مساء الكادي 😍
هجير الشتاء
الجزء الثامن عشر
ها ها شفته وبارادتج قابل غاصبج...ولج ب...اكو وحدة توشم بهالمكان...
ولو هو يكطع وزايدج جمال..
اصلا انت دوختني وغافلتني وفتحت السحاب عيب عليك..
ولج انت فد وحدة ب ....بس لزمت شفتج ش....رجليج...
عزااا شنو هالكلام انت ليش متحترم؟؟
حاجي وي غريبة مو مرتي انت لو اني غلطان؟؟
اففف خل يجي عرسنا الا اطلع هالحرمان من عيونج...
اكول مشمش فتحيلي كاميرا...
ماافتح سيوان لتعاملني ع اساس احنا علاقتنا طبيعية..
ترى اني ماريدك ولا انت تحبني..
اكلي تبن وفتحي يلاااا...
ما افتح كلت...
شوفي ولج كلمة زايدة هسه البس واجي لبيتكم واجي اشك حلكج ..
عزااا سيوان شب ب يك شنو هالكلام..
ههه لتخافين هو اول وتالي اشكه...
وفتحي بسرعة يلا....
كمت غيرت لبسي لان جان بدي كيمونه جوا الفخذ بشوية احب انام بهيح شي...
لبست بدي ردن وبجامه طويله وهو حرك الجو بالاتصال...
فتحت خط شفته متمدد ع سرير والغرفة ضاوية...
بس فتحت الخط شال اللحاف شمره يبووو..
دنكت راسي بسرعة..
اجاني صوته يهمس...
شنو هاالبس هذا شكد مستورة اوف..
الله يرحم ايام البدلة الطافرة فوك ركباتج والبدي الطالع صدرج منه اكثر من المضموم!!
بقيت مدنكة ماحجيت...
رفعي راسج حبابة ترى بعدني منازع كلشي باقي بالشورت..
وع فكرة ترى تشيرتج بالمگلوب من كد ملابسته بسرعة...
رفعت راسي بوجهه ضحك..
كتله تغطى او البس شي ماكدر اباوع ترى...
دنجبي متكدر تباوع هو شبقى اسبوعين وتشوفين كلشي بطلي عيارة...
مو عيارة سيوان استحي خلاص ابقى مدنكة...
اوووف شكد عنيدة كون يمج هسه الا انزل الكلاص براسج واعلمج الطاعة شلونها..
دفضيني كومي نزعي...
شنوووو؟؟؟
حجاها بصوت متقطع وبصيغة امر..نزعي ب س رع ة....
اني كلش ضجت منه ومن اسلوبه كلت اذا ارفض شيكدر يسوي وهو بعيد..
مااطيعه مهما كانت ردة فعله....
رفعت راسي اله بس اريد اجمع الكلمات ماكو..
منظره ماعرف حرك شي بداخلي بس تفاديت هالشي..كتله...
مراح انزع لو تموتني...ورايحة انام مع السلامة...
سديت الخط وخليت الجهاز صامت وحاولت انام لان توترت واحس افكاري متضاربة...
احس نفسي كلش بوضع يدوخ وماعرف شقرر وشفكر.....
حاولت انام طارت نومتي كلش...
تذكرت الكروب مال القصص دخلت اريدلي وحدة اقراها...
دورت لكيت عنوان كدامي صدمني!يعني هو عادي بس احسه صادم بالنسبة الي...
فتت ع القصة وقريت كم بارت ..
كالو تكملة بالتعليقات...
دخلت وبلشت اقرا..وكل مااقرا انصدم اكثر...
يمكن ساعة واني اقرا بس القصة صدمتني وين اكو هيج بمجتمعنا؟
قاطعني اتصال سيوان استغربت ...
هو ورا ماسديت الفون اتصل اكثر من مرة بس مالح ...
شعنده اتصل هسه ب٣ بالليل...
فتحت خط ..سمعت صوته يهمس ويحجي بهدوء..
ماعرف ليش نبرته تعجبني...
مشمش كاعدة صح؟؟اني خايفة يطيح حظي لان سديته بوجهه بس اشو هادىء..
جاوبته ايي كاعدة..
اهاا شعندج كاعدة بس لا تنتظريني؟؟
لاحظته سكران..جاوبته ..لا لا منعسانه...
اممم اكول عبالي تنتظرين كلت اكلج مو بحاجتج اني..
بحضني وحدة تخبل مو صح لج ك... احجي سمعت صوت ضربه وراها صوت بنية حجت..
اووي حياتي اذيتني ووياه ضحكة!!
هنا احس مثل واحد صافن ويذبون بوجهه مي بارد...
سديت الخط وذبيت الفون واحس تخبلت ...
انصدمت واحس اعصابي فارت...
يعني هذا يم وحدة وبكل وقاحه يخابرني ويعيرني بيها؟؟
بسيييييطة اني الك سيوان بسيطة...
يعني حقير مثلك ماشفت ابد..ليش هيج ليييششششش يعني شبيه اني وتدور غيري؟؟؟
ليش ولك كسرتني هيج ..
بقيت ابجي واشهك احس ذلني هواي...
قلبي يوجعني وشعوري من اتخيله وياها يحركني حرك...
بقيت ابجي لحد ماسمعت المؤذن اذن..
كمت توضيت وفرشت السجادة..
صليت وصليت لامي وقريتلها...
احس كلش محتاجتها ..صعبة البنت بلا امها تحس نفسها وحيدة وغريبة ومالها احد...
بقيت ادعي واحجي وي امي وتمددت ع السجادة حيل احب هالنومة...
غفيت وراها حلمت بامي كاعدة تصلي يمي...
احاجيها بس ملتهية تصلي الى ان خلصت وجاوبتني...
ها ماما ليش هالدموع شبيج؟
تعبانة ماما تعبانة وضايعة...
صبري نظر عيني صبري..
مدام اجاج الربيع تمسكي بي وخلي يورد حياتج..
ماما ياربيع سيوان دمرنييي....
كلشي ينحل يماما خليني اكمل صلاتي ...
رجعت تكمل صلاتها واني كعدت...
اباوع للساعة ب١١ اففف متاخرة هواي ..
سمعت صوت الاطفال برا...
طلعت عهد كاعدة كالت شفتج نايمة عفتج..
كتلها اي احسن نمت متاخر....
كملت الغدا وتغدينا..ورجعت للغرفة احس مكسورة هواي بس ارتاحيت من شفت امي...
فتحتالفون لكيت سيوان مخابر كلت بعد تحلم اجاوبك...
للمغرب جنت بالمطبخ اسوي عشا واجه...
شفته بالشاشة كلت لعهد فتحيله الباب...
قررت البسه ومااهتم احسبه مموجود...
دخل سلم جاوبته واني دايرة..
اخذ مهيمن من عهد وكعد يلاعبه بالمطبخ واني مغلسة..
راحت عهد جابت مريام وكعدت توكلها شوربة...
وكعدو يسولفون هي ويا ..طبيعتهم كلش مقربين واحد من الثاني..
بس ع اقل شي يتخاربون...
جنت اكلي كباب عروگ واذني يمهم ..
واحد يحشش ع ثاني ..سالته هي طبعتو البطايق مالت العرس؟
ايي طبعتها هاج هذا نموذج باوعي..
جاوبته شكد حلو كلش ذوق شلون عبارة حلوة عشتو هههه...
ها عندج شك ولج ..
لا ماعندي يمه منك مااندك بيك..
يلا ماخلصت بتج اكل جيبيها اريد اعضها كزكزت عليها...
ياا دروح خطيه ليش تعضها ولك..
غير زرورها تسوي واهس جنها بطة ..الظاهر جان يقصدني بالكلام لان عهد ضحكت..
كلتله الله يساعدها عليك ههههه...
واخذت بتها ومهيمن وكامت ..
ورا طلعتها حسيته صار وراي....
التفتت عليه خزرته...
لتتقرب لتخليني اتخبل عليك...!
عبر من يمي طفى الطباخ وجرني كعدني...
كعدت وجر الكرسي كعد يمي..
رفع شعره ليورا وتنهد...
اسف شتاء ع الصارالبارحة...
باوعتله باستهزاء..
ليش تتاسف شيخصني اني؟؟؟
ماكوداعي تكابرين وانت عيونج منفخة من البجي..
مو بس اني غلطان انت هم غلطانه...
انت حلالي وطلبت منج وماقبلتي وفوك هذا مااحترمتيني..
سديتي الخط بوجهي..
واني جنت شارب وموكلش واعي..
ماقصدت اضوج واسمعج هيج شي بس ماجنت بوعيي...
باوعتله وحجيت بقهر وحركة...
سواء واعي او لااااا انت هذا طريقك ومتعود عليه..
متعود ع الرخيصات ليش كاعد تبرر؟؟؟
شنو عود تتباهى كدامي؟؟؟؟؟
انت تضربها وهي تكلك اوووووي حياتي...حتى تغيضني موووو؟؟؟؟
شبيه قابل مااعرف اتموع واكو اوووي واااي شنووو صعبة؟؟؟؟
احس انفعلت كلش وراسي تطاع منه حرورة...
مد ايده ع حلكي ...
اووش لتكولين هيج وانت حارمتني واني مااتحمل ترى...
دفعت ايده بسرعة..
وبقى يحجي بهدوءويباوعلي مبتسم...
فدوة طلعتي تغارين علي ولج ...
لعد ليش متنطيني حقي حتى مااخذه من غيرج..
اوعدج لو انطيتني الاريده ماالمس غيرج للموت...
ههه لا هواي صدكتك كلش...
اي صدكيني لان اني مرايد غيرج...
لزم ايدي بين اصابعه عصرها...
شتاء اني احبج...!
جريت ايدي وكمت بسرعة..
غلطان هذا مو حب..
بس انت بيك طبع التشوفه صعب تحاول تحصله واذا ماحصلته تضل وراه لحد متحصله..
ومن يطلع من نفسك خلاص تتركه...
شتاء لتنعثلين ترى اني بسهولة اخذ الاريده منج لو ردت...
بس اني ماريد اخذ شي واتمتع بي لوحدي..،
اريدج انتتحسين بالمتعة..
مستحيل استمتع وياك لان مااحس تجاهك بشي...
وحتى زواجي منك حيكون رغم عني ..
وخلي ببالك اي حق الك يمي ماكو ..
تريد؟؟رخيصاتك هواي..والرخيص ميرهم بس وي الرخيص ...
ومو شتاء اليغيضها صوت وحدة رخيصة ومستنقع لشهوتك انت وغيرك...
تقرب مني كلش..يعني هذا اخر كلام عندج؟؟؟
اي هذا العندي وماتربطنا مشاعر احنا اليربطنا عقد بس....
هز راسه كال اوكي وطلع...
كعدت ع الميز ونزلت دموعي...
صح الكلام الحجيته مو من داخلي لان اني غرت وانقهرت ومشاعري تجاهه متضاربه...
بس لازم يعرف مميته عليه...
وهالتصرف حيدفع ثمنه هواي...
ماانكر فرحت من كال احبج...
بس الحب وحده ميكفي...
الحب عموده الاساس الوفاء والثقة...
وسيوان مو اهل لهاي الثقة....
ورا ماراح بعد مااتصل ولا سأل...
اول يوم دوام الي بالجامعة اجه الصبح دزلي مسج قبل ليجي...
واني تحضرت وطلعت..
لبست تنورة رصاصي طويله وبيها جاكه وقميص ابيض مكسر من جهة الصدر..
وحذاء عالي منقط رصاصي واسود..
شال ذبيته منا ومنا مالفيته..
صعدت بالسيارة كلت صباح الخير..
باوع شوي تالي جاوب..
بقينا ساكتين طول الطريق قبل لا انزل دك فونه..
بقى يحجي والظاهر شغل مهم لان حسابات وذهب جان يحجي بي..
بقى مندمج لحد منزلت..
دخلت لكلية سماء لان اتفقنا اروحلها وتاخذني لكليتي...
طلعلي طيب بيطري...
لكيتها تنتظرني كلش يم الباب سلمت عليها وكالت كعدي شوي تالي نروح..
رحنا للنادي كعدنا وسولفنا..
سالتني عن سيوان حجيتلها باختصار..
كالت كسبي وغيري للاحسن ..
هو مو سيء ..حتى رافع حجالي..
كال سالت عنه هواي وكلفت صديقي يدورلي عن سابع جد اله..
بس الكلام كله زين وبصالحه ومحد ذمه..
والشرب يتغير ويترك صدكيني ..
والبنات هو جاي يكلج انطيني حقي وماروحلهن انت متقبلين طبعا يعاند ويسويها عناد بيج..
شبيج سماء يا حق هذا؟؟؟
شتاء انت مو طفلة ولا قليلة معلومات عن الزواج بس انت جبانة وخوافه...
ترى حقه يطلب منج مشاعر وتقارب..
بوسه لمسه حضنه هالامور هاي ...
باوعتلها صفح...سماء ترى سيوان مو رافع حتى يطلب هيج...
سيوان يريد حاله حال المتزوج...
تعرفين ليش يريد هيج؟؟؟؟لان انت حارمته من كلشي والحرمان يولد العصيان...
يعني مدام متنطي "اي شي "يحاول يرغمج ع "كل شي"
ترى ماكو رجال يصبر...
بس هو ممحروم يعني مو ..شسمه حضني وباسني ...
دشوفي نفسج يمي اني اختج وبقيتي تفلتين وشسمه وماعرف شنو...
عيني حقه لو تصرف هيج...
شبيج انت اخته لو اختي...
يعني هو مينطي مجال...
خدرت بيده شويه لكيت نفسي بلا بدي والبرمودا مفتوحة...
هاااا شفتي؟؟؟يعني انت طاوعتي وانطيتي مجال...
معناها راغبته لان ممعقولة مراغبته وتخلي هيج يسوي؟
اصلا ماحسيت هو غافلني...
هههههههههه صخمتيها هسه ماحسيتي معناها متونسة وتردين بعد...
ولج عيني هي هالامور متصير باتفاق ولا تحطيله حد المس هذا ولتلمس ذاك..
هسه انتو بلا اتفاق ونسيتو نفسكم ونزلتو ع الترابي...
بس ثنينكم تكابرون...
والمفروض انتتكبرين عقلج..
تعرفي لسيوان مزاجه بالنسوان ويشرب...واني ابصملج الشرب يخلي يدور نسوان..
لهذا اتعبي ويا وحاولي تصلحي وتعيشين ملكة ويا مدام اعترفلج يحبج...
ماريد كلشي ماريد منه..
دكومي نروح لكليتي...
شكد صارلنا ولج ساعة كاعدين...
يلا كومي...
طلعنا اخذنا تكسي ورحت للكلية وسماء وياي...
دخلت للقاعة وتعرفت ع طالبات ومجان اكو دراسة مجرد تعارف...
طلعنا نمشي بالحديقة لان محاضرة جانت ربع ساعة بس تعارف...
دك فوني سيوان...
جاوبته كال اذا خلصتي خابريلي حتى اخذج تختارين الغرفة...
جاوبته..اختارها مثل متحب ماعندي اشكال ..
اشرتلي سماء شنو همستلها الغرفة..
كرصتني برجلي عطت ااوووي تذكرت سيوان يسمع فلت وجهي...
سمعته ضحك...
اذا مستعجلة ع الاوي نجرب الجرباية اليوم عادي...
صخام فشلني بقيت ساكته...
هزتلي سماء راسها مرة ثانية...
جاوبته..تعال هسه لان ماكو محاضرات ...ماشي تحضري جاي...
سديته منه وكفخت سماء...
خزيتيني كدامه حقييرة ...باوعتلي وتلعب بحواحبها..
عشتو تستحي امممم...
بقينا نتداهر لحد ماخابرني وكتله اني بكليتي ...
كال اي اني يم الباب طلعي..
طلعت اني وسماء حتى نرجعها لكليتها...
صعدنا وسلمت عليه سماء وسولفو عاديه ع الدوام...
نزلت نزلت وياها ودعتها ..
رجعت اريد اصعد واشوفه يخزر ويفرك بلحيته...
صعدت اندار علي ويتظاهر بالهدوء ...
ماكو اضيك بعد من هالتنورة؟؟؟؟
اذا اليوم عندج استعراض مال ......ابشرج اليوم ينطوج جائزة...
للحكاية بقية
بقلم شقراء(قمر كانون)
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!