اكثر من ست وجبات باليوم من غير الفواكه والحلويات احس انتخمت بالاشهر الاولى ضعفت حيل هسه احس راح اطگ

سراج . ي احسن حبيبتي لازم غذاء زين تحملي كلها كم شهر واجيبين بسلامه اهم فتره هاي لان جاي يتكونون

حوري . بقينه هواي نحجي احس نفسيه سراج احسن شويه يمكن لان راح يرجع واخيرآ صدگني اني ماغلطانه ويه نوره وسولفتله كل تصرفاتها هيه وساره

گال اني من ارجع اعرف اتصرف وياهن نهينه الاتصال بعد مكالمه كلش طويله

……

نرجس . عرفت قصد عمو علاوي من گال اني جاي اضبط عليه ماگلت الحكيم هيج گال عمو

يوميه اتصل بيه وزاد تعلقي بي بيوم گاعده اتغده

ومستعجله لان اريد احضر نفسي يريد يجي حكيم

اكلت عله السريع وصعدت اخذت تراكسود جلد النمر ودخلت للحمام طلعت سرحت شعري وخليت مكياج

خفيف وخليت عطر ونزلت شويه وندگت الباب اجه بابا شافني گال تعالي گعدي يمي اريد احجي وياج

خالد . تعالي گعدي هنا واريدج اتركزين وياي زين

نرجس . ي بابا احجي اسمعك

خالد . شوفي نرجس هذا ثاني زواج الج اريدج تتحملين زوجج احنه عشره عمر وياهم لا يوم ولا يومين ناس طيبين ونعرفهم ماعدهم مشاكل ولا عدهم

زايده وناقصه كل الصار بينه وبينهم وبقه متمسك بيج ورايدج فعلآ كبر بعيني واحد غيره من نطلعه من بيته غصب عنه يبطل بعد ميريدج بس هو ثبتلي العكس

ورغم كلشي بقه يحبج يابتي الحياه اخذ وعطئ اريد منج تساندي وتبقين وياه عله الحلوه والمره ماشي بابا

نرجس . ي بابا ان شاء الله اني حبيت حكيم لهذا السبب لان عنده اطباع ماشفتها بسليم احسه صاحب مسؤليه ورجال اگدر اعتمد عليه يعلمني الصح من

الغلط ان شاء الله اكون عد حسن ظنكم هاي المره وابقه وياه طول العمر

حسيت بابا خايف مني هاي العمره لو مفكر هم اعوف حكيم بس اني رغم سوالف سليم ماجنت اريد اعوفه بالبدايه وماحجيت الواحد عن سوالفه من بده يمد ايده

عليه ويتجاوز وأذاني يله حجيت مو هسه اعوف حكيم الي شفت الدنيا كلها بي شويه واجه حكيم سلم عله الكل وعله بابا

حكيم . ابو حلى من بعد اذنك زواجنه ان شاء الله راس الشهر

خالد . ي  براحتكم بيها الخير ان شاء الله وموفقين

حكيم . تسلم رحم الله والديك

نرجس . بقيت اباوع الحكيم ليش ماگلي من قبل باوع بوجي غمز ودز بوسه بالهوى سويتله حركه بمعنا بسيطه عقج حاجبه بمعنا شكو

يتبع… ..

بنات اريد أرأكم عله الفقرات بالتعليقات حبابات ساعدوني برفع القصه واكون ممنونه منكم ❤️

هدية الشيخ سراج بقلم ✍ دينا الربيعي ❤️

" ‏ويكفيكَ شخصٌ وَاحد في ذاكرةِ الرُّوح

    طَيفهُ يُساوي كُلَ العابِرين أَمامَك ⁦⁦"

نرجس . طلع بابا وعمو گال العلاوي لتروح تتعشه يمنا راح اروح اجيب عشه مشاوي واجي رحت حضرت مقبلات وزلاطات وقليت كبه وبتيته وغدانه دولمه هم بقيت ماعون الحكيم منها وببسي وسويت ابلامه اثنين فواكه

شويه واجه عمو حضرت السفره بين ماسوت ماما المشاوي بالماعين وگعدنه كلنه اني وحكيم مقابيلي وبيبي وعمو وماما وبابا واخوي مقتدى الصغير كلنه التمينه عله السفره مرن عله بالي الايام الي تعاركنه بيها

احنه وحكيم گلت الحمد الله انجمعنه عله سفره وحده بعد كل هاي الخلافات اباوع الحكيم وعمو مندمجين ياكلون ويسولفون بأيام قبل وشلون جانوا يرحون للمدرسه

بعد كلام دار بينهم تمنيت كل يوم هيج گعده حلوه تصير لان فعلآ هيج گعدات بين النحبهم متنمل كلها ونسه وضحك وسوالف وشقه ونذكر ايام قبل حسيت حكيم مو صديق لا شخص من العائله لان اكثر الشغلات

اليذكروها هو يتذكرها ويه عمو علاوي لان رابين سوه تمنيت حكيم اول شخص افتح عيني عليه واول شخص يلمسني واصير زوجته بس الحمد لله لانو كلشي سبب لو ماطرحت ماكان تعرفت عله حكيم

صحيح خسرت طفلي بس الله قدملي حكيم عله طبق من ذهب اباوع بمعانيه رجولي لدرجه حته نضراته تهزني تحرجني عيونه وسوادهم مرات احس نضراته وكحه ماعرف شلون افسرها الكم بس اكو نظره عن

نظره تختلف حكيم من يباوع الي احسه بنظراته حجي يبقه مركز بيه واديه تتلمس لحيته ثواني ويبعد نظره عني بس احسه اكو شي بداخله بعدين كل واحد راح

المكان عمو علاوي طلع وبابا دخل للبيت ترخص گال اروح انام باجر وراي دوام بيبي وماما شويه واحن بقه بس حكيم يمي

حكيم . يله حبي اني اترخص

نرجس . اجه بأتجاهي وگمت وياه گلت اوصله للباب بس بدل ميروح يفتح الباب تقرب مني ولفني عليه واديه محاوطه خصري بعد شعري ودفن وجه برگبتي اخذ نفس اطرافي جمددت عطره طيب وممزوج بريحه

جگاير اول مره احس بأحساس حلو حسيت حكيم الرجال الي كل افعاله وحته عطره يدل عله الرجوله البي اما سالم ماجنت اشم بي بس عطر الشرب

ومشيته جانت مثل البنات يروح منا ويجي منا فاهي مثل منگول باخر فتره صار يقلد البنات بشكل مو طبيعي

رجع دارني اله صار وجهي بوجها بعد خصلات شعري ونزل طبع بوسه بخدي وتقرب باسني بشفتي احس ماعدت اسيطر وابقه واكفه بتعدت عنه شويه

رفعت راسي شفته عقد حاجبه وبتسم ابتسمت اله

حكيم . نرجس شنو هالهدوء

نرجس . احمم شنو مابيه شي البارحه ليش اتصل عليك مشغول ويه منو تحجي

ردت اغير السالفه لان حسيته يبسمر بيه لان عفته براحته

حكيم . هاا والله جنت احجي ويه سراج لان مسافر وراح يرجع باجر ان شاء الله

نرجس . ها اي ادري گتلي اخوك مسافر بعده الهسه صار هواي

حكيم . ي والله خطيه ويه صديقه لان عمليته اسم الله جانت خطره يله حبيبي رايح باجر اروح اجيبه من المطار

نرجس . اوك بس حبيبي مو قريب عرسنه راس الشهر شنو الحگ اسوي مابقه بس اسبوعين الراس الشهر

حكيم . اني ماعندي شي كلشي كامل غرفتي وغرفه الاخشاب نروح اني وياج بعد يومين هيج بس خلي يجي سراج ويبقه جهازج الفلوس اطيتها الامج ومن

باجر روحو جهزو منا لاسبوعين مكملين قابل شنو هيه ملابس وذهب لتصعبيها عليه حبيبي

نرجس .  اوك حبيبي براحتك تقربت بسته بخده وراح ماحبيت الح عليه مدام مقررين كتفيت بالسكوت لانه فعلآ محتاجه حكيم يمي احسه راحتي النفسيه

……

حوري . نمت وگعدت جوعااانه حيل اباوع للساعه صار هواي نايمه اتلمست شعري ونزلت من الجربايه ريحه التسريح حلوه وشعري جان سرح كلش وهسه صار

ميلزم لميته بقراصه واباوع لبطني صايره شكبرها صحيح ماجنت متخيله توأم بس هسه مبينه بيه توأم گمت امشي وگفت يم المرايه اول اشهر الحمل ضعفت

كلش هسه جسمي مورم وسمنانه وجهي بس خدود حته شفتي مورمه امي تگول اني جنت هيج اكثر شي بالولد جنت اصير حلوه واسمن اخذت ملابس ودخلت

للحمام سبحت ولبست دشداشه كلوش تجنن عليه صارت لون وردي وعفت شعري بس نشفته بالشسوار وخليت كحل ومسكاره ومرطب ونزلت اباوع للساعه اريد بسرعه يخلص مشتاقه السراج هواي

حيدر . بطه والله بهاي دشداشتج بطه هههههه

حوري . ننننننى تعيب عليه انته احله مني

حيدر . لاعمي غير انت الجمال كله طالع تردون شي اجيبلكم وياي

حوري . اريد بيتزا مشتهيتها

حيدر . ادللي من اجي اجيب وياي

ام حوري . اللهم صلى على محمد وأل محمد حوري يمه هاي الدشداشه برزت بطنج كلش لو نازعتها

حوري . لا يمه والله مرتاحه بيها لان عريضه خليها استبرد بيهم همزين جبت اربعه مثلها

اباوع لطياف اختي اجتي والفرحه مبينه بوجها

اطياف . يمه هسه خابرني احمد وگال راح نجيكم ونحجي بخطبتنه

ام حوري . ي يمه هله بيهم بس اشو ماخابرتني خالتج

اطياف . صدگ ليش تلفونج وين شفتي اخلف متصله بيج وماسمعتي

ام حوري . هناك بغرفتي شوفي بله

حوري . اباوع عليه الفرحه مبينه بملامحها اختي اطياف اكبر مني بس اتحب ابن خالتي صار اريع اسنين يوميه يگللها نجي نخطب ونوب يگللها لا اكون نفسي يله بقت تحبه ومتمسكه بي لان فعلآ هو گد المسؤليه

وفاهم وشاب حلو بس هو هيج يحب كلشي عله حسب الأصول خالتي تگول يفكر للمستقبل دائمآ عكس اخوانه عدهم المهم يعيشون يونهم هو موظف بشركه مال اتصالات حته قطعه ارض اشتره يگول اريد اكون

نفسي قبل لا اجيب مره اريد اعيش مرتاح من ازوج مو كلشي ماعندي اهلي يحبوه لان تفكيره حلو وفقير ماعنده سوالف تعبانه بحيث ماكو شي رسمي بينه

وبين اطياف بس مهتم بيها ويجيب الها هدايه وهيه هم هواي شغلات عافتها علموده

اطياف . ي يمه موگتلج متصله بيج مكالمتين فائته منها

ام حوري . والله يمه ماسمعت جيبي خلي احجي وياها

حوري . صدگ حجيهم بس حجت ويه امي گلتلها جايينكم نقره الفاتحه ونحدد شوكت النيشان مالتهم هو عقد هو تلبيس حلقات بيوم واحد وهنا بدت

الخبصه خطيه اطياف لاحفافه ولا شي وهمه جايين بالطريق

زوجه عمار لمى . تعالي اني احفلج عسريع وخليلج شويه مكياج

اطياف . لا يمعوده شلحگ راح يجون

حوري . يمعوده عاد حفي بس حاجبج والشنب اليگول عصام اباب الحاره دگومي قابل بيتهم بص بيتنه بين ميجون مخلصه اني گايمه احضرلهم الظيافه

اطياف . ماشي خلي نصعد بغرفتنه فوگ عيب لجي واحد من الولد ويشوفني

حوري . حضرت عصير برتقال طبيعي وعدنه كيك سوته مره عمار الصبح لسه محد ماكل منه خليته بمواعين التقديم وحضرت مي وگلاصات كلهم خليتهم

عله الكاونتر بس يجون انقدمه الهم جوعانه عود ردت اكل شي ذول البطني كلساع منطيني دفره تذكار اخذت قطعه كيك اكل بيها صعدت ردت اشوف اطياف

شسوت لگيتها حافه حاجبها وشاربها ودتخليلها مكياج لمى

اطياف . ها حوري بربج حلوه لو لا

حوري . والنبي حلوه لبسي الگلبيه هاي الذهبيه تجنن عليج وشعرج سوي كبايه ونزلي كم خصله يطلع احله عليج

لمى . ي ماخليت الها مكياج هواي لان وجها صار احمر راح يبرز هواي هيج كحل ومسكاره وتخطييط حاجب احسن

حوري . شويه وندگت الباب سمعت عمار فتح الهم دخلو خالتي وزوجها وابنها واني عله الدرج اشوفهم نزلت سلمت عليهم وراح عمار وزوج خالتي والولد

اطياف . توتر عبالك اول مره اشوف خالتي واحمد ماعبالك صار اكثر من اربع سنين وياه

نزلت سلمت وخالتي وامي راحت يمهم بعد ماحددو المقدم والموأخر قروا الفاتحه وسمعت خالتي تهلهل فرحت جنت متمنيه هذا اليوم من اول ماحبيت احمد

وتمنيت هو الرجال الي اكمل وياه لان فعلآ كل بنيه تتمنه واحد مثل احمد رجال گد كلمته گال قبل كلشي اكون مستقبلنه حته من تجين يمي ماريد اتعبج ولا

نفكر شلون نعيش اتوظف واشتري قطعه ارض اخليها جوانه يله نخطي هيج خطوه وگد الوعد رجالي حبيبي اليوم ثبتلي حبه الي من صدگ جنت خايفه بس الخوف كله راح الحمد لله

حوري . يله روحي قدمي الظيافه عيب ولج صار ساعه گاعدين

اطياف . حوري استحي خاف تنگلب الصينيه مني والله شوفي شلون جاي ارجف انت روحي فدوه

حوري . ي هسه اطبلهم هيج بطني گدامي شكبرها ماتخليني اشوف لني داعمتهم

اطياف . عابت اي والله جيبي اخذت الصينيه وترگص بيدي احاول اتوازن ماريد يتبده العصير بالصينيه ويگولون ثوله ههه الحمد لله وصلت سلامات قدمت الهم ماخليت عيني بعينهم استحي

اني شويه اطول من حوري

بس نفس الجسم اني وياها حته مرات نلبس من بعض وهواي يگولون عبالك توم ماكو فرق بينكم

بس الشكل حوري احله مني شويه وتحب الشعر الطويل وهيه ابيض مني

اني حنطيه عيوني كبار لون اسود ووجهي دائري

شعري الحد ضهري ماحب اطول من هيج دائمآ اقصه

ام احمد . يمه صلاوات على محمد وأل محمد واخيرآ فرحت بيكم منتظره هالفرحه يوم يوم

ابو احمد . والله لاعالبال ولا عالخاطر اجه من الدوام وگال نروح نخطب

احمد . ي جنت اريد اكون نفسي قبل مابلش بأي شي رسمي لعد شنو هو الزواج لعب مو مسؤليه

عمار . ي حقك والله بهاي اهم شي واحد يكون مستعد الهيج خطوه

اطياف . بعد ماحددو موعد العقد صاحتلي خالتي شفت احمد همس احبج وجر خشمي باصابعه خالتي تباوع النه وتضحك شويه وترخصوا وطلعو

حوري . الف مبروك حبيبتي تستاهلين ياعمري

اطياف . الله يبارك بيج حياتي

عمار . حوري حضري نفسج اوديج لعيالج هسه

حوري . ليش شكو عمار خوفتني

عمار . ماكو شي بس غير زوجج يجي باجر وترحين تستقبلي عيب ترحين بيوم اليجي مايصير عيب من اهله وخلفله الله عليهم خلوج هنا كل هاي المده

ام حوري . ي يمه مايصير يجي رجلج وماموجوده بالبيت عيب مو من ثوبنه ترحين هسه وترتبين غرفتج باجر ان شاء الله يجي زوجج

حوري . ي تمام بس احضر نفسي

صعدت حضرت الجنط بهاي الاشهر كبرت بطني حيل وسمنت ملابسي كلها جديده جبتها صارن جنط اثنين

الاغراضي وملابسي صعدن اطياف ولمى نزلنهن وياي سلمت عله اهلي وطلعت

طول الطريق افكر بسراج وشنو راح يسوي من يشوفني هيج متغيره وبطني كبرانه وصلنه للبيت

نزلنه اني وعمار نزل الجنط فتنه من الديوانيه مال الشيخ ماموجود احد اول ماشافني گال

الشيخ محسن . ياهله من جانه هله هله بيكم توه نور البيت حوري بابا تعالي شلونج

حوري . تقدمت عله سلمت باسني براسي سلامه وملاگاه حلو ويه الكل هيج اسلوبه حلو الشيخ

الشيخ محسن . تفظل عمار ابني شلونك الاهل اشلونهم ان شاء الله بخير

عمار . زاد فظلك الحمد الله كلنه بخير

حوري . بعد سلام وكلام وسألني شلونه حملي هو يوميه عمي يتصل يحجون وياي هو وخالتي بس مشايفين بطني ابد هاي اول مره يشوفوها طلعت ردت

اروح اسلم عله خالتي دخلت للصاله شفتها گاعده عله التخم تباوع للتلفزيون تقدمت عليها

ام سراج . يا صلاتك على محمد وأل محمد بتي جتي حوري يمه شلونج شلون جهالنه

حوري . بستها وتسأل عله الجهال وتتلمس بطني وتحجي وياهم دمعت عينها نقهرت عليها لوما نوره جان اني بقيت هنا ومارحت لهلي حته لو سراج مسافر

وبعد ماراح عمار وسوالف اجه اشيخ هنا ومنتظر ونوره وسلامها وياي عبالك البارحه شايفتني مو صار اربعه اشهر بسببها اتزاعلنه اني وسراج ورحت لهلي شويه

وكل واحد راح الغرفته لان تأخر الوكت وحنه نسولف صعدت فوگ كلت انظف الغرفه حته باجر ماعندي شي صدگ شلت الفراش والنزله مال الجربايه ومنتظر گتله

يشيلي البرده ويخلي غيرها خطيه ماگال لا بس صحته اجه وطلعت غسلت البلكون من بره مخلين مشبج محد يشوفني فه ماخذه راحتي ورجعت للغرفه مسحتها

وعطرتها صارت تجنن هيه مبينه منظفه بس موهسه فه من نظفتها طلع وجها مسحت الاخشاب تعبت اخذت ملابس ورحت سبحت اباوع البطني والجهال يتحركون

احجي وياهم گتلهم جعتو واضحك بيني وبين نفسي نزلت سويت صحن فواكه محد گاعد جوه كلهم نايمين لان وراهم گعده الصبح الجيه سراج اخذت الصحن

وصعدت اكلت شويه ونمت مادري شگد نمت بس حسيت عطر سراج مله الغرفه وحركه يمي صارت حسيت واحد فتح الغطه ودخل يمي عبالي حلم بس من خله ايده عله بطني گلت هو

يتبع…

بنات والله العظيم كتب ونمسح البارت تعرفون شنو من احساس لمه تعبون ويروح كلشي احساس بشع 😭 ورجعت اكتب من جديد اهم شي لتنسون النجمه ترفع القصه وارأكم بالتعليقات حته اعرف رأيكم شنو بالقصه احبكممممم 😘

هديه الشيخ سراج بقلم ✍ دينا الربيعي ❤️

‏تذڪُر چنِت مِن

تعتنيني بَـلهفتك

مشتاك حتى تشوفني ؟

وتلڪَاني روح مّشگگه ولَـمسات

ايديِك ترُفني ..

تترڪُني هسه قررت !

ينطيّك ڪَلبك ننتهي وبَس بالاحلام

تشوفنِي ؟

بنات اي شعر بالبارتات الجايه راح يشرح حال حوري وسراج بالبارتات الجايه بس اريد انبهكم ❤️

حوري . كامشه بطني وخايفه حيل احس دگات گلبي سريعه صارت مشغله بس ضوه خفيف اصفر ما احب الظلم الغرفه كلش ونام اباوع للتعلاگه دشداشتي النزعتها ماكو گمت توجهت للزاويه ادور عليها ماكو

اباوع خاف بالگاع وماشفتها رحت دورت بالحمام هم ماموجوده دنيا ليل والخوف سيطر عليه تذكرت نوره وساره من دخلن الغرفتي ربطت كل الامور ابعضها گلت

هنه وره هالريحه والدشداشه مالتي ماكو منو ياخذها غيرهن رجعت نمت ماردت اگعد سراج حسيت بسراج يبوسني بخدي گعدت

سراج . صباح الخير حوريتي شنو مو المفروض انت تگعديني ياعمري

حوري . يحجي ويطبع بوساته بوجهي

حبيبي والله البارحه الليل كله اتحلم احلام مدري شلونها خفت بس ماردت اگعدك گلت خطيه تعبان

سراج . ي حبيبي اكيد لان تعبانه والبارحه هواي تعبتي وماگعدتي طلعت عليج من نمتي بس هسه اريد ريوگ جوعان

حوري . بعدت الغطه ردت انزل ما احس اله سراج صار فوگاي يمنعني انزل

سراج . موداگول اريد ريوگ بعد شنو وين تردين ترحين

حوري . وبكل حب ولهفه بادلته حبيبي جنت هواي مشتاقتله صحيح جنت تعبانه بس ماحسسته متضايقه وتعبانه بالعكس بعدها گمت سبحت ونزلت قبله

حضرت الريوگ اني وزمن كلهم گاعدين بس نوره بعدها اجتي بالي دشداشتي گلت هيه وره اختفائها

سراج . زمن اليوم العصر احجزلكم وتاخذين حور للدكتوره وضعها ماعاجبني

زمن . ان شاء الله اخذها نطمن عليها ولتخاف

حوري . لا ماروح سراج اليوم زينه صرت يمكن البارحه لان بقيت واگفه هواي تعبت اليوم ماعدنه شي حبيبي لتخاف

الشيخ محسن . لا بتي روحي مخسرانه شي احنه انريد نطمأن عله الاطفال

حوري . ماحبيت الح عليهم هواي لضهر جوي اهلي وهم الشيخ وسراج ماقبلو يرحون بدون غده شويه گعدت يم امي بس امي وحيدر وعمار جوي وراحوا وره

الغده لان الشيخ ماخلاهم يطلعون قبل ميتغدون وكم واحد من اقاربهم اجوي صار العصر ورحنه اني وزمن للدكتوره

زمن . حوري تعالي گعدي هنا ارتاحي لاضلين هيج واگفه موزين عليج

حوري . گعدت يمها شويه ودخلت للدكتوره دخلت زمن وياي

الدكتوره . شگد الج هسه بطنج جبيره ماشاء الله

حوري . بعد اسبوع وادخل السابع

الدكتوره . الجاره نازله شويه بس وضعج تمام ميخوف لازم تنتبهين هاي الاشهر زين هاي اهم اشهر يكبر بيها الجنين راح اكتبلج علاج وراحه تامه اريد اوك حبيبتي

حوري . طلعنه وزمن حجت السراج كلشي وراح جاب الدوه ويوصوني كومه هو وزمن گعدي وبعد ماخليج تنزلين اني اخدمج هنه كم شهر حاولي ترتاحين ومن

هذا الحجي صدگ صعدت فوگ والريوگ والغده والعشه يجن فوگ سراج يجيبلي بصينيه لو مرات يوصي من بره للبيت كله واني وياه يصعد عشانه فوگ حسيت

بملل واحلامي تخوف سولفت لامي گالت يمكن تابعه موزين عليج سوي گطع لان يمكن تابعتج عله حملج گتلها من يجي سراج اگله اخلي يوديني صدگ اجه

سراج وگتله گال باجر الصبح اخذج السيده يعرفه هو يسوي گطع وهاي السوالف صدگ الصبح رحت للسيد وسوالي گطع سولفتله احلامي ماگال شي اطاني

حجاب گال تبقين شايلته منا من تولدين بعد لتلبسي واطاني بخور گال تشعلي بغرفتج من رجعت شعلت البخور لو حسيت عيوني يردن يطلعن من مكانهن اختنگت اريد اشرد من الغرفه

سراج . گعدي بس اشتمي البخور هاي لان عندج تابع هيج صار بيج لتخلين يسيطر عليج

حوري . ماگدر سراج ماريد ماريد طفييييي طفييييي جاي اگلك اختنگت

سراج . وسسم خلي افتهممم شبيج لصيحيين بسسس خلي اعررف شنو شفتي وهيجج صيحين

حوري . عفت سراج يريد يفتهم بس ماگدر احجي احس واحد خانگتي طلعت اركض من الغرفه ولحگني

سراج . لتركضين حياتي راح اطفي والله بس خلي افتهم شنو المضايقج ياروحي بس فهميني كلشي ماعرف شبيج بس تگمزين والحجايه ماطلعيها كامله بس اريد افهم تعالي گعدي هنا شوفي وجهج شلون اصفر صاار

حوري . راح سراج جاب مي شربت شويه من طلعت وتغير الجو عليه ارتاحيت طفه البخور السيد من اطاني البخور اطاني وياه ورقه ماعرف شنو مكتوب بيها علم

سراج گله من تشعل البخور الورقه وياه كون تحترگ كلها سراج سوه مثل ماعلمه السيد بس اني احس عبالك واحد خانگني وعيوني حسيتهم يريد يطلعون

من مكانهم بيومها تعبت كلش دخلت الشهر السابع وصرت اثگل بقاطات من الاشهر القبلها تعبت نفسيتي وبس ابجي واصيح مختنگه سراج ماخله مكان

ماوداني اله ونفس الشي ماحس طلعت احس نفسي بسجن احس الدنيا صغيره بعيني ومنو يشوفني يگلي لان حامل تغيرر هرمونات وبعدج صغيره صارت عليج

عين اخذت اسبوع يم اهلي ورجعت للبيت شگد ماجنت سمينه احس نفسي انخرطت وبقت بس البطن امي من شافت حالتي هيج لو تجي تبات يمي لو

تاخذني يمها تعبو من حالتي هاي مرات يلتمون كلهم اهلي وسراج ويگعدون يسولفون ويضحكون بس يردون يغيرون عليه الجو شويه حته انسه بس اني

ماعرف شنو بيه وشنو الاريده كل الاعرفه مختنكه ومن تجي المغربيه بدي اطلع اركض بالشارع سراج بس يحش بهاي الجگاير ويرجع ليوره وبس يحجي وياي حجايه وحده اصرخ بوجه

سراج . كااافي حور كافي موحاله هاي شنو النسوي الج بعد لا انت طفله ولا صغيره راح تصيرين ام الطفلين ماخليت مكان ماوديتج اله حسي بينه شويه اهلج

بصفحه واني بصفحه هذا كله واصيحين وتگبين بوجهي قسمآ بذات الله لوماحامل جانت عرفت اتصرف وياج

حوري . حجه بصياح وطلع بجيت لمن مليت لازمه بلعومي واصيح وخرو مني وخرو احس واحد لازم بلعومي ومايوخر تمددت بالگاع وغفيت من التعب

گعدت اديه خدرانه وبطني تأذيني مادري شلون غفيت هيج ذابه كل ثگلي عله بطني واديه گمت گلت اسبح وانزل شويه اريد اغير من وضعي هذا لان كرهت

نفسي گلت يمكن لان حامل تغيرت نفسيتي هيج طلعت من الحمام ونزلت الشيخ كيف وگام يضحك لگيتهم كلهم مجمعين بالصاله وخوات سراج هم جايات

خطيه يوميه يخابرن ويسألن عليه بس نوره عبالك موويانه بالبيت ولا تقربت مني ولا سألتني شنو بيه تباوع عليه من بعيد وتروح وتتختل من يتجمعون يمي ويردون يعرفون شبيه

الشيخ محسن . ياهله والله بحور تعالي بابا يمي تعالي

حوري . اباوع السراج ضايج مني حته ماباوع بوجهي تعبته صار اكثر من شهرين خطيه بزعته بس والله موبيدي

رحت گعدت يم عمي وكلهم يسألوني شلون صرت سراج من اباوع عليه يدير وجه عني

الشيخ محسن . اريدج اصيرين زينه وتحضرين نفسج هذا الاسبوع عرس حكيم  خطيه جان ايأجله علمودج لان مريضه

حوري . اباوع الحكيم مستحيه منه صدگ كل اسبوع اياجله من يشوف سراج حاير بيه گلت عيب منه اقوي نفسي واتحمل

لا عمو ليش يأجله مابيه شي اني علواه تصير عدنه مناسبه ونفرح

حكيم . لا خيتي والله مامستعجلين من اجيبين ان شاء الله نزوج

حوري . لا شنو من اجيب بعد شهر يله اجيب هواي احنه انريد مناسبه قريبه

گامو يضحكون وسراج شويه وطلع يمكن لان شافني

نزلت وسولفت والله احس اضغط عله نفسي گوه احجيلي كلمتين خوات سراج بدن يحضرن ويشترن للعرس وحكيم كمل غرفته سراج جابها اله مر كم يوم

وساكته استحي احجي واذا اريد ابجي اصعد بغرفتي ابجي واغسل وجهي وانزل افتر بالبيت والشغله توگع مني اذا اكمشها سراج متنگ بوجهي نحجي بس قليل

اطه الزمن فلوس وگللها اخذي حوري للسوگ واشتريلها ملابس للعرس ماردت اروح بس زمن لحت عليه وگالت تشترين عله ضوقج رحت للسوك اشتريت فستان مال

حوامل طويل قصير للحنه لون ذهبي حلو وفستان محجبات هم مال حوامل للعرس وراحن للصالون رحت وياهن حفيت صار شهر ونص محافه ورجعنه بيوم

الحنه البيت مخبوص خبص گعدت الصبح بس اريد اليوم يخلص افكر اذا اختنگت وين ابجي جوي اخوان سراج وخواته من ابوه واقاربهم اصعد وانزل كلساع

جوي عمام سراج واهل ساره كلهم وساره المكياج الطوخ من الصبح مخليته ولابسه تراكسود احمر ضيگ عليه وگاعده مقابل الدرج منتظره سراج ينزل صدگ

لشويه ونزل سراج لابس دشداشه بيضه ومزين لحيته وشعره رافعه ليفوگ وجها احمررر وعاگد حاجبه والعطر مالته مله البيت كله اباوع الساره ونوره گامن يتشاورن ويضحكن من شافت سراج نزل گامت تتمشه گدامه

سراج . حوري جيبيلي ستكان جاي راسي راح ينفجر

حوري . ي هسه اجيبه وراك

ساره . اوووي واني هم راسي يأذيني والله يمكن لان البيت هوسه

حوري . اباوع السراج عافها وطلع حته مجاوبها وهيه تتموع وگوه اطلع الحجايه منها

اخذت الجاي ورحت كلهن مجمعات عمات سراج

وخالاته ونسوان عمامه اني جنت لابسه دشداشه فانيله كلوش لون بنفسجي ومنزله شعري بالكاويه الميش صاير مثل الدانتيل بشعري ومخليه بس كحل وحمره

خفيفه وبطني شكبرها هسه دخلت بشهري وكلساع وحده تسألني شوكت اجيبين واگللها هسه دخلت بشهري اباوع ولد عم سراج كلهم دخلو جوه رفعت

راسي اباوع عليهم درت وجهي سراج يأشرلي طلعي منا رحت للمطبخ اجه وراي

سراج . ممنوع اطبين جوه منا من يطلعون واني اعلمج شلون تباوعين بسطيه

حوري . عافني وطلع لعد انته من گاعد بنص النسوان وحد واني وحد صار الغده وكلهن بدن يلبسن ويحضرن واني هم صعدت لبست فستاني ومكيجت مكياج خفيف ولبست حذائي ودخل سراج

سراج . شنو هيج تنزلين

حوري . ي لعد شلون انزل هنه البنات كلهن هيج يلبسن بس اني

سراج . بعد بعد عليييي صوتج تعالي اخذيلج كف هممم شكو واكفه هيججج المكيااااج كله يتخففففف مفهوووم لو لاااا

حوري . حجه وطلع ورگع الباب حرت شنو اسوي ابجي يرزل اسكت واگول خطيه محتار وياي هم يرزل عفته المكياج مامسحت منه شي ونزلت

اباوع للبنات كلهن ملابسهن قصار والمكياج طوووخ درت وجهي اشوف ساره نازله لابسه فستان اسود فوگ الرگبه ضيق عليها كلش والمكياج والعدسات طالعه

حلوه بس عبالك من ذني اليرقصن بالملاهي الصدر كله طالع وتتمشه بالبيت تصعد وتنزل كل شويه عرفتها تريد سراج يشوفها

للعصر گالو راح يرحون يحنون البنيه كلها راحت دخل سراج من بره گال لترحين اتعبين جنت مخليه الصايه مالتي والشال جوه گلت اخليهن قريبات عليه حته ماصعد كلساع

بس من شاف عماته اثنينهن ميرحن نسوان كبار وكم وحده بس البنات وخواته كلهن راحن احس خنگتني العبره لاسألني ولا ابد بس گلي مترحين وراح حقدت عليه كلش

صار اليل وبعدهم ماجايين بقيت اصعد وانزل اضيع وقت ونظفت البيت كله لان جان وصخ الگاع سمعت صوت هورنات وهلاهل نزلت وجان يدخلون واخر شي

دخلن ساره ونوره فاتن من يمي جان تدنه مني ساره وتگلي سراج صعدنه بسيارته گال مترحن ويه غيري لان مكياجي طوخ هههههه

احس نار وشبت بيه لاگدر اجاوبها ولا اگدر اسكت شغلن الديجي وگامن يرگصن ويسولفون عله العروس يگولون كلش حلوه طالعه

دخل سراج اجه بأتجاهي عفته وصعدت فوگ درت وجهي شفته خازرني وعيونه حمر لان اجه عليه وماشفته شيريد بس احسن مثل ماراح وماسأني اريد اروح لو لا اني هم عفته ورحت بدون ماسأله

بعد مانزلت احس بطني گامت توجعني لويات تجي وتروح خفت گلت خاف اجيب مددت وبعد مادري بروحي ولا بالهوسه كلها غفيت گعدت نص الليل اباوع

سراج ماكو يمي وخرت الخطه ونزلت الساعه بالخمسه الفجر نزلت جوه كلها نايمه ردت اعرف سراج وين بس گلت اكيد بالديوانيه يم الولد رحت للمطبخ اخذت جبن

وصمون وصعدت اكلتهم اختنگت گلت ليش هيج نام حته بدون ميسأني شبيه ولا حته اجه اطمن عليه وخلصتها بجي منا من اجه الصبح وشافني

سراج . ياستار ياربي انصبح عله البواجي شكو يابه منو وياج احجي

حوري . وين نمت البارحه ليش ما اجيت هنا

سراج . ي اعوف ولد عمي وخواني واجي انام يم مرتي موعيب بالله شيگولون عليه ميگدر يعوف مرته يوم واحد ويگعد يمنه

حوري . اريد اروح لهلي ماريد ابقه هنا البارحه مصعد الخاتون ساره يمك واني ماخليتني اروح

سراج . منو گلج مصعد زربان وياي اني ومنتظر وثنين من ولد عمي بسيارتي رحنه لا وحده صعدتها وياي

حوري . شگد جذابه وحقيره اول مادخلت گالت صعدت ويه سراج

سراج . هههه يعرفن شلون يخلنج تغارين هسه ياخذن سراج منج وانت ابقي ابجي عله حظج هنا

حوري . جاي اگوم من الجربايه اريد اروح يمه وحسيت الم موطبيعي صاار عدي

ااااااااخ

يتبع .…

بنات لتنسون التصويت وارأكم عله كل فقره حبيباتي حته ترتفع القصه ❤️🧡💛💚💙💜🖤💖

هديه الشيخ سراج بقلم ✍ دينا الربيعي ❤️

يمته تطلع منڪ حچاية تعال

و علي لو گتلي تعال،الصبخة أترسها خضار!

وعلي أخلي الناس ڪلها تحب بعضها...

وبعـد مـا تسـمع بـبغداد إنفجـار!

سراج . حوووري اسم الله اشبيج ياعمرري شبييج

حوري . احس الم موطبيعي ابطني سررراج يمكن رااح اجيب سررراج عدي الم خلي امي تجييني فددوه خليهااا تجي

سراج . بس اهدي ياروحي اني اخذج للمستشفى وراح اخابر اخليهم يجيبوها لهناك ماشي

حوري . هزيت راسي انخبص سراج عسريع لبسني الصايه مالتي والشال لفه عليه نزلنه جانو كلهم مخبوصين شي بالغده شي تهلهل وترگص من شافونه

كلهم جوي يسألون عليه سراج كللهم ليضل بالكم يمكن عدها ولاده رايح اوديها للمستشفى

ساره . هههه طبعآ عياره نسوان شنو هالصدفه كل مناسبه وگلتي ولاده وخليتي الرجال حاير بيج

سراج . منو طلب منج تدخلين بشي ميخصج روحي شوفيلج شغله ولهي نفسج احسنلج من اللغوه المامنها فايده

حوري . ماگدر احجي بس اشوف سراج اطاها رزاله خلتها تنطي الوان حل تفشلت گدام النسوان كلها زمن گالت اروح وياكم طلعنه كلش ولحگتنه زينب اخت

سراج الثانيه گالت عدكم جهاز طفل لا باوعت السراج جهازي كله يم امي لان توني دخلت بشهري كم يوم مالحگت اجيبه

سراج . راح اخابر عمار يجيبه ويه امج واكيد هيه تعرف هسه متنسى واذا جبتي بالسلامه اروح اجيب السوگ كله بس اطلعو بالسلامه هسه

حوري . وصلنه للمستشفى اول مادخلت زمن حجتلهم حالتي الدكتوره گالتلها اخذي الردهه الولاده

سراج . يله حبيبتي فوتي اني هنا ادعيلج عمري تطلعولي بالسلامه

زمن . صيري قويه حوري ان شاء الله تگومين بالسلامه لتخافين ماشي حبيبتي

حوري . كل ما اتقدم خطوه اسم صراخ النسوان اكثر وانرعب اكثر بقيت كامشه ايد زمن ماريد ادخل ردت زمن تدخل وياي بس ماقبلن الدكتورات زمن گامت

تحجي عليه فتت الدكتوره گالت صعدي افحصج ابجي والخوف ماليني اباوع للبنات خطيه عبالك محترگات لو شوف شبيهم حالتهم تبجي الصخر

زمخت بيه داگلجج صعدي افحصجج ابقه امتانيتج تخلصين فرجه يلااااا

يي صعدت ارجف فحصتني صرخت صرخه  وتدفع برجلي حيل بقيت كامشه السديه واعصر بيها شويه وحسيت شي طگ

گومي گومي طگ مي الراس واني جاي افحصج شگد الج بشهرج

خمسه ايام گوه طلعت مني

گومي هناك تمشي عدج ولاده منا الساعتين اجيبين راح اكتبلج عله مغذيات ودم اجيبيهم من بره منو وياج جاي

حماتي وزوجي كتبتلي ورقه گالت روحي اطيها الزوجج يجيبها وتعالي طلعت شفت زمن بره الغرفه مال ولاده

زمن . ها بشري شگلتلج الدكتوره

امسح بدموعي اريد احجي ماگدر الدكتوره تگول عدج ولاده رفعت الصايه مالتي گتلها طگت مي الراس شوفي

زمن . ي اللهم صلى على محمد وأل محمد الله يسهلج عله شنو تبجين ماتكيفين تجيبين وتگومين عله حيلج

اخاف زمن شوفي شلون يصرخن النسوان هاي الورقه كتبتها الدكتوره گالت خلي يجيبوها من بره اخذتها وراحت رجعت گعدت جوه اباوع وارجع اطلع اختنگت

من المنظر كله تكشش الصاله عبالك مگصبه مو صاله ولاده طلعت بره واشوف امي وزمن جايات عليه وطگيتها رگضه

ام حوري . ها يمه سوده عليه شلونج هسه

حوري . يمه راح اجيب واخاف

ام حوري . لا يمه لاتگولين هيج صيري قويه هيه شغله نص ساعه لاتخافين وهاي جبت جهاز جهالج وياي يله روحي اريدج اطلعين وجهالج بديج يله بتي صيري سباعيه

زمن . هاج هاذا العلاج بس صيحيلي الدكتوره احجي وياها

حوري . دخلت صحت الدكتوره اطتها زمن فلوس ووصتها بيه حجن وياي امي وزمن شويه احس نفسي هدت دخلت وزمن اطتني العلاگه فتحتها بطل مغذي

وبطلين دم گالت سراج گلي بوسيليها باستني وتضحك تگلي لوشايفته شلون يدعيلج وخايف عليج اخذت العلاگه اطيتها للدكتوره اخذت المغذي شكلتليا وضربت

بي ابره ماعرف ماليش يمكن نص ساعه وبدت عندي الاوجاع تاخذ روحي گتلها دكتوره بيه توم گالت ي قريت اوراقج لتخافين جايين اثنينهم عله راسهم بس

لتخافين من يطلع الاول الثاني يصير سهل بالبدايه تعاملها وياي مو حلو بس من زمن وصتها عليها وسراج مطيها فلوس گللها وزعيلهن حته يديرون بالهم عليها لا كل شويه وجتي تشوفني

وساعه اجر ساعه يمكن خمس ساعات الوجع صار مينحمل اجني اثنين وگفن عله راسي گالت دفعه وحده واجيبين صدگ جبت گالت اللهم صلى على محمد وأل محمد هذا ابنج طلع بعد خلي نشوف شنو جايب ويا اخ لو اخت

وحده من الدكتورات اخذته اتنظف بي اباوع عليه شويه وصرخت جبت الطفل الثاني گالت ابنيه فرحت واصرخ من الفرحه مو من الوجع اخذوهم بدلولهم واني

نظفني  وكتبت اسم سراج وحور عليهم گالت اطيني اسمج واسم زوجج اكتب عليهم وبعد ماحسيت بشي گعدت لگيت نفسي بغرفه ويمي امي وسراج وزمن والشيخ

ام حوري . ها يمه حوري الحمد لله عله سلامتج يابعد عمري الف مبروك جهالج يخبلون يمه

حوري . صدگ يمه وينهم اريد اشوفهم جيبوهم

الشيخ . الحمد لله عله سلامتج بتي الف مبروك الله يحفظهم الكم ان شاء الله

حوري . اهز براسي ماگدر اجاوب بس اصيح جيبوهم

سراج . الف مبروك حبيبتي

حوري . تقدم سراج عليه باسني وهمس مبروك نزلت دموعه عله خدي ورجع همس احبج

زمن . مبروك حوريه حبيبتي يتربون بعزكم ان شاء الله

حوري . شويه والشيخ راح ماشاف الجهال لان الدكتوره گايلتلهم يبقون اليوم بالخدج لان بعدهم صغار وعرس حكيم كله ماشفنا ههه كل شويه وزمن وسراج يگلولي ماگدرتي تأجليها شويه

حوري . مابقيت انته ليش اجيت گتلك تعال اشو طلعت تركض

سراج . ي لان جوارينا عدها ولاده بعد وماگدر عيب شيگول زوجها عليه محد ساعدنه وتدرين بيه صاحب واجب

حوري . شكله يضحك وهو يحجي راح جاب عشه وراحو هو وزمن لان امي اتبات يمي گتلهم ماطلع من المستشفى ابات يمهم

يمه الجهال شلونهم شفتوهم اشو گلبي ممرتاح

يمه بخير والله زينين ليضل بالج عليهم بس الدكتوره گالت لان ابدايه شهرج لازم بالخدج يباتون

سكتت ماحجيت نمت احاول اغفه نزلت دموعي احس رگبتي نگعت والله ماعرف شنو السبب اباوع لامي خطيه نايمه يمي قنفه حسيت نفسي اختنگت گعدت

يمه اسم الله بتي شبيج خيرج حوري يمه

يمه مختنگه مادري ليش هيج احس روحي مخنوگه هس مو النفروض اجمل ايام حياتي هذا ليش احس الفرحه مسلوبه مني يمه مادري شنو اريد اني ماعرف نفسي والله تعبت اريد ارجع مثل قبل

اوووف بتي خوفتيني والله شتحسين يمه گليلي محد يمنه احجيلي اكو واحد مضايقج بيج شي احجيلي

محد مضايقني بس احلامي اكو وراها شي موخاليه يمه حته سراج احسه مو هو جان مهتم بيه اكثر من روحه احسه مبتعد والله اكو شي

هسه بس خلي نطلع منا واني اخلي زوج علياء يجيب ابن عمه هذا اذا اكو عمل يعرف حته منو مسوي والله كريم

من حجتلي امي تذكرت هذا الولد قبل علياء جانت تحجيلنه عليه شلون يطلع العمل وصاحب العمل تگول ميخاف يحجي الاسم وكومه ناس ناقذها بسبب الدمار

والامراض الي تصير بسبب الاعمال اعوذ باالله منها غفيت وجه الصبح واسمع صوت بجي اطفال فزيت عبالي بحلم

يمه جهااالي اووي فدوه حبيبي هذا منو الولد

لا البنيه هاذا الولد عندي

اووي بتي حبيبتي سراج شنو راح نسميهم

سراج . البنيه انت سميها الولد راح اسمي فهد

البنيه فاطمه اسميها

ي حلو حته اول حرف من اسماهم متشابها

سراج حلوين مووو هههههه

ي حلوين الله يحفظهم

اذن سراج بأذنهم وفرحانين بيهم طلعنه بره وشفت منتظر وسراج جايين بسيارتين سراج مزينهن السيارات عبالك عرس هههه سياره بيها منتظر وزينب وساره

والسياره الثانيه خالتي ونوره وسراج وصعدنه اني وامي ويه سراج سيارته جبيره وصلنه للبيت

الشيخ . ذبحو الخرفان قبل ليدخلون للبيت

اباوع الهم الفرحه ملت البيت عليهم وهلاهل دخلت شفت منتظر اجه اخذ الولد مني تباركلي

الف مبروك منتظر خرفت فرحتكم بالعرس اعذرني خويه

ههههه احلى فرحه والله

درت وجهي واشوف بنيه حلوه تجي بطولي وناعمه عرفتها العروس خطيه باستني وتباركتلي سلمت عليها

اخذني سراج الغرفتي اشويه ودخلت خالتي بيدها صينيه

ام سراج . حوريه تاكلين هاي الصينيه كلها ترا والله ازعل عليج اريدج تتقوين وتگومين عله حيلج

ي خاله ان شاء الله

اكلنه اني وامي شويه ودخلت ساره

ساره . حبيبتي الف مبروك يتربون بعزكم ان شاء الله

الله يبارك بيج

مرت الايام وسهرانه ويه الجهال امي خطيه كل كم يوم تجي ساعتين هيج وتروح لان اطياف جاي تجهز العرسها وهم تروح وياها وهنا خالتي هم تساعدني

بالجهال سراج يجي يحجي وياي ومرات نتعارك يگلي ليش هيج بارده بتعاملج وياي اشوف نفسي مامسويتله شي من اگله شمسويتلك يزعل ويطلع ويرگع الباب

ونوره وساره يوميه هنا تجي تبات يمنه جنت اغار عله سراج هسه احس نفسي تعودت عليها بعد ماغار منها منا من طلعت الاربعين مال جهال احس صرت بس جلد

وعظم وهملت نفسي كلش امي وخواتي يحجون عليه اگللهم مدام جهالي يمي وبخير كلشي ماريد اجتي زمن ضلت تحجي عليه ورزلتني شنو هيج مربيه حواجبي

وهامله نفسي عرفت سراج گايللها اجتي اخذتني للصالون اول ماطبيت حفتلي بدون ماگللها هههه ضحكت عله نفسي گتلها هيج الشعر مبين بوجهي تغم

بيه رجعت للبيت ماقبلت اسوي غير شي گتلها الجهال اخاف عليهم غير مره هو اني ما الي واهس رجعت سبحت وطلعت بس بالبرنص مال حمام شفت سراج اجه باتجاهي وگف منعني اعبره لزم وجهي بثنين ادي

سراج . حوري حياتي شبيج ليش هيج صايره بارده وين حبج الي وين لهفتج عليه عبالك غريب عليج مو زوجج بس فهميني مسويلج شي يخليج هيج تتشردين

مني اريد اعرف اريد ارتاح والله مليت من هذا الوضع كله ميصير هيج فهميني خلي نصفه على راي

حوري . اباوع بوجه احس الي يحجي عليها مو اني لان ماكو مشاعر السراج بداخلي من يگلي وين حبج ولهفتج الي احسه يضحك عليه لان ماكو ذني بداخلي اليه حته يوصفهن الي بس اباوع بعيونه

سراج . ليش ساكته مو احجي وياج الهاي الدرجه كارهتني هسه ميهمني كل هذا اكرهيني بس اريد اعرف سبب واحد يخليج هيج اصيرين مأذيج

مضوجج كاتلج سابج مزوج عليج اريد اعرف شنو الخلاج تتغيرين هيج ياروحي تعبت والله جنت اگول حامل وتعبانه هسه شنو شعدج هااا

ما اجاوب ولا اباوع بوجه اباوع ع غرفه من شافني هيج تخبل

سراج . ماشي طبج مرض لاعبالج كاتل روحي عليج الميريدني تاج عله راسه ماريده نعال برجليه اذا ماشوفج وجهي الثاني واطلع حبي الج من عيونج شوفي

طلع وضرب الباب الجامه الفوگ الباب تكسرت كلها رحت لميتها وكالعاده ابجي وما اعرف شنو السبب سراج بعد ماشفته حته ينام جوه بالاستقبال مرت كم يوم واسمع عياط جوه الجهال نايمين گلت انزل واني ع درج اسمع

ابو ساره . لاااااا لهنا وكافي بعد زودتها تراا ازوجها واله والله ياسراج افضحك واخليك تزوجها غصب عنك

الشيخ محسن . انه شگلت يخوي مو گلت ساره متدخل بيتي ليش احسكم متفقين علينه مو منعتها متدخل بيتي حته متصير مشاكل يله هذا الصار كله بسبب منو مو بسببها

سراج . يابه ساره ما ازوجها واليصير خله يصير

الشيخ محسن . انته شعدددك ناااايم هنااااا ماتصعد يم مرتك هسه احسسسسن هييييج

يتبع…

كتبت الكم بارت ولو انتو متسوون واهس للكتابه گتلكم رفعو القصه بالتعليقات والنجمه ❤️ عمري انتو

هديه الشيخ سراج بقلم ✍ دينا الربيعي ❤️

كان حزنُ حبيبتي اعمق من اي تعبير رأيتة في حياتي،

كانت نظرة البؤس في عينيها ترعبني،

رأيتها تتألم، رأيت قلبها يحتضر،

تمنيت لو كان بوسعي إحتضان آلامها،

تمنيت لو أستطيع إرضاء قلبها،

رأيتها بنياناً لطالما أسندت ظهري عليه،

يكاد أن ينهدم،

خِفت كثيراً،

خفِت للحد الذي جعلني أبتعد عنها أميالاً،

كان حزنها أقوى مني،

خِفت أن اُواسيها فتشعر بهشاشتي،

أن اسندها فنسقط الماً،

حوري . گعدت عله بايه الدرج ولامه رجليه ونزلت دموعي بس ماعرف ليش واني ما احس مقهوره ولا ضايجه بس كل الاعرفه اكو شي بداخلي ماعرف شنو

يخليني ابجي بدون سبب مقنع حسيت واحد كمشني من جتفي درت وجهي واشوفها نرجس

نرجس . حبيبتي لتبجين ميقبل سراج يزوجها يحبج والله

حوري . ميهموني كلهم وداعتج ماحس بأي شي اتجاها احسه موسراج الحبيته عبالك واحد ثاني اناشغ گمت وارجف

نرجس . اسم الله حوري شبيج حبيبتي باعيلي شوگومي وياي حووووووري حكيييم راح توگع مني تعااال

نرجس . قبل الحنه بيوم لميت كل الجنط مالتي وزينتهم بشريط احمر وحرفي وحرف حكيم بليل خابرته اجه اخذ الجنط هو وخواتي رتبوهم بهذا بيتهم

بس ابوه گايله تبقه يمي اسبوع وبعدها تروح للبيت عزلت جنطه حته اخذها وياي بذاك البيت بالحنه الصبح البيت واللمه الحلوه واغاني ورقص رحت

للصالون وياي حلى لبست بدله حمره وعفت شعري مفتوح ومكياج سموكي طلعت كلش حلو وبليل جوي حنوني واحلى يوم بحياتي من صرت الحبيبي شعور

حلو يخليك تملك الدنيا كلها من تصير لشخص تحبه ويحبك ثاني يوم العرس ونفس الهوسه ههه احلى هوسه الليل كله مانمت خواتي وبنات خالي وعمي

سوالفهم متخلص واكيد اني اشاركهم رحت للصالون وهم حلى راحت وياي لبست بدله بيضه ومكياج وردي گتلها تخليلي وتسريحه عاليه هم طلعت احله من

البارحه وللعصر جتي الزفه گال حكيم انروح البيت الشيخ بوسني بابا وگال اتمنالج حياه حلوه هاي المره وماريد مشاكل اريدج تعيشين وياه عله الحلوه والمره

سمعت منهم انو مره سراج جايبه بالمستشفى ثاني يوم جتي بنيه حبابه مبينه سلامها حلو ومتواضعه عكس اخت حكيم نوره جانت رافعه خشمها وياها بت عمهم

سأت حكيم عليها گال بت عمي ساره لان كل مافوت منهم يضحكون ماعرف شنو السبب بس ماجنت اهتم الهم مرت كل كم يوم نجي هنا البيت الشيخ وحبيت

حوري هيه الوحيده صارت صديقتي بهذا البيت وافرح من اجي هنا مره اجينه وبليل صارت صوت صيالح نزل حكيم وطلعت وراه والعرفته يردون سراج يزوج ساره

جاي انزل وشفت حوري عله الدرج وتبجي نزلت يمها اول ماحجيت وياها حسيتها راح توگع من للدرج عله وجها لزمتها وماگدرت اسيطر عليها صحت حكيم

بسرعه اجه لان همه بالصاله جوانه صعد يركض ووراه سراج

سراج . حووووري حبيبتي وعيونج مازوجها وعيونج ما اخلي مره تجي عليج حبيبتي

نرجس . خطيه حالها يبجي الحجر ضعفانه حيييل كل يوم تذبل اكثر وتضعف يمكن وزنها صار ٣٥ هيج لان ماكو لحم اباوع الها اگللها اخذي مشهي شي بلكي

تسمنين شويه بس هيه تگلي النفس يصعد وينزل ويمي جهال كلشي ماريد بعد مرات تسولفلي احلامها ترعب گتلها روحي السيد شي گالت رحت ونفس الشي

مشاكلها هيه وسراج عله اقل شي اخر شي سراج گام ينام جوه مينام يمها متقبل ينام يمها بالغرفه اني وحكيم حيل مقهورين عليهم

دخلت وراهم مددها سراج فتحت عيونها گلتله اطلع بره وخلي بس نرجس يمي خطيه ماگال شي طلع وسد الباب عيونه حمررر يمكن باجي عليه شويه وندگ الباب فتحت حكيم

ها حبيبي راح ابقه يم حوري خطيه ماگدر اعوفها

ي ابقي هاج هذا عشه اكلو انت وياها والصبح راح اخذكم الكربلاء ازوركم واكو سيد هناك هسه خابرت صديقي راح اوديها اله گليلها حته تعرف بس لجيبين طاري السيد گدامها

ي حبيبي بلكي الله نعرف شنو علتها زين سراج يجي

ي يجي بس بسيارته يگول ماگدر اعوفها وحده اروح وياكم بسيارتي

دخلت فتحت العلاگه وهيه مفتحه عيونها تباوع للسگف لگيت حكيم جايب بيتزا 🍕 وببسي ومقبلات

يله گومي حور خلي ناكل والله جوعانه سويلي واهس

والله ماشتهي حبيبتي اكلي وحدج بالعافيه

ما اكل دفعت الصينيه عله صفحه اباوع الها وخرت الغطه ونزلت جرت الصينيه وتباوعلي مبتسمه

يله اكلي والله ما احس بطعم الاكل بس هاي الخاطرج لان اول مره ناكل بس اني وياج ههه

حوري والله اول مره اشوفج تبتسمين هههههه

ههههه شوفي ذول النايمين الخاطرهم عايشه احس الدنيا مابيها طعم اكره روحي اكره كلشي بهاي الحياه

ليش هيج صرتي حوري حكيم جان يسولفلي عليج يگول هيه جانت مسويه جو بالبيت وسراج متخبل عليج شنو الخلاج اصيرين هيج

ماعرف انسلبت راحتي من اجه سراج من السفر والحد هسه اني احس نفسي جثه مرات اگول خاف ميته بس روحي وياهم بس من اسمع صوت اطفالي اگول اني عايشه والحمد لله عايشه الخاطرهم

وسراج ليش احسج متحبي عبالك مجبوره عليه

ماعرف مرات اگول معقوله جنت احب هذا الشخص ليش حبيته اضوج منه واتخبل من عطره احسه يخنگني

بس هو يحبج ماشفتي اشصار بي هسه عليج والله شفته يبجي عليج حوري سراج يحبج وهاي ساره تحاول تاخذه منج بأي طريقه لتخليها تاخذه هاذا زوجج ابو اطفالج

خليها تاخذه تتهنه بي واذا اخذته يعني راح اموت مايهمني الله وكيلج

باجر الصبح حكيم يودينا الكربلاء نزور شنو رأيج

مابيه حيل والله تعبانه ماگدر اطلع منا لهنا امي البارحه خابرتني تگلي صارلج شهر ماجايه گتلها جهالي بس يتغير مكانهم مينامون ماريد اطلع الأي مكان

الخاطري حوري حبابه والله بس وياج ارتاح بس هاي المره لزمت ايدها واتوسل بيها بس اريدها تقبل جنت متمنيه نشوف الها حل

يله الله كريم خلي انام هسه وگعديني الصبح نروح بس گعديني من وكت حته احضر الجهال

لا لتخاذيهم الجهال يبقون يم خالتي جوه انزلهم خطيه ليش تعلعليهم ويانه خلي نزور براحتنه حته نرجع من وقت

اوك اشوف الله كريم

شفتها غفت اخذت الصينيه وطلعت نزلت الصينيه جوه غسلتها وصعدت شفت حكيم گاعد يشرب جگاير

حكيم حبيبي شكو شنو الصار جوه

سراج جان بالغرفه وهاي الادبسزز من نايم داخله عليه لابسه دشداشه مادري شلونها مخابره عمي وگايلتله تعال هسه اخذني جاي عمي من طالعه فاتحتله باب

الاستقبال وگايلتله سراج هددني اجي يمه لان زوجته متخلي ينام فوگ عمي دافر الباب عله سراج متخبل گله ليش من گتلك ازوجها ماقبلت تتختل بعرضك

وابوي سمع واجه هسه ابوي متخبل من سراج گله اعرف بيها جذابه بس بيت عمك مراح يسكتون ازوجها وجفينه شر المشاكل هاي حته لو تهجرها بس ازوجها

گدام الناس لان راح تطلع السالفه وبعد متنسد سراج كتلها گدامهم شلون تتبله عليه وعمي گله ماراح اگول لخوانها والصبح اجيب سيد وتجي تعقد عليها وابوي

مأيده يگله كله بسببك هاجر مرتك ونازل جوه شكو هاي بعد تتحملها وحدك

اوووف اوووف حكيم والله اول مادخلت للبيت مارتاحيت الها عرفتها وراها مصايب كومه شلون الها نفس تدخل يم رجال مزوج وعده جهال لا والنوب

بملابس نوم استغفر الله ربي الله يعينج ياحور عله هاي المصايب والله حكيم مرات اگول خاف هيه وره حالت حور هاي سوت هيج حته تاخذه منها

الله اعلم بعد التسوي هيج كلشي اتوقع منها تسوي بعد

نرجس . گعدت الصبح صليت وقريت قرأن شويه ودعيت الحوري الله يشافيها وترجع مثل قبل اباوع الحكيم حبيبي نايم

حيكم حبي يله اگعد حته نروح

شتردين حياتي بعد وكت

اممممم موبعد وكت يله گوم روحي حبي امرر شعري عله وجه يحاول يوخرني منه بس منين ميروح اجي اخر شي صار فوگاي

انت اجيتي برجلج تعالي جنيتي عله نفسج ويطبع بوساته بكل حب وحنيه وووووو

من ابتعد مني اباوع دم قليل كلش ماهتميت رحت

سبحت وحكيم هم خلصت حضرت جنطتي خليت بيها عبايه واخذت حافظه خليت بيها كليجه وفطاير گلت خاف ناكلها حته متلعب نفسي لان اذا امشي بالسياره

بدون ماكل اتقيئ رحت الغرفه حور لگيتها گاعده ترضع بفطومه

اووووي اووووي حبيتي جوعانه فطومه شوف اديها ياروحي

ههه كل يوميه نفس الوكت هذا تگعد ترضع تدرين

وفهد لسه نايم مارضعتي حبيبي اووي شوفي شلون طابگ حاجبه مزعوج من فطومه يمكن هواي بجيت يمه

لا رضعته هسه قبل فطومه ونام ساعديني بس خلي انزلهم يم خالتي انت شيلي فهد واني راح انزل فاطمه

اول مانزلت شفت سراج گاعد بالصاله مقابل الدرج من شافني اجه باتجاهي يمكن يريد يطلع لابس قميص كريمي وبنطرون اسود ورافع شعره والعطر الي جنت

اموت عليه هسه اتخبل منه سراج حلو جسمه معضل وموسمين كلش والملابس والدشاديش حلوه عليه جنت اغار لو يفتح دگم القميص هسه ولا اهتم لو شنو يسوي

ماانهز اجه باتجاهي اخذ فطومه مني يبوس بيها ويحك خدها بلحيته

لتسوي هيج تحسس من لحيتك خطيه ويطلع حب بوجها باوع بوجهي وعيونه بعيوني احسه يريد يبجي اكو حجي بداخله يريد يحجي عفته ودخلت وره

نرجس شفت خالتي تغطي بي مخليته يمها گالت وين فطومه گتلها عد سراج هسه اجيبها رحت حته اجيبها تقربت عليه گاعد عله التخم اول مادنگت اخذها صرت

قريبه كلش منه اتقرب هو اكثر وجه صار بخدي حسيته جر نفس ابتعدت بسرعه ورحت وديت فطومه

ام سراج . روحي بتي ولزمي الشباك وادعي ربي يرجع صحتج وعافيتج الخاطر الجهال يايمه روحي والله يباوعلج واني منا راح ادعيلج اخذي شالج وذبي هناك بالحضره بتي

طلعنه ونزل حكيم صعدنه بالسياره وشفت سراج طلع سألت حكيم

شنو سراج وين راح يروح

يجي ويانه يريد يزور

ماهتميت المهم مو ويانه وصلنه الكربلاء نزلت زرنه واحس نفسي مخنوگه حيل والدموع تتجاره وغصه بگلبي

گتله اجيت الحضرتك ياسيدي ويامولاي يا اباعبدالله ماعرف شنو علتي ولاعرف شنو مرضي اريدك اليوم تطيني اشاره واعرف شنو بيه الخاطر جهالي

يااباعبدالله اريد الخنگه هاي تروح مني لان تعبت لاليلي ليل ولا نهاري نهار ياحسين اريدك تطيبني اول مره اطلب منك طلب لاتفشلني يامولاي بحق جدك

رسول الله اريدك تشافيني بحق العباس وخوتكم لاتفشلني يامولاي اريد ولو برهان يدليني عله علتي واتشافه منها بس اريد راس الخيط حته اعرف العله

وابجي واصرخ مثل وحده مخبله ونرجس تبجي وياي رحت توضيت وصليت من تمرضت الحد هسه ولايوم مصليه ابتعدت كلش عن الصلاه احسها تخنگني بالزايد

اني الجنت اول مايأذن افرش مصلايتي واصلي هيج صرت خلصت واحس صار عدي لعبان نفس موطبيعي اشرت النرجس گتلها اريد اتقيى خطيه رگضت عليه

طلعت علاگه من جنطتها واتقيئت بيها بس شنو بقينه اني ونرجس وحده تباوع للخ مصدومين دم تقيئت دم اسود اتخبلت اجتي مره جانت قريبه علينه تسبح بسبحه

لتخافين بتي لتخافين شوفي خاله ذبيتي العمل جان گاتلج كتل خلصتي منه بحضره ابو عبد الله دخيله اطاج مرادج بس لاتگعدين روحي للساده خلي يگطعولج ويقرون عليج حته تتخلصين منه كلش

اطبطب المره عله ضهري احس ارتاحيت والله جريت نفس موطبيعي عبالك بلعومي جان مسدود ونفتح والله هيج جنت احس احساس گتلها خلي نطلع اريد اروح اغسل

امشي وهاي العلاگه راح اشوفها السراج وحكيم

لاذبيها يمعوده لايكشون ختولي شكو مشوفتها

لا معليج حته يعرفون جنت مسحوره

رحت غسلت فتحت الشال ونزعت العبايه اباوع بالمرايه وجهي احمممر خشمي احمر وباقي جسمي اصفر اباوع لديه صففففره شنو اللغز ماعرف طلعنه من

المغاسل رحنه لگينه سراج وحكيم منتظرينه مدت العلاگه نرجس العلاگه سوده فتحتها گلتلهم حوري تقيئت دم

سراج . شنووو شنو دم

اباوع السراج تخبل شاف العلاگه وحكيم هم شافها اتخبلو من منظر العلاگه اخذتها منهم استحيت رحت ذبيتها بالحاويه ورجعت غسلت طول الطريق اتثاوب واجر نفس مثل واحد نعسان ومخنوگ

حكيم . شوفي خويه جنت مقرر اخذج السيد هنا بكربلاء صديقي گلي عليه واحسن شي صار اتقيئتي هسه خابرته گال كلش زين بس جيبها حته نقره عليها راح اخذج اله هسه وهذا سراج ورانه

ماحجيت شي اكتفيت بالسكوت اخذوني للسيد نزلت من السياره اباوع سياره سراج طبگت ونزل منها والخوفه بعيونه اجه عليه درت وجهي منه دخلنه للسيد محد موجود اول مادخلنه حجه اسمي الثلاثي بدون ماگله انصدمت بقينه واحد يباوع للخ

السيد . حور حسن محمد مسويلج عمل كره وتفرقه راح يصير سنه عله هاي الحاله مو بتي

ي صحيح

شوفي احسن شي صار اليوم وياج انج تقيئتي وهذا سهللنه نص العلاج شوفي راح اقره عليج واطيج بخور حته لو تتخربطين تبقين اشغلي وتشتمي لان علاجج بهذا البخور ماشي بتي

ي ماشي

السوتلكم مو غريبه عليكم منكم وبيكم

سراج محسن كاظم زوجها انته مو

ي سيد اني زوجها

انته هم مسويالتك عمل برود وتفرقه بس انته مامأثر بيك مثل مأثر بيها شوف اريدكم تاخذون العلاج اثنينكم وبنفس غرفتكم لان انتو هسه واحد بعيد عن الخ صح

ي صح

اكو عمل بغرفتكم دورو موجود الحد هسه اريدكم تجيبوليا اسويله بطله وراح اطيكم مي تغسلون بي الغرفه وبخور لمده اسبوع يشتغل بالغرفه

اكو شغله من ملابسج ماكو مسوين العمل عليها

بقيت صافنه بس ابسرعه اتذكرت دشداشتي من نزعتها اكيد هنه اخذنها

عدكم اطفال

ي عدنه توأم بنيه وولد

حته عله اطفالكم مأثر العمل يبجون هواي ومتنحسين شغلو سوره البقره قريب عليهم حته يسمعوها وان شاء الله يتشافون

سراج . سيد اريد اعرف المسوي العمل منو بلازحمه عليك

ماگلك هسه من تجون وتگولون تشافينه كلش اگلك هسه اهم شي فتره العلاج التزام تام اريد وراح تشوفون الفرق

حوري . طلعنه من السيد اطاني كومه علاج وبخورات وللسبح هم رجعنه للبيت احس ميته للجهال مشتاقتلهم اول مادخلنه لگينه ساره وابوها وخوانها

الشيخ محسن . تعال اعقد عليها يله منتظريك

سراج . ماريدها هيه گوه ضحكت عليكم مره وتردون تكربسوها براسي

الشيخ محسن . اتفاق سته اشهر واطلگها انه هم ماريدك تخرب بيتك بس گدام العالم وراح تسمع بالصار عله الاقل انگللهم زوجته

سراج . وشنو اليضمنلي تخلوني اطلگها موبكيف واحد گتلكم ماازوجها يعني ماازوجها

الشيخ محسن . اذا متتزوجها لاانته ابني ولا اني ابوك

حوري . شفته سكت اخذت غراضي وفطومه ونرجس شالت فهد وصعدت فوك ماكو كل احساس بداخلي اله كارهته شويه وصعد

سراج . حبيبتي حوري راح اعقد عليها سته اشهر واطلگها والله ماحبها ولا اريدها بس كلها هاي خطه منها ووعد ماتقرب منها وداعت عيونج

حوري . ههه والله ميهمني شتسوي سوي عيونه حمر وفحطان احس النفس ماله سريع طلع وسد الباب شويه ودخل گال من اليوم انام هنا حته نسوي العلاج سوه ماشي

هزيت راسي لان العلاج لازم اسوي واتحمل كلشي الخاطر جهالي رفعت وجهي گتله عقدت عليها هز راسه وعيونه حمر  درت وجهي وتنزل دموعي ماردته يشوفني ماعرف ليش ابجي عليه واني احس بروحي كارهته وماحبه شنو اليخليني ابجي عليه مادري

يتبع…

طولت البارت موهم تگولون البارت قصير كل الاريده منكم تعلقون وترفعون القصه بالنجمه حبايب قلبي ❤️

والبارتات الجايه نااار 

هديه الشيخ سراج بقلم ✍ دينا الربيعي ❤️

يا عازتي المثل التتن والرادني يجويني

مامش جتف حته انتجي بس الهوه يتجيني

عندي الدمع خلف دمع ماضل مكان بعيني

خليني من هذا الحجي فك ياختي وخليني

مرجوحه خلاني الوكت ياخذني ويوديني

لا انه ميت من صدك لا عايش ويحييني

تمنيت ابطل ما احن بس كلبي ما ينطيني

تمنيت اصير بلا كلب وانسه المضه من اسنيني

وتناسه بس الكه الفكر يندسني ويوعيني

تمنيت احب روحي بكثر ما جنت احبهم واكثر

بس هيه روحي من العشك تذكرهم وتتبعثر

هوه العثر موش بشرط مو اله عثره ويعثر

مرات يعميك الكلب ويريد تهوه وتسهر

ومرات من كد ما تحن بعيون ولفك تسكر

ومرات يمهم تكتمل مثل الكمر من يضهر

ومرات تلكاهم وطن لكن اصلهم خنجر

ومرات لتصدك الحلم ولتصدك شتتصور

صير انته ابور الراهي وابد لتصير علحب مجبر

ل

#محمدالنقيب

سراج . حوري وداعه ذول الأعز ماعندي بهاي الدنيا غيرج ولا راح احب غيرج حبيبي لظوجين مني حور مجبور اعقد عليها كم شهر واطلگها وعد مني اله اخليها تتندم بگد شعر راسها عله هاي اسوايتها

حوري . ماحجيت ولا ولاحته رفعت وجهي وباوعتله بقيت ارضع بفهد وفطومه نايمه يمي اباوع عليها شويه وطلع من شافني مارديت عليه شفت الجهال نامو جنت نعسانه وتعبانه خليتهم يمي وغفيت گعدت عله صوت بالغرفه شفت سراج يبدل

سراج . يله حوري گومي نشغل البخور دنيا مغرب صار يله حياتي

حوري . اباوع عليه يحجي ولا كانه مسوي شي اباوع للجهال گاعدين ومطلعين اديهم يلعبون بوستهم وگمت لفيت شعري واخذت المي الگلي تسبحين بي السيد واذبين المي بره البيت سويت مثل ماگال

سراج . نعيمآ حبيبي

حوري . مجاوبته گتله بس المي هذا اخذه رشه بره بالشارع

سراج . مو اله بالشارع حته لو بالحديقه عادي المهم مكان مونگس

حوري . اخذت المي ورحت للحديقه الخلفيه رشيته ماردت واحد يشوفني ونبهني سراج منجيب طاري السيد واذا سألو نگللهم مارحنه للسيد بس زرنه ورجعنه

بس خالتي تدري رحنه رجعت للغرفه اخذت البخور والمبخره شغلت البخور وخلينه الورقه وياها وسراج خلاها قريبه علينه احاول اتناسه الخنگه احس اريد

اشرد بس من حجه السيد وگال عمل اتحديت نفسي وبداخلي اردد اتحمل الخاطر جهالي نزلت دموعي مختنگه احس ماكو هوئ بس ريحه البخور ترس ريتي

لزم ايدي سراج ويگلي تحملي لازم نتعالج ونتخلص من هذا العمل بقيت ابجي ومغمضه عيوني وكل شويه افتح اشوف الورقه خلصت يمكن ربع ساعه وخلص

البخور والورقه هم احترگت رفعت راسي واشوف الغرفه بس دخان گوه ننشاف الجهال منزلتهم جوه اخاف عليهم من الريحه قويه

سراج . يله حبي هسه خلي نشوف وين العمل محطوط

حوري . يااا نسيت مولازم نطلع العمل بألاول وبعدين ناخذ العلاج

سراج . لا عادي المهم نسوي كلشي گاللنه عليه السيد

حوري . گلبنه الغرفه گلاب اني وسراج بقه بس الكنتور والكنتور ثگيل كلش غرفتنه تركي ثگيله باوع عليه گال بقه بس اهنا والسيد گال العمل بغرفتكم لو يم الكنتور لو جوه السرير ماكو هنا يعني هنا دفع الكنتور شويه باوع للگاع گال لگيته

حوري . صدگ وينه بله خلي اشوف اباوع واشوف مثل الصراير الي يلفنها قبل النسوان مال ملابس لونها ابيض وبيها دانبيس وكتابات جرها سراج

سراج . راح افتحها اشوف شنو بداخلها

حوري . لا سراج لا عليك الله اخاف يصير بينه شي اذا تفتحها موگلك جيبها اني اسويلها بطله عوفها خلي تولي عفيه

سراج . اوك من نروح اخلي يفتحها واشوف شنو بداخلها

حوري . وين راح توديها هسه

سراج . راح اخليها بمكان وباجر الصبح اوديها اله

حوري . واني اروح وياك

سراج . ي تعالي خاف يحتاج يقره عليج لازم ترحين وياي

حوري . خلصنه العلاج ونزلت جوه اجيب الجهال واشوف ساره گاعده عله القنفه ومبين عليها باجيه عيونها حمر ومورمه من شافتني ابتسمت بمكر دخلت الغرفه خالتي واخذت الجهال واحد منا وواحد منا جاي اصعد وشافني سراج

سراج . حياتي ليش شايلتهم اثنينهم هيج ليوگعون منج جيب اشيل واحد عنج

حوري . اخذ فهد مني وصعد وراي گعد عله الجربايه ويلاعب بيهم وهمه يباوعون عليه اباوع عليه احس اكو شي بداخلي ماعرف شنو نغزه بگلبي ليش ماعرف

من اشوفه وما احس بحبي اله گلت معقوله جنت احب سراج احسه غريب عليه اجه ابالي العمل گلت اكيد بسبب العمل حسبي الله ونعم الوكيل بكل ساحره

تخرب بيوت العالم وتمرض الناس وتفرق الاحبه نزلت جوه رحت نظفت المطبخ

نوره . هيوووو انت مومعلگه فوك اربعه وعشرين ساعه وبس المطبخ عليج بعد تنظفين البيت الصبح كله والمطبخ من الصبح لليل عليج مفهوم

حوري . وانت منو عيني وتتأمرين عليه خالتي گالتلي بس وجبه الريوگ والغده عليج وعندي اثنين اطفال بس يكبرون شويه بدون متجين تگليلي اشتغل موخايسه اني ومنتظره منج تشغليني

نوره . لج ادبسززز شنو قصدججج هااا المعقده صايره براسي مره

سراج . سمعت نوره تحجي هيج ضربتها راشدي لان عرفتها هيه تعيل بحوري

حوري عليها بس الماعين وبكيفها تاخذ الواجبه بوكت

فراغها ماكو وجبه محدده عليها بوكت فراغها تشتغل ماشي اهم شي اطفالها انتن اثنين اشعدجن انت وهاي تشتغلن بالبيت لومخلصاتها بس تكنيك

حوري . سراج جان يقصد عله ساره واگفه وتضحك جانت من دخل سراج سوت روحها تعزل بالمطبخ غسلت الماعين وصعدت ثاني يوم هم بدلت للجهال

ورضعتهم ونزلت جوه خليتهم يم خالتي رحت للمطبخ عزلته وغسلت المواعين سراج بعده نايم فوگ من عقد عله ساره رجع ينام فوگ بحجه العلاج اعرفه مايريد يبقه جوه يمها

سراج . حوري لمده شهر اذا اجي والكاج مخليه ايدج عله شغله اكسرها ماشي

حوري . هزيت راسي طلع وطلعت وراه لان اعرف اذا ابقه يمهن ماراح يسكتن حته لو سراج حذرهن

ثاني يوم گعدت الصبح بدلت للجهال ورضعتهم ونزلتهم

يم خالتي سراج بعده نايم گتلها خاله راح نروح للسيد خالتي تدري طلعنه العمل بقت تتحسب عله الي سواه تخبلت گالت منو تدخل البيتنه وتسوي هيج شغله

سراج يگول بعدين اعرف بطريقتي منو السوه هيج هسه بس خلي نخلص من العلاج وبعدين الله كريم جان كل همه نطيب وبس

صعدت گعدت سراج گتله يله راح نتأخر هم يله نروح حته نطلع من وكت نزلت سويت ريوگ وعفته راح للحمام نزل بسرعه تريگنه وطلعنه

سراج . حبيبي شلون تحسين نفسج هسه موشويه احسن

حوري . يعني احسن احس بفرق قليل

سراج . ي اكيد لان بعدنا بالبدايه السيد گال العلاج يستمر خمسه اسابيع واحنه بعدنه بأول اسبوع وحسيتي اكو فرق كلش زين

حوري . ماحجيت احس شايله عليه كل ما اذكر عقدهم هو وساره احاول انسى واگول الخاطر الجهال باقيه يمه وصلنه للسيد اول مادخلنه انطى سراج العمل 

السيد . شلونج بتي ماشويه احسن

حوري . لا احس اكو فرق عن قبل اخذ العمل فتحه جان مثل اللفه مال شعر عرفتها شعري لان بس اني اميشه بالبيت گتله سراج شعري هذا بس اشلون اخذنه

مادري بقيت متفاجئه منه ونوب طلع لعابه صغيره مدنبسه ادنبس من كل مكان ولافين عله رگبتها خيط احمر

السيد . شوفي بتي هذا العمل تفرقه ونفور وخنگه حته مرات تحسين بألأم بجسمج ومرات يطگع مثل المضروبه بس تطلعلج بدون سبب راح اسويله بطله

وان شاء الله ماكو شي بعد غير بس تلتزمون بالعلاج لان اهم شي الأتزام والعلاج هو الي راح يخلصج من العمل هذا

حوري . سراج ساكت جان ميأمن بهيج شغلات بس الصار بيه گدام عينه موقليل ومن حجه السيد ابد ماحجه شي رجعنه للبيت وكلشي حجينه الخالتي

انقهرت علينه حيل حته عمي ميدري بالسالفه كلها ماحبينه نحجي شي قبل مانتأكد اكو عمل عليه او لا بس بعدين خالتي گلتله صرت كل يوم استعمل العلاج

ولقرأن ما اگطعه من غرفتي واخلي الجهال يسمعو وياي تغيرت نفسيتي حسيت بفرق كلش جبير خلال فتره قصيره الحمد لله اما علاقتي ويه سراج مرات

احس بغيره من اشوفه يحجي ويه ساره وهيه كل ماتشوفني تحاول تحجي ويا لو تطلب منه شغلات يجي هو يحاول يبررلي اسوي روحي مامهتمه بيوم

جنت گاعده بالصاله ومخليه الجهال بالحجله هستوهم يگعدون بيها ودخل سراج من بره مزين لحيته محددها بشكل كلش حلو هو وجه عريض وعنده غمازه سراج

دائمآ اني وخواتي نشبها بواحد يغني انته معلم واحنه منك نتعلم هه اسمه سعد لمجرد هواي يشبه سراج

سراج . حوري صعدي حضريلي الحمام

حوري . اباوع عليه وهو يحجي وياي اول مره هيج انجذب الشكله حلو طالع هزيت راسي صعدت حضرتله الحمام وردت انزل لاگيته عله الدرج كمش ايدي وصار كلش قريب مني

سراج . حوري مشتاقلج موت عمري

حوري . لا اگدر اصعد البايه ولا انزلها احس راح اوگع وهو مثبت اديه منا ومنا ومخلي راسه بشعري ويتنفس

حست انفتح الباب مال منتظر وخر مني وشردت جوه

شويه ونزلت ساره لابسه دشداشه برتقاليه جنها بطل ميرنده والمكياج طووووخ لعبت نفسي منها اكره المكياج هواي بالوجه صفنت اگول اني صارلي شگد

ماحافه بس من جبت ومن طلعه الاربعين وهسه عمر الجهال خمسه اشهر موطبت ليش ما اهتم بنفسي انتظرت زمن تجي ونروح اني وياها خلصت الشغل

البيدي ورحت للصاله شفت سراج نزل لابس تراكسود اسود سراج يحب اللون الاسود وكلش يلوگله اجه وجر الحجلات عليه وگعد يلعب بالجهال اباوع الساره كلساع

وضحكت بصوت عالي بس تريده ينتبه الها اكلته اكل بعيونها صافنه عليه شلون يلعب الجهال فطومه تشبهني بس فهد هواي يطي شبه السراج لليل كلش صعدتهم وصعدت دخل سراج وراي

سراج . حوري شوكت الله يحنن گلبج عليه جنت اگول مريضه هسه شنو حجتج

حوري . وليش شنو تريد مني بله هه بعد كل السويته تريد نرجع مثل قبل

سراج . ليش شنو السويته حته منگدر نرجع مثل قبل حور اني زوجج واجبج اتسوين كل الأريده واذا قصدج عله ساره هسه كم شهر واطلگها شفتيني حبيتها لو مگلبها حالها حال نوره عندي

حوري . سراج الله يخليك عوفني بحالي طلعت ابجي ماگدر احس گلبي مكسور بسببه هواي حذرته من ساره واحر شي بس گلوله ازوجها قبل بيها

مرت الايام وهنه ابد ماعافني مشاكلهن وياي ازيد ماتنقص مرات اكتم بداخلي وما احجي اگول ميخالف هنه يردلي المشاكل بس ماخليهن يوصلن لليردنه

اسكت وما احجي بيوم تعشينه وصعدت فوگ جان تندگ الباب فتحت نوره

نوره . عيني من ازقنبتي غير تغسلين اماعين العشه واصعدين

حوري . ليش اني انظف البيت كله الصبح وعليه وجبتين وانتن عليجن وجبه العشه من زمان شتغير هسه

نوره . لا والله بعد انت تغسليهن موخدامات عندج احنه نزلي وراي بسرعه يله

حوري . عافتني ونزلت گلت هاي شافتني ساكته زودتها اروح اگول السراج عليها يشوفلي حل وياها سرااااج سرااااج

سراج . رفعت راسي واني اسمع صوتها العالي نفخت بضجر شلون ياربي ويه هاي البلوه العندي سديت البوري ونفتح باب الحمام وتحجي بصوتها العالي

سرااااج يعني تقبلها كل يوميه اني اغسل مواعين العشه بله انته موقسمت الشغل بيني وبينها ليش هيج

جاوبتها واني انكث اديه من المي

روحي نزلي وانه نازل وراج واشوف شلون بهاي السالفه تفض لو لاااااا

طلعت اركض الهث من الصعده الله لا يطيج نوره ساعه السوده الي اجيت بيها بهذا البيت عود جبيره بت السطل اله اعلمج شلون تتعاملين ويه حوري مو حوري الي تتشرطين عليها

سراج وينننج نوره نوووووره

ها ها شكو

وعلاااا انه مو كتلج تعوفين المشاكل ويه هاي الطفله لو لااا

خوية والله جذابه جذااابه شتگلك تصدگها

ضربها بخدها من قوه الضربه گلت لزكت ايده بوجها

انه چم مره گتلج لا تعلين صوتج علي ادبسزز تعاي علميني اصدگ منو واچذب منووو حيوانه

حوري . عفتهم ورحت للغرفه واني ادردم عليهن موتني شافني ساكته گالن هاي كلشي تسوي خبيثات امهات السحوره

سراج . منو امهات السحوره

حوري . هنه اكو غيرهن يعني

سراج . ومنو گلج هنه مسويات السحر لتحجين بكيفج مره ثانيه

حوري . انته بنفسك گلت اعرف منو المسويه العمل وماكو غيرهن هنه كافي ادافع الهن هنه مسويات حزب عليه هنا لوميطيك گلبك نحجي عله حبيبتك السابقه

اشوفه عيونه گامت تجدح تقرب مني كلش

سراج . بعد بعد بعد علي صوتج ادبسززز

حوري . حسيت خدي اشتعل نار من ضربه اديه عافني وطلع مرت الايام بيني وبين سراج كلش بارده ومنتحاجه مره رحت لهلي اخذت يمهم يومين گلت

اروح للصالون اسوي تغيير لان زمن ماجتنه ابنها الصغير مريض رحنه اني ومره عمار واطياف جايه لهلي اول اجازه الها رحنه شعري طولان بس قصيت اطرافه

وسويته لون رصاصي صار يجنن عليه وحفيت وسويت مساج واشتريت ملابس بس الجهال يبجون وتعبوني شفت حيدر يريد يطلع گتله حيدر وصلني يم

عيالي اريد ارجع صدگ ماگال شي حضرت نفسي وللجهال هم وطلعنه من وصلت دخلت الجهال يم خالتي ونوب رجعت اخذت الجنط سلمت وگتلها خاله

اصعد الجنط وانزل صعدت واشوف سراج طالع من غرفه ساره واني نصدمت نزلت دموعي احس الحجي كله ضاع مني شفايفي ترجف شافني ونصدم مني

سراج . حور شوكت اجيتي

حوري . مثل ما اجيت راجعه لتخاف انزل ركض واحجي نزل وراي

سراج . اذا اطلعين منا ممنوع تاخذين الجهال وياج مفهوم

حوري . لااااا اخذهم واعتبرنه ماجايين وارجع يم مرتك

سراج . لصيرين ثوله لو اريد ساره اصير مرتي من صدگ ماخايف منج عوبه

حوري . ماجان احد موجود قريب مني كلش ويحجي يحاول يهديني بس اني من شفته طالع من غرفتها حيل انقهرت

يعني طالع من غرفه زوجتك الثاني شجنت تسوي مثلآ تلعب ختيلان لو شنو

سراج . وداعتج مامتقرب منها زين تعالي وشوفي بعينج ليش جنت يمها

حوري . اخذ ايدي وصعد واني اريد الحگ عليه ما اگدر باي اصعدها وباي اگمز حته الحگ عليه فتح باب غرفه ساره واشوفها لافين رجلها مجبسيها يمكن واگعه گللها

حوري جتي تريد اسلم عليج ويباوع عليه بمكر يريد يضحك عليه شفتها گتلها الحمد لله على السلامه وطلعت اغلي من القهر دخلت للغرفه ودخل وراي

سراج . ي گولي من البدايه تغارين حته اخذ احتياطي

حوري . لا ماغار من شنو اغار بله هااا تقرب مني حيل ومقيدني يباوع بوجهي بعدني حته الشال مانازعته سحبه مني حيل شاف شعري بقه صافن عليه

سراج . هاي شمسويه هالتغيير كله الي

حوري . لاااا شنو الك الي حبيت اغير شويه بعدني مامكمله وهجم عليه اخذ شفايفي حاول يتقرب مني بعدته مني گتله تحلم اخليك تتقرب مني منا من اطلگ ساره

يتبع…

بنات لتنسون التعلق والتصويت فدوه حته تصعد القصه ❤️

هديه الشيخ سراج بقلم ✍ دينا الربيعي ❤️

مااكلك أحبك خاف مني تروح ....

ولا اكلك نسيتك خااااف تنسااني ....

تيهت بمحبتك واني اااعمى العين ....

بس كلبي على بابك زحف خلاني ....

دلاني واجيتك واااني كلي جرروح ....

ومن كتلك تعااال تكلي مو ااني ....

اااااااااني اااااااااااعمى صدددددك ....

بس كلبي عنده عيووووون ....

مو إني الاجيتك هو ودااااني ....

كلشي توقعت وبااالي الف حساب ....

بس ماااااحسبت تلبس وجه ثااااني ....        💖💖

سراج . شوف ومحمد ياحور اذا اطخ ابالي ماطلگها لاتذليني هيج كل ما اجيج وطلعتيلج عذر النفس طيبه وماحب اذلها بس اگول احبها واريد رضاها لهنا وكافي

اليوم اريد ننهي كلشي كافي مزعطه زودتيها ترا ومتحملج بس بعد ماتحمل اليوم اذا اجيتج وطلعتيلي عذر اشوفج وجهي الثاني

حوري . اباوع عليه يحجي وعيونه حمر عاصر ايدي حيل دفعني وطلع ورگع الباب ورى ماگدر اشوفها بالبيت صعبه عليه گوه متحمله وجودها البيت احس

جنت موبوعيي من عقد عليها ماجنت احس بشئ وهسه من خلصت علاجي ميته قهر شلون جنت ساكته وليش خليته يعقد عليها كل هذا ماجنت احس بي كل

الأريده سراج يرجع الي وبس احس اذا خليته يتقرب مني ونعيش عادي راح ابين اله اني قابله بوجودها زوجته جاي اضغط عليه صح بس حته يطلگها من

تخلص المده كل يوم لو يومين نتراسل اني وزينب وزمن خوات سراج مسوين گروب بالواتساب نحجي بي وينصحني لاتخلين غيرتج اسيطر عليج وتخليها تكسبه بدل ماتكسبيه انت

زينب . شوفي حور صحيح ساره بت عمنه بس والله مافرحنه من خطبها مثل مافرحنالج او ماشفتج گتلها زمن هاي هيه المره الراح يعيش وياها سراج براحه

طفله وراح تتعود عليه وعله اطباعه لتخلين خطط ساره تمشي هيه كل همها تسوي مشاكل بينكم افتهمي عاد موفتيتي گلبي يوميه نحجي وكلشي ماكو

حوري . دزيت الهم ملصق يبجي 😭 ماگدر زينب لوتشوفين شلون كل ماتشوفنه گاعدين ونضحك ونسولف تجي تتنعوص سورراج جيبلي حلاويات

سورااج جيبلي فلان شي لكم والله زوجي استحي اگله جيبلي لحد هسه لو هو يجيب لو ماگله استحي شلون اتخلص منها احس راح اجرم بيها

زمن . البسي ورتبي وادعلي لاتهتمين الوجودها وداعتج من يرتاح سراج يمج حته مايباوع بوجها بعد مبعده الرجال عنج كل هاي الفتره والرجال مونبي يباوع

ويشوف عود ساعتها من تغري وتاخذه منج خلي يفيدج هذا الگروب تعالي دگي ونوحي بي انسويلج عزه هنا عله غبائج لج لصيرين خوثه عوفي الكلام

الماله داعي انت وزنيبه وروحي الرجلج كلساع وطن طن طن مگمزني التلفون دهر صابجن شوكت لغيتن هلگد

حوري . هو اني شعليه غير انتن مسويات الگروب نحجي بي ونسولف وحده للخ مشاكلنه لعد شنسوي بي عرض ازياء والله ياالله رايحه اني صدگ طلعت خليت

التلفون عله الشحن ورحت اخذت دشداشه رصاصي فانيله كلش عجبتني من فوگ الصدر سبعه مطعم بسمائي وبي شذر ناعم مثل اللؤلؤ ومن جوه كلوش

بس مخصره عليه ومبيضتني حيل حلوه عليه واخذتها لأن بلون شعري سبحت وطلعت سحبت شعري بالكاويه وخليت مكياج رسمت عيني بالكحل وخليت مسكارا

وحمره وردي فاتح وخليت تنت اباوع الشكلي رجعت مثل قبل اخدودي ووجهي ابتسمت كلش حلوه طلعت لبست الشال بس هيج خليته عله شعري ورشيت عطر

الجهال جوه اخذت مماتهم ونزلت اسمعهم بالحجله گاعدين اول ماشافوني گامو يناغون جوي عليه دنگت المستواهم ابوس بيهم اباوع سراج ماكو بس عمتي

تسبح بسبحتها نوره وساره ماكو بغرفهن وساره موهواي تنزل من رجليها خالتي شافتني اشرتلي تعالي يمي رحت گعدت يمها

ام سراج . بتي الله يستر عليج اريدج اليوم تصالحين رجلج ترا محد يفيدج غيره من ساعه الجيتي من اهلج وهو ماحاط شي بحلگه جان يگول مريضه بس يابتي

الرجال طبعه مايتوسل بمره لو لگه البديل ماراح يفكر بيج بعد هاي ساره تريد بس اشاره منه يابتي لو مايحبج جان راحلها مايصير هيج حبيبتي انه بحسبه

امج وانصحج جنه كلنه وياج نگول مريضه ونفسه بس هسه مزوج اثنين نسوان واثنينهن مامرتاح وياهن وعديني اليوم ينتهي هالخلاف لازعليني عليج اول مره اطلب منج طلب انه

حوري . مايكون خاطرج اله طيب خاله اعتبري اني وسراج مصالحين ماريد اخسر زوجي واطفالي عله شغله تافها ان شاء الله يخلصن ذني الكم شهر ويطلگها ونخلص احسها واكفه ابلعومي ماگدر اهظمها

ام سراج . عفيه عليج بتي لاتخليها عثره بطريقج گومي شوفي وين رجلج وصالحي يله لاظلين معبسه بوجها اربعه وعشرين ساعه

……

”

لحبكك , مذآق , ﺂخشـــﻰ , ﺂن , ﺂصفـــهۂﮤ , لآحد , فـــﺂحسد , علآ , نعمتي , بكك♥️<

”

نرجس . رجعنه البيتنه احنه كل كم يوم نروح البيت الشيخ نبقه اسبوع ونرجع بس عمتي ابد ماحبتني ودائمآ تسمعني حجي

ام حكيم . حووووري حويررره نزلي الساعه بالعشره ياالمسعده

حوري . اباوع للساعه عزااا تأخرت اباوع حكيم طالع كل مره يگعدني بس لان البارحه اتقيئ الليل كله

ماعرف يمكن تخربطت معتي اشو بالليل حسيت لعبت نفسي ومانمت تأخرت وحكيم جان وياي وخلت اللحاف رحت ركض للحمام بدلت ملابسي لبست

دشداشه وسويت شعري كبايه وغسلت وجهي وفرشت اسناني ونزلت اركض دخلت للمطبخ واشوف عمتي گاعده بالگاع وتقلم بالباميه

عمه والله البارحه مريضه مانمت من وكت وهسه فزيت عله صوتج عذريني

ام حكيم . گولي صباح الخير اول لاتتشكين من الصبح

نرجس . ههه صباح الخير يا احلى عمه بالدنيا يعني اني گاعده من الصبح لعد راح اگعد بالدعش بعد اني احاول اكسبها بأسلوبي وياها هيه جانت تحبني بس من ازوجت حكيم ماعرف ليش تغيرت يمكن لان صارت مشاكل بالبدايه وحكيم طلع من بيتهم او يمكن ماجانت

متوقعه نزوج او يمكن والاحتمال الأكبر لان مزوجه ومطلگه بس ميمنع احنه انحب بعض اني وحكيم وهذا الشي ميغير حبنه حته لو مطلگه من حجيت وياهاهيج باوعت عليه بطارف عينها

ام حكيم . انت جربي تگعدين بالدعش وشوفي شلون اگعدج يالمسعده ذني نسوان حموينج هالگعدنه من غبشه وخلصن كل شغلهن روحي ساعديهن يله وتعالي وياي نخلص الغده

نرجس . طلعت لگيت زوجه اياد تغسل بالطرمه زهراء جيبي اغسل بدالج

زهراء . لا عمري ماريد خلصت روحي تريگي اليوم متأخره وماگعدتج گلت يجوز البارحه مانايمه زين 😜

نرجس . حجت هيج وغمزتلي عرفت قصدها

ياااا لج رايحه اتريگ موصوجج گلت خطيه خاف تعبانه درت وجهي واشوف زوجه ساركان متخصره وتباوعلي

هديل . يااا والله خوش لعد واني متگليلي اساعدج عيني صايرات حزب عليه شنو

نرجس . لا حياتي حزب عله شنو بس لان زهراء ماخذه شغلي گلت اجي اساعدها خطيه

فاتت من يمي وضربتني بكتفي وراحت اباوع عليها زهراء ضحكت گالت عوفيها هيه من يوم الزوجت

ماحبتني شنو السبب ماعرف قبل جنت اجيهم حلو سلوبها وياي بس خليتها ويه عمتي ومرات احس عمتي بيها مجال تتغير وترجع تحبني مثل قبل اله هديل مأيسه منها خلصت شغلي ورجعت للمطبخ

اتريگت عله السريع وسوينه غده اني وعمتي ووراها نظفت المطبخ كله بدال زهراء وصعدت فوگ الجو حار كلش راح ندخل الشهر الثامن اخذت دشداشه برموده وللحمام قبل ليجي حكيم صدگ سبحت وطلعت بمي

بارررد احس روحي رجعتلي مشطت شعري واني واكفه احس الدنيا صارت سوده بعيني گعدت عله الجربايه راحت الدوخه مني بس من اوگف تصير عدي خلصت وتمددت شويه ودخل حكيم

حكيم . هاا روحي شلونج

نرجس . الله يساعدك عمري زينه انته شلونك واني احجي ويا خله السويج والتلفون عله الميز واجه تمدد يمي واخذني بين اديه

حكيم . اووووف ياحظنج هاذا الجنه مالتي بالأرض

نرجس . عصرني بين اضلوعه هه ويشم بگصتي ويبوس گتله خنگتني حكيم بعدت روحي منه احس العطر مالته مغيره اشو مطيب

حكيم ليش مغير العطر مالك موطيب هذا قوي

حكيم . لا مامغيره هو نفسه والله

نرجس . انصدم اخذ قميصه ويشم بي العطر هذا اني اختاريته اله بس ماحبيته احسه يخنگني يصعد الراسي غيرت الموضوع گتله حبي مامتغديه انتظرتك نتغده سوه

حكيم . ي روحي حبيبي صبي غده بين مافوت اسبح كششتيني من ريحتي كلها

نرجس . مارديت عليه اخذت شالي لبسته ونزلت حضرت الغده وجاي اسوي بالزلاطه دخلت زهراء

ي والله همزين اجيتي بوكتج

زهراء . ها خير ان شاء الله حبيبتي گولي أمر خدمه

نرجس . لا حبي تسلمين بس اشك بروحي حامل واريد اتأكد يله احجي

زهراء . اللهم صلى على محمد وأل محمد حبيبتي ان شاء الله حامل عدج اعراض

نرجس . ي تلعب نفسي وادوخ من اوگف هواي وهسه شكيت اكثر لان تلعب نفسي من عطر حكيم والعطر اني اختاريته اله من ازوجنه حبيبي نقهرت عليه شلون بس لا ابقه هيج

زهراء . هههههه ي هاي اعراض حمل ولتخافين اهواي هيج تلعب نفسها من ريحه زوجها بس بدايه الحمل او يمكن من اجيبين يله المهم حامل وجيبيلنه نونو

نرجس . ي العصر اگله اروح لهلي اخلي امي اجيبلي تحليل واشوف

صعدت الصينيه فوگ گعدنه تغدينه وگتله حبيبي خلي اروح لهلي العصر يمهم شويه ضايجه

حكيم . اوك روحي عمري بس ليش ضايجه

نرجس . ماعرف هيج حسيت مشتاقه لهلي

حيكم . جيبلي جاي خلي اشربه وانام شويه ومن اطلع اوديج

نرجس . لا حبي انته نام همه ذول گبالنه شنو قابل اول مره اروح الهم

حكيم . تعالي نامي عله اديه واسكتي اريد انام تره اغير رأيي وماخليج ترحين

نرجس . رحت لان ادري بي يسويها وغفينه اثنينه للعصر كلش گعدنه گتله شوف شلون أخرتني كله من وراك

حكيم . ليش احس عندج شي احجي قبل لا اعرف بطريقتي

نرجس . لا حبيبي والله ماعندي شي بس ردت اروح من وكت هسه بالسته بعد شوكت ارجع

حكيم . يله بثمانيه اجي عليج گومي بسرعه لتأخريني صديقي راح يوصل يله

نرجس . گمت لبست الصايه مالتي والشال وخليت عطر وكحل ونزلت مايخليني اخلي مكياج حكيم ابدد يگلي بس اهنا بالغرفه تخلين بره ممنوع وكحل بالختله

اخلي منه لان احس نفسي مريضه اذا اطلع هيج رحت لهلي سلمت عليهم ومن بعد ضحك وشقه وسوالف واللمه الحلوه وياهم متنمل رحت وره ماما بالمطبخ گتلها ماما اريد منج طلب

ام نرجس . گولي حبيبتي شنو

نرجس . اريد تحليل حمل هسه فدوه قبل لا ارجع للبيت ماردت حكيم يعرف قبل ما اتأكد

ام نرجس . هههه ي هسه ادللي اروح اجيبلج واحد واجي بس گليلي شگد غايبتلج

نرجس . راح يصير اسبوعين عله موعدها ماجنت مخليه ابالي حامل بس الاعراض العندي خلتني اشك

ام نرجس . يله هسه رايحه اجيب واجي راح اخذ حمودي وياي

نرجس . اوك راحت امي اخذت وياها اخوي الصغير وراحت وره شويه اشرتلي اجيت اخذته منها گلتلي تعرفين اسوين بي گتلها يي اعرف لان ابني الطرحته

حللت بهاذا التحليل اخذته احس جسمي كله يرجف توترت حيل فتحت التحليل اول ماخليت بي ادرار طلع خطين حته بدون ما ارمش وبي ومايبرزن الخطوط

اكثر فرحت تخيلت حكيم راح يفرح اكيد من يعرف حامل طلعت لگيت ماما بالمطبخ منتظرتني درت التحليل عليها واحس دموعي بعد ما اگدر احبسهن اكثر اذكرت الطفل الوگع مني

ام نرجس . هههه الف مبروك حبيبتي ان شاء الله❤️ يجي بخير وسلامه ياروح امج

نرجس . عله صوتنه اني وامي اجتي بيبي باركتلي وبعدين بابا وعمو علاوي وحمودي يصفگ هههه باركولي كلهم فرحت الفرحتهم لثمانيه واجه حكيم

عليه سلم وطلعنه ماقبل يگعد گال جنت طالع بشغله وتعبان گلت امر عله نرجس عله الاساس ماجان متفق وياي يجيني بثمانيه باوعت عليه بطرف عيني خزرني

سكتت طلعنه گتله حبيبي خلي ناخذ فره بالسياره عندي الك شغله مهمه واريدك تعرفها وحدك سويت روحي زعلانه واريد ابجي هو انصدم من شافني هيج

حكيم . شبيج نرجس شكو احجي

نرجس . هسه امشي بالسياره اگلك عافني وراح للسياره فتحها ابتسمت عليه رحت صعدت اول ماطلعنه من الفرع سأل احجي بسرعه شكو قلقتيني

لا ماكو شي بس ابنك مشتهي ايس كريم بالمكسرات وگلت نطلع ناكل اباوع عليه تفاجئ

حكيم . حامل انت نرجس هههه

نرجس . ياروح نرجس يي حامل ياعمري هاك شوف طلعت التحليل شافه گال شنو هذا گتله اذا خطين معناها حامل ضحك بصوت عالي

حكيم . يي مويدلل ابني الحلو مشتهي ايس اكريم

نرجس . فرحه ماتنوصف وشعور بالأمومه مايتعوض دعيت ربي يرزق كل محروم بالذريه ويفرح كل اثنين مزوجين بهاذا الشعور والاحساس الحلو

يتبع…

بارت ممتع للجميع

لتنسون التصويت بنات ❤️

هديه الشيخ سراج بقلم دينا الربيعي 📝

ياحمام الرايح الهم

وصل اخباري وتعال

انه ما اكــدر بعدهم

روحي مكسوره بفكدهم

لو ترد ليه بصورهم

لو تسكتني بوصال

فيصل عاشور

حوري . رحت للأستقبال فتحت الباب جان متمدد عله القنفه يباوع اخبار بسرعه اجت عينه عليه بس فتت رجع يباوع يسوي روحه مامهتم الجيتي گعدت يم رجله

حبيبي سراج اريد نفتح صفحه جديده بس اريد منك وعد قبل كلشي

بسرعه گعد عدل مثلي وحجه

سراج . شنو حور احجي اني هم تعبت من هذا الوضع

حوري . جنت متخيله راح يگلي اسوي كلشي تردي بس خلي نرجع مثل قبل اني هم اشتاقيت الذيج ايامنه الحلوه جنه مستحيل واحد منه ينام ومزعل الثاني

گتله اطلگ ساره گتلي بس ست اشهر واطلگها شوف صارلك اشگد

وتوعدني بعد متزوجها ولا تشوف خيالها سراج احبك موبيدي اغار عليك منها احسها تاخذك مني بأي طريقه

سراج . شوفي حوري افهميني عدل ماگدر اطلگ ساره اني صحيح گتلج كم شهر واطلگها بس مو هسه خليها بعدين هسه هيه بشنو مأثره حالها حال نوره بالنسبه الي تركيها لتهتمين الوجودها بالبيت وتأثر علينه حبيبي

حوري . بس انته گتلي ست اشهر واطلگهه ليش غيرت رأيك هسه سراج

سراج . اذا تحبيني وتردين نرجع مثل قبل عله الأقل الخاطر ذول الجهال حوري والله مليت بيت مابي راحه ماينراد تره گدام العالم محسوبه عليه مزوج اثنين واني

لا مرتاح ولا شايف الراحه من يوم الزوجت الهسه كافي رحموا بحالي تعبت

حوري . يحجي بحرگه انقهرت علي مبين علي مهموم وتعبان اخذت ادي بستها واباوع بعيونه نزلت دموعي گتله حبيبي اسفه والله شنو تريد اني وياك وماعوفك للموت

سراج . هدية گلبي محتاجج لتحرميني منج احب ووعد مني ما احب غيرج ولا اسلمها گلبي غيرج بس خلي ثقتج بيه وحاولي تتفهميني لو مهما يصير لازم

نفهم بعض حوري مرات الأيام تجبرك تختار شي موبرضاتك ياعمري اريد منج اصيرين وياي موعليه ماشي حبيبي

حوري . ماجنت متخيله وره كلام سراج هذا اكو لغز ولاحته فكرت بمعنه كلامه شنو كل السويته بوكتها خليت راسي علئ كتفه واستمع اله بس المفروض اكون

واعيه اكثر واگله شنو معنى كلامك فهمني اكثر راحت ايام واجت ايام وعلاقتي بسراج احلى ايام رجعنه مثل اثنين مزوجين جديد والجهال كبروا صار عمرهم سنه

ويفتهمون اكثر وهسه بدو يحجون كم كلمه راحت ايام واجت ايام واني وسراج مثل العسل مره جنت بالغرفه ويمي فطومه وفهد اوكلهم سريلاك ودخل فهد مبين

علي ضايج ومتعارك جان يگلي حبيبي ترحين لهلج كم يوم گتله ليش اني تفاجئت سراج يجي ويگلي روحي لأهلج من وحده جنت اگله يأجلني بمزاجه يگلي روحي

يگول اضوج من ترحون گتله بكيفك بس ممحضره نفسي ولا للجهال جان يگلي اني وياج هسه نغير ملابسهم ونبدللهم صدگ گمت حضرت نفسي واخذت

ملابس لان گلي راح اطلع لأربيل كم يوم وارجع خاف اتأخر اخذت هواي ملابس للجهال ورحت لهللي بقيت يمهم اسبوع وبليل سراج اجه بدون ما ادري بي اني

قبل يوم بليل گتله شوكت تجي گال بعدني بأربيل المهم ماحبيت اضغط علي بأسألتي واحقق ويا ردته من كيفه يفتحلي گلبه ويگلي ليش ضايج ومعصب اربعه

وعشرين ساعه احسه يريد ينفجر بليل انام بحظنه يجر حسره ويشرب جگاير احسه شايل اهموم الدنيا على راسه بقينه هيج تقريبآ اقل الشهر ويگول روحي

لهلج ارتاحي جاي اتعبين لو مرات يگلي اسافر لاربيل يجيب بضائع مناك

بيوم جنت طالعه من الغرفه الصبح اخذت فهد اريد اسبحه بالحمام البره لان اكبر اخذ راحتي بي خليت الملابس وفتحت المي بالنجانه ورجعت اخذت فهد

فتت من يم غرفه ساره واسمعها تگول النوره گتله بس يگلي اريد اگول الحور يله ماريد اسوي شي من وراها رجعت نوره تگللها ي اذا ميقبل رجعي گولي العمي علي

هسه يحاجي ويخلي يجيج غصبن علي شنو صارلج شگد صابرتله والله اني منج اروح لهلي واخليهم يحجون ويا يهددو شنو مو رجال يخاف من مرته خاف

تكتشفه وتعوفه والله ياالله خفت حسيت اكو شي صاير بين ساره وفهد بالگوه حسيت رجليه تمشيني وصلت للحمام وسبحت فهد واني بالي كله مو يمه

احس گلبي گام يوجعني طلعت نشفته وبدلتله ونومته انتظرت فطومه تگعد حته اسبحها والدموع ماوكف ابد جنت بيني وبين نفسي اگول شلون لوصدگ راجع الها

شلون لو متقرب منها وارجع اگول لاوعدني ميتقرب منها گلي انجبرت عليها صحيح بس ماخلي علاقتنه تخرب بسببها

گعدت فطومه اخذتها سبحتها ورجعت للغرفه بدلتلها دخل سراج

سراج . هله حبيبي شلونج

درت عليه وگتله ها الله يساعدك ماردت ابين بسرعه اني باجيه وادور مشكله ويا لان گلي نتفاهم بينه قبل كلشي

متغدي لو اسويلك

لا والله مامتغدي اجيت اهنا اتغده

هسه نازله اسويلك نزلت حضرتله الغده وصحن فواكه وصعدت لگيته گاعده بالگاع وداير التلفزيون على الأخبار خليت الصينيه وگعدت قريب علي خليته خلص وجبتله جاي وحجيت گتله سراج اكو شي اني ما اعرفه

سراج . شلون يعني مثليش

حسيته مثل الانصدم او الأرتبك گتله يعني انته موگتلي ما اسوي شي اله انت تعرفين بي وبرضاتج احس اكو شي اني ماعرفه وظامين عليه

سراج . هه شنو يعني مثلآ احنه كل واحد عايش ابيت وواحد يظم على الخ شوفه عينج اجي من الشغل اصعد فوگ ومرات يم الوالد بديوانيه يم الشيخ بعد اكو غيرها

لا ماكو بس حبيت اذكر بالوعد اني الحد هسه وفيت بوعدي الك وسويت مثل ماگلت لتحجين وياها ولتعتبريها موجوده وتخرب علاقتنه من اجيب سيرتها

يربتبك ويبعد عيونه عني هنا اني شبه اتأكدت بس ماردت اسوي شي بدون ما اتأكدت اكثر لو يصير عندي دليل بقيت يوميه احاول اعرف اكثر بس سراج ابد

مايدخل الغرفتها ولا يحجي وياها اله هيه تريد شي ومن تحجي ويا يباوع بموبايله حته راسه ميرفعه الها مرن شهرين بس ردت اشوف شي عليهم ولو واحد

بالميه جاي يلتقون لو عدهم شي بالسر بس ماكو اي شي حته مرات افز باليل اگول خاف من انام يروح الها بس ابدا ماكو شي فكرت گلت يمكن جان كلام نوره

وساره مو عله سراج وبقيت اقنع بنفسي الى ان نسيت السالفه كلها ونسدت

سراج حبيبي والله ضايجه ملينه من هذا الروتين خلي نطلع

سراج . اوك عمري باجر عندي بظائع توصل من البصره بس خلي اجيبها هنا ونطلع وين متردين

حوري . ماشي بس العصر اروح للصالون ويه زمن

سراج . ماشي عمري براحتج

حوري . نزلت الزمن جتي الصبح خطيه اول ماگتلها گالت ميخالف نروح صدگ رحنه اني صبغت شعري لان مليت من الرصاصي نزل هواي وسمرني گتلها اريد

اصبغه لون زيتوني فاتح صبغته كلش حلو عليه صار اللون غير بشرتي فتحها وقصيت منه وحفيت وسويت مساج ورجعنه زمن بس قصت شعرها گالت صابغته

ماصار شهر رجعنه للبيت شفت فهد يبجي اخذته رضعته وصعدت اجيبله ملابس من فوگ اول ماوصلت الغرفه ساره سمعت صوت سراج يمها يمكن يتعاركون اخذني الفضول اسمع شنو يحجي وياها تقربت للباب

سراج . لج بس افتهمي عليه شلون اروح واگللها فجئه هيج بدون مقدمات ساره محد جابرج هاي العيشه وياي يعجبج اهلآ وسهلآ ميعجبج الباب يوسع جمل

ساره . هااا هيج صارت ياسراج لعد انته مو گلت لأبوي راح اعتبرها حالها حال حوري وين كلامك مع الاسف عليك شيخ وعليك العتب تخاف تواجه مرتك وتگللها تعدل بينه ياوسفه الشوارب

سراج . لج بت ال.... شلون تحجين هيججج اعلمج اليووووم تردين تحجين هيج حته تحركيني عليها امشيييي ولييي لهلججج اليوووم ماتبقيين ابييييتي

حوري . كتلها كتله يمكن كسرها هيه توها فاتحه رجلها اني احس اديه ترجف لا اگدر افتح الباب واواجهم اثنينهم ولا اروح وكأنه ماسمعتهم اختنگت والعبره

بصدري بجيت وخليت ايدي على حلگي ما احس اله انفتح الباب بسرعه وصار بوجهي سراج شافني ابجي وعيونه حمر جر اديه وسحبني الغرفتنه اول مادخلت گال

سراج . لا صيرين انت والقدر عليه رحمه لأبوج كل الأريده منج تبقين يمي لان تعبت من هاي الحياه والله صرت اتمنا الموت

حوري . سراج مو گتلك مو حجيت وياك وگتلك اذا اكو شي ضامه عليه گولي ليش خليتي اسمع بالصدفه وانته تتوسللها تصبر عليك اريد اسألك سؤال واحد

وجاوبني بكل صراحه علي الله يخليك

صار شي بينك وبينها سراج تقربت الها موو حجيتها وبجيت بصوت عالي يمكن بوكتها جان عندي احساس

قوي صاير شي بينهم لان كلامهم مو مال اول مره يحجون كلامهم مبين اكثر من مره حاجين سوه وصايره مشاكل بينهم هواي بس اني ماجنت منتبها عليهم

سراج . راح احجيلج كلشي حوري تعبت واني احاول ابينلج كلشي طبيعي اني كل ماترحين لهلج اروح ابات يم ساره

حوري . هه ليش تخاف تبقه وحدك مثلآ لو شنو

سراج . بس اسمعيني حبيبي وداعت جهال ماحبها ولا طايقها بس انجبرت عليها لان وصلت لأهلها اني مامتقرب منها تعتبر اهانه الي هاي حور

حوري . ماريد اسمع اكثر من هذا الحجي سراج اريد اروح لهلي هسه اروح ماريد ابقه دقيقه بعد اهنا عيوني مغوشات گمت حيل ونضربت بالحافه مال ميز بأصبعي حسيته انشلع الاظفر من مكانه صرخت من الالم ومسحت عيوني بديه دنگت اجه سراج يركض

سراج . حبيبي شبيج تعالي اشوف رجلج شبيها

حوري . كلشييي ماريددد منك بس ابقه بعييد عليه الله يخلييك شفت دم طالع من اصبعي عرفته انشلع من مكانه بس موكلش انرفع حسيت الم روحي اكبر من

الم اصبعي لفيتها بلاصق للجروح وگمت طلعت جنطه خليت بيها ملابس للجهال والي وهو يشرب جگاير ويباوع عليه اجه وجان يجر الجنطه مني فتحها حيل

انشكت السحاب واطشرت الملابس كلها بالگاع ويباوع بعيوني ويحجي

سراج . لو تموووتين مطلعيين مناااا افتهمتتتي واذاا گتلج روحي معناها وحدج جهاليي ميرحوون وياااج مفهوووم

حوري . مو بكيفككك اروووح واخذهمم وياااي افتهمممت ما احس اله اجه عليه وضربني كف حسيت خشمي طگ دم ذب عصبيته كلها بيه بعد لابجيت ولا

طلعلي صوت مثل البنجني بس كل جسمي ضل يرجف احنه غرفتنه بالاخير صايره صوتنه مينسمع جوه ابد بس اليگعد بالصاله ومرات ميسمعون لان جهال وصوت

التلفزيون فه ميسمعون گعدت بالگاع وامسح بديه بالدم رفعت رسي وصحت بصوت عالي

يابه شوف اسويت بيه اطيتني هديه وشوف اسوه بيه لو باقيه عدل اخوتي وامي ماجان حالي هيج يابه اذاني حيل الرجال الهديتني اله ذلني وجاب عليه مره

بدون سبب مني ابجي واحجي جان گاعد على الجربايه والجگاره بيده اجه اتقرب مني اباوع الطوله جان لابس دشداشه بيضه گتله وخر مني جانت

بحضنك وتتوسلك تبقه يمها مو هنا جنت تنومها من اروح لهلي مو وخر مني لعبت نفسي منك قربني اله حضني بثنين ادي ودفن راسه بشعري ويجر نفس ويرجع يبوسني براسي ويهمس

سراج .والله ماحبيت وحده بگدج ولااكو وحده بگلبي غيرج صدگي وداعت جهالي اعز شي عندي بالدنيا ذول جاي احلفلج بيهم مصدگين

حوري . لا ماصدگ بعد بيك وخر مني

سراج . طلعه من بيتج لتفكرين اطلعين وذول يتبهذلون لوفكرتي تروحين وتعوفيهم حوري وداعتج كلشي يتصلح بس انطيني وكت كلشي ماريد حبيبه گلبي

حوري . وخرت ادي وگمت نزلت جوه رحت للحمام غسلت وجهي ورحت لغرفه خالتي اخذت الجهال وصعدت بدلتلهم ونومتهم ونمت قريب عليهم هو نفس گعدته لليل بدل وطلع استغليت الفرصه حضرت ملابس الجهال ونزلت المنتظر گتله وديني لهلي سراج گال خلي منتظر يوديج لان يتأخر منتظر ماگال شي صدگ رحنه اول مانزلت ونزلت الجنطه والجهال وگعدت سولفت لاهلي خابر عليه ماجاوبت لامره ولا مرتين اخر شي اتصل على عمار گله جاي اخذ الجهال بس سمعت هاي الكلمه انخمش گلبي خفت صدگ ياخذهم مني

ام سراج . يمه اطيهم اله وانت هسه نفسيتج تعبانه ارتاحيلج يومين وخابري يجيج

حوري . يمه ماگدر اخليهم يرحون شلون اغفه الليل وجهالي مو يمي اموت

عمار . حوري خويه ميصير حلو مشاكلكم بهداوه ليش توصلوها للجهال وتبهذلوهم متسوه ياعمري يعني هو من ازوجها اشجنتي متوقعه اكيد مرته ويروح يمها وحالها من حالج بس صدگي لو يحبها جان عاملها مثل ماعاملج لضغطين علي اطي مجال موگلج اطلگها خليها وراه هو يعرف يتصرف لتفشلي گدام اهله وعمامه اني حجالي وگلي هاي كلها كم شهر ويطلگها لتخربون عليكم وبينكم اثنين اطفال

حوري . عمار والله قبل اكثر من شهر گلي ست اشهر واطلگها وبعدين گلي سنه بس هو ميگدر لان انطه كلمه العمامه ولأبو تورط بيها شنو ذنبي تجي عليه مره واني كلشي مامسويتله ولا مقصره منه واذا گلك راح يطلگها عادي اني هنا ابقه منا من يطلگ صدگ يله ارجعله وجهالي ميگدر ياخذهم مني

جاي نحجي وندگ الباب راح عمار يفتح سمعت يسلم على سراج

سراج . السلام عليكم

ردينا السلام بس مارفعت وجهي ابد احس گلبي مشتعل نار بسببه گال

سراج . حوري هاي گدام اهلج احجي وارجع واگول اني وساره مو عشره عمر ولا راح اخليها على ذمتي لاتخربين بيتج وتهجولين جهالج امشي وياي وسمعي الكلمه لاتعاندين يله عيني گومي

حوري . ما اتحرك منا اله تجي وجايب ورقه طلاگها بيدك وتگلي طلگتها

سراج . يعني افهم من كلامج تبقين يم اهلج مو

حوري .ي ابقه وگتلك من اطلگها ارجع وياك بس هسه لا اعذرني لان هواي تحملتها بعد ماعندي طاقه اتحملها اكثر

سراج . ماشي براحتج بس اطيني الجهال اخذهم وياي لان ما اگدر بدونهم

حوري . بسرعه بجيت گتله اذا انته متگدر بدونهم اني هم ما اگدر بدونهم واني متواجده وياهم اكثر منك شلون ينطيك گلبك تاخذهم مني

سراج . اعذريني ما خليهم تردين تجين وياي امشي بيتج موجود ماتردين هسه اخذ الجهال وامشي

حوري . لا حرام عليك سراج لتضغط عليه بجهال الله يخليك اتفهمني شويه لتزيد القهر قهرين الله يخليك بس المنو احجي ابو راس اليابس اذا گال كلمه بعد

مصير اثنين بجيت وصرخت وملخت نفسي وهو ياخذ الجهال مني ويروح عباله بعملته هاي راح اغير رأيي واگله ارجع وياك اول يوم خلصته بجي على الجهال

ثاني يوم ماگدرت اتصلت بي ونفس الحجي تعال ارجعي هسه اجي عليج بس گتله ابد ما ارجع اذا متطلگ وفعلآ گدرت اصبر على فراگ الجهال وعمار

خليته يروح كل اسبوع يجيبهم الي ومرات سراج يجيبهم ساعتين وياخذهم ومرت شهرين واني وسراج على تواصل مستمر حسيت نفسنه مخطوبين يوميه

رسائل واتصالات واشعار وغزل بس يريدني اغير رأيي واگله تعال اخذني بس اني بعدني على اصراري مشتاقتلهم هواي كل يوميه ما انام اذا ما ابجي عليهم

حسيتها بعدتني عن عائلتي زوجي وابني وبتي كل ضحكه وكل سالفه وايامنا قبل اذكرها اشبع بجي واگول منين طلعتي خربتلي كلشي هواي اجاني عمي

ابو سراج راد يرجعني ومره اجه ابو ساره وابد مارجعت جان ردي الهم لو مقصره منه ومنكم عادي ازوجوا بس مابدر مني شي يخليكم تجيبون مره عليه

وسراج ابدآ ما بطل مني ومن محاولاته وياي اغير رأييي وارجعله وهاي صارلي سبع اشهر وسراج ما طلگها وگطعت التواصل بينه بس علمود الجهال اخابر

يجيبهم لو اسمع صوتهم واسده ابدآ ما احجي ويا ودائمآ اسمع من زمن تگول راح يطلگ بس ماعرف شنو المانع

وسراج يوميه رسائله اليه يعبرلي عن شوقه وندمه الي بس اني اقره بدون ما جاوبه لان مجروحه منه هواي بس مره وحده دزيتله لو حبيتني صدگ جان طلگتها

بس فضلت حبك القديم عليه هواي رد عليه وراها ودزلي راح اسوي شي يخليج تتفاجئين بتصرفي وراح اثبتلج اني شگد احبج

واني نرجس اكثر من خوات نشارك همومنه واسررنا لان من نفس العائله ونفس المعاناه باجر ينزللكم بارت نرجس وراح تعرفون شنو صار وياها ادعولنه ربي يسعدنا ويوفقنه

انتهت قصتي لهذا اليوم حبيت اشاركها وياكم واستفيد من كلامكم الجميل ونصائحكم الي انتو مثل خواتي والله اقره تعليقاتكم وحده وحده ونرجس هم وياي متابعه والي سأل على السيد الي عالجني اعتذر جدآ منكم ما اگدر اگللكم الاسم لأسباب خاصه بس السيد بكربلأء معروف جدآ وقديم جدآ وعلى ايده هواي عالم تشافت واولآ واخيرآ الشفاء بيد الله والله يبعد عنكم كل سوء وكل عمل شيطاني

وكل الشكر والأمتنان للكاتبه دينا الربيعي حبيبتي اشكرج جدآ على تعبج وياي وسردج الحلو ❤️

وماراح اقطع وياكم كل كم يوم راح ادز يومياتي للكاتبه وراح تنشرلكم شنو يصير ويانه واكيد راح نقره تعليقاتكم الجميله مع السلامه حبايب قلبي ❤️ احبكم جدآ

راح اگللكم يتبع . بس مو معناها انزللكم بارت كل يوم كل ما ادزلي حور شنو صار وياهم انزللكم بارت كامل حته تستمتعون بالقراءه واعتذر جدآ عن التأخير بس بنتي مريضه فلاونزا وتعرفون الأوضاع شلون تخوف ابدآ ماصار عندي مجال حتى اگللكم

باجر ان شاء الله انزللكم البارت الأخير بارت نرجس وتنتهي الرواية الجميله وراح انزللكم كل كم يوم بارت اضافي الهم وشنو صار وياهم

دمتم بخير ❤️

السلام عليكم بنات

حوري تسلم عليكم وقرت كل تعليقاتكم وقررنا انزل جزء ثاني للقصه بسبب

لأنو ماتفهمتوا موقف سراج وهواي بنات اتجاوزو علي انقهرت هواي وتگول راح اذكرلهم بهذا الجزء كل المواقف الجانت ابينه يعني مثل راح نرجع بالذاكره شويه لان اغلب البارتات كانت عن مشاكلهم وماذكرتلي هواي مواقف حلوه جانت بينهم

وتگول اشكر كل البنات على نصائحهم وعلى قهرهم عليه

انتظروني يوم الخميس انزللكم بارت النرجس ونرجع نكمل البارتات الجزء الثاني وموبس نرجع للبدايه لا راح نكمل كم شغله حلوه صارت وياهم بهاي الفتره

في امان الله ❤️