مكتبة الروايات العربية

رواية هدية الشيخ سراج الفصل الحادي وثلاثون 31 - بقلم dina

رواية هدية الشيخ سراج — الفصل 31 — بقلم dina

هديه الشيخ سراج بقلم دينا الربيعي 📝

تعرف غلآتك لو بعد أحتآج أبينهآ آكثر ..

يَـ البيك لهآني العُمر مآركزت بي من مَر !

نرجس . جنت نايمه الضهر تعبانه والنساوه ذبحتني ذبح اكره ريحه الأكل والعطور وتلعب نفسي باقي يومين وادخل الشهر الثالث من گعدت الصبح عندي

لويات ابطني گلت يمكن مستبرده لو لأن أكلي قليل كلش للضهر حسيت تزيد الألم من اسفل بطني أكثر شي صار العصر واني حسيت بطني تتگطع من الألم

بعد مو مال اسكت لازم اگول العمتي نزلت من الجربايه اخذت شالي وفتحت الباب واني اعظ بشفتي من الألم رجعت اخذت تلفوني گلت يمكن اخابر حكيم نزلت جوه شفت زهراء توكل ابنها گتلها

زهراء فدوه لحگيلي بطني موتتني

زهراء . اسم الله ليش شبيج حبيبتي تعالي گعدي هنا اصيحلج عمتي

نرجس . فدوه بسرعه صيحيها رااااح اموووت من الوووجععع

زهراء . عمه عممممه هاي نرجس بطنها توجعها تبجي تريدج

ام حكيم . اسم الله الرحمان اشبيها مساعه جانت تتغده يمي مابيها شي

ها يمه شبيج شيوجعج

نرجس . عممممه بطني موتتني ويوگع عليه دم يمكن راح اطرح

ام حكيم . لا تحجين هيج ماكو شي ان شاء الله من شوكت تنزفين

نرجس . هسه من نزلت شفت وگع عليه دم

ام حكيم . جيبيلي عباتي زهراء بسرعه وخلي حمودي يروح يصيحلي امها تجي ويانه للمستشفى

نرجس . خلي اخابر حكيم عمه خلي يجي وياي عفيه

ام حكيم . هسه خلي نروح ويلحگنه للمستشفى

نرجس . طلعت وزهراء خلت عبايتها على راسي شفت امي جايه بتجاهنه هيه وبيبي وخطيه مبينه الخوفه بوجوهم

ام نرجس . ها يمه اشبيج حبيبتي خيرج شنو اليوجعج

نرجس . يمه يمكن هم راح اطرح يمكن هم راح يروح مني طفلي وابجي وخليه اديه على حلگي

بيبي . لا تخافين حبيبه وداعتج ماكو شي ان شاء الله تعالن صعدن يله وگفت تكسي بسرعه

نرجس . صعدنه وبيبي گدام وعمتي وامي واني وره واعصر بيد امي من الألم حسيت مصاريني تتملخ ماعرف الألم بكل مكان صار ابطني وحسيت هواي جاي

انزف منا من وصلنه اتشاهدت اول مادخلت امي صاحت عليهن گلتلهم حامل شهرين وصار عدها نزف اجتني ممرضه گعدتني بالعربانه وبسرعه الردهة الولاده شافتني دكتوره گلتلها شبيها گلتلها حامل وعدها نزف جتي عليه

الدكتوره . شگد عليج

نرجس . راح ادخل الثالث بعد يومين دكتوره بس اني قبل هذا هم وگعت طفل

الدكتوره . قبل شگد تقريبآ

نرجس . اقل السنه وهذاگ تلث اشهر ووگع

الدكتوره . ماعرفتي شنو السبب ماسويتي تحاليل مال فايروسات شي

نرجس . لا بس جان النبض ضعيف ووگع

الدكتوره . شوفي ماما هسه سونار ماموجود بالمستشفى راح انطيج ابر تگطع النزف عندج وراح اكتبلج على مغذي تاخذيهم ومن اطلعين العصر ضروري

ترحين للسونار وراح اكتبلج على تحاليل اسوينهم وخلي الدكتوره تشوف اذا عندج فايروسات او شي يمنع اكتمال الحمل عندج

نرجس . ي دكتوره يعني هسه ابني وگع لو بالسونار اتأكد

الدكتوره .ي ماما من ترحين للسونار راح تتاكدين ان شاء الله ماكو شي

نرجس . طلعت واني احس الدوخه موتتني اول ماطلعت جتي امي وعمتي عليه گتلهم هيج الدكتوره تگول طلعنه بره شفت حكيم حبيبي جاي علينه اول ماشافني باسني بگصتي

حكيم . ها حبيبي خيرج شبيج شگلتلج الدكتوره

نرجس . اول ماسألني ماگدرت احجي بجيت گتله يمكن الطفل وگع

حكيم . فدوه اهم شي انت سالمه ياروحي اذا الله ماقسمه مالازم نعترض حبيبي

نرجس . ليش هيج والله مامتعبه نفسي ولا اتحرك هواي ليش هيج ياربي

ام حكيم . يله يمه خلي نرجع والدكتوره كتبتلها علاج خلي ناخذه الها والعصر لازم ناخذها للدكتوره تشوف وضعها

نرجس . رجعت للبيت وحكيم راح للصيدليه جابلي العلاج وضربتني زهراء الابره حكيم گاعد يمي ويوكل بيه بس ردت العصر يجي وتفتح الدكتوره احس گاعده

على نار صارت الساعه بالخمسه گتله يله حكيم بعد ما اگدر اگعد خلي نروح رحنه اول وحده دخلت اني شافتني گالت ماكو الطفل واگع حسيت روحي راحت بجيت يمكن حتى النسوان بجن وياي

الدكتوره . يله ماما يصير بعد لتأيسين مدام صار هذا يصير غيره ان شاء الله بعدج اصغيره

نرجس . ماحجيت ولا كلمه امي وياي خطيه نقهرت عليه بس تحجي عليه متبينلي ضوجتها وكتبلي تحاليل وانطتني هواي علاج ومقويات وطلعت تحاليلي

مابيها شي گالت يمكن عندج رخاوه بالرحم لازم ربط من يصير واضربج ابر تحت الجلد مال تثبيت طلعت واني ابجي وراسي احسه يريد ينفجر حكيم يسألني ما

اجاوبه امي جاوبته من وصلنه گتله رايحه يم اهلي اريد ابقه يمهم كم يوم خطيه ماگال شي بس حسيته انقهر لليل واني احوس جني مضيعه شي جنت نايمه

فوگ بغرفتي وامي كل شويه جتني تگول ماگدر اعوفج وحدج گتلها روحي نامي نعست راح انام احاول اغفه ما اگدر اخذت التلفون كتبت رساله الحكيم تعال

اخذني راح اطلعلك بالباب رحت لأمي گتلها راح اروح حكيم گتله راح يجيني خطيه ماگالت شي بوستني ونزلنه شفت حكيم بالباب بتسمت ورحنه للبيت

……

حور عودة للماضي . جنت نايمه وسراج بعده مجاي سمعت صوت الجهال گعدو وكت الرضاعه مالتهم وخرت الغطه وگمت اخذت الممات سويت الهم همه

موثنينهم يگعدون مرات فطومه تگعد ومرات فهد بس واحد يگعد على صوت الخ اطيتهم الممات واباوع الهم منتظرتهم يكملون حتى ارجع انام اخاف عليهم يغصون فه صارت سنطه واباوع للساعه صارت بثنعش ونص

سراج من طلع گال جماعته ملتمين ويتأخر سمعت صوت بالصاله اليم غرفتي وصوت بجي وواحد يحجي اخذتني رجليه يم الباب صار عندي فضول اسمع لان صوت سراج وساره

ساره . سراج الله يخليك والله تعبت ليش هيج تتعامل وياي اني حبيبتك حبك الأول تعبت واني احاول ارجعك الي گتلك تندمت موكافي هواي خسرت سراج والله متندمه عليك بگد شعر راسي حبيبي

سراج . هه والله وگتلج راح تجين وتتندمين بس كل هذا ميهمني عندي التسواج وتسوه اهلج ومابدلها بكنوز الدنيا كلها وخلي ابالج عندي شغله بس اخلصها راح اطلگج هسه مخليج يمي بمزاجج يله ولي مني

ساره . هى هى سررراج الله يخليك عاد اعدل بينه اني هم مرتك حرام عليك تسوي هيج كله يمها

سراج . لج نصي صوتج لا اكسرج لو تموتين ما ادخل بغرفه وحده اني وياج انت عباره عن كتله قذاره ابتعدي عني لا ومحمد اشوفج شي ماشايفته

ساره . ماشي سراج روح بس لتلومني لو واحد اجه وحجه وياك بسبب التفرقه هاي

سراج . اليطلع من ايده الله يزيده

حوري . تركها وسمعت خطواته يم الباب رجعت ونضربت رجلي بالميزي مال جربايه اكيد سمعني بسرعه گعدت ارضع الجهال ونيمتهم دخل شافني گاعده يمهم

سراج . ها حبيبي گاعده

حوري . باوعت علي وسويت نفسي اتثاوب هزيت راسي ورجعت گتله جنت ارضع الجهال هسه ناموا راح عليهم تقرب بوسهم واجه عليه لزم ايدي وقربني منه ولزم خصري وبالحيته يسوي حركات بخدي

سرااج كافي دغدغني اضووج

سراج . سمعتي حجينه موو

حور . ياحجي مافتهمت عليك

سراج . اعرف بيج كلش زين سمعتي شحجينه شوفي حور لو يصبونها ذهب بعد مااباوع الشكلها ولا يرف گلبي عليها وداعه جهالي متندم ندم على كل لحظه من

حياتي ضيعتها وياها كل ما اذكر قبل جنت احبها اگول النفسي شجنت احس اصدگين

حوري . يي لتحجيلي عن الماضي حبيبي احنه اولاد اليوم انسه صدگني اثق بيك واعرف بيك تحبني ان شاء الله اطلگها ونخلص ونرجع مثل قبل بس اني وانته وجهالنه وتقربت بسته بشفايفه

سراج . اووف اليوم انت تتحارشين سمعي لج البوسه مو بلاش

حوري . وكالعاده اذا ابادر بحبي اله يگلي تتحارشين ولازم يكمل الباقي من حب ولهفه وشوق سراج شگد ما اوصف حبي اله يعجز لساني وتعبيري عنه گعدت

الصبح واشوف رسائل تجي الموبايل سراج وحده وره الخ خفت گلت يمكن ساره رجعت ادزله رسائل من شفته تأخر بالحمام گلت اگوم اشوف منو فتحت الواتساب واشوف محادثه بين سراج وزمن

زمن . ها سراج

صباح الخير

خويه بشر مالگيت شي

وصعدت للرسائل القديمه كاتب بيهم

زمن . سراج والله لاتشوفها هيج ترا هيه ثوله كل همها ترجعك الها لاتوصخ نفسك بيها خلتولي عوفها

سراج . وداعتج راح اوگعها وگعه اله اخليهم يكسروها تكسر عبالهم زوجوها وخلصوا منها اله ارجعها الهم الزباله الذبوها عليه بس خلي الزم راس الخيط الباقي كله سهل ان شاء الله

ان شاء الله

هاي المحادثه بليل تأكدت سراج ميخلي محادثه بينه وبين زمن يمسح كلشي ورى سمعت صوته بسرعه طلعت وقفلت التلفون ورجعته بمكانه بس بقت ابالي شنو المحادثه هاي وعله منو يحجون نسيت السالفه كلها ولا سألته لان ماردت يعرف افتش تلفونه بس احس اكو شي بينهم مهم

يتبع…

البارت الجاي كلش قوي كلكم تنتظرون هيج احداث قويه لتنسون التصويت

دمتم في امان الله ❤️

رواية هدية الشيخ سراج الفصل الثاني وثلاثون 32 - بقلم dina

رواية هدية الشيخ سراج — الفصل 32 — بقلم dina

هدية الشيخ سراج بقلم ✍ دينا الربيعي

احَبـك ڪثيراً رغم بعد المسافه بيننا ، رغم عدم التقاء اعيننا ببعضـهـا ، رغم ڪل مايحدث لنـا من تقلب المزاج ، أنا احَبـك واريدك دائماً شخصـاً مثلك جعل حياتي اكثر اشراقاً اكثر توهجاً جعلت حياتي تبدو اكثر جمالاً ووضوحاً ، انا الان ﻼ اسعى لتحقيق اهدافـي فقط انا اسعى لأكون لكِ أيضاً♥️ ..ِ ©®

حوري . گاعده فوگ بالغرفه صارت ملجئي الوحيد اگدر ابجي براحتي واشكي همي النفسي صرت انيسه للوحده الي عايشه بيها اتذكر وين جنت ووين صرت

جنت اشرد من اليقهرني بحظنه وخوفه ولهفته وكلامه الحلو هسه اگعد بغرفتي حالي حال الي دخل بمشروع وخسر حالي حال الي بنه بيت وتعب علي وحب يكمل

وشاف جماله وقوته وتعلق بي وبعدين ينهد للگاع هيج صرت اقارن حالي وزاد حقدي على كل شخص قبل نفترگ وماحاول يرجعنه مرات اگول لأمي ما أذيت

واحد بيهم ولا يوم سمعتهم احجايه تغثهم ليش هيج جازوني ليش فرطوا بيه ومرات اگول اكيد بت عمهم قابل يطون بالغريبه وميطون بيها كل همي هسه صار

جهالي ميته موت عليهم كل شهر يمر عليه احس خلص بعد مامني رجعه السراج مشاقتلهم موووت لأديهم اللعبهم لصوتهم من يناغون ما اشبع منهم من يجون

مااحس بالوقت وياهم بسرعه يخلص ومن يجي يريد ياخذهم احس روحي تطلع اموت بس مابيدي شي اسوي ابجي وانقهر واخلصها نوم اول يوم وبعدين

شويه شويه انسه لا مو انسه اتعود بس ابقه انتظر جيتهم لحظه لحظه اما سراج اجدب عليكم اذا اگللكم كرهته لو نسيته حته لو افكر انسى ما اگدر شخص

فتحت عيني علي وحبيته حب مستحيل اگدر اكرر هذا الشي بعد الغيره اشتاقله كل يوم بس جهالي ماخذين عقلي وبالي اكثر منه تشتت وتبهذلت ابعدهم وتعبت حيل

جنت نايمه او احاول اغفه واجاني اشعار على الواتساب فتحت الرساله من سراج اول شي ترددت بس لأن صار هواي ممتراسلين لان كل ميراسلني ارجعي ومشتاقلج ويحاول يخليني ارجع بس اني اصده ماريده يغيرلي رأيي اريد يطلگ يله كاتب

سراج . حوريتي شوكت ترجعين مو شليتي حالي شل بالكعبه ميت بدونج كافي هواي گتلج ارجع وانت موتگولين احبك ارجعي واوكفي وياي لج وداعه حبنه اطلگها والله كارها وكاره البيت لان موجوده بي بس ابالي شغله اخلصها واطلگها

حوري . قريت الرساله واحس كلش لشتي ترجف من صفحه احبه وكل ما اذكر تمسكه بهاي البلوه احقد علي گتله

ما ارجع سراج عفيه گتلك شروطي مامستعده ارجع من جديد على نفس المشاكل ضحيت بجهالي وبيك وتحملت فراگكم في سيبل اطلگها وصار اكثر من سبعه اشهر زعلانه وهسه چاي تگلي ارجعي شنو السوينا بعد سراج

بعد مارد شاف الرساله وقراها بس مارد عرفته انقهر لأن خلال هاي الأشهر ماترك توسلاته بيه ابد بس اني بقيت مصره على كلامي واهلي ابد ما ادخلوا گلولي براحتج من شافوا متمسك بيها انقهرو عليه وتركوني

مره جنت جوه اني ومره حيدر نسوي عشه تلفوني على الكاونتر يمي سمعته اشعارت جتي ماجاوبت گلت اخلص شغلي واشوف منو لأن اذا فتحت التلفون بعد

ماعوفه واليوم اريد اخلص شغلي من وكت لان اليوم سراج يجيب الجهال صدگ خلصت واخذت التلفون فتحت الرسائل من نرجس

نرجس . هلو حور شلونج عيني شوماكو صار يومين شكو

كتبت الها

هلو بيج عمري الحمد لله انت شلونج والله مشتاقتلج

موجوده بس اكثر وكتي اخلصه نوم حته مافكر بالجهال 🥺

نرجس . ياعمرري سوده عليه لج والله مشتاقتلج كومه تعالي علينه شبيج شويه ورجعي الله عليج حوري

حوري . لا والله ما اگدر صدگي ماطلع من البيت ابد واليوم سراج راح يجيبلي الجهال راح التهي وياهم هاي اليومين

نرجس . مامليتي حوري سراج ذاكليوم شفته لج متغير حيييل والله عبالك واحد ثاني مشافيه عيونه شلون منگرات خطيه وسود جواهن وبس يدخن سألت حكيم علي يگول متخبل على مرته والبيت كله داخل انذار من وراه

حوري . هه كله الصار بسببه وعدني ست اشهر ويطلگها وقبلت وماعتبرتها موجوده بس من اتقرب الها وصارتله مره وتمسك بيها بعد ميهمني الصار كله

نرجس . لج البارحه گال حكيم راح يطلگها مابقه شي سألته لعد شنو الموقفهم كل هاي المده ومبهذل نفسه ومرته عله شنو بس مجاوبني

حوري . ي صدگي اكو شي بس ماعرف شنو مرات احس اكو شي ظامينه عليه بس ميحجون اكو شي بين زمن وسراج بس معرف شنو من جنت هناك جان اكو بينهم مخابرات ومحادثات بس ماعرفت على سنو

نرجس . ي الله كريم حبيبتي ان شاء الله يطلگها وترجعون مثل قبل الزوجج وجهالج

حوري . ان شاء الله الله كريم يي سولفيلي انت شلونكم حكيم شلونه هم رحتي للدكتوره بعد

نرجس . الحمد لله زينين

ي ارجع واخر مره سويت تحاليل الدكتوره گالت زينات اتصدگين گاعده اخذ مانع بدون علم حكيم

حوري . ياا عزا بعينج ليش ولج لعد على شنو مراجعات وخابصه الرجال واخر شي تاخذين مانع

نرجس . 🥺 والله اخاف حوري اثنين طرحت واثنين اتعلقت بيهم وردتهم بس ماصار وهسه اخاف هم احبل ويروح مني واحس نفسيتي تعبانه من اخر مره بعد مامستعده هسه

حوري . ي بس جان اكو سبب يخلي رحمج يرفض الطفل بسبب الفايروسات الجانت عندج هسه تعالجتي وتگولين الدكتوره گلتلج زينات تحاليلج بعد ليش تاخذين مانع وبدون علم زوجج

نرجس . ماعرف حوري ماريد انقهر هسه خلي يصير سنه ونص سنتين ونسوي طفل احسن بعد ممستعجلين هسه

حوري . براحتج بس غلط الي جاي اسوي بدون علم حكيم خطيه يمكن يريد طفل اني انصحج وبس

نرجس . ي سدي الموضوع حوري كافي وترتيني افكر بعدين

حوري .اوك حبيبتي يله لهيتيني هواي اروح اني هسه الجهال على جيه

نرجس . ي حضري نفسج زين وذاك الرجال منسلگ سلگ خطيه

حوري . يله باي حبي بعدين نكمل سوالف 😘

رحت سبحت ولبست تراكسود اسود وبالبجامه والتيشريت علامه جلد النمر ورفعت شعري كبايه

وخليت كحل ومرطب وعطر ونزلت اني ماحضرت نفسي علمود سراج بس ماحب يشوفني مبهذله لو هامله نفسي بغيابه نزلت حضرت عصير وكيك يحبونه

همه من يجون دائمآ اسوي كب كيك بس اغير بالنكهات سراج يگعد ومرات نحجي كم كلمه بس بوجود اهلي اكيد ومرات نشرح عتبنه وقهرنه البعض بالنظرات

سمعت الجرس ندگ طلعت اركض للباب فتحت واشوف الجهال اثنينهم يدگون بالباب بسرعه نزلت عليهم ابوس بيهم رفعت راسي سراج گلي دخليهم جوه وبوسيهم مو هيج بالباب وياها خزره اكيد

حوري . تعالو ماما مشتاقتلهم اووي فدوه العطركم الطيب هذا باوعت سراج يباوع عليه گتله تفضل فتحت باب الأستقبال وراح گعد دخلنه ورا وگعدت مقابيله والجهال يبوسون بيه

فهد . امي ببا حبس يدول حبس

حوري .فهد يصيحلي امي هه حبيبي بسرعه افتهمت علي يگول بابا يحبج باوعت السراج يباوع عليه ارتبك ورجع گله

سراج . بابا موعيب تحجي اسرارنا اني وياك شنو نحجي ميصير تگول مو هيج علمتك انه

حوري . ي اكيد قابل اني ساره ليش تعلمهم هيج يبتعدون عني سراج بسرعه نزلت دمعتي اجه گعد يمي وحضني بدي وهاي اول مره من بعد زعلتي اخلي سراج يتقرب هيج مني

سراج . يايابه شلون مشتاق الهذا الحضن ولج والله ماعايش مثل البشر بغيابج حور الهديه مالازم ترجع واني رجعتج مجبور واليوم اجيت ارجعج البيتج يابعد بيتي

حوري . شلون مافتهمت كل عقلك تريد ارجع و

بعدني مامكمله وگال

سراج .طلگت طلگت لا تحجين سمعيني زين انه سويت هيج جنت مجبور تذكرين من رحنه للسيد

حوري . هزيت راسي بأي

سراج . من طلعتي رجعت خابرت السيد گلي ما اطيك اي اسم ولا حته صفه وحده صارت هواي مشاكل بسبب هاي الشغله بس الي مسوي العمل ياكل ويشرب

وياك وهمه اثنين مو وحده ونسوان ردت اعرف رجعت خابرت علي وگتله بس كم صفه الوحده منهم حلفته اطاني تلث صفات بس كلهن موجودات بساره بس

ماردت احجي ولا اطلگها قبل ما اخلي بأيدي دليل قوي عليها وتمنين ساره الها ايد بالشغله حتى اثبت الهم شنو نوعها هاي البنيه كل يوميه ابحوش بتلفون ساره

بدون متدري بس ما الگه شي قبل يومين هيه جانت جوه وسمعت تلفونها يدگ بالصدفه رحت ردت اعرف منو هالگد يتصل عليها وميمل شفت اسم ابنيه بس

شكيت بالسالفه من انگطع الاتصال دزت رسائل كتبت بيها يمعود جاوبي هاذا الولد خابر يگول موسويت الها عمل وتفرقه هذني بمليونين من جانبها سويتهم

وقصدتهم الها هم ترا اجي البيتهم وافضها اذا مدز الفلوس هنا اني دين مابقه براسي بس طگيت صوره للمحادثه وخليتها بتلفوني وردت اعرف اكثر رحت

الساره وگتلها اريد نطلع اني وياج عندي موضوع مهم بينه هيه فرحت كلش طلعنه وبالطريق گتلها شلون ترديني أمن بيج واخليج شريكه حياتي من جديد

ونوره اختي سامعتج تحجين ويه وحده اسوي اعمال ومدري شنو هنا هيه صار وجها اصفر

ساره . شنوو لا جذابه شنو هالحجي ماعندي هيج سوالف اني

سراج . بس اني عندي دليل عليج ساره لو تحجيلي الحقيقه كلها لو اطلگج اختاري

ساره . شنو الدليل العندك اني مامسويه هيج شي ابدد وبعدين المنو اسوي عمل

سراج . الحور مسويه المنو يعني عندج عدوه غير حوري يعني بكيفج خيرتج واختاري طلاگج لو تحجين الحقيقه وهاي الصوره هم شوفيها شوفتها الها بسرعه بجت

ساره . لا لا سراج احجيلك الحقيقه الله يخليك والله تورطت صحيح سويت عمل تفرقه ردت ارجعك الي من حبي الك والله سراج تندمت الله يخليك سراج لتعوفني والله تندمت حبيبي

سراج . هنا اني جنت فاتح تسجيل صوت حته اخذ دليل اكثر عليها ويعرفوها شنو من بشر گتلها بس مو معناها تروحين تسوين عمل وهاي حياه انسان ماخفتي

تموت يصير بيها شي زين ميخالف منو الورطج هنا سويت روحي متعاطف وياها ومقهور عليها حته تحجيلي كلشي ومتخاف گالت

ساره . والله نوره ساعدتني جابتلي دشداشه حوري وتدري بيه سويت عمل الحوري وشجعتني بس ماجتي وياي صديقتي راحت وياي سراج يعني مراح تعوفني ومتحجي حبيبي والله تندمت اعذرني من حبي الك والله

سراج . راح ارجعج للبيت اني راسي يوجعني اريد افكر بحل للسالفه هاي رجعتها للبيت بعد ماحجتلي كلشي

بس گوه مصبر نفسي عليها احس قبق راسي طار من

الغضب عليها بوكتها والقهر مال مرضج وتعبج وفراگنه كله عليها بس صبرت نفسي رحت البيتهم طبيت سمعت صوت التسجيل العمي خوانها جانوا موجودين

وشوفتهم الصوره تخبل ابوها گالو وصلت السالفه للسحوره والاعمال هاي نكتلها قبل لجيبنه فضيحه اكبر من هاي گتلهم مرتي وصلت الموت بسببها وراحت لهلها

شرردت من ظيمها گتلهم اني جنت خايف ارجعها لان جنت ادري الها ايد بهاي السالفه خفت ترجع تسويلها شي ثاني وتخليني اخسرها للأبد بقيت متحمل بعدها

ولا اخسرها تعرفون ليش لان جنت اعرف بتكم الها ايد بهاي السالفه كلها بس ردت دليل عليها واجه الدليل بيدي بتكم رايح اطلگها وتعالو اخذوها حته تصدگون

اني ماجنت ريدها ولا الي نفس بيها دخلت عليه للغرفه وخلتك تجي وتشوفها يمي ومن گلتلك هو صاحني صدگتها هاي بتك وهاي عمايلها شتسوولها سوولها بس

اريد اخلص نفسي منها اباوع عليهم ماحجوا ولا كلمه نزلت راسهم وخلتهم مايعرفون يجمعون كلمتين بيهن حظ ويحجوهن طلگتها بس جنت ملتهي لان ابوي

السكر ماله علگ عمي بالمستشفى وماقبل ابوي نحجي اي شي لان گال عيب من العالم انفضحنه گدامهم شيوخ معگله لعبت علينه مره وكحه واني ياحبيه

عمري جنت اريد اگدر اطلگها وارجعج وجنت اگدر ارجعج هم وعيونج هاي الحلوه بس ردت اخلص منها وللأبد وردت دليل عليها قوي يثبت اعمالها وجرأتها وماردت ارجعج خفت ترجع تسويلج شي وتأذيج

حوري . اسمع وابجي دموعي تنزل حاره تحرگ بخدي اهلي امي وخواني طالعين بس زوجه عمار فوگ بغرفتها بس سراج والجهال يمي اريد احجي شي ماكو احس الكلام ميطلع مني

يتبع ...

الاحداث وصلتني جديد وان شاء الله تعجبكم وتفرحكم واذا اتأخر عليكم بالتنزيل لان انتظر حور تگولي شنو يصير وياها وارجع اكتب بس ان شاء الله ما اتأخر هواي يومين وارجع اكتب الكم اذا راح ترجع او لا لان هسه مجاي اراسلها مخبوصين بالمشاكل العدهم منتظرتها هيه تگلي شنو صار وياها

لتنسون المتابعه والتصويت ❤️

رواية هدية الشيخ سراج الفصل الثالث وثلاثون 33 - بقلم dina

رواية هدية الشيخ سراج — الفصل 33 — بقلم dina

هدية الشيخ سراج بقلم ✍ دينا الربيعي

ﻻ ﺗﺨﺎﻑ ﺍﻟﺬﻳﺐ ﺧﺎﻑ ﺇﻣﻦ ﺍﻟﺒﺸﺮ

ﻣﺎ ﺳﻤﻌﻨﻪ ﺍﺑﺬﻳﺐ ﺑﺬﻳﺎﺑﻪ ﻏﺪﺭ !

ﺑﺲ ﺳﻤﻌﻨﻪ ﺍﻫﻮﺍﻱ ﻣﺄﺳﺎﺕ ﺇﻭﻋﺒﺮ

ﻋﻦ ﺑﻨﻲ ﺍﺩﻡ ﺇﻭﻃﻌﻨﺎﺕ ﺍﻟﻀﻬﺮ !!

ﺍﻟﺬﻳﺐ ﻣﺎ ﻳﻐﺪﺭ ﺻﺪﻳﻘﻪ ﺍﺷﻤﺎ ﻣﻜﺮ

ﺑﺲ ﺻﺪﻳﻘﻚ ﺑﺎﻟﻐﺪﺭ ﺿﻞ ﻳﻔﺘﺨﺮ!

ﻫَﻢ ﺳﻤﻌﺖ ﺍﺑﺬﻳﺐ ﻓَﻜﺮ ﻳﻨﺘﺤﺮ !!

ﻷﻥ ﻣﻦ ﺻﺤﺒﺎﻧﻪ ﻣﺎ ﻣﺮﻩ ﺍﻧﻐﺪﺭ !

ﻟﻴﺶ ﺗﺘﻬﻢ ﺍﻟﺬﻳﺎﺑﻪ ﺍﺑﻬﻞ ﺃﻣﺮ !

ﻭﺍﻧﺘﻪ ﺑﻌﻴﻮﻧﻚ ﺷﻔﺖ ﻛﻞ ﺍﻟﺼﻮﺭ!

ﻣﺎ ﺳﻤﻌﻨﻪ ﺍﺑﺬﻳﺐ ﺑﺬﻳﺎﺑﻪ ﺍﻧﻔﺠﺮ

ﺇﻭﻻ ﺳﻤﻌﻨﻪ ﺍﻟﺒﻴﻬﻢ ﺍﺑﻄﺒﻊ ﺍﻟﺸﻤﺮ !

ﺍﻟﺬﻳﺐ ﻣﺎ ﻳﺬﺑﺢ ﺍﻟﺬﻳﺐ ﺇﻣﻦ ﺍﻟﻨﺤﺮ

ﻟﻜﻦ ﺍﺑﻨﺎﺩﻡ ﻋﻠﻰ ﺍﺑﻨﺎﺩﻡ ﻛِﺪﺭ !!

ﻻ ﺗﻠﻮﻡ ﺍﻟﺬﻳﺐ ﻭﺗﻠﻮﻡ ﺍﻟﺪﻫﺮ !!

ﺍﻭﺗﺘﺮﻙ ﺍﻟﻤﺘﻬﻢ ﻭﺍﻟﺠﺎﺏ ﺍﻟﻘﺪﺭ !!

ﺷﺎﻫﺪ ﺍﺑﺪﻧﻴﺎﻙ ﻣﺄﺳﺎﺕ ﺍﺷﻜﺜﺮ !!!

ﻣﻮ ﺳﺒﺒﻬﺎ ﺍﻟﺬﻳﺐ ﺳﻮﺍﻫﺎ ﺍﻟﺒﺸﺮا

#رقوش

حوري . مسحت دموعي وگتله اذا انته ماجنت تريدني ارجع وتخاف عليه منها ومسوي خطه علمود اطلگها ليش ماحجيتلي ليش خليتني اجي لهلي واخلص اليوم

لو ابجي لو اخلصه نوم علمود ما افكر بجهالي ليششش سراجج احجيي ليشش بعدين مو جنت تگلي رجعي واحبج والخاطر الجهال وهسه جاي تريد تقنعي بهذا

حجيك تگلي اني ماردت ترجعين لان ادري بيها تأذيج اشو ماكو انصاف بحجيك سراج

سراج . وداعتج كلشي سويته علمودج يعني اذا اروح واگللهم ساره مسويه عمل منو راح يصدگني اذا ماكو دليل تعالي تريدين اصدگين تعالي شوفي بعيونج

حوري . تقربت واخله التلفون بيدي طلعلي لقطات صور ماخذلها سكرين للمحادثات بينه وبين زمن جانوا يحجون علمود يعرفون المصايب الي مسويتها رفعت

راسي لگيته يباوع بوجهي وعيونه تحجي الصدگ حسيته مجاي يجذب عليه گتله ونوره

سراج . نوره عاقبتها اكيد الغلط السوته مينسكت عنه واعترفت بغلطها وراح اخليها تعتذر منج

حوري . سراج تعرف شنو من ايام خلني اعيشها جنت اتمنا الموت ولا عشت لحظه وحده من هذيج الأيام ايام خوف واحلام تخوف وكوابيس اشكال الوان والله جنت

اگول يمكن بعد ما اصحى جنت افكر تاخذون جهالي مني وتخلوني بالمستشفى لان جنت موبوعيي احجي وابجي كل كلمه احجيها احسها تشگ گلبي امسح

بدموعي وهو يباوعلي وعيونه مدمعه سحبني اله خلاني على صدره سحبت نفس ورجت رفعت راسي اباوع بعيونه گتله

صارلي شگد محرومه من عطرك ومن جهالي احلا ايام عمرهم انحرمت منها بسبب منو وليش وشنو السبب ماعرف خلاهم هيج يسوون بيه

سراج . وداعت كل دمعه تنزل منج اعوضج هاي الايام كلها وداعت ذول الثنين اعز من روحي انتو واعيش احلا ايام منا وهيج واخذ حقكم لو على گص رگبتي

حور انت شعبالج اني مرتاح بغيباج لو مرتاح بأذيتج والله جنت اتعس منج عايش بس جنت مجباور ردت حل يخلصني منها وللأبد وداعتج ماجنت مرتاح

حوري . هه لعد ليش تقربت منها ليييش سراج اذا تگول مامرتاح شلون انطاك گلبك تروح بغرفتها وتگعد وتعاملها مثل اي اثنين مزوجين لحظه اصدگك ولحظه

اگول لا هاي الأشهر الخلاني اعيشهم كلهم بجي والم وحرگه علمود جهالي ماسامحك سراج ابدد ماريد اسامحك

سراج . حوري ماتقربت منها غير مره وحده صدگي مره وحده گلتلي انته مو رجال بوكتها هنتها لتعتبريها اتقربت منها اهانه الها هاي لان اخذت كتله عمرها

ماشايفتها وهنتها وطلعت لوشايفه شصار بيها بوكتها حته راحت لهلهه ومن رجعت عمي جابها گال هيه مرتك وتعاملها حالها حال ذيج گتله لو تنطبگ السمه

عن الگاع مااعتبرها مره الي يعجبكم زين على زين ميعجبكم اخذوها ماعايزني مشاكل اني ووراها بكم يوم اجت وحجت وياي وانت سمعتي حجينه شلون

جانت تتوسل اتقرب منها حوري ماريد منج غير بس اثقين بيه كلشي سويته علمودج وعلمود اخلص من هاي البلوه جنت محتاج وقت حته اثبت الهم شنو من

بنيه وشنو من مصايب عدها لو حاجيلج ادري بيج كلش زين مراح تسكتين وراح تجفصين گدامهم وتكشفين كلشي خليتها عليه وهاي حليت السالفه كلها

وخلصتج من ساره تذكرين من جنتي تگولين شوكت اخلص منها هاي خلصتج بعد شكو تبجين هااا

حوري . تقرب مني واني اسمع بكلامه واكو شي بداخلي ميخليني اسامحه حضني بثنين ادي ويبوس بشعري وبخدي وذول يوخرون ابوهم مني ماعرفت

يغارون علي لو عليه ابتسمت عليهم يصيحون اخر شي اخذتهم ورحت للمطبخ لان حسيت راسي راح ينفجر من گد مابجيت محتاجه وقت افكر بي واعرف الصح

من الغلط طلعت الكب كيك وخليته بصحن مال تقديم وطلعت عصير ورجعت للغرفه شفت سراج مرجع راسه للتخم ومخلي ادي على گصته من شافنه عدل گعدته وگال

سراج . والله اجه بوكته اطيب كيك اكله تدرين طعمهم كلش طيب ما انسى واني ماجنت احب الكيك بس من تسوي اكله

حوري . باوعت علي ابتسمت بس ماجاوبته اخذت الجهال گعدتهم يمي انطيتهم كل واحد قطعه واشربهم بالعصير شويه ودخلت امي وحيدر سلموا على سراج بس امي من شافت عيوني سألت

ام حوري . خير يمه حوري شبيهن عيونج مورمات

سراج . مابيها شي عمه اني اجيت ارجعها من بعد اذنكم جنت كل هاي الفتره محتاج وقت احل بيها مشاكلي وطلگت ساره وهسه اجيت ارجعها

ام حوري . ها ي يمه انتو بينكم مره ورجال واذا على ساره هيه جانت سبب مشاكلكم اذا طلگتها وحوري تريد ترجع احنه منكيف اكيد نفرح ترجعلك والجهالها

احسن من هالبعد هذا وذول يراد الهم مراقبه واهتمام

وحوري تخلص يومها تبجي عليهم الله يهديكم

حيدر . ها حوري شو ساكته شتگولين ههه بس لامتردين ترجعين

حوري . اريد كم يوم افكر وارجع لان متشتته افكاري ونفسيتي تعبانه

سراج . ماشي براحتج بأي وقت تردين ترجعين اني حاظر اجي واخذج بيتج مفتوح الج شوكت ماتردين

حوري . نهض گال يله تأخرت عندي شغل اروح والجهال خليهم يمج منا من ترجعين اكيد فرحت بس ماجنت مقرره ارجع هسه گلوله امي وحيدر ابقه يمنه

اتعشه وروح بس ماقبل گال اتأخر

مرت اسبوعين بس كل يوميه سراج يخابر وبحجه الجهال يحجي وياهم ومشتاق الهم يگللهم وين ماما

احجي وياها مرات بسرعه اگله ها سراج ومرات لا احسسه مگاعده يمهم مره اتصل بيهم بليل وحجه وياهم الموبايل بيد فهد اكيد لان يتعارگون علي هو

وفطومه واخر شي تستسلم وتطي الفهد حجه وياهم وشاقاهم رحت جبت صحن فواكه واجيت لان گعدتهم مطوله ويراد الها حبشكلات اني گاعده گبال فهد

والموبايل موجه عليه فه بسرعه گله فهودي حبيبي ماما وين فهد مارد بس گام يگول ماما ويضحك ورفع راسه عليه اني بسرعه سويتله اشره بيدي خليت

اصبعي على حلگي واهز براسي عود لتگول اجاني صوته

سراج . على شنو تأشرين للولد صارلي ساعه اباوع عليج كافي مزعطه حوري

حوري . اني هنا انصدمت اكل ومنطلقه وأشرله براحتي تالي طلع يشوفني بسرعه اخذت التلفون من فهد وگتله

شنو مزعطه سراج وبعدين موعيب عليك تباوع عليه هشكل ليش متحجي بله

سراج . ههههه ضحكتيني مباوع على وحده غريبه انه غير مرتي بس بالله عليج كافي اكل اشو رجعتي سمنتي ماحلو هيج اصيرين كلش حلوه بويه رحمي بحالي

حوري . حسيت حراره تطلع من وجهي گتله وين سمنانه وزني 57 بس انته متريد اسمن حتى مااحلو بس بعنادك اكل واسمن

سراج . ههه بالعافيه بويه لازمج انه اكلي وصيري بقره شعليه انه

حوري . ماحجينه بعد بقيت اباوع علي وهو كذالك اخذنه دقيقتين ساكتين بس انباوع بوجه بعض حسيت عيونه تحجي اشتياقنه البعض حسيته جر نفس طوييل وگال

سراج . حوري راح اسافر

حوري . بسرعه گتله وين ودمعت عيوني

سراج . التركيا

حوري . ليش تسافر شعندك هناك وشوكت ناوي ترجع

سراج . ما ارجع من تگليلي تعال اريد ارجع البيتي يله ارجع اني

حوري . بس سراج اني ما اريد ارجع هسه حجيتها ونزلت دموعيت حسيت نفسي اختنگت لا اريده يروح ولا اريد ارجعله هسه ماعرف شنو اريد بالضبط

سراج . ي بكيفج واني هم ماريد اجبرج ترجعين الي بهاي الطريقه اريدج تجين وتگليلي سراج اريد ارجعلك تعال اخذني ماشي

حوري . ماجاوبته بقيت ابجي وامسح بدموعي رجع گلي

سراج . ليش تبجين الخاطر علي شنو تردين حوري والله مجاي افتهمج گتيلي ماريد ارجع گلت اعوفها براحتها بعد ليش تبجين هاا

حوري . اباوع علي اريد،قربه وبعده بنفس الوقت احس نفسي اخسر كرامتي لو گتله تعال رجعني شافني ساكته وماحجيت يدخن جگاره ويباوع عليه عيونه

حمر حسيته راح ينفجر من گد ماصار اعصاب گلي روحي حور روحي وديري بالج على الجهال وسد التلفون اتفجرت بجي الجهال خطيه گامو يبجون جتي امي من سمعت صوتهم وشافتني ابجي

ام حوري . اسم الله يمه اشبيج موخلستي الجهال ليش هيج حوري

حوري . اخذيهم يمج يمه فدوه اريد انام شويه تعبانه الله يخليج

ام حوري . اي طبعآ اخذهم شوفي شلون يبجون خلستيهم تعالو بيبي يمي حبايبي تعالو

حوري . اخذتهم امي وطلعت غطيت راسي وانفجرت بجي عله شنو متعبنه نفسي وليش ماعرف كل الاعرفه احب سراج وماريد بعده ولا اريده يسافر مرن يومين لا اكل ولا اشرب بالگوه امي تجبرني اكل لگمه لو تگلي الخاطر الجهال صدگ شويه اكل واگوم بليل جنت

اگلب بالفيس وشفت سراج منزل بالمطار مال بغداد رحلى الى تركيا اني هنا تخبلت بقيت اروح وارجع اروح ارجع اريد اخابره اتصل علي يطلع مشغول هنا

اريد شي بوقتها يروح العصبيه مني اهلي انتبهو عليه گتلهم رايحه انام ديرو بالكم على الجهال اشوفه مزين ولابس بنطلون نيلي وقميص بيجي ولحيته مرتبها

ورافع شعره ليفوگ لابس ساعه ولقطات بيها لازم جنطه السفر ولابس مناظر ولقطات تجنن ماخذها بقت اگلب بالصور وابجي نزلت للتعليقات قريتها كلها تگله

حلو ومنور وسفره سعيده ومجاوبهم يضحك ومرتاح بقيت الليل كله مانايمه وبس ابجي حسيت راسي راح ينفجر نمت وجه الصبح سمعت صوت فهد وفطومه

يمي وخرت الغطه من راسي لان سمعتهم يگولون ببا اباوع عليهم يضحكون بسرعه اخذت التلفون منهم وفتحت السماعه اريد اسمع شنو يحجون اسمعه

يضحك وياهم ويگللهم شجيب الكم هديه وياي عاد اني هنا ماگدرت ابقه ساكته گتله

حوري . كلشي ميردون انته بس ابقه اتونس هناك ليضل بالك احنه هنا بخير من دونك

سراج . هههه وليش تحجين بعصبيه وان شاء الله دومكم بخير شريد اني غير سعادتكم حوريتي

حوري . بجيت گتله ليش رحت والله عبالي تشاقه ماعبالي راح تسويها صدگ

سراج . وعلى شنو تبجين بله مو مرتاحه بدوني ماريد اخرب عليج راحتج

حوري . ابجي لان حبيت انسان ميستاهل كل هذا الحب اناني بأقرب فرصه راح وعافني

سراج . لججج وين عفتج گليللللي مو حجيت ومليت واني اگلج ارجعي جنت خايف عليج وخلصتج من بلوه شكبرها وطلگتها بعد شنووو تردين والله خبلتييني شنو تردين منييي احجييي

حوري . يي صيح صيح فوگ ماعايفني ورايح تتونس وعايف جهال اثنين عليه وفوگاها تصيح حقيير

سراج . شنووو ولجج شنو شنو عيددددي شگلتييي حووورررر منووو حقيرررر اجييي واعلمججج منووو الحقيييير

حوري . من شفته هيج عصبي بسرعه سديته بقه يتصل عليه وماجاوب خفت منه وتندمت لان هيج حجيت ويا بس والله جنت اعصاب وماعرفت احجي نزلت بليل الضهر اجه حيدر گال

حيدر . ها حوري سراج خلالج هاي الفلوس گال انطيها الحور

حوري . اخذتهم منه ضرف وبي خمسميه الف طبگتهم ورحت خليتهم بجنطتي ورجعت ابجي گلت مدام مخليلي فلوس اكيد مراح يرجع هسه رحت فتحت

التلفون ودخلت للواتساب شفته كومه متصل ودازلي رسائل كاتب بيهم اعلمج من اجي شلون تغلطين عليه وشلون تسدين التلفون بوجهي بسيطه مارديت علي طلعت واجتني رسائل منه كاتب

سراج . ها تشوفين ومجاوبين منو بسطيه ياحوري اعلمج من ارجع

حوري . كتبت مو تگول ما ارجع

سراج . ي من ارجع عبالج انسه السانج والتصرفات مال وحده ادبسيسز حقيييره انطيتج هواي مجاااال اني

حوري . گتله اسفه سراج والله جنت عصبيه ومحترگ دمي عليك

سراج . لا والله عصبيه على شنو باالله احجي ست حوري شنو التردي سويته جبرتج على شنو احجججي بسيطه اعلمج انوب هيج تحجين وياي

حوري . يييييي كافي شنو لزگت اعلمج واعلمج گتلك اسفه والله مانتبهت

سراج . ماكو اسفه تتجاوزين عليه عبالج اسكتلج

حوري . حبيبي والله احبك اسفه بعد ماعيدها

شاف الرساله وماجاوب بقيت اكل بروحي گلت هسه يگول تنازلت لان عفتها بس ماجنت اقصد شي غير ردت ابررله موقفي واحبه ومن غيرتي علي فقدت اعصابي

يتبع . ..

لتنسوون المتابعه والتصويت وشكرآ على تفهمكم وحوري تقرأء كل تعليقاتكم ولازالت مشتكلهم مستمره ومن اخذ منها احداث وشنو يصير وياها اكتب الكم أول بأول ❤️ قرأءة ممتعه للجميع

رواية هدية الشيخ سراج الفصل الرابع وثلاثون 34 - بقلم dina

رواية هدية الشيخ سراج — الفصل 34 — بقلم dina

هدية الشيخ سراج بقلم ✍ دينا الربيعي

"لن يُهزم شخص متصالح مع نفسه.. يرى عيوبّه بقبول، يتعلم من العثّرة التي وقع بها، يعتذر إنّ أخطأ ويصلح إن كسر، يحاول جاهدًا ألا تُحركه الكلمات، يعطي بلا شروط، يقاوم العواصف مؤمنًا أنها سَتمرّ، يعيش متفهمًا أنّ الحياة لا كمال فيها.. ❤️

ماجاوبني ولا حته شاف رسائلي بعد حيل انقهر وبجيت تعذبت اربع ايام لاليلي ليل ولا نهاري نهار حته الجهال ميخابر عليهم من تلفوني من تلفون حيدر

احاول احجي ويا بس شنو الفائده اذا ادزله كومه رسائل وميقراهم مره جنت نايمه واسمع صوت سراج جوه بالبيت گلت شنو معقوله جاي اتحلم فركت عيوني

ورجعت اسمع يي صوته جوه وخرت اللحاف مني ونزلت رفعت شعري كبايه ونزلت اركض واشوفه گاعد يم اهلي والجهال بحضنه هنا اني من فشلتي لا اگدر

اسلم ولا اگدر ادخل بالبرموده مالتي مبينه مصدومه عاد حيدر گال

حيدر . ههههه مبينه واگعه من الدرجه يله وصلتي لهنا روحي شربي مي ليوگف گلبج هههههه

اباوع السراج رفع راسه يباوعلي ومبتسم تمنيت اروح اگعد بحضنه واگله مشتاقتلك لتعوفني وتروح بعد بس اكيد ماسويتها لان اهلي گاعدين مشيت وصلت يمه

سويت روحي گعدت يم الجهال ومامهتمتله گتله شنو شوكت رجعت البغداد مو بتركيا انته

جله صوته وگال

سراج . رجعت البارحه باالليل ليش عندج اعتراض لو انت من ذني اليتلگن زلمهن بالهلا والمرحبا متأكد منج موهيج مو بالله عمه

اباوع لأمي تضحك وكانه مأيدينه حسيت روحي فشلت فشلوني بأدب ابتسمت ومابينت الهم ضجت

ام حوري . لا عيني ابو فهد حوري عد عيناك بس اطلب منها تشلعلك عيونها

سراج . هههه والله حتى گلبي شلعته وماهتمت حوري لا بعد گلت اجي عليج اشوفيلي مره بلكي من معارفكم منا منا

حوري . هنا مثل واحد وصحاني گتله ليش بله اكو واحد گلك امي دلاله وتريد اشوفلك مره مابقيت على مرتك ذيج ام السحوره هو بسرعه اتبدلت معالم وجها

وصار يباوعلي بخزره بسرعه نزلت عيوني منه خفت منه سراج وكت الشقه شقه وقت الجد جد اذا شفته ضايج ماطلب منه شي لو روحي بي لان وكتها ماراح

اخلص من عصبيته ابد ووكت النفسيته مرتاحه لا بيه خير اطلب شنو اريد مرات احسه شخصين عايش بجسد واحد من يتبدل كلساع على شخصيه ثانيه بس

مهما يكون وشلون احبه الشخص الفتحت عيني علي وتعلمت على حنيته وطيبه گلبه وعقليته الي احسها مرات غامضه مرات اسأله شنو يدور بعقلك من تباوعلي

هيج يضحك يگلي لو اگعد واحجيلج شنو افكر يمكن يوميه تجين تگليلي شجاي تفكر ومنو بعقلك هسه من شافتني امي ما جاوبت بعد رادت تغثني لان تگلي لزوديها علي گلتله

ام حوري . والله يا ابني ماكو منك انته واذا على حور ماعرفت قيمتك عوفها واني ازوجك

حيدر . ي واني ازفك بسيارتي بعد شتريد

سراج . ي والله واكيد هاي وكفتكم ما انساها ان شاء الله اردها الكم بعرسك هه

حوري . والله وهيج صارت تجي تخطب ابيتي ماكفاك جبت مره عليه واني يمك اجيت هنا يم اهلي اتريد تزوج

ام حوري . ي شيسوي صار شهرين يگلج طلگها ارجعي الخاطر جهالج احنه جنه وياج مو وياه بس مدام طلگها ويريدج ويحبج حته من ازوج فضلج انت عليها بعد شتردين بتي گومي لمي غراضج ورجعي احسنلج من المشاكل المامنها بس دوخه الراس

حوري . ما ارجع لان هيه حجاها بشقه باجر يسويها صدگ بعد ما اگدر أمن بيك

سراج . حوري براحتج كافي اني هم تعبت ومليت من الحجي هواي تنازلت الج بس ثقي بمحمد الج منا لسبوع اذا مارجعتي البيتج صدگ اجيب مره عليج هاي المره وهاي گدام اهلج

حوري . جان يشاقه ويضحك بس من گتله ما ارجع حسيت هدوئه تحول العاصفه صار عصبي ووجها احمممر وعروگ رگبته طگت احساس بداخلي ماعرفت افسره ساعتها متندمه ومقهوره واريد ارجع بس احس مامرتاحه بقراري ليش ماعرف شفته طلع وحيدر ورى راح امي استلمتني

ام حوري . ولج انت تبقين ثوله هااا باوعيلي مو احجي وياااج حووور

حوري . هااا هااا يممممه رحمه لله كافي تراا نفسييتي تعباانه وماببيه حييل اهايننج

ام حوري . وعلااا بت الأوادم بعد شنو عذرج طلاگ وطلگ مرمرتي يوميه يجي عليج وطلعيلج بسالفه لمن يزوج واضلين تتبكبكين شيفيدج بعدين هااا اسمعي مني وارجعي بتي لتهجولين بيتج بديج على الأقل الخاطر جهالج

حوري . ماجاوبت صعدت فوگ عفت الجهال يم امي حسيت راسي راح ينفجر رجعت افكر بكلامه اگول خاف صدگ يمل مني ويسويها ويزوج ومرات اگول لا

ميسويها رجعت فتحت صفحتي ولگيته ناشر صوره اله كلش حلوه ماخذها هناك بتركيا قربتها واركز بملامحه ودموعي تنزل اباوع بعيونه حنيه حسيت نفسي

تسرعت جان لازم ارجع وياه رحت فتحت الماسنجر لگيته نشط ردت اكتبله رساله بس ماگدر احس نفسي انزل كرامتي لو راسلته هسه شمرت التلفون ونمت هواي افكار اجتي ابراسي يله غفيت گعدت على صوت فطومه وفهد يبجون يم راسي وخرت الغطه واباوع حييل هاي شگد نايمه صايره دنيا الليل اخذتهم ابوس بيهم ونزلت فهد يگلي

فهد . مما تيته اليد

حوري . ياروح امك تريد كيك تعال اطيك وفطوم شتريد فطومه مجاوبت عدها غرور موطبيعي هاي البنيه طالعه نسخه من ابوها نفس الصفاه سبحان الله هههه بوستها ونزلت طلعت كيك واطيتهم بقيت جوه وتلفوني بقه فوگ سويت العشه اني و ولاء كملنه وغسلت المواعين الجهال گاعدين يم امي وحيدر وعمار سمعت امي تحجي بالتلفون وصوتها واصل السابع جار كله اييي وهاااا ههه رحت گعدت يمهم شويه وامي صاحت

ام حوري . يااا صدگ يمه اللهم صل على محمد وأ محمد الف مبروك يمه ان شاء الله تگومون بالسلامه ويجي وتفرحين بي بجاه الحبيب محمد بتي

حوري . بسرعه ندستها گتلها شكوو گلتلي اطياف حامل بسرعه اخذت التلفون منها

اطياف حبيبتي الف الف مبروك ياعمري

اطياف . ياروحي حوري الله يبارك بيج شلونج

حوري . الحمد لله زينين والله جنت محتاجه هيج خبر يفرحني

اطياف . هههه ولج مارجعتي شوكت ترجعين امي سولفتلي عليج ليش تعاندين حور رجعي والله متلگين مثل سراج

حوري . قررت ارجع اريد اگله يجي ياخذني بس اتردد

اطياف . لا ليش تترددين حبيبتي والله بعد زعلج مابي فايده جنتي تگولين من يطلگ ذيج ارجع هسه طلگها بعد شنو عذرج مرمرتي الرجال خطيه يوميه جاي ومترجعي عيب حوري حسي بي اشويه والرجال عده كرامه كافي تسوين بي هيج

حوري . ييييي كافي جنه فرحانين اشجلبتي مو گتلج راح ارجع المهم ديري بالج على نفسج حبيبتي والف مبروك مره ثانيه يله باي

سديته منها فرحت الها حيل

صعدت فوگ شفت ضوه بتلفوني عرفته جان يدگ لان جنت مخليته صامت اخذته هواي مكالمات من نرجس رحت حجيت وياها

حوري . هلو نرجس حبي شلونج والله جنت جوه والتلفون فوگ شلونج شخبارج

نرجس . هلو حبيبتي بس زعلانه عليج اني والله

حوري . ليش زعلانه حبيبتي بشنو زعلتج

نرجس . ليش هيج ولج اني يم بيت الشيخ وسراج جان عصبي كلش عمي الشيخ حجه ويا وگله متريد ترجع ولحد يفتح وياي الموضوع بعد عوفوها براحتها حته على العشه مانزل اتعشه

حوري . اخذت نفس بصعوبه عبالك شي واگف بصدري بسرعه گتلها هسه راح اجي للبيت شافتها بسرعه ردت

نرجس .شنووو وملصق 🤔

حوري . روحي نرجس من اجي نحجي باي

طلعت من المحادثه مالتها رحت السراج دزيتله

حوري . ها سراج شلونك شافها بس مارد رجعت كتبت مو احجي وياك سراااج وهم مارد يمكن دزيت اكثر من خمس رسائل ومارد عد دگيت علي ماجاوب مكالمتين والثالثه جاوب بس صوته تعبان حيل وينفخ جگاير بوكتها حسيت بنفسي صدگ انانيه لان جان لازم ارجع وياه

سراج . الووو شتردين حور شتررردين مو گلتي ما اريد ارجع هاي عفتج بعد شكو ادگين عليه وادزين رسائل

حوري . حبيبي اسفه والله جان لازم ارجع وياك بس اعذرني جنت مقهوره منك

سراج . كافي حوري هواي نزلت نفسي الج لهنا وكافي روحي اريد انام لان تعبان كلش وارسي احسه راح ينفجر حته عيوني گمت ماشوف بيهم

حوري . انزل اتعشه بداعت جهالك سراج واشرب حب مال راس لتبقه هيج حبيبي

سراج . شمدريج ما متعشي هاا

حوري. مبين ادري بيك من اصير عصبي متاكل

ماحجه شي بقه شويه وسده نزلت اركض الحيدر گتله

حيدر فدوه توديني لعيالي

حيدر . ياستار ياربي شنو متحلمه بيهم مو مساعه اجه زوجج مارجتي ويا

حوري . لا حبيبي حيدر هسه وديني مو متخربط سراج هسه اتصلت بيهم وگلولي الله عليك

ام حوري . وديها يمه مدام الله هداها وديها ماكو داعي تبقه ورجلها يريدها خلي ترجع البيتها احسن من گعدتها هنا المامنها بس المشاكل

حيدر . گومي حضري نفسج يله بين مابدل واجي

حوري . ي هسه بس نص ساعه واجهزهم

حيدر . هسه صارت نص ساعه

حوري . دقايق دقايق ونازله صعدت اركض لملمت الملابس وموكلها لان يرادلي نهار كامل يله اخلص جمع الغراض كلها طلعت بس الضروريات وبدلت للجهال العصر سبحتهم اني بس غيرت ملابسهم وخليت مكياج خفيف وطلعت صايه جديده اشتريتها وملابستها وشال ساده بيجي لبست ونزت سلمت عليهم وامي وصتني كومه يمكن نص ساعه ثانيه بالباب خلصناها ههه

وطول الطريق بالي يمه شراح يگول من يشوفني واخاف يضوج وهواي تفكير مر على بالي اخر شي وصلنه ونزلت حيدر نزل الجهال ورجع نزل الجنط دگ الجرس حيدر

حيدر . نعلعلا بليسج الساعه بالدعش هسه شيگولون علينه ماخليتها الباجر اله هسه قررتي تجين

حوري . يي حيدر بعد اجينه غير رجلي متخربط ترضاها مرتك متجي وانته مريض

حيدر . هسه عرفتي رجلج مارجعتي ويا من اجاج الضهر ومرتي اذا مثلج ماريدها

حوري . نصي صوتك جوي يفتحون الباب

بعدنه نحجي بهمس اني وحيدر وفهد شايله حيدر واني شايله فطومه نايمين اثنينهم طلع منتظر

منتظر . هاا اهلآ وسهلآ نورتونا تفضلو تفضلوو

حيدر . زاد فضلك خويه والله بس الوقت متأخر هاي الجنط مال حور واريد ارجع

منتظر . لا على بختك صارلك هواي ماداخلنه ماخليك تطلع من الباب ابد فوت فوت وبيتكم موبعيد هسه حته لو تبات اليوم يمنه

حوري . اباوع عليهم بعدهم يسولفون دخلت من المطبخ شفت منتظر دخل الجنط وراي

منتظر . شلونج خيتي نور البيت بشوفتج

حوري . الله يسلمك بخير نورك هذا خويه هههههه وينهم شنو نايمين

منتظر . ههههه ي تعرفين الشيخ تعبان من وقت ينام بس امي ونوره يمكن گاعدات بالصاله

حوري . دخلت للصاله شفت نرجس ونوره وصلت يمهمن وهنه يباوع للتلفزيون دارت وجها نرجس وگمزت

نرجس . حوووووري حبيبتييييي اجيييييتي ياااااااييي

حوري . ي اجيت هههههههههه لج صوتج عيب راح تگعديهمممم

نرجس . ياهلا والله فرحتيني لج والله عبالي تشاقين والنبي گلت اجذب عليه متجي ماتوقعتج صدگ اتسويها وخاصتنا دنيا الليل

حوري . ابتسمت وباوعت النوره گامت وسلمت عليه رديت السلام عليهم صحيح اذتني وبسببها تهجولت بس ماحبيت اول يوم اغث نفسي ردت كلشي يكون طبيعي وماعكر مزاجي فرحانه برجعتي گتلهم سراج وين جاوبت نرجس اكيد بغرفته گتلها رايحه اصعد الجنط

نرجس . اححممم احمم يعني تريدين تقنعيني تصعدين الجنط وبس

حوري . وسمم يعني شتردين مني اگعد واگابلج وزوجي فوگ متخربط

نرجس . لاااابلااا ومنو گلج متخربط جذبتي الجذبه وصدگتيها الرجال كلشي مابي يبيع عليج ثگل هههههه

حوري . ابتسمت على كلامها بقن يبوسن بالجهال دخل منتظر خطيه حته الظيافه وحده وداها الحيدر وراح واني مادري بي صعدت الجنط وصعدت وگفت يم باب الغرفه احس گلبي يدگ سريييع وخليت ايدي على يده الباب فتحتها واني ادخل على كيف واشوف سراج نايم على وجه وحاط مخده بين ادي لابس فانيله تعلاگه رياضيه وبرموده وجه احمر مبين نايم وتعبان من شكله تقربت يمه گعدت عله الحربايه بسرعه فز وباوع بوجهي

سراج . حووري

حوري . ضحكت بصوت عالي صاح اسمي وبقه مركز بيه يريد يشوف حلم لو حقيقه بس من ضحكت بسرعه گام من مكانه وگعد

سراج . شوكت اجيتي منو جابج وليش اجيتي موگلتي ماتجين

حوري . تقربت منه وگتله ماگدرت ابقه وادري بيك زعلان عليه وهاي المره متشدد

سراج . هااا متشدد لو خفتي ازوج عليج

حوري . لا والله متسويها لان هاي المره اخليك تتزوج بجهنم

سراج . هااا صايره قباضه الأرواح موو

حوري . تقرب مني وصار فوگاي بدون سابق انذار باسني وووووووو…

سراج . لج حته نسيتيني الجهال وين خليتيهم

حوري . اني نسيتك لو انته جنك مشايف هجمت عليه وبعدين جهالك لتخاف عليهم يم نرجس ونوره

سراج . ههههههه انهجم بيتج فوگ مامشتاقلج تحجين هيج صوجي اني لومرجعج بيد اخوج

حوري . خطيه حته ماسلمت علي من راح

نزلنه جوه وفهد گعد يم الجهال يبوس بيهم عله لمتنه وصوتنه طلعت خالتي سلمت عليها وبعدين الشيخ من صوت فهد گعد يعيط ويضحك مانفتهم منه كلامه غير ماما وبابا وعصبي حييل اما فطومه اطوها بس اكل تگعد وتسكت حته صوت ميطلع منها

گعدنه اني ونرجس وحجينه كل ايامنه الجنه بيها بعيدين

حوري . بعد ماراجعتي الدكتوره

نرجس . لا والله گالت بعد لتجين كلشي مابيج لان ملت مني كل شهر اروح الها مرتين

حوري . ي صحيح لتهتمين حبيبتي مدام صار مرتين بدون علاج والله يصير عدج ان شاء الله

نرجس . ان شاء الله اني ميته على طفل يمه يشبه حكيم حبيبي ويملي علينه البيت

حوري . ان شاء الله يصير واتصير اسوالف خطيه اختي اطياف حامل

نرجس . صدك ياعيني الف مبروك تستاهل والله

حوري . الله يبارك بيج ويوم التفرح بيج ياعمري

حوري . رجعت وصار يومين فرحانين بيه كلش والشيخ يگول حيل انقهرت لان مارجعتي وجنت زعلان عليج بس بجيتج هاي غيرت رأيي

وخالتي تگول سراج جان حته گعداته يمنه قليله اكثر وقته بره البيت يحبج ويريد رضاج لتزعلين بعد وخلي حياتكم تمشي حلوه وبدون مشاكل

اكيد ماكو وحده اجيب المشاكل النفسها وكل وحده تتمنا تعيش بسعاده بس المشاكل مدري منين تجي المهم رجعت وهاي المره اني الرجعت وفرحانه برجعتي وسراج فرحان بيه وبالجهال

دعيت ربي لايحرمني منهم ومن جمعتهم ولا يوگع وحده بهاي المشاكل المريت بيها تبهذلت هواي وتعبت هواي وتمرضت فتره طويله ماعرف شنو البيه وبعدين اكتشفت مسحوره بس الحمد لله تشافيت والفضل لله والحكيم الوگف وياي وگفه خوه مانساها اله طول عمري

وحبيبي وزوجي وابو بيتي سراج ماعافني ولا اطه بيه گدام اي واحد واخذ حقي من كل واحد اذاني

وساره سمعت بيها رايحه الكركوك يم خالتها مزوجيها الواحد مرته ميته وعده اثنين ولد اكبار وهيه هاي اختيارها تريد تطلع من بغداد وتستقر وتبتعد واني هم فرحت لان ابتعدت عنه صحيح اذتني بس دعيت من الله تستقر ومترجع تسويلي مشاكل

واشكركم والله دعواتكم ونصائحكم الحلوه مثلكم هواي بنات گلولي رجعي وجان هذا القرار الصح لان اكو مشاكل اصير بين كل اثنين يحبون بعض ايامهم ماتخلوا من المشاكل اكيد لازم نمر بأيام صعبه

واني جنت طول هاي الفتره الزعلت بيها ماگطعت صلاتي وسوره البقره هواي تغيرت شغلات للأحسن بفضل قرأتها حسيت براحه موطبيعي جنت اختنگ واضوج هواي ووقت الغروب جنت احس بضيقه صدر وخنگه موطبيعيه وجنت اتحلم احلام موزينه بس من قريتها كل هاي الشغلات بطلت عندي الحمد لله

واشكر دينا حبيبتي هواي تعبت وياي بنقل الأحداث الكم

واكيد السبب مني اتأخر يله انقل الها شنو جاي يصير لان ملتهيه بمشاكلي

حبايب قلبي اتمنالكم السعاده والخير مثل مانصحتوني ووجهتولي نصائح حلوه ربي يبعد عنكم كل اذيه وكل عمل شيطاني وربي يحرسكم بجاه الحبيب محمد

ولهنا تنتهي قصه سراج وحوري حبايبي

اتمنا ربي يبعد عنكم كل اذيه وكل شخص يحاول يفرق بين اثنين

واعذروني عن التأخير لان اكيد عرفتوا السبب من حوري ههههه واني بس عليه انقل الكم الاحداث اول بأول

وربي يوفقهم حوري وسراج هواي تعبوا وتحملو الخاطر جهالهم واكيد بالتلي اذا كان الحب اكبر راح يتغلبون على كل مشاكلهم

قراءة ممتعه للجميع دمتم بخير حبايبي

التقيكم بقصه منقذي القاسي بس من اشوفكم مصوتين عليها انزل البارتات ان شاء الله ❤️❤

كونك امرأةً قويةً، فأنتِ مميزة جداً ثباتُكِ العظيمُ، يصنعُ منكِ امرأةً لا تُهزم تتجنبُ الأخطاءَ، وتعملُ على تصحيح مسيرتها

لاتنتظرُ الودً، هي مَن تصنعهُ

لاتبحثُ عن الحب، هيَ سيِّدتهُ

لا تأبهُ بشأنِ مَن يُسيء، هي مُترفعة

قد يُخيلُ لكِ أنكِ عادية، لكنكِ علامةً فارقةٌ ومذهلة لستِ في خارطةِ النساءِ الأخرياتِ، فأنتِ مميزة.

شئت ام ابيت الاخطاء تعلمك أڪــثر من النصائح 🌿

رواية هدية الشيخ سراج الفصل الخامس وثلاثون 35 - بقلم dina

رواية هدية الشيخ سراج — الفصل 35 — بقلم dina

مراااااحب حبايب قلبي شلونكم شخباركم

رجعت وياكم بقصة جدآ جميله وتوعوية

اتمنا منكم تابعوها وهاي المرة القصه تختلف جدآ عن كل القصص الي كتبتها راح نعيش وياهم ونكون حاضرين بأحداثهم وناخذ عبره من كل ايامهم الي مرو بيها وراح تكون بالهجة الموصلية الجميلة وراح تساعدني باللهجة الموصلية الكاتبة sarahalmajid

راح انزللكم المشهد واريد منكم ترحون بصفحتي وتابعوها

ماسة 💠 تگول

أتيتك لتسترني لا لتفضحني

لترحمني لا لتذلني

أتيتك بريئه أصبحت مذنبة بين أنيابك ياكافلي

كم كنت غبيه عندما أصبحت لعبة بين أخاك وبينك يامعذبي

كم تعذبت بيدك ياكافلي اللعنه على هاتفي الذي جمعني بكم

لم أعد ماسة قد أصبحت تعاسة بيدك ياكافلي تمنيت لو مت بدل أخاك ولا أبقى تحت رحمتك يا خالدي 💔

بقلم دينا أسعد

خالد يگول

لا اعرف شعوري تجاهك هل انت بريئة ام جريئة

هل حزينه ام كاذبة لا اعرفك جيدآ لكن يوجد مابداخلك

يجذبني نحوك لأعرف مايسرح بفكرك عيناك تجبرني اعذبك

أسعد بتعذيبك وقلبي يألمني ما هو دهائك ماذا يوجد داخلك لتشغليني هكذا ياطفلتي 💔

بقلم دينا أسعد

قيعدي انتظغ خالد يجي من الدوام قمتوا اغفي انا وقيعدي صاغت الساعه بالثنتين وبعدوا مجاي

دخلت من جنبي ريام

ريام.. ولكي مكفي ولكي غوحي نامي ميجي اليوم والله سمعتونوا يقول لسعد خفغ اليوم اغشعي عيونكي اشلون صاغوا حمغااء دقومي

ماسه.. لاولله مااطيق انام اخاف يجي مثل ذيك المغه نقتلتوا لان ماانتظغتونوا خلي انتظغ شويه اذامااجى اقوم اناام

ريام.. بكيفكي بقت تصبحين على خيغ

ماسه.. وانتي بخيغ

بقيتوا شوي اخغ شيء مليتوا قمتوا لغغفتي الي هي طبعا ماغغفه هي مخزن هكذ شيء متغوكه للاغراض الزيدي غرفه

كلش تعباني كلش بيوم الجيتوا هوني عزلتوها وخليت المحيفيغ والفغشات الزيدي والحصيغ والاغراض الزيدي على جنب وخليتوا الي مكان انام بينوا بينوا فغاش وبطاني ومخدي ويم غجلي جنطتي الي بيها حواسي وكم شغلاي احتاجهم واكيد علاجي مال الربو

تمددتوا وغفعتوا غاسي للسقف ادحق واتذكغ اشون اجيتوا هوني واشون قبلتوا بكل شي بس عمود امي

حاول يسود عيشتي ولو هي سوداء بدون كل شي

صاغ قيعدي انتظغ خالد يجي من الدوام قمتوا اغفي انا وقيعدي صاغت الساعه بالثنتين وبعدوا مجاي

دخلت من جنبي ريام

ريام.. ولكي مكفي ولكي غوحي نامي ميجي اليوم والله سمعتونوا يقول لسعد خفغ اليوم اغشعي عيونكي اشلون صاغوا حمغااء دقومي

ماسه.. لاولله مااطيق انام اخاف يجي مثل ذيك المغه نقتلتوا لان ماانتظغتونوا خلي انتظغ شويه اذامااجى اقوم اناام

ريام.. بكيفكي بقت تصبحين على خيغ

ماسه.. وانتي بخيغ

بقيتوا شوي اخغ شيء مليتوا قمتوا لغغفتي الي هي طبعا ماغغفه هي مخزن هكذ شيء متغوكه للاغراض الزيدي غرفه

كلش تعباني كلش بيوم الجيتوا هوني عزلتوها وخليت المحيفيغ والفغشات الزيدي والحصيغ والاغراض الزيدي على جنب وخليتوا الي مكان انام بينوا بينوا فغاش وبطاني ومخدي ويم غجلي جنطتي الي بيها حواسي وكم شغلاي احتاجهم واكيد علاجي مال الربو

تمددتوا وغفعتوا غاسي للسقف ادحق واتذكغ اشون اجيتوا هوني واشون قبلتوا بكل شي بس عمود امي

حاول يسود عيشتي ولو هي سوداء بدون كل شي

صاغ شهغ اني هوني ويوم اتعس من يوم احس نفسي عاهغه

وكله الي صاغ بسبب ابنهم الي ماغفوا يغبونوا وانا الي تحملتوا كل شيء وخلاني يصمة عاغ

خلاني مذلولي

خلاني خدامي

خلاني لاخونوا الي ميعغف الغحمه

ابتسمتوا لو باقيه علينوا ولاخلاني تحت غحمه اخونوا الظالم

المتسلط

بعدني افكغ واندفغ الباب وانغفعتوا من زندي بقه وصاغت عيني بعينوا ويحكي وهو عيقد حواجبوا عيونه تلمع واعصابه بايني عليه حسيتوا غاح ينفجغ علي واحصل قتلي مثل ذيك المغه قال وهو ضيغط على ايدي ومن بين اسنانه

خالد.. انتي شنوا قتولكي مو تنامين اله انا اناام ليش مسمعين كلمتي احككككككككي ويدحق بعيوني هسى صغتي

تستشغفين بغاسي

ماسه... غفعت راسي دائما يحسسوني انا.. ق....... قتوله والله وغوح ابوي انتظغتوك بس ريام قالت سعد مخابغك وقايلك متجي اليوم وصعدت فوق قبل شويه نظغتعينك بعدني منيمي بعدني احكي وضغبني كف اذاني قامت تصوفغ

وطغف شفتي طلع منوا الدم مسحتونوا بايدي وانا جسمي كله يغجف منه قال وهو يأشغ باصبعه

خالد: مغاح اقول المغه الثانيه مغه وعملتيها لان هاي ثاني مغه غاح اقول للمغه الثالثه اعلقكي بدال هاي البنكه افتهمتي

ماسه.. هزيت غاسي ودموعي مثل الشلاال حسيت قلبي غاح يقف من الخوف شكله وصوغته وحدهم كافيين يخلوني اقع من طولي من بعد افعاله وتصغفاته واذا قال شيء يسوي قعدت وغجعت غاسي للحايط شسويت بغوحي

موكنتوا البنية المدللي شنوا اغيد تجيب وتحط قدامي تمام جازيتوها كسغتوها ودمغتوها وجبتوله السمعه الماحلوي

اووووووف ياامي اشون اواجهكي بعد

امي سامحتيني لاااااا

امي هااي دعواتكي علي كلياتم من قتيلي عساكي ماغشعتيى غاحه ابشركي امي دعائكي استجاب وماسه

مذلولي وانكسغت وكسغت معاكي

يتبع .. اتمنا منكم تصويت حتى استمر بنشر القصه ❤️

رواية هدية الشيخ سراج الفصل السادس وثلاثون 36 - بقلم dina

رواية هدية الشيخ سراج — الفصل 36 — بقلم dina

مرحبا بنات شلونكم مشتاقتلكم هووووووووواي ♥

اجيت أگللكم زعلانه عليكم بخصوص التعليقات السلبيه بخصوص هدية الشيخ سراج

والله حرام عليكم 💔

غلط ومسبة ودعاوي على شنو بس اريد افتهم!

يعني الطرفين تسبوهم وتغلطون عليهم وتجاوزات كوممممممه ليش بنات مو من البدايه گلنه بدون تجاوز

كلنه نمر بضروف ونزعل ومشاكل!

بس مو معناها من نطي نصيحه ننطيها بتهجم وغلط ومسبة

نقبلها عله نفسنه اكيد لاااا استحيت من حوري هووواي

حته لغت بعد اكتب شي جديد بخصوص روايتهم والأيام الفاتت بسبب البنات المتهجمات عليها وعلى سراج

اتمنا اباقي القصص ميصير التهجم هذا بنات عفيه ماريد اتخاجل ويه ابطال الروايات بسببكم بليززز 🙏🏻

✍🏻✍🏻✍🏻

المهم اجيت اگللكم شغله

اي استفسار تردون تحجوا او نتناقش بي روحوا تابعوا حسابي انستگرام هذا ddd_99_w

واريد من كل بنيه تمر بمشكل بضرف تريد مساعده او اي استفسار تدخلي خاص انستا او هنا بالواتباد وتحجيلي راح اسمعها من كل گلبي وننصحها ونطيها معلومات حلوه تفيدها ♥

لتنسون بالانستا او هنا وافضل بالانستا علمود انشر المشكله وكلنه بالتعليقات نجاوبها ونكون سبب طاقه ايجابيه ان شاء الله

في امان الله ♥

اليوم الساعه ب 10 مسآء راح نعمل مسابقه بالقناه بالانستگرام اريدكم تتواجدون بقناتي انستگرام ddd_99_w هاي القناه تنوروني هناك بنات راح نعمل مسابقات تعجبكم ♥

رواية هدية الشيخ سراج الفصل السابع وثلاثون 37 - بقلم dina

رواية هدية الشيخ سراج — الفصل 37 — بقلم dina

السلام عليكم بنات راح انشر قصة جديده بعنوان رياح الحب راح انزل الها صفحه وحدها اقروها واشكر الكاتبه هدوء الليل على تصميم الغلاف Hdo_1990

والقصه الثانية للكاتبه هدوء الليل

#مقتطف 📌

#سر_خلف_النقاب

صوت المطر يتناثر على الشباك

وصوت الكراكيع رجف حيلي من البرد

بس بقيت مصرة لازم اطلع

وألا راح يكون مصير الي ببطني

مثل مصير الي قبلة؟!

لبست عباتي واني أرجف

ولبست النقاب حتى اخفي الخراب الي بشكلي

بس ياترى الخراب الي بداخلي منو راح يخفي

طلعت اتخفى حتى لايشوفوني

وماخليت لاأمام ولانبي

ماستنجدت بي بس حتى تمر سلامات

دخلت المطبخ امشي على رؤس اصابيعي وسمعت

صوت باب غرفتهم نفتح ركضت ختلت بين الثلاجة والحايط واردد

اللهم لاسهل الا ماجعلته سهلاً

وانت تجعل الحزن اذا شئت سهلاً

بقيت واگفة الى ان نفتح الباب مرة ثانية ورجع نسد

طمئنيت اخذت نفس وطلعت المفتاح الي مخليته

بجواريبي وفتحت الباب على كيفي وطلعت

ورجعت سديت الباب بهدوء وقفلتة

وخليت المفتاح بي حتى يصعب عليهم فتحه

اذا لاحظوا اختفائي طلعت للشارع

اركض واتلفت خايفة لااحد يشوفني

حسيت الم قوي اسفل بطني مو وقتك والله موقتك

استمريت بالركض رغم الوجع

الى ان وصلت للشارع اريد

بس سيارة تعبر ماكو رجعت اركض

حسيت نفسي تنگعت ماي والألم يزيد ماينقص وگفت بعد

مابي حيل اخطي ولا خطوة احس الطفل

راح يطيح متمسكة ببطني وارجف وابجي برد

وخوف وماي المطر وماي الطفل غرگت ملابسي

ولزگت عليه رفعت راسي للسماء ظلمة

مثل الظلام الي بداخلي دموعي ويه

المطر تجري اشكي لربي وابچي

ياررب اسألك بحق محمد وآل محمد

مظلومة وجارت علي الدنيا

يارب عيني وخلصني من الي اني بي

ام ونحرمت من ضناها لاتكسرني ياجابر

المنكسرين واحفظ لي طفلي يارب سخر لي

عبادك الصالحين سمعت صوت مشي حاولت

اوگف واغير مكاني بس للأسف ماگدرت

لألم فظيع گلت هاي هي نكشفت

راح ارجع للظيم راح يكتلوني صرخ بيه

اوگفي مكانج..... يتبع 🔥

مرحبا انا الكاتبة ( Hdo_1990) اعلن لكم عن طريق الصديقة والكاتبة دينا روايتي الجديدة سر خلف النقاب الرواية نازل منها سبع بارتات والتنزيل مستمر اتمنى لكم قراءة ممتعة اختكم هدوء 🔥❤

تجنن احداثها تابعوها Hdo_1990

هدية الشيخ سراج الفصل الثامن وثلاثون 38 - بقلم Diiina

رواية هدية الشيخ سراج — الفصل 38 — بقلم dina