رواية ??هجير الشتاء?? الفصل الثامن 8 - بقلم Shaqraa

هجير الشتاء
الجزء السادس

ابوي من سمع بخبر الطفل انخطف لونه..
بقت امي تصبر بي!!
اخ ياقلبج يا ماما شكد جبير وشكد صبورة ..
هو يباوعلها والدمعة بعينه..
وراها كال رجعو للبيت اني ابقى وياهم..
رجعنا خطيه امي تعبت كلش..
بس رجعت نامت..
واحنا هم تعبانين من التحضيرات اني وسماء..
نما ع وكت ويوم ثاني كعدنا من الصبح واجو خوالي
وخالتي وعوائلهم..
اخذنا حسام اني وميفات وسماء للصالون...
لورا الظهر خلصنا..
اجه حسام اخذنا ورجعنا للبيت..
فرحانين بسمسمة ومسويلها اجواء..
اوان وميقات وبنات خوالي البقية وجناتهم..
وبنات عمامي هم ويانا..
الى ان صارت بالخمسة واجو اهل رافع...
طبعا ابوي بالكوة قنعوه يجي للعقد مايقبل يترك المستشفى..
بس اجه وتم عقد سماء وفرحت لاختي من كل قلبي ..
حسيت بارتياح ..
سماء صارت بعصمة رافع وخلصت من ابوية..
مراح تبقى عانس لو اني انفضحت..
بس بنفس الوقت حسيت غصة بقلبي..
حسيت اني رح انحرم من هالفرحة..
اااه شتاء تركي هالامور فرحي لاختج وبس....

خلصت الحفلة وراحو وبقى بس رافع..
ابوي راح للمستشفى مكابل ابنه وبنته ومرته..
ماقبل يسميهم الا الولد يتعدى مرحلة الخطر ويتطمن عليه..
لحد يوم ثاني الظهر..
كاعدة اراجع بمادة الاحياء...
بس بالي بعيد كلش وصافنة بوضعي..
الى متى ابقى عايشة بهالرعب..
صرت اخاف اكثر..
خصوصا امس بحفلة سماء هوايه خطبوني ..
صرت افكر بهالموقف لو صار وابويه وافق ...
شنو حيكون موقفي وشلون احجي لو اسكت...
بين تفكير وتفكير سمعت عياط برا صوت ابوي يغلط ويهادد...
طلعت لكيت امي ملزمة بي وهو بيده سلاح وجاي ع جهة غرفتي!!!
جفلت وصارت اطرافي كلها ترجف...
احت ببالي هو عرف بكرار مغتصبني..
واجه حتى يغسل عاره ...
بس شافني طفلر عليه وامي تصرخ وتصيح معلينه ..
مرتك بس دخلت من الشارع ورا شويه نزلت تطلك!!
احس مثل الجان بجاثوم وكعد..
تنفست وارتاحيت بداخلي..
يعني ابوي ماعرف شي..
بس ليش يهادد وشبيها عهد؟؟
بس فهمت من بقى يعيط ..
بنتتت الكلب اليوم اكتلج واخلص منج...
ولج تضربين عهد شرايده منهااااااا؟؟؟

احترك دمي من كال هيج!!
منو ضاربها زفت حتى وهي بيد الموت تتبلى ...
بعد الله شيسوي بيها ...حتى ابنها راح يموووت من عمايلها...
ابوي من جبت سيرة ابنه تخبل...
دفع امي حيل عني ولزمني من شعري..
احسه شلع فروة راسي...
ولج..... تضربيها تريد تموتين اخووووج؟؟؟
ولج انت مو بنتي انت نغلة...
اليوم الا ابيتج بالنجفففف...
يحجي ويعيط ويضرب ..
جر اقسام السلاح..عاطت امي عيطة وياها شهكة سدت اذني.....
رخى ايده مني واندار عليها...
خلصت نفسي منه ورحت اركض...
اركض لامي اريد اصحيها...
بس من كعدت يمها لكيت عيونها الحلوة مفتوحات..
وعينها اليسرى تصب دمع...

هزيتها ماما ماما هاي اني ماكتلني ابوي كعدي..
حطيت اذني ع صدرها..
مااسمع نبض..
رفعت راسي مبتسمة..
فدوة لعمرج ماما حتى قلبج هادئ ميطلع صوت من ينبض...
كل الاتذكرة بقيت كاعدة يمها..
هي مددة بالارض يم غرفتي..
وراسها مايل عليه وعيونها مفتوحة وبيها دمع بعينها اليسرة..
واني تمددت يمها ..
جريت ايدها اريد انام عليها ..
لكيتها خشبة..
نمت ع صدرها واشم بيها..
اباوع ابوي كاعد بالارض وايده فوك راسه وعينونه حمرة ..
ماخفت منه لاني نايمة بحضن الجنة...
لحظات غمضت وماحسيت بشي...

ورا يوم كامل يلا كعدت..
اباوع نفسي بالغرفة  وحدي...
فتحت الباب وطلعت والبيت هوسه وناس..
كلها لابسة اسود وتلطم وتصرخ..
بقيت اتلفت بعيوني..
شافتني خالتي ..جانت كاعدة بالنص وتلطم ع وجهه..
اجتني تركض وجهها ازرك من اللطم..
وحضنتني حيل وتنحب...
وخرتها وصفنت بوجهه ..
فدوى شبيج تبجين ليش حزينة...
احنا مرات خالتي نكلها باسمها متعودين...
هي صفنت بوجهي ييمه البنية شصار بيها وزاد البجي..
بنفس اللحظه اجتلي سماء وميقات يركضن..
يحضنون بيه..
واني فاصلة...
بس صافنة وماعرف حتى احساسي شنوو....
اخذوني للغرفة ويشبكون بيه وماعرف شسالفه..
رجعت نمت من الدوخة والصداع...

كعدت بالليل...
الغرفة بيها خالو عزيز وحسام وخالتي ميقات ..سما..اوان...
باوعتلهم مصفنين وعيونهم تجري...
كعدت واحس غوشت عيني..
فركتها وحاجيتهم..
انتو ليش حزانى ..شبيكم مثل الغربان مسودين..
صفنو بوجهي ..ورجعو صفنو بوجوه بعض...
كال خالو...
بنيتي ارضي بامر الله.،
الموت حق والله عادل وما يبخس شخص حقه...
احنا كلوبنا موجرة..
بس لخاطرها لازم نرضى بالقضاء حتى لا تتاذى بقبرها..
اني صافنة:.بقيت اضحك..
هههههههههههه قبر منووو هههههه...
اباوعلهم باهتين وصافنين...
اجالي حطني ع صدره..
يبعد خالج ورويحته شبيج لا تسوين بنفسج هيج امج تتاذى وهي بقبرها...
رفعت راسي بوجهه ...
هههه خالو شبيك لا تتشاقى هيج...
وخرت من صدره صرت ابتسم لوحدي..
اباوعلهم كلهم عيونهم بقت تصب بغزارة..
بيهم الغطى وجهه..بيهم البقت تنحب وتشهك...
واني مصفنة واضحك ...
اخر شي اجه يمي حسام..
رفع وجهي وحط عيونه بعيوني...
شتااااء اصحي مو زين عليج هيج كافي عاااد...
اباوع لسماء بحضن خالتي..
بس تهتز بالبجي وصافنة عليه بخوف...
اني اسمع اليمي بس مثل الشخص اليدخل بيت غربة..
يفهم لغتهم بس ميعرف عن شنو حديثهم..
رغم هو يفهمه ..بس يجهل مقصده...

باوعت لحسام..شبيها سماء..
ليش تبجي سمسمة؟
اباوع حسام صافن بوجهي ويفرك بوجهه ..
رجع شعره ليورا..
مثل الي جاي يتحضر لشي...
رجع باوعلي..
شتاء امج ماتت..ابجي حزني طلعي قهرج بس لا تبقين هيج..
لا يصير بيج شي..
ضحكت حيل...ههههه امي مماتت ..
امي موجودة..
لااا مات من امسسسس...
هههههههه انجب هههههه ...اضحك بهستريا...
ماسكتني الا راجدي حسام...
ضربني حيييل احس خدي بقى يون...
طفرو عليه كلهم...
واني بس ضربني عطت....
ذبيت نفسي بحضنه واصرخ...
هو يبجي وياي والكل بقت تبجي على بجيي...
بقيت اصرخ وبجي بحركة قلب..
اغلط ع ابوي وابجي لحد مااغمى عليه...
ورا شوي كعدوني وغسلو وجهي..
واني عيوني تصب وبحضن خالتي ومرت خالي...

يوم ثاني اجت الملاية..
بدت تقرا واني فقدت..
دكيت ولطمت لحد مافقدت الوعي..
وبس يكعدوني ارجع اصرخ والطم...
كل الموجودين يبجون ع حالي...
بدت الملاية تسوي ردة...
وياج وياج ..ماانسى حنانج ورباج..وياج وياج..
يايمة دفنيني..
بقيت كاعدة واردد وياها...
وياج وياج يايمة لا تنسيني..
بعدها بقيت الطم من كل قلبي...
ولج يوووووومممممممه ....ولج ماااااامااااا ليييش متي لييييش...
المووووت مو الج مااااااااامااااا.....
وفقدت الوعي..
بقيت ع هالوضع الطم لحد ماافقد الوعي ومن افقد ارتاح...
باخر يوم سوولها ختمة..
ومن كد الدك واللطم احس حيلي مهدود..
وصوتي ابد ميطلع صرت بس اشارات..
بقيت نايمة ع رجل خالتي ..
غفيت..
شفت امي فتحت الباب وفاتت..
فزيت وكمتلها..
هااا ماااما اجيتي ماميته انت ماا ميتة مووو...
بقت تبتسملي وخدودها مال قبل الورديات...
ولابسه لبس يجنن..
انطتني ماعون تمر ..ماما هذا الج حلي حلكج بي...
اخذته من ايدها كعدت اكل رفعت راسي ردت احاجيها مالكيتها...
عطت حيل ماااااااماااا....
حضنتني خالتي وسماء وبقو يقرون عليه...
وكعدت اتذكر شكلها شكد جان حلو ومريح....
باوع الناس رايحة..باقين بس الاقارب..
وهم ماتركوني وياي وياي..

مرت كم يوم وخالتي خطية ومرت خالي راحو...
بقت يمنا ميقات...
اباوع لسماء وضعها اضرب من وضعي...
بس طول هالفترة ماشفت ابوي...
من سالت سماء كالت...
عهد طلعت من المستشفى وماخدها يم اهلها..
ونص وقته هناك يمها..
لان الولد تحسن وطلعو..
بس هو مقهور ع امي..وصايرة عنده بداية ذبحة..
ههه مقهور!!!لعد منو موتها منوووو؟؟؟؟؟؟؟؟
نعرف شتاء هو السبب..
بس ربج عادل ومايضيع حق..
واذا امي ماتت بسببه لان راد يكتلج فهي راحت مظلومة..
بس ارتاحت وراح تنال اعظم جنة لصبرها عليه ..
بس هو الظالم الي سبب بموتتها وماذينه..
صدكيني ياخذ جزاءه شكد مايطول الزمان...
طبعا اني حجيت لسماء الي صار ..وعرفت ابوي كاييلهم تعاركت وي شتاء وامها تخربطت وماتحملت..
طبعا من بعد ماصاحي بالمستشفى مسولفلهم..
لان بس مخابر خوالي وماخذين امي هو متخربط...
ومن حاجيلهم متعاركين ويا بس بالاول والاخير هي مريضة..
وجانت قبلها بيوم سكرها صاعد..
لهذا شافو عود متاثر لان صار سبب وساكتين..
واني اعرفهم سكتو لخاطرنا..
لان يعرفو مو ادمي....
وحسب ماعرفت الطبيب كايله مرته مضروبه ع بطنها..
لهذا وضع طفلها تعبان..
وهي كايلتله اني متعاركة وياها..
لهذا اجه هاد عليه...

بعدها اجت عهد جابها ابوي وياها الاطفال..
صعدهم واجه يمنا..
انطانا كم تهديد على كم قانون..
وطلب نحسبها بالطبخ ويانا..
ونساعدها بالاطفال...
وبكل صلافة يحجي ويتامر ويشوفنا مكسورات...
طبعا كرار هالفترة ماتركني..
يرسل ويخابر ويسال..
بس كم يوم صارله ماكو..
واني اصلا مااسال عنه..
سماء بدت تمتحن واني ابتلشت بالبيت...
بس عهد اني وياهها حية وبطنج..
مانتشاوف اذا مانتعارك..
بس اطفالها مخليه بالي منهم..
لان معليهم خطية اطفال..
الولد اسمه مهيمن والبنت اسمها مريام..
وحلوين حيل ينحبون..
مرات اصفن بيهم اكول خطيه هاي امهم..
تالي يصيرون مثلها...

مرت الايام واجه موعد امتحاني..
بلست امتحن واني كلشي مدارسه..
الاتذكره من قبل اكتبه...
وع ماخلصت امتحانات الا ابوي شالع قلبي..
لان جنت اعتني بالاطفال وهالفترة تاركتهم..
بسسماء تسد عني وماتقصر..
طبعا كرار ماله حس..
وردت اعرف اخباره..
حاجيت ميقات وسولفنا تالي سالتها..
كالت حتى احنا مايمرلنا..
لان مرته حامل ووضعها كلش صعب ..
لازم ماتتحرك ولا تكوم!!!
شلون حامل؟؟مو منفصلين ع اساس ويريد يطلكها؟؟؟
اي صح وهو اصلا من الاول يريد اطفال بس ماكو..
بس من عرف بيها حامل رجعها ماصارلهم كم يوم من رجعو...
وملتهي وياها كلش...
يعني هسه هو رجعها؟؟؟
اي اي رجعو ..
حتى بابا كله انت مو كلت تطلكها وخطبت شتاء الف مرة..
زين ماانطيناك البنية وتالي رجعت عليها ضرة..
كال..
عمي مليت ..ابوها مرتين اروحله ويطردني..
واخر مرة كلي مخطوبة واذا وصلت وطلبتها اوديك بداهية..
لو تبقى اخر رجال ماانطيك...
عزااا ابوي هيج حاجي؟؟؟
اي لحد مامل كرار ومن عرف بمرته حامل رجعها يكول لبابا..حتى لا اخسر الثنين عاد احصل مرتي وابني...

للحكاية بقية
بقلم شقراء(قمر كانون)
طبعا الواتباد كلش تعبني اليوم يلا انفتح اعذروني ع التاخير غوالي