رواية ??هجير الشتاء?? الفصل الخامس عشر 15 - بقلم Shaqraa

هجير الشتاء
الجزء الثالث عشر

تقدم كرار علينا ويباوع باستغراب وعيونه تنطنط..
تقرب وسلم ع سيوان الي حسام طبعا حاجي لخالو عنه بحضور كرار قبل لا اجي...
بعدها ابتسم وسلم عليه..
شخبارج شتاء عاش من شافج..
اني ارتبكت لان اصلا كرار كلش كرهته..
رغم سيوان اسلوبه مقزز وكلامه وياي كله يخزي..
بس مااحسه مثل كرار..
كرار موقفه كلش صغره بعيني..
حسيته كلش جبان ..
حتى مااتصل وبررلي موقفه..
ومن سالته سماء عن هالشي..
يكلها خجلت اخيب ظنها بية..
ع اساس هسه ماخيبه..
المهم حسام توسل بسيوان يدخل مقبل كال مستعجل بس صيحلي الوالد...

اني جاوبت سلام كرار (بخير شكراً )وسكتت لان ماربد احاجي اخاف يبين علي شي ..
وسيوان ميعبر عليه شي..
ضحك كال مبروك ..
جاوبه سيوان..الله يبارك بيك يوم الك لو نكول لابنك؟؟؟
ابتسم كرار جذب كال..
الشرع محلل اربعة ههههه...
بس تعرف انت ماخذلك مرة بالغش استاذة!!
طبعا جربتها بالدومنة بعد غير لعب مااعرف..
باوعت لسيوان عدل وكفته وجتف ايديه..
يااا عزا هذا بس لا مثل الغوريلا بفلم كنگ كونگ..
تخيلته هسه يضرب على صدره بيديه الاثنين ويعيط...
بس جاوب عبارة كرار باستهزاء..
شنو امبينين عشرة بينكم؟؟؟
جاوبت اني قبله..
اي  اصدقاء ..سكتني سيوان من كال..
جنتو اصدقاء ...بس هسه هي مرة مرتبطة وميناسبها هالشي...
خزرني واحس نظراته وراها مصيبة..مشمش فوتي شوفي خالج فدوة لان مستعجل...

فتت واني رجليه وحدة تطك بثانية...
لكيت حسام هو وخالو بالصالة ...
باوعت لخالوخطية ينشف بشعره..
رحت حضنته باسني بكصتي وبعدني عنه..
بعدي بابا لا اعديج..فلاونزا كلش اذتني..
دهنتنتي خالتج بفكس وعركت استحيت اطلع للولد هيج..
دخلت سبحت ع السريع..
عيب من الولد ينتظر واني عبالي دخلتو جوا..
لا خالو ماقبل يفوت لان يريد يرجع وي بابا..
والنعم منه ابن اصل..ولو عندي عتاب وياج بس اعرف مابيدج شي...
امشينا بابا نطلع..
وانت حسام جيب روح لاختك تجيب ضيافه لان امك يم الاطفال...

طلعت اني وخالو ..
شفت سيوان كاعد وحدة...معناها كرار رايح..
كام هو من شاف خالو وتقدم علينا..
سلم ع خالو وباس راسه...
طبعا سيوان تصرفاته وي الناس قديس بس وياي ابليس..
ورا ماكعدنا عرف نفسه لخالو..
اني سيوان ابن حجي فرزدق..
يعرفو ابو مهند وابو ادم اخوان حضرتك..
جاي يحجي واجه حسام بيده الصينية..
خلاها وترخص ..
كال كرار رايدني بشغلة وجاي ينتظر...
سلم علينا وطلع..
رجع خالو كمل كلامه وي سيوان...
والنعم منك بابا اي سالتهم عنكم وماكالو الا كل خير..
الخير والطيب باصلكم عمي..
بس اعذرنا لان ماكنت حاضر اليوم من اجيت اني..
بس حسب متعرف الرؤية الشرعية حتى لو بس ابو البنت عادي ..
بس انت ابوها الثاني ولازم تعرف..
واني تفاهمت وياها وثنينا مقتنعين..
وبما انه احنا اهل..وكلءي حاضر ..
اني كلت نعقد الخميس..
وطبعا بعدني ممبلغ عمي بس حبيت ابلغك واخذ بركتك..
الله يبارك بيك وليدي ويرزقكم بالخلف الصالح...
بوجودك عمي ..
اني هسه اترخص لان مستعجل ..
مو جية هاي ابني حتى مادخلت جوا ..
بيت العامر عمي ماكو فرق هنا عن جوا..

سلم علينا وطلع ..
بس اني انطبقت عليه مقولة وجهي فلت..
حلكي مفتوح وعيوني تباوع بغباء وملامحي متصدر رد فعل انثولت..
عزا العزاني هذا راح يعقد علي شلون بيه؟؟؟؟
كومني خالو ..
ولج بابا شتاء امشي جوا شبيج طافية..؟
ها ها خالو دخت من ريحة المستشفى ...
حقج صدك تضوج...
كومي سبحي واكلي لكمة وارتاحي حتى نسولف...
دخلت واني مسطورة ..
رحت لغرفة ميقات مالكيتها..
اخذت منها بجامة وتشيرت ورحت للحمام..
اني بيت خالو اتصرف مثل بيتنا كلشي اندل بي..
سبحت وطلعت..
خالو صاحلي اجي يمه...

ها بنيتي نعيماً..
الله ينعم عليك خالو ..اشو ماكو ميقات بالغرفة..
ميقات وامها متونسين ع الاطفال وحدة طايرة بمهيمن وحدة بمريام واني عايفيني...
ههه انت الخير والبركة خالو..
شخبار ازهرشكد صارلي مشايفته...
بخير الحمدلله كال يجي هالاسبوع عدهم استراحة ويجي يخلصها يمنا..
ايي شكد مشتاقتله ..
ههه مشتاقه لضربه قصدج..
من يخابر اول ميكول شلونها ام خدود مشتاق اعضعض..
ههههه اف خدودي بخطر من يجي عبالك دب...
هههههههه ...اي بنيتي احجيلي عن موضوع سيوان..
اني حجالي حسام بالاول انقهرت..
بس اعرفج الشور والگول بيد ابوج..
واني ساكتله حتى ليحرمنا منكم وحتى اختي ترتاح بقبرها...
ومارتاحيت الا خابرت خوالج..
سالت عنه وعن اهله..
مدحوه كالو والنعم منه هذا ع كولتهم السلطان اهل السوك يسمو...
لان قياساً بعمره سبع وماينغلب ..
وبنفس الوقت كلها تحبه...
بس بعد انت وارتياحج اله..
لو شفتي مناسبج معليج بابوج..
تعالي كليلي واني اتصرف...
كتله لتخاف عليه تطمن ..بس اني قلبي واكع من سالفة العقذ..
تالي كمت يم ميقات ومرت خالي...
الاطفال نايمين وهم يمهم خطية دايخين لان ممتعودين ع هوسة الطفل...

رحت للغرفة نمت ..
يوم ثاني بابا خابر يتطمن ع الاطفال..
وكتله رح ابقى ببيت خالو لحد ميرجع هو وعهد للبيت...
قررت اخابر سماء واحجيلها...
من سمعت بشغلة العقد كالت ...
بعد احسن اصلا ...
ولج شلووون احسن تريد تخبليني؟؟؟
لا عيني لا ..احسنلج تطلعين وتطبين بالحلال وبعناد لكرار ابو خشم ...
بس احس هذا شسمه ولج سجان مدري بستان شسمه هو...
ههههه امداج سيوان...
اي حسيته وكع ومحد سمه عليه..
بس اني راجعة الاربعاء ونشوف بلة...
ياا شعجب من وكت..
سلامة فهمج بس بت جيرانه خطوبتها الخميس..
ولج رعنة غير ع مودج ..شلون بيج من تكدشين...
ههههه دولي مو صوجج...
ختمته وياها واني محتارة...
ومستغربة سيوان ماخابر ابدد!!!!

مرت كم يوم واني ببيت خالو الى ان اجت سماء...
جابها رافع وعزمه خالو ع الغدا وتغدا يمنا وراح...
طبعا رافع بس شخصية سلسة حيل ...
مرات اكول لسماء رافع مريح وخفيف مثل شعر بنات...
بسرعة ينوكل ههههههه ....
وهي متحمسة حتى يجي سيوان وتنطق الشي الابالها..
كالت ببالي شي ماكدرت اركز بسيوان بالمرة الفاتت...
بس هسه اريد اشوفه واعرف...
جان الاتفاق اعقد ببيت خالو..
لان عهد طلعت لبيت اخوها..
وبابا وياها...
اقترح سيوان نعقد بس سيد بدون حفلة ولا عزيمة...
ومن تتحسن عهد ويرجعون للبيت...
نسوي حفلة خطوبة...
طبعا هالكلام اجه هو وبابا حاجو خالو واتفقو..
وسيوان لهسه ممحاجيني...

صار يوم ثاني ومحد اجه بس احنا وبيت خالتي وجيهان..
اني لبست فستان اسود قصير مخصر وضيق..
ومن فوك حفرة عريضة بالصدر..
والردان كاملة شفافة..
وشعري سويته لفة بسيطة سوته الي جيهان..
لان خابرتها وخطية اصرت تجيلي للبيت...
حذاء كعب مالته مترين ع كولة حسام..
لان اني قصيرة ويحتاجلي حذاء عالي ..
لبسته كلش عالي..
ومجرد خيطين ع الرجل..
وسير ينلف ع الكاحل..صح مقيدني بالحركة بس شكله حيل نازك وي البدلة...
صار العصر والكل موجود ..
واجه سيوان واهله ..امه وابوه وعنده اخ واحد بس اصغر منه بسنة اسمه يامن...
اول مرة اشوف امه بس عبالك مو امه اخته..
حيل مهتمه بنفسها ولابسة توربان اسود ..
وسترة اسود وع الياخة مالتها كرستال والتون جواها فضي..
والبنطرون اسود مرتب حيل..
يااا لعد شبي هذا مطلع عضلاته براسي..
اشو امه لابسة توربان وهو يحوم ع ركبتي وشعري ويكول لازم تضميهن...

صارت الكعدة والكل موجود..
بس سيوان واخو راحو ع الشيخ حتى يجي يعقد...
ورا شويه اجو...
وكعدت وخالتي جابتلي طشت بي ورد من الحديقة..
ومشترية ماي ورد خطية...
وخلت رجليناتي بي ..
وماعون بيدها بي ورد مفرطته وويا حرمل وجكليت ...
من بلش الشيخ يعقدلي..
كعدت ميقات واوان يم رجليناتي ويفركن بيهم بالطشت..
ويشيلن ماي ويذبن علي..
وخالتي تعوذني..
مرت خالي خطية الاطفال عدها وحيل تعبت وياهم...
ورا ماخلص العقد..
نزلت دموعي..
تمنيت امي يمي...
و هلهلت خالتي بس شفت بعيونها دمع...
طشت عليه من الماعون البيدها وباست راسي...
اني امج حبيبة لتبجين وتخربين فرحتج...
حضنتني وطلعتني..
والبنات لبسوني الحذاء ماقبلو ادنك البسه..

رحنا يمهم جان الكل كاعدين ..
اهل سيوان يمهم سماء وجيهان...
وبابا وخالو وحسام وبسام ..
باركتلي امه ..
وهو اجه يمي من كعدت...
كعد ع نفس القنفة قريب مني...
كالتله امه بوسها من راسها وباركلها....
تقرب اكثر واني صخنت...
حط ايده ورا ظهري...
قربني منه وباس راسي...
بس نظراته متنحجي..
احسها بسامير تندك بيه..لو ابر ومن بعيد ويشمرها على جسمي...
امه جابت الحلقات..
ولبسني ولبسته..
صايغ حلقتي ع شكل اسمه بالانكلش...
وحلقته اسمي !!
شكلهم غريب ومميز كلش عجبني..

ورا ماخلص باوعلهم يسولفون سوا...
اندار عليه وعينه ع صدري...
ابتسم وهو صاك اسنانه وامبين الاعصاب بي..
حجه بصوت  ناصي...
بقى مركز بصدري ويحجي ..
مرتاااحة من مطلعة ....كدامهم ؟؟؟؟
اني فتحت عيوني من الكلمة بقيت اتلفت عبالي احد سمع ..
بس هو اصلا يهمس وحانو مندمجين بالسوالف...
بعد لو ذابة ملابسج فد مرة ...
مو عدنا استعراض مال ك.....!!!
اني بقيت اكلب الوان ....
ماكدر انطق ضاع الرد من لساني...
اخر شي دنك راسه ورفعه بوجهي...
دشوف رجليها خرب بل.......!!
بعد المن مطلعة صدرج وراصته رص يلمع ...
مو كافي رجليج هن جنهن د..... يجيبن التايه...

بعد ماكدرت اسكت واصلا لساني بقى ينطق عشوائي...
من الخوف والخجل البيه..كتله..
بس اليوم لان مناسبة سيوان عفية...
باوعلي بحيرة ونظرات هوااااي تحمل معاني وسكت...
رجع سولف وياهم...
وبعد الضيافة والسوالف ترخصو وراحو..
وابوي رجع يم عهد ..
بس قبل ليروح ترخص منه سيوان نطلع اني ويا نتعشه برا...
وكله بابا صارت حلالك من هاليوم لتسالني...
وين متريد وشوكت متريد اطلع انت مخول...
وسماء تسمعه وصافنة ..
تالي كالت اخ منك خليل حبيت عهد وسويت تحديد لعائلتها كلهم حبيتهم مثلها..
مو جنت اني ورافع شابعين هبطات منك هههه...
جاوبتها اي عيني هسه شبعتو حلويات بعد شرايدة...
بقت تضحك واجت وياي ساعدتني بدلت...

جنت خايفة البس شي ويطلع اعصابة بيه ..
ابن ام توربان..
تالي لبست من ضمن الملابس الي جبتها لبيت خالو وياي..
جان بنطرون جينز وقميص اسود ..
ردانه نفخ وهو شوي عريض ودلعته قليلة..
ولبست حذاء اسود عالي بس مو كلش..
طلعت هو ينتظرني..
طلعت بس سلمت عليهم..
كال حسام من ترجعين اصنفج روحي هسه تونسي..
ضحكتله وطلعت...
صعدنا بالسيارة وبدت الجولة التفتيشية...
رفعي القميص دلعته جبيرة..
رفعته خزر..ماكو اقصر منه بعدددد..
هي الي عدها هيج رجلين المفروض تلبس عباية..
انت شايفة نفسج من تمشين لو محد كايلج؟؟؟
انداريت عليه..
افففف كافي ياسيوان هسه ع كلشي محاسبني ترى ملييت...
ليش مخلي اللبس مقياس انت...
باوعلي ببرود..
بالنسبة الج بقيت اصدك اللبس مقياس...
ليش يعني؟؟؟
تعرفين ليش مش مش ....
شبيك سيوان لتذب كلام ممفهوم...
فاهمتني بس تثولينها...
من الاخير جاوبيني..
ليش انطيتي روحج لكرار وهو مزوج؟؟؟؟
شنو؟؟؟؟
لتساليني جاوبيني وبس...
مانطيت روحي لاحد..
واني اشرف من كل واحد يجيب سيرتي بحرف...
امممم يعني بعدج بنية؟؟؟؟
عزااا هنا بهت لوني واحس بطني انخطبت واذاني انسدت...
ش شبيك سيوان ش ش شبيك...
مابيه بس اريد اتاكد بنية لا؟؟؟!
عزااا سيوان ويييين ماخذني؟؟؟

للحكاية بقية
بقلم شقراء(قمر كانون)