رواية ??هجير الشتاء?? الفصل السابع 7 - بقلم Shaqraa

هجير الشتاء
الجزء الخامس

عزااا شرايد مني انت اطلع براا...
جريت الغطا خليته ع رجليه ..
وهو سد الباب واجه يمي..كعد ع السرير اني جرجعت ليورا..
شلون تفوت هيج ماعندك عرض انت ماتفكر؟؟
اهدأي وسمعيني عدل..
اني احبج شتاء ماجاي اتحمل اشوفج كدامي...
حطيت ايدي ع حلكي وابجي بحركة..
كااافي بس..لتكول احبج وانت معيشني برعب..
صرت كابوس بحياتي...
تريد تحب غيري وتزوجها اني مااريدك ..
فك مني ماشفت مثلك قابلية اني...
بس اني احبج واذا قبلتي بيه احطبج اصلا اتمنى...
مراح اقبل بيك لان كرهت تجاوزك ووقاحتك ..
تصرفاتك عمت عليك..
وهسه اطلع من الغرفة لا تفضحني وتفين حظي...

تقرب عليه كلش حط وجهه بوجهي...
يعني هذا اخر قرار الج متريديني؟؟
هو يحجي واني ارجف وحيلي راح..
احجي برجفة وكوة تطلع الكلمات..
ايي عفيه وخر عني ...
اوخر ؟؟؟بعيني تدللين بس مو قبل مااشوفج كرار شنووو...
لزمني من شعري حيل وذبني ع السرير صار فوكي..
احساس الخوف عندي مينوصف..
جسمي احسه برد مثل حسم الميت..
بحيث احاول احرك بنفسي مااكدر..
صرت احس صوت قلبي يدگ براسي وببطني...
وهو فوكي ويتمتم وصوته ينصى..
انيي اعرف شلون اخليج تتوسلين بيه ..
الا اخذ اغلى شي عندج ويبوس بيه واني اقاومه..
مد ايده يفتح البرنص..
بس هنا احس مقاومتي تضاعفت..
بقيت ارافس احس طلعت قوتي كلها..
فقد اعصابه من مقاومتي اله ..ضربني ع رجلي حيل واني مشنجتها اصلاً..
شاغت روحي وفقدت المقاومة كلش ..
فتح البرنص وبقى ينهش بجسمي ..
حسيت بدوخة الم رجلي يدك براسي..
دقايق ودخت كلش صارت مثل الهالات السود وحدة تدخل بالثانية..
الى ان غمضت ...

فزيت ورا وقت..لكيت نفسي متغطية والبرنص مسدود..
كعدت مخروعة اباوع لجسمي..
ارجف واخاف اتحرك..
بس احس اكو الم عندي..
دخيلك يارب دخيلك لا لا..
اخاف اباوع واشوف دم..
باوعت بصعوبة وخوف..شفت دم بالبرنص مالتي بس قليل كلش...
ركضت للحمام بقيت ابجي واضرب برجليه..
صخااام الصخمني وييين اروح ..
شنووو اكول ...
معقولة سوا هالشي بيه هالكد قذر وخسيس!!!
شسوي هسه اخابره؟اذل نفسي اله؟؟
طز بكرامتي المهم شرفي..
خل اخابره..
غسلت وجهي وطلعت من الحمام ودكيت عليه..
باول رنة فصله ورجع اتصل..
كوة طلع صوتي ..الو كرار..
هلا بالصوت..ها شتكولين احاجي عمي عزيز وامج حتى اخطبج؟؟
الله ينتقم منك ويخليك بحيرة مثل حيرتي هاي..
حجيتها وبجيت حيل..
احجي وياهم وخلي بالك اسبوع واتطلك منك ياقذر..
اوووف منج متحمل لسانج هسه ..بس بعدين تعرفين شسوي..
شوفي الاريده منج توافقين لو سألوج لان اعرف حيرفضوني..
ورح احاول هواي لحد ميوافقون ..
بس اذا ماوافقو وقفلو كولي ترديني فاهمة؟؟
وليش ميوافقون؟؟شبيك انت؟؟
بعدين تعرفين يلا حضري نفسج ورجعي لغرفتج ..
حتى بس يجون احاجيهم..
سديته منه واني دايخة ليش ميوافقون!؟
فوك مصيبتي انوب ميوافقون؟؟
رجعت للغرفة لكيت البنات نايمات..
ارتاحيت حتى ليشوفوني بهالوضع..
تمددت بفراشي ومغمضة ودموعي تصب..
ياترى شنو مصيري..؟
شنو هالبلوة المالها حل.
احس راسي صار شكده من البجي..
غفيت نن الدوخة والوجع..

كعدت ساعة ب11 بالليل..
جانت امي ومرت خالي يمنا..
كالو ننتظرج حتى نتعشى..
امي شافت وجهي انهبطت..
وج ماما شنو عيونج مورمة شبيج؟؟
مساع مثل الورة مفتحة..
اوف ماماراسي حيطك يوجعني كللش..
حاولت ادعي المرض..او فعلا ً راسي حيطك..
بس مو هو سبب هالشي..
حاولت وياي حتى اكل كتلها نفسي تلعب ماريد..
كالت..مساع كرار حاجانه بموضوع..واني نهيته من يمي ..
بس لخاطر خالج وخالتج كلت احجي كدامج ولو اني قراري حاسمته..

فز قلبي ورجليه بادت وبقيت ابلع ريكي مااكدر واصلا حلكي يابس كلش..
شوفي ماما اني كدام خالته احجي هالشي..
هي اخيتي الماجابتها امي وتعرف غلاتها..
اباوع لخالته مبتسمه بس بقهر..
كالت ماما كرار طلبج للزواج واني رفضت..
اني فتحت عيوني حيل..
شنوو يعني ليش؟؟
امي استغربت ..شنو ليش يعني؟؟رفضت؟؟
لا قصدي ليش طلبني..
لان منعجب بيج وباخلاقج ورادج..
بس ماما اني كدام خالته كتله..
انت شاب اخلاق وجمال ومعدل وشايل نفسك وضعك ممتاز..
بس بنتي بعدها صغيرة وحلوة..
ليش انطيها لواحد ضعف عمرها وبعده ع وشك طلاك حتى ممطلك!!!
يعني ممتوازية از..قبل لتكمل ماما قاطعتها..
شنو طلاك منو ؟؟؟
طلاكه هو مو صارله 3 اشهر هو مرته مشاكل وعرايك..
وهسه ماشي باجراءات الطلاك يكول!!!!
امي تحجي واني اعيد بيني وبين نفسي بكلامها..
مادري تخبلت..لو ردت روحي اسمع عدل؟!
يعني كرار متزوج!!!
زين ليش مادري اني؟؟
واذا متزوج شورطه وياي..
ماعرف زين هسه اني شسوي!!
احجي مصيبتي المن..
لأمي الي السكر اكلها وصارت عوده من المرض..
لو لاختي الي متعرف شسوي لان حالها حالي لا حول ولا قوة الا بالله العلي العظيم...
كملت كلامها امي وكالت..
البنية مثل الجسر عبارتها هواي..
ومابيها شي اليشوفج يخطبج ..وهو لو ماوضعه اافرط بي..
لان والنعم منه..
عفتها تحجي بقيت صافنة..
مامنتبهه لكل اليمي..
اخذت الفون وشفته مراسلني..
ويعتذر لان ماكال ع زواجه لان الاول عباله اعرفتالي خاف يحجي..
بقيت اباوع للفون ..
دزيتله تصرف من يمك المهم تخلصني..'واذا قبل اكرهك مرة هسه اكرهك اضعاف...
فعلا اني اكرهه وكرهته اكثر...

رجعت تمددت البنات يسولفن وبالي بغير مكان..
مرت كم يوم واني متعتكفة بالغرفة والمرض زاد ..
فلاونزا ع صخونة ع هبوط ضغط..
وكرار كل يوم يحجي وي امي وهي رافضة رفض قطعي..
اخر شي كتله كرار رح احجيلها الصار حتى توافق اني خايفة من الانتظار..
جنت اخاف يمكن اطلع حامل..
وهنا تصير الكارثة مضاعفة...
رفض كرار كال ننتظر مانستعجل ...
واني اريدج ومصيرنا نتزوج مستحيل افرط بيج..

رجعنا من السفر ونمت كبلحتى ماشفت احد..
ماكعدت الا يوم ثاني بالعشرة..
اسمع امي وسماء يسولفون بخطوبة..
فزيت من مكاني بسرعة عبالي الي..
شكو ماما منو يريد يخطب..
ههه ولج شكد فضولية وتحبين الاخبار..
اي هسه قابلة ادور اخبار بيت ام لؤي جيرانه...
غير شي خصنا واخذني الفضول..
اي اعرفج ماتصبرين..
بس رافع ابو الشركة مال السياحة خطب اختج مني قبل لنرجع ..
واني كتله يدز اهله..
فرحت حيل اباوع لسماء وجهه احمر وامبينه فرحانة حيل..
كتلها امبين خوش ولد وابن عائلة..
ايي انشالله يجون اهله وابوج يسأل ويصير خير..

للعصر اجو اخوات رافع 3 وامه ..
ومشت الامور تمام وانعجبو بسماء وبس يمدحون بنزاكتها...
راحو وكالو ننتظر منكم خبر..
امي حاجت ابوي وكال انطيني اسمهم هالامور..
ورا يومين كال ابوي ميحتاج اسال عنهم اصلا.

ناس طيبة وذهب الهم سمعتهم..
حيل فرح من عرف رايدين سماء وهو معجب بيها واهله حيل عجبتهم..
لان حان يكل لامي متعرفين تربين..
وجبتيلي بنات ماوراهن بس الهم والمشاكل..
حقه لو يدري بمصيبتي..
جان كره البنات وكره نفسه..
يمكن يؤدني ع مصيبتي ومايشفى غليله..
رجعو خبر للناس واتفقو حفلة الخطوبة والعقد الجمعة..
سماء طايرة من الفرح اباوعلها شكد فرحت الها..
حتى التهيت عن مشكلتي وفرحت وياها..
وهم اتمناها تتزوح قبلي ..
حتى لو عرفو بوضعي او انكتلت ومتت سماء متتأثر..
لان يأست من وضعي وامي قافلة..
بس كرار بعده يحاول وما تراجع..
اني دراستي هملتها حتى من افتح الكتاب ينترس دموع واسده..
ماعرف شنو مصيري باجر شيصير..

تحضرنا لخطوبة سماء وساعدناها بتجهيزات الخطوبة والفساتين..
اليوم خميس وباجر خطوبتها ..
كاعدين نقيس الفساتين العصر ..
وطبت عهد جانت برا ماعرف وين..
خزرتنا وصعدت..
واحنا سفيهات نضحك ونركص ..
ورا شوية نزلت تعيط ولازمة بالدرج كوة..
امي يمنا بس شافتها راحتلها تركض..
وهي تعيط لحكولي وملابسها ناكعة..
ساعدناها وااخذتها امي للمستشفى واني رحت وياها ..
بقت سماء بالبيت كنالها خابري بابا..
وصلنا للمستشفى واخذوها ورا شوي وصل بابا مفزوع..
اجه يركض كتله بعدهم هسه اخذوها وامي وياها..
ورا شوي اجت امي كالت وضع الاطفال خطر لازم توقع عملية ع مسؤوليتك..
راح وسوا الاجراءات ومخبوص وخايف ..
عبالك اول مرة يخلف يحظي..
اخذوها عمليات واحنا ننتظر..
صارت ساعة ب8 بالليل وطلع الدكتور..
كال الام وضعها زين ..
والبنت ايضاً زينة..
بس الولد متاذي وماانطيكم جواب لان مااعرف اذا عاش لباجر لو لا...

للحكاية بقية
بقلم شقراء (قمر كانون)