رواية ??هجير الشتاء?? الفصل السادس عشر 16 - بقلم Shaqraa

هجير الشتاء
الجزء الرابع عشر

اباوع لطريق هذا وين رايح؟؟
سيوان عفية وين ماخذني ..بداعة امك رجعني عفييية...
ليش ساكت مواحاجيك؟؟؟
صمي حلكج وانجبي..
ماخذج حتى اتاكد اذا مصخمة لولا...
لتصدك سيوان عفية لتصدك بكلام كرار ..
هو مقهور لان رفضوه اهلي..
ولج تضحكين عليه؟؟؟
مو شفت عيونج اكلته اكل وترجفين من شفتيي؟؟
تذكرتي الحب البينك هااا...
ولج لو بيج خير مالعب بيج وعافج يا.........
سيوان انت فاهم غلط عفيه اني افهمك..
شووف هو رادني واني ماردته..وخطبني وماما رفضت..
وومن ميكدر ر يحصلني حاول يغتصبني..
بس بس ما سوالي شي جذب ما تقرب مني..
هذا الي صا واحلف بشنو تريد ..
معليك بكلامه هو اكيد يريد يخرب....

تعصب من كلامي..
ويدك ع الستيرن ويحجي...
لج معلييييه معليه لا بكلامج ولا بكلامه..
الا اشوف بعيني بنية لو لا ماانتظر منج تبرير...
لج بالاول جنت ناوي العب بيج واعوفج ..
حلوة وعجبتيني ولان سمعتج تخابرين وتكولين كرار اخذني ..
كلت هذا هو طريقي مفتوح اروح بزودي..
امبينة فالته وبايعة نفسها...
بس من سالت عنج وراقبتج كلت غلطان اني ..
هي عاقلة وشريفه ويجوز ضاحك عليها..
ولج جانت نيتي سووووودة وياج بس انثولت..
بين ليلة وضحاها صرت اريدج صدك..
وكلت انطيج فرصة نتعرف...
بس من هذا الساقط حجه عن شرفج كرهتتتتج..
تعرفين شنووو كرهتج؟؟؟
انتن النسوان اكبر خاينات وناكرات معروف..
بس يذبلج حجايتين نمتي جواااه..
وبعدين تكولين لحكولي ...

بس بسيطة..هسه اشوف اذا بنية نكمل زواجنا..
اذا لا هم اتزوجج وبيوم العرس ارميج..
واكلهم غسل عار يا عااار....
اباوعله يحجي ووجهه دم من العصبية..
وكف بمكان اباوع ظلام وهدوء!!!
عزااا وين جايبني سيوان الله يخليك لتاذيني ...
لزكت يم باب السيارة وارجف...
سيوان وراس امي الغالي اني شريفة وماانطيته روحي...
ابوس ايدك رجعني...
اباوعله نزل الكشن صار مبسوط مثل السرير..
واني اتوسله ضربني راشدي .:
خدي خدر ماحس بيه...
لف شعري بيده وهزني..تنكرين علاقتج بي موووو...
لج سمعتج أذني تكولين وهمني بحبه..
شكد صلففففة...
احس راسي خدر كلش ..
واني طبيعتي من اخاف او اتاذى.
بسرعة يغمى عليه ..

وقتها كلت انتهيت خلاص..
اذا فقدت هسه معناها حفقد كلشيي...
حاولت ابقى بوعيي واني ادعي بداخلي...
دفعني من شعري ع الكشن واني ادفع بي واتوسل...
تتوسلين مووو؟؟لعد وين جان عقلج من انطيتي شرررفج وييين؟؟؟؟؟
استغليت انشغاله وهو يشم بركبتي ويعيط ..
واني ايدي جنت لازمها بيها البنطرون وسادته حيل..
رفعت ايدي سوا وضربته حيل ..
فز وعاط من الالم ..
ماعرف منين اجتلي القوة ..كمت ومن جهة اليسرى فتحت القفل ونزلت..
لزم بيه بس فلتت نفسي وركضت حيل...
بس ثواني وحسيته وراي ..دفعني وكعت بالارض..
كلبني ع ظهري ووجهه بوجهي ..
الدنيا ظلمة بس لايت السيارة بوجهنا...
عصر وجهي حييل بيده ..تضربيني مووووووو؟؟؟
تتذكرين البلبل الوحشي مووو ..
هسه اشوفج شلون من يتوحش...
جر ايديه بيد وحده قيدهم ..
وفتح البنطرون .....
هنا اني قربت نهايتي..جسمي بقى يرجف رجفة عجيبة..
بقيت ابجي بقهر انهاريت..
صرخت وراس امي منطيته شررفي ..
بقى يبوس بركبتي ويفتح القميص مامهتم شنو احجي واتوسل..
سيوواااان اني يتيمة حراام  عليك تكسررربختي حراام ..

فجأة من بعد هالكلمات دفعني..
كام كعد بصفي ولزم راسه.
اني شفته كام ممصدكة..بجيت بحركة واشهك ماعرف فرحة ماعرف شنو احساسي...
بس ارتياااح وبعدها فقدت الوعي..
صحيت بالسيارة وراسي بحضن سيوان..
فزيت خايفة نزلت دموعي..
لزمت بنطروني وكمت من حضنه ..شسويتلي سيواان تقربتلي موو هاا ...
هو تنهد وابتسم ابد ابد وداعة امي ماسويت شي..
عدلي نفسج حتى ارجعج تاخرتي...
انطاني بطل ماي حار غسلت بي فزيت من حرارته..
نزلت الجامة الكدامي عدلت شعري اباوعله كله تراب وركبتي بيها اثر واثر يم العظمة..
دكم القميص سديتها والبقية الفوك مكطوعة..
وضعي ابد مو مالت ارجع لبيت خالو...
درت عليه جان صافن عليه...
نزلت نظري بسرعة...

هو شغل السيارة وكال..
عندج المفتاح اذا اخذج لبيتكم؟؟
حجيت متقطع...
اي ي بس اخاف ارووح وي ياك ..
استغفر وجر حسرة..
كال..تطمني ماسوي شي ..
بس روحي سبحي بيت اهلج وبدلي لبسج اذا تكدرين..
شكلج ابد مو مال ترجعين لبيت خالج هيج...
اووكي اخذني لبيتنا ...
حجيتها واني ساندة نفسي ع جامة السيارة...
بعدها هو سكت واني سكتت...
الى ان وصلنا لبيتنا..
الساعة جانت تسعة ونص..
فتت للبيت وفات وياي..
بس خايفة منه ع اي لحظة يأذيني...
بقى هو بالصالة واني رحت لغرفتي..
اخذت بنطرون جينز وبدي اسود خيط ..
وفوكهم قميص مشبك..
بس الي محتارة بي..من اوصل شنو تبريري لتبديل ملابسي...
فتت للحمام سبحت واباوع صدري بي كم اثر..
كملت ونشفت شعري بالشسوار حتى ميبين سابحة..
ولو هي امبينة بس اريد اقنع نفسي...
حسيت شعري شبه نشف..
طلعت امشط بي...
شفته كاعد يدخن ..من شافني طفى الجكارة بالنفاضة وكام ..
تقرب مني..ومسح وجهه..انتبهت لكف ايده بيه اثر جكارة..
المكان محترك احمر ..
شفته احس نغزة بقلبي صارت شكله يأذي..

وكف كدامي ...شوفي شتاء ..عندج عباية اسلامية لو لا؟
اني ابتعدت..ايي عندي ليش..
لبسيها فوك ملابسج..
وطلعيلج شال خلي ع راسج..
منا وهيج متذبين الحجاب كدام احد ولبسج كله حيتغير..
وهسه من يسالوج..
كليلهم سيوان اشترالياهم ومنا وهيج هذا لبسي..
واستعجلي انتظرج برا...
قبل ليسمع مني شي طلع...
اني لفيت شعري ع سريع..
وخليت مكياج حتى ليبين علي شي..
رحت طلعتلي عباية لابستها يمكن مرة او لا..
لبستها ..
ولبست وياها شالها ..
وطلعت..
لكيته بالطارمة..
شافني حسيته ابتسم بس مابينها...
طلعنا وطول الطريق ثنينا ساكتين...
وصلنا ونزل وياي..
قبل لا ادخل كال..
ضبي روحج وي حسام بلا ميانة زفرة..
بقلبي اكول ماكو غيرك زفر...

بعدها دخلنا وسلم عليهم بسرعة وطلع...
بس الانظار عليه مثل الي شايفين شبح منصدمين!!
مرت خالو وميقات وخالتي واوان وسماء..
بس الولد محد موجود...
كسر الصمت خالو كال..
فدوة لبنيتي ولج هذا سيوان صدك يحبج...
الرجال من يحب مرة وده يضمها عن الناس كلها..
سماء باوعتلي حست بيه شي..كالت
صحيح خالو نفس كلام رافع من حجبني...
وايدوهم البقية بالكلام...
بس اني ابتسمت..كتلهم بعد شنسوي حكم القوي...
ضحكو هم..
كالت سماء..تعالي ولج احجيلي وين رحتو ..
ترى اني باجر اروح اريد ا شبع منج...
ترخصت منهم وجرتني وياها ودخلنا للغرفة...

اول مدخلنا ذبيت العباية والحجاب ..
جرتني من ايدي وفرتني..
احجي ولج اشو مبدلة..قبل لتكمل كلمته لزمت ركبتي وفرتني...
صخام شتاء شنو هذا ولج؟؟شبيج وجهج مخطوف وجسمج يرجف؟؟
شسوالج ولج احجي...
اوف ياسماء ولج نجيت منه باعجوبة...
وكعدت احجيلها الي صار...
من خلصت كلامي كالت...
هو امبين حبج ..تصرفاته واهتمامه تبين هالشي...
بس المصيبة من سامعج تحاجيني ..
جان متوقع بينكم علاقة انت وكرار...
بس هو ماعليه عتب..يعني شاب ويسمع وحدة تكول هيج ...
وهي اصلا بايعة عليه ثكل..
اكيد اول شي يسوي يحصلها..
يكلج حلال لغيري حرام علي...
بس العتب ع كرار الجبان..شنو حاجيله ياترى؟؟
تعرفين ؟اكدر هسه اتصل بيه واطيح حظه..
بس اخاف عناد بينا يحجي لسيوان..
ومو بعيده حاجي كدامه شي مخبله بي..
لان ليش ورا ماالتقو قرر يعقد..
حتى يكتشف كذبتج..
ويصير حقه ومحد يلومه كلها تسنده...
بس لتخافين حتى لو حجه وعيط وحتى لو ضربج..
هذا مراح ياذيج..
ولو فعلا هو بلا ضمير ..
جان حجه لعهد الي سمعه كله..
وعهد شلون متحبج ..اكيد تسويلها سيناريو وتحجي لابوي..
بس سيوان اكتشفته خوش انسان...
لعد مو سمعته يهدد عهد ؟!
عادي تستاهل التهديد عهد..
واصلا هسه دورج تعرفين شنو وراها..عالاقل ننقذ سمعة ابوج..
حتى لو هو ظالم بس يبقى ابونا..
ورجال تالي عمره تلطخ شيباته مرة ..
مو حلوة بحقة وهو السوك كله يعرفه ..وتعرفين اهل السوك لو عرفو سالفة..
يموت صاحبها ويندفن بس هي تبقى عايشة قرون..
اااه ع كولتج..
لازم اعرف كلشي بس هالشي يصير بقربي وقوة علاقتي بسيوان...
اي تقربي وقوي علاقتج بي..
سيوان رايدج وانت متكرهي..
الجاي اشوفه مو نفس ماجنتي تحجين ع كرار..
جان الحقد بعيونج وتحجين بنرفزه عن كرار..
بس هسه سيوان دايفج بالصحراء ومكفخج وحتى ما جبتي سيرته بسوء ..
حتى اسمه ماكلبتي...
عابتلج غير تدورين سوالف تعبانة...
بس ولج هذا يشرب وعنده سوالف نسوان...
اكلج وشوشة...
هو نص الشباب تشرب ..بس المرة الحوك تخلي يعوف حتى الجاي مو بس الشرب..
اما النسوان فهو يحبج..
والرجال لو اخذ اليحبها ولج ينعمي وينثول..
هذا رافع تسولفلي امه..
تكلي قبل شكد لحيت يتزوج وميقبل..
وتعرفين يابنتي شباب وطايشة وسوالف نسوان..
بس من خطبج رجع ابني الربيته وتعبت بي..
كمت ادعيلج بكل صلاة لان ابني انعدل بسببج..
فيا وشوشة انت عليج تصلحي لسيوان..
بس قبل هالشي لازم يصلح نظرته بيج...وتثبتيله عكس مافكر بيج...
وارجع واكلج حقه يفكر بسوء...
لان اولاً لبسج فاضح..انت اختي واعرفج طاهرة واشرف من هواي يدعن الشرف..
بس المظهر اله دوره..
وانت لبسج يفضح ميستر..
وجسمج حلو ومرغوب وبشرتج تجذب..وشعرج يخلي الميريد يباوع يلتفت..
ومنا سمعج تكولين خدعني بحبه واخذني ..يعني شتردي يكول عنج؟؟
هو هسه نظرته عنج مغلوطة ومشوشة..
الي تسوي هسه تصرفي نفس ماانت ببرائتج وبطهارتج..
حتى يعرف مو تمثلين عليه ..وكذلك انستري..
حتى يعرف انت مو نيتج تتعرين بس مجرد تعودتي ع نمط لبسج...
صح كلامج ..الله يخليج الي ماعرف بدونج شنو اسوي..
حضنتها وبقيت نايمة يمها..
يوم ثاني راحت...
بس سيوان ابد مااتصل او سأل..

مرت كم يوم ورجعت عهد للبيت..
ورجعت اني والاطفال..
بس شوي متحسنة عن قبل احسها..
يمكن المرض صارلها كرصة اذن..
اني قايمة بالبيت ع اتم وجه والاطفال عندي..
هي حركتها بسيطة..
بس الاحظها تريد تحجي فد شي ومترددة...
بس ماحسستها كلت لوحدها تحجي..
اجتلي جنت بالمطبخ الظهر كالت اريد اروح للدكتورة..
واستحي من ميادة زوجة اخوي لان تعبت وياي ماكدر اكلها...
تقبلين تجين وياي؟؟؟
كتلها اوكي شوكت ؟؟
فد شوي ونروح حجزت عد دكتورتي...
اوكي رح اتحضر...

عفتها ورحت بدلت لبست فستان كامل وشال..
بس الشال مااضبطه مخليته هيج ..
وطبعا لسيوان لهسه مااتصل...
المهم صارلت ثلاثة ونص وطلعنا..
وصلنا للعيادة وكعدنا ننتظر...
شوية وصاحو باسم عهد وراحت..
اني كاعدة والاطفال يمي اخذتلهم عضاضات وياي من البيت..
يلتهون بيها شوي مو كله ملهيه...
راحت عهد ورا شوية اجت ..
تمشي بطيء هي كل حركتها صعبة..
جابت الوصفة واخذتها منها كتلها اني اجيب الدوا كعدي...
طلعت اخذت الدوا ورجعت..
كتلها ابقي اني افوت للدكتورة وتعلمني واعلمج عليه..
لان شفتها كعدت كلت شيكومها..
فتت اني للدكتورة وكتبتلها التاشيرات ع العلاج..
سالتني شتصيرين من عهد بابتسامة..
جاوبتها اني بنت زوجها..
كالت خوش كلام..
اريد تحاجين بابا هالفترة يراعي نفسيتها...
لان الرحم كلش اله دور بمزاج المراة..
وخطية هي بعمر الورد وفقدت رحمها هالشي صدمها..
ولخاطره جازفت بنفسها وحملت بالاطفال التوام ..
رغم رحمها تعبان من صار عدها الاسقاط قبل كم سنة..
والطفل جبير..
وحذرتها كتلها اذا صار حمل لازم تراعين هواي امور ..بس هي لخاطر ابوج ماراعت..
ومن ولدت منعتها منعا باتا تحمل..
الى ان تمر خمس سنوات ع اقل..
بس جازفت وحملت وخسرت رحمها...

للحكاية بقية
بقلم شقراء (قمر كانون)

***********************
مرحبا حبيباتي ..اسفة اليوم ماانزل لان مكاتبة بس حوار واحد ..اهلي يمي وهسه راحو ومكدرت اكتب بقيت بس ع كم كلمه كاتبتها من البارحة بس اليوم ماحصلت فرصة..
التقيكم باجر انشالله